Category: स्थानीय

अमृता के सी ( रोनी )
काठमाडौँ, श्रावण १ । गोकर्णेश्वर नगरपालिकाले नगरका किसानहरुलाई मिनी टेलर ( ट्याक्टर ) प्रदान गरेको छ ।नगरपालिकाको आफ्नो तर्फबाट ५० प्रतिशत अनुदान र बाँकी किसान समूह स्वयमले व्यहोर्ने गरी ट्याक्टर वितरण गरेको हो ।नगरपालिकाको कृषि विकास शाखाको वार्षिक स्वीकृत कार्यक्रम अन्तर्गत नगरपालिकाका इच्छुक किसानहरुको मागको आधारमा १५ वटा मिनी टेलर एक/एक वटाको दरले बुधबार एक कार्यक्रमका बीच कृषक समूहलाई वितरण गरिएको हो ।नगरपालिकाले जेठ ८ गते पनि १५ वटा ट्याक्टर ५० प्रतिशत अनुदानमा वितरण गरेको थियो ।

कृषि शाखा प्रमुख इन्दिरा खड्काले कृषिमा उन्नत प्रविधि मार्फत् श्रम र लागत घटाइ उत्पादन वृद्धि गराउन कृषकको माग अनुसार कृषकहरुलाई कृषि पेशामा प्रेरित गराउन ५० प्रतिशत अनुदानमा कृषि उपकरण मिनी टेलर वितरण गरेको बताईन् ।

किसानलाई कृषि आधुनिकीकरण तर्फ आकर्षित गर्न र उत्पादन लागत घटाइ उत्पादन बढाउन किसान समूहलाई मिनी टेलर हस्तान्तरण गरिएको नगर प्रमुख सन्तोष चालिसेले जानकारी गराए ।

कार्यक्रममा नगर उप प्रमुख शान्ति नेपाल, प्रमुख प्रसाशकिय अधिकृत राम प्रसाद आचार्य, शाखा प्रमुख टंकनाथ घिमिरे, नगर प्रवक्ता एवं वडा ८ का अध्यक्ष मनोज कुमार ढुंगाना, नगर प्रमुख सल्लाहकार दिपक रिसाल, वडा १ का अध्यक्ष राम मानन्धर ,वडा ४ का अध्यक्ष श्रीकुमार श्रेष्ठ, वडा ६ का वडा सदस्य नवराज लामा, वडा ८ का वडा सदस्य नन्दलााल श्रेष्ठ, लगायत कृषकहरुको उपस्थिति रहेको थियो ।

अमृता के सी ( रोनी )
काठमाडौँ, असार ३० । गोकर्णेश्वर नगरपालिका वडा नं ३ स्थित सुन्ताखानमा नगर प्रमुख सन्तोष चालिसेले बत्ती सहितको पुलको रेलिंगको उद्घाटन गरेका छन् ।बुधबार नगर प्रमुख चालिसेको प्रमुख आतिथ्यमा आयोजित एक कार्यक्रममा उनले पुलको रेलिंगको उद्घाटन गरेका हुन् ।

सुन्ताखान युवा क्लबको विशेष सक्रियतामा जिर्ण रहेको पुललाई मर्मत गरि रेलिंग,बत्ती र फूलले सजाइ पुललाई अझ आकर्षक बनाइएको हो । “ हाम्रो सुन्ताखान सफा राम्रो सुन्ताखान ” अभियानमा जुटेका क्लबका सदस्यहरु आफ्नो ठाउँको विकास र परिवर्तन लागि एक भइ अघि बढेको जानकारी क्लबका अध्यक्ष हरिबोल बिष्टले जानकारी गराए।बिष्टका अनुसार २० वर्ष पछि पुलले न्याय पाएको साथै सुन्ताखानको थप सुन्दरता बढाएकोले अबका दिनमा पुलबाट खसेर हुने दुर्घटना रोकथाम हुने कुरामा समेत विश्वस्त रहेको बताए । कार्यक्रमलाई सम्बोधन गर्दै नगर प्रमुख चालिसेले सम्पूर्ण युवाहरूलाई प्रोत्साहन र हौसला स्वरुप गोकर्णेश्वर नगरपालिकाकै सबभन्दा उत्कृष्ट नमुना रेलिंग पुल भनेर घोषणा समेत गरेका छन् ।

