Category: समाचार

काठमाडौं । नेपालमा पछिल्लो २४ घण्टामा थप १ सय ३०जनामा कोरोना संक्रमण पुष्टि भएको छ।

स्वास्थ्य तथा जनसंख्या मन्त्रालयका प्रवक्ता डा. जागेश्‍वर गौतमको अनुसार २४ घण्टामा पिसिआर विधिबाट गरिएको नमुना परिक्षण गरिएकोमा १ सय ३० जनामा कोरोना संक्रमण पुष्टि भएको हो ।

योसँगै नेपालमा कोरोना संक्रमितको संख्या १८ हजार ६१३ पुगेको मन्त्रालयले बताएको छ ।

पछिल्लो २४ घण्टामा थप ७५ जना उपचारपछि निको भएर डिस्चार्ज भएका छन्। हालसम्म १३ हजार १ सय २८ जना कोरोनाबाट मुक्त भएका छन्। नेपालमा निको हुनेको दर ७०. ५ प्रतिशत रहेको गौतमले बताए।

कुल संक्रमितमध्ये ४५ जनाको मृत्यु भएको छ।

काठमाडौं । रञ्जन कोइरालाको फैसला सर्वोच्चमा पुनः सुनुवाइ हुने भएको छ।

सर्वोच्च अदालतका न्यायाधीश बमकुमार श्रेष्ठ, प्रकाशकुमार ढुंगाना र कुमार रेग्मीको पूर्ण इजलासले पुनरावलोकनको निवेदनमा फैसला गर्दै अनुमति दिएका हुन् ।

यसअघि प्रधानन्यायाधीश चोलेन्द्रशमशेर राणा र न्यायाधीश तेजबहादुर केसीको इजलाशले सशस्त्र प्रहरीका पूर्वडीआईजी रञ्जन कोइरालाको मुद्दामा सजाय कम गर्ने फैसला गरेको थियो ।

सरकारी वकिलको कार्यालयले सोही फैसलाविरुद्ध शुक्रवार सर्वोच्च अदालतमा पुनरावलोकनको निवेदन दर्ता गरेको थियो । तीन जनाको इजलासले उक्त फैसलामाथि पुनः सुनुवाइ हुने अनुमति दिएको हो।

राणा सहितको इजलासले गरेको फैसला त्रुटिपूर्ण थियो वा थिएन भन्ने आगामी दिनको सुनुवाइमा जाँच गर्नेछ।

काठमाडौं । नेपाली कांग्रेसले पूर्वमन्त्री गोविन्दराज जोशीसहित तीन जना नेतालाई पार्टीबाट निष्काशन गरेको छ । कांग्रेस अनुशासन समितिले गोविन्दराज जोशी, पुस्करनाथ ओझा र रामबहादुर विष्टलाई पार्टीबाट निस्काशन गर्ने निर्णय गरेको हो । निर्वाचनमा वरिष्ठ नेता रामचन्द्र पौडेलविरुद्ध बागी उम्मेदवारी दिएका पूर्वमन्त्री जोशी पार्टीबाट ५ वर्षका लागि निस्काशनमा परेका छन् ।

उता, पूर्वमन्त्री तथा कैलालीका महासमिति सदस्य ओझा समेत ५ वर्षका लागि पार्टीबाट निस्काशनमा परेका छन् । उनीमाथि कैलालीमा कांग्रेस सभापति शेरबहादुर देउवा पत्नी आरजु देउवालाई चुनाव हराउन भूमिका खेलेको आरोप लगाइएको छ ।

यता, डडेलधुरा कांग्रेस कार्यालय सचिव विष्ट समेत तीन वर्षका लागि निस्काशनमा परेका छन् । अनुशासन समितिले सोधेको स्पष्टीकरण चिक्तबुझ्दो नभएको भन्दै पार्टीले निस्कासनको निर्णय लिएको अनुशासन समितिले जनाएको छ । तर, समितिको निर्णयप्रति भने कतिपय नेताले विरोध जनाएका छन् ।

काठमाडौं । २०७७ साल शुरु भएयताको साढे तीन महिनामा प्राकृतिक विपत्तिबाट मात्र करीव २ सय जनाको ज्यान गएको छ । वैशाखयता बाढी, पहिरो र चट्याङका कारण १८१ जनाले ज्यान गुमाइसकेको सरकारी तथ्यांकले देखाएको छ । यी विपत्तिमा परी अझै ५१ बेपत्ता रहेको तथ्यांक छ । यी घटनामा २७८ जना घाइते भएको पाइएको छ ।

