Category: समाचार

काठमाडौं । पछिल्लो २४ घण्टामा देशभर ७६४ जनामा कोरोना संक्रमण पुष्टी भएको छ ।

स्वास्थ्य तथा जनसंख्या मन्त्रालयका अनुसार ९ हजार ४ सय ६६ पीसीआर परीक्षण गर्दा ७१५ जना र १ हजार २२२ एन्टिजेन परीक्षण गर्दा ४९ जना गरी ७६४ जनामा कोरोना भाइरसको संक्रमण भाइरस संक्रमण पुष्टि भएको हो ।

योसँगै नेपालमा कोरोना संक्रमितको संख्या ८ लाख ९९७ जना पुगेको छ ।

पछिल्लो २४ घण्टामा १०३३ जना संक्रमण मुक्त भएका छन् । यो सहित संक्रमण मुक्त हुनेको संख्या ७ लाख ७४ हजार १७३ पुगेको छ । संक्रिय संक्रमितको संख्या १५ हजार ८१४ रहेको छ ।

पछिल्लो २४ घण्टामा १० जना संक्रमितको मृत्यु भएको छ । यो सहित नेपालमा कोरोना मृत्यु हुनेको संख्या ११ हजार २ सय १० पुगेको छ ।

काठमाडौं । सहरी विकासमन्त्रीको जिम्मेवारी नेकपा (एकीकृत समाजवादी) पार्टीका तर्फबाट रामकुमारी झाँक्रीको काँधमा आइपुगेको छ ।

झाँक्रीलाई कांग्रेस सभापति शेरबहादुर नेतृत्वको मन्त्रिमण्डलमा यो जिम्मेवारी दिइएको हो ।

त्यस्तै २०४८ सालदेखि निरन्तर प्रतिनिधि सभा निर्वाचित बन्दै आएका विरोध खतिवडा स्वास्थ्य तथा जनसंख्या मन्त्री बनेका छन् । कांग्रेस सभापति शेरबहादुर नेतृत्वको गठबन्धनको सरकारमा नेकपा (एकीकृत समाजवादी) कातर्फबाट उनी स्वास्थ्यमन्त्री बनेका हुन् ।

कानुन व्यवसायको पृष्ठभूमिका खतिवडाले स्वास्थ्य क्षेत्रमा नेतृत्वदायी भूमिकामा बसेर अनुभव लिइसकेका छन् ।

प्रतिनिधि सभाको शिक्षा स्वास्थ्य जनसंख्या तथा श्रम समिति सभापति भएका थिए ।

गत वर्ष आफ्नै पार्टी ९तत्कालीन नेकपा० सत्ता हुँदा स्वास्थ्य सामग्री खरिद घोटा प्रकरणबारे सार्वजनिक लेखा समितिका सदस्यका रुपमा खतिवडाले अनियमितताबारे चर्को बहस गरेर चर्चामा आएका थिए ।

काठमाडौं । प्रधानमन्त्री शेरबहादुर देउवाले उद्योग वाणिज्य तथा आपूर्ति मन्त्रालयको जिम्मेवारी गजेन्द्र हमाललाई दिएका छन् ।

सरकार गठन भएको ८८औं दिनमा मन्त्रिपरिषद् विस्तार गर्दै देउवाले गैरसांसद हमाललाई उद्योग वाणिज्य तथा आपूर्ति मन्त्रालयको जिम्मेवारी दिएका हुन् ।

देउवाले आपूर्तिमन्त्रीको जिम्मेवारी दिएका हमाल प्रधानन्यायाधीश चोलेन्द्र शमशेर जवराका आफन्त (जेठान) हुन् । यसअघि प्रधानन्यायाधीशले मन्त्रीमा कोटा मागेको भन्दै हमालको नाम चर्चामा आएपछि बार र बेन्चबीच यस विषयमा तनाव समेत भएको थियो । सर्वोच्च अदालतले मन्त्रीमा कोटा नमागेको भन्दै विज्ञप्ति समेत जारी गरेर उक्त समाचार पुष्टि गर्न चुनौती दिएको थियो ।

