Category: समाचार

काठमाडौं । पछिल्लो २४ घण्टामा देशभर १२७२ जनामा कोरोना संक्रमण पुष्टि भएको छ ।

स्वास्थ्य तथा जनसंख्या मन्त्रालयका अनुसार देशभरका प्रयोगशालामा गरिएको परीक्षणमा १२७२ जनामा कोरोना संक्रमण देखिएको हो ।

योसंगै नेपालभर कोरोना संक्रमितको संख्या दुई लाख ३८हजार ८६१ रहेको छ । थप १५७५ जना संक्रमण मुक्त भएको छन् । संक्रमित मध्ये संक्रमित मध्ये २ लाख २१ हजार ८४७ जना निको भएर घर फर्किसकेका छन् । हाल संक्रिय संक्रमितको संख्या १५ हजार ४ सय ४७ रहेको छ ।

काठमाडौं । पछिल्लो २४ घण्टामा देशभर १३४३ जनामा कोरोना संक्रमण पुष्टि भएको छ ।

स्वास्थ्य तथा जनसंख्या मन्त्रालयका अनुसार देशभरका प्रयोगशालामा गरिएको परीक्षणमा १३४३ जनामा कोरोना संक्रमण देखिएको हो ।

योसंगै नेपालभर कोरोना संक्रमितको संख्या दुई लाख ३७ हजार ५८९ रहेको छ । थप २१११ जना संक्रमण मुक्त भएको छन् । संक्रमित मध्ये संक्रमित मध्ये २ लाख २० हजार २७२ जना निको भएर घर फर्किसकेका छन् । हाल संक्रिय संक्रमितको संख्या १५ हजार ७ सय ६६ रहेको छ ।

पछिल्लो २४ घण्टामा ९ जनाको मृत्यु भएको छ । योसंगै मृत्यु हुनेको संख्या १५८३ पुगेको छ ।

सिमकोट । हुम्लास्थित सिमकोट विमानस्थलमा आगोलागी भएको छ । विमानस्थल प्रमुख बस्ने क्वाटरको भवनमा आज बिहान एक्कासी आगालागी भएको स्थानीय प्रहरीले जनाएको छ । तर, कसैमाथि पनि क्षति भने भएन ।

बिहीबार विहानदेखि लागेको आगो प्रहरी, सेना र स्थानीयले निभाउने प्रयास गरिरहेको बताइएको छ । तर, हुम्लामा अधिक चिसोका कारण पानी जमेको छ । जमेको पानीका कारण आगो निभाउन समेत समस्या भएको बताइएको छ । आगोलागीको कारण नखुलेको बताइएको छ ।

दमौली । नेपाली कांग्रेसका वरिष्ठ नेता रामचन्द्र पौडेल तीन घण्टा प्रहरी नियन्त्रणपछि रिहा भएका छन् । उनलाई तनहुँमा निषेधाज्ञा तोडेको आरोपमा पक्राउ गरिएको हो । गृहजिल्ला ब्यास नगरपालिकामा वडा नम्बर १, १० र ११ जोड्ने तालघरे दुम्सीचौर सडकको बुल्दीखोला पुल उद्घाटन गर्न पुगेका उनीमाथि स्थानीय प्रशासनले निषेधाज्ञा तोडेको आरोप लगाएको छ ।

उनीसहित प्रदेश सांसद सरिता गुरुङ, तनहुँ कांग्रेसका कार्यवाहक अध्यक्ष जीतप्रकाश आलेसमेतलाई प्रहरीले नियन्त्रणमा लिएको थियो । पौडेललाई प्रहरीले नियन्त्रणमा लिएसँगै कांग्रेस भने आक्रोसित बनेको छ ।

सभापति शेरबहादुर देउवाले प्रधानमन्त्रीलाई फोन गरी पौडेलको रिहाईको माग गरेका थिए । उनले पक्राउ गर्नुको कारणबारे समेत प्रधानमन्त्रीसँग जिज्ञासा राखेका छन् । कांग्रेस नेता गगन थापाले यो गिरफ्तारी प्रधानमन्त्रीका लागि महंगो पर्ने चेतावनी दिएका छन् ।

