Category: फिचर

काठमाडौं । पत्रकार शालिकराम पुडासैनी आत्महत्या प्रकरणमा मुछिएका टिभि प्रस्तोता रवि लामिछानेलाई धरौटीमा छाड्न अदालतले  आदेश दिएको छ ।

अदालतले लामिछानेलाई ५ लाख, पत्रकार युवराज कँडेललाई ३ लाख रुपैयाँ धरौटीमा छाड्न आदेश दिएको छ ।

आत्महत्या प्रकरणमा मुछिएकी अर्की अभियुक्त रुकु कार्कीलाई भने साधारण तारेखमा छाड्न जिल्ला अदालतले आदेश दिएको हो ।

सोमबार जिल्ला अदालत, चितवनका न्यायधीश हेमन्तप्रकाश रावलको इजलासले आत्महत्या दुरुत्साहन गरेको कसूरमा धरौटीमा छाड्न आदेश दिएको हो ।

आदेश लगत्तै उनीहरु अदालतले तोकेको धरौटी रकम बुझाएर रिहा भए । उनीहरु धरौटीमा छूटे पनि कानूनि प्रक्रियाका थप कदममा भने उनीहरु सहभागी हुनुपर्छ ।

प्रहरीले १० दिनसम्म अनुसन्धान गरी पत्रकार पुडासैनीको आत्महत्या तीन जनालाई दोषि दावि गरिएको थियो ।

अनुसन्धान सम्पन्न गरी प्रहरीले आइतबार जिल्ला अदालत, चितवनमा आत्महत्या दुत्साहन गरेको मुद्दा दर्ता गरेको थियो । पत्रकार पुडासैनी २० साउनमा चितवनस्थित एक होटलमा झुण्डिएको अवस्थामा भेटिएका थिए ।

आत्महत्यापूर्व पुडासैनीले भिडियो बनाएर लामिछाने, कँडेल र कार्कीले दिएको टर्चर सहन नसकेर आफूले आत्महत्या गरेको उल्लेख गरेका छन् ।

भिडियो सार्वजनिक भएसँगै प्रहरीले ३० साउनमा उनीहरुलाई पक्राउ गरेको थियो । रवि लामिछाने पक्राउ भएसँगै हरेक दिन उनको समर्थनमा चर्को आन्दोलन भइरहेको थियो ।

रवि धरौटीमा छूटे पनि उनी यस मुद्दाका सम्बन्धमा केही बोल्न र लेख्न भने नपाउने भएका छन् । उनको बैंक खाता रोक्का गर्ने प्रक्रियासमेत शुरु भइसकेको छ ।

चितवन । चितवनमा अराजक बन्दै गएको प्रदर्शन निरुत्साहित गर्न सरकारले निषेधाज्ञा जारी गरेको छ ।

जिल्ला प्रशासन कार्यालय चितवनले आइतबार एक सूचना प्रकाशित गर्दै उक्त जानकारी गराएको हो ।

निषेधाज्ञा सोमबार बिहान ६ बजेबाट शुरु भएको छ । जिल्ला अदालत आसपास निषेधाज्ञा क्षेत्र तोकिएको हो ।

पत्रकार शालिकराम पुडासैनीले आत्महत्या गर्दा टिभी प्रस्तोता रवि लामिछानेको नाम लिएको भिडियो सार्वजनिक भएपछि उनी प्रहरीको अनुसन्धानमा तानिएका छन् ।

प्रहरीले १० दिन लामो अनुसन्धानबाट आत्महत्या दुरुत्साहनमा लामिछानेको संलग्नता पुष्टी गर्दै आइतबार जिल्ला अदालतमा मुद्दा दर्ता समेत गरेको छ ।

सोमबारदेखि शुरु हुने रवीको बयान र थुनछेक वहसका दौरान भीडले अराजकता प्रदर्शन गर्न सक्ने भन्दै स्थानीय प्रशासनले कडाई थालेको हो ।

प्रहरीले लामिछानेसहित पत्रकार युवराज कँडेल र नर्स रुकु कार्कीविरुद्ध आत्महत्या दुरुत्साहनको मुद्दा दर्ता गरिसकेको छ । यी तीनै जनाको नाम पुडासैनीको भिडियोमा लिइएको छ ।

कार्यालयका अनुसार भरतपुरको पूर्वतर्फ बाइपास सडकतर्फ आन्तरिक राजश्व कायर्मलयको चोकदेखि घरेलु कार्यालयको चोकसम्म निषेधाज्ञा जारी गरिएको छ ।

जहाँ ५ जना भन्दा बढी मानिस भेला हुन पाइने छैन । पश्चिमतर्फ लोकमार्गको सप्तगण्डकी अस्पताल चोकदेखि चौबिसकोठी चोकसम्म निषेधाज्ञा जारी गरिएको छ ।

