Category: समाचार

काठमाडौं । कर्णाली र प्रदेश एकमा आज नयाँ सरकार बन्दैछ । यसअघि दुबै प्रदेशका मूख्यमन्त्रीले सोमबार राजिनामा गरेका थिए । प्रदेश एकमा अल्पमतमा परेपछि भीम आचार्यले पद छाडेका हुन् । कर्णालीमा भने गठबन्धनको सहमतीका आधारमा महेन्द्र बहादुर शाहीले सत्ता छाडेका छन् । कर्णालीका प्रदेश प्रमुख गोविन्दप्रसाद कलौनीले मुख्यमन्त्री महेन्द्रबहादुर शाहीले दिएको राजीनामा स्वीकृत गरी आज बेलुका साढे ७ बजेसम्म मुख्यमन्त्रीमा दाबी गर्न आव्हान गरेका छन् ।

कर्णालीमा अब कांग्रेसको नेतृत्वमा सरकार बन्दैछ । गत बैशाख २ मा कांग्रेस, माओवादी केन्द्र र नेकपा (एकीकृत समाजवादी)बीचको सहमतिअनुसार ६ महिनापछि कांग्रेसलाई नेतृत्व दिने भनिएको थियो । कांग्रेस प्रदेश संसदीय दलका नेता जीवनबहादुर शाही अब मुख्यमन्त्री बन्दैछन् ।

उता, प्रदेश १ मा नेकपा एकीकृत समाजवादीका नेता राजेन्द्र राईले मुख्यमन्त्रीमा दाबी गरेका छन् । प्रदेश प्रमुख सोमनाथ अधिकारी प्यासीले सरकार गठनको आह्वान गरेलगत्तै राईले ४९ सांसदको हस्ताक्षरसहित मुख्यमन्त्रीमा दाबी पेस गरेका हुन् । उनी आजै मूख्य मन्त्री बन्ने र सथप लिने तयारी छ ।

काठमाडौं । एमालेले सबै प्रदेशमा आफ्नो सत्ता गुमाएको छ । सोमबार प्रदेश नं १ को मूख्यमन्त्री पदबाट भीम आचार्यको राजिनामा सँगै एमाले सत्ताबिहिन बन्न पुगेको हो । अल्पमतमा परेसँगै मुख्यमन्त्री भएको ६८ दिनमै प्रदेश १ का मुख्यमन्त्री भीम आचार्यले राजीनामा बुझाउनु परेको छ । यसअघि केन्द्रमा केपी शर्मा ओलीको सरकार हुँदा एमाललले कुल चार जना मुख्यमन्त्री सहित प्रदे्श सरकार हाँकेको थियो । सबै प्रदेशमा ओली समर्थित नेता मूख्यमन्त्री थिए ।

तर, अब भने नेकपा एमाले कुनै पनि प्रदेश नेतृत्वमा रहने छैन । प्रदेश १ मा एमालेबाट मुख्यमन्त्री बनेका शेरधन राई पछि आचार्य पार्टीका तर्फबाट दोस्रो मुख्यमन्त्री बनेका थिए। एमालेले प्रदेश नं २, कर्णाली र सुदुरपश्चिममा बाहेक अन्य प्रदेशमा नेतृत्व गरेको थियो । प्रदेश नं १ गुमाउनु अघि एमालेले बागमती , लुम्बिनी र गण्डकी प्रदेश सरकार गुमाइसकेको छ ।

काठमाडौं । सरकारले संसद अधिवेशन अन्त्य गर्न सिफारिस गरेको छ । बिहीबार बसेको मन्त्रिपरिषद् बैठकले शुक्रबार मध्यरातदेखि अधिवेशन अन्त्यका लागि राष्ट्रपतिसमक्ष सिफारिस गरेको हो । जारी अधिवेशन २३ भदौबाट शुरु भएको हो । यो अधिवेशनका सबै सत्रलाई प्रमुख विपक्षी नेकपा एमालेले अवरोध गरेको छ । अवरोध हुँदाहुँदै पनि सरकारले संसदबाट बजेट भने पास गरेको छ ।

