Category: फिचर

काठमाडौं । पछिल्लो २४ घण्टामा देशभर ३२१८ जना कोरोना संक्रमित थपिएका छन् ।

स्वास्थ्य तथा जनसंख्या मन्त्रालयका अनुसार देशभरका प्रयोगशालामा ८ हजार ८६६ पीसीआर परीक्षण गर्दा २२३१ र ४७०७ एन्टिजेन परीक्षणमा ९८७ जना गरी ३२१८ जनामा संक्रमण पुष्टी भएको हो ।

यो सहित नेपालमा कोरोना संक्रमितको संख्या ७ लाख १२ हजार ७४० पुगेको छ ।

पछिल्लो २४ घण्टामा १७२२ जना संक्रमण मुक्त भएका छन् । यो सहित संक्रमण मुक्त हुनेको संख्या ६ लाख ६७ हजार २१० जना पुगेको छ । संक्रिय संक्रमितको संख्या ३५ हजार ४३२ रहेको छ ।

पछिल्लो २४ घण्टामा १९ जना संक्रमितको मृत्यु भएको छ । यो सहित नेपालमा कोरोना मृत्यु हुनेको संख्या १० हजार ३८ पुगेको छ ।

काठमाडौं । कक्षा १२ को परीक्षा हाललाई स्थगित गरिएको छ । राष्ट्रिय परीक्षा बोर्डले बोर्डको शनिबार बसेको बैठकले कक्षा १२ को परीक्षा स्थगित गरेको हो ।

३१ साउनदेखि तय भएको कक्षा १२ को परीक्षा पछि सूचना प्रकाशन गर्ने गरी परीक्षा स्थगित भएको बोर्डका परीक्षा नियन्त्रक कृष्णप्रसाद शर्माले बताए । कोरोना संक्रमितको संख्या बढ्दै गएका कारण परीक्षा सञ्चालन गर्न कठिनाइ उत्पन्न भएकोले स्थगित जानकारी दिए ।

बोर्डले परीक्षा हुन पन्ध्र दिन अघि सूचना जारी गरेर जानकारी दिने निर्णय गरेको छ । यसअघि कोभिड(१९ संकट व्यवस्थापन केन्द्र ९सीसीएमसी० ले कोरोना संक्रमण बढ्दै गएको कारण तत्काल परीक्षा गर्न नसक्ने भन्दै बोर्डलाई नयाँ मिति तय गर्न पत्राचार गरेको थियो ।

साथै विद्यार्थी संगठन र अभिभावकहरुले पनि परीक्षार्थी र परीक्षामा संलग्न सबैलाई कोभिड विरुद्धको खोपको व्यवस्थापन गर्न तथा नसकेको अवस्थामा स्थगित गर्न माग गर्दै आएका थिए ।

काठमाडौं । माध्यामिक शिक्षा परीक्षा एसईईको नतिजा सार्वजनिक भएको छ ।

राष्ट्रिय परीक्षा बोर्डको बोर्ड बैठकले एसईईको नतिजा प्रकाशन गरेको हो । कक्षा १२ को परीक्षाको विषयमा निर्णय गर्न बसेको बोर्डको बैठकले एसईईको नतिजा पनि सार्वजनिक गरेको हो ।

गत वर्षको जस्तै यस वर्ष पनि आन्तरिक मूल्यांकनकै आधारमा एसईईको नतिजा सार्वजनिक भएको छ । ५ लाख १७ हजार विद्यार्थी एसईईमा सहभागी भएका थिए ।

केहीबेरमै नतिजा बोर्डको वेबसाइट www.see.gov.np, www.neb.gov.np मा गएर हेर्न सकिनेछ । यस्तै एसएमएसबाट पनि नतिजा हेर्न सकिनेछ ।

एसईईको नतिजा बोर्डको अफिसियल वेबसाइटबाट, नेपाल टेलिकम, द कनसेप्ट प्लस प्रालि इडियु सञ्जाल, कान्तिपर डिजिटल कर्प प्रालि र एनसेलको वेबसाइटमार्फत हेर्न सकिन्छ ।

त्यसैगरी नेपाल टेलिकममार्फत १६०० र एनसेलबाट १६०० मा एसएमएस गरेर पनि नतिजा हेर्न सकिन्छ ।

काठमाडौं । स्वास्थ्य तथा जनसङ्ख्या मन्त्रालयले कोरोना भाइरसविरुद्धको खोप लगाउन खोप केन्द्र थप गरेको छ । मन्त्रालयका सहप्रवक्ता डा समिरकुमार अधिकारीले खोप लगाउनेको भीड हुन थालेपछि खोप केन्द्र थप गरिएको बताए ।

