Category: समाचार

काठमाडौं । आज नेकपा (एमाले)ले देशभर पालिका अधिवेशन सकाउने भएको छ । दशौँ राष्ट्रिय महाधिवेशनको तयारीमा रहेको एमालले आज देशैभर पालिका अधिवेशन गर्न लागेको हो । पूर्वनिर्धारित कार्यतालिका अनुसार मंगलबार देशभरका गाउँपालिका र नगरपालिकामा अधिवेशन हुने एमालेले जानकारी गराएको छ । अधिवेशनको दिउँसो १ बजे पार्टी अध्यक्ष केपी शर्मा ओलीले थापाथलिस्थित पार्टी कार्यालयको वार रुमबाट भर्चुअल माध्यमबाट उद्घाटन गर्ने भएका छन् ।

केही जिल्लामा भने प्राविधिक कारण देखाउँदै पालिका अधिवेश सारिएको छ । बाढीपहिरो प्रभावित केही जिल्लाहरूमा पनि आज अधिवेशन हुन नसक्ने सम्बन्धित जिल्ला कमिटीले बताएका छन् । एमालेले यसअघि कात्तिक ६ गते वडा र ९ गते पालिका अधिवेशन गर्ने निर्णय गरेको थियो । जसअनुसार ६ गते वडा अधिवेशन सम्पन्न भइसकेकोछ ।

काठमाडौं । प्रधानमन्त्री शेरबहादुर देउवाले निर्वाचन आयोगका पदाधिकारीहरूसँग छलफल गरेका छन् । सोमबार दिउँसो देउवा र प्रमुख निर्वाचन आयुक्त दिनेश थपलियाको नेतृत्वमा आयोगका पदाधिकारीहरूबीच आगामी स्थानीय चुनाव लगायतका विषयमा छलफल भएको हो ।

छलफलका क्रममा आयोगले सरकारसँग मतदाता नामावली व्यवस्थापन शीर्षकमा ३० करोड रुपैयाँ माग गरेको छ । स्थानीय तह निर्वाचनको मिति नजिकिँदै जाँदा आयोगले मतदाता नामावली व्यवस्थापन गर्ने प्रयोजनका लागि ३० करोड रुपैयाँ माग गरेको हो ।

त्यस्तै आयोगले आगामी चैत ५ गतेभित्र स्थानीय तहको चुनाव गर्न सरकारसँग सिफारिस गरेको छ । स्थानीय तहका सम्पूर्ण पदाधिकारीको कार्यकाल आगामी जेठ ५ गते सकिँदैछ । त्यसैगरि आयोगले अब नयाँ कानुनअनुसार चुनाव गर्ने समेत प्रस्ताव गरेको छ । त्यसका लागि विभिन्न ९ वटा कानुनलाई ३ वटा कानुनमा समेटेर कानुन परिमार्जन गर्नेगरी ड्राफ्ट तयार पार्ने प्रक्रिया सुरु भएको आयोगले जनाएको छ ।

प्रधानमन्त्री देउवासँग छलफल गर्न थपलियाको नेतृत्वमा आयोगका पदाधिकारीहरू सिंहदरबार पुगेका थिए । पदाधिकारीहरूले चुनावका लागि भइरहेको तयारी र आयोगका आवश्यकताहरूबारे प्रधानमन्त्रीलाई ब्रिफिङ गरेका थिए ।

काठमाडौं । पछिल्लो २४ घण्टामा देशभर ७७६ जनामा कोरोना संक्रमण पुष्टी भएको छ ।

स्वास्थ्य तथा जनसंख्या मन्त्रालयका अनुसार ८ हजार २८४ जनाको पीसीआर परीक्षण गर्दा ६७३ जना र २५८० जनाको एन्टिजेन परीक्षण गर्दा १०३ जना गरी ७७६ जनामा कोरोना भाइरसको संक्रमण देखिएको हो ।

योसँगै नेपालमा कोरोना संक्रमितको संख्या ८ लाख ९ हजार ७२९ जना पुगेको छ ।

पछिल्लो २४ घण्टामा ५०१ जना संक्रमण मुक्त भएका छन् । यो सहित संक्रमण मुक्त हुनेको संख्या ७ लाख ८८ हजार ८ पुगेको छ । संक्रिय संक्रमितको संख्या १० हजार ३६० रहेको छ ।

