Category: समाचार

ललितपुर । ललितपुर महानगरपालिकामा ललितपुर महानगरपालिकामा अहिलेसम्म २१ हजार ४२६ मत गणना भएको छ । यसमा नेपाली कांग्रेसका उम्मेदवार चिरिबाबु महर्जन ११ हजार ९२० मतसहित अगाडी छन् । उनी शुरुवाटै अगाडी दिए । उनलाई नेकपा एमालेका उम्मेदवार हरिकृष्ण व्यञ्जनकारले ५ हजार ५७० र राप्रपाका अष्ट महर्जनले ९९८ मतसहित पच्छ्याइरहेका छन् । उपप्रमुखमा भने नेकपा एमालेकी उम्मेदवार मन्जली शाक्यको अग्रता छ ।

उनले ५ हजार ९८३ मत पाउँदा नेकपा माओवादी केन्द्रका बाबुराज बज्राचार्यले ४ हजार ५६६ मतसहित पछ्याइरहेका छन् । स्वर्णिमा शाक्यको पक्षमा १ हजार ८३२ मत परेको छ । ललितपुरमा नेपाली कांग्रेस र नेकपा माओवादी केन्द्रले तालमेल गरेका थिए । कांग्रेसले मेयर र माओवादीले उपमेयर पदमा प्रतिस्पर्धा गरेका छन् । तर उपमेयर पदमा उम्मेदवारी नदिएको कांग्रेसको रुख चिह्नमा ३ हजार २८० परेको छ । जसले गर्दा माओवादीलाई घाटा परेको छ ।

गोखरा । सत्तारुढ दलहरुबीच स्थानीय तहको निर्वाचनमा गठबन्धन गर्ने भनिए पनि मुस्किलले २ सय हाराहारी स्थानीय तहमा मात्र गठबन्धन सम्भव भयो । त्यसबाहेक कुनैमा माओवादी र एमाले मिलेर गठबन्धन गरे भने कुनैमा माओवादी विरुद्ध कांग्रेस र एमालेले गठबन्धन गरे । तर, गोरखामा भने माओवादी केन्द्रले एक्लै चुनाव लडेर उत्कृष्ट पुनरागमन गरेको छ । गोरखाका ११ स्थानीय तहमध्ये ०७४ को स्थानीय चुनावमा नेपाली कांग्रेसले ९ र नेकपा माओवादी केन्द्रले २ वटाको नेतृत्व जितेका कारण यहाँ कांग्रेले माओवादीसँग सिट बाँड्न चाहेन ।

गणना सकिएको सातमध्ये ६ पालिका माओवादी केन्द्रले जितिसकेको छ । गणना भइरहेको गोरखा र पालुङ्टार नगरपालिका पनि माओवादी केन्द्रका उम्मेदवारको अग्रता छ । जुन जित तर्फ निश्चित देखिएको छ । गोरखा नगरपालिकामा माओवादी केन्द्रका उम्मेदवार कृष्णबहादुर रानाले ७,०१२ मत सहित अगाडी छन् । पालुङटारमा माओवादी केन्द्रकै विवश चिन्तन ४,४३२ मतसहित अगाडी छन् । बारपाक सुलिकोट, अजिरकोट, गण्डकी, धार्चे, भीमसेनथापा र शहीद लखन गाउँपालिकामा माओवादी केन्द्रले जितिसकेको छ । चुमनुब्रीमा भने गणना सुरु भएको छैन ।

०७४ को चुनावमा माओवादी केन्द्रले बारपाक र शहीद लखन गाउँपालिका मात्रै जितेको थियो । यसपटक यी दुवै पालिका पनि सुरक्षित गरेको छ । शहीद लखन गाउँपालिकामा माओवादी केन्द्रका रमेशबाबु थापा मगर दोस्रो कार्यकालका लागि अध्यक्षमा निर्वाचित भएका छन् । उनले ५,४७४ मत ल्याएर कांग्रेसका नारायणप्रसाद लामिछानेलाई पराजित गरे । एक हजार बढी अन्तरले पराजित लामिछानेले ४,४३२ मत मात्रै पाए ।

