Category: फिचर

काठमाडौं । धरानबाट भोजपुरका लागि छुटेको को. १ ज २५९३ नम्बरको जीप दुर्घटना हुँदा ६ जनाको मृत्यु भएको छ । ७ जना घाइते भएका छन् ।

बिहीबार बिहान करिब ११ बजे उदयपुरको बेलका नगरपालिका-७ मैनामैनीमा दुर्घटना भएको प्रहरीले जनाएको छ । बोलेरो सडकबाट निकै तल खसेर दुर्घटनाग्रस्त भएको प्रहरीले जनाएको छ। चालक मानबहादुर बस्नेतबाहेक अन्य मृतकको सनाखत भइसकेको छैन ।

काठमाडौं । नागरिक उन्मुक्ति पार्टीका सांसदहरुले संस्थापक रेशम चौधरीको निर्देशन विरुद्ध उभिएर पुष्पकमल दाहाल प्रचण्डलाई प्रधानमन्त्रीमा विश्वासको मत दिएका छन् ।

पार्टीकी अध्यक्ष एवं संसदीय दलकी नेतृ रञ्जिता श्रेष्ठले प्रचण्डलाई विश्वासको मत दिनह्विप जारी गरेपछि ४ जना सांसदले नै मत दिएका हुन् ।

रन्जिताका श्रीमानसमेत रहेका पार्टीका संरक्षक चौधरीले प्रचण्डलाई मत नदिने बताइरहँदा अध्यक्ष रन्जिताले सदनको रोस्ट्रममै उभिएर मत दिने पक्षमा नागरिक उन्मुक्ति पार्टी रहेको जानकारी गराईन्।

नागरिक उन्मुक्ति पार्टीमा रन्जितासहित लालवीर चौधरी, गंगाराम चौधरी र अरुण कुमार चौधरी सांसद रहेका छन् । केन्द्रमा प्रचण्ड सरहकारलाई समर्थन गरेको नागरिक उन्मुक्तिले सुदूरपश्चिम प्रदेश सरकारमा भने कांग्रैसलाई समर्थन गरेको छ ।

काठमाडौं । प्रधानमन्त्री पुष्पकमल दाहाल ‘प्रचण्ड’ले तेस्रोपटक विश्वासको मत प्राप्त गरेका छन्। मंगलवार भएको मतदानमा पक्षमा १५७ र विपक्षमा ११० मत खसेको थियो। मत दिन्नमा एक मत खसेको छ।

मतदान प्रक्रियामा २६८ सांसदको उपस्थित थियो। प्रधानमन्त्रीलाई विश्वासका लागि १३८ सांसदको मत आवश्यक थियो।

काठमाडौं । सत्ता साझेदार दल नेकपा एकीकृत समाजवादीका उपाध्यक्ष राजेन्द्र पाण्डेले प्रधानमन्त्री पुष्पकमल दाहाल प्रचण्डको चर्को आलोचना गरेका छन् ।

प्रतिनिधि सभाको बुधबारको बैठकमा पाण्डेले ‘प्रचण्ड’ ले नयाँ समीकरण बनाउँदा आफ्नो पार्टीलाई छाडेर बनाएकोमा असन्तुष्टि जनाए ।

पाण्डेले भने, ‘एकीकृत समाजवादीको तर्फबाट संविधान रक्षाका लागि पार्टीभित्र जन्मेको व्यक्तिवादका विरूद्धमा उत्रेर हामी बिद्रोह गरेर आएको शक्ति हो, विष पिएर हामी तपाईंहरूको पासमा उभिएका थियौं। हामीलाई बाटामा छाडेर हिँड्नुभयो, योभन्दा अनैतिकता के हुन्छ?’