पछिल्लो २४ घण्टामा १३ जना संक्रमितको मृत्यु भएको छ । यो सहित नेपालमा कोरोना मृत्यु हुनेको संख्या ११ हजार ३ सय ६१ पुगेको छ ।

काठमाडौं । पछिल्लो २४ घण्टामा देशभर ५५७ जनामा कोरोना संक्रमण पुष्टी भएको छ ।

स्वास्थ्य तथा जनसंख्या मन्त्रालयका अनुसार ६ हजार ६१ जनाको पीसीआर परीक्षण गर्दा ५५२ जना र ५६४ जनाको एन्टिजेन परीक्षण गर्दा ३५ जना गरी ५५७ जनामा कोरोना भाइरसको संक्रमण देखिएको हो ।

योसँगै नेपालमा कोरोना संक्रमितको संख्या ८ लाख ९ हजार ५६ जना पुगेको छ ।

पछिल्लो २४ घण्टामा ८७७ जना संक्रमण मुक्त भएका छन् । यो सहित संक्रमण मुक्त हुनेको संख्या ७ लाख ८७ हजार ५०७ पुगेको छ । संक्रिय संक्रमितको संख्या १० हजार २०१ रहेको छ ।

पछिल्लो २४ घण्टामा ३ जना संक्रमितको मृत्यु भएको छ । यो सहित नेपालमा कोरोना मृत्यु हुनेको संख्या ११ हजार ३ सय ४८ पुगेको छ ।

गजुरी । धादिङको गजुरीमा एक यात्री बसमा आगलागी भएको छ । सुर्खेतबाट काठमाडौं आउँदै गरेको बसमा आगलागी भएको प्रहरीले जनाएको छ । आगलागीबाट मानवीय क्षति भने हुन पाएन । प्रहरीका अनुसार ना ६ ख १४७१ नम्बरको यात्रु बसमा आइतबार बिहान २ बजे आगलागी भएको हो । गजुरी बजारमा गुडिरहेक समयमा एक्कली आगो बलेको जनाइएको छ । बस भने पूर्णरुपमा जलेको छ । बसमा आगो लागेसँगै रोकेर यात्रु झारिएको थियो । यात्रुका सामान भने जलेका छन् । बसमा आगो लाग्नुको कारण खुलेको छैन ।

काठमाडौं । नेकपा एमालेमा १० बुँदे सहमति कार्यान्वयनका सम्बन्धमा पुनः विवाद चर्किएको छ । सो प्रयोजनका लागि गठित कार्यदलबाट उपाध्यक्ष भीम रावलले राजीनामा दिएसँगै विवाद सतहमा आएको हो । रावलले शुक्रबार स्थायी कमिटी बैठकमा १० बुँदे सहमति कार्यान्वयन नभएको भन्दै राजीनामा दिएका हुन् । पार्टी अध्यक्ष केपी शर्मा ओली १० बुँदे सहमति कार्यान्वयन गर्ने अग्रसर नभएको उनको आरोप छ ।

कार्यदलमा भएको छलफल र पार्टीले गरेको निर्णयसमेत मान्य नहुने भएपछि त्यो कार्यदलमा बसिरहनुको कुनै औचित्य नहुने उनको तर्क थियो । स्थायी कमिटी बैठकमा रावलले १० बुँदे सहमतिका विषयमा फरक मत पनि राखेका छन् । उनले स्थायी कमिटीले दुई जना नेतालाई केन्द्रीय कमिटी सदस्य मनोनित गरेकामा पनि असहमति जनाएको नेताहरुले जनाएका छन् ।

काठमाडौं । पछिल्लो २४ घण्टामा देशभर ७०८ जनामा कोरोना संक्रमण पुष्टी भएको छ ।

स्वास्थ्य तथा जनसंख्या मन्त्रालयका अनुसार ७ हजार २५३ पीसीआर परीक्षण गर्दा ५७४ जना र २१२३ एन्टिजेन परीक्षण गर्दा १३४ गरी ७०८ जनामा कोरोना भाइरसको संक्रमण देखिएको हो ।