उनको रिहाईको माग गर्दै कांग्रेसले जिल्ला प्रहरी कार्यालय तनहुँमा प्रदर्शन गरेको छ । सरकारको विरोध र टायर बाल्दै रिहाई मागमा प्रदर्शन गर्दै केही समय पृथ्वी राजमार्गसमेत अवरुद्ध गरिएको छ ।

काठमाडौं । पछिल्लो २४ घण्टामा देशभर १४९० जनामा कोरोना संक्रमण पुष्टि भएको छ ।

स्वास्थ्य तथा जनसंख्या मन्त्रालयका अनुसार देशभरका प्रयोगशालामा गरिएको परीक्षणमा १४९० जनामा कोरोना संक्रमण देखिएको हो ।

योसंगै नेपालभर कोरोना संक्रमितको संख्या दुई लाख ३६ हजार २४६ रहेको छ । थप १५६७ जना संक्रमण मुक्त भएको छन् । संक्रमित मध्ये संक्रमित मध्ये २ लाख १८ हजार १६१ जना निको भएर घर फर्किसकेका छन् । हाल संक्रिय संक्रमितको संख्या १६ हजार ५सय ४७ रहेको छ ।

पछिल्लो २४ घण्टामा ९ जनाको मृत्यु भएको छ । योसंगै मृत्यु हुनेको संख्या १५८३ पुगेको छ ।

पोखरा । एक फ्रान्सेली नागरिक बाल यौन दुराचारको आरोपमा पक्राउ परेका छन् । गैर पर्यटकीय भिसामा नेपाल आएर पोखरामा बसिरहेका फ्रान्सका ६० वर्षीय क्रिष्टियन सर्ज हेनरी नौगारेटलाई प्रहरीले सोमबार पक्राउ गरेको छ ।

प्रहरीको केन्द्रीय अनुसन्धान ब्यूरोका अनुसार पोखराका १२, आठ र सात वर्षीय तीन नाबालकलाई यौन दुराचार गरेको आरोप उनीमाथि लागेको छ । उनलाई मंगलबार सार्वजनिक गरिएको छ ।

ब्यूरोका प्रवक्ता बेलबहादुर पाण्डेका अनुसार पोखरा महानगरपालिका–१७ बिरौटा पावर हाउसस्थित फुर्सेखोला बगर किनारामा यौन दुराचार गरिरहेका अवस्थामा नौगारेट पक्राउ परेका हुन् ।

प्रहरीले यौन दुराचारमा परेका तीन नाबालकलाई उद्धार समेत गरी अभिभावकको जिम्मा लगाइएको छ । उनीविरुद्ध अब बालयौन दुरुपयोग तथा आप्राकृतिक मैथुनको कसुरमा कारवाही अगाडी बढ्ने भएको छ ।

काठमाडौं । जिल्ला प्रशासन कार्यालय काठमाडौंले सभा, जुलुस र प्रदर्शनजस्ता भिडभाडजन्य गतिविधि नगर्न आग्रह गरेको छ ।

केहिदिनदेखि राजावादीहरुको समूहले उपत्यकामा आन्दोलन गर्दै आएकाले कोरोनाभाइरस महामारी अझै रहेको हुनाले भिडभाडजन्य गतिविधि नगर्नरनगराउन प्रशासनले विज्ञप्ति निकालेर जानकारी गराएको हो।

‘पछिल्लो समय जिल्लामा विभिन्न माग राखी राजनैतिक तथा अन्य भिडभाडजन्य गतिविधी जस्तैः सभा, जुलुस, प्रर्दशन र अभियान सञ्चालन गरेको भन्ने सूचना प्राप्त हुन आएको र त्यस्ता गतिविधिहरु संक्रमणको स्थितिलाई भयावह बनाउने किसिमका भएको साथै स्थानीय प्रशासन ऐन २०२८ र संक्रमक रोग ऐन, २०२० को विपरित हुने भएकाले त्यस्ता भिडिभाडजन्य गतिविधिहरु नगर्नरनगराउन साथै महामारी रोकथाममा सहयोग पुर्याउनुहुन सबैमा हुन अनुरोध छ’, विज्ञप्तिमा भनिएको छ ।

प्रशासनले सभा, जुलुस र प्रर्दशन गरेको पाइए स्थानीय प्रशासन ऐन, २०२८ र संक्रमक रोग ऐन, २०२० बमोजिम कारबाही हुने बताएको छ ।

