पोखरा । पोखरा महानगरपालिका वडा नम्बर ३३ का अध्यक्ष शिवप्रसाद आचार्य चढ्ने गाडीमा बम विष्फोट भएको छ । राती भएको विस्फोटमा मानवीय क्षति भने नभएको प्रहरीले बताएको छ ।
घरमा पार्किङ गरेर राखेको गाढीमा राती बम विष्फोट आचार्यले जानकारी दिएका छन् । उनी वडा नम्बर ३३ का अध्यक्ष हुन्, तर उनको घर भने वडा नम्बर १७ मा पर्छ ।
प्रहरीका अनुसार गाडीमा कसले कुन प्रयोजनमा बम विस्फोट गरायो भन्ने खुलेको छैन । अनुसन्धान जारी छ । पोखरामा अहिले उपनिर्वाचनको चटारो छ ।
काठमाडौं । आइतबार एका बिहानै सिभिल हस्पिटलका डाक्टर प्रभु जोशीलाई एक सवारी साधनले ठक्कर दियो । ठक्करबाट ७२ वर्षिय डाक्टरको ज्यान गयो ।
हजारौं विरामीलाई उपचार गरी निको पारेका डाक्टरले आफूलाई भने बचाउन सकेनन् । मर्निंग बाकमा निस्केका उनलाई बाटो काट्दा सवारी साधनले हानेको हो ।
आइतबार दिनभर प्रहरीले उक्त सवारी साधनको खोजि जारी राखेको छ । तर, अझैसम्म पनि सवारी साधनको सुइकोसमेत पाउन सकेको छैन ।
अझ दुखलाग्दो पक्ष त यो दूर्घटना संसद भवनको सामुन्ने भएको हो । जहाँ २४ सैं घण्टा प्रहरीको पहरा हुन्छ । चारैतर्फ सीसी क्यामरा जडान भएका छन् ।
तर, पनि सवारी साधनको कुनै टुंगो लागेको छैन । प्रहरीका अनुसार सीसीटीभी क्यामराबाट घटनाको फूटेज निकालिएको छ । तर, बिहान ६ बजे नै घटना भएको र पूर्ण उज्यालो नभइसकेका कारण दृष्यको क्वालिटी राम्रो देखिएको छैन ।
जसले गर्दा प्रहरीलाई झनै चूनौति थपिएको छ । प्रहरीका अनुसार ठूलो गाडीले उनलाई ठक्कर दिएको देखिएको छ । तर, ठ्याक्कै ठम्याउन सकिएको छैन ।
काठमाडौंमा पैदल यात्रु निकै असुरक्षित छन् । पैदल यात्रुमैत्री संरचना छैनन् । त्यसमाथि चालकले लापरवाही रुपमा सवारी चलाउँछन् ।
काठमाडौं । प्रधानमन्त्री केपी शर्मा ओली नियमित स्वास्थ्य परीक्षण गर्न ग्राण्डी अस्पताल पुगेका छन् । यस अघि पनि मिर्गौलाको नियमित डायलसिसका लागि उनी ग्राण्डी अस्पताल गइरहेका थिए ।
आइतबार भने नियमति उपचारसँगै उपचारका अन्य विधिमा समेत चिकित्सकसँग प्रधानमन्त्रीका निजी चिकित्सकहरुले परामर्श गरेका छन् ।
१३ वर्षअघि मिर्गौला प्रत्यारोपण गरेका प्रधानमन्त्री ओलीले केही महिना अघि दुई पटकसम्म सिंगापुर पुगेर उपचार गराएका थिए ।
तर, त्यसले ठिक नभएपछि मृगौला प्रत्यारोपण गर्नु पर्ने निष्कर्षमा चिकित्सक पुगेका छन् । नेपालमा विकल्प नभए विदेशमै मृगौला प्रत्यारोपण गर्न जाने तयारी प्रधानमन्त्रीको रहेको छ ।
काठमाडौं । गृह मन्त्रालयले घर घरमा रहेका वैधानिक हतियार चुनाव अवधिभरका लागि प्रहरीलाई बुझाउन निर्देशन दिएको छ ।
आगामी १४ मंसिरमा हुने उपनिर्वाचनका दौरान निर्वाचन हुने जिल्ला र क्षेत्रका नागरिकले आफुसँग रहेको अनुमति प्राप्त हतियार अब नजिकको प्रहरी कार्यालयमा बुझाउनु पर्ने भएका छ ।
चुनाव प्रभावित नहोस र शान्ती सुरक्षा कायम होस भन्ने उद्देश्यले यस्तो आग्रह गर्नु परेको गृहको भनाई छ । चुनावका बेला बैधानिक हतियारको समेत दूरुपयोगको सम्भावना धेरै हुन्छ ।
