Category: डायस्पोरा

काठमाडौं । विदेशबाट लाखौं नेपाली घर फर्कने आशमा सरकारको मुख हेरिरहेका छन् ।

नेपालबाट धमाधम मुलुकहरुले जहाज चार्टर्ड गरी आफ्ना नागरिक फर्काइरहँदा नेपालीले पनि त्यो आश गर्नु नौलो विषय रहेन ।

तर, सरकारले भने यसलाई जोखिमसँग हेरेर विश्लेषण गरेको छ ।

सरकारका प्रवक्ता तथा अर्थमन्त्री डा. युवराज खतिवडाले विदेशमा रहेका नेपालीलाई घर फर्काउनु पर्छ भन्ने भावनालाई आत्मसाथ गर्दै त्यसअगाडी जोखिमको विश्लेषण गर्नुपर्ने बताएका छन् ।

अहिले जुन व्यक्ति जहाँ छ, त्यही बस्दा बढी सुरक्षित हुने भन्दै उनले व्यवस्थापनको तयारी नगरी नागरिक फिर्ता ल्याउँदा त्यसले नित्याउने जोखिमबारे छलफल गर्नुपर्ने बताए ।

विदेशमा रहेका नेपाली नागरिकलाई सोही मुलुकले सुरक्षित रुपमा राख्ने र नेपालमा रहेका विदेशी नागरिकलाई नेपालले सुरक्षित राख्ने  सहमति समेत भइरहेको उनले जनाए ।

विनियोजन विधेयकमाथि उठेका प्रश्नको संसदमा बुधबार जवाफ दिँदै अर्थमन्त्री खतिवडाले सीमापारि रहेका नेपालीलाई फर्काउनेबारे थप छलफल आवश्यक रहेको बताएका हुन् ।

सांसदहरूले उठाएका प्रश्नको जवाफमा उनले भने ‘बाहिर बसेकाहरू स्वदेश फर्कन चाहन्छन् भने उनीहरूलाई ल्याऔं भन्नुभएको छ । योसम्बन्धी विषयमा मलाई लाग्छ अलिकति बढी छलफलको आवश्यकता पर्छ । हाम्रा भावनाहरू एक ठाउँमा छन् र हाम्रा कठिनाइहरू पनि हामीले सँगसँगै हेर्नुपर्छ ।’

मान्छे ल्याउने, लाने भन्ने कुरालाई समग्र स्वास्थ्य जोखिमको आधारबाट विश्लेषण गर्नुपर्ने उनको तर्क रहेको छ । सीमापारिका नेपालीहरूको व्यवस्थापन कसरी गर्ने भन्नेबारे छलफल गर्न प्रधानमन्त्री ओलीले सर्वदलीय बैठक बोलाएको उनको भनाई छ ।

काठमाडौं । कोरोना भाइरको संक्रमणबाट मंगलबार यूएईमा दुई जना नेपालीको ज्यान गएको छ ।

त्यहास्थित नेपाली दूतावास स्रोतका अनुसार यूएईको आबुधाबीमा अर्घाखाँचीका ३९ वर्षिय एक पुरुषको ज्यान गएको छ ।

यूएईकै अलऐनमा अर्का नेपालीको ज्यान गएपनि नेपालको ठेगाना भने स्पष्ट भइनसकेको बताइएको छ ।

कोरोना सङ्क्रमणका कारण मृत्यु भएको अर्घाखाँचीका युवा लामो समय अस्पतालमा उपचारार्थ भर्ना भएका थिए ।

तर, उनले कोरोनालाई जित्न सकेनन् ।

उनको निधन भएको बारे कम्पनीले मंगलबार नै परिवारलाई जानकारी समेत गराएको छ ।

अलऐन अस्पतालमा ज्यान गुमाउने युवाको भनो ठेगाना खुलाइएको छैन ।

यस मुलुकमा कारोना भाइरसबाट संक्रमितलाई राष्ट्रियता नखुलाई अस्पतालमा भर्ना लिने गरिएको छ । कोरोनाबाट धेरै नेपालीको ज्यान जानेमा यूएईसमेत पर्छ ।

काठमाडौं । संसारभर कोरोना भाइरसको संक्रमण शुरु भएयता साउदी अरबमा ३१ जना नेपाली नागरिकको ज्यान गएको छ ।

त्यसमध्ये एक जनाको मृत्युका कारण कोरोना रहेको साउदी अरेबियास्थित नेपाली दूतावासले जानकारी दिएको छ । ।

यो मुलुक नेपाली कामदारको प्रमुख श्रम गन्तब्य मध्ये एक हो ।

साउदी अरेबियामा कोरोना भाइरसबाट संक्रमित नेपालीको संख्या भने ६७४ पुगेको दूतावासले उल्लेख गरेको छ ।

साउदी स्वास्थ्य मन्त्रालय र विदेश मन्त्रालयलाई उदृत गर्दै दूतावासले दिएको जानकारी अनुसार साउदी अरबको पूर्वी क्षेत्रमा ३३६ जना नेपाली संक्रमित छन् ।

