Author: Vishwanews.com

काठमाडौं । नेपालमा पछिल्लो २४ घण्टामा थप १ हजार ७ सय ५ डिस्चार्ज भएका छन् ।

स्वास्थ्य तथा जनसंख्या मन्त्रालयका प्रवक्ता डा. जागेश्‍वर गौतमको अनुसार देशको विभिन्न अस्पतालबाट थप १७०५ जना उपचारपछि निको भएर डिस्चार्ज भएका छन्।

यो सहित डिस्चार्ज हुनेको संख्या १० हजार २९४ पुगेको छ।

काठमाडौं  । नेपालमा पछिल्लो २४ घण्टामा थप १ सय ४४ जनामा कोरोना संक्रमण पुष्टि भएको छ।

स्वास्थ्य तथा जनसंख्या मन्त्रालयका प्रवक्ता डा. जागेश्‍वर गौतमको अनुसार २४ घण्टामा पिसिआर विधिबाट ५ हजार ८ सय ५६ वटा नमुना परिक्षण गरिएकोमा १ सय ४४ जनामा कोरोना संक्रमण पुष्टि भएको हो ।

योसँगै नेपालमा कोरोना संक्रमितको संख्या १६ हजार ९४५ पुगेको मन्त्रालयले बताएको छ ।

पछिल्लो २४ घण्टामा थप १७०५ जना उपचारपछि निको भएर डिस्चार्ज भएका छन्। यो सहित डिस्चार्ज हुनेको संख्या १० हजार २९४ पुगेको छ।

कुल संक्रमितमध्ये ३८ जनाको मृत्यु भएको छ।

तनहुँ । नेपालको पहाडी भेगमा पहिरोले ठूलो जनधनको क्षति गर्ने क्रम जारी रहेको छ । सोहीक्रममा तनहुँमा समेत विभिन्न स्थानमा गएको पहिरोले ११ जना मानिसलाई वेपत्ता पारेको छ । अविरल वर्षापछि जिल्लाका थुप्रै स्थानमा पहिरो गएको छ । प्रहरीका अनुसार पहिरोमा ऋषिङ गाउँपालिकाका–८ पल्ट्याङका एकै घरका ५ जना वेपत्ता छन् ।

व्यास नगरपालिका–९ माझकोटमा घर भत्किएर ४ जना र व्यास नगरपालिका–९ मा एक बृद्धा हराइरहेकोजिल्ला प्रहरी कार्यालय तनहुँले जानकारी दिएको छ । यसरी म्याग्दे गाउँपालिका–१ का एक सहित तनहुमा ११ जना बेपत्ता भएका हुन् । ऋषिङ गाउँपालिका–८का अनबहादुर थापाको ५ जना एकै घरका छोरा, बुहारी र नातिनी भएको प्रहरीले जनाएको छ ।

उता, व्यास–९ माझकोटको केशरबहादुर थापाको घर भत्किदा ४ जना र सोही ठाउँका मान बहादुर घर्तीको ७० वर्षीया महिला हराइरहेको प्रहरीले जनाएको छ । घटनास्थलमा प्रहरी पुगिसकेको र उद्दारको काम जारी रहेको बताइएको छ । गण्डकी प्रदेश यस वर्ष पहिरोका कारण सबैभन्दा बढी प्रभावित भएको छ । यस प्रदेशको म्याग्दीमा २० जनाको मृत्यु भइसकेको छ । ११ जना अझै वेपत्ता छन् । लमजुंग र कास्कीमा समेत पहिरोले मानवीय क्षति गरेको छ ।

काठमाडौं । साझा पार्टीबाट दुई प्रभावशाली नेता सूर्यराज आचार्य र मुमाराम खनालले पार्टी परित्याग गरेका छन् । दुई सचिवालय सदस्य पार्टीबाट अलग भएसँगै साझा पार्टीलाई भने ठूलो धक्का लागेको छ । आइतबार बसेको पार्टी केन्द्रीय समिति बैठकमा उनीहरुले पार्टीबाट बाहिरिने जानकारी गराएका हुन् ।

