Category: डायस्पोरा

टेक्सस

नेपाली समाज टेक्ससमा दिनेश शर्माको नेतृत्वमा नयाँ कार्यसमिति चयन भएको छ । 

अध्यक्ष सहितको पदाधिकारीमा पद संख्या अनुसार नैं उम्मेद्वारी दाखेला भएपछि अध्यक्ष सहितको पदाधिकारी निर्विरोध निर्वाचित भएको थियो । तर कार्यसमिति सदस्यमा भने ६ पदका लागि ७ जनाको उम्मेद्वारी परेको थियो । कार्यसमिति सदस्यमा उम्मेद्वारी दिएकी निर्मला राईले समाजलाई मिलाएर लैजानका लागि निर्वाचनमा जानु हुदैंन भन्दैं उम्मेद्वारी फिर्ता लिएपछि निर्वाचन नहुने भएको हो । 

समाजका निर्वतमान अध्यक्ष सुमन थापा र महासचिव भक्त भण्डारीले सर्वसम्मतीका लागि आवश्यक वातावरण मिलाएको बताइन्छ । 

समाजको नर्या समितिको अध्यक्षमा दिनेश शर्मा, वरिष्ठ उपाध्यक्षमा राजेन्द्र वाग्ले, सचिवमा नारायण हरी खड्का, कोषाध्यक्षमा मधु खरेल, सह-कोषाध्यक्षमा विवेक कंडेल तथा सदस्यहरुमा विकास उप्रेती, दिनेश न्यौपाने, पशुपति तिमिल्सेना, किरण पौडेल, राजु नेपाल र युधिष्ठिर नेपाल रहेका छन् । 

उम्मेद्वारी दाखिला नभएका महासचिव लगायतका रिक्त पदहरुमा पछि मनोनयन गरिने बताइएको छ ।

टेक्सस

अमेरिकाको टेक्सस राज्यको सिटी अफ अर्भिङ र काठमाडौंको गोकर्णेश्वर नगरपालिकाका बीचमा भगिनी सम्बन्ध स्थापनाका लागि पहल अघि बढाईएको छ ।

नेपाली समुदायको बाक्लो बसोबास रहेको सिटी अफ अर्भिङसँग भगिनी सम्बन्ध स्थापनाका लागि गोकर्णेश्वर नगरपालिकाको एक प्रतिनिधि मण्डलले सिटी अफ अर्भिङमा मेयर लगायत पदाधिकारीसँग भेटघाट समेत गरेको छ ।

टेक्ससको डलासमा रहेको नेपलिज अमेरिकन च्याम्बर अफ कमर्शको संयोजन र सिटी अफ अर्भिंग तथा अर्भिंङ लस कोलिनस च्याम्बर अफ कमर्शको निमन्त्रणमा अमेरिकाको भ्रमणमा आएको गोकर्णेश्वर नगरपालिका, काठमाडौं नेपालको एक प्रतिनिधिमण्डललाई सिटी अफ अर्भिंगले स्वागत तथा सम्मान गरेको थियो ।

टेक्ससको सिटी अफ अर्भिंग र नेपालको गोकर्णेश्वर नगरपालिका बीच ‘सिस्टर सिटी’ सम्बन्ध स्थापनाका लागी नेपलिज–अमेरिकन च्याम्बर अफ कमर्श, डालस, टेक्ससले पहल सुरु गरेपछि पहिलो चरणमा गोकर्णेश्वर नगरपालिकाको तिन सदस्यीय प्रतिनिधिमण्डल १० दिने भ्रमणका लागि अमेरिका आएको थियो ।

भ्रमणका क्रममा प्रतिनिधिमण्डलले अर्भिंङ सहरस्थित विभिन्न कार्यालयको अवलोकनका साथसाथै फोहर मैला व्यवस्थापन, प्रहरी सुरक्षा, खानेपानीको उचित व्यवस्थापन तथा वितरण तथा दमकल र अन्य आपतकालीन सुविधाका बारेमा जानकारी हासिल गरेको थियो ।