कार्यक्रममा गोकर्णेश्वर नगरपालिकाको उप प्रमुख शान्ति नेपाल ,गो न पा प्रमुख सल्लाहकार दिपक रिसाल,गो न पा ३ वडा प्रमुख राजेन्द्र कुमार भण्डारी, समाजसेवी किरण बिष्ट,समाजसेवी जयराम बिष्ट, क्लबका सदस्यहरु लगायत स्थानियको उपस्थिति रहेको थियो ।

अमृता के सी ( रोनी )
काठमाडौँ, असार १८ ।लायन्स क्लब इन्टरनेसनल डिस्ट्रिक ३२५ ए १ अन्तर्गतको लायन्स क्लब अफ काठमाडौँ नयाँपाटी भिक्टोरियसको आयोजनामा अक्सिजन बैंकको स्थापना गरेको छ । अक्सिजन बैंकको उद्घाटन पूर्व गभर्नर एवं हालका मल्टिपल डिस्ट्रिक- जीएसटि कोर्डिनेटर लायन अनन्त प्रसाद भेटुवाले गरेका हुन् ।

लायन वर्ष २०२१/२२ को लायन सप्ताह पारेर जुलाई १ तारिकका दिन गोकर्णेश्वर नगरपालिका वडा नं १ सुन्दरीजल स्थित बिपि चोकमा अक्सिजन बैंकको उद्घाटन गरिएको हो।हाल १५ सिलिन्डर अक्सिजनबाट सुरु गरिएको उक्त बैंकलाई संस्थागत गरि विस्तार गर्ने लक्ष्य रहेको संचालकहरुले बताएका छन् ।
कार्यक्रममा लायन्स क्लब इन्टरनेसनल डिस्ट्रिक ३२५ ए १ का फस्ट भाइस डिस्ट्रिक गभर्नर लायन कर्म गुरुङ, डिस्ट्रीक क्याबिनेट सेक्रेटरी लायन धर्म शरण श्रेष्ठ, टिम एरिया लिडर लायन श्रीधर भण्डारी, गोकर्णेश्वर नगरपालिका वडा नं १ का वडा प्रमुख राम मानन्धर, लायन मनोज सुवेदी, लायन उमेश ढुंगाना लगायतका लायन्स लिडर र लायन सदस्यहरुको उपस्थिति रहेको थियो।

दोस्रो लहरको कोरोना भाइरसको कारण धेरै जस्तो कोरोना संक्रमितलाई श्वासप्रश्वासमा समस्या आई अक्सिजनको आवश्यकता परेको अवस्था छ । कोरोना कहरमा संक्रमित बिरामीहरु अक्सिजनको कारण जीवन मृत्यु संग लडिरहेको समयमा हस्पिटल देखि अक्सिजन प्लान्टमा सम्म अक्सिजन नभएर देशमा अक्सिजनको चरम अभाव सिर्जना भएको थियो। कोरोना महामारीको विषम परिस्थितिमा लायन्स क्लब अफ काठमाडौं नयाँपाटी भिक्टोरियसले दिनरात नभनी बिरामीको जीवन रक्षाको लागि अक्सिजनको व्यवस्था गरि बिरामीको घर सम्म निशुल्क अक्सिजन पुर्‍याइदिएको जानकारी क्लबका संस्थापक अध्यक्ष विख्यात प्रसाद थपलियाले बताए ।अक्सिजन किन्न नसक्नेहरुको लागि भोलिका दिनमा समस्या नहोस् भन्ने उदेश्यले अक्सिजन बैंकको स्थापना गरेको थपलियाले बताए।निषेधाज्ञाको प्रतिकूल परिस्थितिमा बिरामीको जीवन रक्षाको लागी अक्सिजन नभई नहुने भएकोले सबैलाई सेवा पुर्‍याएको तर सहज परिस्थितिमा निम्न आयस्रोत भएका र अक्सिजन नपाएर समस्यामा परेका व्यक्तिहरुलाई मात्र निशुल्क अक्सिजन प्रदान गर्ने उदेश्यले अक्सिजन बैंकको स्थापना गरेको उनले बताए।

