Category: समाचार

काठमाडौं । पूर्वराजा ज्ञानेन्द्र शाहले फुटेर नभई जुटेर शक्ति संरक्षणमा लाग्न सबैसँग आह्वान गरेका छन् । नयाँ वर्ष २०७८ को उपलक्ष्यमा शुभकामना सन्देश सार्वजनिक गर्दै उनले एउटा बिग्रेको अर्कोले हेर्ने बेला नभएको भन्दै एकतामा जोड दिएका छन् । उनले सबैको एउटै उद्देश्य देशको उन्नति हुनुपर्ने बताएका छन् । उनले भनेका छन्, ‘निषेध र प्रतिशोधको चक्रब्यूहबाट बाहिर आउनै पर्दछ।’

राजनीतिक नैतिकता, जनताप्रतिको उत्तरदायित्व, निष्ठा र इमानदारिता सबैमा हुनुपर्ने भन्दै उनले आपसी भाँडभैलो र द्वन्द्वको समेत अन्त्य हुनुपर्ने उल्लेख गरेका छन् । हरेक नयाँ वर्षमा सुख, शान्ति, समुन्नति र सन्तुष्टिको अपेक्षा रहने भन्दै उनले समय बित्दै जाँदा ती सबै आशा, अभिलाषा चकनाचुर हुँदै जाने तर्फ सचेत हुन समेत आग्रह गरेका छन् । शाहले पहिले देश अनि मात्र आफू भन्ने भावना सबैमा हुनु आवश्यक रहेको समेत उल्लेख गरेका छन् ।

काठमाडौं । नेपालमा थप ४६० जनामा कोरोना संक्रमण पुष्टी भएको छ ।

स्वास्थ्य तथा जनसंख्या मन्त्रालयको अनुसार पछिल्लो २४ घण्टामा विभिन्न प्रयोगशालामा गरिएको ४३८६ पीसीआर परीक्षणमा ४६० जनामा संक्रमण पुष्टी भएको हो।

यससँगै हालसम्म संक्रमण पुष्टि हुनेको संख्या २ लाख ८० हजार ९८४ जना पुगेको छ। स्वास्थ्य मन्त्रालयका अनुसार १५३ जना कोरोनालाई जितेर अस्पतालबाट डिस्चार्ज भएका छन् ।

यो सँगै नेपालमा निको हुनेको संख्या २ लाख ७४ हजार ३१८ जना पुगेको मन्त्रालयले जनाएको छ ।

संक्रिय संक्रमितको संख्या ३ हजार ६ सय ८ जना रहेको छ । पछिल्लो २४ घण्टामा मृत्यु हुनेको संख्या ५ रहेको छ । नेपालमा कोरोनाबाट मृत्यु हुनेको संख्या ३०५८ पुगेको छ ।

काठमाडौं । नेपालमा कोरोना संक्रमितको संख्या बढेको छ ।

स्वास्थ्य तथा जनसंख्या मन्त्रालयको अनुसार पछिल्लो २४ घण्टामा विभिन्न प्रयोगशालामा गरिएको ४३७८ पीसीआर परीक्षणमा ४९६ जनामा संक्रमण पुष्टि भएको हो। ७२७ मा एन्टिजेन परीक्षण गर्दा ६३ लाई कोरोना पुष्टि भएको छ । स्वास्थ्य मन्त्रालयले सोमबारदेखि एन्टिजेन परीक्षणलाई पनि संक्रमितको सूचीमा राखेको छ यो दुवै सहित धने नेपालमा एकैदिन कोरोना संक्रमितको संख्या ५५९ पुगेको छ ।

यससँगै हालसम्म संक्रमण पुष्टि हुनेको संख्या २ लाख ८० हजार ५२५ जना पुगेको छ। स्वास्थ्य मन्त्रालयका अनुसार १३८ जना कोरोनालाई जितेर अस्पतालबाट डिस्चार्ज भएका छन् ।

यो सँगै नेपालमा निको हुनेको संख्या २ लाख ७४ हजार १६५ जना पुगेको मन्त्रालयले जनाएको छ ।

काठमाडौं । संसदीय समितिहरुको हेरफेर भएको छ । सर्वोच्च अदालतले गत फागुन २३ गते नेकपा खारेज गरेर माओवादी केन्द्र र नेकपा एमाले ब्यूँताएपछि समितिमा पनि हेरफेर गरिएको छ ।

सोमबार सभामुख अग्नीप्रसाद सापकोटाले संसदीय समिति हेरफेरको सूचना पढेर सुनाएका थिए । कार्यव्यवस्था परामर्श समितिमा १४ जनाको नाम सार्वजनिक भएको छ ।