यस भेगको मक्का, मदिना, जेद्दा र जजान लगायतमा १४८ जना, रियाद क्षेत्रमा १७५ जना, कसिम क्षेत्रमा ३ जना, हायल क्षेत्रमा ३ जना र अन्य स्थानमा ९ जना नेपालीहरू संक्रमित छन् ।

संक्रमितमध्ये ११ जना महिला हुन् । संक्रमित मध्ये अधिकांश भने निको भइसकेको दूतावासको भनाई छ ।

साउदीमा कोरोना भाइरसबाट संक्रमितको संख्या ४२,९२५ पुगेको छ ।

कूल संक्रमितहरु मध्ये हालसम्म १५,२५७ जना निको भएका छन् । साउदीमा २६४ जना संक्रमितको मृत्यु भएको छ ।

काठमाडौं । कुवतेमा आइतबारबाट लगातार २० दिन कर्फ्यु आदेश जारी भएको छ । कोरोना भाइरसको संक्रमण बढेपछि कुवेत सरकारले यस्तो आदेश जारी गरेको हो ।

कर्फ्युका कारण यहाँ कार्यरत हजारौं नेपाली नागरिक समेत प्रभावित हुने भएका छन् । कुवेत सरकारको गत शुक्रबार बसेको मन्त्रिपरिषद् बैठकले १० मेदेखि ३० मे २०२० सम्म पूर्ण कर्फ्यु लागू गर्ने निर्णय गरेको थियो ।

यसको कार्यान्वयन आइतबारदेखि शुरु भएको छ । पूर्ण कर्फ्यु लगाइएको समयमा कोपरेटिभ सोसाइटी, खाद्यान्‍न आपूर्ति गर्ने तथा ग्यास सिलिन्डर वितरण गर्ने पसल भने खुला नै हुनेछन् ।

सामान्यतया मानिसहरु हिड्न पाउने छैनन् । तर, अत्यावश्यक कामका लागि साढे ४ बजेपछि दुई घण्टाको समय छुट्याइएको छ ।

उक्त समयावधिमा आफू बसोबास गर्ने क्षेत्रभित्र कार वा अन्य सवारीसाधनको प्रयोग नगरी स्वास्थ्य सम्बन्धी पूर्वसावधानीका सर्तहरू तथा मापदण्ड पुरा गरी हिड्न सकिने भएको छ ।

कुवेतमा सोमबार विहानसम्म ५८ जनाको ज्यान गइसकेको छ । यस मुलुकमा ८ हजार ६८८ जना संक्रमित रहेको कुवेत सरकारले जनाएको छ ।

यसमुलुकमा करीव ३० हजार नेपाली रहेका छन् ।

काठमाडौं । कोरोना भाइरसका विश्वव्यापी महामारीका बीच नेपाल तुलनात्मक रुपमा सुरक्षित छ ।

किनकी अहिलेसम्म १ सय १० जनामा संक्रमण पुष्टी भएपनि ३२ जना डिस्चार्ज भइसकेका छन् । अन्यको पनि स्वास्थ्य अवस्था सामान्य छ ।

अधिकांशलाई कोरोनाको लक्षणसम्म देखिएको छैन । तर, नेपाल बाहिर भने नेपालीले ज्यान गुमाउने संख्या निरन्तर बढ्दो रहेको छ ।

कोरोना भाइरसका कारण विश्वभर ७८ जना नेपालीको मृत्यु भएको गैरआवासीय नेपाली संघ (एनआरएनए)ले उल्लेख गरेको छ ।

विश्वभर पाँच हजार ५ सय ८१ जना नेपालीमा कोरोना संक्रमण भएको छ । एनआरएनए अन्तर्गतको स्वास्थ्य समितिले संकलन गरेको तथ्यांकअनुसार सबैभन्दा बढी नेपाली बेलायतमा ज्यान गुमाउन बाध्य भएका छन् ।

यहाँ अधिकांश पूर्वगोर्खा सैनिकको ज्यान गएको छ । यस मुलुकमा ५१ जना नेपालीको मृत्यु भएको छ । संयुक्त राज्य अमेरिकामा कोरोना भाइरसका कारण ज्यान गुमाउनेको नेपालीको संख्या १५ पुगेको छ ।

समितिका अनुसार न्युयोर्कमा १२, कोलोराडोमा २ र भर्जिनियामा १ जना नेपालीको ज्यान गएको छ । संयुक्त अरब इमिरेट्स (युएई) मा ६ जना र आयरल्याण्ड, जापान, टर्की, नेदरल्याण्ड, बहराइन र स्वीडेनमा एक, एक जनाको कोरोना भाइरसका कारण ज्यान गएको छ ।

कोरोना भाइरसका पछिल्लो एक सातामा ५ जना नेपालीले ज्यान गुमाएका हुन् । बेलायतमा २ तथा स्वीडेन, बहराइन र युएईमा एक,एकजना नेपालको ज्यान गएको हा ।

