Category: समाचार

काठमाडौं । काठमाडौं महानगरपालिकामा मतगणना जारी छ। काठमाडौं महानगरपालिकाको मेयरमा स्वतन्त्र उम्मेदवार बालेन शाहले फराकिलो अग्रतालाई कायमै राखेका छन् ।

शुक्रबार दिउँसो साढे चार बजे आयोगले गरेको अद्यावधिक विवरणमा साहले २७,१३४ मतसहित आफ्नो अग्रता कायमै राखेका हुन् ।

त्यस्तै साहका प्रतिस्पर्धी एमालेका केशव स्थापितले १४,५६३ र गठबन्धन उम्मेदवार सिर्जना श्रेष्ठले १४०७४ ल्याएकी छन् । साह र स्थापितबीचको मतान्तर १२५७१ रहेको छ ।

त्यसैगरी उपमेयरतर्फ एमालेकी सुनिता डंगोलले २६,८५२ मतसहित अग्रता बनाएकी छन् । उनका प्रतिस्पर्धी नेकपा एकीकृत समाजवादीका रामेश्वर श्रेष्ठले ९३१६ मत मात्र पाएका छन् ।

काठमाडौं । आठ वर्षअघि बलात्कारमा परेको कुरा भिडियोमार्फत बाहिर ल्याएपछि उक्त घटनाका आरोपीमाथि छानबिन गर्ने विषय संसदमा उठेको छ।

शुक्रवारको प्रतिनिधिसभा बैठकमा नेपाली कांग्रेसका सांसद गगनकुमार थापाले सामाजिक सञ्जालमा एक युवतीले आफुलाई बलात्कार भएको घटना सार्वजनिक गरेको उल्लेख गर्दै घटनामा संलग्न पीडकलाई कारबाही गर्न माग गरेका थिए ।

सांसद थापाको माग लगत्तै सरकारलाई निर्देशन दिँदै सभामुख सापकोटाले भने, ‘माननीय सदस्यहरू, माननीय सदस्यले आफ्नो भनाई राख्दै गर्दा प्रारम्भमा प्रस्तुत गर्नुभएको यौन हिंसा सम्बन्धि विषयमा मेरो गम्भिर ध्यानाकर्षण भएको छ । सो सम्बन्धमा शीघ्र छानविन गरी सत्यतथ्य पहिचान गर्न र दोषीलाई कानूनी दायरामा शीघ्र ल्याउन नेपाल सरकारलाई निर्देश गर्दछु।’

काठमाडौं । काठमाडौं महानगरपालिका स्वतन्त्र उम्मेदवार वालेन्द्र साह (बालेन) ले २८ हजार ८८२ मत ल्याएका छन् । नेपाल कम्युनिष्ट पार्टी (एमाले) का केशव स्थापितले १५ हजार ३१२ मत ल्याएका छन् ।

भरतपुर महानगरपालिकामा नेपाल कम्युनिष्ट पार्टी (माओवादी केन्द्र) की रेनु दाहालले २१ हजार ४९२ मत ल्याएकी छिन् ।

नेपाल कम्युनिष्ट पार्टी (एमाले) का विजय सुवेदीले १८ हजार २७० मत ल्याएका छन् ।

वीरगन्ज महानगरपालिकामा जनता समाजवादी पार्टी, नेपालले राजेशमान सिंहले २२ हजार ५९६ मत ल्याएका हुन्छ ।

नेपाल कम्युनिष्ट पार्टी (एमाले) का विजयकुमार सरावगीले ११ हजार ७८५ मत ल्याएका छन् ।

ललितपुर महानगरपालिकामा अहिलेसम्म सत्ता गठबन्धनका उमेद्वार (नेपाली काँग्रेस) चिरीबाबु महर्जनले २१ हजार ३११ मत प्राप्त गरेका छन् ।

दोस्रो स्थानमा रहेका नेकपा एमालेका हरिकृष्ण ब्यञ्जनकारले १२ हजार १४९ मत प्राप्त गरेका छन् । महर्जन र ब्यजञ्जनकारको मतान्तर ९ हजार १६२ रहेको छ ।