भ्रमणको अन्तिम दिन पारेर स्थानीय सभाकक्षमा आयोजना गरिएको उक्त परिचय तथा सम्मान कार्यक्रममा आयोजक तथा सहभागीहरूलाई धन्यवाद ज्ञापन गर्दै गोकर्णेश्वर नगरपालिकाका प्रमुख प्रशासकीय अधिकृत अग्नि अधिकारीले सिटी अफ अर्भिंङको भ्रमणका क्रममा धेरैं विषयवस्तुमा सिक्ने मौका मिलेको बताए ।

सिटी अफ अर्भिंङका मेयर रिक स्टोफरले प्रतिनिधि मण्डललाई स्वागत गर्दै गोकर्णेश्वर नगरपालिकासँग थप सम्बन्ध बिस्तारका लागि आफू इच्छुक रहेको बताउनुभयो । सो समारोहमा मेयर लगायत ८ काउन्सिल मेम्बरहरू, सिटी अफ अर्भिंगका प्रहरी प्रमुख, फायर प्रमुख र सिटी अफ अर्भिंङका प्रबन्धकहरू, अर्भिंङ लस कोलिनस च्याम्बर अफ कमर्सका प्रतिनिधिहरू, नेपलिज–अमेरिकन च्याम्बर अफ कमर्सका प्रतिनिधिहरू र स्थानीय बासिन्दाहरूको उल्लेख्य सहभागिता थियो ।

गोकर्णेश्वर नगरपालिकाका प्रमुख प्रशासकीय अधिकृत अग्नि अधिकारीको नेतृत्वमा आएको टोलीमा नेपालको गोकर्णेश्वर नगरपालिका वार्ड नम्बर ५ का प्रमुख नारायण सुबेदी र वार्ड नम्बर ६ का प्रमुख रमेश अर्याल रहेका थिए ।

यसैबीच, भ्रमणमा रहेको प्रतिनिधि मण्डलले सिटी अफ अर्भिंङका मेयर रिक स्टोफरलगायत सम्पूर्ण काउन्सिल मेम्बरहरूलाई २०२० मा नेपाल भ्रमणको निम्ति औपचारिक निमन्त्रणा समेत गरेको छ । गोकर्णेश्वर नगरपालिकाका मेयर सन्तोष चालिसेद्वारा प्रेषित औपचारिक पत्र सिटी अफ अर्भिंगका मेयर रिक स्टोफरलाई प्रदान गरिएको थियो ।

सोही अवसर पारेर मेयर लगायत सम्पूर्ण काउन्सिल मेम्बरहरू तथा सहरका प्रमुख अधिकारीहरूलाई ’भ्रमण वर्ष २०२०’ का बारेमा जानकारी गराउँदै नेपाली टोपी तथा अन्य उपहारहरु समेत हस्तान्तरण गरिएको थियो । मेयर स्टोफरका लागी भने बुद्धको एक विशेष मूर्ति गोकर्णेश्वर नगरपालिका वार्ड नम्बर ५ का प्रमुख नारायण सुबेदीले उपहार स्वरूप प्रदान गर्नुभएको थियो ।

गोकर्णेश्वर नगरपालिका र सिटी अफ अर्भिंग बिच ’सिस्टर सिटी’ को सम्बन्ध स्थापनार्थ सुरुवात गरिएको यो भेटघाट पश्चात् सिटी अफ अर्भिंगको टोली सन् २०२० को समरमा नेपाल जाने समेत योजना रहेको छ ।

