Category: अमेरिका

न्यूयोर्क

अमेरिकी राष्ट्रपति डोनाल्ड ट्रम्पले नियतबश कोरोना भाइरस नियन्त्रणमा वेवास्ता गरेको तथ्य उजागर भएको छ । सुरु देखिनै सार्वजनिक रुपमा भाइरसले खासै असर नपार्ने बताउँदै आएका ट्रम्पले फेब्रुअरी पहिलो सातानै भाइरसको गाम्भिर्य बुझि सकेको तथ्य सार्वजनिक भएको हो ।

उनले फेब्रुअरी ७ मै वासिंटनमा पोष्टका भेटरान पत्रकार बब उडवर्डसँग यो भाइरस छुँदा मात्र नभइ हावाबाट पनि सर्ने र बृद्ध एवं रोगी मात्र होइन युवालाई पनि गम्भीर असर पार्ने बताएको अडियो बुधबार सार्वजनिक भएको छ । पत्रकार उडवर्डले आफ्नो किताब रेजका लागि अन्तर्वार्ता लिँदा ट्रम्पले त्यसो भनेका थिए ।  ‘यो भाइरस सोचेजति सहज छैन, उनले अडियोमा भनेका छन्- यो सामान्य फ्लूभन्दा पाँच गुणा घातक छ । यो छुँदा मात्र होइन हावाबाट पनि सर्छ र यसले बृद्ध मात्र होइन र युवाहरुलाई पनि गम्भिर असर पुर्याउँछ ।’

उडवर्डसँग त्यसो भने पनि ट्रम्पले ‍फेब्रुअरी महिना भर भाइरस नियन्त्रणका लागि कुनै कदम चालेनन् । हावाबाट भाइरस सर्छ र निरोगी युवालाई पनि असर गर्छ भन्ने जान्दा जान्दै भिड बटुलेर चुनावी सभाहरु गर्दै हिँडे । अलि अलि देखिएको संक्रमण पनि केही दिनमै हराएर जाने दावी उनले निरन्तर गरे । अमेरिकामा भाइरस संक्रमण चर्को बन्ने लक्षण देखिएपछि बल्ल मार्च तेस्रो साता उनले सामाजीक दुरी सम्बन्धि नीति अख्तियार गरे । त्यही शिलशिलामा मार्च १९ मा उडवर्डसँगको अर्को अन्तर्वार्तामा ट्रम्पले आफुले जानाजान भाइरसले असर गर्दैन भन्ने अभिव्यक्ति दिएको बताएका छन् । जनतामा डर पैदा नहोस् भनेर भाइरसले असर नगर्ने अभिब्यक्ति दिएको र यो भनाइ निरन्तर दोहोर्याउने ट्रम्पले उक्त अडियोमा दावी गरेका छन् ।

• 

उडवर्डलाई अन्तर्वार्ता दिएको त्यही समयमा सार्वजनिक रुपले भने ट्रम्पले कहिले गर्मी आएसँगै भाइरस हराउने त कहिले ब्लिज जस्ता सफाइका साधन शरिर भित्र पठाएर उपचार गर्न सकिने दावी गर्दै आएका थिए । आफुले भाइरसको गम्भिरता बुझ्ने वित्तिकै कदम चालेको उनको दावी रहँदै आएको थियो ।

ट्रम्पले एक साता अघि मात्र सामाजीक दूरी कायम सम्बन्धि नीति अख्तियार गरेको भए मृत्यु भएका ३६ हजार बढिको ज्यान जोगिने कोलम्बिया विश्वविद्यालयको अध्ययनले देखाएको थियो । उनले दुई साता अघि मात्र यो कदम चालेको भए ८४ प्रतिशत संक्रमण र त्यति नै मृत्यु कम हुन सक्ने अध्ययनले पुष्टि थियो ।

उनले भाइरसको जोखिम जान्दा जान्दै पनि आवश्यक कदम नचालेको तथ्यलाई अमेरिकी सञ्चारकर्मी एवं जनस्वास्थ्य विज्ञहरुले राष्ट्रिय सुरक्षा माथिकै वेवास्ताको संज्ञा दिएका छन् । पूर्व राष्ट्रपति रिचर्ड निक्सनको वाटरगेट काण्डबारे उडवर्डसँगै रिपोर्टिङ गरेका भेटरान पत्रकार कार्ल बर्नस्टेनले ट्रम्पको अहिलेको अडियो निक्सनको भन्दा खतरनाक रहेको उल्लेख गरेका छन् । डेमोक्रेटिक राष्ट्रपतिय प्रत्याशी जो बाइडेनले ट्रम्पले जानजान भाइरस संक्रमणप्रति वेवास्ता गर्नुलाई आपराधिक कदमको संज्ञा दिएका छन् । भाइरस नियन्त्रणको कदम चाल्दा सेयर बजार घट्न सक्ने र आफ्ना केही धनाड्य साथीले रकम गुमाउने डरले ट्रम्पले वेवास्ता गरेको आरोप समेत उनले लगाए ।