काठमाडौं । काठमाडौंमा महानगरपालिकाको मेयर मेयर पदमा स्वतन्त्र उम्मेदवार बालेन्द्र शाहको मत १५ हजार कटेको छ । बुधबार बिहानको पछिल्लो परिणाम अनुसार शाहले १५ हजार ४०२ मत पाएका छन् । उनी नेकपा एमालेका उम्मेदवार केशव स्थापित भन्दा ७ हजार ११४ मत र नेपाली कांग्रेसकी उम्मेदवार सिर्जना सिंहभन्दा ८ हजार ११२ मत अन्तरले अगाडि छन् ।

स्थापितले ८ हजार २८८ र सिंहले ७ हजार २९० मत पाएको निर्वाचन कार्यालयले जनाएको छ । अहिलेसम्म ३९ हजार ५२० मत गणना सकिएको छ । अहिले वडा नम्बर ३, ४, ६, २९, ३०, ३१ र ३२ को गणना भइरहेको छ ।

काठमाडौं । प्रमुख प्रतिपक्षी नेकपा एमालेले संसदको अवरोध अन्त्य गरेको छ ।

एमाले उपमहासचिव तथा सांसद प्रदीपकुमार ज्ञवालीले त्यसको जानकारी संसद्‍मा गराएका हुन् ।

बजेट अधिवेशनको पहिलो दिन एमालेले संसद अवरोध हटाएको हो । एमालेले २३ भदौदेखि निरन्तर संसद अवरुद्ध गर्दै आएको थियो ।

सरकारले जेठ ७ मा नीति तथा कार्यक्रम ल्याउँदै छ । संयुक्त सदनमा राष्ट्रपति भण्डारीले नीति तथा कार्यक्रम प्रस्तुत गर्नेछिन् ।

जेठ १५ मा सरकारले आउँदो वर्षको विनियोजन विधेयक ल्याउनुपर्ने संवैधानिक व्यवस्था छ । विनियोजन विधेयक ल्याउनुभन्दा १५ दिनअघि नै बजेट तयारीका लागि विनियोजन विधेयकका सिद्धान्त र प्राथमिकता सम्बन्धमा (कर प्रस्तावबाहेक) छलफल गरियोस् भनी अर्थमन्त्रीले प्रस्ताव गर्नुपर्छ ।

काठमाडौं । काठमाडौं महानगरपालिकाको मेयरमा स्वतन्त्र उम्मेदवार बालेन शाहले फराकिलो अग्रतालाई कायमै राखेका छन् ।

पछिल्लो मतपरिणाम अनुसार महानगर प्रमुखका स्वतन्त्र उम्मेदवार बालेन्द्र शाहले ११ हजार ४३४ मतसहित अग्रता लिएका छन् ।

उनका प्रतिस्पर्धी नेकपा एमालेका केशव स्थापित ६ हजार २५८ मत प्राप्त गरेका छन् ।

मेयरमै गठबन्धनको तर्फबाट नेपाली कांग्रेसकी सिर्जना सिंहले ५ हजार ४ सय ८ मत ल्याएकी छिन् ।

यस्तै उपमेयरमा नेकपा एमालेकी सुनिता डंगोलले पनि फराकिलो अग्रतालाई कायमै राखेकी छिन् ।

काठमाडौँमा अहिले ३, ४, ५, ६, ३०, ३१ र ३२ नम्बर वडाको मतगणना भइरहेको छ। वडा नम्बर १ र २ को मतगणना सम्पन्न भइसकेको छ।

काठमाडौँ–१ मा एमालेका भारतलाल श्रेष्ठ र २ मा एमालेकै राजेन्द्रकुमार श्रेष्ठ वडाध्यक्षमा विजयी भइसकेका छन्।

काठमाडौं । धादिङको रुबीभ्याली गाउँपालिकामा गठबन्धनका उम्मेदवारहरु विजयी भएका छन् ।

गठबन्धनको तर्फबाट नेकपा माओवादी केन्द्रका राम सिंह तामाङ गाउँपालिका अध्यक्षमा र नेपाली कांग्रेसका फे लामा तामाङ उपाध्यक्षमा विजयी भएका हुन् ।