यस्तै, पोखरा महानगरपालिकामा अहिलेसम्म सत्ता गठबन्धनका उमेद्वार (नेकपा एस) का धनराज आचार्यले २६ हजार ९६८ मत प्राप्त गरेका छन् भने एमालेका कृष्णबहादुर थापाले २३ हजार ६९८ मत प्राप्त गरेका छन् । आचार्य र थापाको मतान्तर ३ हजार २७० रहेको छ ।

विराटनगर महानगरपालिकाको मेयर पदमा सत्ता गठबन्धनका उमेद्वार (नेपाली कांग्रेस) नागेश कोइरालाले अग्रता कायम राखेका छन् ।

उनले अहिलेसम्म २५ हजार ३१२ र एमाले उम्मेदवार सागर थापाले १८ हजार ८३५ मत प्राप्त गरेका छन् । कोइराला र थापाको मतान्तर ६ हजार ४७७ रहेको छ ।

काठमाडौं । एमाले अध्यक्ष केपी शर्मा ओलीको गृह नगर तथा निर्वाचन क्षेत्र दमकमा नेकपा एमाले पराजित भएको छ ।

दमक नगरपालिकाको प्रमुखमा राप्रपाका उम्मेदवार रामकुमार थापा विजयी भएका छन् ।

एमालेकी उम्मेदवार पूर्व नगर उपप्रमुख गीताकुमार अधिकारीलाई राप्रपाका रामकुमार थापाले ५५९ मतले हराए ।

पूर्व नगर प्रमुख समेत रहेका थापाले १७५२५ मत पाए । निकटतम प्रतिष्पर्धी अधिकारीले १६९६६ मत पाइन्।

यसैगरी उपप्रमुखमा नेपाली कांग्रेसका उम्मेदवार रेगिना भट्टराई विजयी भइन् । उनले १७ हजार ७२ मत पाउँदा नेकपा एमालेका उम्मेदवार अम्बिका प्रसाद खनालले १६ हजार ५७४ मत पाएका छन् ।

चुनावी चर्चाको केन्द्र रहेको यो नगरमा कांग्रेस–माओवादी र राप्रपाले एमाले विरुद्ध गठबन्धन गरेका थिए ।

काठमाडौं । सरकारले स्थानीय तह निर्वाचनमा खटिएका सुरक्षाकर्मी र कर्मचारीहरुलाई धन्यवाद ज्ञापन गरेको छ । वैशाख ३० गते देशभर एकै चरणमा स्थानीय तह निर्वाचन भएको थियो । निर्वाचनमा खटिएका कर्मचारी र सुरक्षाकर्मीहरुको सहयोग अतुलनीय भएको भन्दै सरकारले धन्यवाद दिएको हो ।
बिहीबार सिंहदरबारमा बसेको राष्ट्रिय सुरक्षा समितिको बैठकमा सरकारको तर्फबाट गृहमन्त्री बालकृष्ण खाँणले निर्वाचनमा खटिएका सम्पूर्ण सुरक्षाकर्मी र कर्मचारीहरुलाई धन्यवाद दिएको गृह मन्त्रालयका सहसचिव फणिन्द्रमणि पोखरेलले जानकारी गराएका छन् ।

बैठकमा गृहमन्त्री खाँणले निर्वाचनको महत्वलाई बुझेर जनतालाई सहज ढंगले मतदान केन्द्रमा सुरक्षा दिनु चुनौतीपूर्ण रहेको बताए । निर्वाचनको दिन मतपत्र र मतपेटिकाको सुरक्षा दिने विषय झनै चुनौतीपूर्ण रहेकाले यसमा सहजता दिन सहयोग पुर्‍याउने सबै निकाय र पक्षहरुलाई धन्यवाद दिनु भएको पोखरेलले बताए । बैठकमा गृहमन्त्री खाँणले निर्वाचनका क्रममा घाइते भएकाहरुको शीघ्र स्वास्थ्यलाभको कामना पनि गरे भने मृत्यु भएकाहरुप्रति श्रद्धाञ्जली दिए ।