अमेरिकामा कोरोना भाइरस संक्रमण र मृत्यु दुबैमा विश्वको पहिलो स्थानमा छ । यहाँ ६५ लाख हाराहारी संक्रमित भइ सकेका छन् भने एक लाख ९० हजारले ज्यान गुमाइ सकेका छन् । भाइरसले कुनै असर नपाने ट्रम्प दावी पत्याएका कारण आफ्नो परिवारका सदस्यले ज्यान गुमाएको भन्दै कतिपय अमेरिकीले राष्ट्रपतिलाई आरोप समेत लगाएका छन् ।

काठमाडौं । अमेरिका कोरोना भाइरसका कारण सर्वाधिक मानवीय क्षति भएको मुलुक हो । साथै यहाँ आगामी दिन समेत सहज नभएको पूर्वानुमान सार्वजनिक गरिएको छ । अमेरिकामा कोरोनाबाट हुने मानवीय क्षति सन् २०२० को अन्त्यसम्म ४ लाख १० पुग्ने पूर्वानुमान गरिएको छ । यो अहिले भइसकेको मृत्युको दोब्बर संख्या हो ।

युनिभर्सिटी अफ वासिङ्टन मातहतको स्वास्थ्य संस्थानबाट शुक्रबार यस्तो पूर्वानुमान सार्वजनिक गरिएको छ । यो समय प्रतिदिन औसतः ३ हजार मानिसले ज्यान गुमाउने सक्ने अनुमान समेत गरिएको छ । यो अमेरिकीहरुको लाइफस्टाइलसँग जोडेर गरिएको पूर्वानुमान हो ।

अमेरिकी संचारमाध्यमहरुका अनुसार विज्ञहरु जनतालाई मास्क अनिवार्य लगाउन भन्छन् । तर, जनता मान्दैनन् । मास्क मात्र लगाएर स्वयमः सचेत हुने हो भने यस्तो मानवीय क्षति ३० प्रतिशतसम्म कम हुने विज्ञहरुको सुझाव छ । उता, ह्वाइट हाउसको कोरोना भाइरस टास्क फोर्स समेत आगामी दिनमा मानवीय क्षति अझै बढ्नेमा चिन्तित छ ।

इन्स्टियूट अफ हेल्थ मेट्रिकस एण्ड इभ्यालुएसन मोडलको प्रक्षेपणबाट मानवीय क्षति अहिलेको तुलनामा तेब्बरसम्म बढ्ने अनुमान गरिएको छ । अहिले औसतः प्रतिदिन ८ सय ५० जनाले अमेरिकामा ज्यान गुमाइरेका छन्।

पूर्वानुमान अनुसार डिसेम्बरमा मृत्यु संख्या प्रतिदिन ३ हजारको आंकडा नजिकै पुग्नेछ । यसमा बदलिदो मौसम र आममानिसले कोरोना भाइरसलाई हल्का रुपमा लिइरहको परिणामबाट यो अवस्था आउने तर्क समेत गरेको छ । यो संस्थाले अमेरिका मात्र नभई संसारभर नै आगामी केही महिनाभित्र तेब्बर संख्यामा मानिसको ज्यान जाने चेतावनी दिएको छ ।

किनकी कोरोनालाई लिएर सबैजसो मुलुकमा उस्तै प्रकारको प्रवृत्ति दोहोरिएको छ । आगामी जनवरीसम्म विश्वभर २८ लाख मानिसको ज्यान जान सक्ने अनुमान गरिएको छ । अहिले साढे ८ लाख क्षति भइसकेको छ ।

काठमाडौं । युद्धमा मारिएका आफ्नै सेनालाई हरुवा र बुद्धुको संज्ञा दिएका अमेरिकी राष्ट्रपति डोनाल्ड ट्रम्प फेरी एक पटक आलोचित बन्न पुगेका छन् । अमेरिकामा राष्ट्रपति पदको चुनाव नजिकिएको छ । यो समय आएको उनको अभिव्यक्तिले राष्ट्रपति नराम्रोसँग फस्न पुगेका हुन् ।

ट्रम्पले सन् २००१८ मा दिएको अभिव्यक्ति ‘द एटलान्टिस’, एसोसिएटेड प्रेस (एपी) र फक्स न्युजमा समाचार बनेको छ । त्यो अभिव्यक्तिको यतिबेला समाचार बनेपछि अभिव्यक्ति विश्वव्यापी विवादको विषय बन्न पुगेको छ ।