नेपालबाहेक विश्वभर ५ हजार ४ सय ७२ जना गैरआवासीय नेपाली कोरोनाबाट संक्रमित छन् ।

त्यसमध्ये २ हजारभन्दा बढी नेपालीले कोरोनालाई जित्न सफल भएका छन् । तर, पछिल्लो केही सातायता विदेशमा रहेका नेपाल समुदायमा कोरोना भाइरस संक्रमणको गति भने क्रमः कम हुँदै गएको छ ।

यो साता फिनल्याण्ड, र स्वीडेनमा नेपालीहरुमा नयाँ संक्रमण देखिएको संघले जनाएको छ ।

विश्वका ९ देशमा गैरआवासीय नेपालीहरुको ज्यान गएको छ । २० मुलुकमा रहेका नेपालीहरु कोरोना भाइरस बाट संक्रमित छन् ।

स्वास्थ्य समितिका अनुसार कतारमा २ हजार ३ सय, अमेरिकामा १ हजार ५ सय, युके १ हजार, बहराइनमा २ सय ४५, युएईमा १ सय ४९, कुवेतमा ७८, नेपालमा १०९, मलेसियामा ४९, साउदी अरबमा ३०, पोर्चुगलमा २६, आयरल्याण्डमा २२ जना नेपालीमा कोरोना संक्रमण पुष्टि भएको छ ।

यसैगरी स्पेन र अष्ट्रेलियामा १२\१२ जना तथा जापान र क्यानडामा १०\१० जना नेपाली संक्रमित छन् ।

बेल्जियममा ६, स्वीटजरल्याण्डमा ५ तथा जर्मनी र फिनल्याण्डमा ४\४ जना नेपालीलाई कोरोना पुष्टि भएको छ ।

यसैगरी साइप्रस र न्युजिल्याण्डमा ३\३ जना, माल्दिभ्स, माल्टा र हङ्गकङ्गमा २\२ जना तथा म्यानमार र फ्रान्समा १\१ जना गैरआवासीय नेपालीलाई कोरोना संक्रमण भएको एनआरएनएले जनाएको छ ।

क्वालालाम्पुर । मलेसियाबाट घर फर्कन करीव २६ सय नेपाली आतुर रहेको पाइएको छ । मलेसियास्थित नेतापली दूतावासले गरेको अनलाइन तथ्यांक संकलनका क्रममा २६ जनाले घर फर्कन चाहेको जानकारी गराएका छन् ।

शुक्रबारसम्म २६ सय जना घर फर्कन आतुर रहेको पाइएको छ । दूतावासले आफुलाई परेको समस्यासहित फारम भर्न आग्रह गरेको थियो ।

मलेसियामा २० जना नेपाली नागरिकलाई कोरोना भाइरस समेत पुष्टी भइसकेको छ । मलेसियाले सबै गैरकानूनी कामदारलाई घर फर्कन आदेश समेत दिइसकेको छ ।

मलेसियामा सङ्क्रमित नेपालीमध्ये तीन जना निको भइसकेका छन् । अन्य व्यक्तिको स्वास्थ्य अवस्था सामान्य छ ।

उनीहरुको उपचार खर्च मलेसियन सरकारले बेहोरिरहेको छ । मलेसियामा रहेका सबैले अनलाइनमार्फत समस्या टिपाउन सकिने गरी सर्वेक्षण थालिएको हो ।

यसबाट मलेसियामा रहेका नेपालीको यकिन तथ्यांक समेत प्राप्त हुने अपेक्षा गरिएको छ ।

जनवरी १ देखि भिसा सकिएर मलेसियामा ओभरस्टे भएका व्यक्ति मलेसियाले लकडाउन खोलेको १४ दिनभित्र उक्त मुलुक छाड्नुपर्छ ।

मलेसियाले आफ्नो कानून अनुसार मुलुक छाड्न भनेको छ । तर, नेपालमा भने तत्काल हवाई उडान खुल्ने सम्भावना छैन ।

जसले गर्दा धेरै नेपाली समस्यामा पर्ने देखिएको छ । मलेसियामा मे १२ सम्म मात्र लकडाउन तोकिएको छ ।

काठमाडौं । कांग्रेस सभापति शेर बहादुर देउवाले बिदेशमा अफ्ठ्यारो अवस्थाका रहेका नेपालीलाई उद्दार गर्न सरकारसँग माग गरेका छन् ।

शुक्रबारदेखि शुरु भएको बजेट अधिवेशनको पहिलो बैठकलाई सम्बोधन गर्दै सभापति देउवाले विदेशमा नेपाली कोरोनाबाट प्रताडित रहेको र अप्ठ्यारोमा परेका नेपालीलाई उद्दार गर्नु सरकारको कर्तव्य रहेको बताए ।

उनले यस सम्बन्धि आवश्यक ब्यवस्थापनको योजना निर्माण गरी संसदमा यथासिघ्र पेश गर्न र उद्दार थाल्न माग गरेका छन् ।

