काठमाडौं । काठमाडौं उपत्यकामा थप ६७४ जनामा कोरोना भाइरसको संक्रमण पुष्टि भएको छ।
स्वास्थ्य तथा जनसंख्या मन्त्रालयको अनुसार काठमाडौंका ५३८, भक्तपुरका ७४ र ललितपुरका ६२ जनामा कोरोना संक्रमण पुष्टि भएको हो।
काठमाडौंमा १४ हजार १५४, ललितपुरमा १ हजार ६१० र भक्तपुरमा १ हजार ५२६ संक्रमित पुगेका छन्। यो सहित उपत्यकामा कोरोना संक्रमितको कुल संख्या १७ हजार २ सय ९० पुगेको छ।
काठमाडौं । नेपालमा पछिल्लो २४ घण्टामा थप ११५४ जनामा कोरोना संक्रमण पुष्टि भएको छ।
स्वास्थ्य तथा जनसंख्या मन्त्रालयको अनुसार २४ घण्टामा गरिएको ९ हजार ५ सय ३३ जनाको पीसीआर परीक्षणमा थप ११५४ जनामा कोरोना संक्रमण पुष्टि भएको हो ।
यो सहित नेपालमा कोरोना संक्रमित हुनेको संख्या ६५ हजार २ सय ७६ पुगेको छ ।
पछिल्लो २४ घन्टामा थप १ हजार ५ जना कोरोना संक्रमणमुक्त भएका छन्। योसहित नेपालमा हालसम्म ४७ हजार २ सय ३८ जना उपचारपछि निको भएका छन्।
हाल देशभर १७ हजार ६११ जना सक्रिय संक्रमित छन्।
काठमाडौं । विश्वभर सवा ३ करोड मानिसमा कोरोना भाइरसको संक्रमण पुष्टी भएको छ । सोमबार बिहानसम्म ३ करोड १२ लाखभन्दा बढी मानिसमा कोरोना भाइरसको संक्रमण पुष्टी भइसकेको छ । तथ्यांक अनुसार पछिल्लो २४ घण्टामा २ लाख ४३ हजार १९ जनामा संक्रमण पुष्टि भएको छ । यो दिन थप ३ हजार ८९१ जनाको कोरोना भाइरसको संक्रमणबाट मृत्यु भएको छ ।
अब संसारभर कोरोनाबाट ज्यान गुमाउने मानिसको संख्या ९ लाख ६४ हजार ७६२ पुगेको तथ्यांकले देखाएको छ । संसारभर एकै दिन २ लाख ३९ हजार ७५२ मानिसले भने कोरोनालाई जितेका छन् । वर्ल्डोमिटर्सका अनुसार अब विश्वभर कोरोनालाई जितेर घर फर्कने मानिस २ करोड २८ लाख १७ हजार ५४० पुगेको छ ।
कुल संक्रमितको ७१ प्रतिशतले कोरोनालाई जित्न सफल भएका छन् । कोरोना भाइरसकै संक्रमणबाट युरोपियन मुलुकहरूमा २ लाख १६ हजार १८६ जनाको मृत्यु भएको छ । ४४ लाख ३६ हजार ७०९ जना संक्रमित भएकोमा २३ लाख ८३ हजार ७४ जना संक्रमणमुक्त भएका छन् ।
उत्तर अमेरिकी मुलुकहरूमा २ लाख ९८ हजार ५३० जनाको मृत्यु भएको छ । संक्रमितको संख्या ८३ लाख ४८ हजार ३०८ पुगेको छ । त्यसमध्ये ५२ लाख ६६० जना संक्रमणमुक्त भइसकेका छन् । एसियाली मुलुकहरूमा १ लाख ७७ हजार १७३ जनाको मृत्यु भएको छ ।
९४ लाख ६८ हजार ८१ जना संक्रमित भएकोमा ७७ लाख ६४ हजार ११८ जना संक्रमणमुक्त भएका छन् । दक्षिण अमेरिकी मुलुकहरूमा २ लाख ३७ हजार ९६५ जनाको मृत्यु भएको छ । ७५ लाख २५ हजार ८८८ जना संक्रमित भएकोमा ६२ लाख ८३ हजार १३९ जना संक्रमणमुक्त भएका छन् ।
अफ्रिकी मुलुकहरूमा ३४ हजार ८ जनाको ज्यान गएको छ । १४ लाख १३ हजार ३८२ संक्रमित छन् । संक्रमितमध्ये ११ लाख ५८ हजार ८०५ जना संक्रमणमुक्त भएका छन् । अष्ट्रेलियासहित ओसिनियाका मुलुकहरूमा ८८५ जनाको मृत्यु भएको छ । ३० हजार ५५९ जना संक्रमित भएकोमा २७ हजार ९३ जना संक्रमणमुक्त भएको तथ्यांक छ ।
काठमाडौं । नेपाली कांग्रेसका महामन्त्री डाक्टर शशांक कोइरालालाई अस्पताल भर्ना गरिएको छ । उनमा कोरोना भाइरसको संक्रमण पुष्टी भएको छ । भदौ २३ मा कोरोना संक्रमण पुष्टि भएका उनी होम आइसोलेसनमा थिए ।
तर, ज्वरो बढेपछि उनलाई बुधबार बिहान काठमाडौंको ओम अस्पताल भर्ना गरिएको छ । उनको आइसीयूमा उपचार जारी रहेको अस्पतालले जनाएको छ । ज्वरो कम हुन थालको र स्वास्थ्य अवस्था समेत सामान्य रहेको अस्पताल स्रोतले जनाएको छ ।
जुम्ला । वरिष्ठ चिकित्सक डा. गोविन्द केसीले १९ औं सत्याग्रह जुम्लाबाट शुरु गरेका छन् । भ्रष्टाचार नियन्त्रणमा सरकार असफल भएको आरोप लगाउँदै डा. केसीले विभिन्न मागका साथ सत्याग्रह थालेका हुन् । केसीले सोमबारदेखि जुम्लाबाट अनसन शुरु गरेका छन् । उनी जुम्ला बजार नजिकै सिंहचौरस्थित बाबिरा मस्ट मन्दिरमा सत्याग्रहमा छन् ।
आफुलाई जुम्लामा हिँडडुल गर्नदेखि उपचार गर्न जान समेत बारम्बार अवरोध हुँदै आएको गुनासो समेत उनले गरेका छन् । केसी केही समययता जुम्लाका ग्रामिण भेगमा औषधोपचार गर्दै हिँडेका छन् । उनले कर्णाली स्वास्थ्य विज्ञान प्रतिष्ठानमा तत्काल पूर्वाधार र जनशक्ति पुर्याएर एमबिबिएसलगायतका कार्यक्रम राख्न माग गरेका छन् ।