काठमाडौं । पछिल्लो २४ घण्टामा देशभर १३०४ जनामा कोरोना संक्रमण पुष्टि भएको छ ।

स्वास्थ्य तथा जनसंख्या मन्त्रालयका अनुसार देशभरका प्रयोगशालामा ८ हजार ५ सय ८३ जनाको परीक्षणमा गर्दा थप १३०४ जनामा कोरोना संक्रमण देखिएको हो ।

योसंगै नेपालभर कोरोना संक्रमितको संख्या दुई लाख ३४ हजार ७५६ रहेको छ । थप २०७४ जना संक्रमण मुक्त भएको छन् । संक्रमित मध्ये संक्रमित मध्ये २ लाख १६ हजार ५ सय ९४ जना निको भएर घर फर्किसकेका छन् । हाल संक्रिय संक्रमितको संख्या १६ हजार ६ सय ३३ रहेको छ ।

पछिल्लो २४ घण्टामा २१ जनाको मृत्यु भएको छ । योसंगै मृत्यु हुनेको संख्या १५२९ पुगेको छ ।

काठमाडौं । सत्तारुढ नेकपाको सचिवालय बैठक आज बस्दै छ। दुबै अध्यक्षले एक अर्का विरुद्ध गम्भीर आरोपसहित ल्याएको दुबै प्रतिवेदनमाथि आज सचिवालय बैठकमा छलफल हुन लागेको हो । आज पार्टी कार्यालय धुम्बाराहीमा दिउँसो बस्ने बैठकलाई महत्वका साथ हेरिएको छ ।

बैठक अघि गुटगत रणनीति बनेका कारण आज निर्णायक छलफल हुने अपेक्षा गरिएको छ । नेकपाका कार्यकारी अध्यक्ष पुष्पकमल दाहाल प्रचण्ड वरिष्ठ नेता माधवकुमार नेपाल पक्ष सचिवालय बैठकमा पेस भएका दुबै पत्र र प्रस्तावलाई स्थायी कमिटीसम्म लैजाने पक्षमा छन् ।

यस अवस्थामा पार्टीले प्रधानमन्त्रीमाथि लगाएका आरोपको खण्डन गर्न नसके प्रधानमन्त्री अल्पमतमा पर्ने उनीहरुको अपेक्षा छ । उता, प्रधानमन्त्री एवं अध्यक्ष केपी ओली पक्षले भने प्रचण्डको प्रस्ताव फिर्ता वा संशोधन गराएर सचिवालयबाटै साझा प्रस्ताव बनाउ प्रयासमा छ ।

प्रधानमन्त्री पार्टीका तल्लो कमिटिमा अल्पमतमा पर्ने डरले सचिवालयबाटै टुंग्याउने पक्षमा छन् । शनिबार सचिवालय बैठकमा प्रधानमन्त्री एवं अध्यक्ष ओलीले ३८ पृष्ठको जवाफी प्रतिवेदन पेश गरेका थिए । कात्तिक २८ मा प्रचण्डले सचिवालय बैठकमा ओलीलाई जवाफी पत्रसहित १९ पृष्ठको प्रस्ताव पेस गरेका थिए।

काठमाडौं, १५ मंसिर । पछिल्लो २४ घण्टामा देशभर १४७४ जनामा कोरोना संक्रमण पुष्टि भएको छ ।

स्वास्थ्य तथा जनसंख्या मन्त्रालयका अनुसार देशभरका प्रयोगशालामा गरिएको परीक्षणमा थप १४७४ जनामा कोरोना संक्रमण देखिएको हो ।

योसंगै नेपालभर कोरोना संक्रमितको संख्या दुई लाख ३३ हजार ४५२ रहेको छ । थप १९३१ जना संक्रमण मुक्त भएको छन् । संक्रमित मध्ये संक्रमित मध्ये २ लाख १४ हजार ५ सय २१ जना निको भएर घर फर्किसकेका छन् । हाल संक्रिय संक्रमितको संख्या १७ हजार ४ सय २३ रहेको छ ।

पछिल्लो २४ घण्टामा २९ जनाको मृत्यु भएको छ । योसंगै मृत्यु हुनेको संख्या १५०८ पुगेको छ ।