देउवाले कोरोनाको परिस्थिति विश्लेषण गर्दै गम्भीर रुपले अघि बढ्न समेत सरकारलाई सुझाव दिए । उनले कोरोनाको विश्वव्यापी महामारीबाट नेपाल र नेपालीको रक्षा गर्न हालसम्मका प्रयासहरूको गहिरो समीक्षा गर्दै विशेष रणनीति निर्माण र कार्यान्वयन गर्न गराउन माग गरेका हुन् ।

कोरोना संक्रमित भई उपचाररत नेपाल भित्रका सबै नेपाली र विभिन्न देशमा रहेका तीन हजारभन्दा बढी नेपालीको स्वास्थ्य लाभको कामना समेत देउवाले गरे ।

उनले स्वास्थ सामग्री अभावका बावजुद उच्च मनोबल र उच्च मानवीय भावना साथ ‘फ्रन्ट लाइन’ मा कार्य गरिरहेका स्वास्थकर्मीको उच्च कदर गर्दै उच्च सम्मान प्रकट गर्ने बताए ।

अहोरात्र जिम्मेवारी निभाइरहेका सुरक्षाकर्मी, सञ्चारकर्मी एवं सफाइको क्षेत्रमा निरन्तर कार्य गरिरहेका सफाइकर्मीको समेत उनले प्रशंसा गरेका थिए ।

कोरोनाका कारण उत्पन्न अनेक जटिलता असीम धैर्य साथ सामना गरिरहेका स्वदेश र विदेशका समस्त नेपालीको धैर्यको प्रशंसा गर्दै आजको परिस्थितिलाई संयम र एकता साथ सामना गर्न समेत उनले आह्वान गरेका छन् ।

उनले लकडाउनले श्रमिक, बेरोजगार र विद्यार्थीलाई सबैभन्दा संकटमा पारेको उल्लेख गरे । सरकारले पर्याप्त राहत नदिँदा हजारौं श्रमिक पैदल हिँडेर गाउँ फर्किएको उनको भनाई छ ।

सुकुम्बासीलाई जाउलो पुर्‍याउने तत्कालीन दायित्व बिर्सेर सरकारले यो बेला सुकुम्बासी आयोग गठन गर्नुको तर्क नभएको समेत बताए ।

श्रमिक, बेरोजगार, कृषक, डेरा बस्ने विद्यार्थी, पत्रकार, मिडिया हाउस, पर्यटन व्यवसायीदेखि साना व्यापारी हुँदै उद्योगी व्यवसायीसम्मलाई विविध ढंगले राहत दिने बृहत्तर प्याकेज ल्याउन उनले आग्रह गरे ।

सिंगो देश कोरोनाबाट आतंकित भएको बेलामा सरकारले लोकतान्त्रिक मूल्य र मान्यता एवं संविधानको मूल भावना विपरीत दुईवटा विवादास्पद अध्यादेश जारी गरेर अलोकतान्त्रिक एवं गैह्र जिम्मेवार चरित्र प्रस्तुत गरेको आरोप उनले लगाए ।

काठमाडौं । साउदी अरवमा ४६ जना नेपालीमा कोरोना भाइरसको पुष्टी भएको छ । साउदीको जेद्दा क्षेत्रमा मात्र ४१ जना नेपाली श्रमिकमा कोरोना सङ्क्रमण भएको त्यहास्थित नेपाली दूतावासले जनाएको छ ।

उनीहरुमध्ये ६ जना भने निको भएर स्वस्थ बनिसकेका छन् । अन्यको अवस्था समेत सामान्य रहेको बताइएको छ ।

दूतावासले सबैको स्वास्स्थ्य अवस्थाबारे जानकारी लिइरहेको बताएको छ । साउदीमा नेपालीसहित कुनै पनि विदेशी नागरिकलाई त्यहाको सरकारले उपचार र अन्य सुविधामा भने भेदभाव गरेका छैन ।

सङ्क्रमित ४६ मध्ये ११ जना निको भएका छन् ।

साउदीमा कोरोना अस्पतालमा भर्ना गर्दा राष्ट्रियता नखुलाइएका कारण कुनै मुलुकका कति नागरिक संक्रमित छन् भन्ने यकिन तथ्यांक भने सार्वजनिक भइसकेको छैन ।

काठमाडौं । विदेशमा रहेका नेपाली नागरिकमाथि समस्या बढ्दै गएको छ ।

खासगरी रोजगारीको सिलसिलामा गएका धेरै नेपाली नागरिकमाथि रोजगारी, स्वास्थ्य तथा अन्य कानूनी समस्याहरु शुरु भइसकेका छन् ।

परराष्ट्रमन्त्री प्रदीपकुमार ज्ञवालीले कोरोना भाइरसको महामारी बढ्दै गएका कारण विदेशमा नेपालीहरु माथिको समस्या बढ्दै गएको बताएका छन् ।

मंगलबार प्रतिनिधिसभा, उद्योग तथा वाणिज्य र श्रम तथा उपभोक्ता हित समितिमा उपस्थित भई मन्त्री ज्ञवालीले अहिलेकै अवस्थामा विदेशमा काम गर्ने १० देखि ३० प्रतिशत नेपालीको रोजगार गुम्न सक्ने जानकारी गराएका हुन् ।

