Author: Vishwanews.com

गुल्मी । पहाडी जिल्ला गुल्मीमा पहिरोले क्षति पुर्याउन थालेको छ । लगातार वर्षाछि गुल्मीको इश्मा गाउँपालिका–१ मल्दी ढाँटफाँट भन्ने स्थानमा पहिरोले घर बगाउँदा दुई जना वेपत्ता भएका छन् । पहिरोमा परेका दुई जनाको उद्धार भएको छ ।

एक जना महिला र एक जना पुरुष वेपत्ता रहेको स्थानीय प्रशासनले जानकारी गराएको छ । एकजना महिला र एकजना पुरुषको भने उद्धार गरिएको हो । गुल्मीमा गएरातदेखि अविरल वर्षा भएको थियो । यस स्थानमा मात्र १५–२० घर जोखिममा रहेको बताइएको छ ।

घटनास्थलमा प्रहरी तथा सैनिक टोली पुगेका छन् । गुल्मीमा पहिरोले अन्य विभिन्न स्थानमा पनि क्षति पुर्याएको र त्यसको विवरण आउने क्रममा रहेको बताइएको छ । स्थानीय कच्चि सडकमा समेत यातायात बन्द भएको छ ।

काठमाडौं । प्रधानमन्त्री केपी शर्मा ओलीले प्रधानमन्त्री र नेकपाको अध्यक्ष दुबै पद नछाड्ने अडान दोहोर्याएपछि सत्तारुढ नेपाल कम्युनिस्ट पार्टी (नेकपा)को विवाद उत्कर्षमा पुगेको छ । राष्ट्रपतिसँग मिलेर सुटुक्क संसद अधिवेशन स्थगित गरेका प्रधानमन्त्रीले पार्टी फुटाउने गरी फेरी अध्यादेश ल्याउने तयारी गर्न लागेको आशंका गरिएको छ ।

नेकपाको स्थायी कमिटी बैठक दुई दिनका लागि स्थगित भएको छ । बिहीबार प्रधानमन्त्रीले राष्ट्रपतिसँग भेटेका छन् भने अर्को अध्यक्ष प्रचण्डले समेत राष्ट्रपतिसँग भेट गरेका छन् । सभामुख र पार्टीलाई समेत वेवास्था गरी संसद अधिवेशन अत्न्य गरेपछि प्रचण्ड र माधव नेपाल फेरी चिढिएका छन् । यता, प्रधानमन्त्रीले भने प्रधानमन्त्री र अध्यक्ष दुबै पद नछाड्ने अडान आज पनि दोहोर्याएका छन् ।

आइतबार प्रधानमन्त्री केपी शर्मा ओलीले सार्वजनिक मञ्चबाटै भारतले आफूलाई पदबाट हटाउन खोजेको र त्यसमा नेपालका नेताले साथ त्यसमा लागेको अभिव्यक्ति दिएलगत्तै नेकपाको विवाद सघन बनेको हो । बिहीबार विभिन्न चरणका बैठकमा ओलीले आफ्नो अडान छाडेनन । जसले गर्दा अन्य नेता सशंकित बनेका हुन् ।

बिहीबार दिनभर बालुवाटार र शीतल निवासको दौडधुपपछि प्रचण्ड र नेपाल पक्षका नेताहरू अब पार्टी एकता लामो समय नजाने निष्कर्षमा पुगेको बताइएको छ । सोहीकारण ओलीले पार्टी फुटाउन सजिलो हुने गरी अध्यादेश ल्याउने तयारीमा रहेको र उक्त प्रयोजनका लागि संसद बैठक स्थगित गरेको तर्क नेताहरुले गरेका छन् । संसद बैठक अकास्मात बन्द गरिएकोप्रति भने विपक्षी दलहरुले समेत विरोध गरेका छन् । प्रधानमन्त्री स्थायी समिति बैठकमा गएका छैनन् । तर, बैठक उनकै निवास बालुवाटारमा बसिरहेको छ ।

काठमाडौं। नेपालमा पछिल्लो २४ घण्टामा थप ४ सय ७३ जनामा कोरोना संक्रमण पुष्टि भएको छ।

स्वास्थ्य तथा जनसंख्या मन्त्रालयका प्रवक्ता डा. जागेश्‍वर गौतमको अनुसार देशका विभिन्न प्रयोगशालामा गरिएको परीक्षणमा थप ४ सय जनामा कोरोना संक्रमण पुष्टि भएको हो ।

