Category: समाचार

काठमाडौं । काठमाडौं महानगरपालिकाका मेयर बालेन शाहले प्रधानमन्त्री शेरबहादुर देउवा र नेकपा एमालेका अध्यक्ष केपी शर्मा ओलीसँग भेटघाट गरेकोबारे बोलेका छन् । बुधबार सामाजिक सञ्जालमार्फत् भेटघाटलाई अन्यथा नलिन अपिल गरे ।

‘काठमाडौंको उन्नति, समृद्धि र सकारात्मक परिवर्तनका लागि हामीले छलफल गर्न, सुझाव समेट्न र सहकार्यका लागि पहल गर्न धेरैभन्दा धेरै व्यक्तित्वसँग भेटघाट गर्ने गरेका छौं,’ उनले भनेका छन्, ‘यो सिलसिला उम्मेदवारी घोषणा गर्नुभन्दा पहिलेदेखि सुरू भएर निकै पछिसम्म पनि रहिरहने छ। समय अनुकूलताका कारण कसैसँग अघि वा पछि भेट हुन सक्छ। यसलाई अन्यथा नबुझिदिन अपिल गर्दछौं।’

बुधबार शाहले प्रधानमन्त्री शेरबहादुर देउवालाई भेट्न बालुवाटार पुगेका थिए। मतगणना भइरहँदा उनले बालकोट पुगेर पूर्वप्रधानमन्त्री समेत रहेका नेकपा एमालेका अध्यक्ष केपी शर्मा ओलीसँग भेटघाट गरेका थिए। त्यसैगरी उनले मेयरको कार्यभार सम्हालेकै दिन नेपाली सेनाका प्रधानसेनापति प्रभुराम शर्मालाई जंगीअड्डा पुगेर भेटेका थिए। उनले आममान्छेको जीवनमा सकारात्मक परिवर्तन ल्याउन विशेष र बृहत् सोचको आवश्यकता भएको हुँदा सबैसँग सहकार्य गर्न अनिवार्य भएको बताए।

‘राजनीतिक रूपमा हामीलाई यो अभियानमा केही सजिलो पनि छ। किनकि स्वतन्त्र हुनुको अर्थ केबल चुनावमा उम्मेदवारी दिँदा मात्रै रहँदैन,’ उनले लेखेका छन्, ‘स्वतन्त्र हुनुको अर्थ कुनै पनि पार्टी वा समूह वा नेताप्रति निरपेक्ष रहनु पनि हुन्छ। सबैसँग सम्मानजनक निकटताको अभ्यास गर्नुमा पनि हुन्छ।’

काठमाडौं । काठमाडौंबाट झापाको भद्रपुर उडेको बुद्ध एयरको जहाज आकाशबाटै काठमाडौं फर्किएको छ ।

त्रिभुवन विमानस्थलबाट भद्रपुर उडेको बुद्ध एयरको ९५३ उडान नम्बरको जहाज ३० नटिकल माइल उडेपछि काठमाडौं फिर्ता आएको हो ।

सो जहाजको पछिल्लो टायरको केही भाग धावनमार्गमा भेटिएपछि जहाज काठमाडौं फिर्ता गरिएको त्रिभुवन विमानस्थल कार्यालयले जनाएको हो ।

उक्त विमान सकुशल काठमाडौं विमानस्थलमा अवतरण गरिसकेको छ । सो जहाज अवतरण गराउने बेलामा केही समय विमानस्थल बन्द समेत गरिएको थियो ।

अब उक्त जहाजको प्राविधिक जाँच गरिने जनाइएको छ ।

काठमाडौं । राष्ट्रिय प्रजातन्त्र पार्टी (राप्रपा) का अध्यक्ष राजेन्द्र लिङदेन अहिलेको बजेट आर्थिक संकट र मूल्यवृद्धि रोक्नेतर्फ उन्मुख नभएको बताएका छन् ।

