Category: स्वास्थ्य

काठमाडौं । चीनमा रहेका नेपाली विद्यार्थीलाई ३ फागुनमा नेपाल ल्याइने भएको छ ।

मन्त्रिपरिषदको मंगलबार बसेको बैठकले मिति तोकेको हो । विद्यार्थी ल्याउन नेपाल एयरलाइन्सको वाइडबडी जहाज चीन पठाइने भएको हो ।

वुहानबाट १८० नेपाली विद्यार्थीले नेपाल आउन निवेदन लिएका छन् ।

नेपालमा यति ठूलो संख्यामा मानिस बोक्न सक्ने जहाज नेपाल एयरलाइन्ससँग मात्र छ । नेपाल एयरलाइन्सको वाइडबडीले एकसाथ २ सय ७४ जना यात्रु बोक्न सक्छ ।

वुहानबाट विद्यार्थी ल्याउन ढिलाई गरेको भन्दै सरकारको चौतर्फी आलोचना भइरहेको छ । वुहानमा मात्र १ हजार भन्दा बढी मानिसको कोरोना भाइरसले ज्यान लिएको छ ।

चीनमा ३५ हजारभन्दा माथि यसको संक्रमण फैलिएको छ । चीनबाट नेपाल आएका विद्यार्थीलाई १४ दिन क्वारेन्टाइनमा राख्नुपर्छ ।

त्यसका लागि खरिपाटीस्थित विद्युत प्राधिकरणको भवनमा तयारी गरिएको छ ।

विद्यार्थीको निगरानीका लागि ८६ जना स्वास्थ्यकर्मी खटिने छन् । चीनमा डिसेम्बरबाट यो महामारी फैलिएको हो ।

सिन्धुपाल्चोक । सिन्धुपाल्चोकमा एक अज्ञात समूहले प्रहरी चौकीमा आक्रमण गरेको छ । खाल्डे प्रहरी चौकीमा आक्रमण हुँदा दुई प्रहरी घाइते भएको सिन्धुपाल्चोक जिल्ला प्रहरी कार्यालयले पुष्टी गरेको छ ।

मेलम्ची नगरपालिका र पाँचपोखरी थाङ्पाल गाउँपालिकाको सीमानामा यो प्रहरी चौकी रहेको छ ।

मोटरसाइकलमा १०\१२ जनाको समूहमा आएर आक्रमण गरिएको थियो । आक्रमणमा परी प्रहरी सहायक निरीक्षक सन्तोषकुमार झा र प्रहरी हवल्दार हरिबहादुर मगर घाइते भएका छन् ।

उनीमध्ये झालाई थप उपचारका लागि काठमाडौं पठाइएको छ । मगरको भने मेलम्ची प्राथमिक स्वास्थ्य केन्द्रमा उपचार भइरहेको छ ।

आक्रमणकारी मध्ये सुनखानीका सोम थिङलाई प्रक्राउ गरेको छ ।

अन्यको खोजी भइरहेको प्रहरीले जनाएको छ । घटना कसले किन के उद्देश्यले गराएको थियो भन्नेबारे थप अनुसन्धानले खुल्ने प्रहरीको भनाई छ ।

काठमाडौं । प्रधानमन्त्री केपी शर्मा ओलीको किड्नी ट्रान्सप्लान्ट गरिने भएको छ । उनी स्वयमले यसको जानकारी गराएका हुन् । मंगलबार उनले नेपाली संचारमाध्यमका सम्पादकहरुसँग वालुवाटारमा भेटवार्ता गरेका छन् ।

सो क्रममा प्रधानमन्त्रीले छिट्टै किड्नी ट्रान्सप्लान्टको योजना रहेको बताएका हुन् । अहिले नियमित डायलासिस गरिरहनु पर्छ ।

त्यसका लागि नियमित अस्पतालसमेत गइरहनु पर्छ । त्यसको साटो ट्रान्सप्लान्ट स्थायी उपाय हुने प्रधानमन्त्रीले बताए । त्यसपछि तीन वर्षसम्म ढुक्कले सरकार चलाउने उनको भनाई थियो ।