राष्ट्रिय विपद् जोखिम न्यूनीकरण तथा व्यवस्थापन प्राधिकरणको तथ्यांक अनसार पहिरोले १२८ जनाको ज्यान गएको छ । पहिरोमा परेर ४४ जना बेपत्ता रहेका छन्। पहिरोले ११४ जना घाइते भएका छन् । उनीहरुको उपचार भइरहेको छ । बाढीबाट यस अवधिमा ६ जनाको मृत्यु भएको छ । ७ जना बेपत्ता छन् । तीन जना घाइते भएका छन् । साढे तीन महिनामा चट्याङ लागेर ४७ जनाको ज्यान गएको छ । १६१ जना घाइते छन् ।

मनसुन शुरु भएपछि बढी मानिसको ज्यान गएको हो । बेपत्ताको खोजी भइरहेको प्राधिकरणले जनाएको छ । मनसुन शुरु भएपछि पाल्पा, बझाङ, जाजरकोट, कास्की, सिन्धुपाल्चोक, गुल्मी, लमजुङ र म्याग्दीमा बढी मानवीय क्षति भएको छ । तराई भेगमा अझै डुबानले मानवीय क्षति भएको छ्रैन । तर, पहाडी भेगमा भने पहिरोले बढी क्षति पुर्याएको छ ।

कंचनपुर । कंचनपुरकी १३ वर्षिय बालिका निर्मला पन्तको हत्या भएको आज दुई वर्ष पुरा भएको छ । तर, यसअवधिमा समेत अपराधी पत्ता लगाउन नसकेको प्रहरी प्रशासनविरुद्ध भने जनताको प्रश्न अझै कायम छ । आखिर किन प्रहरीले अहिलेसम्म अपराधी पत्ता लगाउन सकेको छैन ? प्रहरीले यसअघि दोषि किटान गरेका व्यक्तको डीएनए नमिलेको भन्दै छाडेपछि कुनै पनि व्यक्तिलाई अपराधीका रुपमा पत्ता लगाउन सकेको छैन ।

१० साउन २०७५ मा हराएकी कञ्चनपुरकी १३ बर्षीया निर्मला पन्तको शव भोपिल्ट ११ साउन २०७५ मा भीमदत्त नगरपालिका २ र १८ को सिमाना पर्ने निम्बुखेडा खोलानजिक उखु बारीमा भेटिएको थियो । उनको बलात्कारपछि हत्या भएको प्रहरीले उल्लेख गरेको थियो । यस घटनामा संलग्न रहेको आरोपमा प्रहरीले एकसय भन्दा बढीलाई केरकार गरेर छोडेको थियो ।

स्थानीय दिलीपसिंह विष्टलाई प्रारम्भमा दोषी ठहर गरेको प्रहरीले घटना भएको २४ औं दिन ४ भदौ २०७५ मा प्रहरीले विष्टलाई मुख्य अभियुक्त भनी सार्वजनिक गरेको थियो । तर, उनी अपराधी नभएको भन्दै समुदायमा आन्दोलन भयो । त्यसबेला आन्दोलन नियन्त्रण गर्न प्रहरीले गोली नै चलायो । सो क्रममा भीमदत्त नगरपालिका १८ का १४ ववर्षिय किशोर सन्नी खुनाको ज्यान गएको थियो ।

डीएनएसमेत नमिलेपछि प्रहरीले विष्टलाई छाडेको थियो । प्रहरीले यस घटनाको अनुसन्धानमा त्रुटी रहेको स्वीकार गरेको छ । यद्दपी घटना भने अझै पनि रहस्यमय बनेको छ । घटनापछि प्रहरीको नेतृत्वमै दुइ पटक परिवर्तन भइसकेको छ । सबैको प्रतिवद्धता निर्मला पन्तको हत्यारा पत्ता लगाउने भन्ने नै रहेको छ । तर, अपराधी भने खुलेआम हिडिरहेको छ ।

काठमाडौं । नेपालमा पछिल्लो २४ घण्टामा थप १ सय ३३ जनामा कोरोना संक्रमण पुष्टि भएको छ।