कार्यव्यवस्थामा उमाशंकर अरगरिया, कृष्णभक्त पोख्रेल, खगराज अधिकारी, जयपुरी घर्ती, दिलेन्द्र प्रसाद बडु, देवप्रसाद गुरुङ, पुष्पाभुाल गौतम, बालकृष्ण खाँड, रेखा शर्मा, लक्ष्मणलाल कर्ण, लालबहादुर थापा, विशाल भट्टराई, शान्ता चौधरी र शेरबहादुर तामाङ रहेका छन् ।

साथै अर्थसमितिमा घनश्याम भुसाल, मोतीलाल दुगड र वर्षमान पुन रहेका छन् । त्यस्तै अन्तराष्ट्रिय सम्बन्ध समितिमा कृष्णबहादुर महरा र लिलादेवी सिटौला रहेका छन् ।

उद्योग तथा वाणिज्य र श्रम तथा उपभोक्ता हित समितिमा रामेश्वर राय यादव, कृषिमा शक्तिबहादुर बस्नेत, महिलामा जानकी देवी राम र सुवर्ण ज्वारचन, राज्य व्यवस्थामा मोहन प्रसाद पाण्डे, विकास तथा प्रविधिमा बिना मगर, शिक्षामा गिरिराजमणि पोखरेल र योगेश कुमार भट्टराई, सार्वजनिक लेखामा गोकुल प्रसाद बाँस्काेटा, राज्य व्यवस्था तथा सुशासन समितिबाट अर्थ समितिमा बिनोद कुमार चौधरी, सार्वजनिक लेखाबाट अन्तराष्ट्रिय सम्बन्धमा पुष्पा कुमारी कर्ण कायस्थलगायत रहेका छन् ।

चितवन । चितवनमा आइतबार साँझ ट्याक्टर दुर्घटनामा परी कम्तिमा ५ जनाको मृत्यु भएको छ । प्रहरीलाई उदृत गर्दै नेपाली संचारमाध्यमले जनाए अनुसार राप्तीमा वडा कार्यालयको भवन ढलान गरेर फर्किएका कामदार चढेको ट्याक्टर दुर्घटनामा परेको छ । दुर्घटनामा ५ जनाको मृत्यु भएको र एक दर्जन भन्दा बढी व्यक्ति घाइते रहेको बताइएको छ ।

आँपपानीमा रहेको राप्ती नगरपालिकाको वडा नम्बर–११ को भवन ढलान गरेर फर्किएका कामदार दुर्घटनामा परेका छन् ।ना १ त ६२८२ नम्बरको ट्याक्टर चिउडे खोलामा दुर्घटनाग्रस्त भएको हो । ट्याक्टर सडकबाट २०० मिटर तल खसेको छ । घटनाबारे थप विवरण आउन बाँकि रहेको छ

हेटौडा । फुजेल हत्याकाण्डका रुपमा परिचित गोरखाका कृष्ण प्रसाद अधिकारीको हत्या अभियोग लागेका १२ जनाले उच्च अदालतबाट समेत सफाई पाएका छन् । यसअघि उनीहरुले जिल्ला अदालत चितवनबाट सफाई पाएका थिए । २०६१ सालमा कृष्णप्रसादको हत्या चितवनमा भएको हो ।

उनको हत्या तत्कालिन द्वन्द्वरत पार्टी माओवादीका कार्यकर्ताले अपहरणपछि गरेको आरोप लागेको थियो । आफ्नो छोराको हत्यापछि जाहेरी दिन गंगामाया र नन्दप्रसादले लामो समय अनसन बस्नु परेको थियो ।

२०७० चैत ३० मा चितवन जिल्ला अदालतमा एक दर्जन तत्कालिन माओवादी कार्यकर्ताविरुद्ध मुद्दा दायर भएको थियो । कुल १३ जनाविरूद्ध मुद्दा दायर भएकोमा एकजना फरार रहेको भन्दै मुद्दा मुल्तवीमा राखिएको थियो। अनसनकै क्रममा नन्दप्रसादको पाँच वर्ष अगाडी नै मृत्यु भइसकेको छ ।

उनको दाहसंस्कार गर्न भने श्रीमती गंगामायाले मानेकी छैनन् । उनी पनि छोराका हत्यारालाई कारबाही माग गर्न भन्दै अहिले आमरन अनसनमा छिन्। नन्दप्रसादको शव अहिले शिक्षण अस्पताल महाराजगन्जमा राखिएको छ ।