मैले विश्वासको मत दिने एउटा ठाउँमा हो । तर उहाँप्रति मैले भन्न पाउने अधिकार पनि छ । यो तेस्रो पटक भोट हाल्दै छु उहाँलाई’, पाण्डेले भने, ‘फागुन १८ गतेसम्म म प्रधानमन्त्रीसँगै थिए । दुई दिनपछि गठबन्धन बदलिएको छ । चार दलले हस्ताक्षर गरेका छन् । ’ पाण्डेले एकीकृत समाजवादी पार्टी व्यक्तिवादका विरुद्ध विद्रोह गरेर जन्मेको शक्ति भएको पनि बताए ।

प्रधानमन्त्रीलाई मानिसहरुले कति छिटो रंग फेर्न सकेको भनेर टिप्पणी गरेको समेत उनले सुनाए । ‘१७ हजार २ भनेर छातिमा प्ले कार्ड बोकेर हिँड्ने मान्छे पनि यही छौं । पाँच हजारको जिम्मा लिन्छु भन्ने पनि यही छौं’ उनले भने, ‘यो सबै गठजोड कसरी अगाडि बढ्छ हेर्न बाँकी छ ।’

काठमाडौं । राष्ट्रिय स्वतन्त्र पार्टी (रास्वपा) का सांसद स्वर्णिम वाग्लेले प्रधानमन्त्री पुष्पकमल दाहाल ‘प्रचण्ड’ को राष्ट्र हितको सवालमा दरिलो बनाउनलाई पार्टीले जोखिम मोलेरै साथ दिएको बताएका छन्।

प्रधानमन्त्री दाहालले विश्वासको मतका लागि बुधबारको प्रतिनिधि सभा बैठकमा राखेको प्रस्तावमाथि छलफलमा भाग लिँदै वाग्लेले प्रधानमन्त्रीको लेगेसीलाई फराकिलो बनाउने प्रयासमा रास्वपाले साथ दिएको बताएका हुन्। सांसद वाग्लेले अगाडी भने, ‘नया पार्टी हो, सरकारमा नगएर चोखो बसेको भएपनि हुन्थ्यो। पुराना दलसँग नटासिएको भएपनि हुन्थयो। २०८४ मा बहुमत ल्याएर सरकारमा गएको भए पनि हुन्थ्यो। तर राजकाजको अवसर आउँदा अभ्यास गर्नै पर्छ। प्रधानमन्त्रीको सम्बन्धमा हाम्रो चाल यही हो।’

उनले राजनीतिमा फ्रेसनेस र अनुभवको प्रिमियम हुने उल्लेख गर्दै भने, ‘अवसरको सुदपयोग गर्नुपर्छ भनेर आएका छौं। चेसमा जसरी गोटी चाल्न हामीआएका छौं। व्याज खाएर होइन कामै गरेर राष्ट्र हितको सवालमा काम गर्न आएका र्छौ।’

वाग्लेले रास्वपा देश बिगार्न, भत्काउन, तोडन र उखेल्न नआएको बताए। ‘काम देखाउन आएका छौं। सरकारबाट डेलिभरी गर्न सकिन्छकी भनेर आएका छौ। मन्त्रालयहरु रोजेर लिएका छौं। गर्न नसको दिन प्रधानमन्त्रीलाई सजिलो बनाइदिन्छौ’, उनले भने।

रास्वपा चार मन्त्रीसहित अहिलेको सरकारमा सहभागी छ।

काठमाडौं । नेपाली कांग्रेसका महामन्त्री विश्वप्रकाश शर्माले प्रधानमन्त्री प्रचण्डलाई तपाईँबाट धोखा खाएकाहरू एक ठाउँमा उभिए के हुन्छ ? भन्दै प्रश्न गरेका छन्।

प्रतिनिधि सभाको बैठकमा बोल्दै उनले भने- पोहोर एमाले विपक्षमा रहेको अहिले कांग्रेस विपक्षमा रहेको पालैपालो विपक्षमा रहेकाहरूको हिसाब जोड्दै गर्दा क्लियर हुँदैन र ? पालैपालै विपक्षमा उभिएकाहरू एउटै पक्षमा उभिए भने पनि धोका खाएकाहरू एक हौँ भन्ने नारा लाग्यो भने राजनेताको गद्दीको हालत के होला ?