जसमा १०९ महिला र ३६४ पुरुष रहेका छन् ।

योसँगै नेपालमा कोरोना संक्रमितको संख्या संक्रमितको संख्या १४ हजार ५१९ पुगेको छ ।

पछिल्लो २४ घण्टामा थप ६६४ जना उपचारपछि निको भएर डिस्चार्ज भएका छन्। यो सहित डिस्चार्ज हुनेको संख्या ५३२० पुगेको छ।

कुल संक्रमितमध्ये ३१ जनाको मृत्यु भएको छ।

काठमाडौं । नेपालमा कोरोना संक्रमणबाट थप एक जनाको मृत्यु भएको छ । घाँटीमा समस्या देखिएपछि त्रिवि शिक्षण अस्पताल महाराजगञ्जमा भर्ना भएका ४८ दिनका शिशुको कोरोना संक्रमणबाट मृत्यु भएको हो ।

मंगलबार कोरोना पुष्टि भएका ती शिशुको बुधबार राति मृत्यु भएको अस्पतालले जनाएको छ।
म्याग्दी घर भएका शिशुलाई श्वासप्रश्वासमा समस्या भएपछि ती शिशुको सोमबार घाँटीको शल्यक्रिया गरिएको थियो।

शल्यक्रिया गर्नुअघि कोरोना परीक्षणका लागि सोमबार राति उनको पिसिआर परीक्षण गर्दा कोरोना पोजिटिभ देखिएको थियो। उनको बुबा, आमा र फुपुमा कोरोना संक्रमण परीक्षण गर्न नमुना सं‌कलन गरी पठाइएको छ ।

योसँगै नेपालमा ३१ जना कोरोना संक्रमितको मृत्यु भएको छ।

काठमाडौं । सरकारले संसद्को चालू अधिवेशन अन्त्य गर्ने निर्णय गरेको छ ।

बिहिबार बसेको मन्त्रिपरिषद बैठकले आज ५ बजेपछि लागू हुने गरी संसद्को जारी अधिवेशन अन्त्य गर्ने निर्णय गरेको हो ।

मन्त्रिपरिषदको सिफारिसमा राष्ट्रपतिले संसद् बैठक अन्त्य गर्ने प्रावधान छ ।

आगामी सोमबारका लागि बैठक बोलाइएको भएपनि त्यसअघि नै अधिवेशन स्थगनको निर्णय भएको हो ।

आजै मन्त्रिपरिषद् बैठक अगाडि प्रधानमन्त्री केपी शर्मा ओलीले राष्ट्रपति विद्यादेवी भण्डारीलाई भेटेका थिए ।

बारा । बारामा चट्याङ लागेर चार जना महिलाको ज्यान गएको छ । बाराका दुई छुट्टाछुट्टै बिहाीबार बिहान परेको चट्याङले उनीहरुको मृत्यु भएको हो । घटनामा ५ जना घाइते छन् ।
बिहीबार बिहान साढे सात बजे खेतमा चट्याङ परेको थियो । त्यसबेला खेतमा धान रोपिरहेका महिलाहरु यसको शिकार बन्न पुगेका हुन् । खेतमा धान रोपीरहेका बाराको कलैया उपमहानगरपालिका–१२ की ३५ वर्षीया आशादेवी महतो र सोही ठाउँ बस्ने ४५ वर्षीया हलिमा खातुनको मृत्यु भएको हो ।

उता, फेटा गाउँपालिका–१ त्रिवेणीका ३० वर्षीया इन्दुदेवी महतो र ४० वर्षीया सुनरपति देवी महताको पनि मृत्यु भएको प्रहरीले पुष्टी गरेको छ । चट्याङले सोही ठाउँ बस्ने अन्य ५ जना पनि घाइते छन् । उनीहरुको उपचार भइरहेको छ ।

काठमाडौं । नेपालमा पछिल्लो २४ घण्टामा थप ४ सय ८२ जनामा कोरोना संक्रमण पुष्टि भएको छ।

स्वास्थ्य तथा जनसंख्या मन्त्रालयका प्रवक्ता डा. जागेश्‍वर गौतमको अनुसार देशका विभिन्न प्रयोगशालामा गरिएको परीक्षणमा थप ४ सय ८२ जनामा कोरोना संक्रमण पुष्टि भएको हो ।