अहिले भन्दा पनि अझै बलियो भएर तीन वर्ष सरकार चलाउन र काम गर्न किड्नी ट्रान्सप्लान्ट गर्न लागेको प्रधानमन्त्रीले बताएका छन् ।

उनको १२ वर्षअघि मृगौला ट्रान्सप्लान्ट गरिएको थियो । फेरिएको मिर्गौलाले समेत काम गर्न छोडेको छ ।

सोहीकारण अहिले प्रधानमन्त्रीले पूर्ण क्षमतामा काम गर्न सकेका छैनन् ।

प्रधानमन्त्रीले अझै तीन वर्ष आफैले सरकार चलाउने बताए ।

नेकपा अध्यक्ष पुष्पकमल दाहाल (प्रचण्ड) कै प्रस्तावअनुसार पहिलाको आलोपालो प्रधानमन्त्री हुने सहमति परिवर्तन भई पाँच वर्ष आफू नै प्रधानमन्त्री हुने निर्णय भएको समेत उनले जानकारी दिए ।

उनले सम्पादकको मुटु नभएको विषयमा बोल्दै पत्रकारले बल फ्याँकेका कारण आफूले ब्याटिंग गरेको भन्दै माइन्ड नगर्न सुझाव दिए ।

काठमाडौं । चीनको वुहानमा रहेका नेपालीको उद्दारमा अझै अन्यौल कायम रहेको छ । सरकारले कति जनालाई कसरी उद्दार गरी कहाँ राख्ने भन्नेबारे निष्कर्षमा पुग्न नसक्दा मंगलबार समेत यसबारे अन्यौल कायमै रह्यो ।

मंगलबार स्वास्थ्य तथा जनसंख्या मन्त्री खगराज ढकालले नेपालीको उद्दारको तयारी भइरहेको जानकारी संसदमा गराए ।

तर, उनले कसरी कहाँ राख्ने गरी उद्दार हुँदैछ भन्नेबारे भने खुलाएनन् । यता, सरकारले अहिलेसम्म वायुसेवा कम्पनीबाट जहाजको जोहो समेत थालेको छैन ।

त्यसकारण चीनबाट नेपालीलाई लिन कुन जहाज जाँदैछ भन्ने समेत अन्यौल कायमै छ । सरकारले नेपाल एयरलाइन्स र हिमालय एयरलाइन्स कुनैसँग पनि जहाज मागेको छैन ।

किनकी नेपालबाट यी दुई कम्पनीले मात्र अन्तर्राष्ट्रिय उडान गर्छन् । यता, चीनले भने कोरानो प्रभावित वुहानमा नेपाली विद्यार्थी सुरक्षित रहेको भन्दै नेपाल ल्याउने भए आवश्यक तयारी गर्न सुझाव दिएको छ ।

मगलबार नै चिनियाँ राजदूत होउ यान्छीले उनीहरुलाई उद्दार गर्ने हो भने विमानस्थाल क्वारेन्टाइन, महामारी रोकथामको तयारी पूरा गर्न र विश्व स्वास्थ्य संगठन (डब्यूएचओ)का नेपाल प्रतिनिधिसँग परामर्श गर्न सुझाव दिएकी छिन् ।

चीनले केही नेपालीलाई फर फिर्तिमा रोकेको सम्बन्धमा समेत संक्रमणको आंशकाले यसो गरिएको स्पष्ट पारेको छ ।

चीनले संक्रमणको आंशका लागेको बिरामीलाइं अस्पताल भर्ना गरी उपचार गरेपछि मात्र पठाउने गरेको छ । यसले चीनबाट यो रोगको संक्रमण जान पाउँदैन ।

काठमाडौं । कोरोना भाइरस उत्पत्ति भएको शहर चीनको वुहानबाट करीव ३ सय नेपालीले घर फर्कन इच्छा व्यक्त गरेका छन् ।