त्यस्तै प्रधानन्यायाधीश जबराले हमाल काँग्रेसको नेता भएको हुनाले उनी मन्त्री हुनुमा आफ्नो हात नरहने धारणा सर्वोच्च बारसँगको बैठकमा राखेका थिए । तर प्रधानन्यायाधीशले सरकारमा कोटा मागेको आशंकालाई गैरसांसद हमालको नियुक्तिले सही सावित गरिदिएको छ ।

शेरबहादुर देउवा : प्रधानमन्त्री

बालकृष्ण खाँण, मन्त्री : गृह

ज्ञानेन्द्रबहादुर कार्की, मन्त्री : सञ्चार तथा सूचना प्रविधि

पम्फा भुसाल, मन्त्री : ऊर्जा, जलस्रोत तथा सिंचाइ

राजेन्द्रप्रसाद श्रेष्ठ, मन्त्री : संघीय मामिला तथा सामान्य प्रशासन

विरोध खतिवडा, मन्त्री : स्वास्थ्य तथा जनसंख्या

जनार्दन शर्मा, मन्त्री : अर्थ

मीनेन्द्रप्रसाद रिजाल, मन्त्री : रक्षा

उमाकान्त चौधरी, मन्त्री : खानेपानी

नारायण खड्का, मन्त्री : परराष्ट्र

रेनुकुमारी यादव, मन्त्री : भौतिक पूर्वाधार तथा यातायात

प्रेमबहादुर आले, मन्त्री : संस्कृति, पर्यटन तथा नागरिक उड्डयन

दिलेन्द्रप्रसाद बडू, मन्त्री : कानुन, न्याय तथा संसदीय मामिला

देवेन्द्र पौडेल, मन्त्री : शिक्षा, विज्ञान तथा प्रविधि

महिन्द्र राय यादव, मन्त्री : कृषि तथा पशुपन्छी विकास

उमा रेग्मी, मन्त्री : महिला, बालबालिका तथा ज्येष्ठ नागरिक

शशी श्रेष्ठ, मन्त्री : भूमि व्यवस्था, सहकारी तथा गरिबी निवारण

रामकुमारी झाँक्री, मन्त्री : सहरी विकास

गजेन्द्रबहादुर हमाल, मन्त्री : उद्योग, वाणिज्य तथा आपूर्ति

रामसहाय प्रसाद यादव, मन्त्री : वन तथा वातावरण

कृष्णकुमार श्रेष्ठ, मन्त्री : श्रम, रोजगार तथा सामाजिक सुरक्षा

महेश्वरजंग गहतराज, मन्त्री : युवा तथा खेलकुद

उमेश श्रेष्ठ, राज्यमन्त्री : प्रधानमन्त्री तथा मन्त्रिपरिषद्को कार्यालय

भवानीप्रसाद खापुङ, राज्यमन्त्री : स्वास्थ्य तथा जनसंख्या

बोधमायाकुमारी यादव, राज्यमन्त्री : शिक्षा, विज्ञान तथा प्रविधि

काठमाडौं । प्रमुख प्रतिपक्षी दल नेकपा एमालेको अवरोधकाबीच प्रतिनिधि सभाको बैठकले संघीय निजामति सेवा विधेयक, २०७५ फिर्ता लिने प्रस्ताव बहुमतले स्वीकृत गरेको छ ।

शुक्रबार बसेको प्रतिनिधि सभाको बैठकले सो विधेयक फिर्ता लिने प्रस्तावलाई बहुमतले स्वीकृत गरेको हो ।

प्रधानमन्त्रीका शेरबहादुर देउवाको तर्फबाट कानुनमन्त्री ज्ञानेन्द्रबहादुर कार्कीले बैठकमा उक्त विधेयक फिर्ता लिने प्रस्ताव प्रस्तुत गरेका थिए ।