महामारी सिमित अवधि र सिमित क्षेत्रमा रहने अनुमान विपरित यसको फैलावट फराकिलो भएको छ ।

जसले गर्दा विदेशमा कामदार र विद्यार्थीहरुमाथि समस्या बढेको छ । अर्कोतर्फ हरेक मुलुकले पहिलो प्राथमिकता आफ्ना नागरिकलाई दिने भएकाले समेत आप्रबासी नेपालीमाथि चूनौति बढ्दै गएका हुन् ।

महामारीका कारण नेपालीको भिसा अवधि सकिने, श्रमिकको कम्पनीसँग करार अवधि सकिने र अवैध हुन पुग्दा कानूनी समस्या देखिने खतरा झन बढेको उनको भनाई छ ।

कतिपय देशबाट कामदार कटौती गर्ने र रजिस्ट्रेसन सुरु गरेको जानकारी आएको समेत उनले बताए ।

विदेशमा रहेका संक्रमित नेपालीको भने अहिलेसम्म निःशुल्क उपचार भइरहेको उनको भनाई छ । तर ती देशमा संक्रमितको संख्या बढ्दै गएपछि अस्पतालले घरमै बसेर आराम गर्न सल्लाह दिइरहेको छ । यसले अझ बढी जोखिम निम्त्याएको हो ।

कोरोना महामारीका कारण विदेशमा नेपाली समस्यामा पर्ने र उनीहरु घर फर्कन चाहेको अवस्थामा मुलुक भित्र व्यवस्थापन अर्को चूनौति रहेको उनको भनाई छ ।

वैदेशिक रोजगारी गुमाएर फर्किनेहरुका कारण नेपाली श्रम बजारमा गहिरो समस्या पर्न सक्ने चेतावती उनले दिएका छन् ।

मुलुक भित्र पनि रोजगारी गुमेको र विदेशबाट पनि बेरोजगार यूवा नेपाल आउँदा एकसाथ ठूलो समस्याको सामना गर्नुपर्ने अवस्था आउन सक्ने उनको भनाई रहेको छ ।

सरकारले युवा व्यवस्थापनको तयारी समेत थालेको भन्दै उनले विदेशमा कुनै पनि नेपालीमाथि समस्या नपरोस भनी कूटनीतिक पहल समेत गरिरहेको उनको भनाई छ ।

कुवेत । कुवेतमा एकै दिन थप ९ जना नेपाली नागरिकमा कोरोना संक्रमण पुष्टि भएको छ । अब कुवेतमा कूल ८४ जना नेपालीमा कोरोनाको संक्रमण भएको त्यहास्थित नेपाली दूतावासले जनाएको छ ।

दूतावासका अनुसार पछिल्लो समय कुवेतमा कोरोना संक्रमण बढ्दो क्रममा छ । यसले नेपालीहरुमा पनि निरन्तर जोखिम बढाएको छ ।

आइतबारसम्मको तथ्यांक अनुसार कुवेतमा ८४ जना नेपालीसहित ४ हजार ९ सय ८३ जनामा कोरोना पुष्टि भइसकेको छ ।

कोरोना फैलिन नदिन र यसको प्रभावबाट मुक्त रहन अपनाउनुपर्ने सतर्कता अपनाउन तथा कोरोनाको शंका लागेमा तत्काल स्वास्थ्य परीक्षण गराउन दूतावासले नेपालीहरुलाई आह्वान गरेको छ ।

कोरोना संक्रमणका कारण काममा जान नपाउँदा रोजगारदाताबाट पाउनुपर्ने तलब, सुविधा नपाएको तथा खानेकुराको समेत अभाव भएर कठिनाइ उत्पन्न भएमा दूतावासमा, कम्पनीमा वा रोजगारदाता व्यवस्थापन पक्षसँग सम्पर्क गर्न दूतावासले उल्लेख गरेको छ ।

यस मुलुकमा कीव ३५ हजार नेपाली रहेको अनुमान छ । कामको सिलसिलामा धेरै नेपाली यहाँ पुगेका छन् ।

काठमाडौं । कोभिड–१९ संक्रमणका कारण विश्वभर ७३ जना गैरआवासीय नेपालीको निधन भएको छ ।

गैरआवासीय नेपाली संघ (एनआरएनए), स्वास्थ्य समितिको शनिबार सम्मको तथ्यांक अनुसार उक्त संख्यामा गैरआवासीय नेपालीको ज्यान गएको हो ।

यसरी ज्यान गुमाउनेमा सबैभन्दा बढी बेलायतमा छन् । यस मलुकको ग्रेटर लण्डनमा २७, मिडल्याण्डमा आठ, साउथ इष्टमा ११ र साउथ बेष्टमा तीन जनाको ज्यान गएको छ ।

संयुक्त राज्य अमेरिकामा कोरोना भाइरस संक्रमणका कारण ज्यान गुमाउनेको संख्या १५ रहेको एनआरएनएले जनाएको छ ।