बुधबार प्रतिनिधिसभा बैठकमा बजेट माथिको सैद्धान्तिक छलफलमा बोल्दै उनले उक्त कुरा बताएका हुन् ।

आगामी निर्वाचनलाई लक्षित गरेर मात्र बजेट ल्याइएको भन्दै उनले आम मानिसको जीवन परिवर्तन गर्न नसक्ने बताए ।

साथै, स्रोत र कार्यान्वयनको आधार नै बजेटले प्रस्तुत गर्न नसकेको उनको भनाइ छ । “यो बजेट केवल आगामी निर्वाचन लक्षित छ । स्रोत र कार्यान्वयनको आधार केही छैन । अनुमानको आधारमा बजेट बनाइएको छ,” उनले भने ।

सांसद लिङदेनले बजेटमा एक घण्टामा चितवन पुग्ने मार्ग बनाउने भन्नलाई आधार र स्रोत के हो भन्दै प्रश्न गरे । साथै, बन्द रहेको हैटौडा उद्योगबाट उत्पादन हुने लुगा लगाउन अनिवार्य गरे पनि उत्पादन चाहिँ कहिलेबाट हुने भन्दै प्रश्न उठाए ।

अहिले जुन प्रकारको आर्थिक संकट देखिंदै गएको छ, जुन प्रकारको मूल्यवृद्धि देखिंदै गएको छ त्यसलाई रोक्नेतर्फ यो बजेट उन्मुख छैन । यो बजेट केबल निर्वाचन लक्षित छ । आगामी निर्वाचनलाई केन्द्रमा राखेर ल्याइएको छ ।’

अध्यक्ष लिङ्देनले यो बजेटको स्रोत र यसको कार्यान्वयनका आधारहरु स्पष्ट नभएको बताए ।

काठमाडौं । नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’ ले स्थानीत तहको निर्वाचनमा धरान उपमहानगरपालिका र काठमाडौं महानगरपालिकामा जित हासिल गर्नेमात्र स्वतन्त्र उम्मेदवार भएको बताएका छन् ।

बुधबार काठमाडौंको कमलपोखरीस्थित कुमारी हलमा आयोजित जनप्रतिनिधिहरुको अभिमुखिकरण कार्यक्रमलाई सम्बोधन गर्दै अध्यक्ष प्रचण्डले यी दूई नगरमा स्वतन्त्र रुपमा उठेर जित हासिल गरेका मात्र स्वतन्त्र उम्मेदवार भएको बताए ।

जनकपुरधाम उपमहानगरपालिका र धनगढी उपमहानगरपालिकामा स्वतन्त्र उम्मेदवार बनेर जितेकाहरु स्वतन्त्र नभएको प्रचण्डले बताए । ‘जनकपुरमा जितेको स्वतन्त्र हो, स्वतन्त्र होइन । धनगढीमा जितेको स्वतन्त्र हो, स्वतन्त्र होइन । यो पार्टीकै हो सबै । दुईटा मान्छेचाहिँ अलि भिन्न ढंगले आए, काठमाडौं र धरान । यसमा अलि भिन्न छन् तर अरु कोही स्वतन्त्र छैनन्,’ प्रचण्डले भने ।

दुई ठाउँमा स्वतन्त्र रुपमा जितेका उम्मेदवारले पार्टीलाई राम्रो सबक सिकाएको पनि प्रचण्डले बताए । उनका अनुसार माओवादीले काम गर्न नसकेपछि जनताले ‘तिमीहरु त्यसो गर्छाँै हामी यसो गर्छौँ’ भनेर सबक सिकाएका हुन् ।