काठमाडौं । पछिल्लो २४ घण्टामा देशभर ८०५ जनामा कोरोना संक्रमण पुष्टी भएको छ ।

स्वास्थ्य तथा जनसंख्या मन्त्रालयका अनुसार ७ हजार २६४ पीसीआर परीक्षणमा ६६७ जना र ३४०८ एन्टिजेन परीक्षणमा १३८ जना गरी ८०५ जनामा कोरोना भाइरस संक्रमण पुष्टि भएको हो ।

योसँगै नेपालमा कोरोना संक्रमितको संख्या ८ लाख २८२ जना पुगेको छ ।

पछिल्लो २४ घण्टामा ९११ जना संक्रमण मुक्त भएका छन् । यो सहित संक्रमण मुक्त हुनेको संख्या ७ लाख ७३ हजार १४० पुगेको छ । संक्रिय संक्रमितको संख्या १५ हजार ९४२ रहेको छ ।

पछिल्लो २४ घण्टामा ८ जना संक्रमितको मृत्यु भएको छ । यो सहित नेपालमा कोरोना मृत्यु हुनेको संख्या ११ हजार २ सय पुगेको छ ।

काठमाडौं । सशस्त्र प्रहरी बल र भारतको सशस्त्र सीमा सुरक्षा बल(एसएसबी)बीच सीमा क्षेत्रमा देखिने सुरक्षाका चुनौतीहरुको समाधन आपसी सहकार्यमा निस्तेज पार्ने सहमति भएको छ ।

भारतको नयाँ दिल्लीमा सशस्त्र र एसएसबीको तीन दिनसम्म चलेको बैठकमा सीमा क्षेत्रको सुरक्षा व्यवस्थापनका लागि दुई देशका सुरक्षा बलबीच सम्बन्ध र सहकार्य बढाउने सहमति जुटेको हो । एसएसबीको आयोजनामा दुई देशका सुरक्षा बलका प्रमुख अधिकारीबीच पाँचौ नेपाल–भारत कोअर्डिनेसन बैठक दिल्लीमा भएको हो ।

आपराधिक गतिवधि र त्यस्ता क्रियाकलापको सूचना समयमै एकले अर्को पक्षलाई प्रदान गर्ने, आम नागरिकलाई सहुलियत प्रदान गर्न बढी मानिसको ओहोरदोहर हुने सीमा क्षेत्रमा दुवै पक्षले हेल्प डेस्कको स्थापना गर्ने, अवैध तरिकाले गरिने मानव ओसार पोसारलाई कडाइका साथ नियन्त्रण गर्ने, भारतमा कार्यरत गैर सरकारी संस्थाहरूसँग पनि समन्वय गर्ने लगायतका विषय सम्झौतामा समेटिएको सशस्त्र प्रहरी महानिरीक्षक शैलेन्द्र खनालले जानकारी दिए ।

नेपालका तर्फबाट सशस्त्र प्रहरी महानिरीक्षक शैलेन्द्र खनालले र भारतका तर्फबाट एसएसबीका प्रमुख महानिर्देशक कुमार राजेश चन्द्रले बैठकको नेतृत्व गरेका थिए । बैठकको समापनमा दुवै उच्च अधिकारीहरूले १२ बुँदे समझदारीमा हस्ताक्षर गरेका छन् ।

काठमाडौं । नेकपा (एकीकृत समाजवादी) पार्टीले मन्त्रीको नाम टुंग्याउने जिम्मेवारी अध्यक्ष माधवकुमार नेपाललाई दिएको छ ।

बिहीबार बसेको नेकपा एसको स्थायी कमिटी बैठकले मन्त्रीको टुंगो लगाउने जिम्मा अध्यक्ष नेपाललाई दिएको हो । मन्त्रीको नाम टुंगो लगाउने जिम्मेवारी पाएका नेपाल बालुवाटार पुगिसकेका छन् । गठबन्धनको बैठकमा सहभागी हुन उनी प्रधानमन्त्री निवास बालुवाटार गएको नेता विरोध खतिवडाले जानकारी दिए ।