रौतहट । रौतहटमा तीन साता अगाडी १७ वर्षीया अमृताकुमारी साहको आफ्नै घरमा गोली हानेर हत्या भयो । यो घटनाका छानविनबाट प्रहरीले एक डरलाग्दो तथ्य फेला पारेको छ । घटनामा बुबा आमा कै संलग्नता पुष्टी भएको हो । छोरीको हत्या गर्न बुबा आमाले नै रकम दिएर हत्यारा परिचालन गरेको खुलेको प्रहरीले जनाएको छ ।

घटनामा संलग्न ७ जनालाई प्रहरीले पक्राउ समेत गरेको छ । रौतहटको माधवनारायण नगरपालिका ७ लौकाहाकी अमृताको २६ कात्तिकमा हत्या भएको हो । रातको साढे ११ बजे सुतिरहेको समयमा बेडमै पुगी उनीमाथि गोली हानिएको थियो । उनको घटनास्थलमै मृत्यु भएको थियो।

प्रहरीले आइतबार सार्वजनिक गरेको तथ्यअनुार अमृताका बुवाआमाले नै छोरीमाथि गोली हान्न लगाएका थिए । प्रहरीले अमृताका बुवा ५५ वर्षीय रामअयोध्या साह र आमा सीतादेवी साहलाई समेत पक्राउ गरेको छ। अमृताका कारण आफुहरुको इज्यत जाने र समाजमा अपहेलित हुनुपर्ने डरले बुबा आमाकै योजनामा उनको हत्या भएको खुलेको हो ।

अमृताका कारण आफुहरुको इज्यत जाने र समाजमा अपहेलित हुनुपर्ने डरले बुबा आमाकै योजनामा उनको हत्या भएको खुलेको हो ।

प्रहरीका अनुसार अमृता सोही स्थानका ३० वर्षीय सोशिन्द्रप्रसाद भगतसँग तीन वर्षदेखिको प्रेम सम्बन्धमा रहेको पाइएको छ । तर, उनको परिवारको दबाबमा गत फागुनमा सर्लाही विष्णु गाउँपालिका ३का रुपेश साहसँग गरिएको थियो । त्यसपछि सोशिन्द्रप्रसादले रुपेशमाथि छुरा प्रहार गरेका थिए। श्रीमानमाथि प्रेमिले छुरा हानेपछि उनी माइतीमा बस्दै आएकी थिइन् ।

अमृता र रुपेशबीच बिबाहको चार महिना पछि नै सम्बन्धविच्छेद भइसकेको थियो । सम्बन्धबिच्छेद पछि रुपेशका परिवारले अमृतार उनका प्रेमी सोशिन्द्रप्रसाद भगतमाथि ज्यान मार्ने उद्योगमा जाहेरी दर्ता गरेको प्रहरीले उल्लेख गरेको छ ।

यता, अमृता र सोशिन्द्रबिचको प्रेम सम्बन्ध अमृताका आमा बुवालाई मन नपरेपछि उनीहरुले छोरीलाई नै मारिदिने योजना बनाएको खुलेको हो । अमृताका बुबा रामअयोध्या साह र उनका भिनाजु लक्ष्मण साहले छोटेलाल साहलाई अमृताको हत्या गर्न एक लाख ५० हजार रुपैयाँ दिएको प्रहरीको भनाई छ ।

त्यसपछि उनीहरूले गोनाही नगरपालिका २ लक्ष्मिनीया कुरुनीयाका कैमुल देवानलाई छोरीको हत्या गर्न रकम दिएर हत्याको अनुमति दिएका थिए । अमृतामाथि गोली हान्ने देखि योजनाकारसमेत सबै पक्राउ परेका छन् ।

देवानसहित परोहा नगरपालिका ४का ४६ वर्षीय छोटेलाल साह, गोनाही नगरपालिका २ लक्ष्मिनिया करुनियाका ६० वर्षीय शेख अलियास, अन्दाजी ३५का बहुदल भन्ने ईस्लाम अंसारी र ३६ वर्षीय शेख इम्ताज समेत प्रहरीले पक्राउ गरी हिरासतमा लिइएको छ । उनीहरु सबैले अपराध स्वीकार गरिसकेका छन् ।