अध्यक्ष प्रचण्डले भने, ‘भिन्नलाईचाहिँ मैले के देख्छु भने उनीहरुलेचाहिँ माओवादीको जस्तो कुरा गरेका छन् क्या ! त्यसो भएकोले उनीहरुलाई जनताले मत दिएको हो । हिजो हामीले जनताको सेवा गर्ने, हावा, पानी, फोहोरमैला व्यवस्थापन, शोषण, विभेद, अत्यचार सब सिध्याउँछौँ भनेर भनेको होइन । अहिले उनीहरु पनि त्यसरी नै पानीको मुहान खोज्दै हिँड्छन् । यी सबै त हाम्रा कुरा हुन् । तर, हामीले राम्रो गर्न नसकेपछि हेर तिमीहरु यसो नगरेपछि हामी यसो गर्छौँ भनेर जनताले हामीलाई नै सबक सिकाएको जस्तो लाग्छ । मैले यस विषयमा बधाई पनि दिएको छु ।’

अध्यक्ष प्रचण्डले दुई नगरमा स्वतन्त्रले चुनाव जित्दैमा स्वतन्त्रले अब राज्य सञ्चालन गर्छ भन्ने भ्रममा नपर्न पनि ध्यानाकर्षण गरेका छन् । उनले पार्टी सिस्टम कमजोर हुने र स्वतन्त्रको राज्य चल्ने विल्कुल हुन नसक्ने कुरा भएको स्पष्ट पारे ।

उनले भने, ‘तर, स्वतन्त्रले नै देश चलाउछन् भनेर नसोचौँ, त्यो भ्रममा हामी नपरौँ । त्यो अपवाद हो । कुनै न कुनै रुपमा पार्टीसँग सहकार्य गरेर मात्र अघि बढ्ने सक्ने स्थिति हुन्छ यो देशमा । पार्टी सिस्टम कमजोर हुने स्वतन्त्रको राज्य चल्ने विल्कुल हुन सक्ने कुरा होइन ।’

काठमाडौं । नेकपा (माओवादी केन्द्र)ले स्थानीय तहको निर्वाचनमा जितेका जनप्रतिनिधिलाई आजबाट प्रशिक्षण दिने भएको छ । कार्यक्रम काठमाडौंमा आयोजना गरिएको छ । स्थानीय तहबाटै समाजवादको आधार तयार गर्न निर्देशित गर्ने उद्देश्यले दुईदिने प्रशिक्षण कार्यक्रम आयोजना गरिएको माओवादी केन्द्रको भनाई छ । कार्यक्रममा स्थानीय सरकार सञ्चालन, सेवा प्रवाह, विकास निर्माण, सुशासन, स्वास्थ्य, शिक्षा, बजेट तथा कानून निर्माणलगायत विषयमा विज्ञहरुले प्रशिक्षण दिने भएका छन् ।

पार्टीका शीर्ष नेता एवं सङ्घीयताविद्, अर्थतन्त्र विज्ञ, पूर्वमहान्याधिवक्ता, स्थानीय सरकार सञ्चालनका विज्ञ, पूर्वप्रशासकलगायतले विभिन्न विषयमा सहभागीलाई प्रशिक्षण दिने माओवादीको भनाई छ । अघिल्लो कार्यकालमा उत्कृष्ट काम गरेका स्थानीय तहका प्रमुखले पनि अनुभव आदानप्रदान गर्ने कार्यक्रम राखिएको छ । बुधबार र बिहीबार प्रशिक्षण चल्ने छ ।

कार्यक्रम कमलपोखरीस्थित पूरानो कुमारी हलमा राखिएको छ । प्रशिक्षणको बिहान ११ बजे पार्टी अध्यक्ष पुष्पकमल दाहाल ‘प्रचण्ड’ले उद्घाटन गर्ने कार्यक्रम रहेको छ । प्रशिक्षणमा गाउँपालिकाका अध्यक्ष, उपाध्यक्ष, नगरपालिकाका प्रमुख, उपप्रमुख, केही स्वन्तत्ररूपमा निर्वाचित उम्मेदवार गरी २६० जनप्रतिनिधि र पार्टीका शीर्ष नेता एवं पूर्वस्थायी समिति सदस्य सहभागी हुनेछन् ।