‘अहिले २ बजे बालुवाटारमा शीर्ष नेताहरुको बैठक छ । त्यसले मन्त्रीहरुको नाम टुंगो लगाउँछ । माधव नेपालले त्यहीँ नै हाम्रो पार्टीबाट मन्त्री बन्नेको नाम दिनुहुन्छ । उहाँलाई हामीले अधिकार दिएका छौं’, उनले भने ।

नेता खतिवडाले मन्त्रालयको संख्या फेरबदल हुनसक्ने बताए । उनले आजको बैठकमा मन्त्री बन्नेको नामको विषयमा छलफल नभएको बताए ।

‘संख्या र मन्त्रालयको विषयमा केही फेरबदल गर्नुपर्ने साथीहरुको भनाइ छ । सम्भव भयो भने फेरबदलपछि नाममा पनि केही तलमाथि हुनसक्छ । सामान्यतया आज उहाँले टुंग्याएर आउनुहुन्छ ।’

मन्त्रालय बाँडफाँडको विषयलाई लिएर समाजवादीका अध्यक्ष नेपालले असन्तुष्टि जनाएका छन् । यसअघि भएको सहमति भन्दा कम संख्याको मन्त्रालय पाउने भएपछि नेता नेपाल असन्तुष्ट बनेका हुन् ।

५ मन्त्रालय पाउनुपर्ने दाबी गर्दै आइरहेको थियो । तर, बुधबार बसेको सत्ता गठबन्धन दलबीच कंग्रेसले ७, माओवादी केन्द्रले ६, जसपा र एकीकृत समाजवादीले समान ४/४ मन्त्रालय पाउने सहमति भएको थियो ।

पार्टीमा २० जना बढी आकांक्षी भएपछि मन्त्री समाजवादीले सरकारमा पठाउने मन्त्रीको नामबारे अहिलेसम्म कुनै निर्णय गरिसकेको छैन ।

काठमाडौं । नेकपा माओवादी केन्द्रले तीन मन्त्री र एक राज्यमन्त्रीको नाम टुंगाएको छ । बुधबार बसेको स्थायी कमिटी बैठकले देवेन्द्र पौडेल, शशी श्रेष्ठ र महेश्वरजंग गहतराजलाई मन्त्री र बोधमाया यादवलाई राज्यमन्त्रीमा पठाउने निर्णय गरेको छ । बैठकमा मन्त्रीहरुको नाम माओवादी केन्द्रका अध्यक्ष पुष्पकमल दाहाल प्रचण्डले प्रस्ताव गरेका थिए । उनको प्रस्तावमाथि नारायणकाजी श्रेष्ठले समर्थन गरेका थिए । प्रवक्ता कृष्णबहादुर महराका अनुसार मन्त्रालय भने टुंगो लगाउन बाँकि छ ।

माओवादी केन्द्रको भागमा ५ मन्त्री र एक राज्यमन्त्री परेको छ । २९ असारमा प्रधानमन्त्री शेरबहादुर देउवाले सपथ लिएको दिन जनार्दन शर्मा अर्थ र पम्फा भुसाल उर्जामन्त्रीमा नियुक्त भएका थिए । नेकपा माओवादी केन्द्रका स्थायी कमिटी सदस्य देवेन्द्र पौडेल पहिलो पटक मन्त्री बन्न लागेका हुन् । २०७४ मंसिरको आम निर्वाचनमा बागलुङ २ बाट उम्मेदवार बनेका उनी वाम गठबन्धनको समर्थनमा निर्वाचित भएका हुन् ।