अमेरिकाको न्युयोर्कमा १२, कोलोराडोमा दुई र भर्जिनियामा एक जनाको ज्यान गएको छ । संयुक्त अरब इमिरेट्स् (युएइ) मा पाँच तथा आयरल्याण्ड, जापान, टर्की र नेदरल्याण्ड्समा एकएक जनाको ज्यान गएको स्वास्थ्य समिति संयोजक डा. सञ्जीव सापकोटाले जानकारी दिएका छन्।

उनका अनुसार नेपाल भित्रबाहेक विश्वभर पाँच हजार २४७ गैरआवासीय नेपाली कोरोनाबाट संक्रमित भएका छन् । संक्रमितमध्ये एक हजार ५७० जना संक्रमणमुक्त समेत भइसकेका छन् ।

मध्यपूर्वमा नेपालीहरु कोरोना भाइरस संक्रमणका कारण प्रभावित हुनेको संख्या बढेदो क्रममा देखिएको छ ।

ती देशले दुई हजार तीन सय नेपाली श्रमिकमा कोरोना संक्रमण भएको तथ्यांक सार्वजनिक गरेका छन्।

विश्वभर छरिएका गैरआवासीय नेपाली विज्ञ चिकित्सकको समूहले तयार पारेको सो आँकडा अनुसार २७ देशमा रहेका नेपाली कोरोना भाइरसबाट संक्रमित छन्।

कुन देशमा कति संक्रमण ?

स्वास्थ्य समितिका अनुसार विभिन्न मध्यपूर्वका देशमा दुई हजार तीन सय, अमेरिकामा एक हजार पाँच सय, बेलायतमा एक हजार, बहराइनमा १२६, युएईमा एक सय, कुवेतमा ७८ र नेपालमा ५९ गैरआवासीय जनामा कोरोना देखिएको छ ।

नेपाल भित्र पनि धेरैजसो संक्रमण विदेशबाट फर्कनेहरुमा रहेको छ । साउदी अरबमा ३४, पोर्चुगलमा २६, आयरल्याण्डमा २२, स्पेनमा १२, अष्ट्रेलियामा १०, बेल्जियम र जापानमा ६–६, स्वीडरल्याण्ड र क्यानडामा पाँचपाँच, जर्मनीमा चार, साइप्रस, मलेसिया र न्युजिल्याण्डमा तीनतीन, माल्दिभ्स, माल्टा र हङ्गकङ्गमा दुईदुई तथा म्यानमार र फ्रान्समा एकएक गैरआवासीय नेपालीलाई कोरोना संक्रमण भएको एनआरएनएले जनाएको छ ।

एनआरएनले कोरोना भाइरसको महामारीबाट प्रभावितको सहयोगार्थ ४५ देशका राष्ट्रिय समितिमा राहत वितरणको काम गरिरहेको एनआरएका महासचिव डा. हेमराज शर्माले जानकारी दिएका छन् ।

उनका अनुसार विभिन्न देशमा कोरोना महामारीबाट प्रभावित ३५ हजारभन्दा बढी नेपालीलाई राहत वितरण गरिएको छ।

यसैबीच एनआरएनएका अध्यक्ष तथा एनआरएन, कोभिड– १९ उच्चस्तरीय समितिका संयोजक कुमार पन्तले अध्यक्ष पन्तले सबै गैरआवासीय नेपालीलाई कोरोना भाइरसको महामारीविरुद्ध एकजुट भएर लड्न आग्रह गर्दै विभिन्न देशका सरकारी निकायले जारी गरेका स्वास्थ्य नियमलाई कडाइका साथ पालना गर्न आह्वान गरेका छन्।

काठमाडौं । साउदी अरबमा एर्कै स्थानमा ३४ जना नेपालीमा कोरोनाको संक्रमण पुष्टी भएको छ । साउदीको प्रमुख व्यापारिक केन्द्र जेद्दा आसपासको क्षेत्रमा ३४ नेपाली कामदार कोरोना भाइरसबाट संक्रमित भएका हुन ।

संक्रमितमा दुई जना महिला रहेको जेद्दास्थित नेपाली महावाणिज्य दूतावासले जनाएको छ । इर्फान, जेद्दा नेशनल, किङ फाद, किङ अब्दुल्ला मेडिकल कम्पलेक्स अस्पतालमा नेपालीको उपचार जारी रहेको छ ।

दूतावास सबै नेपालीसँग समन्वय र सम्पर्कमा रहेको बताइएको छ ।

साउदीको स्वास्थ्य मन्त्रालयले कोरोना भाइरस संक्रमित बिरामीको राष्ट्रियता पहिचान भने गर्दैन ।

तर, महावाणिज्य दूतावासको सम्पर्कमा ३४ जना नेपाली आएका हुन् । बिरामीमध्ये एक जना ५० वर्षीय नेपाली रहेको र उनलाई विशेष निगरानीमा राखिएको दूतावासको भनाई छ ।

अन्यलाई अस्पतालको सामान्य कक्षमा उपचार भइरहेको छ। साउदी र गैरसाउदीबीच भेदभाव नभएको समेत दूतावासको भनाई छ ।