उनका अनुसार देशभरि नै पहिलेको भन्दा एक हजार ४३३ खोप केन्द्र थप गरिएको हो । पहिले दुई हजार ९८९ खोप केन्द्र भएकोमा अहिले त्यो सङ्ख्या चार हजार ४२२ पुर्‍याइएको छ । यस्तै काठमाडौँ उपत्यकामा ८३ खोप केन्द्र थप गरी १४९ पुर्‍याइएको छ । उपत्यकामा पहिले ६६ खोप केन्द्र थिए ।

सरकारले २०७७ माघ १४ गतेदेखि नेपालमा कोरोना भाइरसविरुद्धको खोप लगाउन शुरु गरेको हो । अहिलेसम्म नेपालमा ४४ लाख तीन हजार २१ जनाले पहिलो मात्रा र २२ लाख आठ हजार ५५ जनाले पूर्ण मात्रामा खोप लगाइसकेका छन् ।

कोभिशिल्ड दोस्रो डोज स्थानीय स्तरमा

कोरोना भाइरसविरुद्ध एस्ट्राजेनेकाले उत्पादन गरेको खोप शुक्रवार देखि नै विभिन्न जिल्लाहरूमा पठाउन सुरु गरिएको छ । शुक्रवार भुटान सरकारले नेपाललाई दिएको करिब ३ लाख डोज खोप काठमाडौँ आइपुगिसकेको छ ।

यो खोप आज (शुक्रवार)देखि नै विभिन्न जिल्लामा पठाउन थालिएको स्वास्थ्य सेवा विभाग खोप महाशाखाका प्रमुख डा. झलक शर्मा गौतमले बताए ।

यस्तै जापान सरकारले अनुदान स्वरूप दिने १६ लाख एस्ट्राजेनेका खोपमध्ये शनिवार पहिलो लट खोप काठमाडौँ आइपुग्दै छ । थप खोप पर्सी अर्थात् आइतबार काठमाडौँ आइपुग्ने छ ।

भोलि आइपुग्ने खोप भोलि र पर्सी आइपुग्ने खोप पर्सी नै जिल्ला जिल्लामा पठाइने डा. गौतमले बताएका छन् । यसअघि एस्ट्राजेनेकाकै भारतमा उत्पादित खोपको पहिलो डोज लगाएकाहरूलाई यो खोप दोस्रो डोज लगाइने भएको छ ।

भारतबाट ल्याइएको एस्ट्राजेनेकाको पहिलो डोज लगाएका झन्डै १४ लाख भन्दा बढी नागरिकले दोस्रो डोज लगाउन ढिला भइसकेको अवस्थामा जापानबाट आइरहेको एस्ट्राजेनेका खोपको दोस्रो डोज लगाउन थालिने उनले बताए ।

कसरी ताेकिन्छ खाेप केन्द्र ?

हाल देशभर भेरोसेल र जे एन्ड जेको खोप सञ्चालनमा आइरहेको छ । यस्तो अवस्थामा एस्ट्राजेनेका खोप कसरी लगाइउने भन्ने व्यवस्थापनको पाटो पनि चासोको विषय बनेको छ ।

यस विषयमा डा. गौतमले भेरोसेलको खोप अभियान रोकेर एस्ट्राजेनेका लगाइने बताएका छन् । ‘कसरी र खोप केन्द्र कहाँ-कहाँ तोक्ने भन्ने निर्णय जिल्लाले नै गर्छ, दुवै खोप नबाझिने किसिमले लगाउन हामीले निर्देशन दिन्छौँ’, उनले भने ।

डा. गौतमका अनुसार एस्ट्राजेनेकाको दोस्रो डोज लगाउनका लागि खोप केन्द्र जिल्लाले नै तोक्ने छ । यद्यपि, भेरोसेल खोप र एस्ट्राजेनेका एउटै दिन लगाउने गरी मिति भने तोकिने छैन ।

काठमाडौं । विभिन्न देशमा कोेरोेनाबाट हालसम्म ५ सय नेपालीको मृत्यु भएको छ । गैरआवासीय नेपाली संघ (एनआरएनए) का अनुसार कोरोनाबाट गत शनिबारसम्म विदेशी भूमिमा ४ सय ८६ जना नेपालीको मृत्यु भएको छ । २९ देशमा रहेका नेपालीले विदेशमा मृत्यु भएको हो ।