न्यूयोर्क/अमेरिका
युनाइटेड शेर्पा एसोसिएसन (शेर्पा किदुग)ले एक कार्यक्रम आयोजना गरी बौद्ध दर्शनका गुरु खेन्पो साङगे राङज्युङ रिन्पोक्षे द्वारा महत्वपूर्ण अभिषेक र आगम प्रदान गराएको छ । किदुगको आफ्नै गुम्बामा आयोजित कार्यक्रममा अभिषेक ग्रहण गर्न बौद्ध धर्मावलम्बीहरुको ठूलो घुँइचो लागेको थियो ।
नेपाली भाषामा व्याख्या सहितको अभिषेक, आगम र प्रवचन सुन्नका लागि बिहानैदेखि भक्तजनहरु जम्मा भएका थिए । किदुगका पदाधिकारीहरु, स्थानीय लामा गुरुहरु र भक्तजनहरु प्रवेशद्वार अगाडि धूप, फूल, खताग् र पञ्च रंगी ध्वजाहरु लिएर लस्करै उभिएका थिए । गुरु रिपोन्क्षेको आगमन हुँदा परम्परागत बाजा गाजाले स्वागत गरिएको थियो ।
बिहानी सत्रमा रिम्पोक्षेले सत्रौँ शताब्धिका महान गुरु लोङछेन जिग्मे लिङ्पाले प्रतिपदान गरेको ङिङिथग परम्पराको पुर्वाभ्यासको आगम दिएका थिए । वज्रयानीहरुमा बिशेष गरी ङिङमा परम्पराको अभ्यास गर्न चाहनेहरुको लागि ङोन्डोको अभ्यास अनिवार्य मानिन्छ । दिउँसोको सत्रमा गुरु पद्म संभवको अनेक रुप मध्ये एक रत्न थोठ्रेङ्चलको अभिषेक प्रदान भएको थियो । यो अभिषेक आयु, ज्ञान र ऐश्वर्य प्राप्तिको लागि प्रभावकारी मानिन्छ । शेर्पा समुदायका औतारी गुरु उर्गेन क्षोत रिन्पोक्षे, डा. युला शेर्पा, लोपेन ग्युर्मे क्षोडक, खेन्पो पेमा छिरिङ् लगायतका गुरुहरुले पनि भक्तजनहरुका साथमा अभिषेक् ग्रहण गरेका थिए।

शेर्पा किदुग, श्यार्वी रिग्श्युङ् लोप्टा र श्यामा किदुगले त्रिकाय मण्डल चढाइएको थियो । निधि अन्र्तगतको महत्वपुर्ण ग्रन्थ ‘लोङछेन ङिङथिक ङोन्डोको लुङ’ (आगम) र ‘गुरु रिम्पोचेको रत्न थोठेङचलको’ अभिषेक प्रदान गरेका थिए ।
सोही समारोहका बीच शेर्पा किदुगलाई १५ हजार १५ अमेरिकी डलर दान गर्ने कमला गौचनलाई किदुगका अध्यक्ष उर्गेन शेर्पा र ट्रष्टी संयोजक पेम्बा ग्याल्जेन शेर्पाले सम्मान गरेको थिए । ट्रष्टी सदस्य र आजीवन सदस्यहरुलाई प्रमाणपत्र वितरण गरिएको थियो ।
खेन्पो राङ्ज्युङ् रिन्पोक्षेले भारत नाम्ड्रोलिङ बौद्ध बिश्व बिद्यालयबाट बिद्यावारिधि प्राप्त गरेका छन् । हाल नेपालमा १ हजार ४ सय भन्दा बढी विद्यार्थीलाई बौद्ध शिक्षा दिंदै आएका छन् । उनले स्थापना गरेको काठमाडौं फर्पिङको उर्गेन दोर्जे क्षोलिङ् गुम्बामा बौद्ध दर्शन सँगसँगै नेपालको सरकारी पाठ्यक्रम अनुसार हाई स्कूल सम्मको पढाई निशुल्क भैरहेको छ । हाल उनी नेपाल भित्रका एक दर्जन भन्दा बढी गुम्बाको प्रमुख लामा हुनको साथै संसारका विभिन्न देशहरुमा धर्म केन्द्र स्थापना गरी सत्धर्मको विस्तारमा समर्पित छन् । न्योर्कको कार्यक्रम लगतै पेन्सिलभानिया र टेक्सासका विभिन्न स्थानमा प्रवचन दिने कार्यक्रम छ ।