काठमाडौं । काठमाडौं महानगरपालिकाको पहिलो नगर कार्यपालिकाको बैठकमा वडा नम्बर १५ का वडाध्यक्ष ईश्वरमान डंगोलले फोहोर व्यवस्थापन नभएसम्म भत्ता नलिने घोषणा गरेका छन्।

सोमबार बसेको महागरपालिकाको कार्यपालिका बैठकलाई सम्बोधन गर्दै उनले यस्तो घोषणा गरेका हुन्।

‘फोहोरमैला व्यवस्थापन नभएसम्म मैले बैठकको भत्ता लिन्नँ। कृपया खातामा पैसा नहाल्नु होला,’ उनले भने।

त्यस्तै उनले सार्वजनिक शौचालयलाई व्यावसायिक गर्न नहुने पनि धारणा राखेका छन्।

काठमाडौं । काठमाडौं महानगरपालिकाको पहिलो नगर कार्यपालिकाको बैठकमा ६ वटा एजेन्डामा छलफल भएका छन्।

सोमबार बसेको महागरपालिकाको कार्यपालिका बैठकलाई सम्बोधन गर्दै उनले फोहोर व्यवस्थापनलाई राखेका प्रमुख एजेण्डाको रुपमा फोहोर व्यवस्थापनलाई राखेका छन् ।

उनले उनले काठमाडौं महानगरपालिकाको फोहोर सिसडोल बन्चरेडाँडामा फ्याँक्ने गरिएको भन्दै त्यसबाट हुने हानी न्यूनिकरण गर्न पहल गर्न आह्वान गरेका थिए।

त्यस्तै उनले महानगरभित्र रहेका चिकेन स्टेसन र बर्गर हाउस नाम गरेका रेष्टुरेन्टमा रहेका शौचालय महानगरवासीले निःशुल्क प्रयोग गर्न सक्ने बताए ।

‘यस्ता रेष्टुरेन्टका अगाडि निःशुल्क शौचालय लेखिएको साइन बोर्ड हुनेछ । जोसुकैले यो शौचालय निःशुल्क प्रयोग गर्न पाउनेछन्,’ उनले भने ।

महानगरभित्र रहेका अरु चेन रेष्टुरेन्टसँग पनि निःशुल्क शौचालय प्रयोग गर्न मिल्ने गरी छलफल भइरहेको बालेनले बताए । नागरिकको गुनासो सुन्नका लागि कल सेन्टर सञ्चालनमा ल्याउने समते उनले बताएका छन् ।

काठमाडौं । काठमाडौं महानगरपालिकाका प्रमुख बालेन्द्र शाहले शपथ लिएका छन्।

राष्ट्रियसभा गृहमा आयोजित एक कार्यक्रमका बीच शाहले शपथ लिएका हुन्।

दौरा सुरुवालमा देखिएका बालेननले नेपाली भाषामा शपथ ग्रहण गरिसकेपछि नेपाल भाषामा पनि शपथको व्यहोरा वाचन गरेका थिए ।

राष्ट्रियसभा गृहमा आयोजित शपथग्रहण समारोहमा मेयर साहले माला लगाउन अस्वीकार गरेका थिए ।

यसअघि ओखरपौवास्थित डम्पिङ साइटमा पुग्दा काठमाडौंको फोहोरको समस्या समाधान नगरेसम्म माला र खादा नलगाउने तथा कुनै उत्सव नमनाउने स्थानीयसामु बाचा गरेका थिए ।

सोही बाचाकै कारण मेयर साहले नवविर्वाचित सबै जनप्रतिनिधिले माला लगाउँदा पनि माला नलगाएका हुन् । तर, बालेनसँगै गएकी उनकी श्रीमती सविना काफ्लेले भने माला लगाएकी थिइन् ।

साहले नगरसभाको बैठक लाइभ गर्ने निर्णय गरेका छन् । मेयर पदको सपथ लिएपछि पदभार ग्रहण गरेका साहले आफ्नो प्रतिवद्धताअनुसार निर्णय गरेका हुन् ।