जितका लागि राम सिंह तामाङले २ हजार ७ सय ९२ मत ल्याएका थिए भने उनको प्रतिद्वन्दी राप्रपाका गोम्बा घलेले २ हजार ५ सय ९७ मत ल्याएका थिए ।

त्यस्तै उपाध्यक्षमा नेपाली काँग्रेसका उम्मेदवार फेलामा तामाङले २ हजार ९ सय ३ मत प्राप्त गरे भने उनका प्रतिद्धन्द्धि राप्रपाका उम्मेदवार धनकुमारी तामाङले २ हजार १ सय ३२ मत प्राप्त गरे ।

चुनावी तालमेलले यो पटक राप्रपाको गढ भत्काउन सम्भव भएको हो । रुवीभ्यालीमा राप्रपाको हारले राप्रपाको केन्द्रिय उपाध्यक्ष बुद्धिमान तामाङ्लाइ झड्का दिएको छ ।

काठमाडौं । सङ्घीय संसद्को बजेट अधिवेशन आजबाट सुरु हुँदैछ । निर्वाचनका कारण ढिला गरि सुरु हुन लागेको अधिवेशनमा प्रिबजेट छलफल समेत प्रभावित हुने भएको छ । अघिल्ला वर्ष अधिवेशन वैशाख तेस्रो सातासम्म बोलाइसक्ने प्रावधान थियो । मङ्गलबार अपरान्ह ४ बजेबाट संसद्का दुवै सदनको बैठक प्रारम्भ हुनेछ । यस पटक बजेटका प्राथमिकता र सिद्धान्तको छलफल नियम निलम्बन गरेर अघि बढाउने तयारी छ । अधिवेशन प्रारम्भसँगै सरकारका तर्फबाट बजेटको सिद्धान्त र प्राथमिकता पहिलो बैठकमै पेस गर्ने तयारी छ ।

अधिवेशनको पहिलो बैठकमा अध्यादेश पेस हुनेछ । अधिवेशन सिफारिसकै दिन सरकारले दुई अध्यादेश जारी गरेको थियो । औषधि (तेस्रो संशोधन) अध्यादेश र स्वास्थ्यकर्मी तथा स्वास्थ्य संस्थाको सुरक्षासम्बन्धी (पहिलो संशोधन) अध्यादेश जारी भएका थिए । सरकारको सिफारिसमा राष्ट्रपतिले वैशाख २५ गते अध्यादेश जारी गरेकी हुन् ।

अधिवेशनसँगै यस पटक जेठ ४ गतेदेखि बजेटको सिद्धान्त र प्राथमिकतामा छलफल गराउने तयारी छ । मङ्गलबारकै बैठकका सरकारका तर्फबाट अर्थमन्त्री जनार्दन शर्माले प्रस्ताव पेस गर्नेछन् । जेठ ४ र ५ गते छलफल गर्ने तयारी छ । जेठ ७ गते संयुक्त बैठकमा नीति तथा कार्यक्रम पेस गर्ने तयारी गरेको छ । १५ जेठमा बजेट पेश हुने छ ।

काठमाडौं । सोमबार साँझसम्म देशभर भएको मतगणनाका दौरान १९९ स्थानीय तहमा नतिजा सार्वजनिक भएको छ । सार्वजनिक नतिजा अनुसार नेपाली कांग्रेस पहिलो स्थानमा छ । कांग्रेसले देशभरबाट ८९ पालिका प्रमुखमा जित निकालेको छ । कांग्रेसले ९१ उपप्रमुखमा जित हात पारेको छ । दोस्रो स्थानमा एमाले रहेको छ । एमालले ५९ पालिका प्रमुख जितेको छ ।

५८ उपप्रमुखमा एमालेले जित हात पारेको छ । तेस्रो स्थानमा माओवादी केन्द्र रहेको छ । माओवादीले देशभर ४६ पालिका प्रमुख र ४२ पालिका उपप्रमुख पदमा जित निकालेको छ । अग्रताको हिसावले नेपाली कांग्रेस नै पहिलो स्थानमा छ । मतदात भइरहेका पालिकामध्ये कांग्रेस २२० वटामा अगाडी छ । एमाले १३४ र माओवादी ७४ पालिकामा अगाडी रहेका छन् । जसपा नेपाल ३१ र एकिकृत समाजवादी १७ स्थानमा अगाडी रहेका छन् ।