काठमाडौं । काठमाडौं महानगरपालिकामा मतगणना जारी छ। काठमाडौं महानगरपालिकाको मेयरमा स्वतन्त्र उम्मेदवार बालेन शाहले फराकिलो अग्रतालाई कायमै राखेका छन् ।

५९ हजार ९७ मत गणना गर्दा बालेनले २३ हजार ५८४ मत पाएर लिड गरिरहेका छन् ।

यता, नेकपा एमालेका उमेदवार केशव स्थापितले १२ हजार ३८० मतले दोस्रो स्थानमा छन् ।

नेपाली कांग्रेसकी सिर्जना सिंहले ११ हजार ४९९ मत पाउँदै तेस्रो स्थानमा छिन् । हाल वडा नं। ६, ७, ८, २७, २९, ३१ र ३२ को मतगणना भइरहेको छ ।

उपमेयरतर्फ भने एमाले उम्मेदवारको मतान्तर निकै बढी छ। सूर्यले २३ हजार १७ मत ल्याइसक्दा लौरोले २ हजार ४४८, कलमले ७३७३, हलोले ५१६८ मत ल्याएको छ।

काठमाडौं । स्थानीय तह निर्वाचनको मतगणना जारी छ । बिहीबार दिउँसो ३ः३० बजेसम्म ७५३ मध्ये ५७२ स्थानीय तहको अन्तिम मत परिणाम सार्वजनिक भएको छ ।

निर्वाचन आयोगका अनुुसार मत मरिणाम सार्वजनिक भएकामध्ये नेपाली कांग्रेसले २५२ स्थानीय तह प्रमुख जितेको छ । कांग्रेसले १६६ गाउँपालिका अध्यक्ष जितेको छ भने ८६ नगरपालिका प्रमुख जितेको छ ।

यस्तै, नेकपा एमालेले १६१ स्थानीय तह प्रमुख जितेको छ । एमालेले १०९ गाउँपालिका अध्यक्ष जित्दा ५२ नगरपालिका प्रमुख जितेको छ । माओवादी केन्द्रले ८९ गाउँपालिका अध्यक्ष र १६ नगरपालिका प्रमुखसहित १०५ स्थानीय तह जितेको छ ।

यस्तै, जनता समाजवादी पार्टी नेपाल १४ वटा गाउँपालिका अध्यक्षमा निर्वाचित भएको छ एकीकृत समाजवादीले ६ वटा मेयरमा जित हासिल गरेको छ ।

अन्यतर्फ २० गाउँपालिका र १४ नगरपालिका प्रमुखमा विजयी भएको निर्वाचन आयोगले जनाएको छ ।

काठमाडौं । नेकपा एमालेका नेता तथा पूर्वमन्त्री गोकुल बाँस्कोटाको गृहनगर काभ्रेपलान्चोकको मण्डनदेउपुर नगरपालिकामा नेकपा एकीकृत समाजवादी विजयी भएको छ ।

सत्ता गठबन्धनबाट मेयर बनेमा एकीकृत समाजवादीका टोकबहादुर तामाङले ९ हजार ४०६ मत ल्याएर विजयी भएका हुन् ।

उनका निकटतम् प्रतिद्वन्द्वी एमालेका विदुरप्रसाद सापकोटा ८ हजार ३५१ मत पाए।

उपमेयरमा कांग्रेसका विष्णुमणी नेपालले ११ हजार ३०५ मत ल्याउँदा निकटतम् प्रतिद्वन्द्वी एमालेकी सरिता ढकालले ६ हजार ९२४ मत मात्रै पाइन्।

काठमाडौं । स्थानीय तह निर्वाचन अन्तर्गत ५ सय ३५ वटा पालिकाको अन्तिम मतपरिणाम सार्वजनिक हुँदा नेपाली कांग्रेसले अग्रता कायम राखेको छ । निर्वाचन आयोगका अनुसार बिहीबार बिहानसम्म १ सय ५५ वटा नगरपालिका र ३ सय ८० वटा गाउँपालिका गरी ५ सय ३५ वटा पालिकाको अन्तिम नतिजा सार्वजनिक भएको हो । नेपाली कांग्रेस २ सय ४२ पालिका जितेर पहिलो स्थानमा छ ।