गेटा मेडिकल कलेज र राप्ति स्वास्थ्य विज्ञान प्रतिष्ठानमा पूर्वाधार र जनशक्ति पुर्याएर पठनपाठन सुरू गर्नु पर्ने समेत उनको माग छ । प्रदेश नम्बर दुई र गण्डकी प्रदेश तथा डोटी वा डडेल्धुरा, उदयपुर र इलाम वा पाँचथरमा सरकारी मेडिकल कलेज खोल्ने प्रक्रिया अघि बढाउन पनि उनले आफ्नो मागमा समेटेका छन् ।
उनले मास्कको प्रयोग र सामाजिक दूरीलाई अनिवार्य गर्दै पिसिआर परीक्षण व्यापक बनाएर लकडाउन र निषेधाज्ञा अन्त्य गर्नुपर्ने समेत माग गरेका छन् । कोभिड तथा अन्य रोगका सबै बिरामीहरुका लागि समेत उचित उपचारको व्यवस्था हुनुपर्ने उनी बताउँछन् । २०७५ साउन १० गते भएको सम्झौताअनुसार चिकित्सा शिक्षा ऐनमा संशोधनको माग समेत डा. केसीले दोहोर्याएका छन् ।
उनले त्रिवि चिकित्साशास्त्र अध्ययन संस्थानमा वरिष्ठता मिचेर भएका नियुक्ति सच्याउँदै सबै पदमा वरिष्ठताका आधारमा नियुक्ति गर्न माग गरेका छन् । डा. केसीले राज्यलक्ष्मी गोल्छा घुस काण्ड, आयल निगम जग्गा खरिद, वाइडबडी, सेक्युरिटी प्रेस खरिद, दरबारमार्गको जग्गा, ओम्नी समूहको औषधि खरीदलगायत सबै ठूला भ्रष्टाचारका दोषीलाई छानवि गरी कानुन बमोजिम कारबाही गर्न पनि सरकारसँग माग गरेका छन् ।
बुटवल । बुटवलमा कोरोना भाइरसको संक्रमणबाट थप एक जनाको मृत्यु भएको छ । बुटवलस्थित कोरोना विशेष अस्थायी अस्पतालमा उपचारार्थ एक महिलाको आज निधन भएको हो । कपिलवस्तुको शिवराज नगरपालिका–५ की ४७ वर्षीया महिलाको उपचारको क्रममा सोमबार बिहान ज्यान गएको अस्पतालले पुष्टी गरेको हो ।
उनमा भदौ २१ मा कोरोना पुष्टि भएको थियो । उनको आईसीयूमा उपचार भइरहेको थियो । उनी मिर्गौला रोगबाट पीडित र डायलासिस गराइरहेको अस्पतालले जनाएको छ ।
काठमाडौं । काठमाडौं । सरकारले देशव्यापी लकडाउन खुला गरेको छ । विभिन्न जिल्लामा घोषित निषेधाज्ञा समेत क्रमशः खुकुलो बन्दै गएको छ । यसको मतलव अब कोरोनासँग नेपालीले पनि लिभिंग टुगेदरमै जानु पर्नेछ । त्यसो त नेपालको ग्रामिण भेग, पहडाी र हिमाली क्षेत्र अझै पनि कोरोना भाइरसको कम जोखिममा रहेको देखिएको छ ।
तर ठूला शहर भने अझै पनि जोखिममा छन् । पछिल्लो २४ घण्टामा देशभर देखिएको भाइरसको ग्राफले समेत त्यही बताउँछ । देशभर २४ घण्टामा कुल १२०१ जनाका कोरोना देखियो । त्यसमध्ये ३ सय ७७ जना काठमाडौैं जिल्लामा मात्र छन् ।
तथ्यांक अनुसार आज मकवानपुरमा समेत तेस्रो अंकमा संक्रमित देखिए । यहाँ १ सय ७ जनामा कोरोना पुष्टी भएको छ । चितवनमा मात्र ९२ जनामा कोरोना देखियो । यहाँ भरतपुर महानगरपालिकामा बढी संक्रमण देखिएको छ । रुपन्देही, नवलपरासी पूर्व र कास्की जिल्ला समेत आज बढी संक्रमित देखिने जिल्ला हुन् ।
यी तीन जिल्लामा क्रमशः ८१, ५१ र ३७ जनामा कोरोना देखियो । रुपन्देहीको बुटवल तथा कास्कीको पोखरा समेत कोरोना भाइरसको जोखिममा छन् । आज ललितपुरमा ३७ जनामा देखिँदा मोरंगमा मात्र ५८ जनामा कोरोना देखियो । यहाँ विराटनगरमा बढी संक्रमित रहेका छन् । केही अगाडी निकै जोखिम बढेको बारा र पर्सामा भने क्रमशः संक्रमणको दर कम भएको छ । आज यी दुई जिल्लामा क्रमशः १५ र १० जनामा मात्र कोरोना देखिएको छ ।
बाँकेमा ३२ जनामा कोरोना पुष्टी भएको छ । यहाँ नेपालगन्जमा बढी जोखिम रहेको छ । अन्य जिल्लामा भने तुलनात्मक रुपमा कम मात्र संक्रमण देखिएको छ । अहिले सोलुखुम्बु, मनांग, मुस्तांग, म्याग्दी, हुम्ला, मुगु र डोल्पा कोरोनाबाट मुक्त भइसकेका छन् ।
अधिक जोखिम भएका जिल्ला भने काठमाडौं, चितवन, ललितपुर, सुनसरी, सर्लाही र रुपन्देही हुन् । यी जिल्लामा ५ सय भन्दा बढी संक्रिय संक्रमित रहेका छन् ।
काठमाडौं । नेपालमा कोरोना भाइरसको संक्रमणबाट पछिल्लो २४ घण्टामा १४ जनाको ज्यान गएको छ । यससँगै अब देशभर ज्यान गुमाउने मानिसको संख्या ३३६ पुगेको छ । स्वास्थ्य तथा जनसंख्या मन्त्रालयको तथ्यांक अनुसार २४ घण्टामा ११ जना पुरुष र ३ जना महिलाको ज्यान गएको हो । सुनसरीका ४३ वर्षिय पुरुषको ज्यान गएको छ ।