योसँगै नेपालमा कोरोना संक्रमितको संख्या ८ लाख ८ हजार ९६ जना पुगेको छ ।

पछिल्लो २४ घण्टामा ९३२ जना संक्रमण मुक्त भएका छन् । यो सहित संक्रमण मुक्त हुनेको संख्या ७ लाख ८५ हजार ८१३ पुगेको छ । संक्रिय संक्रमितको संख्या १० हजार ९४६ रहेको छ ।

पछिल्लो २४ घण्टामा ११ जना संक्रमितको मृत्यु भएको छ । यो सहित नेपालमा कोरोना मृत्यु हुनेको संख्या ११ हजार ३ सय ३७ पुगेको छ ।

काठमाडौं । पूर्व न्यायाधीश फोरम, नेपालले प्रधानन्यायाधीश चाेलेन्द्र समसेर जबराको भूमिकामाथि प्रश्न खडा भएको बताएको छ । पूर्व न्यायाधीशहरुको फोरमले शुक्रबार एक विज्ञप्ति जारी गर्दै प्रधानन्यायाधीशको कामले प्रश्न खडा गरेको बताएको हो ।

‘संवैधानिक प्रावधान भन्दा माथि रहेको प्राकृतिक न्याको सिद्धान्तको परिपालना गर्नुको सट्टा न्यायाधीश विपक्षी बनाइएको मुद्दामा आफैं न्यायकर्ता हुनेगरी संवैधानिक इजलासमा प्रधानन्यायाधीश आफैं सामेल हुने अभिरुची र प्रयासले सम्पूर्ण न्यायिक मूल्य र मान्यता समाप्त हुने गम्भीर खतरा उत्पन्न हुनुका साथै प्रधानन्यायाधीशको भूमिका उपर नै यथार्थ परक रुपमा शंका खडा भएको छ ’, विज्ञप्तिमा भनिएको छ ।

साथै विज्ञप्तिमा संवैधानिक परिषद् सम्बन्धी विवाद सुनुवाइका लागि भाद्र ११ गते गठित संवैधानिक इजलासमा विपक्षी बनाइएका प्रधानन्यायाधीशको उपस्थितिबारे रिट निवेदनबाट प्राकृतिक न्यायको सिद्धान्तको पूर्ण पालनाको माग गरिरहँदा पनि प्रधानन्यायधीशबाट लिखित आदेश नहुनु र अर्को दिनको सुनुवाईमा आफू अनुपस्थित हुने भनी मौखिक जानकारी मात्र गराइनुले अदालती प्रक्रिया र पद्धतिको बेवास्ता गरिरहेको आरोप लगाइएको छ ।

‘मुलुकको न्यायाधिक प्रक्रियालाई संविधान र कानून बमोजिम व्यवस्थित गराउने अन्तिम जिम्मेवारी बोकेको प्रधानन्यायाधीबाट नै कार्यविधि कानूनको उल्लंघन हुनुले न्यायापालिकाको वर्तमान र भविष्यप्रति गहिरो चिन्ता बढाएको छ,’ विज्ञप्तिमा भनिएको छ ।

काठमाडौं । पूर्व प्रधानमन्त्री एवं नेकपा (माओवादी केन्द्र)का अध्यक्ष पुष्पकमल दाहाल प्रचण्ड पारिवारिक भ्रमणका क्रममा धुलिखेल पुगेर जिपलाइन गरेका छन् ।

नाति नातिनी सहित पुगेका प्रचण्ड आफैले क्लासिक जिपलाइनको अनुभव लिएका हुन् ।

सहासिक गतिविधिमा आफुलाई रुचि लाग्ने बताउँदै प्रचण्डले आफुले जिपलाइनको निक्कै मज्जा लिएको बताए । पारिवारिक घुमघाममा यस्ता गतिविधि गर्दा अझै रमाइलो भएको प्रचण्डको भनाइ छ ।