नगरसभाको पहिलो बैठक सोमबार ४ बजे बोलाइएको छ । बैठकको प्रत्यक्ष प्रशारण गर्ने साहले बताए ।

काठमाडौं । ग्लोबल कन्सल्टेन्सीका संचालक मनोज पाण्डे थप ७ दिन हिरासतमा राख्न अदालतले आदेश दिएको छ ।

आठ वर्षअघि सौन्दर्य प्रतियोगिताका क्रममा एक सहभागीलाई बलात्कार गरेको आरोपमा पक्राउ परेका मनोज पाण्डेलाई उच्च अदालत काठमाडौंले एक साताको म्याद थप गरेको हो ।

पीडित युवतीले सामाजिक सञ्जालमार्फत आठ वर्षअघिको घटनाबारे खुलासा गरेकी थिइन् । सक्सेस पार्टी भनेर होटलमा बोलाएर बेहोस बनाउँदै अभियुक्तले बलात्कार गरेको आरोप उनीमाथि लागेपछि पाण्डे जेठ ७ गते पक्राउ परेका थिए।

नेपाल प्रहरीको अनुसन्धान महाशाखाले उनलाई काठमाडौंको स्वयम्भूबाट पक्राउ गरेको हो। गत सोमवार जिल्ला अदालत काठमाडौंबाट हिरासतमा राखेर अनुसन्धान गर्न ५ दिनको अनुमति दिएको थियो।

काठमाडौं । यातायात व्यवस्था विभागले सवारी चालक अनुमति पत्रका लागि लिइएका सबै अनलाइन आवेदन रद्द गरेको छ ।

विभागले सूचना जारी गर्दै नयाँ अनलाइन प्रणाली सुरु गर्नको लागि नयाँ तथा वर्ग थपका लागि हालसम्म लिएका सबै अनलाइन आवेदनहरू रद्द गरेको जनाएको हो ।

नयाँ अनलाइन आवेदन जेठ १६ गते सोमबार साँझ ६ बजेदेखि सुरू हुनेछ ।

जेठ १६ गतेभन्दा पछाडि कार्यालय भिजिटको मिति पाएका सेवाग्राहीले समेत नयाँ आवेदन दिनुपर्नेछ ।

यसअघिको सिस्टममा समस्या आएपछि विभागले नयाँ अनलाइन आवेदन प्रणाली विकास गरेको हो ।

नयाँ सवारी चालक अनुमतिपत्रका लागि यहाँ क्लिक गरेर आवेदन दिन सकिने छ ।

साथै वर्ग थप गराउन चाहने सेवाग्राहीका लागि अर्कोहप्ताको सोमबारबाट आवेदन खुल्ने छ ।

काठमाडौं । काठमाडौं महानगरपालिकाका प्रमुख बालेन्द्र शाहले शपथ लिएका छन्।

राष्ट्रियसभा गृहमा आयोजित एक कार्यक्रमका बीच शाहले शपथ लिएका हुन्।

शपथ ग्रहणअघि निर्वाचित जनप्रतिनिधिलाई प्रमाणपत्र वितरण गरिएको थियो।

नेपाली भाषामा शपथ ग्रहण गरिसकेपछि उनले नेपाल भाषामा पनि शपथको व्यहोरा वाचन गरेका थिए ।

बालेनले शपथ ग्रहण गरेपछि उनले उपमेयर सुनिता डंगोललाई शपथ ग्रहण गराएका छन् । सुनिताले नेपाल भाषामा शपथ ग्रहण गरेकी छन् ।

मेयर साह शपथ ग्रहण समारोहमा दौरा सुरुवाल र भादगाउँले टोपी लगाएर सहभागी भएका थिए ।