पार्टीका सहप्रवक्ता शरदराज पाठकले उनीहरूलाई अहिलेसम्मको योगदानका लागि धन्यवाद दिएर विदा गरिएको जानकारी गराएका छन् । पार्टी बाहिर बसेरै सहयोग गर्ने प्रतिवद्धतासहित दुई नेताले पार्टी त्याग गरेका हुन् ।

पार्टीका संयोजक रवीन्द्र मिश्रसँग निरन्तर विवादमा रहेका उनीहरुले पार्टी त्याग गरेका हुन् । विगतमा नेताहरुलाई गाली गर्दै राजनीतिमा छिरेका मिश्रको पार्टी दुई पटक चोइटिसकेको छ ।

यी दुई नेताले पार्टी संगठन भंग गरी नयाँ शिराबाट अघि जाने उपाय राखेका थिए । मिश्रसहित केही नेता भने साझाबाटै फुटेर चोइटिएको विवेकशीलमा मिल्ने पक्षमा थिए । सोही विषयमा असहमति भएपछि नेताहरु अलग भएको बताइएको छ ।

काठमाडौं । नेपालमा पछिल्लो २४ घण्टामा थप ८२ जनामा कोरोना संक्रमण पुष्टि भएको छ।

स्वास्थ्य तथा जनसंख्या मन्त्रालयका प्रवक्ता डा.जागेश्‍वर गौतमको अनुसार २४ घण्टामा पिसिआर विधिबाट ३९१६ वटा नमुना परिक्षण गरिएकोमा ८२ जनामा कोरोना संक्रमण पुष्टि भएको हो ।

स्वास्थ्य तथा जनसं‌ख्या मन्त्रालयका अनुसार कोरोना भाइरस संक्रमितको संख्या १६ हजार ८ सय १ पुगेको छ ।

पछिल्लो २४ घण्टामा थप १ सय ४७ जना उपचारपछि निको भएर डिस्चार्ज भएका छन्। यो सहित डिस्चार्ज हुनेको संख्या ८हजार ५ सय ८९ रहेका छन्।

कुल संक्रमितमध्ये ३८ जनाको मृत्यु भएको छ।

झापा । झापामा नदीमा बगेर एक जनाको ज्यान गएको छ । अर्को एक जना वेपत्ता रहेका छन् । कन्काई नदीमा आएको बाढीले बगाउँदा झापाको झापा गाउँपालिका–५ का ३५ वर्षीय राजेश गणेशको मृत्यु भएको प्रहरीले जनाएको छ । उनी मलामी गएका थिए । त्यसक्रममा पौडी खेल्न नदीमा पसेका उनलाई बाढीले बगाएको बताइएको छ ।

खोजी तथा उद्धारका क्रममा प्रहरीले उनको शव बाह्रदशी गाउँपालिका–२ मा फेला पारेको बताएको छ । उता झापाकै भद्रपुर नगरपालिका ३ मा मेची खोलाले बगाउँदा स्थानीय ३३ वर्षीय हिरण राई बेपत्ता भएका छन्‌। उनी नुहाउन नदीमा पसेको प्रहरीको भनाई छ । उनको खोजी भइरहेको बताइएको छ ।

अहिले देशभर बाढी र पहिरोले ठूलो मानवीय क्षति गरिरहेको छ । पहाडी भेगमा ठूलो पानी परिरहेका कारण तराईका नदीमा समेत पानीको वहाव बढेको छ ।

सिन्धुपाल्चोक । सिन्धुपाल्चोकमा पहिरोमा परी हराइरहेका २० जना नागरिकको खोजी कार्य शनिबार समेत जारी रह्यो । तर, उनीहरुबारे कुनै जानकारी भने प्राप्त भएन् । बाह्रबिसे नगरपालिका ५ जम्बुमा बुधबार राति गएको बाढी पहिरोमा परी २० जना वेपत्ता रहेका छन् । लगातार परिरहेको वर्षापछि आएको बाढी र पहिरोमा परी धनजनको ठूलो क्षति भएको छ ।