राष्ट्रपति र उनका सहयोगी यो दावि मान्न तयार छैनन् । उनीहरु यो समाचारलाई फेक मान्छन् । द एटलान्टिस पत्रिकाले उल्लेख गरेअनुसार सन् २०१८ मा पेरिसस्थित अमेरिकी सैनिकको स्मारक स्थलमा जाने ट्रम्पको कार्यक्रम रद्द भएको थियो । त्यसबेला राष्ट्रपतिले स्मारक स्थललाई ‘हारेका मान्छेले भरिएको ठाउँ’ भएको अभिव्यक्ति दिएको पत्रिकाको दावि छ ।

पत्रिकाले बलियो स्रोतका साथ भनेको छ, ‘ट्रम्पले त्यहाँ जाने कार्यक्रम किन रद्द गरे भने त्यतिबेला ठूलो वर्षात भइरहेको थियो, ट्रम्पलाई बर्षाले कपाल बिग्रिने चिन्ता पनि थियो । यसका साथै युद्धमा मारिएका अमेरिकीलाई सम्मान गर्ने कुरा उनका लागि महत्वपूर्ण थिएन।’

ट्रम्पले बेलेयुवुडमा मारिएका १८ सय अमेरिकी सैनिकलाई बुद्धु समेत भनेको पत्रिकाको दावि छ । यो पहिलो विश्वयुद्धकालिन समयको युद्ध हो । समाचार सार्वजनिक भएपछि अमेरिकी सेनाका पूर्व अधिकारीहरुले समेत ट्रम्पको चर्को आलोचना गरिरहेका छन् ।

बीबीसीका अनुसार प्रगतिशील समूह वोटवेट्सले एक भिडियो पोस्टमा युद्धमा आफन्त गुमाएका परिवारहरुको प्रतिक्रिया छापिएको छ । जहाँ बलिदान बारे राष्ट्रपतिलाई केही थाहा नभएको उल्लेख गरिएको छ ।

अमेरिकी राष्ट्रपति ट्रम्पले शुक्रबार नियमित प्रेस ब्रिफिंगका दौरान पत्रिकाहरुले ‘फेक न्युज’ छापेको प्रतिक्रिया दिएका छन् । आफुले राष्ट्रको हिरोहरुका सम्बन्धमा त्यस्तो अभिव्यक्ति दिन नसक्ने भन्दै उनले आफ्नो बजेटलाई केलाएर हेर्न समेत आग्रह गरेका छन् । उनले आफुले सैन्य बजेट र तलव बढाएको भन्दै उनले पत्रिकाबाट घृणित काम भएको बताए ।

न्यूयोर्क

विश्वका अधिकांश विकसित मुलुकले कोरोना भाइरसलाई नियन्त्रण उन्मुख बनाए पनि अमेरिकामा संक्रमण निरन्तर उकालो लागेको छ । राष्ट्रपति डोनाल्ड ट्रम्प प्रशासनले सुरु देखिनै ‘सामान्य’को संज्ञा दिएको भाइरसले अहिलेसम्म एक लाख ८७ हजार बढिको ज्यान लिइ सकेको छ ।

विश्व जनसंख्याको पाँच प्रतिशत हाराहारी हिस्सा ओगट्ने अमेरिकामा कोरोना भाइरसका कारण मृत्यु हुनेको संख्या भने २० प्रतिशत हाराहारी छ । सन् २०२० को अन्त्यसम्ममा अमेरिकामा मृत्यु हुनेको संख्या चार लाख एक हजार पुग्ने नयाँ प्रक्षेपण ह्वाइट हाउसका अधिकारीहरुले गरेका छन् । त्यति हुँदा पनि राष्ट्रपति ट्रम्प आफुले उत्कृष्ठ काम गरेको दावी गर्न छोडेका छैनन् । शुक्रबार ह्वाइट हाउसमा आयोजित पत्रकार सम्मेलनमा उनले दशौँ लाखको सम्भावित मृत्युलाई आफुले घटाएको दावी गरे ।

साथै उनले त्यही मञ्चबाट भाइरस संक्रमणबाट जोगिन पुर्ण रुपमा व्यवसाय खोल्न अस्वीकार गरेका मिसिगन, नर्थ क्यारोलिना लगायत राज्यका गभर्रनहरुप्रति रोष प्रकट समेत गरे । ट्रम्पले सुरुमा चीनबाट आएका केही व्यक्तिमा भाइरस देखिएको र यो छिटै हराएर जाने दावी गरेका थिए । मृतक र संक्रमितको संख्या निरन्तर बढेपछि उनले ६० हजारभन्दा धेरैले ज्यान नगुमाउने दावी गरे । मृतकको संख्या दुई लाख पुग्न लाग्दा भने चार लाख हाराहारीसम्मको मृत्यु हुनुलाई आफ्नो ‘गजब कामको परिणाम’ बताउन थालेका हुन् ।