काठमाडौं । नेकपा एमालेका अध्यक्ष केपी शर्मा ओलीले अघिल्लो पटक हौसियर प्रधानमन्त्री प्रचण्डलाई समर्थन गरेको कांग्रेसलाई अहिले पनि समर्थन गर्न आग्रह गरेका छन् । प्रतिनिधिसभाको बैठकमा बोल्ने क्रममा अध्यक्ष ओलीले भने, ‘पोहोर साल पनि यस्तै अवस्था थियो । नेपाली कांग्रेस भोट नै नमागिकन, हतारिएर, हौसिएर, उत्साहित भएर नयाँ बेटरी हालेजस्तो थियो । समर्थन गरेको थियो । अहिले चाहिँ किन समर्थन नगर्ने ?’

‘प्रधानमन्त्री हुनकै लागि हामीले यस्तो गरेका होइन्। मलाई प्रधानमन्त्रीको इच्छा पनि छैन। मेरो नाम पनि जोडिएको छ,’ उनले भने।

उनले अखबारहरूमा १५/१५ महिनाको कार्यकाल बाँडेको भन्ने समाचार आएको भन्दै त्यसप्रति पनि आपत्ति जनाए।

‘मैले अखबारमा देखेँ, आज प्रधानमन्त्रीको कार्यकाल १५/१५ महिना बाँडेको बजारभरि देख्छु। यो सरकार परिवर्तन किन भएको, सहकार्य किन गरेको भन्ने कुराको गरिमालाई घटाएको छ, यस्ता खबरको अनुचित सम्प्रषेणले,’ उनले भने।

काठमाडौं । प्रधानमन्त्री प्रचण्डले फेरि एकपटक आफूलाई विश्वासको मत दिन सांसदहरुलाई आह्वान गरेका छन्। बुधबार बसेको प्रतिनिधिसभाको बैठकमा उनले गठबन्धन परिवर्तन भएकाले आफूलाई पुनः विश्वासको मत चाहिएको बताए।

उनले भने- अहिले फेरि नयाँ राजनीतिक परिस्थिति बन्यो। म तेस्रो पटक विश्वासको मत लिन उपस्थित भएको छ। मेरो उथलपुथल शब्दसँग अहिले पनि कुरा उठाउनुभयो। पहिलो र दोस्रो विश्वासको मत कुन पृष्ठभूमिका लिइएको थियो भन्ने यहाँहरूलाई थाहा नै छ। अहिले फेरि नयाँ सन्दर्भमा विश्वासको मत लिनुपरेको छ। यो आफैँमा उथलपुथल नै हो। मैले मात्रै गरेको होइन तपाईँ हामी सबै सहभागी छौँ।

काठमाडौं । प्रधानमन्त्री पुष्पकमल दाहाल प्रचण्डले आज विश्वासको मत लिंदै छन् । आज बिहान ११ बजे बस्ने प्रतिनिधि सभाको बैठकमा प्रधानमन्त्री प्रचण्डले विश्वासको मत लिन लागेका हुन् । प्रधानमन्त्री पुष्पकमल दाहाल प्रचण्डले कांग्रेसँगको गठबन्धन तोडेर एमाले लगायतका दलसँग सत्ता साझेदारी गरेपछि कांग्रेसले सरकारको समर्थन फिर्ता लिएको थियो । त्यसैले प्रधानमन्त्री प्रचण्डले विश्वासको मत लिन लागेका हुन् ।

सरकारमा सहभागी दलले समर्थन फिर्ता लिए विश्वासको मत लिनुपर्ने संवैधानिक व्यवस्था छ । प्रधानमन्त्री प्रचण्डलाई उनको पार्टी माओवादी केन्द्रसहित नेकपा एमाले, रास्वपा, जसपा, एकीकृत समाजवादी र नाउपालगायत दलले समर्थन गर्न ह्वीप जारी गरेका छन् । कांग्रेस, राप्रपा, लोसपा, जनमत, नेमकिपा र राष्ट्रिय जनमोर्चा भने विपक्षमा छन् ।