अमृता के सी ( रोनी )
काठमाडौँ, असार ११। बूढानीलकण्ठ नगरपालिकाले सिन्धुपाल्चोकका बाढी पहिरो प्रभावितलाई २५ लाख सहयोग प्रदान गरेको छ।

सिन्धुपाल्चोकमा असार १ गते साँझ आएको लगातारको वर्षा पछि मेलम्चीको बाढीले भौतिक संरचना सँगै ठूलो धनजनको क्षति पुर्‍याएको थियो ।हेलम्बु गाँऊपालिकाको तिम्बु, किउल, गणेशेबगर, चनौटे, ग्याल्थुम लगायतका क्षेत्रका करिब १५० घरधुरी विस्थापित भएका छन्। मेलम्ची नगरपालिकामा मेलम्ची बजार सम्म बाढि पसेर कयौं घरहरू डुबानमा परी ठूलो धनजनको नाश गरेको थियोे ।साथै पाँचपोखरी थाङ्पाल गाँउपालिकामा समेत बाढी पहिरोले क्षति पुर्‍याएको छ।छिमेकि जिल्ला सिन्धुपाल्चोकमा प्राकृति प्रकोपले परेको क्षति प्रति बूढानीलकण्ठ नगरपालिकाले दुःख प्रकट गर्दै सहयोग स्वरुप नगद २५ लाख आर्थिक सहयोग पठाएको छ। सहयोग २५ लाख रकम मध्ये मेलम्चि नगरपालिकालाई १० लाख, हेलम्बु गाँउपालिकालाई १० लाख र पाँचपोखरी थाङ्पाल गाँउपालिकामा ५ लाख प्रदान गरीने गरी असार १० गते उक्त स्थानीय तहहरुमा चिठ्ठि पठाइएको प्रशासकिय अधिकृत जयराम गजुरेलले बताए।
नगर प्रमुख उद्दव प्रसाद खरेलले सम्पूर्ण सिन्धुपाल्चोक बासीहरुलाई प्राकृति प्रकोपले निम्त्याएको विपदको सामना गर्दै पुनःस्थापना तथा पुनर्निमाण कार्यमा जुट्ने साहस मिलोस् भन्ने कामनाका साथ विस्थापित परिवारहरुको पुनस्थापना तथा संरचना पुनर्निमाणका लागि नगरपालिकाको तर्फबाट सहयोग प्रदान गरिएको बताए ।

अमृता के सी ( रोनी )
काठमाडौँ, असार ११।काठमाडौँको गोकर्णेश्वरमा ट्रीपरले ठक्कर दिँदा शुक्रबार बिहान एक जनाको ज्यान गएको छ ।

जगडोलबाट गोकर्ण तर्फ जादैँ गरेको साइकल चालकलाई गोकर्णेश्वर नगरपालिका ९ मा बा ४ ख ८२२९ नम्बरको ट्रीपरले ठक्कर दिँदा अन्दाजी ३० वर्षका एक पुरुषको ज्यान गएको प्रहरीले जनाएको छ ।

उनको नेपाल मेडिकल कलेज अत्तरखेलमा उपचारका क्रममा ज्यान गएको हो । ट्रीपर चालकलाई प्रहरीले हिरासतमा लिएको छ भने मृतकको परिचय अझै खुलेको छैन ।घटनाको प्रहरीले अनुसन्धान गरिरहेको छ।