यसअवधिमा पर्साकी ७८ वर्षिय महिलाको समेत मृत्यु भएको हो । काठमाडौंका ७६ वर्षिय महिला, ५१ वर्षिय पुरुष र ५४ वर्षिय पुरुषको मृत्यु भएको छ । भक्तपुरका ७२ वर्षिय पुरुष र ३८ वर्षिय पुरुषको ज्यान गएको छ ।
चितवनका ६१ वर्षिय पुरुष, तनहुँमा ७६ वर्षिय महिला, स्यांग्जामामा ८५ वर्षिय पुरुष, गोरखामा ४५ वर्षिय पुरुष, कास्कीमा ६० वर्षिय पुरुष र रुपन्देहीमा ६० र ४० वर्षिय दुई पुरुष गरी यो अवधिका कुल १४ जनाको निधन भएको मन्त्रालयको तथ्यांक छ । नेपालका ३ सय ३६ जनाको ज्यान गएकोमा यो तथ्यांक कुल संक्रमितको तुलनामा ०.६३ प्रतिशत हो ।
काठमाडौं । नेपालमा कोरोना भाइरसको कुल संक्रमितको संख्या ५३ हजार नाघेको छ । पछिल्लो २४ घण्टामा १२०१ जना मानिसमा कोरोना भाइरसको संक्रमण पुष्टी भएसँगै अहिलेसम्म ५३ हजार १ सय २० जनामा कोरोना पुष्टी भएको छ ।
स्वास्थ्य तथा जनसंख्या मन्त्रालयका अनुसार २४ घण्टामा कुल १० हजार १ सय ७६ जनामा पिसिआर परीक्षण गरिएको थियो । परीक्षणबाट १२ सय १ जनाका कोरोना पुष्टी भएको हो । यसमध्ये काठमाडौंमा मात्र ३ सय ७७ जनामा कोरोना देखियो ।
आज मकवानपुरमा पनि १ सय भन्दा बढी संक्रमित देखिए । मकवानपुरमा १ सय ७ जनाका कोरोना देखियो । योसँगै नेपालमा कुल ५३ हजार १ सय २० जनामा कोरोना पुष्टी भएको हो । आज ८५२ जना मानिस डिस्चार्ज भएका छन् । नेपालमा ७०.६ प्रतिशत मानिस निको भइसकेका छन् ।
काठमाडौं । ललितपुरमा आज कोरोना भाइरसको संक्रमणबाट थप तीन जनाको ज्यान गएको छ । ललितपुरका दुई अस्पतालमा उपचारार्थ भर्ना भएका तीन जनाको ज्यान गएको हो । पाटन अस्पतालमा २ र मेघा अस्पतालमा १ जना संक्रमितको मृत्यु भएको छ । स्वास्थ्य कार्यालय ललितपुरले दिएको जानकारी अनुसार मृत्यु हुनेमा दुई जना भक्तपुर र एक जना काठमाडौंका छन् ।
पाटन अस्पतालमा उपचाररत काठमाडौं निवासी ५१ वर्षीय पुरुषको शनिबार बिहान मृत्यु भएको हो । उनी भदौ १९ गतेदेखि अस्पतालमा उपचार गराइरहेका थिए । उता, ललितपुरकै पाटन अस्पतालमा उपचार गराइरहेका भक्तपुरका ७२ वर्षीय पुरुषको पनि ज्यान गएको छ । उनको गएराति पौने १० बजे निधन भएको हो ।
यता, ललितपुरकै मेघा अस्पतालमा उपचार गराइरहेका भक्तपुर निवासी ३८ वर्षीय पुरुषको पनि शनिबार करीव ८ बजे मृत्यु भएको छ । उनी भदौ २६ मा उपचारका लागि अस्पताल आएका थिए । पछिल्लो केही दिनयता मृत्युदर कम भएपनि शहरी इलाकामा भने जोखिम बढेके छ ।
काठमाडौं । नेपालमा ह्याण्ड स्यानिटाइजर उत्पादन गर्ने पाँच उद्योगले स्वास्थ्यमा गम्भीर असर गर्ने रसायन मिसाएको फेला परेको छ । यस्तो उद्योगबाट उत्पादन भएका उत्पादन प्रयोगमा समेत सरकारले रोक लगाएको छ । औषधि व्यवस्था विभागले आज उद्योगको सूचि सार्वजनिक गर्दै यस्तो आह्वान गरेको हो ।
यस्ता ह्याण्ड स्यानिटाइजरमा स्वास्थ्यलाई गम्भीर असर गर्ने विषाक्त रसायन भेटिएको छ । विभागका अनुसार यी उद्योगले आफ्ना उत्पादनमा मेथानोल मिसावट गरेका छन् । ती स्यानिटाइजर बिक्रीमा रोक लगाइएको छ । काठमाडौंका चार र भक्तपुरको एक उद्योगले उत्पादन गरेका ह्यान्ड स्यानिटाइजर हानिकारक पाइएको छ ।
भक्तपुरको नेपाल कायाकल्प उद्योगको इन्सट्यान्ट ह्यान्ड सेनिटाइजर, काठमाडौंको हाइजिन सोप एन्ड केमिकल प्रालिको इन्सट्यान्ट ह्यान्ड स्यानिटाइजर ओरिजिनल, आधार केमिकल्स एन्ड फुड इन्डस्ट्रीको एड्भान्स ह्यान्ड स्यानिटाइजर, सर्च केम कम हर्बल प्रोडक्टको इन्सट्यान्ट ह्यान्ड स्यानिटाइजर रिफ्रेसिङ जेल र सूर्यमुखी हर्बल प्रोडक्टको सूर्यमुखी ह्यान्ड स्यानिटाइजरमा मेथानोल भेटिएको विभागले जानकारी गराएको छ ।
पोखरा । आज पोखरामा उपचार भइरहेका कोरोना भाइरसबाट संक्रमित स्याङ्जाका एक पुरुषको ज्यान गएको छ । कोरोना सङ्क्रमण पुष्टि भएपछि उनलाई उपचारका लागि पोखरा स्वास्थ्य विज्ञान प्रतिष्ठान अन्तर्गतको पश्चिमाञ्चल क्षेत्रीय अस्पतालमा ल्याइएको थियो । यहाँ स्याङ्जा, पुतलीबजार नगरपालिका १ का ८५ वर्षीय पुरुषको ज्यान गएको हो ।