अनुमान गरेजस्तै डिसेम्बर अन्त्यसम्ममा चार लाख बढिको मृत्यु हुन आगामी चार महिना भित्र थप दुई लाख २३ हजारले ज्यान गुमाउने पर्ने हुन्छ । त्यस अनुरुप दैनिक तीन हजार अमेरिकीसम्मको ज्यान जान सक्ने अनुमान गरिएको छ । जनस्वास्थ्य विज्ञहरुले सबैले अनिवार्य मास्क लगाएमा भने मृत्युदर आधामा घट्ने उल्लेख गरेका छन् । साथै मास्क लगाउन अटेर गरि निरन्तर संक्रमण विस्तार भयो भने चार महिनामा छ लाख बढिको ज्यान जान सक्ने उनीहरुको प्रक्षेपण छ ।

राष्ट्रपति ट्रम्पले नै मास्क विरोधी जमातलाई निरन्तर प्रवर्धन गरि रहेका छन् । पछिल्लो समय निरन्तर चुनावी सभा गर्न थालेका ट्रम्पले मास्क लगाएबापत आफ्ना प्रतिश्पर्धी जो बाइडेनलाई उडाउँदै आएका छन् । उनको सभामा आउनेहरु बिना मास्क खचाखच खाँदिएर बसेका हुन्छन् ।

प्रभात भट्टराई/न्यूयोर्क

अमेरिकी राष्ट्रपति निर्वाचन आउन ठिक दुई महिना बाँकी रहँदा डेमोक्रेटिक प्रत्याशी जो बाइडेनको लोकप्रियता उकालो लागेको छ । अगष्ट अन्तिम साता सम्पन्न रिपब्लिकन राष्ट्रिय सम्मेलनमा ‘कानूनी शासन’को चर्को वकालत गरेपनि राष्ट्रपति डोनाल्ड ट्रम्पले मतदाताको भरोसा जित्न सकेका छैनन् ।

दुबै दलको सम्मेलन पश्चात सार्वजनिक भएका अधिकांश मत सर्भेक्षणमा बाइडेनले ट्रम्पसँग प्रष्ट अग्रता लिएका छन् । त्यसमा पनि बुधबार सम्पन्न राष्ट्रिय एवं राज्य स्तरका कैयन् उच्च कोटीका सर्भेक्षणमा बाइडेनले उत्साहजनक अग्रता हासिल गरेका छन् । डेमोक्रेटिक राष्ट्रिय सम्मेलनको पूर्व सन्ध्यामा सिएनएनको मत सर्भेक्षणमा बाइडेन ट्रम्पभन्दा चार प्रतिशत बिन्दुले मात्र अघि थिए । बुधबार सार्वजनिक सिएनएनको सर्भेक्षणमा बाइडेनले आठ प्रतिशत बिन्दुको अग्रता लिएका छन् । यो सर्भेक्षणमा बाइडेनलाई ५१ प्रतिशतले मतदिने बताएका हुन् ।

पछिल्लो समय सार्वजनिक भएका अधिकांश सर्भेक्षणमा बाइडेनलाई ५० प्रतिशत या त्यसको आसपास समर्थन मिलेको छ । जुन, राष्ट्रपतिय निर्वाचन जित्न काफि हुन्छ । बुधबारै सार्वजनिक कुन्निपियाक विश्वविद्यालयको सर्भेक्षणमा बाइडेनले ५२ प्रतिशत मतदाताको समर्थन पाउदैँ ट्रम्पसँग १० प्रतिशत बिन्दुको अग्रता हासिल गरेका छन् । यस्तै इकोनोमिष्ट, लस एन्जलस टाइम्स लगायतको सर्भेक्षणमा पनि बाइडेनलाई समर्थन गर्ने मतदाताको संख्या ५० प्रतिशत माथि छ र ट्रम्पसँग दोहोरो अंकको अग्रता लिएका छन् ।

