Category: स्वास्थ्य

काठमाडौं । काठमाडौं उपत्यकामा थप २३३ जनामा कोरोना भाइरसको संक्रमण पुष्टि भएको छ।

स्वास्थ्य तथा जनसंख्या मन्त्रालयको अनुसार पछिल्लो २४ घण्टामा काठमाडौंमा १५९, भक्तपुरमा २४ र ललितपुरमा ५० जना नयाँ कोरोना संक्रमित थपिएका हुन् ।

झापा । झापामा बस र मोटरसाइकल एकआपसमा ठोक्किँदा भएको दुर्घटनामा दुई जनाको ज्यान गएको छ । प्रहरीका अनुसार मृत्यु हुनेमा बराहक्षेत्र नगरपालिका ७ का ३१ वर्षीय ज्ञानेन्द्र तामाङ र सुनसरीको इटहरी उपमहानगरपालिका ५ की २८ वर्षीया सलिना राई छन् । मोटरसाइकल तामाङले चलाएका थिए । राई पछाडि सवार रहेको बताइएको छ ।

शिवसताक्षी नगरपालिका ८ झिलझिलेमा को १ ख ६०९८ नम्बरको बस र प्र १०२ ०४३ प ९२१८ नम्बरको मोटरसाइकल मंगलबार दिउँसो ठोक्किएका थिए । त्यसपछि गम्भीर घाइते भएका दुबै जनालाई बीएण्डसी अस्पताल विर्तामोडमा लगिएको थियो । अस्पतालमा उपचारको क्रममा उनीहरुको ज्यान गएको हो । बस र चालकलाई प्रहरीले नियन्त्रणमा लिएको छ ।

काठमाडौं । काठमाडौंको चाबहिलमा मोटरसाइकल पुलबाट खस्दा एक जनाको मृत्यु भएको छ । चाबहिलको गोपिकृष्णहल नजिकै पुलबाट मोटरसाइकल धोवीखोलामा खसेको हो । प्रहरीका अनुसार बा २६ प ४०२१ नम्बरको मोटरसाइकल खोलमा खस्दा चालक सिन्धुली घर भएका २७ वर्षिय लोकनारायण श्रेष्ठको ज्यान गएको हो ।

उनी पुलबाट खसेर गम्भीर घाइते भएका थिए । राती भएको यो घटनालगत्तै उनलाई उपचारका लागि नेपाल–भारत अस्पताल लगिएको थियो । त्यहाँ उपचारका क्रममा उनको ज्यान गएको छ । दुर्घटनाको कारण खुलेको छैन ।

हेटौंडा । हेटौंडामा भएको बस दुर्घटनामा एक जनाको मृत्यु भएको छ । अन्य ८ जना घाइते भएका छन् । प्रहरीका अनुसार हेटौँडा नारायणगढ सडकखण्ड अन्तर्गत हेटौँडा उपमहानगरपालिका १९ बस्तीपुरमा शनिबार दिउँसो यात्रुवाहक बस दुर्घटनामा परेको हो ।

हेटौँडाबाट नारायणगढतर्फ जाँदै गरेको ना ५ ख ४६०९ नम्बरको यात्रुवाहक बस अनियन्त्रित भई पल्टिएको हो । दुर्घटनामा लमजुङ सुन्दरबजार नगरपालिका–८ बस्ने ३२ वर्षीय हरि गौलीको ज्यान गएको जिल्ला प्रहरी कार्यालय मकवानपुरले जानकारी दिएको छ ।

दुर्घटना गम्भीर घाइते भएका उनको उपचारका क्रममा हेटौँडा अस्पतालमा ज्यान गएको हो । दुर्घटनामा घाइते भएका ८ जनाको चुरेहिल अस्पतालमा उपचार जारी छ । बस चालकलाई भने प्रहरीले नियन्त्रणमा लिई अनुसन्धान थालेको बताइएको छ ।

गैँडाकोट । नवलपरासीको गैँडाकोटमा आज भएको ट्रक दुर्घटना तीन जनाको ज्यान गएको छ । प्रहरीका अनुसार ना ३ ख ५३३९ नम्बरको लहरे प्लेटफर्म टेलर कालिगण्डकी करीडोरको भित्री सडक खण्डमा दुर्घटनामा पर्दा तीन जनाको घटनास्थलमै ज्यान गएको हो ।

दुर्घटनामा परी टेलर चालक मकवानपुर हेटौंडा उपमहानगरपालिका—१७ हटियाका ४५ वर्षीय सुरेश भुजेल, सोही ठाउँका ३५ वर्षीय बलराम श्रेष्ठ र पर्सा जिल्लाको ठोरी गौतमनगर बस्ने ५० वर्षीय भीमबहादुर तामाङको मृत्यु भएको जिल्ला प्रहरी कार्यालय नवलपरासीपूर्वले पुष्टी गरेको छ ।