यस मुलुकमा बिरामी भएर सुरुमा अस्पतालमा भर्ना गर्ने बेला फर्म भर्दा नै राष्ट्रियता पहिचान गरिदैन । ३४ मध्ये २ जना निको भइसकेको बताइएको छ ।

साउदीमा संक्रमितको संख्या २५ हजार ४ सय ५९ जना पुगेको छ । जसमध्ये ३७ सय ६५ जनालाई निको भएको छ। एक सय ७६ जनाको मृत्यु भएको छ ।

काठमाडौं । बहराइनमा नेपालीमाथि कोरोनाको संक्रमण निरन्तर बढ्दो छ । बिहीबार मात्र बहराइनमा रहेका थप ३१ जना नेपालीमा कोरोना पुष्टी भएको त्यहास्थित नेपाली दूतावासले जनाएको छ ।

यस मुलुकमा अब कोरोना संक्रमित नेपालीको संख्या १५७ पुगेको हो । बहराइनस्थित नेपाली दूतावासका अनुसार मंगलबार पनि एकैपटक ७७ जना नेपालीमा संक्रमण पुटी भएको थियो ।

नेपाली कामदारलाई होम क्वारेन्टाइनमा बस्न भनिएपर्छि कै स्थानमा धेरै जना बस्नु पर्दा त्यसले जोखिम बढाएको छ ।

बहराइनमा एक हजार पाँच सय ३४ जना संक्रमित भेटिएका छन् । १ हजार ४ सय ९४ जना डिस्चार्ज भएका छन् ।

बिरामीमध्ये भारत, बंगलादेश, पाकिस्तान र नेपाली आप्रवासीसहित स्थानीय समेत रहेको दूतावासले उल्लेख गरेको छ ।

कोरोना संक्रमणका कारण बहराइनमा अहिलेसम्म आठ जनाको मृत्यु भएको छ ।

दूतावासका अनुसार कामदारहरूको बासस्थानमा सामाजिक दुरी कायम गर्न नसक्दा संक्रमणको दर बढेको हो । बहराइनमा ३५ हजार हाराहारी नेपाली रहेको तथ्यांक छ ।

काठमाडौं । बहराइनमा कोरोनाबाट संक्रमित हुने नेपालीको संख्या १२६ पुगेको छ ।

बहराइनमा पछिल्लो अपडेट अनुसार थप ७७ जना नेपालीमा कोरोना भाइरस संक्रमण पुष्टि भएको हो । बहराइनस्थित नेपाली दूतावासका अनुसार मंगलबारसम्म १ सय २६ जनामा कोरोना देखिएको हो ।

दूतावासका अनुसार नेपालीलाई सामाजिक दूरी कायम गरी राख्ने व्यवस्थापनका लागि स्थानीय प्रशासनसँग समन्वय भइरहेको छ ।

बहराइन धेरै नेपाली कामदार रहेको मुलुक हो । दूतावासका अनुसार बहराइनमा १ लाख २१ हजार २ सय ६० जना मानिसमा कोरोना परीक्षण भएको छ ।

यस मुलुकमा १ हजार ५ सय ५६ जनामा संक्रमण पुष्टि भएको छ । ८ जनाले ज्यान गुमाएका छन् ।

उपचारपछि निको भएर घर फर्किनेहरुको संख्या १ हजार २ सय ४६ रहेको छ ।

नयाँ दिल्ली । भारतमा एकै परिवारका ८ जना नेपाली नागरिकले कोरोनालाई जित्न सफल भएका छन् । कोरोना भाइरसबाट संक्रमित नेपाली परिवारका आठ सदस्य उपचारपछि निको भएको भारतीय संचारमाध्यमले उल्लेख गरेका छन् ।

अछामको चैरपाटी घर भइ भारतको मुम्बइमा बस्दै आएको नेपाली परिवारका आठ सदस्यमा अघिल्लो महिना कोरोना पुष्टि भएको थियो ।

घर मुली, श्रीमती, दुई छोरी, तीन भाइ र एक भतिजामा कोरोना संक्रमण देखिएको अहिले उनीहरु सबैले कोरोनालाई जित्न सफल भएका हुन् ।

उनीहरु झण्डै साढे तीन साता अस्पताल बसेको बताइएको छ । अस्पतालले डिस्चार्ज गरेपछि उनीहरु घरमै बस्न थालिसकेका छन् ।

भारतमा ३० हजारभन्दा बढी मानिसमा संक्रमण फैलिइसकेको छ । यद्दपी अधिकारीहरुले यसलाई ठूलो प्रकोप मानेका छैनन् ।

किनकी भारतमा मृत्यु हुनेको संख्या भने संक्रमितको तुलनामा कम रहेको छ ।

काठमाडौं । कोरोना भाइरसबाट विश्वभर ४९ नेपालीको मृत्यु भएको छ । करिब १ हजार ८ सय जनामा संक्रमण देखिएको छ ।