माओवादीबाट मन्त्री बन्न लागेकी शशी श्रेष्ठ २०६४ सालमा स्वास्थ्य तथा जनसंख्या राज्यमन्त्री भएकी थिइन् । उनी अहिले संसदको राज्य व्यवस्था तथा सुशासन समितिको सभापति छन् । माओवादीले मन्त्री बनाउन लागेका महेश्वर गहतराज बाँके १ बाट २०७४ मा निर्वाचित भएका हुन् । उनी पहिलो पटक मन्त्री बन्न लागेका हुन् । माओवादीले राज्यमन्त्री बनाउन लागेकी बोधमाया यादव शहीद रामवृक्ष यादवकी छोरी हुन् । उनी धनुषाबाट निर्वाचित छन् । उनी पहिलो पटक मन्त्री बन्नेछिन् ।

काठमाडौं । पछिल्लो २४ घण्टामा देशभर ९६८ जनामा कोरोना संक्रमण पुष्टी भएको छ ।

स्वास्थ्य तथा जनसंख्या मन्त्रालयका अनुसार स्वास्थ्य तथा जनसंख्या मन्त्रालयका अनुसार ११ हजार ५८२ पीसीआर परीक्षण गर्दा ७६२ जना र ४४६० एन्टिजेन परीक्षण गर्दा २०६ गरी ९६८ जनामा कोरोना पुष्टी भएको हो ।

योसँगै नेपालमा कोरोना संक्रमितको संख्या ७ लाख ९८ हजार ७६६ जना पुगेको छ ।

पछिल्लो २४ घण्टामा १११४ जना संक्रमण मुक्त भएका छन् । यो सहित संक्रमण मुक्त हुनेको संख्या ७ लाख ७१ हजार ३३८ पुगेको छ । संक्रिय संक्रमितको संख्या १६ हजार २४८ रहेको छ ।

पछिल्लो २४ घण्टामा ६ जना संक्रमितको मृत्यु भएको छ । यो सहित नेपालमा कोरोना मृत्यु हुनेको संख्या ११ हजार १८० पुगेको छ ।

काठमाडौं । प्रतिनिधिसभाको बैठक सकिएको छ । संसद बैठक शुक्रबार सम्मका लागि स्थगित भएको छ । प्रमुख प्रतिपक्षी दल नेकपा एमालेले बैठक सुरु हुनासाथ रोष्टम घेराउ गरेको थियाे ।

एमाले सांसदहरुले ‘कालो धन चाँहीदैन, देश लुट्न पाइँदैन’ भन्दै चर्को नाराबाजी गरेका थिए । साथै उनीहरुले माधव नेपालसहित १४ जना सांसदलाई कारबाही नगरेको भन्दै सभामुखविरुद्ध चर्को नाराबाजी गरेका थिए ।

सभामुख अग्नी प्रसाद सापकोटाले सांसदहरुलाई बैठक सहज ढंगले सुधार गर्न सहयोग गर्न आग्रह गरे पनि एमाले सांसदहरूले चर्काे नाराबाजी गरेका थिए ।

काठमाडौं । ३३ किलो सुन तस्करी प्रकरणमा भरिया सनम शाक्यको हत्यामा संलग्न ६ जनालाई जन्म कैदको सजाय तोकिएको छ।

मंगलबार जिल्ला अदालत मोरङले सुन तस्करी र सनम हत्या प्रकरणका मुख्य अभियुक्त गोरे भनिने चूडामणि उप्रेतीसहित ६ जनालाई जन्म कैद हुने फैसला सुनाएको हो।

जिल्ला न्यायाधीश भरत लम्सालको एकल इजलासले ६ जनालाई जन्मकैदको सजाय सुनाएको छ ।

अदालतका श्रेस्तेदार टिकेन्द्र वीरजंग राणाका अनुसार जन्म कैदको सजाय तोकिनेमा गोरे, मोहन काफ्ले, टेकराज मल्ल, लाक्पा शेर्पा, नरेन्द्र कार्की र भोजराज भण्डारी छन्।