सिमेन्टसहित निर्माण सामग्री बोक्ने टेलर बिहान बुलिनटार गाउँपालिकाबाट गैँडाकोटतर्फ आउँदा गैँडाकोट नगरपालिका—३ को सेतिभीरबाट अन्दाजी १ सय मिटर तल खसेको हो ।

ललितपुर । ललितपुर, धोवीघाटमा मोटरसाइकलले ठक्कर दिँदा एक पैदलयात्रुको मृत्यु भएको छ ।
एकान्तकुनाबाट बल्खुतर्फ लागेको बा ०२० प २३६१ नम्बरको मोटरसाइकलले काभ्रेका २७ वर्षिय गोपीकृष्ण खनाललाई ठक्कर दिएको थियो ।

उनको उपचारका क्रममा गतराती स्टार हस्पिटलमा ज्यान गएको हो । चालक र मोटरसाइकललाई नियन्त्रणमा लिई अनुसन्धान जारी रहेको प्रहरीले जनाएको छ । उपत्यकामा बढ्दो सवारी चापका कारण पैदल यात्रा समेत असुरक्षित बनेको छ ।

काठमाडौं । पछिल्लो २४ घण्टामा नेपालमा ७ सय २२ जना कोरोना संक्रमित थपिएका छन्। यो सँगै कुल संक्रमितको संख्या २ लाख ५५ हजार २ सय ३६ पुगेको स्वास्थ्य तथा जनसंख्या मन्त्रालयले जनाएको छ।

गत २४ घण्टामा ७ हजार जनाको पिसिआर परीक्षण गर्दा ७ सय २२ जनामा कोरोना पुष्टि भएको छ। यो सँगै नेपालमा पिसिआर परीक्षण हुनेको संख्या १८ लाख ८४ हजार १ सय ८१ पुगेको छ।

थप ३ जना कोरोना संक्रमितको मृत्यु भएको छ। यो सँगै कोरोना संक्रमित मृतकको संख्या १ हजार ७ सय ९८ पुगेको मन्त्रालयले जनाएको छ। हाल ४ सय १३ जना क्वारेन्टाइनमा छन्।

पछिल्लो २४ घण्टामा ९६६ जना उपचारपछि डिस्चार्ज भएका छन्। यो सँगै नेपालमा निको हुनेको संख्या २ लाख ४५ हजार ७ सय ९ पुगेको मन्त्रालयले जनाएको छ।

बैतडी । बैतडीमा ट्याक्टर दुर्घटनामा परी २ जनाको मृत्यु भएको छ । प्रहरीका अनुसार जिल्लाको मेलौली नगरपालिका–९ स्थित असुर्पाबाट मेलौलीतर्फ आउँदै गरेको ट्याक्टर दुर्घटनामा परेको थियो । उनीहरुको घटनास्थलमै मृत्यु भएको छ ।

सुप प्रदेश ०१००२ त ४५७७ नम्बरको ट्याक्टर सडकबाट एक सय मिटर तल खसेको थियो । दुर्घटनामा परी मेलौली नगरपालिका–९ का ३२ वर्षीय नारायण भट्ट र सोही ठाउँका ५८ वर्षीय नारायण भट्टको मृत्यु भएको जिल्ला प्रहरी कार्यालय बैतडीले पुष्टी गरेको छ ।

कैलालीको गौरीगंगा नगरपालिका–३ का अन्दाजी २५ वर्षीय ट्याक्टर चालक अमृत चौधरी भने सामान्य घाइते भएका छन् । कच्ची सडकमा ट्याक्टर सडकबाट तल खसेको हो ।

काठमाडौं । सन् २०१२ देखि १६ सम्म दक्षिण कोरियाको राजदूत बनेका कमानसिंह लामाको कोरोना भाइरसका कारण निधन भएको छ । उनी अहिले सत्तारुढ नेकपाका केन्द्रीय सदस्य थिए ।

कोरोना संक्रमण देखिएपछि दुई साता अघि उनी महाराजगञ्जस्थित शिक्षण अस्पतालमा भर्ना भएका थिए । पारिवारिक स्रोतका अनुसार उनको बुधबार राती ११ बजे निधन भएको हो । उनलाई १४ दिनअघि कोरोना संक्रमण भएको थियो ।

लामा ०४८ सालमा तत्कालिन संयुक्त जनमोर्चा, नेपालको तर्फबाट काभ्रेबाट सांसदमा बिजयी भएका थिए। उनमा प्रेसर, सुगरको समस्या रहेको बताइएको छ । पछिल्लो समय मृगौलाको समस्यासँग समेत उनी जुधिरहेका थिए । उनको अन्येष्टीको व्यवस्थापन सेनाले गर्नेछ ।