काठमाडौं । काठमाडौं महानगरपालिकाका नवनिर्वाचित मेयर बालेन्द्र साह र उपमेयर सुनिता डंगोल सहितका जनप्रतिनिधिको पद तथा गोपनियताको शपथ ग्रहण आज हुने भएको छ । बिहान ११ बजे राष्ट्रिय सभागृहमा शपथ ग्रहणको कार्यक्रम राखिएको छ । मुख्य निर्वाचन अधिकृत राजुकुमार खतिवडाले मेयर साहलाई शपथ ग्रहण गराउने छन् । त्यसपछि मेयर साहले उपमेयर, वडा अध्यक्ष र सदस्यहरुलाई शपथ ग्रहण गराउने छन् । त्यसलगत्तै मेयर साह र उपमेयर डंगोलले पदभार ग्रहण गर्ने कार्यक्रम छ ।

काठमाडौं । आइतबारबाट हराइरहेको तारा एयरको जहाज मुस्ताङको थासाङ गाउँपालिका–२ मा दुर्घटनाग्रस्त अवस्थामा फेला परेको छ । नेपाली सेनाका प्रवक्ता नारायण सिलवालका अनुसार ल्याङखु खोलाको मुहान नजिकको पहाडमा ठोक्किएर टुक्रा–टुक्रा भएको अवस्थामा जहाज फेला परेको हो । स्थानीयले जहाज दुर्घटनाग्रस्त भएको स्थान पत्ता लगाएका छन् ।

अब त्यहाँ सैनिक र सुरक्षाकर्मीको टोली पुग्ने तयारी छ । आइतबार बिहान पोखराबाट मुस्ताङको जोमसोमका लागि उडेको तारा एयरको नाइन एन एईटी कल साइन भएको ट्वीनअटर जहाज सम्पर्कविहीन भएको थियो । सो जहाजमा चालक दलका ३ सदस्यसहित २२ जना सवार थिए ।

काठमाडौं । पोखराबाट जोमसोमका लागि उडेको तारा एयरकाे जहाज सवा सम्पर्कविहीन नै छ । म्याग्दी कटेर उकालो लागेपछि जहाज बेपत्ता भएको बताइएको छ । मुस्ताङ थासाङ क्षेत्रका स्थानीयले उक्त जहाज त्यहाँ २ पटकसम्म घुमेको बताएका छन् ।

तारा एयरको ९ एनएईटी ट्विनअटर विमान दुर्घटनामा परेको हो। १९ यात्रु लिएर पोखराबाट आइतबार बिहान ताराको जहाज ९ बजेर ५५ मिनेटमा उडेको थियो ।

जोमसोमका लागि पोखराबाट उडेको तारा एयरको जहाजका पाइलट प्रभाकर घिमिरेले लेतेको आकाशमाथिबाट अन्तिमपटक कुराकानी गरेको खुलेको छ ।

विमानस्थलका एयर ट्राफिक कन्ट्रोलर पुष्कल शर्माले पाइलट घिमिरेसँग कुराकानी भएको बताए ।

पाइलट घिमिरले कुराकानीमा हावाको गतिको विवरण सोधेको शर्माले बताए ।

हावाको विवरण दिएपछि आफूले समिटको जहाज अवतरण गराउन लागेको र त्यसपछि तारा एयरको जहाजलाई पुन: सम्पर्क गर्दा सम्पर्क नभएको शर्माले बताए ।

जोमसोमको हावाको विवरण माग्दा ताराको जहाज १२ हजार ५ सय फिटको उचाईमा रहेको शर्माको भनाइ छ ।

जोमसोम विमानस्थल ९ हजार फिट उचाईमा छ । शर्माका अनुसार घिमिरेलाई जानकारी दिँदा जोमसोमको हावाको गति २५ नटिकल माइल प्रतिघण्टा (४६.३ किमि)को गतिमा थियो । यो गति सामान्य नभए पनि जोमसोममा भने यो गतिमा विमान टेक अफ र अवतरण हुने शर्माले जनाए ।