अमृता के सी ( रोनी )
काठमाडौँ, असार १० ।काठमाडौँ स्थित बूढानीलकण्ठ नगरपालिकाले नगर भित्र आफ्नै लगानीमा पिकनिक स्थल र जिप फ्लाएर निर्माण गर्ने भएको छ। बूढानीलकण्ठ नगरपालिकालाई स्वच्छ शान्त समृद्ध पर्यटकीय नगर निर्माण गर्ने पारीकल्पना गर्दै आफ्नो आठौं नगर सभामा पर्यटन प्रवर्द्धन तथा आर्थिक गतिविधिको विकासका लागि प्रस्तुत गरेको नीति तथा कार्यक्रममा रिसोर्ट सहितको वनभोज स्थल र जिप फ्लाएर निर्माण गरिने उल्लेख गरिएको छ ।नगरपालिकाले वडा नं १ मा रिसोर्ट सहितको वनभोज स्थल र वडा नं १३ रातमाटे डाँडामा वनभोज स्थल र जिप फ्लाएर निर्माण गरिने उल्लेख गरेको हो ।
बूढानीलकण्ठ नगरपालिकाका नगर प्रमुख उद्दव प्रसाद खरेलको अध्यक्षतामा नगर सभाको उद्घाटन शत्रमा “पर्यटन पूर्वाधार समृद्धिको आधार” भन्ने नारा तय गरेर नगरपालिकाले दुई स्थानमा वनभोज स्थल र एक स्थानमा जिप फ्लाएर निर्माण गर्ने जनाएको हो ।

अमृता के सी ( रोनी )
काठमाडौँ,असार ८ ।बूढानीलकण्ठ नगरपालिकाको आठाैँ नगरसभा हुने भएको छ। नगर सभा भर्चुअल माध्यमद्वारा आगामी असार ९ गते आयोजना गरिएको हो ।नगरसभाको प्रत्यक्ष प्रसारण विभिन्न स्थानिय संचार माध्यमबाट गरिने नगर प्रमुख उद्दव प्रसाद खरेलले बताए ।

संविधानमा र स्थानिय तह संचालन ऐन २०७४ मा व्यवस्था भए अनुसार प्रत्येक आर्थिक वर्षमा नगरसभाकाे बैठक ६ महिनाकाे अन्तरालमा बस्ने गरेकाे छ, जसलाइ असारे र हिउदे नगरसभा भन्ने गरिन्छ ।असारे नगरसभामा वार्षिक रूपमा हुने आर्थिक कार्यक्रमहरू,बजेट तथा अनुमान पारित गरि वार्षिक कार्यक्रम तयार गरिन्छ भने हिउँदे नगरसभामा आगामी ६ महिनामा कार्यतालिका अनुसार कार्यक्रमहरूलाई प्रभावकारी तरिकाले संचालन गर्नकाे लागि छलफल गरिन्छ ।

आर्थिक वर्ष २०७८/०७९ काे बूढानीलकण्ठ नगरको पहिलाे नगरसभा हुन लागेकाे जानकारी गराउदैँ नगर प्रमुख खरेलले नगरवासीहरुलाई सल्लाह सुझाव साथै प्रतिक्रिया दिन चाहेमा नगरपालिकाकाे उजुरी पेटी अथवा सामाजिक संजाल मार्फत दिन समेत अपिल गरेका छन् ।

अमृता के सी ( रोनी )
काठमाडौँ, असार ३। कागेश्वरी मनोहरा नगरपालिकाले मेलम्ची नगरपालिका र हेलम्बु गाउँपलिकाको विपद राहत कोषमा १० /१० लाखको दरले सहयोग प्रदान गर्ने भएको छ। सिन्धुपाल्चोकमा मंगलबार साँझ आएको लगातारको वर्षा पछि मेलम्चीमा आएको बाढीले भौतिक संरचना सँगै धनजनको क्षति पुर्‍याएको छ । हेलम्बु गा.पा को तिम्बु, किउल,गणेशे बगर,चनौटे,ग्याल्थुम लगायतका क्षेत्रका करिब १४० घरधुरी विस्थापित छन्।हालको विषम परिस्थितिमा राहतको लागि उक्त ठाँउबाट अपिल भैरहेको छ।