कल्पना घिमिरे
न्यूयोर्क/अमेरिका
‘हामी नेपाली ग्लोबल’ ले शान्ती पदयात्रा गर्दै अन्तराष्ट्रिय सम्मेलन गर्ने भएको छ । एक वर्ष अघि सबै जाती बर्ग क्षेत्र र राजनीतिबाट माथि उठ्दै ‘हामी नेपाली ग्लोबल’ नामक संस्थाको न्यूयोर्कमा औपचारिक उद्घाटन भएको थियो ।
स्थापनाको प्रथम बार्षिक उत्सबका अवसरमा आगामी नोभेम्बर २३ मा ज्याक्सन हाइटको ड्राइभरसिटि प्लाजाबाट शान्ती पद यात्रा गर्ने तयारी भइरहेको छ । ड्राइभरसिटि प्लाजाबाट निस्किएको पदयात्रा रुजबेल्ट एभिन्यु, ३७ एभिन्यु हुँदै ड्राइभरसिटि प्लाजामै पुगेर टुङ्गिने छ ।
पदयात्रा पछिको सम्मेलनमा एक वर्षको प्रगती बिवरणको भिडियो प्रस्तुत गरिनेछ भने अमेरिका च्याप्टर गठन गर्दै सदस्यहरुलाई प्रमाण पत्र प्रदान गरिनेछ । कार्यक्रममा सहभागीहरुलाई हामी नेपाली ग्लोबलको स्कुलिङ र हामी नेपाली ग्लोबल एलएलसी सम्बन्धी जानकारी गराइनेछ । संस्थाको भिजन मिसन के हो ? कसरी काम गरिन्छ भन्ने बारेमा पनि कार्यक्रममा बताइने छ । कार्यक्रममा अमेरिका, क्यानडा, युरोप, कोरिया, हल्याण्ड, बेल्जियम, इङ्ल्याण्ड, नेपाल लगायत बिभिन्न मुलुकमा रहेका नेपालीको सहभागिता रहने संस्थाका अध्यक्ष अमृत लामाले जानकारी दिए ।
विश्वभरी छरिएर रहेका नेपालीलाई एकतृत गर्दै नेपाल र नेपालीलाई समृद्ध बनाउने उदेश्यले हामी नेपाली ग्लोबलले बिभिन्न कार्ययोजना बनाइरहेको उनले बताए । नेपालको पूर्वाधार बिकास, शिक्षा, स्वास्थ्य, रोजगार, लगायतमा लगानी गरेर नेपालमै रोजगारी सिर्जना गर्ने संस्थाको योजना छ ।
बिदेशमा सिकेको ज्ञान र सीपलाई नेपालमा लगानी गर्ने र आफ्नो मुलुकलाई बिकसित र समृद्ध बनाउने अभिप्रायले संस्था स्थापना गरेको आयोजकले जनाएको छ । बिदेशिएका युवाहरुलाई तार्गेट गरेर बिभिन्न योजना बनाउने र काम गर्ने संस्थाको लक्ष्य रहेको र त्यसै अनुसार बिदेशिएका युवाहरुलाई अफ्ठेरो परिस्थितिमा सहयोग गरिरहेको पनि बताए ।
‘मलेशियामा अलपत्र परेका लाशलाई नेपाल पठाउने, फ्रस्टेसन, डिप्रेसनमा परेर छटपटिएकालाई नेपाल फर्काएर औषधि उपचार गर्ने लगायतका काममा संस्थाले सहयोग गरिरहेको छ’ अध्यक्ष लामाले भने ।
संस्था स्थापनाको एक वर्षमै सबै काम पुरा हुँन नसक्ने भन्दै नेपालमै कार्यालय खोलेर योजना बद्ध ढंगले काम भइरहको उनले बताए ।
आय आर्जनको काममा युवाहरुलाई लगाएर बिदेशिएको युवा जमातलाई रोक्नकालागि संस्थाले बिशेष ध्यान दिर्दै थुप्रै योजना बनाइरहेको पनि जानकारी गराए । अमेरिका, नेपाल लगायत बिभिन्न ३० मुलुकमा संस्थाको सम्पर्क कार्यालय बनिसकेको छ । संस्थामा हालसम्म ४३० फाउण्डर मेम्बर छन् । संस्थाको फाउण्डर मेम्बर कहुनका लागि १ सय अमेरिकी डलर शुल्क लाग्ने छ ।
हामी नेपाली ग्लोबलमा ४ एम्वासडर, ३२ काउन्सिलर, सञ्चार, कानुन, स्वास्थ्य, सांस्कृतिक रिसोर्स, हुमेन केयर, आइटी, खेलकुद, तालिम, क्रिएटिभ डिजाइन, जनसम्पर्क बिभागहरु लगायत बिभिन्न विभागमा बिभाजन गर्दै संस्था सञ्चालन गरिने योजना छ ।