सङ्क्रमणको पुष्टि भएपछि भदौ २४ मा उनलाई उपचारार्थ भर्ना गरिएको थियो। अब गण्डकी प्रदेशमा कोरोना पोजेटिभ रहेको अवस्थामा मृत्यु हुनेहरूको सङ्ख्या २३ पुगेको अस्पतालले जनाएको छ ।
भरतपुर । चितवनमा आज थप ८७ जनामा कोरोना संक्रमण पुष्टि भएको छ । शुक्रबार राति आएको परीक्षणको नतिजामा उनीहरुमा कोरोना देखिएको हो । भरतपुर अस्पतालको कोभिड–१९ परीक्षण प्रयोगशालाका अनुसार संक्रमित सबैभन्दा धेरै भरतपुर महानगरपालिकामा छन् । यहाँ ५० पुरुष र २३ महिला गरी कुल ७३ जनामा कोरोना देखिएको हो ।
उता कालिका नगरपालिकाका ६ पुरुष र २ महिलामा कोरोना पुष्टी भएको छ । खैरहनीका २ महिला र २ पुरुष गरी ४ जना तथा रत्ननगरका २ जना महिलामा समेत कोरोना देखिएको ल्यावले जनाएको छ । अब चितवनमा संक्रमितको संख्या १२ सय पुगेको तथ्यांक छ ।
काठमाडौं । नेपालका एक जिल्लाबाट अर्को जिल्लामा जाने व्यक्ति आफ्नै खर्चमा अनविार्य १४ दिनको क्वारेन्टिनमा बस्नु पर्ने भएको छ । स्वास्थ्य तथा जनसंख्या मन्त्रालयले यस्तो प्रावधान ल्याएको हो । सरकारले नाकामा कडाई गरी जिल्ला भित्रको जनजीवन सहज बनाउने रणनीति ल्याएको छ । सोहीअनुसार जिल्ला छाडेर जाने र प्रवेश गर्ने व्यक्तिलाई भने कडाई गर्न लागिएको हो ।
स्वास्थ्य मन्त्रालयका प्रवक्ता डाक्टर जागेश्वर गौतमका अनुसार विदेशबाट आउने वा एक जिल्लाबाट अर्को जिल्लामा जाने व्यक्ति आफ्नै घर अथवा आफ्नै खर्चमा १४ दिन अनिवार्य क्वारेन्टिनमा बस्नु पर्ने नियम ल्यार्एको छ ।
यस अवधिमा कुनै पनि लक्षण नदेखिएमा त्यस्ता व्यक्तिले पीसीआर परीक्षण गर्नु नपर्ने व्यवस्था समेत भएको छ । पीसीआर परीक्षणका लागि नमुना संकलन गरेको ७२ घण्टाभित्र रिपोर्ट नेगेटिभ आएकालाई मात्र नेपाल आउन अनुमति दिइने व्यवस्था अहिले पनि कार्यान्वयनमा रहेको छ ।
काठमाडौं । नेपालका बिहीबार कोरोना भाइरसको अर्को रेकर्ड कायम भएको छ । १ हजार २४६ जनामा कोरोना पुष्टी भएको यस दिन नेपालमा कुल संक्रमितको संख्याले ५० हजारको नेटो काटेको हो । स्वास्थ्य तथा जनसंख्या मन्त्रालयका प्रवक्ता डा. जागेश्वर गौतमले दिएको जानकारी अनुसार नेपालमा पछिल्लो २४ घण्टामा सो संख्याका संक्रमित थपिएका हुन्।
यीसहित हालसम्म संक्रमित हुनेको संख्या ५० हजार ४६५ पुगेको हो । नेपालमा कोरोनालाई जित्ने मानिसको संख्या पनि उत्तिकै रहेको छ । पछिल्लो २४ घण्टामा जना १ हजार ८१८ जनाले कोरोनालाई जित्न सफल भएका छन् ।
अब नेपालमा निको हुनेको संख्या ३५ हजार ७ सय पुगेको छ। अहिले देशभर निको हुनेको प्रतिशत ७१ रहेको छ । मन्त्रालयका अनुसार देशभर सक्रिय संक्रमितको संख्या अब १४ हजार ४४८ मात्र रहेको छ। पछिल्लो २४ घण्टामा ५ जनाको कोरोनाका कारण निधन भएको छ । यससँगै नेपालका कोरोनाका कारण ज्यान गुमाउनेको संख्या भने ३१७ पुगेको हो ।
अझै २१ जनाको विभिन्न अस्पतालमा भेन्टिलेटरको सहायतामा उपचार मन्त्रालयको तथ्यांक रहेको छ । पछिल्लो २४ घण्टामा ११ हजार १ सय ४४ जनाको पिसिआर परीक्षण गरिएको मन्त्रालयको तथ्यांक छ । अहिलेसम्म देशभर ८ लाख १० हजार पिसिआर परीक्षण भइसकेको छ ।
काठमाडौं । नेपालमा कोरोना भाइरसको नयाँ संक्रमणको गति पछिल्लो तीन साता यता उस्तै छ । हरेक दिन करीव १ हजारभन्दा माथिको औसतःमा कोरोना संक्रमित बिरामी थपिएका छन् । खासगरी काठमाडौं उपत्यकामा तीब्र गतिमा कोरोना भाइरसको फैलावट भइरहेको छ ।
सरकारले कोरोना भाइरसको फैलावट रोक्न जारी गरेको निषेधाज्ञाको दोस्रो सातासमेत सकिने समय भइसक्दा पनि संक्रमणका नयाँ केशहरु आउने क्रम जारी देखिएको छ । स्वास्थ्य तथा जनसंख्या मन्त्रालयका अनुसार सोमबार मात्र ९७९ जनामा कोरोना भाइरस (कोभिड–१९)को संक्रमण पुष्टि भएको छ। अब नेपालमा कुल संक्रमित ४७ हजार नाघेको छ ।
४७ हजार २ सय ३६ जनामा यो भाइरसको आक्रमण भइसकेको छ । मन्त्रालयका अनुसार नयाँ संक्रमित देखिनेसँगै यसलाई जितेर घर फर्कनेको संख्यामा भने उत्साहजनक वृद्धि भएको छ । पछिल्लो २४ घण्टामा १७ सय ३६ जना कोरोना संक्रमण मुक्त भएका छन्। योसँगै कुल डिस्चार्ज हुनेको संख्या ३० हजार ६ सय ७७ पुगेको छ। यो संख्या कुल संक्रमितको ६५ प्रतिशत हो ।