काठमाडौं । नेकपा एमालेका सचिव योगेशकुमार भट्टराईको गृह गाउँपालिकामा नेकपा माओवादी केन्द्रका उम्मेदवार विजयी भएका छन् ।

ताप्लेजुङ मैवाखोला गाउँपालिकाको अध्यक्षमा गठबन्धनका तर्फबाट माओवादीका विजयप्रकाश वनेम (लिम्बू) विजयी भएका हुन् ।

वनेमले २ हजार ४५७ मत ल्याए भने उनका प्रतिद्वन्द्वी नेकपा एमालेका राजन थत्लुङले १ हजार ९३० मत पाए ।

नेपालमा प्रजातन्त्र स्थापना भएपछि यस गाउँपालिकाका तत्कालीन फाकुम्बा गाउँ विकास समिति, साँघु गाउँ विकास समिति र मनन भण्डारीको जन्म थलो समेत रहेको ढुङ्गेसाँघु गाउँ विकास समितिमा ३० वर्षसम्म एमालेले जित्दै आएको थियो ।

उपाध्यक्ष्मा गठबन्धनका तर्फबाट नेपाली कांग्रेसकी कमलकुमारी वनेम २ हजार ३९५ मत ल्याएर विजयी हुँदा प्रतिस्पर्धी एमालेकी १ हजार ९्७५ मत ल्याइन् ।

काठमाडौं । भारतीय प्रधानमन्त्री नरेन्द्र मोदीले आफूलाई नेपाल आउँदा छुट्टै आनन्द आउने बताएका छन् ।

लुम्बिनीमा आयोजित कार्यक्रममा बोल्दै प्रधानमन्त्री मोदीले नेपाल प्राचिन सभ्यताको प्रतिक रहेको भन्दै यहाँ आउँदा आफू अत्यन्तै खुसी हुने बताए ।

मोदीले भगवान गौतम बुद्धको पवित्र जन्मस्थलमा आउने सौभाग्य मिलेको भन्दै खुसी व्यक्त गरे ।

मोदीले पटक–पटक गौतम बुद्ध लुम्बिनीमा जन्मिएको स्मरण गरे ।

‘आजको दिन लुम्बिनीमा सिद्धार्थ गौतमका रुपमा बुद्धको जन्म भयो । यही दिन बुद्धले बोधगयामा ज्ञान प्राप्त गर्नुभयो र त्यही दिन कुशीनगरमा महापरिनिर्वाण हुनु भयो’, मोदीले भने, ‘यो अद्भूत कुरा हो ।’

नेपाल आउँदा आफूलाई अरु राजनीतिक भ्रमण फरक आध्यात्मिक अनुभूति हुने मोदीको भनाइ थियो ।

उनले विगतमा आफूले जनकपुरधाम र मुक्तिनाथको यात्रा गरेको पनि स्मरण गरेका थिए । ‘भारतको राम नेपालविना अधुरो हुनुहुन्छ’, मोदीले भने, ‘हाम्रा धेरै सम्पदा र संस्कृतिहरु साझा छन् ।’ मोदीले भगवान बुद्धको जन्मस्थानमा बेग्लै प्रकारको चेतनाको महसुस हुने बताए ।

काठमाडौं । काठमाडौं महानगरपालिकामा १८ हजार मत गणना भएको छ । १८ हजार मत गणना हुँदा मेयरका स्वतन्त्र उमेदवार बालेन साहले ७ हजार ३३९ मत पाएका छन् ।

एमालेबाट केशव स्थापितले ३ हजार ८३२ मत ल्याउँदा कांग्रेसकी सिर्जना सिंहले ३ हजार ३३५ मत ल्याएकी छिन् ।

काठमाडौं । भरतपुर महानगरपालिका प्रमुखमा नेकपा एमालेका उम्मेदवार विजय सुवेदीले अग्रतालाई फराकिलो पार्दै गएका छन् । १३ हजार ३६४ मत गनिसक्दा सुवेदीले ४ हजार ५५० मत पाएका हुन् ।