कागेश्वरी मनहोरा नपाले आज बिहान नगर प्रमुख कृष्णहरि थापाको अध्यक्षतामा बैठक बसी २०७८ साल असार १ गते अविरल वर्षाले सिन्धुपाल्चोक जिल्लाको हेलम्बु गाउँपालिका र मेलम्ची नगरपालिकामा मेलम्ची खोला तथा इन्द्रावती नदीमा आएको बाढीले धनजनको अकल्पनीय क्षति पुग्न गएको हुँदा राहत स्वरूप मेलम्ची नगरपालिका तथा हेलम्बु गाउँपालिकको विपद राहत कोषमा १० /१० लाख रुपैयाँका दरले कागेश्वरी मनोहरा नगरपालिकाको तर्फ बाट सहयोग गर्ने निर्णय भएको नगर प्रवक्ता राजाराम पुडासैनीले जानकारी गराए साथै उक्त प्राकृतिक प्रकोपबाट घाइते भएकाहरुको शिघ्र स्वास्थ्य लाभको कामना गर्दै, मृत्यु भएका दिवंगत व्यक्तिहरु प्रति हार्दिक श्रद्धाञ्जली व्यक्त गर्दै शोक सन्तप्त परिवार प्रति समबेदना व्यक्त गरेको छ ।

अमृता के सी ( रोनी )
काठमाडौँ,जेष्ठ २६ ।लायन्स क्लब इन्टरनेसनल डिस्ट्रिक ३२५ ए १ अन्तर्गतको लायन्स क्लब अफ काठमाडौं नयाँपाटी भिक्टोरियसको आयोजनामा रक्तदान कार्यक्रम सम्पन्न भएको छ। कोभिड–१९ का कारण जारी भएको निषेधाज्ञाले राजधानी सहित देशका धेरै जसो अस्पताल र रक्तकेन्द्रमा रगतको चरम अभाव भएपछि कान्तिपुर अस्पताल रक्त संचारको प्राविधिक सहयोगमा बुधबार रक्तदान कार्यक्रम गरिएको हो।स्वास्थ्य मापदण्डअनुसार सुरक्षित तवरले गरिएको कार्यक्रम काठमाडौँ महानगरपालिका वडा नं ६ नयाँबस्तिमा बिहान ९ बजे देखि दिउँसो १ बजे सम्म संचालन गरिएको हो ।कार्यक्रममा लायन्स क्लब अफ काठमाडौं नयाँपाटी भिक्टोरियसको संस्थापक अध्यक्ष विख्यात प्रसाद थपलियाले नमुना बौद्ध चेस क्लब, काइजेन फर किड्स प्रि स्कुल एण्ड डे केयर सेन्टर, श्री बागमती रुद्रेश्वर समाज, काठमाडौं महानगरपालिका वडा नं ६ परिवार र नेपाल युथ फिटनेस एण्ड क्यालिस्थेनिक्सको सहयोग रहेको जानकारी गराए।

उक्त आकस्मिक रक्तदानमा ५० पिन्ट रगत संकलन भएको आयोजकले विश्व न्युजलाई जानकारी गराए। हालको विषम परिस्थितिमा खेर जाने रगत स्वास्थ्य व्यक्तिलाई हरेक तीन महिनामा एक पटक रक्तदान गर्न समेत आयोजकले सम्पूर्ण रक्तदाताहरुलाई अनुरोध गरेको छ।कार्यक्रममा धेरै जना रक्तदाताहरुले रक्तदान गर्न इच्छा देखाए पनि स्वास्थ्य लगायतको कारणले गर्दा रक्तदान गर्न नसकेको जानकारी गराउदै कार्यक्रममा उपस्थित सम्पूर्णलाई आयोजकले धन्यवाद समेत दिएको छ।