कांग्रेसले ८१ नगरपालिकाको मेयर र एक सय ६१ वटा गाउँपालिकाको अध्यक्ष जितेको छ । कांग्रेसले ६१ वटा नगरपालिकाको उपमेयर र एक सय ६६ वटा गाउँपालिकाको उपाध्यक्ष जितेको छ । कांग्रेसले उपमयेर र उपाध्यक्ष गरी २ सय २७ पालिका जितेको हो । कांग्रेसले २ हजार १ सय ९२ वटा वडाध्यक्ष पद जितेको छ । एमाले दोस्रो स्थानमा छ ।

एमालेले अहिलेसम्म ४६ वटा नगरपालिकाको मेयर र १ सय ३ वटा गाउँपालिकाको अध्यक्ष गरी एक सय ४९ वटा पालिकाको प्रमुख पद जितेको छ । एमालेले ५७ वटा नगरपालिकाको उपमेयर, १ सय १ वटा गाउँपालिकाको उपाध्यक्ष गरी उपमेयर तथा उपाध्यक्ष १ सय ५८ वटा जितेको छ । एमालेले एक हजार ७ सय १५ वटा वडाध्यक्ष जितेको छ ।

नेकपा माओवादी केन्द्रले १६ वटा नगरपालिकाको मेयर र ८६ वटा गाउँपालिकाको अध्यक्ष गरी १ सय २ वटा पालिकाको प्रमुख पद जितेको छ । माओवादी केन्द्रले २४ वटा नगरपालिकाको उपमेयर, ८४ वटा गाउँपालिकाको उपाध्यक्ष गरी १ सय ८ वटा उपमेयररउपाध्यक्ष जितेको छ । माओवादीले अहिलेसम्म ९ सय १९ वटा वडाध्यक्ष पद जितेको छ ।

नेकपा एकीकृत समाजवादीले ४ वटा नगरपालिकाको मेयर जितेको छ । जनता समाजवादी पार्टीले १३ वटामा र अन्यले २५ वटा पालिकामा मेयर तथा अध्यक्ष जितेका छन् । त्यस्तै उपमेयर तथा उपाध्यक्षमा एकीकृत समाजवादीले ६, जनता समाजवादी पार्टीले ११ र अन्यले २५ वटा पालिकामा जितेका छन् ।

गोरखा । पूर्वप्रधानमन्त्री डाक्टर बाबुराम भट्टराईको गृहनगर गोरखाको पालुङटारमा माओवादी केन्द्रले जित निकालेको छ । जनता समाजवादी, एमाले गठबन्धन र कांग्रेसका उम्मेदवारलाई हराउँदै माओवादीले मेयर र उपमेयर दुबैमा जित निकालेको हो । मेयरमा माओवादी केन्द्रका विवस चिन्तन ६०७२ मतका साथ विजयी भएका छन् । उनका निकटतम प्रतिस्पर्धी जनता समाजवादीका प्रेमबहादुर गुरुङले ५७१७ मत ल्याए ।

निवर्तमान मेयरसमेत रहेका नेपाली कांग्रेसका दीपकबाबु कँडेल तेस्रो भए । उनले ४९९७ मत पाए । एमालेका हरि भट्टले ९४१ मत ल्याए । उपमेयरमा पनि माओवादी केन्द्रकी वन्दना पाण्डे निर्वाचित भइन् । उनले ५५७९ मत ल्याइन् । उनकी निकटतम प्रतिस्पर्धी नेपाली कांग्रेसकी चेतकुमारी श्रेष्ठले ५०७७ मत पाइन् । गठबन्धनबाट एमालेकी पार्वतीदेवी पाठक भने ४२८१ मत ल्याएकी छिन् ।

काठमाडौं । स्थानीय तह निर्वाचनमा सबैभन्दा बढी चर्चामा रहन सफल दुई महागरपालिका काठमाडौं र भरतपुरमा मतगणना जारी छ । काठमाडौं महानगरपालिकाको मेयरमा स्वतन्त्र उम्मेदवार बालेन शाहले १८ हजार मत पार गरेका छन् । पछिल्लो परिणामअनुसार शाहले १८ हजार चार सय २१ मत पाएका छन् । उनी एमालेका उम्मेदवार केशव स्थापितभन्दा आठ हजार सात सय ८३ मतले अगाडि छन् ।