गृहले १० मंसिर भित्र हतियार बुझाउन मिति समेत तोकेको छ । चुनावपछि भने आफ्नो हतियार फिर्ता लैजान सकिन्छ । सरकारले कम हानिकारक हतियारहरु इजाजत लिएर व्यत्तिले घरमा राख्न पाउने अधिकार दिएको छ ।
धादिङ । जन्ती बोकेको बस दूर्घटना हुँदा धादिङमा एक जनाको ज्यान गएको छ । ४० जना घाइते भएको छ ।
त्यसमध्ये पनि एक दर्जन यात्रुको अवस्था गम्भीर भएको र उनीहरुलाई उपचारका लागि काठमाडौं पठाइएको प्रहरीले जाएको छ ।
आइतबार बिहान पृथ्वीराजमार्गस्थित धादिङको गल्छी गाउँपालिका–६ बैरेनीबजारमा बस दूर्घटनामा परेको हो । नुवाकोटको बाँसगडीबाट जन्ती बोकेर बस अमलेखगञ्जतर्फ जाँदै गरेको थियो ।
बा २ ख ६२६८ नम्बरको जन्ती दूर्घटनामा परेको हो । दुर्घटनामा नुवाकोट जिल्ला बेलकोटगढी नगरपालिका–५ की १४ वर्षीया डोल्मा तामाङको घटनास्थलमै मृत्यु भएको जिल्ला प्रहरी कार्यालयले जनाएको छ । अन्य घाइतको भने स्थानीय स्वास्थ्य चौकिमा उपचार जारी रहेको छ ।
काठमाडौं । देशभर चिसो बढेको छ । मौसम पूर्वानुमान महाशाखाका अनुसार पश्चिमी न्यूनचापीय प्रणालीको प्रभाव नेपालमा पनि देखिन थालेको छ ।
यसले केही स्थानमा वर्षात गराउने छ । हिमाली भेगमा भने हिमपातको सम्भावना रहेको महाशाखाले उल्लेख गरेको छ ।
देशैभर आंशिकदेखि सामान्य बदली भई केही स्थानमा हल्का वर्षा तथा उच्च हिमाली भेगमा हिमपातको सम्भावना देखिएको जल तथा मौसम विज्ञान विभाग, मौसम पूर्वानुमान महाशाखाको बुलेटिनमा उल्लेख गरिएको छ ।
महाशाखाको मौसमी प्रक्षेपणअनुसार आइतबार देशभर आंशिकदेखि सामान्य बदली रही पहाडी भूभागका एक(दुई स्थानमा हल्का वर्षा र हिमाली भेगमा हल्का हिमपातको सम्भावना छ । सोही क्रम मंगलबारसम्म रहने भएको छ ।
पोखरा । पूर्वप्रधानमन्त्री तथा नेपाली कांग्रेसका सभापति शेरबहादुर देउवाले भारतले नयाँ राजनीतिक नक्सा सार्वजनिक गर्दा प्रधानमन्त्री केपी शर्मा ओलीसँग सहमति लिएको आरोप लगाएका छन् ।
शनिबार उपनिर्वाचनका दौरान प्रचार प्रसारमा पोखरा पुगेका उनले चुनावी सभालाई सम्बोधनका क्रममा उक्त आरोप लगाएका हुन् ।
भारतले ओलीसँग कुनै सम्झौता गरेरै नयाँ नक्सा सार्वजनिक गरेको हुन सक्ने भन्दै उनले नेपाली भूभाग मिचिएको प्रष्ट हुँदाहुँदै सरकारले उच्चस्तरको कुटनीतिक पहल नगर्नुको पछाडी केही कारण भएको बताए ।
यसबाट प्रधानमन्त्रीकै सहमतिमा भारतले नक्सा जारी गरेको पुष्टि हुने उनले उल्लेख गरे । भारतले नयाँ नक्सा सार्वजनिक भएपछि त्यसको नेपालमा व्यापक विरोध भइरहेको छ ।
भारतले भने इन्कार गरिरहेको छ । सभापति देउवाले वर्तमान सरकारले जनताको ढाड सेक्ने गरी कर लगाएर जनताको दुख बिर्सेको समेत आरोप लगाए ।
काठमाडौं । महिलाकै मिलेमतोमा राजधानीमै एक किशोरीको बलत्कार प्रयास भएको छ । बलत्कार प्रयासको आरोपमा प्रहरीले दुई महिलासहित तीन जनालाई पक्राउ गरेको छ ।
