न्युयोर्क
एनआरएनए एनसीसी अमेरिकाद्वारा गठित नेपाली साहित्य संरक्षण र सम्बर्धन समितिले २०७ औं भानु जयन्तीकाे पावन अवसरमा ‘साहित्यिक चाैतारी’ कार्यक्रम जुम मार्फ़त् जुलाई १३ तारिख साेमबार भब्यतापुर्वक सम्पन्न गरेकाे छ ।
कार्यक्रमका प्रमुख अतिथि नेपाल प्रज्ञा-प्रतिष्ठानका कुलपति गङ्गाप्रसाद उप्रेतीले आदिकवि भानुभक्त आचार्यकाे याेगदानकाे चर्चाका साथै एनआरएनएसँग मिलेर साहित्यिक उत्थानमा सहकार्य गर्ने बताउनु भयाे र एउटा कविता समेत पाठ गर्नु भयो। समाराेहका अतिथि नेपाल प्रज्ञा प्रतिष्ठानका सदस्य-सचिव प्रा. जगतप्रसाद उपाध्याय ‘प्रेक्षित’ले भानुकाे नेपाली साहित्य र समाजमा परेकाे प्रभावका विषयमा चर्चा गरी नेपाली शब्दकोश एप, भानु पुरस्कार तथा प्रवासी साहित्यकारकाे कृति प्रकाशित गर्नेजस्ता प्रज्ञा प्रतिष्ठनका याेजना सुनाउँदै आफ्नाे सशक्त कविता पनि प्रस्तुत गर्नुभएकाे थियाे ।
एनआरएनए एनसीसी अमेरिकाद्वारा गठित नेपाली साहित्य संरक्षण र सम्बर्धन समितिका संयाेजक सर्वज्ञ वाग्लेद्वारा सभाको सभापतित्व गर्दै दीपप्रज्ज्वलन एवं आदिकवि भानुभक्त आचार्यकाे तस्बीरमा माल्यार्पण गरी प्रारम्भ गर्नुभएकाे कार्यक्रममा एनआरएनए एनसीसी अमेरिकाका अध्यक्ष सुनील शाह, कालिफाेर्निया च्याप्टरका अध्यक्ष सुरेन्द्र मल्ल, अनेसास बाेर्ड अफ ट्रस्टीका उपाध्यक्ष पदम विश्वकर्मा, निजानन्द मलल्ल लगायतका अतिथिहरूले भानुभक्तकाे याेगदान र रचनाका साथ शुभकामना व्यक्त गरेका थिए ।
समितिकाे तर्फबाट राजेन्द्रप्रसाद अर्यालकाे स्वागत मन्तव्यका साथ सुरु भएकाे कार्यक्रममा मुरारी गुरागाईकाे संगीतसहित सरु गुरागाईले भानुभक्तकाे रामायणबाट सुमधुर वाचन गर्नुभएकाे थियाे ।
कार्यक्रममा मदन पुरस्कार प्राप्त गर्ने स्रष्टा निलम कार्की निहारिका, राम कुमार सुवेदी, छत्रपति दाहाल, डा. ऋषि बास्ताकाेटी, कृष्ण कुमारी पाैडेल, प्रकाश भट्ट, खेमराज पाेखरेल, लेखनाथ काफ्ले, सीता अर्याल, डा. दुर्गाप्रसाद अर्याल, नम्रता गुरागाईं, रीता देवी प्रधान, भावना खतिवडा, प्रकाश पाण्डे, गीता बजगाईं, मित्र पाैडेल, प्रकाश नेपाल, तेज विनाेद, पशुपति पराजुलीलगायतका साहित्यकारहरुले कविता, गजल, गीत, मुक्तक तथा आदिकवि भानुभक्त आचार्यका रचनासमेत वाचन गरेका थिए ।
पीपलमणि सिग्देल, प्रकाश पाण्डे तथा गीता बजगाईंले संचालन गर्नुभएकाे कार्यक्रममा कृष्ण कुमार गिरीले धन्यवाद ज्ञापन गर्नुभएकाे थियाे भने संयाेजक एवं समारोहका सभापति सर्वज्ञ वाग्लेले शुभकामनाका साथ कार्यक्रम समापन गर्नुभएकाे थियाे ।
NRNA NCC USA काे फ़ेसबुक पेज, www.osvevo लगायतबाट लाइभ गरिएकाले हजाराै दर्शककाे सहभागिता रहेकाे थियाे ।