त्यति मात्र होइन बुधबार सार्वजनिक भएका महत्वपुर्ण ‘स्विङ’ राज्यको सर्भेक्षण पनि बाइडेनले सानदार अग्रता लिएका छन् । सन् २०१६ मा ट्रम्पले जितेका विसकनसन, एरिजोना र नर्थ क्यारोलिनामा बाइडेनले प्रष्ट अग्रता लिएको सर्भेक्षण फक्स न्यूजले सार्वजनिसक गरेको छ । यी राज्य गुमाएमा ट्रम्पको दोस्रो कार्यकाल सपना पुरा हुन कठिन पर्छ । त्यसमा पनि लामो समय  ‘रेड स्टेट’को रुपमा रहेको एरिजोनामा बाइडेनले ४९ प्रतिशत मतदाताको समर्थन सहित ट्रम्पसँग नौ प्रतिशत बिन्दुको अग्रता लिएका छन् । विसकनसन र एरिजोनाका ५० प्रतिशत मतदाताले बाइडेनलाई मत दिने उल्लेख गरेका छन् । लामो समय डेमोक्रेटिक राज्यको रुपमा रहेको विसकनसनमा चार बर्ष अघ ट्रम्पले नाटकीय जित निकाल्दै ह्वाइट हाउस यात्रा सहज पारेका थिए । फक्स न्यूजको सर्भेक्षणमा बाइडेन ट्रम्पभन्दा आठ प्रतिशत बिन्दुले अगाडि छन् । फाइभथर्टीएट डट कमले पछिल्लो समयका सबै सर्भेक्षणहरुको औषत आँकडा निकाले अनुसार बाइडेन ५०.३ प्रतिशत समर्थन सहित ट्रम्पभन्दा ७.३ प्रतिशत बिन्दुले अघि छन् ।  २०१६ का अधिकांश सर्भेक्षणमा डेमोक्रेटिक प्रत्याशी हिलारी क्लिन्टन ट्रम्पभन्दा अघि रहे पनि उनले प्रायः कहिल्यै ५० प्रतिशत समर्थन पुर्याउन सकेकी थिइनन् । अनिर्णित रहेका १५ प्रतिशत हाराहारी मतदाताले अन्तिम समयमा ट्रम्पलाई रोज्दा उनी निर्वाचित हुन पुगेका थिए । यसपाली बाइडेनले लगातार ५० प्रतिशत माथिको समर्थन कायम राखेका छन् ।

• 

दुबै दलको राष्ट्रिय सम्मेलन पछि बाइडेन प्रति सकारात्मक धारणा  (फेबरेविलिटी) राख्ने अमेरिकीको अमेरिकीको संख्या बढेको छ भने ट्रम्पको अवस्था उस्तै छ । रियल क्लियर पोलिटिक्सको औषत तथ्यांक अनुसार बाइडेनको फेबरेविलिटी धनात्मक छ भने ट्रम्प ठूलो अन्तरमा ऋणात्मक फेबरेविलिटीको अवस्थामा छन् । बाइडेनलाई मन पराउनेको औषत संख्या ४८ .३ प्रतिशत छ भने मन नपराउने ४६.६ प्रतिशत छन् । ट्रम्प प्रति सकारात्मक धारण राख्नेको औषत संख्या भने ४१.९ प्रतिशत मात्र छ । उनलाई मन नपराउने भने ५५. ६ प्रतिशत छन् । सिएनएनको सर्भेक्षण अनुसार दुबै दलको सम्मेलन पछि बाइडेनको फेवरेविलिटी चार प्रतिशत बिन्दुले बढेर ५२ प्रतिशत पुगेको छ भने ट्रम्पको एक प्रतिशतले बिन्दुले घट्दै ४२ प्रतिशतमा झरेको छ ।

फाइभथर्टीएट प्रक्षेपण अनुसार बाइडेनले राष्ट्रपति चुनाव जित्ने सम्भावना ६९ प्रतिशत छ भने ट्रम्पको ३० प्रतिशत मात्र । यस्तै इकोनोमिष्टले बाइडनेको सम्भावना ९० प्रतिशत हाराहारी देखाएको छ । कोरोना भाइरस संक्रमणलाई चित्तबुझ्दो गरि सम्बोधन गर्न नसकेको भन्दै बहुमत अमेरिकी ट्रम्पसँग असन्तुष्ट छन् । त्यससँगै रंगभेद बिरुद्ध अमेरिकाभर उठेका आन्दोलनलाई न्यायीक दृष्टिले हेर्नुको साटो एकोहोरो हिंसाको रटान लगाएका कारण ट्रम्पप्रतिको अमेरिकी भरोसा थप खस्किन पुगेको छ । सन् २०१६ मा ट्रम्पको पक्षमा उभिएका ६५ बर्ष माथिका मतदाताले यसपाली उनको साथ छोडेको सर्भेक्षणहरुले देखाएका छन् । साथै कामकाजी बर्ग र महिलाहरु पनि बाइडेनको पक्षमा उभिएका छन् ।