उनीहरुले उद्दारका लागि बेइजिङस्थित नेपाली दूतावासमा निवेदन बुझाएका हुन् । उ

नीहरु अति प्रभावित क्षेत्रबाट नेपाल भित्रन लागेका कारण सिधै घर पठाउन मिल्दैन । कोरोनाको संक्रमण दुई सातासम्म पनि कुनै लक्षणबीना सुसुप्त अवस्थामा रहन सक्ने भएकाले उनीहरुलाई छुट्टै स्थानमा विशेष निगरानीका लसाथ राख्नुपर्छ ।

तर, नेपालमा त्यस्तो निगरानीसहितको स्थान कहाँ छ ? आइतबार स्वास्थ्य मन्त्रालयमा यस सम्बन्धमा छलफल भएको छ ।

तर, स्थानको टुंगो नलागेका कारण तत्काल चीनबाट नेपालीलाई स्वदेश फर्काउने मिति तय हुन सकेन ।

मिति तय हुनासाथ उनीहरुलाई विशेष विमानबाट नेपाल ल्याइने छ । त्यसका लागि पर्यटन मन्त्रालयले नेपाल एयरलाइन्सको वाइडबडी जहाज चार्टर्ड गर्ने तयारी गरेको छ । वुहानमा रहेका सयौं नेपालीले घर फर्कने इच्छा व्यक्त गरेका छन् ।

उनीहरुमध्ये अधिकांश विद्यार्थी हुन् ।

सरकारले नेपाली सेनाको नवनिर्मित भवन, सशस्त्र प्रहरी क्याम्प, सरकारका केन्द्रीय अस्पतालका हल, इचंगुनारायणमा सुकुम्वासीका लागि बनाइएको आवास, कीर्तिपुरस्थित आयुर्वेदिक अध्ययन केन्द्र र भक्तपुरको बोडेस्थित कृषि तालिम केन्द्रलाई सम्भावित स्थानका रुपमा प्रस्ताव गरेपनि तय भएको छैन ।

यहाँ चिकित्सकको निगरानीसहित ३ सय भन्दा बढी नेपाली एकै स्थानमा रहनु पर्नेछ । बुहानबाट धेरै देशले आफ्ना नागरिकलाई फिर्ता लगिरहेका छन् ।

काठमाडौं । चीनस्थित वुहान प्रान्तबाट चार्टर्ड विमानबाट नेपालीलाई स्वदेश फर्काइने भएको छ । सरकारले कोरोना भाइरस प्रभावित चीनको वुहानमा रहेका नेपालीलाई स्वदेश फर्काउन प्रक्रिया थालेको हो ।

बेइजिङस्थित नेपाली दूताबासकाअनुसार चार्टर विमानबाट नेपालीको उद्दार गर्न निवेदन भने दिनु पर्छ । निवेदन दिने अवधि आजसम्म मात्र छ ।

जसले निवेदन दिए, उनीहरुलाई मात्र नेपाल ल्याइने दूतावासले उल्लेख गरेको छ ।

दूताबासको फारम भरेर इमेल गरेपछि कति मानिसलाई नेपाल लैजानु पर्ने रहेछ भन्ने निश्चित हुने र त्यसछि मात्र नेपालबाट जहाज बोलाएर स्वदेश फर्काइने दूतावसले उल्लेख गरेको छ ।

सम्भवतः नेपाल एयरलाइन्सको जहाज उद्दारका लागि चीन जानेछ ।

अन्य मुलुकले यस प्रान्तमा रहेका आफ्ना नागरिकलाई धमाधम फिर्ता गरिसकेका छन् । चीनले समेत नेपाली सुरक्ष्ति रहेको बताएको छ ।

तर, नेपालीहरुले स्वदेश फिर्ताको चाहना राखेको सार्वजनिक भएसँगै सरकार यसमा प्रक्रिया थालेको हो ।