तर, सडक अवरुद्ध भएको र पहिरोले ठूलो क्षति पुर्याएका कारण वेपत्ताहरुको खोजी कार्यमा भने कठिनाई उत्पन्न भइरहेको छ । शनिबार पनि बेपत्ताको खोजी जारी राखिएको प्रहरीले जनाएको छ । शनिबार काठमाडौंबाट समेत उद्धार टोली उद्दारमा खटिएको थियो । बाढी पहिरोका कारण सिन्धुपाल्चोकमा अहिलेसम्म ५२ घरमा क्षति पुगेको छ ।

जम्बुका विस्थापित ३० परिवारको लागि नगरपालिकासँग समन्वय गरी जिल्ला विपद् व्यवस्थापन समितिबाट ३० थान त्रिपाल, म्याट्रेस, भाँडाकुँडा र लत्ताकपडा पठाइएको जिल्ला प्रशासन कार्यालयले जनाएको छ । यता अरनिको राजमार्गको जुरेमा सडक खुलाउने काम समेत थालिएको प्रहरीको भनाई छ । बाढीले सम्पूर्ण भाग कटान गरेको झण्डै एक सय ५० मिटर सडक भित्ताको कडा चट्टान काटेर डाइभर्ट गरी निर्माण शुरु भएको छ ।

म्याग्दी । म्याग्दीमा गत शुक्रबार रातीबाट विभिन्न स्थानमा आएको पहिरोमा परी ज्यान गुमाउने व्यक्तिको संख्या २० पुगेको छ । बिहीबार रातबाट लगातार वर्षा भएपछि म्याग्दीका थुप्रै स्थानमा पहिरो गएको थियो । म्याग्दीको धवलागिरि, मालिका र रघुगंगा गाउँपालिकामा पहिरोले ठूलो मानवीय क्षति पुर्याएको छ ।

प्रहरीका अनुसार पहिरोले पुरिएका मराङको ठूलोगाउँका ६२ वर्षीय तुलबहादुर केसीको शव शुक्रबार भेटिएको थियो । बाँकी शव शनिबार भेटिएका हुन् । प्रहरीका अनुसार धवलागिरि–६ मराङका ११, मालिका–७ बिमका ८ र रघुगंगा–६ ठाडाखानीका १ जनाको शव भेटिएको छ ।

धवलागिरी–६ कल्लेनीका राम्चेका सुबना लामगादे, प्रकाश केसी, आयुष लामगादे, आशिष दामगादे,आयुषा लामगादे, रेश्मा सुनार, मनबहादुर श्रीपाली, कमला श्रीपाली, सुरक्षा श्रीपाली र सुरज श्रीपालीको शव भेटिएको छ । बिमकी बिष्णु शर्मा, इच्छा केसी, गौदेवी नेपाली, विशेष नेपाली, बिरबहादुर नेपाली, उनका ३ महिनाका छोरा, बिष्णु नेपाली, सन्दीप नेपालीको शव भेटिएको प्रहरीको तथ्यांकमा उल्लेख छ ।

मराङमा ४० वर्षीय धनबहादुर जुग्जाली, ३३ वर्षीया रितुकुमारी जुग्जाली, ८ वर्षीय कञ्चन जुग्जाली, ५ वर्षीय अर्जुन जुग्जाली, १० वर्षीया करिस्मा जुग्जाली, ५५ वर्षीया गौशरा जुग्जाली, हिराकुमारी जुग्जाली, २१ वर्षीया दिमा जुग्जाली, ३ वर्षीया दिप्ती जुग्जाली र १ वर्षीय दिवन जुग्जाली बेपत्ता छन्।

मालिका–६ की गीता रोका दुखुखोलामा बेपत्ता छन् । कल्लेनीका ५१ वर्षीया जनिमा केसी र १६ वर्षीय सबिन पुन पनि पहिरोका कारण हराइरहेका छन् । वेपत्ता नागरिकको खोजी कार्य जारी रहेको समेत प्रहरीले जनाएको छ ।