मतदाताको समर्थन बढेसँगै बाइडेन अगष्टमा रेकर्ड कायम गर्ने गरि चन्दा उठाउन पनि सफल भएका छन् । उनको क्याम्पेनले ३६४.५ मिलियन डलर चन्दा एक महिनाको अवधिमा उठाएको हो । एक महिना भित्र यति रकम कुनै पनि उम्मेद्वारको क्याम्पेनले अहिलेसम्म उठाउन सकेको थिएन । बाराक ओबामाले सन् २००८ को सेप्टेम्बरमा २०० मिलियन डलर संकलन गरि रेकर्ड बनाएका थिए । काला जातिबाट पहिलो महिला उपराष्ट्रपति उम्मेद्वारको रुपमा सिनेटर कमला ह्यारिसलाई चयन गरेसँगै बाइडेनलाई चन्दाको ओइरो लागेको हो ।

न्यूयोर्क / डेमोक्रेटिक राष्ट्रपतिय उम्मेद्वार जो बाइडेनको क्याम्पेनले अगष्ट महिनामा ३६४.५ मिलियन डलर (३६ करोड ४५ लाख अमेरिकी डलर) चन्दा संकलन गर्न सफल भएको छ । अमेरिकामा कुनै पनि राष्ट्रपतिय उम्मेद्वारको क्याम्पेनले एकै महिनामा यति धेरै रकम उठाएको यो पहिलो पटक हो ।

अगष्ट पहिलो साता सिनेटर कमला ह्यारिसलाई उपराष्ट्रपतिको उम्मेद्वार चयन गरेपछि बाइडेन क्याम्पेनको सहयोगका लागि चन्दाको ओइरो लागेको थियो । ह्यारिसलाई सहयात्री चुनेको दुई दिनमा ४८ मिलियन डलर संकलन भएको क्याम्पेनले त्यही बेला जनाएको थियो । त्यसपछि अगष्ट दोस्रो साता सम्पन्न डेमोक्रेटिक राष्ट्रिय सम्मेलनका बेला पनि ठूलो रकम उठेको थियो । चार दिन चलेको सम्मलेनमा कुल ७७ मिलियन संकलन भएको थियो । महिनाभर संकलित रकमको ५७ प्रतिशत स-साना दाताले अनलाइन मार्फत उपलब्ध गराएको बाइडेनले क्याम्पेनले जनाएको छ ।

अमेरिकामा राजनीतिककर्मीको पहिलो सफलताको रुपमा चन्दा संकलनलाई नै लिइन्छ । जति धेरै पैसा उठायो जति नै प्रचार प्रसारमा खर्च गर्ने अवसर प्राप्त हुन्छ । रेकर्ड बन्ने गरि चन्दा संकलन भएपछि बाइडेनले समर्थकहरुलाई धन्यबाद दिँदै इमेल समेत पठाएका छन् ।

सन् २०२० को सुरुवातमा बाइडेन क्याम्पेन आर्थिक संकटमा थियो । आर्थिक अभावमा उनले देशभर प्रचार गर्न समेत सकेका थिएनन् । साउथ क्यारोलिनाको प्राइमरी चुनाव जितेपछि मात्र उनको पक्षमा केही माहोल देखिन थाल्यो । पार्टीबाट राष्ट्रपतिको टिकट हत्याउने निश्चित भएसँगै उनका लागि चन्दाको दिने संख्या निरन्तर उकालो लागेको हो ।

जुलाईमा भने राष्ट्रपति डोनाल्ड ट्रम्प क्याम्पेनले बाइडेनलाई चन्दा संकलनमा २५ मिलियनले उछिनेको थियो । अघिल्लो महिना ट्रम्प र बाइडेन क्याम्पेनले क्रमशः १६५ मिलियन र १४० मिलियन उठाएका हुन् । त्यती हुँदा पनि जुलाई अन्त्यमा बाइडेन क्याम्पेनसँग खातामा ट्रम्प क्याम्पेनभन्दा छ मिलियन डलर मात्र कम थियो । ट्रम्प क्याम्पेनले अहिलेसम्म अगष्टको चन्दा संकलन सार्वजनिक गरेको छैन । तर, गत महिनाको चन्दा संकलनमा बाइडेन क्याम्पेनले ट्रम्पलाई सहजै उछिनेको राजनीतिक पण्डितहरुको अनुमान छ ।

सन् २०१६ को अगष्ट्रमा डेमोक्रेटिक प्रत्यासी हिलारी क्लिन्टन क्याम्पेनले १४३ मिलियन डलर संकलन गर्दा ट्रम्प क्याम्पेनले ९० मिलियन डलर चन्दा संकलन गरेको थियो ।

न्यूयोर्क

राष्ट्रपति डोनाल्ड ट्रम्पका पूर्व निकट सहयोगी स्टिभ ब्यानन पक्राउ परेका छन् । ट्रम्पको २०१६ को मूख्य चुनावी एजेन्डा रहेको मेक्सिकोको सिमानामा पर्खाल लगाउने भन्दै उठाएको पैसा दुरुपयोग गरेको पाएपछि विहीबार बिहान ब्यानन सहित चार जना पक्राउ परेका हुन् ।