अमृता के सी ( रोनी )
काठमाडौँ,जेष्ठ २६ ।बूढानिलकण्ठ नगरपालिका वडा नं १० कपन सिद्देश्वर मन्दिर क्षेत्रबाट लागु पदार्थ सहित तिन जना पक्राउ परेका छन्।महानगरीय प्रहरी प्रभाग कपनको टोलीले मन्दिर क्षेत्रमा लागु औषध सेवन तथा बिक्रि बितरण भई रहेको सूचना प्राप्त हुनासाथ जेष्ठ २५ गते साँझ करिब ५ बजेको समयमा उक्त क्षेत्रबाट उनीहरुलाई पक्राउ गरेको हो ।

पक्राउ परेकाहरुको साथ तथा निजहरु बस्ने घर कोठामा खानतलासी गर्दा डाईजिपाम २७ थान नोफिन ३२ थान फेनेर्गान ५९ थान गरी जम्मा ११८ थान तथा लागु औषध बिक्रिबितरणको लागी प्रयोग हुने ठूलो सानो गरी रबर जम्मा ३५० ग्राम र प्रयोग भइसकेको डाइजिपाम , फेनेर्गान नोफिनको खाली एम्पुल जम्मा १२९ थान फेला परेको थियो।

उनीहरुलाई आवश्यक कारबाहीको लागी महानगरीय प्रहरी वृत्त बौद्ध पठाइएको छ ।

अमृता के सी ( रोनी )
काठमाडौँ, जेष्ठ २५ ।लायन्स क्लब इन्टरनेसनल डिस्ट्रिक ३२५ ए १ अन्तर्गतको लायन्स क्लब अफ काठमाडौँ नयाँपाटी भिक्टोरियसको आकस्मिक रक्तदान हुने भएको छ।

कोरोना लहरको विषम परिस्थितिमा हस्पिटलमा रगतको चरम अभाव सिर्जना भइ बिरामीको रगत अभावमा ज्यान सम्म जाने साथै बिरामिका परिवारले रगत संकलनमा भोग्न परेका समस्या केही हदसम्म न्यूनीकरण गर्ने उदेश्यका साथ रक्तदान कार्यक्रम गर्न लागेको जानकारी लायन्स क्लब अफ काठमाडौं नयाँपाटी भिक्टोरियसको संस्थापक अध्यक्ष विख्यात प्रसाद थपलियाले गराए।यहि जेष्ठ २६ गते बुधवार रुद्रेश्वर महादेव मन्दिर परिसर नयाँ बस्तिमा बिहान ९ बजे देखि १ बजे सम्म हुने रक्तदान कार्यक्रममा सहभागी हुनका लागि समेत थपलियाले अनुरोध गरेका छन् ।

अमृता के सी ( रोनी )
काठमाडौँ,जेष्ठ २५ ।काठामाडौँ महानगरपालिका वडा नं ६ स्थित नयाँ बस्तीमा बोरा भित्र मान्छेको खुट्टा भेटिएको छ।नयाँबस्ती एरिना फुटसल नजिकैको फोहोर फाल्ने ठाउँमा मान्छेको घुँडा भन्दा मुनिको एउटा खुट्टाको मात्र भेटिएको प्रहरी श्रोतले जनाएको छ ।घटनास्थलमा पुगेको महानगरीय प्रहरी वृत्त बौद्धका अनुसार आज बिहान बोरामा पोको पारेर फ्यालिएको र जलेको अवस्थामा मानिसको एउटा खुट्टा फेला परेको हो ।घटनास्थलमा बेवारीसे खुट्टा संगै ब्लेड र सिम कार्डहरु समेत फेला परेको छ ।

महानगरीय प्रहरी परिसर काठमाडौंको टोली पनि घटनास्थलमा पुगेर अनुसन्धान गरिरहेको छ। खुट्टा कस्को हालसम्म सनाखत हुन सकेको छैन ।

अमृता के सी ( रोनी )
काठमाडौँ, जेष्ठ २४ ।बूढानीलकण्ठ नगरपालिकामा चिनिया भेरोसेल खोपको पहिलो डोजका लागि स्थान र दिन तोकिएको छ ।६० देखि ६४ वर्ष उमेर समूहका नगरवासीलाई तलको स्थान र मितिमा खोप लगाइने नगरपालिकाले जानकारी दिएको छ।

सूचना:-