संघको स्वास्थ्य समितिका अनुसार हालसम्म ५४ देशमा रहेका नेपाली कोरोनाबाट प्रभावित भएका छन् । संघका अनुसार १ लाख २७ हजार ९ सय ३४ जना नेपालीमा कोभिड संक्रमण फेला परेको छ । यसमध्ये १ लाख १७ हजार ५ सय २९ जना नेपाली कोभिडमुक्त भइसकेका छन् ।

विभिन्न मुलुकमा गरी हालसम्म १० हजार ४ सय ५ जना नेपाली संक्रमित भएका छन् । उनीहरूको विभिन्न स्थानीय अस्पताल र आइसोलेसनमा उपचार भइरहेको छ । हालसम्म विदेशमा कोरोना संक्रमणबाट ९१।८६ प्रतिशत नेपाली संक्रमणमुक्त भएका छन् ।

काठमाडौं । बालाजु औद्योगिक क्षेत्रमा लागेको भीषण आगलागी अझै नियन्त्रणमा आउन सकेको छैन ।

औद्योगिक क्षेत्रमा रहेको विष्कुट फ्याक्ट्रिमा शुक्रबार राति दुई बजेदेखि सुरु भएको आगलागी नियन्त्रणमा आउन नसकेको प्रहरी वृत्त बालाजुले बताएको छ ।

दमकल, पानी ट्यांकरसहित नेपाल आर्मी, सशस्त्र प्रहरी, नेपाल प्रहरी तथा स्थानीयले आगो नियन्त्रणमा लिने प्रयास गरिरहेका छन् ।

“आगलागी नियन्त्रणमा लिने प्रयास भइरहेको छ । तर, नियन्त्रणमा आइसकेको छैन । केही कम भने भएको प्रहरीले जनाएको छ ।

बिहान हेलिकप्टरबाट पानी हालेर आगलागी नियन्त्रणमा लिने प्रयास गरे पनि नियन्त्रणमा आएको छैन ।

सिम्रिक एयरको हेलिकप्टरबाट आगलागी भएको ठाउँमा पानी हालिएको तर घरभित्रको आगलागी भएकोले नियन्त्रण लिन सम्भव नभएको प्रहरीको भनाइ छ ।

नेबिको बिस्कुटको कारखानामा शनिबार बिहान २ बजेदेखि आगलागी भएको हो ।

काठमाडौं । नेपालमा कोरोना संक्रमणबाट मृत्यु हुनेको संख्या १० हजार नाघेको छ । पछिल्लो पछिल्लो २४ घण्टामा देशभर थप २५ जनाको मृत्यु भएसँगै उक्त संख्या १० हजार नाघेको हो ।

स्वास्थ्य तथा जनसंख्या मन्त्रालयका अनुसार पछिल्लो २४ घण्टामा देशभरका विभिन्न अस्पतालमा उपचाररत २५ जनाको मृत्यु भएको छ ।

यससँगै नेपालमा कोरोना संक्रमणबाट मृत्यु हुनेको संख्या १० हजार १९ पुगेको छ ।

काठमाडौं । नेकपा एमाले माधव नेपाल समूहले साउन २४ गतेसम्म एकताको काम सक्न वार्ता टोलीलाई निर्देशन दिएको छ ।

शुक्रबार बसेको स्थायी कमिटीको बैठकले एमालेसँगको एकतालाई अन्तिम रुप दिन वार्ता टोलीलाई साउन २४ गतेसम्मको समय दिएको हो ।

बैठकमा पार्टीका अध्यक्ष केपी शर्मा ओलीबाट विगतमा भएका कतिपय राजनीतिक निर्णय गलत भएको जनाउँदै एकताबद्ध पार्टीका लागि आत्मालोचना माग गरिएको छ ।

असार २८ गते पार्टीको विवाद समस्या समाधान कार्यदलले दिएको १० बुँदे सहमतिको प्रस्ताव मात्रै निकासका लागि पर्याप्त नभएकाले थप गृहकार्य गरेर पार्टीको छविलाई जनतासमक्ष पुनःस्थापित गर्न लाग्नुपर्नेमा पनि जोड दिइएको छ ।

नेपाल पक्षका सांसद मेटमणि चौधरीले केपी शर्मा ओलीलाई अध्यक्ष मानेर जान नसकिने भन्दै एमालेबाट उनको बर्हिगमन हुनुपर्ने भन्दै बताए ।

उनले पहिले कि ओली नेकपा एमालेमा रहनु भएन कि ओलीलाई हटाउनुपर्ने आफूहरुको अडान रहेको बताए ।