सिन्धुपाल्चोकका केदार थापा र काठमाडौका भुपेश श्रेष्ठले वल्ड वाइड एड्भेन्चर प्रा. लि. मार्फत धुलिखेल जिप लाइन, रिसोर्ट र एडभेन्चर पार्क सन्चालनमा ल्याएका छन् ।

जिपलाइनको टेक अफ (थाक्लेडाँडा, धुलिखेल) देखि ल्यान्डिङ स्टेसन (खावा, पाँचखाल) सम्मको जिपलाइन दुरी ११ सय मीटर रहेको छ । भर्टिकल ड्रप दुई सय ४० फीट रहेको जिपलाइन ७० किलोमीटर प्रति घण्टाको औसत गतिमा पार हुन्छ।

काठमाडौबाट करिब ३५ किलोमीटर दुरिमा रहेको जिपलाइन २०७५ फागुनदेखि व्यवसायिक रुपमा सुरु भएको हो। धुलिखेलस्थित थाक्लेडाँडाबाट टेक अफ भई खावा, पाँचखालमा जिप लाइनको ल्याण्डिङ स्टेसन छ। क्लासिक, सुपरम्यान र टेन्डम (जोडी) गरि ३ प्रकारका जिपलाइन खेल्न पाइन्छ।

खावास्थित ‘ल्यान्डिङ स्टेसन’मा ८ फरक एडभेन्चर कोर्स सहित एडभेन्चर पार्क छन् । त्यहाँबाट लाङटाङ, दोर्जेलाक्पा, फूर्बीच्याचू लगायताका हिमाल समेत अवलोकन गर्न सकिनेछ ।

काठमाडौं । कार्तिक महिनाको २ गते यता लगातार २ दिन पानी पर्दा १२ स्थानमा सडक पहिरो गएको छ । सडकमा पहिरो जाँदा पूर्वदेखि पश्चिम सबैतिरका सडक हाल अवरुद्ध अवस्थामा रहेका छन् । केही सडक खुल्ने अनिश्चत रहेको छ । केही सडकहरु २/४ दिनमा खुलाउने सडक विभागले जनाएको छ ।

लगातार परिरहेको पानीले सिद्धार्थ राजमार्ग अन्तर्गत स्याङजाको भालु पहाडमा पहिरो गएको छ । उक्त सडक खण्डमा बिहीबार बिहान पहिरो जाँदा बेलहिया–भैरहवा–ब्टवल–बर्तुङ–राम्दी–स्याङ्जा–पाखेरा सडक खण्डको यात्रा अबरुद्ध हुन पुगेको छ ।

पुष्पलाल राजमार्ग अन्तर्गत सिन्धुलीको सुर्कोट घुर्मी खण्डको अक्करे भिर तथा सोखु खोलामा पहिरो गएको छ । कार्तिक २ गते मंगलबारदेखि पहिरोका कारण बन्द सडक अझै सञ्चालनमा ल्याउन सकिएको छैन ।

पुष्पलाल राजमर्गको ओखलढुंगाको हिलेपानी जयराम घाट हलेसीमा समेत लगातार वर्षाका कारण पहिरोले सडक बन्द अवस्थामा रहेको छ ।

यस्तै, धनगढी–सहजपुर–वुडर–स्याउले, सतबाँझ–थाकतोली–दार्चुला–टिङ्कर दार्चुला बोडरको ३ किलोमिटर पर किम्तडीमा पहिरो गएको हो । कार्तिक २ गतेबाट बन्द अवस्थामा रहेको उक्त सडक खण्ड खुल्न अझै ३ दिन समय लाग्ने अनुमान गरिएको छ ।

बझाङको खोड्पे–चैनपुर सडक खण्डमा जालिबगर नारुगाडमा पहिरो गएर सडक बन्द भएको छ । उक्त सडक खुलाउन २० दिन जति लाग्ने अनुमान गरिएको छ । सो सडक बन्द भएको ३ दिन भइसकेको छ ।