आइतबारसमेत नयाँ संक्रमितको तुलनामा डिस्चार्ज हुनेको संख्या माथि रहेको थियो । पछिल्लो २४ घण्टामा सरकारले ९ हजार २१८ जनाको पिसिआर परीक्षण भएको जनाएको छ । यो बीचमा पिसिआरको संख्यामा भने उल्लेख्य वृद्धि छैन । अब देशभर सक्रिय संक्रमितको संख्या १६ हजार २५९ रहेको छ । अझै क्वारेन्टिनमा भने ४ हजार ७ सय ३९ जना मानिस रहेका छन् ।
पोखरा । गण्डकी प्रदेशमा एकै पटक ६७ जनामा कोरोना भाइरसको संक्रमण पुष्टी भएको छ । पोखरा औद्योगिक क्षेत्रका कामदार र स्वास्थ्य कर्मचारीसहित गण्डकी प्रदेशमा ६७ जना कोरोना सङ्क्रण पुष्टी भएको हो ।
पोखरामा सङ्क्रमण पुष्टि भएका ३१ जनामध्ये पोखरा औद्योगिक क्षेत्रको पोखरा फुड्स प्रालिका २५ जना कामदार हुन् ।उता, पश्चिमाञ्चल सामुदायिक अस्पतालका २ जना स्टाफ नर्ससहित ४ जनामा पनि कोरोना देखिएको प्रदेश स्वास्थ्य निर्देशनालयले जनाएको छ ।
यता, नवलपुरको देउचुली नगरपालिकामा एक स्वास्थ्यकर्मीसहित १५ जनामा सङ्क्रमण देखिएको छ । गोरखा र पालुङटार नगरपालिकामा थप १८ जना कोरोना सङ्क्रमण भएको निर्देशनालयको प्रयोगशालामा पुष्टी भएको हो ।
तनहुँको व्यास नगरपालिकामा ३ जनामा सङ्क्रमण देखिएको छ । यो प्रदेशमा अब कुल संक्रमितको संख्या २ हजार ५ सय ९८ पुगेको छ ।
काठमाडौं । शनिबार नेपालमा कोरोना भाइरसका नयाँ संक्रमित हुने भन्दा डिस्चार्ज हुनेको संख्या बढी भएको छ । देशभर कोरोनाका १ हजार ४१ संक्रमित थपिए । तर, यस अवधिमा भने १५ सय ६६ जनाले कोरोनालाई जित्न सफल भएका छन् । यसले कोरोना जित्ने मानिसको संख्यामा समेत उल्लेख्य वृद्धि भएको छ ।
स्वास्थ्य तथा जनसंख्या मन्त्रालयका प्रवक्ता डा. जागेश्वर गौतमका अनुसार देशभर ४५ हजार ५ सय ७७ जनामा संक्रमण भएको छ । नेपालमा कोरोनालाई जित्नेको संख्या भने २७ हजार १ सय २७ पुगेको छ।
यो अवधिमा कुल २ सय ८० मानिसको ज्यान गएको छ । २४ घण्टामा १२ हजार ४ सय ७३ जनाको पिसिआर परीक्षण भएको छ। हालसम्म ७ लाख ५७ हजार बढीको पिसिआर परीक्षण भएको मन्त्रालयको तथ्यांक छ ।
बुटवल । रूपन्देहीको बुटवलमा कोरोना भाइरसको संक्रमणबाट दुई जनाको निधन भएको छ । बुटलवको कोरोना विशेष अस्पतालमा उपचार गराइरहेका दुई जनाको ज्यान गएको हो । नवलपरासी घर भएकी एक महिला र रुपन्देही घर भएका पुरुषको ज्यान गएको हो ।
नवलपरासीको प्रतापपुर गाउँपालिका–२ की ३७ वर्षीया महिलाको शनिबार बिहान ६ बजे र रुपन्देहीको बुटवल उपमहानगरपालिका–११ का ४० वर्षीय पुरुषको शुक्रबार राति ११ बजे मृत्यु भएको अस्पतालले जनाएको छ ।
पुरुष भदौ १५ र महिला भदौ १७ मा अस्पताल भर्ना भएका थिए। दुबै जनामा दीर्घरोग रहेको सम्बन्धमा कुनै जानकारी नभएको अस्पतालले जनाएको छ । रुपन्देहीमा मात्र संक्रमणबाट १६ जनाको ज्यान गइसकेको छ ।
काठमाडौं । कोभिड १९ संक्रमण र यसबारे संसारभर अनेक प्रकारका अध्ययन भइरहेका छन् । जसले नयाँ नयाँ तथ्य पत्ता लाग्ने क्रम जारी छ । यसै सन्दर्भमा बालबालिकामा कोरोना भाइरसको लक्षणका सम्बनधमा नयाँ तथ्य सार्वजनिक भएको छ ।
अब डायरीया, उल्टी र पेट दुख्ने लक्षण देखिएमा समेत त्यो कोरोना भाइरसको संक्रमणको लक्षण हुने निष्कर्ष अध्ययनले निकालेको छ । बेलायती अध्ययनमा यस्तो पाइएको बीबीसीले लेखेको छ । कोरोना भाइरसको आधा भन्दा बढी मानिसमा लक्षण नै देखिएको छैन । उनीहरुले सहजै यसलाई पचाइरहेका छन् ।
तर, संसारभर ८ लाख मानिसको मृत्युको कारण समेत यही भाइरस बनेको छ । डायरीया, उल्टी र पेट दुख्ने लक्षण भने खासगरी बालबालिकामा बढी देखिने गर्छ । क्विन्स युनिभर्सिटीको बेलफास्ट टिमको अनुसन्धानका लागि एक हजार बालबालिकालाई समावेश गरिएको थियो ।
मेडआरकाइभमा प्रकाशित यस अनुसन्धानका अनुसार ९९२ बालबालिका मध्ये ६८ जनामा एन्टीबडी पाइएको थियो । ६८ मध्ये १३ बालबालिकाले डायरीया, उल्टीम पेट दुख्ने समस्या सुनाएका छन् । ६८ मध्ये २१ बालबालिकामा ज्वरो आउने समान लक्षण देखिएको छ ।
काठमाडौं । नेपालमा पछिल्लो २४ घण्टामा थप ११ सय २० जनामा कोरोना संक्रमण पुष्टि भएको छ।