कन्सल्टेन्सीमा जागिरको प्रलोभन देखाई अन्तर्वार्तामा बोलाएको र जबर्जस्ती करणी गर्न खोजेको भन्दै किशोरीले उजुरी दिएपछि उनीहरु पक्राउ परेका हुन् ।
प्रहरीका अनुसार सिंनामंगलस्थित एक कन्सल्टेन्सीमा जागिर लगाइदिने भन्दै किशोरीमाथि जबर्जस्ती गर्न खोज्ने रोहितप्रसाद ढुंगाना र उनलाई सहयोग गर्ने निर्मला शर्मा र मीना रिमाल पक्राउ परेका हुन् ।
शर्मा र रिमालले पीडित किशोरीको चिनजान रोहितप्रसाद ढुंगानासँग गराइदिएका थिए । ५ मंसिरमा बिहान ५ बजे बानेश्वरमा एक खाजाघरमा अन्तर्वार्ताका लागि बोलाएको पिडित किशोरीले बताएका छन् ।
खाजा खाइसकेपछि डेरामा पुर्याउने भन्दै ढुंगानाले ट्याक्सीमा राखेर गोदावरी रिसोर्ट लगेका थिए । त्यहाबाट ढुंगानाको प्रतिकार गर्दै भागेर आफन्तको सम्पर्कमा पुगेकी किशोरीले उनीहरुविरुद्ध जाहेरी दिएपछि प्रहरीले पक्राउ गरेको हो ।
चितवन । प्रहरीले चितवन मेडिकल कलेजको होस्टेलबाट हतियार फेला पारेको छ । चितवन प्रहरीका अनुसार शनिबार दिउसो कलेजको होस्टेलमा गोलीसहितको हतियार भेटिएको हो ।
मेड इन युएसए लेखिएको हतियार होस्टेलमा फेला परेको र यसबारे थप अनुसन्धान भइरहेको प्रहरीले उल्लेख गरेको छ । होस्टेललका गार्डले हतियार भएको जानकारी प्रहरीलाई गराएका थिए ।
प्रहरीले हतियार र गोलीसमेत फेला पारेको पुष्टी गरेको छ । हतियार भेटिएपनि कसले त्यहासम्म् ल्याएको थियो भन्ने बारे भने खुलेको छैन ।
अहिले चितवन मेडिकल कलेजमा आन्दोलन भइरहेको छ । चिकित्सा शिक्षा संघर्ष समितिले आन्दोलन गरिरहेको छ ।
गैरकानूनि शूल्क लिएको भन्द्यै विद्यार्थीले आन्दोलन गरिरहेका छन् । यसै आन्दोलनका बीच हतियार भेटिनुले विषय गम्भीर बन्न पुगेको छ ।
बागलुङ । नेपाल कम्युनिष्ट पार्टी नेकपाका अध्यक्ष पुष्पकमल दाहाल (प्रचण्ड)ले कार्यविभाजनका सन्दर्भमा रहेका कन्फ्युजन हटेको भन्दै अब सरकार र पार्टी दुबैले रफ्तार लिने बताएका छन् ।
पार्टीलाई बलियो बनाउने र सरकारका कामलाई प्रभावकारी बनाउने सन्दर्भमा प्रधानमन्त्री केपी शर्मा ओली र आफूबीच अब कुनै द्धिविधा नरहेको उनले स्पष्ट पारे ।
अब ओलीले सरकार र आफूले पार्टी बलियो बनाउन ध्यान केन्द्रित गर्ने उनको भनाई रहेको छ । शनिबार आगामी उपनिर्वाचनको प्रचार प्रसारका क्रममा बागलुङ पुगेर एकताको बलियो सन्देश दिन खोजेका छन् ।
उनले भने ‘अब एक जना सरकार र अर्को पार्टी बलियो बनाउन लाग्छौं ।’ उनले सीमा विवादबारे सरकारले पहल थालेको समेत जानकारी दिए ।
बागलुङमा प्रदेशसभा निर्वाचनमा नेकपाले राष्ट्रिय जनमोर्चाका उम्मेदवार खिमविक्रम शाहीलाई साझा उम्मेदवार बनाएको छ ।
यो क्षेत्र २०७४ को निर्वाचनमा समेत बामगठबन्धनको बलमा जनमोर्चाले नै चिजेको थियो । उपनिर्वाचन १४ मंसिरमा हुँदैछ । पाटीहरु अहिले प्रचार प्रसारमा जुटेका छन् ।
काठमाडौं । बेलायती नागरिक जेम्स ग्रिफिन सगरमाथा क्षेत्रबाट हराएका छन् । ट्रेकिंग एजेन्सीज एशोसिएशन अफ नेपाल (टान)का अनुसार २ नोभेम्बरदेखि उनी वेपत्ता छन् ।