स्वास्थ्य तथा जनसंख्या मन्त्रालयका प्रवक्ता डा.जागेश्‍वर गौतमको अनुसार २४ घण्टामा पिसिआर विधिबाट ३ हजार ९ सय ८७ वटा नमुना परिक्षण गरिएकोमा १ सय ३३ जनामा कोरोना संक्रमण पुष्टि भएको हो ।

योसँगै नेपालमा कोरोना संक्रमितको संख्या १८ हजार ३ सय ७४ जनामा पुगेको मन्त्रालयले बताएको छ ।

पछिल्लो २४ घण्टामा थप १ सय ७ जना उपचारपछि निको भएर डिस्चार्ज भएका छन्। यो सहित डिस्चार्ज हुनेको संख्या १२ हजार ९ सय ४७ पुगेको छ।

कुल संक्रमितमध्ये ४३ जनाको मृत्यु भएको छ।

काठमाडौं । २२ वर्षीया युवतीलाई एसिड आक्रमण गर्ने दुई जना युवालाई पक्राउ गरी प्रहरी सार्वजनिक गरेको छ ।

काठमाडौं प्रहरी परिसर र महानगरीय अपराध अनुसन्धान महाशाखाले टेकुमा संयुक्त पत्रकार सम्मेलन गरेर दुई जनालाई सार्वजनिक गरेको हो ।

घटनामा संलग्न रहेको अभियोगमा रौतहटको लक्ष्मीपुर घर भइ हाल डल्लु बस्ने मोहम्मद आलम र भारत घर भई डल्लुमा कालीगढको काम गर्ने मुन्ना मोहम्मद पक्राउ परेका छन् ।

काठमाडौं । राजधानी काठमाडौंमै बिहीबार साँझ एक युवतीमाथि एसिड प्रहार भएको छ । सीतापाइलामा युवतीमथि एसिड प्रहार भएको हो । प्रहरीका अनुसार ओखलढुंगा घर भएकी २२ वर्षीया पवित्रा कार्कीमाथि एसिड प्रहार हो । घरबाट सामान किन्न बजार निस्किएको बेला उनीमाथि एसिड हानिएको हो ।

एसिड हान्ने व्यक्तिको खोजी भइरहेको प्रहरीले जनाएको छ । उनको अनुहारमा एसिड प्ररेको छ । उनको कीर्तिपुरस्थित एक अस्पतालमा उपचार भइरहेको जनाएको छ । राजधानीमै युवतीमाथि भएको एसिड प्रहारले प्रशासनको सुरक्षा र महिलामाथि भइरहेको हिंसाको प्रश्नलाई पुनः एक पटक जगाएको छ ।

काठमाडौं । नेपालमा पछिल्लो २४ घण्टामा थप १ सय ४७ जनामा कोरोना संक्रमण पुष्टि भएको छ।

स्वास्थ्य तथा जनसंख्या मन्त्रालयका प्रवक्ता डा. जागेश्‍वर गौतमको अनुसार २४ घण्टामा पिसिआर विधिबाट ३ हजार ४ सय ८१ वटा नमुना परिक्षण गरिएकोमा १ सय ४७ जनामा कोरोना संक्रमण पुष्टि भएको हो ।

योसँगै नेपालमा कोरोना संक्रमितको संख्या १८ हजार ९४ पुगेको मन्त्रालयले बताएको छ ।

पछिल्लो २४ घण्टामा थप १ सय ५६ जना उपचारपछि निको भएर डिस्चार्ज भएका छन्। यो सहित डिस्चार्ज हुनेको संख्या १२ हजार ८ सय ४० पुगेको छ।

कुल संक्रमितमध्ये ४३ जनाको मृत्यु भएको छ।

काठमाडौं । श्रीमतीको हत्या अभियोगमा सर्वश्वसहित जन्मकैदको सजाय काटिरहेका सशस्त्र प्रहरी बलका तत्कालीन डीआइजी रञ्जन कोइराला आज जेलमुक्त भएका छन् ।

सर्वोच्च अदालतले जन्मकैदको सजाय घटाएर साढे आठ वर्षमा झारिदिएपछि कोइराला डिल्लीबजार कारागारबाट मुक्त भएका हुन् ।