जसमा ११७ महिला र ३६५ पुरुष रहेको प्रवक्ताले गौतमले जानकारी दिएका छन् ।

योसँगै नेपालमा कोरोना संक्रमितको संख्या १४ हजार ४६ पुगेको छ ।

काठमाडौं । नेपालमा कोरोना संक्रमणबाट थप एक जनाको मृत्यु भएको छ ।
स्वास्थ्य तथा जनसंख्या मन्त्रालयका प्रवक्ता डा. जागेश्‍वर गौतमको अनुसार अछामको रामारोशन गाउँपालिका ५ का ४५ वर्षीय पुरुषमा मृत्युपछि कोरोना पुष्टि भएको हो ।

ती पुरुषको असार १४ गते आइतबार बयालपाटा अस्पतालमा मृत्यु भएको थियो । उनी भारतबाट गौरीफन्टा नाका हुँदै जेठ २७ गते अछाम पुगेर क्वरेण्टीनमा बसिरहेका थिए।

असार १३ गते श्वासप्रश्वासमा समस्या आएपछि उनलाई उपचारको लागि बयालपाटा अस्पतालमा लगिएको थियो ।

आकस्मिक कक्षमा उपचारको क्रममा उनको आइतबार दिउँसो २ बजे मृत्यु भएको थियो । यो सँगै नेपालमा कोरोनाबाट मृत्यु हुनेको सङ्ख्या ३० पुगेको छ ।

काठमाडौं । प्रधानमन्त्री केपी शर्मा ओलीले आज मन्त्रीहरुसँग छलफल शुरु गरेका छन् । पार्टी भित्र र बाहिरबाट सरकारको तिब्र आलोचना तथा राजिनामा माग भइरहेका बेला उनले मन्त्रीहरुसँग परामर्श गर्न लागेका हुन् । प्रधानमन्त्रीले परामर्शका लागि भन्दै मन्त्रीहरुलाई बालुवाटारस्थित प्रधानमन्त्री निवासमा डाकेका छन् ।

नेकपाको स्थायी कमिटी बैठकका बहुमत सदस्यहरुले राजीनामा मागेपछि प्रधानमन्त्री ओली संकटमा छन् । सत्ता बचाउन उनले प्रयोग गरेको भारतीय षडयन्त्रको कार्डसमेत असफल भएपछि प्रधानमन्त्रीले मन्त्रीहरुसँग परामर्श थालेका हुन् । यसअघि मंगलबार स्थायी कमिटी बैठकमा जानु अगाडि उनले राष्ट्रपति विद्यादेवी भण्डारीसँग छलफल गरेका थिए ।

काठमाडौं । संसदीय समितिले बिरामी, कर्मचारी र व्यवसायीलाई काठमाडौं आवतजावत सहज बनाउन सरकारलाई निर्देशिन दिएको छ । राष्ट्रिय सभाको राष्ट्रिय सरोकार तथा समन्वय समितिले बिरामी, कर्मचारी र व्यवसायीलाई काठमाडौं आउने वातावरण सहज बनाउन सरकारलाई निर्देशन दिएको हो ।

उपत्यका आउने जाने नागरिकको सन्दर्भमा बिरामी, कर्मचारी र व्यावसायीलाई सरलीकृत गर्ने भनी मंगलबार समितिले सरकारलाई निर्देशन दिएको हो । आवश्यक सर्तकता अपनाएर आर्थिक क्षेत्रलाई चलायमान बनाउन आवश्यक रहेको भन्दै समितिले सरकारलाई यस्तो निर्देशन दिएको हो ।

समितिले प्रदेश र स्थानीय तहको समन्वयमा क्वारेन्टिन र आइसोलेसन सेन्टरको व्यवस्थापन र अनुगमन गर्न समेत संघीय सरकारलाई निर्देशन दिएको छ । अहिले आफ्नो सवारी साधन हुनेहरु निर्वाध काठमाडौं आइरहेका छन् । तर, सार्वजनिक यातायात बन्द हुँदा आम सर्वसाधारण भने काठमाडौं आउन पाएका छैनन् । यसले काठमाडौंमा रोजगारी गर्नेहरुलाई समस्यामा पारेको छ ।