काठमाडौं । बिहीबार प्रतिनिधि सभाको बैठक बस्दैछ । दिउँसो २ बजेका लागि बैठक बोलाइएको छ । संसदमा एमालेले निरन्तर अवरोध गरिरहेको छ । वर्तमान संसदलाई असफल बनाउन प्रयास गरिरहेको एमालले खुलाउने सम्बन्धमा गम्भीर नभएको सत्तारुढ दलका नेताले बताइरहेका छन् । एमाले अध्यक्ष केपी शर्मा ओलीले प्रधानमन्त्री शेर बहादुर देउवासँग संसद खुलाउन पहल समेत लिएका छैनन् । बिहीबारको बैठकमा राष्ट्रिय दलित आयोगको वार्षिक प्रतिवेदन प्रधानमन्त्री शेरबहादुर देउवाले पेश गर्दैछन् ।

काठमाडौं । काठमाडौंको सिंहदरबारभित्र एक राउण्ड गोली चलेको छ । तर, गोली कसैप्रति लक्षित नभई भुलवस चलेको बताइएको छ । प्रहरीका अनुसार बुधबार दिउँसो राष्ट्रियसभाकी उपाध्यक्ष शशिकला दाहालकी पीएसओ अनुपमा भारतीले बोकेको पेस्तोलबाट गोली चलेको हो । गोली टेबुलमा लागेका कारण कसैमाथि क्षति हुन नपाएको स्रोतको भनाई छ । संसद सचिवालयमा पेस्तोलको दर्ता नम्बर टिपाउने क्रममा झुक्किएर गोली चलेको हुन सक्ने बताइएको छ । घटनाबारे अनुसन्धान भइरहेको प्रहरीको भनाई छ ।

काठमाडौं । बागमती प्रदेशकी मुख्यमन्त्री अष्टलक्ष्मी शाक्यले राजीनामा गरेकी छिन् । बुधबार प्रदेशसभा बैठकलाई सम्बोधन गरेकी उनले संविधानको धारा १६९ को उपधारा १ (क) अनुसार अर्को सरकार गठनका लागि मार्ग प्रशस्त गरेको उल्लेख गरिन् । बागमती प्रदेशकी मूख्यमन्त्री अष्टलक्ष्मी शाक्यले राजीनामा गरेसङ्गै बागमती प्रदेश सरकार रिक्त भएको छ ।  मुख्यमन्त्री अष्टलक्ष्मी शाक्यले अहिले प्रदेश सभामा सम्बोधन गरेकि थिइन् । उनले सोही सम्बोधनमार्फत राजीनामा घोषणा गरिन। प्रदेशसभामा उनले राखेको विश्वासको मतसम्बन्धी प्रस्तावमा मतदान हुने दिन राजीनामा घोषणा गरेकि हुन् ।  शाक्य बागमती प्रदेशमा एकल बहुमतमा रहेको दलको नेताको रुपमा भदौ २ गते मुख्यमन्त्री नियुक्त भएकी थिइन् । तर उनको दल नेकपा एमाले विभाजित भई नेकपा (एकीकृत समाजवादी) बनेपछि उनले संविधानअनुसार एक महिनाभित्र विश्वासको मत लिनुपर्ने अवस्था आएको हो ।

काठमाडौं । प्रधानमन्त्री एवम् नेपाली काँग्रेस सभापति शेरबहादुर देउवाले जारी चौधौं महाधिवेशन पूर्वनिर्धारित कार्यतालिका अनुरुप मङ्सिर महिना भित्रै सक्न पार्टी पंक्तिलाई निर्देशन दिएका छन् । मंगलबार सिंहदरबारस्थित काँग्रेसको संसदीय कार्यालयमा पार्टीको पदाधिकारी र केन्द्रीय निर्वाचन समितिबीच भएको बैठकमा सभापति देउवाले मंसिरमै महाधिवेशन सम्पन्न गर्नेगरी कार्यक्रमहरु अगाडि बढाउन निर्देशन दिए । महाधिवेशनको मिति पछाडि सर्नेभन्दा पनि मंसिर ९ देखि १३ गतेसम्म चौधौं महाधिवेशन सम्पन्न गरिसक्नुपर्नेमा सभापतिले जोड दिएको नेताहरुले जनाएका छन् । सभापति देउवामाथि महाधिवेशन सार्न खोजेको आरोप लाग्दै आएको समयमा उनले यस्तो निर्देशन दिएका हुन् ।