‘पहिले ओलीको बहिर्गमन हुनुपर्छ । कि ओली नेकपा एमालेमा रहनु भएन कि ओलीलाई हटाउनुपर्यो । यदि हामीले ओलीलाई हटाउन नसकेमा नयाँ पार्टी बनाएर पनि जानुपर्छ । हामीले साउन २४ सम्मको अल्टिमेटम दिएका छौँ,’ बैठकमा नेताहरुले भने ।

नेता चौधरीले एक हप्ताभित्र अध्यक्ष ओलीले सार्वजनिक रुपमा माफी माग्नुपर्ने र यदी त्यसो नभए छुट्टै कमिटी बनाएर जाने निर्णय भएको बताए । उनले सरकारमा जान पनि आवश्यक तयारी गर्ने विषय बैठकमा उठेको बताए ।

‘पार्टी एकता बन्द भएको होइन । सरकारमा पनि जाने पार्टी एकता पनि बढाउने कुरा हो,’ नेता चौधरीले भने ।

अर्का नेता सुरेन्द्र पाण्डेले तत्काल पार्टी विभाजनको तयारी नभएको भन्दै आफूहरु एकताको पक्षमा रहेको बताए ।

‘पार्टी विभाजनको तयारी पनि छैन, र नयाँ पार्टी खोल्ने अवस्था पनि छैन । हामीले एकताकै पक्षमा छलफल गरेका छौ’, उनले भने, ‘अहिले पार्टीमा दुईवटा रुप भएको सत्य हो, दुरी पनि धेरै टाढा पुगेको हो तर पार्टी खोल्ने र नयाँ दर्ता गर्ने अवस्था छैन ।’

काठमाडौं । भुटानले नेपाललाई अनुदानस्वरुप दिएको कोभिड खोप एस्ट्राजेनने शुक्रबार नेपाल ल्याइएको छ ।

भुटानको ड्रुक एअरलाइन्सको विमानले बिहान ९ बजे त्रिभुवन विमानस्थलमा खोप ल्याएको हो ।

भुटानले यसअघि आफ्ना सबै नागरिकलाई खोप लगाइसकेर बाँकी रहेको खोप छिमेकी मुलुकलाई दिने घोषणा गरेको थियो ।

कोभिडविरुद्धको ३ लाख डोज खोप भुटानले नेपाललाई उपलब्‍ध गराएको हो । भुटानले लक्षित समूहलाई खोप लगाइसकेपछि नेपाललाई अस्ट्राजेनेकाको खोप सहयोग गरेको हो ।

खोप उपलब्ध गराउने घोषणा गरेको थियो । घोषणा अनुसारको खोप आए नआएको निश्चित भने भएको छैन ।

अहिले १४ लाख भन्दा धेरै ज्येष्ठ नागरिक कोभिसिल्डको पर्खाइमा छन् । जापानबाट भोलि र पर्सि आइपुग्ने खोप र भुटानबाट आएको खोप कोभिसिल्डको पहिलो मात्रा लगाएर दोस्रो मात्राको पर्खाइमा रहेका ज्येष्ठ नागरिकलाई दिने सरकारको तयारी छ ।

काठमाडौं । पछिल्लो २४ घण्टामा देशभर ३९३८ जना कोरोना संक्रमित थपिएका छन् ।

स्वास्थ्य तथा जनसंख्या मन्त्रालयका अनुसार देशभरका प्रयोगशालामा ११ हजार ८७० पीसीआर परीक्षण गर्दा ३००७ र ६५३८ एन्टिजेन परीक्षणमा ९३१जना गरी ३९३८ जनामा संक्रमण पुष्टी भएको हो ।

यो सहित नेपालमा कोरोना संक्रमितको संख्या ७ लाख ८ हजार ७९ पुगेको छ ।

पछिल्लो २४ घण्टामा २०१२ जना संक्रमण मुक्त भएका छन् । यो सहित संक्रमण मुक्त हुनेको संख्या ६ लाख ६३ हजार ६६३ जना पुगेको छ । संक्रिय संक्रमितको संख्या ३४ हजार ४२२ रहेको छ ।

पछिल्लो २४ घण्टामा ३७ जना संक्रमितको मृत्यु भएको छ । यो सहित नेपालमा कोरोना मृत्यु हुनेको संख्या ९ हजार ९९४ पुगेको छ ।

काठमाडौं । सरकारले आज (बिहीबार) देखि अनलाइनबाट पनि विद्युतीय खोप प्रमाणपत्र उपलब्ध गराएको छ ।