जाहेरीपछि प्रहरीले अगाडी बढाएको मुद्दामा जिल्ला अदालत चितवनले साढे २ वर्षअघि सबै प्रतिवादीलाई सफाइ दिएको थियो। सो मुद्दामा आज सुनुवाई गर्दै आइतबार उच्च अदालत पाटनको हेटौंडा इजलासका न्यायाधीश चण्डीराज ढकाल र मेरिना श्रेष्ठको इजलासले चितवन जिल्ला अदालतकै फैसला सदर गरेको हो ।

अभियोग लगाउँदैमा, मुद्दा अदालतमा दायर गर्दैमा अभियोग प्रमाणित हुने नदेखिँदा हुँदा आरोपित प्रतिवादीउपरको जन्मकैद गरी पाऊँ भन्ने वादीको दाबी पुग्ने वस्तुनिष्ठ आधार नदेखिने भन्ने चितवन जिल्ला अदालतको फैसलालाई नै उच्च अदालतले समेत सदर गरेको हो ।

घटनाका प्रतिवादी गोरखा फुजेल बस्ने सीता अधिकारी, छविलाल पौडेल, रामप्रसाद अधिकारी, अजीव भनिने परशुराम पौडेल, हिमलाल अधिकारी, मेघनाथ पौडेल, विष्णु तिवारी, कालीप्रसाद अधिकारी, भीमसेन भनिने भीष्मराज पौडेल, रामप्रसाद अधिकारी, जानुका पौडेल र सुभद्रा तिवारीले सफाइ पाएका छन् ।

काठमाडौं । नेपालमा कोरोना संक्रमितको संख्या बढेको छ ।

स्वास्थ्य तथा जनसंख्या मन्त्रालयको अनुसार पछिल्लो २४ घण्टामा विभिन्न प्रयोगशालामा गरिएको पीसीआर परीक्षणमा ३०३ जनामा संक्रमण पुष्टि भएको हो।

यससँगै हालसम्म संक्रमण पुष्टि हुनेको संख्या २ लाख ८० हजार २८ जना पुगेको छ। स्वास्थ्य मन्त्रालयका अनुसार १४१ जना कोरोनालाई जितेर अस्पतालबाट डिस्चार्ज भएका छन् ।

यो सँगै नेपालमा निको हुनेको संख्या २ लाख ७७ हजार २७ जना पुगेको मन्त्रालयले जनाएको छ ।

संक्रिय संक्रमितको संख्या २ हजार ९ सय २९ रहेको छ । पछिल्लो २४ घण्टामा मृत्यु हुनेको संख्या १ रहेको छ । नेपालमा कोरोनाबाट मृत्यु हुनेको संख्या ३०४० पुगेको छ ।

काठमाडौं । काठमाडौंको शिवपुरी नागार्जुन राष्ट्रिय निकुञ्जमा लागेको आगलागी नियन्त्रण गर्न हेलिकप्टर प्रयोग गरिएको छ।

बूढानीलकण्ठ नजिकैबाट आइतवार बिहान १० बजेतिर लागेको डढेलो निभाउन सिम्रिक एयरलाइन्सको तीनवटा हेलिकप्टर प्रयोग गरिएको हो । हेलिकप्टरमार्फत पानी खसालेर डढेलो नियन्त्रणमा लिने प्रयास गरिएपनि आगलानी नियन्त्रणमा नआएको प्रहरीले जनाएको छ ।

डढेलो नियन्त्रणका लागि निकुञ्जको सुरक्षाका लागि खटिएको नेपाली सेना, सशस्त्र प्रहरी, नेपाल प्रहरी र स्थानीयले प्रयास गरिरहेका छन् ।

काठमाडौं दुई वटा दमकल गएर नियन्त्रणको प्रयास गरे पनि डढेलो सडकभन्दा धेरै माथि पुगेकाले सफल हुन नसकेपछि दमकल फर्किएका छन् ।

सिराहा । सिराहामा गोली हानेर एक जनाको हत्या गरिएको छ । प्रहरीलाई उदृत गर्दै संचारमाध्यमले जनाए अनुसार लहान नगरपालिका वडा नम्बर २३ वरियार चोकमा गतराती १ बजे गोली चलेको हो । गोली प्रहारबाट स्थानीय प्रदीप विश्वकर्माको मृत्यु भएको छ ।

उनको टाउकोमा गोली लागेको प्रहरीले जनाएको छ । उनीमाथि गोली र खुकुरी प्रहार भएको प्रहरीको प्रारम्भिक अनुसन्धानले देखाएको छ । उनकी श्रीमती घाइते अवस्थामा भेटिएकी छिन् ।