तारा एयरका प्रवक्ता सुदर्शन बर्तौलाका अनुसार ९ एन-एईटी कलसाइनको जहाजमा क्याप्टेन प्रभाकरप्रसाद घिमिरे, को पाइलट इतासाप पोखरेल र एयर होस्टेज कास्मी थापा थिए ।

जहाजमा चार जना भारतीय नागरिक, दुईजना अन्य देशका र १३ जना नेपाली यात्रु साथै चालक दलका तीन सदस्य गरी २२ जना रहेका थिए।

जहाजमा चालक दलमा क्याप्टेन प्रभाकर घिमिरे र उत्सव पोखरेल तथा एयर होस्टेज क्रिष्टी थापा थिए।

यात्रुहरुमा बान्देकर वैसवी, इन्द्रबहादुर गोले, पुरुषोत्तम गोले, राजनकुमार गोले, मेइक ग्रीटग्राफ, वसन्त लामा, गणेश नारायण श्रेष्ठ, रवीना श्रेष्ठ, रश्मी श्रेष्ठ, रोजीना श्रेष्ठ थिए ।

यसैगरी, प्रकाश सुनुवार, मकरबहादुर तामाङ, राममाया तामाङ, सुकुमाया तामाङ, तुलसादेवी तामाङ, अशोककुमार त्रिपाठी, धनुष त्रिपाठी, ऋतिका त्रिपाठी र वी विलनर सवार थिए।

काठमाडौं । पोखराबाट जोमसोम जाँदा सम्पर्कविहीन भएको तारा एयरको जहाज खोजीका लागि पठाइएको हेलिकप्टर फर्किएको छ।

नेपाल नागरिक उड्डन प्राधिकरणका अनुसार विमानको अवस्थाबारे खोजतलासका लागि विमानको अवस्थाबारे खोजतलासका लागि फिस्टेल एयरको हेलिकप्टर खराब मौसमका कारण जोमसोम फर्किएको छ ।

मौसम सफा भएपछि फेरि हेलिकप्टर सम्पर्कविहीन जहाज खोजीका लागि पठाइने विज्ञप्तिमा उल्लेख छ।

पोखराबाट विहान ९ः ५५ बजे जोमसोमका लागि १९ यात्रु र ३ चालक दलका सदस्यसहित उडेको तारा एयरको ट्वीन अटर ९एनएईटी विमान अन्तिम पटक जोमसोम विमानस्थलको टावरसँग १०ः०७ बजे म्याग्दीको घोडेपानीबाट सम्पर्कमा आएको थियो ।

विमानको खोजी तथा उद्धारका लागि काठमाडौं, पोखरा र जोमसोम विमानस्थलमा हेलिकप्टरहरु तयारी अवस्थामा राखिएको प्राधिकरणले जनाएको छ ।

काठमाडौं । पोखराबाट जोमसोमका लागि उडेको तारा एयरकाे जहाज सवा २ घण्टादेखि सम्पर्कविहीन नै छ । म्याग्दी कटेर उकालो लागेपछि जहाज बेपत्ता भएको बताइएको छ । मुस्ताङ थासाङ क्षेत्रका स्थानीयले उक्त जहाज त्यहाँ २ पटकसम्म घुमेको बताएका छन् ।

बादल लागेका कारण जहाज नदेखिएको तर आवाज ठूलो आएको उनीहरूलाई उदृत गर्दै लेतेमा रहेका पत्रकार सुशील थकालीले जानकारी दिए ।

‘यहाँका स्थानीयले आवाज सुनेका रहेछन् । प्रहरीले पनि त्यो आवाज सुनेको भन्नेछ,’ उनले भने, ‘बादलले टम्मै छ । कतै केही देखिँदैन । हल्का पानी परिरहेको छ ।’

अहिले प्रहरी लेते क्षेत्रमा केन्द्रित भएर खोजीमा जुटेको उनले बताए । साे जहाजमा चालक दलका तीन सदस्यसहित २२ जना सवार थिए ।