स्वास्थ्य तथा जनसंख्या मन्त्रालयका प्रवक्ता डा. जागेश्वर गौतमको अनुसार २४ घण्टामा गरिएको परीक्षणमा ११ सय २० जनामा कोरोना संक्रमण पुष्टि भएको हो ।
यो सहित नेपालमा कोरोना संक्रमित हुनेको संख्या ४२ हजार ८७७ जना पुगेको छ।
पछिल्लो २४ घण्टामा थप ९ सय १७जना कोरोना संक्रमणमुक्त भएका छन्। योसहित नेपालमा हालसम्म २४ हजार २०७ उपचारपछि निको भएका छन्।
बुटवल र चितवनमा बिहीबार कोरोना भाइरसको संक्रमणबाट एक\एक जनाको निधन भएको छ । बुटवलमा प्युठानका कोरोना संक्रमित पुरुषको ज्यान गएको हो । प्युठानको स्वर्गद्वारी नगरपालिका वडा नं. ७ का ५८ वर्षीय पुरुषको बुटवलस्थित गौतमबुद्ध सामुदायिक मुटु अस्पतालमा निधन भएको छ ।
उनी कलेजो र फोक्सोमा निमोनियाको समस्याबाट ग्रसित रहेको बताइएको छ । उनी १० भदौमा मुटु अस्पतालमा भर्ना भएका थिए । मुटु अस्पतालमा अर्का एकजना कोरोना संक्रमितको समेत उपचार जारी रहेको छ ।
उता, चितवनमा थप एकजना कोरोना संक्रमित महिलाको ज्यान गएको छ । भरतपुर महानगरपालिका–११ निवासी ४० वर्षीया महिलाको गएराति चितवन मेडिकल कलेजमा निधन भएको हो । उनी झाडापखाला, खोकी र कम सोडियमको समस्याले पिडित थिइन् । यससँगै चितवनमा मात्र कोरोनाबाट हालसम्म १८ जनाको मृत्यु भएको छ ।
काठमाडौं । अब ५ सय भन्दा बढी कोरोना भाइरसका सक्रिय संक्रमित भएको जिल्लामा सरकारले निषेधाज्ञा जारी गर्न सक्ने भएको छ । स्वास्थ्य तथा जनसंख्या मन्त्रालयले यस्तो जानकारी गराएको हो । तर, २ सय सक्रिय संक्रमित नाघेको अवस्थामा भने लकडाउन घोषणा गर्न सकिने भएको छ । लकडाउन निषेधाज्ञाको तुलनामा केही खुकुलो हुन्छ ।
मन्त्रालयका प्रवक्ता डाक्टर जागेश्वर गौतमका अनुसार ५ सय बढी सक्रिय संक्रमित भएका जिल्लाले निषेधाज्ञा जारी गर्न सक्ने प्रावधान ल्याइएको छ । २ सय बढी सक्रिय संक्रमित भएका जिल्लाहरूले लकडाउन गर्न सक्नेछन् । उनका अनुसार अहिले १२ जिल्लामा ५ सयभन्दा बढी सक्रिय संक्रमित छन्।
यसरी बढी संक्रमणको शिकार हुने जिल्लामा काठमाडौं, ललितपुर, मोरङ, सुनसरी, धनुषा, महोत्तरी, सर्लाही, रौतहट, बारा, पर्सा, चितवन, र रुपन्देही रहेका छन्। उता २ सय बढी सक्रिय संक्रमित भएका जिल्ला ६ वटा छन्। सिराहा, भक्तपुर, मकवानपुर, कपिल्वस्तु, दाङ र कैलाली यो सूचिमा छन् । काठमाडौंमा मात्र ५ हजार सक्रिय संक्रमित पुगेका छन् ।
जुम्ला । हिमाली जिल्ला जुम्लामा एकै दिन ४० जनामा कोरोना भाइरसको संक्रमण पुष्टी भएको छ । कर्णाली स्वास्थ्य विज्ञान प्रतिष्ठान शिक्षण अस्पताल जुम्लामा भएको परीक्षणमा ४० जनामा कोरोना देखिएको हो ।
चन्दननाथ नगरपालिकामा १६ जना, जुम्ला कारागारका १०, नेपाल विद्युत प्राधिकरणका कर्मचारी ४ , अदालतका एक, तिला गाउँपालिकामा २ जना र तातोपानी गाउँपालिकाका २ जनामा कोरोना देखिएको छ । उता, सिञ्जा गाउँपालिकाका १ जना, पातारासी गाउँपालिकाका १ जना, कनकासुन्दरी गाउँपालिका १ जनामा कोरोना पोजेटिभ देखिएको छ।
पेश नेपालका कर्मचारी एक जना, कृषि कार्यालयका १ जनामा समेत कोरोना देखिएको अस्पतालले जनाएको छ । जुम्लामा दुई दिन अगाडी मात्र निषेधाज्ञा खुकुलो पारिएको थियो । लगत्तै देखिएको ठूलो संक्रमणले चिन्ता थपिएको स्थानीय प्रशासनको भनाई छ ।
काठमाडौं । कोरोना भाइरस सम्बन्धी खोपको नेपालमा गर्ने भनिएको तेस्रो चरणको परीक्षण तत्कालै नहुने अधिकारीहरूले बताएका छन्।
परीक्षणका लागि इच्छुक कम्पनीलाई प्रस्ताव पठाइने र नेपाललाई हुने फाइदाबारे छलफल गरेर मात्रै निर्णय लिइने राष्ट्रिय स्वास्थ्य अनुसन्धान परिषद्का अध्यक्ष डा. अञ्जनीकुमार झाले बताएका छन्।
चीनमा विकास भइरहेको एउटा खोप, ब्रिटेनको अर्क्सफोर्ड विश्वविद्यालयले बनाएको खोप र रुसी खोपको पनि तेस्रो चरणको परीक्षण नेपालमा पनि गर्न कुराकानी भइरहेको अधिकारीले जनाएका थिए।
एक सङ्क्रामक रोग विज्ञले नेपालले लाभ पाउने सर्तमा मात्रै खोपको परीक्षणमा सहभागी हुनुपर्ने भन्दै परीक्षणमा जोडिनेभन्दा पनि खोप उत्पादनमा लागेका कम्पनीसँग वार्ता गर्न सुझाव दिएका छन्।
खोप परीक्षणबारे के निर्णय भयो ?