जिल्ला प्रहरी कार्यालय सिराहाका अनुसार श्रीमतीको हातमा चोट देखिएको छ । घटनामा संलग्न रहेको आशंकामा प्रहरीले दुई जनालाई पक्रेको छ । लहान नगरपालिका वडा नम्बर ७ का रामकृष्ण चौचरी र सूर्य सहनी पक्राउ परेका छन् । घटनाबारे थप अनुसन्धान जारी रहेको प्रहरीले जनाएको छ ।

काठमाडौं । नेपालमा कोरोना संक्रमितको संख्या बढेको छ । स्वास्थ्य तथा जनसंख्या मन्त्रालयको अनुसार पछिल्लो २४ घण्टामा विभिन्न प्रयोगशालामा ४ हजार ७१ जनाको पीसीआर परीक्षणमा २८८ जनामा संक्रमण पुष्टि भएको हो।

यससँगै हालसम्म संक्रमण पुष्टि हुनेको संख्या २ लाख ७९ हजार ३८८ जना पुगेको छ। स्वास्थ्य मन्त्रालयका अनुसार १२७ जना कोरोनालाई जितेर अस्पतालबाट डिस्चार्ज भएका छन् ।

यो सँगै नेपालमा निको हुनेको संख्या २ लाख ७३ हजार ७३५ जना पुगेको मन्त्रालयले जनाएको छ ।

संक्रिय संक्रमितको संख्या २ हजार ६ सय १५ रहेको छ । पछिल्लो २४ घण्टामा मृत्यु हुनेको संख्या शून्य रहेको छ । नेपालमा कोरोनाबाट मृत्यु हुनेको संख्या ३०३८ पुगेको छ ।

काठमाडौं । छिमेकी राष्ट्र भारतमा कोरोना संक्रमितको संस्या ह्वात्तै बढेपछि नेपालमा पनि यसको प्रभाव देखिन थालेको छ ।

पछिल्ला केही दिनयता नेपालभर संक्रमणको दर बढ्दै गएको छ। बिहीबार मात्रै तीन महिनायताकै धेरै ३ सय ३२ जनालाई कोरोना संक्रमण पुष्टि भएको थियो ।

केही दिनयता देखिएका संक्रमितहरु बेलायतको नयाँ भेरियन्टसँग मिल्दोजुल्दो रहेको मन्त्रालयले जनाएको छ।

कोरोना रोकथामको लागि स्वास्थ्य मन्त्रालयले विद्यालय बन्द गरेर अनलाइन कक्षा सञ्चालन गर्न शिक्षा मन्त्रालयसँग आग्रह गरेको छ ।

पछिल्लो समय विद्यार्थीमा पनि कोरोना भाइरस संक्रमण देखिन थालेपछि स्वास्थ्य मन्त्रालयले विद्यालय बन्द गरेर अनलाइन कक्षा सञ्चालन गर्न शिक्षा, विज्ञान तथा प्रविधि मन्त्रालयसँग आग्रह गरेको हो ।

दोस्रो लहरको कोरोनाभाइरस महामारी आएको र यो थप फैलन सक्ने भएकोले सावधानी अपनाउन लागिएको मन्त्रालयको भनाइ छ।

पछिल्लो समय कोरोना भाइरसका नयाँ भेरिएन्ट स्कुले बालबालिकाहरूमा देखिएको स्वास्थ्य मन्त्रालयको भनाइ छ ।

त्यसैले भिडभाड हुने रेष्टुरेन्ट, सिनेमा हल, पार्टी प्यालेस र विद्यालय लगायतका क्षेत्र बन्द गर्न मन्त्रालयले सिफारिस गरेको हो ।

सिफारिसमा सिनेमा हल, रेस्टुरेन्ट, पार्टी प्यालेस बन्द र स्विमिङ पुल बन्द गर्नुपर्ने उल्लेख गरिएको छ।

सरकारले दोस्रो चरणको कोरोना फैलिन नदिन विद्यालयसहित अन्य सार्वजनिक क्षेत्र पनि बन्द तयारी गरेको हो। केही महिनादेखि विद्यार्थी भौतिक रुपमा उपस्थित पठनपाठन सञ्चालन हुँदै आएको छ ।

केही महिनादेखि विद्यालय र कलेज भौतिक उपस्थितिमा नै खुलिरहेका छन्। पार्टी प्यालेस र रेस्टुरेन्टहरुमा भीड देखिन थालेको छ।