यसैगरी राजन कुमारलाई तीन वर्ष र मदनप्रसाद घिमिरेलाई ६ महिना कैद सजाय तोकिएको छ।

काठमाडौं । सर्वोच्च अदालतले प्रधान न्यायाधीश चोलेन्द्रशमशेर जबराले ‘मन्त्रिपरिषद्मा भाग खोजेको’ भन्ने समाचारप्रति गम्भीर ध्यानाकर्षण भएको जनाएको छ ।

सर्वोच्च अदालतका प्रवक्ता बाबुराम दाहालद्वारा सोमबार जारी विज्ञप्तिमा प्रधानमन्त्रीको सिफारिसमा हुने मन्त्रिपरिषद् गठन र विस्तारमा प्रधानन्यायाधीशलाई असान्दर्भिक रूपमा जोडिएको बताइएको छ।

प्रेस विज्ञप्ति जारी दाहालले भनेका छन्, ‘संविधानतः प्रधानमन्त्रीको सिफारिसमा हुने मन्त्रिपरिषद् गठन एवम् विस्तारको विषयमा प्रधान न्यायाधीशलाई असान्दर्भिक रूपमा जोडेर अतिरिञ्जत एवम् भ्रामक समाचार प्रकाशन हुनु अत्यन्तै दुखद् र खेदजनक विषय हो । यसप्रति गम्भीर ध्यानाकर्षण भएको छ ।’

विज्ञप्तिमा न्यायपलिकासँग जोडिएको समाचारहरू संवेदनशील हुने र पुष्टि गरेर मात्रै प्रकाशन गर्न आग्रह गरिएको छ । विज्ञप्तिमा भनिएको छ, ‘मिथ्यापूर्ण, भ्रामक समाचारहरूको विश्वासमा नपर्न आमनागरिक सबैमा अनुरोध गर्दै न्यायपालिकासँग सम्बन्धित समाचारहरू प्रकाशन गर्दा सत्यतथ्य बुझी आधिकारिकता पुष्टि हुनेगरी समाचार प्रकाशन गर्नसमेत सञ्चारमाध्यमहरूमा सर्वोच्च अदालत आग्रह गर्दछ ।’

सोमबार सर्वोच्च बारका अध्यक्ष पूर्णमान शाक्य, सचिव ऋषिराम घिमिरे, सदस्य विकास भट्टराई लगायतको टोली प्रधानन्यायाधीश राणालाई भेट्न पुगेको थियो।

आइतबार मन्त्रिमण्डल विस्तारमा प्रधानन्यायाधीश जबराका लागि पनि कोटा छुट्याउन दलका नेताहरूबीच छलफल भएको समाचार सार्वजनिक भएका थिए ।

काठमाडौं । पछिल्लो २४ घण्टामा देशभर ६७९ जनामा कोरोना संक्रमण पुष्टी भएको छ ।

स्वास्थ्य तथा जनसंख्या मन्त्रालयका अनुसार स्वास्थ्य तथा जनसंख्या मन्त्रालयका अनुसार ७ हजार ७० पीसीआर परीक्षण गर्दा ५४७ जना र ३८५० एन्टिजेन परीक्षण गर्दा १०५ गरी ६७९ जनामा कोरोना पुष्टी भएको हो ।

योसँगै नेपालमा कोरोना संक्रमितको संख्या ७ लाख ९७ हजार १९२ जना पुगेको छ ।

पछिल्लो २४ घण्टामा १४०५ जना संक्रमण मुक्त भएका छन् । यो सहित संक्रमण मुक्त हुनेको संख्या ७ लाख ६९ हजार २२४ पुगेको छ । संक्रिय संक्रमितको संख्या १६ हजार ८०४ रहेको छ ।

पछिल्लो २४ घण्टामा ७ जना संक्रमितको मृत्यु भएको छ । यो सहित नेपालमा कोरोना मृत्यु हुनेको संख्या ११ हजार १६४ पुगेको छ ।