परिषद्का अध्यक्ष डा. झाका अनुसार झन्डै ८० जना विज्ञसँगको बैठकपछि विस्तृत छलफल र अध्ययनपछि मात्रै खोपको परीक्षणमा सहभागिताबारे टुङ्गोमा पुग्ने निष्कर्ष निकालिएको छ।
डा. झाले भने, ‘अहिले हामीले खोप विकास गरिरहेका संस्थासँग पत्राचार गरेर परीक्षणमा सहभागी हुन इच्छुक छौँ भनेर सोध्ने कुरा भएको छ।’
हाल तेस्रो चरणको परीक्षणमा रहेका खोप विकास गर्ने संस्था तयार भएमात्रै थप प्रक्रिया अघि बढ्ने उनले बताए।‘अहिलेसम्म चीनबाट मात्रै हामीलाई औपचारिक रूपमा पत्राचार गरिएको छ। हामीले आवश्यक वैज्ञानिक कागजपत्र माग गर्दै जवाफ पठाएका छौँ। वैज्ञानिक प्रस्ताव आएपछि सल्लाह गर्छौँ।’
सर्त र सुविधासम्बन्धी छलफल
परीक्षणमा जानुअघि त्यसका विभिन्न सर्तहरूबारे पनि गहन छलफल गर्नुपर्ने अवस्था रहेकाले टुङ्गोमा पुग्न समय लाग्नसक्ने बताइएको छ।परिषद्का अध्यक्ष डा. झाले प्रस्ताव आइसकेपछि पनि प्राविधिक विषयहरू निरूपण हुनुपर्ने जनाए।
उनले भने, ‘परीक्षण सफल भयो भने नेपालीले खोप किन्न पाउने या नपाउनेपनि टुङ्गो लाग्नुपर्यो। मानिसहरूमा नकारात्मक असर देखियो भने के गर्ने टुङ्गो लाग्नुपर्छ।’परीक्षणमा रहेका खोपहरू त्यसमा सहभागी मानिसहरूले निःशुल्क पाउने व्यवस्था छ।
खोपका कारण कुनै नकारात्मक असर देखिए वा शारिरिक समस्या देखिए त्यसको उपचार गर्नुपर्ने र बीमाको व्यवस्था समेत गरिनुपर्ने डा. झा बताउँछन्।
स्वास्थ्य मन्त्रालयका सहप्रवक्ता डा. समीरकुमार अधिकारीका अनुसार खोपको नेपालमा पनि परीक्षण गर्न सकिने गरी निर्णय गर्ने जिम्मेवारी परिषद्लाई दिइएको छ।
उक्त निकायले दस्तावेज अध्ययन गरी प्रकियाहरू पूरा गरेर मन्त्रालयमा प्रतिवेदन बुझाउने र आवश्यक पर्दा सरकारले खोप किनेर पनि उपलब्ध गराउनसक्ने उनले जानकारी दिए।
विज्ञ के भन्छन् ?
सङ्क्रामक रोग विज्ञ डा. अनुप सुवेदी अहिले राम्रा भनिएका खोपका ‘क्लिनिकल ट्रायल’ चार-पाँच महिनाअघि नै सुरु भएको भन्दै अब नेपालको ध्यान ती खोप प्रमाणित भए कसरी हासिल गर्ने भन्नेमा केन्द्रित हुनुपर्ने बताए।
उनले भने, ‘हामी खोपको परीक्षणमा इच्छुक हो भने त्यहि बेला कुरा गर्नु पर्थ्यो। यतिबेला प्रस्तावहरू लेखेर हामीलाई फाइदा हुन्छ जस्तो लाग्दैन।’
डा. सुवेदीले भने, ‘हामी खोपको परीक्षणमा सहभागी भए बापत थुप्रै खोप सुरुमा पाउँछौँ वा विशेष प्राथमिकताका साथ खोप उपलब्ध गराइयो भने हामीलाई फाइदा हुनसक्छ।’
त्यस्तो परीक्षणका लागि ठूलो गृहकार्य चाहिने भन्दै उनले प्रभावकारी भएका खोप ल्याउन सरकारले संयन्त्र नै बनाएर खोप उत्पादनका अग्रणी देश र कम्पनीसँग सम्वाद अघि बढाउनुपर्ने बताए।
अमेरिकी अखबार द न्यूयोर्क टाइम्सका अनुसार हाल विश्वमा १२५ वटा कोरोना भाइरसको खोपबारे अनुसन्धान भइरहेको छ जसमध्ये ३६ वटा मानवमा परीक्षण भइरहेका छन्।
अघिल्लो साताको अन्त्यसम्म नौ खोपको तेस्रो चरण अन्तर्गत ठूलो सङ्ख्यामा मानिसमा परीक्षण भइरहेका उक्त अखबारले जनाएको छ।
-बीबीसी
भरतपुर । चितवनमा कोरोना भाइरसको संक्रमणबाट एकै दिन तीन जनाको ज्यान ज्यान गएको छ । कोरोना भाइरस पुष्टी नभएका तीन जनाकै मृत्युपछि परीक्षण गर्दा कोरोना देखिएको हो । जिल्लामा पिसिआर परीक्षण बीना अस्पतालहरुले भर्ना नलिने भएकाले बिरामी भएर गएका उनीहरुको सोमबार विभिन्न अस्पताल चहार्दाचहार्दै भरतपुर अस्पतालमा निधन भएको हो ।
जिल्लाका मेडिकल कलेज र अस्पतालमा अहिले गम्भीर बिरामीलाई सघन उपचार कक्ष अभाव भएको र पिसीआर परीक्षण गर्नुपर्ने भन्दै भर्ना लिइदैन । जसले गर्दा उपचारपछि निको हुने बिरामीले समेत अकालमा ज्यान गुमाउनु परेको छ ।
भरतपुर अस्पताल स्रोतका अनुसार तीन जनामै निमोनियाको समस्या देखिएको थियो । उनीको मृत्युपछि गरिएको स्वाब सङ्कलन र परीक्षणमा कोरोना भाइरसको संक्रमण पुष्टी भएको हो । नतिजा सोमबार राती अबेर आएको छ ।
चितवनमा ८ वर्षिय युवती, ५५ वर्षिय महिला र ६५ वर्षिय पुरुषको कोरोना भाइरसको संक्रमणका कारण ज्यान गएको हो । बिहान ७ बजे अस्पताल ल्याइपुर्याएकी खैरहनी नगरपालिका–१३ की ५५ वर्षीया महिलाको दिउँसो १ बजे आकस्मिक कक्षमै मृत्यु भएको थियो । उनलाई मेडिकल कलेजले भर्ना लिन नमानेपछि भरतपुर अस्पताल लगिएको आफन्तले जानकारी दिएका छन् ।
उता, भरतपुर–११ का ६५ वर्षीय पुरुषको चितवन अस्पतालमा एक्सरे गरेपछि भरतपुर अस्पताल रिफर गरिएको थियो । उनको सोमबार ३ बजे मृत्यु भएको थियो । भरतपुर–११ कै १८ वर्षकी युवतीलाई नारायणी सामुदायिक अस्पतालले भरतपुर अस्पताल पठाएको थियो। उनको पनि ३ बजे मृत्यु भएको थियो ।