विश्वभर फैलिएको कोरोना भाइरस महामारी ९कोबिड–१९० बाट शनिवार साँझसम्म मृत्यु हुने गैरआवासीय नेपालीहरुको संख्या ४९ पुगेको छ । गैरआवासीय नेपाली संघ अन्तरर्गतको स्वास्थ्य समितिले संकलन गरेको तथ्यांकअनुसार बेलायतमा ३३, अमेरिका १०, युएई २, आयरल्याण्ड १, जापान १, टर्कि १ र नेदरल्याण्डमा १, जनाको ज्यान गएको हो ।

स्वास्थ्य समितिका संयोजक डा. सञ्जीव सापकोटाका अनुसार नेपाल बाहेक विश्वभर १ हजार ९ सय ८३ जना गैरआवासीय नेपालीहरु कोरोनाबाट संक्रमित भएका छन् ।

विश्वभर छरिएका गैरआवासीय नेपाली विज्ञ चिकित्सहरुको समूहले तयार पारेको सो आँकडा अनुसार २४ देशमा रहेका नेपालीहरु कोरोना भाइरस ९कोभिड १९० बाट संक्रमित छन् ।

नेपालमा ४९ जनामा कोरोना संक्रमण देखिएको छ भने १२ जना कोरोना मुक्तको भएको समितिले जनाएको छ ।

यस्तै विदेशमा कोरोना संक्रमण भएका गैरआवासीय नेपाली मध्य ४ सय ३४ जना कोरोना मुक्त भएको सो समितिले जनाएको छ ।

संक्रमित हुनेमा देशहरुमा अमेरिका १ हजार, युके ७ सय, युएई ८१, बहराइन ४९, कुवेत ४२, प्रोतुगल २७, आयरल्याण्ड २२, स्पेन १२, अष्ट्रेलिया ११, स्वीजरल्याण्ड ५, बेल्जियम ६, साउदी अरब ४, जर्मनी ४, मलेशिया ३, क्यानाडा ३, न्युजरल्याण्ड ३, साईप्रस ३, जापान २, हङकंङ २, मल्टा २ र फ्रान्स १ संक्रमित रहेको समितिले जनाएको छ ।

समितिले विदेशस्थित बिभिन्न अस्पतालमा कार्यरत तीन दर्जन नेपाली चिकित्सक, नेपाली कुटनीतिक नियोग, गैरआवासीय नेपाली संघका शाखाहरु तथा स्थानीय संघसँस्थाद्धारा प्राप्त सूचनालाई मुख्य आधारलाई मानेर हरेक आइतवार विदेशमा रहेका नेपालीहरुको कोरोना संक्रमणको तथ्यांक संकलन गर्दै आएको छ ।

यसै बीच कोरोना भाइरसको महमारीबाट प्रभावित भएका नेपालीहरुको सहयोगार्थ लागि गैरआवासीय नेपाली संघले आफ्ना शाखाहरुलाई परिचालन गरेको छ ।

गैरआवासीय नेपाली संघका महासचिव डा हेम राज शर्माका अनुसार कोरोना महामारी पछि ४१ देशमा रहेका संघका शाखाहरु मार्फत ९ सय जना स्वयसेवक परिचालन गरेको छ ।

कोरोना संक्रमण पछि विश्वभर छरिएका करिब ३० हजार गैरआवासीय नेपालीहरुले प्रत्यक्ष र अप्रत्यक्ष रुपमा राहत प्राप्त गरेको संघले जनाएको छ ।

डा शर्माका अनुसार ७० जना भन्दा गैर आवासीय नेपाली चिकित्सक समेतले समेत कोरोना संक्रमित भएका देशमा गैरआवासीय नेपालीहरुलाई सघाई रहेका छन् ।

यसअघि चीनबाट कोरोना भाइरस संक्रमण शुरु भए लगत्तै संघले अध्यक्ष कुमार पन्तको अध्यक्षतामा गठित कोविडा १९ उच्चस्तरीय समिति गठन गरि काम अघि बढाएको थियो ।

क्वालालाम्पुर । मलेसियामा दुई जना नेपालीले कोरोना सङ्क्रमणबाट मुक्त हुन सफल भएका छन् । मलेसियास्थित नेपाली दूतावासका अनुसार दुई जना नेपालीले कोरोनालाई जित्दै निको निको हुन सफल भएका हुन् ।

मलेसियामा अहिलेसम्म तीन जना नेपाली श्रमिकमा कोरोना सङ्क्रमण देखिएको थियो । उनीहरु मध्ये दुई जना निको भएर काममा फर्किएको दूतावासले जनाएको छ । एक जनाको भने उपचार जारी रहेको छ ।

उनको समेत स्वास्थ्य अवस्था सामान्य रहेको बताइएको छ । मलेसियामा अहिलेसम्म ५ हजार ६०३ जनामा कोरोना सङ्क्रमण देखिएको छ । जसमध्ये ३५ सय ४२ जना निको भइसकेका छन् । यहाँ ९५ जनाको मृत्यु भएको छ । १९ सय ६६ जनाको उपचार जारी रहेको छ ।