श्रीमती गीता ढकालको हत्या गरेपछि उनी जेल परेका थिए । प्रधान न्यायाधीश चोलेन्द्र शमशेर जबरा र न्यायाधीश तेजबहादुर केसीको इजलासले असार १५ गते कोइराला साढे ८ वर्ष जेल बस्दा पनि सजायको मकसद पूरा हुने भन्दै सजाय घटाउने फैसला गरेको थियो ।

हत्या मुद्दामा जिल्ला र पुनरावेदन अदालत गरेको जन्मकैदको फैसला असार १५ गते सर्वोच्च अदालतले घटाएर ८ बर्ष ६ महिनामा झारेपछि उनी थुनामुक्त भएका हुन् ।

महिला अधिकारका क्षेत्रमा कार्यरत व्यक्ति तथा संघ–संस्थाहरुले फैसलाले महिलामाथि गम्भीर प्रकृतिका, बर्बर र निकृष्ठ घटना झन् बढ्दै जाने भन्दै आपत्ति जनाएका छन् । न्याय प्रणाली तथा न्यायमूर्तिहरुमाथिको विश्वास गुम्ने खतरा झन् बढ्ने उनीहरुको चिन्ता छ ।

कोइरालाले २०६८ पुस २७ गते घरायसी विवादमा श्रीमतिको हत्या गरेका थिए । उनलाई काठमाडौँ जिल्ला अदालतले ०७१ वैशाख ७ मा सर्वस्वसहित जन्मकैदको फैसला गरेको थियो । सो फैसला पुनरावेदन अदालत पाटनले ०७२ मंसिर २३ मा सदर गरेको थियो ।

काठमाडौं । सरकारले १ सय २० दिन लामो लकडाउन अन्त्य गरेपनि उपत्यकामा प्रवेश गर्न पास चाहिने भएको छ ।

गृह मन्त्रालयले मन्त्रिपरिषद बैठकको निर्णयमा स्पष्ट व्याख्या नभएपछि ठ काठमाडौं उपत्यका प्रवेश गर्न पास चाहिने नियम कायमै राखेको हो ।

सरकारले लकडाउन शुरू गरेर एक जिल्लाबाट अर्को जिल्लामा जान पास लिनुपर्ने व्यवस्था गरेको थियो ।

मंगलवारदेखि लकडाउन अन्त्य भएपनि काठमाडौं उपत्यका भित्रिने निजी सवारी साधनले पास लिनुपर्ने पुरानो व्यवस्था यथावत रहेको ट्राफिक प्रहरीले जनाएको छ ।

लामो दुरीका सवारी साधन तत्काल नखुलेकाले पास कायम रहेको महानगरीय ट्राफिक प्रहरी महाशाखा प्रमुख भीमप्रसाद ढकालले जानकारी दिए। ‘हामीलाई माथीबाट त्यस्तै आदेश छ’, एसएसपी ढकालले भने।

सरकारले लामो दुरीका सवारी साधनलाई भदौ १ गतेदेखि सन्चालन गर्ने निर्णय गरेको थियो। उपत्यकाको हकमा तीन जिल्ला र बाहिरको हकमा एक जिल्लाभित्र सवारी साधन सन्चालनलाई गत असोज २६ गतेदेखि खुला गरिएको थियो।

लामो दूरीका सवारी साधन भने भदौ १ गतेबाट चलाउने निर्णय सरकारले गरेको थियो ।

काठमाडौं । नेपालमा कोरोनाबाट थप  एक जनाको मृत्यु भएको छ ।

वीरगञ्जमा साउन ६ गते मृत्यु भएका एक जना ७० वर्षीय पुरुषको मृत्युपछि कोरोना पुष्टि भएको हो ।

नारायणी अस्थाई कोभिड अस्पताल गण्डकको आइसोलेसनमा उपचारका क्रममा साउन ६ गते मृत्यु भएका वीरगंज महानगरपालिका ६ का ७० वर्षीय पुरुषको कोरोना परीक्षण रिपोर्ट पोजेटिभ आएको स्रोतले जनाएको छ ।

योसँगै नेपालमा कोरोनाका कारण मृत्यु हुनेको संख्या ४३ पुगेको छ । स्वास्थ्य तथा जनसंख्या मन्त्रालयले भने पुष्टि गर्न बाँकी नै रहेको छ ।