खोप प्रमाणीकरण गर्न काठमाडौं आउनुपर्ने बाध्यताको अन्त्य गर्दै साउन २१ गतेदेखि क्युआर कोडसहितको विद्युतीय खोप प्रमाणपत्र दिएको हो ।

विदेश जाने व्यक्ति तथा विद्यार्थी सबैलाई काठमाडौंमै आएर खोप लगाएको प्रमाणपत्र लिन सकस भएपछि सरकारले सबै जिल्लाबाट प्रमाणपत्र दिने व्यवस्था गरेको हो ।

स्वास्थ्य सेवा विभागबाट उपलब्ध हुने क्यूआर कोडसहितको विद्युतीय खोप प्रमाणपत्र प्राप्त गर्न https://vaccine.mohp.gov.np/public-request-form मा गएर मागिएको विवरण अपलोड गर्नुपर्ने छ ।

अनलाइनबाट रजिष्ट्रेसन गर्न नसक्नेले साउन २१ गतेदेखि बिहान १० बजेदेखि साँझ ४ बजेसम्म राष्ट्रिय आयुर्वेद अनुसन्धान तथा तालिम केन्द्र किर्तिपुरमा गएर फारम भर्न सकिने छ ।

फारम भर्न सक्कल राहदानी, सक्कल खोप कार्ड, हालसालै खिचिएको पासपोर्ट साइज फोटो, राहदानीको छायाँ कापी, खोप कार्डको छायाँ कापी, कबुलियतनामा कागजात आवश्यक पर्नेछ ।

३ दिनभित्र विदेश जानेहरुले भिसाको छायाँ कापी र टिकटको छायाँ कपि पेश गर्नुपर्नेछ ।

काठमाडौं । नेकपा एमालेका बरिष्ठ नेता माधवकुमार नेपाल समूहको केन्द्रीय कमिटी बैठक आज बस्दैछ । बैठक बुधबारका लागि बोलाइएको थियो । तर, केही सदस्य उपत्यका भन्दा बाहिर रहेपछि बैठक आजका लागि सारिएको हो । यो बैटक बिहान ११ बजे क्वालिटी ब्यांक्वेट बुद्धनगरमा बस्नेछ । संसद् पुनर्स्थापना भएपछि पहिलोपटक बस्न लागेको बैठकमा केन्द्रीय सदस्यहरुको सुझाव सुन्ने र शीर्ष नेताहरुले राजनीतिक घटनाक्रमबारे बताउने भएका छन् । तर, यो बैठकप्रति अध्यक्ष केपी शर्मा ओली पक्षका नेता भने ससंकित छन् ।

उनीहरुलेले पार्टी विभाजन गर्न यो बैठकले महत्वपुर्ण निर्णय लिन सक्ने समेत बताएका छन् । बैठकप्रति अध्यक्ष केपी शर्मा ओलीले समेत ध्यानाकर्षण भएको जनाएका छन् । केन्द्रीय कार्यालय सचिव शेरबहादुर तामाङले विज्ञप्ति जारी गर्दै बैठक राखिएकोमा आपत्ति जनाएका हुन् । पार्टी विधान, संविधान र प्रचलित ऐन विपरीत गतिविधि गरिएकोमा ध्यानाकर्षण भएको उनले जारी गरेको विज्ञप्तिमा उल्लेख छ ।

काठमाडौं । नेपाली कांग्रेसका शीर्ष नेताले आगामी तीन दिन भित्र क्रियाशील सदस्यता सम्बन्धि विवाद टुंग्याउने सहमति गरेका छन् । नेपाली कांग्रेसका सभापति शेरबहादुर देउवा, वरिष्ठ नेता रामचन्द्र पौडल र नेता कृष्णप्रसाद सिटौंलाबीच बुधबार सम्पन्न छलफलमा यस्तो सहमति जुटेको हो । क्रियाशील सदस्यताका सम्बन्धमा पार्टीमा देखिएको विवाद तीन दिनभित्र समाधान गर्ने गरी छलफललाई निरन्तरता दिइने भएको नेताहरुले बताएका छन् ।

आज सभापति देउवाको बुढानिलकण्ठस्थित निवासमा बैठक बसेको थियो । अरु पार्टीबाट प्रवेश गरेका नेता, कार्यकर्ताहरुको सम्बन्धमा नेपाली काँग्रेसको क्रियाशील सदस्यता कसरी दिने भन्ने विषयमा विवाद छ । बैठकमा नेताहरुबीच आसन्न पार्टीको १४ औं महाधिवेशनको कार्यतालिका समेत २ दिन भित्र टुंग्याउने विषयमा छलफल भएको बताइएको छ ।