उनका निकटतम प्रतिस्पर्धी नेकपा माओवादी केन्द्रकी रेनु दाहालले ४ हजार ४९५ मत पाएकी छन् । दाहालसँग सुवेदीले ५५ मतको अग्रता बनाएका हुन् । यसअघि सार्वजनिक परिणाममा दाहाल र सुवेदीबीचको मतान्तर ३८ थियो ।

काठमाडौं । भक्तपुर नगरपालिका नेपाल मजदुर किसान पार्टीले क्लिनस्वीप गरेको छ । नगर प्रमुख, उपप्रमुख र सबै वडामा नेमकिपाका उम्मेदवार विजयी भएका हुन्।

यसअघि समेत मेयर रहेका सुनिल प्रजापति २९ हजार २५२ मत ल्याउँदै पुन: मेयर निर्वाचित भएका छन्। उनका प्रतिस्पर्धी कांग्रेसका उम्मेदवार राम प्रसाद कासुला २५ हजार ८४५ मतको अन्तरले पछि परे।

कांग्रेसका उम्मेदवार कासुलाले ३ हजार ४०७ मत मात्रै ल्याए। यस्तै, नेकपा एमालेका उम्मेदवार रवीन्द्र लाछिमस्युले २ हजार ८४१ मत ल्याए भने स्वतन्त्र उम्मेदवार सत्य राम त्वायनाले २ हजार ३९९ मत ल्याए।

उपप्रमुखमा पनि नेमकिपाकै रजनी जोशी २९ हजार ७५९ मत ल्याएर विजयी भइन्। उनका प्रतिस्पर्धी नेकपा एमालेकी रञ्जना खर्बुजाले २ हजार ९८८ मत ल्याइन्।

१० वटा वडा रहेको भक्तपुर नगरपालिकाका सबै वडामा नेमकिपाका उम्मेदवार विजयी भएका छन्।

काठमाडौं । स्थानीय तह निर्वाचनमा मतगणनाको काम जारी छ । अहिलेसम्म ७४ स्थानीय तहको अन्तिम नतिजा आइसकेको छ । संकलित विवरण अनुसार नेकपा एमाले र नेपाली कांग्रसले समान २७–२७ स्थानीय तहमा जित निकालेका छन् । उनीहरुलाई माओवादी केन्द्रले पच्छ्याइरहेको छ । माओवादीले १८ केन्द्रमा जित निकालेको छ ।

नेकपा एकीकृत समाजवादीले २ वटामा पालिका प्रमुख जितेको छ । यो विवरण प्रमुख पदको मात्र हो । अहिले सबै महानगरपालिका र उपमहानगर पालिकामा निर्वाध मतगणना जारी छ । काठमाडौंमा स्वतन्त्र उम्मेदवार बालेन साहको अग्रता कायम छ । सोमबार बिहानसम्मको अपडेट अनुसार उनले ६२०७ मत पाउँदा एमालेका केशव स्थापितले ३२४३ र कांग्रेसकी सिर्जना सिंहले २८८५ मत पाएकी छिन् ।

काठमाडौं । स्थानीय तह निर्वाचन भएको स्थानीय तहमा अधिकांश स्थानमा मतगणना जारी रहेको छ । सबै महानगरपालिका र उपमहानगरपालिकासहित देशभर मतगणना जारी रहँदा ठूला दलले अपेक्षित अग्रता लिएका छन् । अहिलेसम्म १५ स्थानीय तह जितेको कांग्रेस अग्रस्थानमा रहेको छ । एमाले र माओवादी केन्द्रले समान १२÷१२ स्थानमा जितेका छन् । एकिकृत समाजवादीले २ स्थानीय तहमा जित्दा अन्य दलले भने जितेका छैनन् ।

यस पटक देशभर स्वतन्त्र उम्मेदवारले भने ठूला दललाई टक्कर दिएको देखिएको छ । काठमाडौंमा बालेन शाहले एमालेका उम्मेदवारविरुद्ध दोब्बरको अग्रता बनाइसकेका छन् । धनगढी उपमहानगरपालिका र जनकपुर उपमहानगरपालिकामा समेत स्वतन्त्र उम्मेवारको अग्रता रहेको छ । देशभर मतगणनाको काम भने निकै सुस्त भइरहेको छ ।