स्थापितले नौ हजार ६ सय ३८ मत पाएका छन् । कांग्रेसकी सिर्जना सिंहले आठ हजार ६ सय १७ मत पाएको देखिएको छ । उता भरतपुरमा रेनु दाहालले २३३८ मतको अन्तर पुर्याएकी छिन् । कुल ३२ हजार ८९४ मत गन्दा उनको सो अन्तर भएको हो । रेनुले १२ हजार २१२ मत ल्याउँदा एमालेका विजय सुवेदीले ९ हजार ८७४ भोट पाएका छन् । स्वतन्त्र उम्मेदवार जगन्नाथ पौडेलले ५३३२ मत पाएका छन् ।

काठमाडौं । नेकपा एकीकृत समाजवादीका अध्यक्ष माधव कुमार नेपालको गृहपालिका गौर नगरपालिकाको मेयरमा नेकपा एकीकृत समाजवादीका शम्भू साह विजयी भएका छन्।

लोकतान्त्रिक समाजवादी पार्टीका उम्मेदवार अजय गुप्तालाई पराजित गर्दै साह विजयी भएका हुन्।

साहले ७ हजार ५२ मत प्राप्त गरेका छन् भने उनका निकटतम प्रतिद्वन्द्वी अजय गुप्ताले ३ हजार ७ सय ७ मत प्राप्त गरे।

गौरको मेयरमा जसपाबाट पूर्वउपमेयर किरण ठाकुर, नेपाली कांग्रेसबाट मोहनकुमार यादव उम्मेदवार थिए।

यसैगरी, उपमेयरमा एकीकृत समाजवादीकी शैलकुमारी साह विजयी भएकी छन्।

काठमाडौं । चितवनको भरतपुर महानगरपालिकामा माओवादी केन्द्रकी मेयर उम्मेदवार रेणु दाहालले मत अन्तर थप फराकिलो बनाएकी छन् ।

पछिल्लो मत परिणाम अनुसार रेणुले एमालेका उम्मेदवार विजय सुवेदीलाई १ हजार ८५२ मत अन्तरले पछि पारेकी छिन् ।

अहिलेसम्म २८ हजार ६४ मतगणना गरिएको छ । दाहालले १० हजार ४४९ मत पाएकी छन् । एमालेका सुवेदीले आठ हजार ५९७ मत ल्याएका छन् ।

स्वतन्त्र उमेदवार जगन्नाथ पौडेलले चार हजार ६९६ मत प्राप्त गरेका छन् । नेपाली कांग्रेसका नेता पौडेल पार्टीले टिकट नदिएपछि भुइँकटहर चुनाव चिह्न लिएर प्रतिस्पर्धामा छन् ।

चितवनको भरतपुर महानगरमा नेकपा माओवादी केन्द्र र नेपाली कांग्रेसले तथा नेकपा एमाले र राप्रपाले चुनावी तालमेल गरेका थिए ।

काठमाडौं । काठमाडौं महानगरपालिकाको मेयरमा स्वतन्त्र उम्मेदवार बालेन शाहले फराकिलो अग्रतालाई कायमै राखेका छन् ।

काठमाडौं महानगरको मेयरमा स्वतन्त्र उम्मेदवारी दिएका बालेन शाहले ८ हजार ४० मतको फराकिलो अग्रता बनाएका छन् ।

४२ हजार ५६९ मत गन्दा बालेनले १६ हजार ६४७ मत पाएका छन् । उनका निकटतम प्रतिद्वन्द्वी नेकपा एमालेका केशव स्थापितले ८ हजार ६०७ मत पाएका छन् ।

स्थापितभन्दा बालेनले ८ हजार ४० मत बढी ल्याएका छन् । यस्तै नेपाली कांग्रेसकी सिर्जना सिंहले ७ हजार ७६७ मत ल्याएकी छन् । बालेनले सिंहको भन्दा ८ हजार ८८० मत बढी ल्याएका छन् ।

काठमाडौं । रुकुम पश्चिमको चौरजहारी नगरपालिकामा नेकपा माओवादी केन्द्र विजयी भएको छ ।