लगातार वर्षाका कारण धनकुटाको लेउती खोलामा समेत पहिरो गएको छ । ७ गते लगातार वर्षापछि पहिरो गएको सो सडक ३ दिनभित्र सञ्चालनमा आउने अनुमान गरिएको छ । उक्त सडक बन्द हुँदा रानी–विराटनगर–इँटहरी–धरान–धनकुटा–हिले, लेघुवाघाट–तुम्लिङ्टार–खाँदवारी–नुम–किमाथाङ्का सडक खण्डका यात्रुहरु बाटोमै रोकिएका छन् ।

यस्तै कार्तिक २ गते प्युठानको गनाहा चकचके खण्डमा पहिरो गएर सडक खण्ड बन्द रहेको छ । भालुवाङ–लिवाङ–रोल्पा–माडीचौर–दारबोट खण्डका सडकहरु हाल अवरोध रहेका छन् । हालसम्म उक्त सडक खुल्ला गर्ने अनिश्चित रहेको सडक विभागले जनाएको छ ।

सल्यानको अरिंग्लेफेदीमा पहिरो गएर सडक बन्द अवस्थामा रहेको छ । २ गते वर्षापछि बन्द रहेको उक्त पहिरोले अमेलिया–तुल्सिपुर–शितलपाटी–थारमारे–मुसीकोट सडकका यात्रुहरु बाटोमै बिच्ल्लीमा परेका छन् । उक्त सडक ३ दिनभित्र खुल्ने अनुमान गरिएको छ ।

मनाङको बेंशीसहर–चामे सडकको खात्रो, निगालाघारी र दानाक्युमा पहिरो गएको छ । उक्त स्थानमा कार्तिक २ गते लगातार पानी परेपछि पहिरो गएर सडक बन्द भएको हो । उक्त सडक ४ दिनभित्र खुल्ने अनुमान गरिएको छ ।

सिन्धुलीको कमेरे फांटमा कार्तिक २ गते पहिरो गएर सडक बन्द भएको छ । उक्त खण्डमा २ दिन भित्र सडक खुल्लाउने अनुमान गरिएको छ । उक्त पहिरोले विपी राजमार्ग अन्तर्गको वर्दिवास–सिन्धुली–खर्कोट–धुलिखेल सडक खण्ड अवरोध गरेको छ ।

कालिकोटको हुल्म, शेरिघाट, मोल्फा, पिली, राँचुलीमा पहिरो गएको छ । कार्तिक २ गते गएको पहिरोले सुर्खेत तल्लो हुङगेश्वर–सातखम्बा–दुल्लु–पिलकोट–खुलालु–मान्मा–नाग्मा–जुम्ला सडक खण्डको यात्रा अवरोद गरेको छ । उत्त, सडक ३ दिन भित्र खुल्ला गर्ने अनुमान गरिएको छ ।

चालु आर्थिक वर्षमा कुल २३९ सडकहरुमा बाढी, पहिरोले सडक अवरुद्ध भएका छन् । सो मध्ये ८ वटा सडक पूर्ण अवरुद्ध अवस्थामा रहेका छन् । १३३ सडक खण्डहरुमा एकतर्फी सडक सुचारु गरिएको सडक विभागले जनाएको छ । ९८ वटा सडकमा भने दुवैतर्फ सडक सुचारु गरिएको छ ।

काठमाडौं । नेकपा (माओवादी केन्द्र) ले ३३ वटा विभाग, सम्पर्क समिति र नीति प्रतिष्ठान गठन गरेको छ।

बिहीवार पेरिसडाँडामा बसेको बैठकले ३३ वटा केन्द्रीय विभागलाई पूर्णता दिँदै ३५ सदस्य रहने गरि विभागका प्रमुख चयन गरेको हो ।

प्रवक्ता कृष्णबहादुर महराका अनुसार विभागबाहेक एउटा नीति अध्ययन प्रतिष्ठान गठन भएको छ । त्यसको प्रमुख रामचन्द्र झा छन् भने स्कूल विभागको इन्चार्जमा अध्यक्ष प्रचण्ड आफैं छन् ।

पूर्व सभामुख महराले राष्ट्रिय सुरक्षा विभाग र प्रचार तथा प्रकाशन विभागको जिम्मेवारी पाएका छन्।

माओवादीका विभाग प्रमुखहरू :