निर्वाचन आयोगले जेठ ५ अगाडि नै मतगणना कार्य सक्ने बताएको थियो। सकेसम्म बढी मतगणना टोली गठन गर्दै छिटो गणना सक्न सघाउन आयोगले आइतवार दिउँसो एक विज्ञप्तिमार्फत् आग्रह गरेको छ। सामान्य मानवीय त्रुटिका विषयलाई अनावश्यक उचालेर विवादको विषय बनाई मतगणना कार्य रोक्ने, हुलहुज्जत गर्ने, नाराबाजी गर्नेू जस्ता काम भएको आयोगले जनाएकोछ ।

आयोगले राजनीतिक दल, उम्मेदवार तथा उम्मेदवारहरूका प्रतिनिधिहरूलाई व्यवस्थित र अनुशासित रहन आग्रहु गर्दै तोकिएकै समयभित्र गणना सक्न सघाउन आग्रह गरेको छ। शुक्रवार १७ जिल्लाका ४४ मतदानस्थलका ८५ मतदान केन्द्रमा निर्वाचन स्थगित भएको थियो। तीमध्ये सप्तरी, कालीकोट र बझाङका केही केन्द्रहरूमा आइतवार मतदान भइरहेको आयोगले जनाएको छ। नेपालमा ७५३ स्थानीय तहमा कुल ३५,२२१ जनप्रतिनिधिका लागि निर्वाचन भएको हो ।

काठमाडौं । सूर्य चिन्हमा छाप राम्रोसँग नलागेको विषयमा विवाद हुँदा स्थगित भएको भरतपुर महानगरको मतगणना पुनः सुरु भएको छ।

उक्त मत बदर गर्ने सहमति भएपछि मतगणना पुनः सुरु भएको हो । मतगणनाको क्रममा एउटा मतपत्रमा स्वस्तिक छापको विषयमा विवाद उत्पन्न भएपछि मतगणना स्थगित भएको थियो ।

भरतपुर–२ को आठ स्थानमा मत गणना भइरहेको बेला विवाद भएपछि मतगणनास्थलमै सर्वदलीय बैठक बसेको हो ।

मतपत्रमा छाप प्रस्ट नभएको भन्दै उम्मेदवारका प्रतिनिधिबीच विवाद भएपछि मतगणना रोकिएको थियो ।

मतगणना अवरुद्ध हुनुअघि ५१ सय ७७ मत गणना सकिएको थियो । जसमा मेयरकी उम्मेदवार रेनु दाहालले १८ सय ६६ मत पाएर अग्रता कायम राखेकी छन् ।

यस्तै, विजय सुवेदीले १८ सय १४ मत पाउँदा स्वतन्त्र उम्मेदवार जगन्नाथ पौडेलले ६ सय १९ मत पाएका छन् ।

काठमाडौं । भरतपुर महानगरपालिकाको मतगणना रोकिएको छ।मतपत्रमा छाप प्रस्ट नभएको मतपत्र बदर र सदर गर्ने विषयमा विवाद भएपछि मतगणना रोकिएको हो।

एमाले प्रतिनिधिहरुले मुख्य निर्वाचन अधिकृत प्रकाश कुमार अधिकारीको निर्णय विरुद्ध आरोप लगाएका छन् । उनले कहिले सदर कहिले बदर भनेमने आरोप लगाएका हुन् ।

पछिल्लो मत परिणामअनुसार माओवादी केन्द्रकी उम्मेदवार रेणु दाहाल प्रतिद्वन्द्वीभन्दा ८० मतले अगाडि छिन्।

४ हजार ८७७ मत गणना हुँदा दाहालले १७ सय २७ मत प्राप्त गरेकी छन् भने उनका निकटम प्रतिद्वन्द्वी नेकपा एमालेका विजय सुवेदीले १६ सय ४७ मत प्राप्त गरेका छन्।

स्वतन्त्र उम्मेदवार जगन्नाथ खतिवडाले ६१९ मत पाएका छन् ।

यस्तै उपमेयरमा काँग्रेसका उम्मेदवार चित्रसेन अधिकारीले भारी मतान्तर बनाएका छन् । उनले २०५० मत पाउँदा राप्रपाकी हिमला गुरुङले १४५१ मत पाएकी छन् ।