बैतडी । बैतडीमा भएको जिप दुर्घटनामा परि चार जनाको मृत्यु भएको छ । दुर्घटनामा गम्भीर घाइते चार जनाको उपचारका क्रममा मृत्यु भएको हो । जिल्ला प्रहरी कार्यालय बैतडीका अनुसार सुर्नया गाउँपालिका १ का २४ वर्षीय प्रेम चुनारा, उनकी श्रीमती २० वर्षीया मनिषा बिक, पाटन नगरपालिका १ का १३ वर्षीय बिनोद भट्टराई र ७२ वर्षीया रमा भट्टराईको मृत्यु भएको छ ।
गम्भीर घाइते उनीहरूको उपचारका क्रममा पाटन प्राथमिक स्वास्थ केन्द्रमा मृत्यु भएको हो । घाइतेमध्ये थप ५ जनाको पाटन र गम्भीर घाइते एक जनाको डडेल्धुरामा उपचार जारी छ । सोमबार साँझ पाटन बजारबाट सोही नगरपालिका १ को सकारतर्फ गइरहेको से १ ज ८८८ नम्बरको जीप दुर्घटनामा परेको हो । जिप चालक फरार रहेको र उनको खोजी भइरहेको प्रहरीले जनाएको छ ।