सम्पर्क समिति : डिलाराम आचार्य

नीति अध्ययन प्रतिष्ठान : रामचन्द्र झा

अर्थ तथा योजना विभाग : वर्षमान पुन

सङ्गठन विभाग : जनार्दन शर्मा

विदेश मामिला विभाग : नारायणकाजी श्रेष्ठ

प्रचार तथा प्रकाशन विभाग : कृष्णबहादुर महरा

विपद् व्यवस्थापन विभाग : सूर्य सुवेदी (प्रस्तावित)

उद्योग मामिला विभाग : वामदेव क्षेत्री

कृषि तथा भूमिसुधार विभाग : हरिबोल गजुरेल

उपभोक्ता हित संरक्षण विभाग : मातृका यादव

कोष तथा आर्थिक विभाग : डोरप्रसाद उपाध्याय

खानेपानी विभाग : विना मगर

जलस्रोत तथा ऊर्जा विभाग : लीलामणि पोखरेल

निर्वाचन विभाग : खिमलाल देवकोटा

कानून विभाग : मुक्तिनारायण प्रधान

पर्यटन विभाग : झक्कुप्रसाद सुवेदी

प्रादेशिक मामिला विभाग : पर्शुराम तामाङ

पार्टी स्कूल विभाग : गिरिराजमणि पोखरेल

पुस्तकालय तथा अभिलेख विभाग : नारायणप्रसाद शर्मा

भौतिक पूर्वाधार विभाग : हरि अधिकारी

युवा तथा खेलकुद विभाग : गणेशमान पुन

राजकीय मामिला विभाग : रेखा शर्मा

राष्ट्रिय सुरक्षा विभाग : कृष्णबहादुर महरा

वन तथा वातावरण विभाग : शक्तिबहादुर बस्नेत

विज्ञान तथा प्रविधि विभाग : गणेशप्रसाद साह

शिक्षा तथा मानवस्रोत विभाग : मायाप्रसाद शर्मा

श्रम तथा रोजगार विभाग : रामेश्वर राय यादव

संघीय संसदीय विभाग : देवप्रसाद गुरुङ

समाज कल्याण विभाग : सत्या पहाडी

सहकारी तथा गरिबी विभाग : धर्मदत्त देवकोटा

शहरी विकास विभाग : देवेन्द्र पौडेल

सामान्य प्रशासन विभाग : टेकबहादुर बस्नेत

साहित्य तथा कला विभाग : गोपाल ठाकुर

स्थानीय तह विभाग : उर्मिला अर्याल

स्वास्थ्य तथा जनसङ्ख्या विभाग : कल्पना धमला

काठमाडौं । सरकारले अविरल वर्षाका कारण गएको बाढी तथा पहिरोमा परी घर भत्केकाका परिवारलाई तत्काल प्रतिधुरी ५० हजार दिने निर्णय गरेको छ ।

बुधबार प्रधानमन्त्री तथा मन्त्रिपरिषद् कार्यालयमा बसेको विपद् जोखिम न्यूनीकरण तथा व्यवस्थापन राष्ट्रिय परिषद्को बैठकले सो निर्णय गरेको राष्ट्रिय विपद जोखिम न्यूनीकरण तथा व्यवस्थापन प्राधिकरणका कार्यकारी प्रमुख अनिल पोखरेलले जानकारी दिए ।

उनका अनुसार अहिलेसम्म विभिन्न जिल्लामा २० घर भत्केका तथ्यांक प्राप्त भएको छ । यस्तै उद्धार र राहतका लागि राज्यका सम्पूर्ण संयन्त्र परिचालन गर्ने निर्णय भएको पनि पोखरेलले बताए ।

यस्तै अन्य कृषिबालीलगायतका क्षतीका सन्दर्भमा आवश्यक अध्ययन गरेर त्यसका आधारमा क्षतिपूर्ति दिने निर्णय भएको छ । त्यसका लागि कृषि मन्त्रालयको संयोजकत्वमा देशभर भएका क्षतिको लकत संकलन गरिनेछ ।

यस्तै प्रधानमन्त्री पनि बाढी पहिरो प्रभावित क्षेत्रको अवलोकनमा जाने तय भएको पोखरेलले बताए ।