काठमाडौं । नेपालमा कोरोनाबबाट थप तीन जनाको मृत्यु भएको छ ।

स्वास्थ्य तथा जनसंख्या मन्त्रालयका प्रवक्ता डा.जागेश्‍वर गौतमको अनुसार काठमाडौं महानगपालिका-१० शंमखुलका ६० वर्षीय पुरुष, गोकर्णेश्वर-४ का ४५ वर्षीय पुरुष र सिन्धुपाल्चोक पाँचपोखरी थाङपालका पाँचपोखरीका ४५ वर्षीय पुरुषको मृत्यु भएको हो ।

योसँगै नेपालमा कोरोना संक्रमणबाट मृत्यु हुनेको संख्या ३८ पुगेको मन्त्रालयले जानकारी दिएको छ ।

कुल संक्रमितमध्ये ३८ जनाको मृत्यु भएको छ।

काठमाडौं । नेपालमा पछिल्लो २४ घण्टामा थप ७० जनामा कोरोना संक्रमण पुष्टि भएको छ।

स्वास्थ्य तथा जनसंख्या मन्त्रालयका प्रवक्ता डा.जागेश्‍वर गौतमको अनुसार देशका विभिन्न प्रयोगशालामा गरिएको परीक्षणमा थप ७० जनामा कोरोना संक्रमण पुष्टि भएको हो ।

स्वास्थ्य तथा जनसं‌ख्या मन्त्रालयका अनुसार कोरोना भाइरस संक्रमितको संख्या १६ हजार ७ सय १९पुगेको छ ।

पछिल्लो २४ घण्टामा थप ४ सय ३१ जना उपचारपछि निको भएर डिस्चार्ज भएका छन्। यो सहित डिस्चार्ज हुनेको संख्या ८ हजार ४ सय ४२ पुगेको छ।

कुल संक्रमितमध्ये ३८ जनाको मृत्यु भएको छ।

काठमाडौं । प्रधानमन्त्री केपी शर्मा ओलीले आज टेलिभिजनबाट जनताका नाममा सम्बोधन गरेका छन् । शुक्रबार राती ९ बजे नेपाल टेलिभिजनबाट सम्बोधन गरेका उनले सरकारको प्राथमिकतामा पार्टी भित्रको विवादले कुनै प्रभाव नपार्ने बताएका छन् । पार्टी विवाद आन्तरिक मामला भएको भन्दै उनले त्यसबाट सरकारको प्राथमिकतामा कुनै कमी नआउने उनको भनाई थियो ।

जनताको जीवन रक्षाको दायित्वबाट कसैले पनि विमुख हुन नमिल्ने भन्दै उनले केही दिनयता देशमा निम्तिएको बाढीपहिरोसहितका प्राकृतिक विपदको सामना गर्न सबै संयन्त्र प्रयत्नसिल रहेको समेत उल्लेख गरे । आन्तरिक विमति वा समस्यामा अल्झिएर जनताको जीवन रक्षाको दायित्वबाट कोही पनि पछि हट्न नमिल्ने प्रधानमन्त्रीको तर्क थियो ।

रोग र भोकबाट देशबासीलाई जोगाउने दायित्वबाट सरकार कुनै हालतमा पनि पछि नहट्ने उनको प्रतिवद्धता रहेको छ । आफ्नो र आफुले नेतृत्व गरेको सरकारको सारा ध्यान र संम्पूर्ण प्रयास महामारी र विपत्तिमा परेका नागरिकको जिउधनको रक्षामा केन्द्रित रहेको समेत प्रधानमन्त्रीेले बताएका छन् ।

प्रधानमन्त्रीले अब नेकपाको विवाद मत्थर भएको संकेत समेत सम्बोधनका दौरान गरेका छन् । पार्टी विवादपछि सार्वजनिक रुपमा नबोलेका प्रधानमन्त्रीले विवाद कम भएसँगै सम्बोधन गरेको आंकलन गरिएको छ ।