कांग्रेस र एमालेको गठबन्धनलाई पराजित गर्दै नगरप्रमुखमा पुष्प वादी र उपप्रमुखमा इश्वरी शर्मा विजयी भएका हुन् ।

नगरप्रमुखमा विजयी माओवादी केन्द्रका पुष्प वादी ६८८२ मतसहित विजयी भए । उनका निकटतम प्रतिस्पर्धी नेपाली कांग्रेसका प्रेमबहादुर वलीले ६३११ मत पाए । उनीहरुबीचको मत अन्तर ५७१ छ ।

यसैगरी उपप्रमुखमा माओवादी केन्द्रकी इश्वरी शर्मा (विएम) ७ हजार २ मत सहित विजयी भइन् । उनले नेकपा एमालेका उम्मेदवार टंक प्रसाद ओलीलाई १ हजार २५८ मतले पछि पारिन् । ओलीले ५७४४ मत पाए ।

काठमाडौं । देशभर एकै चरणमा भएको स्थानीय तह निर्वाचन अन्तर्गत बुधबार बिहानसम्म चार सय स्थानीय तहको नतिजा सार्वजनिक भएको छ । निर्वाचन आयोगको तथ्यांक अनुसार ९१ नगरपालिका र तीन सय ९ गाउँपालिकामा अन्तिम नतिजा आइसकेको छ । सार्वजनिक भएको नतिजा अनुसार पहिलो स्थानमा रहेको नेपाली कांग्रेस छ । सो पार्टीले अहिलेसम्म ५१ वटा नगरपालिका र एक सय ३६ वटा गाउँपालिका गरी एक सय ८७ वटा पालिका प्रमुख पद हात पारेको छ ।

कांग्रेसले ४२ वटा नगरपालिकाको उपमेयर, एक सय ३४ वटा गाउँपालिकाको उपाध्यक्ष गरी १ सय ७६ ठाउँमा उपप्रमुख तथा उपाध्यक्ष जितेको छ । नेपाली कांग्रेसले एक हजार ८ सय ८८ वटा वडाध्यक्ष पद जितेको आयोगको तथ्यांक छ । एमाले दोस्रो स्थानमा छ । नेकपा एमालेले २६ वटा नगरपालिका र ८८ वटा गाउँपालिका गरी ११४ वटा पालिका प्रमुख पद जितेको छ।

एमालेले ३० वटा नगरपालिकाको उपमेयर र ८५ वटा पालिकाको उपाध्यक्ष गरी ११५ वटा पालिकामा उपप्रमुखरउपाध्यक्ष जितेको छ । एमालेले एक हजार ४ सय ७३ वटा वडाध्यक्ष पदमा जित हासिल गरेको छ । पालिका चुनावको अहिलेसम्मको मतपरिणाममा माओवादी केन्द्र तेस्रो स्थानमा छ । माओवादी केन्द्रले अहिलेसम्म ९ वटा नगरपालिका र ६९ वटा गाउँपालिका गरी ७८ वटा पालिकाको प्रमुख पद जितेको छ ।

माओवादीले १४ वटा नगरपालिकाको उपमेयर, ७२ वटा गाउँपालिकाको उपाध्यक्ष गरी ८६ ठाउँमा जितेको छ । माओवादीले सात सय ९५ वटा वडाध्यक्ष पदमा जित निकालेको छ। नेकपा एकीकृत समाजवादीले एक नगरपालिका मेयर, चार वटा गाउँपालिकामा अध्यक्ष, तीन वटा नगरपालिकाको उपमेयर र ९ वटा गाउँपालिकाको उपाध्यक्ष जितेको छ ।

जनता समाजवादी पार्टीले ५ वटा गाउँपालिकाको अध्यक्ष पदमा जित निकालेको छ । राष्ट्रिय जनमोर्चाले दुई वटा पालिका जितेको छ । राष्ट्रिय प्रजातन्त्र पार्टीले पनि दुई वटा पालिका र अन्य दल तथा स्वतन्त्रले ७ वटा पालिकामा प्रमुखमा जित निकालेका छन् ।