न्यूयोर्क/अमेरिका

बिरामी, अशक्त, गर्भवती महिला तथा सुत्केरीलाई स्वास्थ्य चौकी तथा अस्पताल लैजान सहज होस भन्ने उदेश्यले बलेवा समाज अमेरिकाले ३० वटा स्टेचर बितरण गरेको छ ।

बाग्लुङ जिल्लाको पैयुँपाटा, अमलाचौर र नारायणस्थान गरी ३ गाबिसमा ३० वटा स्टेचर बितरण गरिएको हो । जिल्लाका दुर्गम गाउँमा अझै मोटर बाटो पुगेको छैन । मोटर बाटो नपुगेका गाउँका बिरामीलाई अझै पनि स्टेचरमै राखेर अस्पताल वा स्वाथ्यचौकी सम्म पु¥याउनु पर्छ । यी गाबिसका लागि अति आवश्यक ठानेर नै स्टेचर बितरण गरिएको बलेबा समाजका अध्यक्ष अनिल अधिकारीले बताए ।
स्टेचरका किन्नका लागि अमेरिकामा बसोबास गर्दै आएका केही समाजसेवीबाट रकम सहयोग भएको पनि उनले जाकानरी दिएका छन् ।
कार्यक्रमका प्रमुख अतिथि नेपाल बिद्यार्थी संघका केन्द्रिय उपाध्यक्ष डिल्लीराम सुवेदीले प्रवासमा रहेका नेपालीहरुले आफु जन्मेको ठाँउ र नेपाल प्रति माया देखाउँदै थुप्रै सामाजिक कामहरु गरिरहेको बताए ।
कार्यक्रममा ट्रेड यूनियन कांग्रेसका क्षेत्रिय उपाध्यक्ष रामप्रसाद अधिकारी, ट्रेड यूनियन कांग्रेस बाग्लुङका जिल्ला अध्यक्ष उमाकान्त शर्मा बाबु, वडा अध्यक्षहरु, स्वास्थ्य चौकीका प्रमुखहरु तथा थुप्रै स्थानियहरुको उपस्थिति रहेको थियो ।