उत्तरमा बाइपास सडकको अन्तरिक राजश्व कार्यालय चोकदेखि भरतपुर अस्पताल, पुरानो मेडिकल कलेजज जाने चोक, नारायणी मावि, कृषि ज्ञान केन्द्र हुँदै पूर्वपश्चिम लोकमार्गको चौबिसकोठी चोकसम्म तोकिएको छ ।

दक्षिणको बाइवपास सडकतर्फ घरेलु कार्यालयको चोकदेखि दूरसञ्चार चोक हुँदै पूर्व पश्चिम लोकमार्गतर्फ सप्तगण्डकी अस्पताल चोकसम्म पनि कुनै प्रदर्शन गर्न नपाइने जिल्ला प्रशासन कार्यालयले उल्लेख गरेको छ ।

काठमाडौं । पत्रकार शालिकराम पुडासैनीको आत्महत्यामा टिभि रवि लामिछानेसहित तीन जनाले दुरुत्साहन गरेको निष्कर्षमा प्रहरी पुगेको छ ।

उनीहरुविरुद्ध आइतबार आत्महत्या दुरुत्साहन मुद्दा दर्ता भएको छ । केन्द्रीय अनुसन्धान ब्यूरोको सहयोग लिएर प्रहरीले १० दिनसम्म यस घटनाको सुक्ष्म अध्ययन गरेको थियो ।

आइतबार चितवन प्रहरीले सरकारी वकिलको कार्यालयमार्फत आइतबार लामिछानेसहित पत्रकार युवराज कँडेल र नर्स रुकु कार्कीविरुद्ध आत्महत्या दुरुत्साहन गरेको मुद्दा दर्ता गरेको हो ।

गत वर्षदेखि आत्महत्याको घटनामा दुरुत्साहतको मुद्दा आकर्षित हुने कानून कार्यान्वयनमा छ । त्यसकारण अब आत्महत्यालाई पनि हत्याको केशसँग जोडेर हेर्न थालिएको छ ।

दुरुत्साहन प्रमाणित भए अधिकतम ५ वर्ष जेल र ५० हजार रुपैयाँसम्मको जरिवाना तोकिएको छ । चितवन प्रहरीका अनुसार मुद्दा दर्ता भएपछि आइतबार अभियुक्त कार्कसँग अदालतले वयान लिएको छ ।

लामिछाने र कँडेलको वयान भने आइतबार हुन सकेन । त्यसकारण सोमबार बिहान १० बजे उपस्थित गराउने गरी पुनः प्रहरी हिरासतमै राखिएको छ ।

जिल्ला अदालतमा अभियोग लागेका तीन जनाकै वयान हुनेछ । त्यसपछि मात्र थुनछेक बहस प्रारम्भ हुने कानूनि प्रावधान रहेको छ ।

पुडासैनीले चितवन पुगेर एक होटेलमा आत्महत्या गरेपछि अनुसन्धानका क्रममा उनको मोवाइलमा भिडियो रेकर्ड भेटिएको थियो ।

जसमा उनले यी तीन जनालाई आफ्नो आत्महत्याको मूख्य कारण भएको बताएका थिए । त्यसपछि प्रहरीले तीनै जनालाई पक्राउ गरी अनुसन्धान अगाडी बढाएको थियो ।

प्रहरीले टिभी प्रस्तोता लामिछानेलाई पक्राउ गर्नासाथ उनको समर्थनमा चितवनमा प्रदर्शन भइरहेको छ ।

प्रहरी, राजनीतिक दल र प्रशासनले भने प्रहरीलाई निष्पक्ष छानविनमा असर पुग्ने गरी कुनै पनि गतिविधि नगर्न सर्वसाधारणलाई सचेत समेत गराएको छ ।

प्रहरीका अनुसार बरामद भिडियो अडिट भएको छैन । भिडियो बाहेक अन्य अनुसन्धानबाट पनि लामिछानेको संलग्नता पुष्टी हुने आधार फेला परेको प्रहरीले उल्लेख गरेको छ ।

खासगरी कार्की र लामिछानेले पक्राउ अघि सार्वजनिक गरेको धारणा र पक्राउ पछिको धारणा फरक फरक पाइएपछि प्रहरीलाई थप प्रमाण मिलाउन बल पुगेको बताइएको छ ।

पत्रकार पुडासैनी लामिछानेको कार्यक्रम सिधा कुरा जनतासँग जोडिएका थिए । नर्स कार्की भने पुडासैनीको केटीसाथी रहेको र उनीसँग राम्रो सम्बन्ध रहेको थियो । पुडासैनी भने विवाहित हुन् ।