ब्यानन २०१६ को चुनावमा ट्रम्पको क्याम्पेन म्यानेजर थिए । ट्रम्प निर्वाचित भएपछि उनले ह्वाइट हाउसमा प्रमुख रणनीतिकारको रुपमा समेत काम गरे । ट्रम्प निर्वाचित भए लगत्तै अमेरिकी एयरफोर्सका भेटरान ब्रायन कोल्फेजले ‘वि बिल्ड द वाल  (हामी पर्खाल बनाउछौँ)’ नामक अभियान सुरु गरि अनलाइनबाट चन्दा संकलन सुरु गरेका थिए । उनलाई ब्याननले सघाएका थिए । उनीहरुले दुई करोड ५० डलरभन्दा बढि पैसा उठाएका थिए । त्यसमध्ये लाखौँ रकम होटल, गाडी बुकिङ, निजी क्रेडिट कार्डको विल तिर्न, डुंगा चढ्न लगायतमा खर्च गरेको पाएपछि न्यूयोर्क स्थित संघीय सरकारी वकिलको कार्यालयले उनीहरुलाई पक्राउ गरेको हो ।  पक्राउ पर्नेमा ब्यानन र कोल्फेज सहित एन्ड्रु बाडवलाटो र टिमोथी शेअ छन् ।

उनीहरु चारैजना बिहीबार बिहान पक्राउ परेका हुन् । कनेक्टिक स्थित समुन्द्रीतटबाट डुंगा सवार गर्न लागेका बेला उनलाई अमेरिकी पोष्टर सेवाका अधिकारीले पक्राउ गरेका थिए । ब्याननलाई आजै न्यूयोर्क स्थित संघीय अदालतमा उपस्थित गराइने जनाइएको छ । ब्यानन नश्लभेदी नारा प्रचार एवं निर्माणमा सफल ब्यक्ति हुन् । ट्रम्प क्याम्पेन कमजोर अवस्थामा रहेका बेला उनले कमान सम्हालेका थिए । त्यसपछि मेक्सिकन लगायत दक्षिण अमेरिकी नागरिक एवं आप्रवासी प्रति चर्को घृणा प्रवाह गरेकै बलमा ट्रम्प राष्ट्रपति निर्वाचित भएका थिए ।

ब्यानन अघिका ट्रम्पका क्याम्पेन म्यानेजर पउल म्यानाफोर्ट, रणनीतिकार रोजर स्टोन, वकिल माइकल कोहेन लगायत बिभिन्न मुद्दामा दोषी ठहर भइ सकेका छन् । ब्यानन पक्राउपछि ह्वाइट हाउसमा पत्रकारहरुसँग बोल्दै ट्रम्पले पर्खाल बनाउन रकम उठाइएको प्रकरणमा आफ्नो संलग्नता नरहेको दावी गरेका छन् ।

न्यूयोर्क

डेमोक्रेटिक पार्टीको राष्ट्रिय सम्मेलन सोमबार साँझ सुरु हुँदैछ । चार दिन चल्ने सम्मेलनले पूर्व उपराष्ट्रपति जो बाइडेन र सिनेटर कमला ह्यारिसलाई राष्ट्रपति र उपराष्ट्रपतिको उम्मेद्वारको रुपमा औपचारिक मनोनयन गर्नेछ ।

विसकनसनको मिल्वौकीमा तय भएको सम्मेलन कोरोना भाइरसका कारण अनलाइन (भर्चुअल) सञ्चालन हुन गइ रहेको छ । देशभरैबाट हुने नेताहरुको भाषण एवं सांगितीक प्रस्तुती टिभी एवं सामाजीक सञ्जालहरुबाट ‘लाइभ’ गरिनेछन् । चारै दिन पूर्वी समय अनुसार ९ देखि ११ बजेसम्म सम्मेलन सञ्चालन गर्ने डेमोक्रेटिक नेशनल कमिटीले जनाएको छ ।

सोमबार पूर्व प्रथम महिला मिचेल ओबामा, बाइडेनका प्राइमरी प्रतिश्पर्धी एवं सिनेटर बर्नी स्यान्डर्स, न्यूयोर्क गभर्नर एन्ड्रु क्योमो, ओहायोका पूर्व गभर्नर एवं रिपब्लिकन नेता जोन कसिस लगायत मन्तव्य राख्दैछन् । सुरु देखिनै ट्रम्पप्रति असहमत रहेका कसिस अन्ततः बाइडेनको समर्थनमै मन्तव्य राख्ने निचोडमा पुगेका हुन् ।