न्युयोर्क/अमेरिका
अमेरिकाको न्यूयोर्कमा वर्ल्ड नेपाली म्युजिक अवार्ड २०१९ को ‘ग्राण्ड फिनाले’ गरिने भएको छ । नेपाली सांगितिक इतिहासमै पहिलो पटक विश्वभरका कालाकारहरु समेटेर यस्तो कार्यक्रम गर्न लागिएको हो ।
कार्यक्रममा विश्वभर छरिएर बसेका प्रतिभाशाली कलाकारलाई प्रतिस्पर्धा गराएर उत्कृष्ठ छानिनेछ । वर्ल्ड कनेक्सन युएसए इन्क र फिदर क्रिएसन प्राइभेट लिमिटेड नेपालको सहकार्यमा आयोजना गर्न लागिएको वर्ल्ड नेपाली म्युजिक अवार्ड २०१९ आगामी नोभेम्बर २३ मा हुँदैछ । ‘नेपाली संगितलाई संरक्षण गरौं । अन्तराष्ट्रिय क्षेत्रमा प्रवद्र्धन गरौं ।।’ भन्ने नाराका साथ कार्यक्रम गर्न लागिएको आयोजकले जनाएको छ ।
नेपाल सरकारका प्रतिनिधिको प्रमुख आतिथ्यमा अमेरिकी सरकारी निकायका प्रतिनिधि तथा धर्मगुरुहरुको बिशेष उपस्थितिमा विविध सांगितिक कार्यक्रमका साथ अन्तराष्ट्रियस्तरको यो कार्यक्रमको ग्राण्ड फिनाले घोषणा गरिने जनाइएको छ ।
प्रारम्भिक चरणमा विश्वभरीमा छरिएर रहेका नेपालीहरुको बिभिन्न १८ विधामा ७८२ निबेदन पर्न आएको थियो । त्यसमध्ये नेपालमा रहेको निर्णायक मण्डल (जुरी कमिटि)ले गत सेप्टेम्बरमा उत्कृष्ठ १० को छनौट गरिसकेको छ ।
छानिएका उत्कृठ १० जनाबाट बिभिन्न १८ विधामा उत्कृष्ट तीन (टप थ्री) को पनि छनौट भइसकेको आयोजकले जनाएको छ । आगामी हुने कार्यक्रममा बिभिन्न १८ बिधाका उत्कृष्ठ ३/३ जना गरी ५४ जनाको सहभागीता
रहने छ । कार्यक्रममा यी बिभिन्न बिधाका टप थ्री मध्ये उत्कृष्ठ एक/एक छनौट गरिनेछ र अवार्ड प्रदान गरिनेछ ।
कार्यक्रमलाई भब्य रुपमा सफल बनाउन सांगितिक तथा संस्कृतिक प्रस्तुतीका लागि नेपालबाटै चर्चित, गायक, गायिका तथा कलाकारहरुको सहभागीता र प्रस्तुती रहनेछ । कार्यक्रममा नेपालबाट गायिका अन्जु पन्त, ज्योती मगर, सत्यकला राई, नायिका केकी अधिकारी, आँचल शर्मा, हाँस्यकलाकार उमेश राइ (फुलन्देकी आमा), पार्वती राइ, मरिस्का पोख्रेल, मिलन लामा, मिङमार शेर्पा, शंकर बिसी, आरुसी मगर लगायतको ठूलो समुह नेपालबाट आँउने तयारी भइरहेको कार्यक्रमका कन्भेनर राजकुमार बिष्टले जानकारी दिए । नेपाली गीत संगित क्षेत्रका पप गीत, लोकगीत, भाषिक गीत, नृत्य लगायत बिभिन्न १८ वटा बिधामा उत्कृष्ट छनौटमा परेका ५४ कालाकार पनि आउनेछन् ।
व्यवसायिक गीतकार र सङ्गीतकारले गरेको मूल्याङ्कन र श्रोताको भोटका आधारमा टप थ्रीमा परेका कलाकारहरुबिच ग्राण्ड फिनालेमा प्रतिस्पर्धा घोषणा हुनेछ ।
कार्यक्रमका लागि गत जुन २१ देखि अगस्ट १३ सम्म बिभिन्न विधाबाट आवेदन सङ्कलन गरिएको थियो । छनौट समतिको मूल्याङ्कनका आधारमा गत सेप्टेम्बर २९ मा विभिन्न १८ विधाबाटै उत्कृष्ठ १० छनौट गरिएको थियो भने उत्कृष्ठ १० मा परेका गीत सङ्गीतबाट एसएमएस भोटिङ र छनौट समितिको मूल्याङ्कनका आधारमा गत अक्टोबर २४ मा टप ३ छानिएको आयोजकले जनाएको छ ।
आगामी नोभेम्बर २३ मा हुने वर्ल्ड नेपाली म्युजिक अवार्ड कार्यक्रममा टप थ्री बाट बिजेता घोषणा गर्दै अवार्ड प्रदान गरिनेछ ।