काठमाडौं । पछिल्लो २४ घण्टामा देशभर ५ सय ८८ जना कोराना संक्रमण मुक्त भएका छन्।
स्वास्थ्य तथा जनसंख्या मन्त्रालयका प्रवक्ता डा। जागेश्वर गौतमको अनुसार देशको विभिन्न अस्पतालबाट उनिहरु संक्रमण मुक्त भएका हुन् ।
यो सहित २१ हजार ४ सय १० जना व्यक्ति संक्रमणमुक्त भएका छन् । त्यस्तै देशभरका संस्थागत आइसोलेसन १० हजार ७०१ जना र होम आइसोलेसनमा ७ हजार १२१ रहेका छन् । आजसम्म देशभर ७ हजार ३३७ जना क्वारेन्टिनमा रहेका छन् ।
बागमती प्रदेशमा १३ जना, प्रदेश ५ मा दुई जना र प्रदेश १ मा १ जना गरी १६ जना भेन्टिलेटरमा रहेका छन् । देशभर १३२ जना आईसीयूमा राखेर उपचार भइरहेको छ ।
पाँच सयभन्दा बढी संक्रमित रहेका जिल्लाहरु धनुषा, चितवन, रुपन्देही, मोरङ, पर्सा, रौतहट, महोत्तरी, सर्लाही, बारा, काठमाडौं र ललितपुर रहेका छन् । मुस्ताङ र हुम्लामा कोरोना भाइरसको संक्रमण शून्य रहेको छ।
भरतपुर । सोमबार चितवनमा ५३ जना कोरोना भाइरसका नयाँ संक्रमित थप भएका छन् । भरतपुर अस्पताल कोभिड–१९ प्रयोगशाला र धुलिखेलस्थित प्रयोगशालामा आइतबार राति आएको नतिजाबाट चितवन ठेगाना भएका ५३ जनामा संक्रमण पुष्टि भएको छ । १० महिनाको १० महिने शिशु देखि ६५ वर्षीया वृद्धासम्मलाई संक्रमण देखिएको प्रयोगशालाले जनाएको छ ।
भरतपुरमा आइतबार राति गरिएको परीक्षणमा चितवनका १८ जना, गोरखा, रुपन्देही र पूर्वी नवलपरासीका एकरएक जनामा कोरोना संक्रमण पुष्टि भएको छ । चितवनका संक्रमण पुष्टि हुनेमा सबैभन्दा धेरै भरतपुर महानगरपालिकाका छन्। ती मध्ये ६ जना महिला र ६ जना पुरुष छन्। उनीहरूको भरतपुर अस्पताल स्वाब केन्द्र, पुष्पाञ्जली अस्पताल, पुरानो मेडिकल कलेज र क्वारेन्टिनबाट स्वाब संकलन गरिएको थियो ।
पूर्वीचितवनको राप्ती नगरपालिकाका ६ जनामा समेत संक्रमण पुष्टि भएको प्रयोगशालाले जनाएको छ । यहाँ १० महिने शिशुसहित ४ महिला र २ जना पुरुष रहेका छन्। उता, गोरखाका ४० वर्षीय पुरुष, रुपन्देहीका ६५ वर्षीया महिला र पूर्वी नवलपरासीका २४ वर्षीय पुरुषमा संक्रमण पुष्टि भएको छ।
यता, धुलिखेल प्रयोगशालामा गरिएको परीक्षणमा चितवनमा थप ३५ जनामा कोरोना संक्रमण पुष्टि भएको छ । उनीहरू सबैजना भरतपुर महानगरपालिकाका रहेको भरतपुर अस्पतालले जानकारी दिएको छ ।
काठमाडौं । नेपालका कोरोना भाइरसको संक्रमणबाट आज सबैभन्दा धेरै १२ जनाको मृत्यु भएको छ । यससँगै ज्यान गुमाउने मानिसको आंकडा समेत २ सय नाघेको छ । स्वास्थ्य तथा जनसंख्या मन्त्रालयका अनुसार पछिल्लो २४ घण्टामा कुल १२ जना मानिसको ज्यान गएको छ । ज्यान गुमाउनेमा ३ महिला र ९ पुरुष रहेका छन् ।
अब देशभर ज्यान गुमाउनेको संख्या २ सय ७ पुगेको हो । आज सबैभन्दा धेर ललितपुर र पर्सामा २\२ जना पुरुषको ज्यान गएको छ । नेपालमा कुल संक्रमितमध्ये ०.५५ प्रतिशत मानिसको कोरोनाबाट ज्यान गएको तथ्यांकमा देखिएको छ ।
यद्दपी पछिल्लो केही दिनयता भने मृत्युदर बढ्दो क्रममा रहेको छ । आज हरेक २ घण्टामा एक जना मानिसले ज्यान गुमाएको देखिएको छ ।
वीरगन्ज । वीरगन्जमा कोरोना भाइरसको संक्रमणबाट थप ३ जनाको मृत्यु भएको छ । यससँगै अब वीरगन्जमा मात्र ज्यान गुमाउने व्यक्तिको संख्या ४८ पुगेको छ । शनिबार वीरगञ्ज–१२ मुर्ली की ६५ वर्षीया महिला, वीरगञ्ज–१२ का ४३ वर्षिय पुरुष र वीरगञ्ज–२६ मनियारीका ३७ वर्षीय पुरुष गरी कुल तीन जनाको ज्यान गएको हो ।
श्वासप्रश्वासमा समस्या भएपछि शुक्रबार दिउँसो २ बजेतिर नारायणी अस्पतालमा भर्ना भएकी महिलामा कोरोना संक्रमण पुष्टि भएको अस्पतालले जनाएको छ । उनी न्युन रक्तचापको समस्यामा थिइन् । उनलाई पखाला लागेर अस्पताल ल्याइएको थियो । मृत्यु भएका दुई पुरुषमध्ये एक जनाको अस्थायी कोभिड अस्पताल वीरगञ्ज हेल्थ केयर र एकजनाको उपचारका लागि काठमाडौं लैजाँदै गर्दा बाटोमै ज्यान गएको हो ।
एचआईभी र हेपाटाइटिस बीबाट पिडित ४३ वर्षीय पुरुषको नेशनल मेडिकल कलेजमा उपचारका क्रममा ज्यान गएको हो । कोरोना संक्रमण पुष्टि भएपछि शुक्रबार उनलाई वीरगञ्ज कोभिड अस्पताल हेल्थ केयरमा सारिएको थियो । उनको राति ११ः५५ मा ज्यान गएको अस्पतालले जनाएको छ । ३७ वर्षीय युवकको भने तराई अस्पतालमा उपचार पछि शुक्रबार दिउँसो कोभिड अस्पताल वीरगञ्ज हेल्थ केयरमा सारिएको थियो ।
त्यहा ल्याएपछि पनि स्वास्थ्य अवस्था गम्भिर भएपछि तराई अस्पतालको एम्बुलेन्सा राखेर काठमाडौं ल्याउँदै गर्दा राति ११ः४१ मा मुग्लिङ मै ज्यान गएको हो । अब वीरगञ्जमा कोरोना संक्रमणबाट मर्नेको संख्या ४८ जना पुगेको हो । यसमध्ये पर्सा जिल्लाका मात्र ३६ जना छन् ।