डेमोक्रेटिक राष्ट्रिय सम्मेलनको पूर्वसंध्यामा प्रकाशित सबै मत सर्भेक्षणहरुमा बाइडेनले राष्ट्रपति ट्रम्पप्रति प्रष्ट अग्रता लिएका छन् । सिएनएनले सबै सर्भेक्षणहरुको आधारमा तय गरेको औषत सर्भेक्षण अनुसार बाइडेनलाई प्रष्ट बहुमत  (५१ प्रतिशत) अमेरिकीको समर्थन रहेको छ । ट्रम्पलाई ४२ प्रतिशत मात्र समर्थन देखिएको छ । सम्मेलन मार्फत डेमोक्रेटिक नेताप्रति थप ध्यान नजाओस् भनेर ट्रम्पले सोमबार देखि बिभिन्न प्रतिश्पर्धी राज्यको भ्रमण सुरु गरेका छन् । सोमबार मिनिसोटा र विसकन पुगेका ट्रम्पले एयरपोर्टमै आफ्ना समर्थकलाई सम्बोधन गरेका थिए । उनी बाइडेन राष्ट्रपति भएमा अमेरिका ध्वस्त हुने भय बाँड्दै हिँडेका छन् ।

(तस्वीर- युएस न्यूज)

न्यूयोर्क

अमेरिकी राष्ट्रपति डोनाल्ड ट्रम्पले बेरोजगारलाई साताको ४०० डलर भत्ता दिने कार्यकारी आदेश जारि गरेका छन् । केयर एक्ट अन्तर्गत बेरोजगारहरुले पाउँदै गरेको साताको ६०० डलरको म्याद जुलाई अन्तिममा सकिएपछि ट्रम्पले नयाँ कदम चालेका छन् ।

नयाँ चरणको राहत प्याकेजका लागि रिपब्लिकनहरुले डेमोक्र्याटहरुसँग सहमति गर्न प्रयास गरि रहेका थिए । तर, उनीहरुको कुरा नमिलिरहेका बेला ट्रम्पले चुनाव लक्षित कदम चालेका हुन् ।

न्यूजर्सी स्थित ट्रम्पको निजी गल्फ क्लवमा आइतबार साँझ पत्रकार सम्मेलन आयोजना गरि ट्रम्पले कार्यकारी आदेशमा हस्ताक्षर गरेका हुन् । बेरोजगार भत्ताबापत तोकिएको साताको ४०० डलरमध्ये केन्द्र सरकारले ७५ प्रतिशत र राज्यले २५ प्रतिशत रकम दिनुपर्ने ट्रम्पको भनाइ छ । अमेरिकी कानून अनुसार बजेट तर्जुमाको अधिकार संसदसामु मात्र छ । त्यसैले ट्रम्पले कताबाट रकम जुटाएर भत्ता दिने भन्ने केही खुलाएका छैनन् ।

कानूनविद्हरुले अदालतले ट्रम्पको कदम तुरुन्तै रोकिदिने दावी गरेका छन् । तर, आफ्नो कदम विरुद्ध मुद्दा हालिए जनतालाई राहत दिन नखोजेको ठहरिने ट्रम्पको दावी छ । यस्तै ट्रम्पले बार्षिक एक लाख अमेरिकी डलरभन्दा कम आय गर्नेलाई पेरोल ट्याक्स पनि सन् २०२० को अन्त्यसम्म मिनाहा गर्ने गरेको घोषणा गरेका छन् । यो कदमका लागि उनले आफ्नै पार्टीको पनि समर्थन भने पाएका छैनन् । पेरोल ट्याक्स बापतको रकम करदाताकै सामाजीक सुरक्षाकोषमा जाने हुँदा मिनाहा गर्न नहुने डेमोक्र्याट र रिपब्लिकन दुबैको मत छ । त्यसबाहेक कर सम्बन्धि कुनै पनि व्यवस्था राष्ट्रपतिको कार्यकारी आदेशले परिवर्तन नहुने कानूनी प्रावधान गरेको कारण उनको कदमले पनि निरन्तरता पाउन कठिन छ ।

डेमोक्र्याटहरुले प्रस्ताव गरेको प्रत्येक बयस्क अमेरिकीलाई एक पटक १२ सय डलर राहत रकम दिनेबारे भने ट्रम्पको कार्यकारी आदेश मौन छ । डेमोक्र्याटहरुको राहत प्याकेजमा कोरोना भाइरस परिक्षण, चुनावी सुरक्षा एवं राज्य सरकारहरुलाई सहायता उपलब्ध गराउने लगायत प्रस्तावमा ट्रम्पले असहमति जनाउँदै कार्यकारी आदेशको बाटो रोजेका हुन् ।