उनी २९ अक्टोवरमा नेपाल आएको रेकर्ड देखिएको टानले उल्लेख गरेको छ । ५३६५३८४५२ पासपोर्ट नम्बर बाहक उनी सगरमाथा आधार शिविरको पदयात्राका लागि नेपाल आएका थिए ।
टानले आफ्नो संगठन मातहतका सबै सरोकारवालासँग उनको बारेमा कुनै सूचना फेला परे जानकारी गराउन आग्रह गरेको छ । खासगरी बीना गाइड पदयात्रामा निस्क्ने विदेशीहरु हराउने सम्भावना बढी हुन्छ ।
बिश्वन्युज संवाददाता
काठमाडांैं
प्रधानमन्त्री केपी शर्मा ओली उपचारका लागि बाल्टीमोर आउने तयारीमा छन् । प्रधानमन्त्रीको उपचारका लागि अमेरिकास्थित नेपाली राजदूत डा. अर्जुनकुमार कार्कीले तयारी थालेका छन् । त्यसका लागि नेपालबाट चिकित्सकसहितको टोली अमेरिका आएर तयारी थालेको बालुवाटार स्रोतले जनाएको छ । चर्चा–परिचर्चा भए पनि प्रधानमन्त्री तथा मन्त्रिपरिषद् कार्यालयले भने अहिलेसम्म औपचारिक रुपमा अमेरिकामा उपचार हुने कुरा सार्वजनिक गरेका छैनन् । यद्यपी नेकपा अध्यक्षसमेत रहेका ओलीले सरकार र पार्टी सञ्चालनका विषयमा पनि त्यसैअनुसार तयारी थालेका छन् ।
काठमाडौंको ग्राण्डी अन्तर्राष्ट्रिय अस्पतालमा तेस्रो पटक मिर्गौलाको डाइलाइसिस गरेका प्रधानमन्त्री ओलीले विश्वकै चर्चित अस्पताल जोन हप्किन्स अस्पताल बाल्टीमोरमा उपचार गर्ने निष्कर्ष निकालेका छन् । शनिबारको अन्तिम स्वास्थ्य रिपोर्ट पनि अमेरिका पठाइएको छ । ओली एक–डेढ हप्ताभित्र अमेरिका जाने नेकपाका एक सचिवालय सदस्यले जानकारी दिए । आइतबार बसेको नेपाल कम्युनिष्ट पार्टी (नेकपा)को सचिवालय बैठकमा भने प्रधानमन्त्रीको स्वास्थ्य अवस्थाबारेमा छलफल भएको थिएन । बैठकपछि पार्टी प्रवक्ता नारायणकाजी श्रेष्ठले प्रधानमन्त्री ओलीको स्वास्थ्य राम्रो रहेको जानकारी दिएका थिए ।
प्रधानमन्त्री ओलीले आफ्नो उपचार महिनौंसम्म लाग्न सक्ने भन्दै पार्टीको सम्पूर्ण जिम्मेवारी अर्का अध्यक्ष पुष्पकमल दाहाललाई जिम्मा लगाई सकेका छन् ।आफ्नो भाबी उपचारलाई लक्षित गरेर ओलीले मन्त्रिपरिषद् फेरबदल गरेर आफू आउने समयसम्मका लागि उपप्रधान तथा रक्षामन्त्री ईश्वर पोखरेललाई सरकारको जिम्मा लगाईसकेका छन् ।
प्रधानमन्त्री ओलीले सन् २००७ मा भारतको नयाँ दिल्लीमा रहेको एपोलो अस्पतालमा मिर्गौलाको प्रत्यारोपण गरेका थिए । प्रत्यारोपण गरिएको मिर्गौलाले १० प्रतिशतको हाराहारीमा मात्र काम गरेको निष्कर्षसहित चिकित्सकको टोलीले नियमित डाइलाइसिस वा प्रत्यारोपणको विकल्पमा सुझाव दिएका छन् । प्रधानमन्त्री ओली भने अब फेरि एक पटक प्रत्यारोपण गर्ने निष्कर्षमा पुगेका छन् । रगतमा बिकारको मात्रा अत्यधिक भएका कारणले गर्दा पछिल्लो पटक हेमोडाइलाइसिस गरिएको ग्राण्डी अस्प्तालका चिकित्सक प्राडा प्रेमराज ज्ञवालीले जानकारी दिएका छन् ।
प्रत्यारोपण गरिएको मिर्गौलाले जम्मा १० प्रतिशत मात्र काम गरेपछि चिकित्सकले फेरि पनि अर्को मिर्गौला प्रत्यारोपण गर्न सुझाव दिएका छन् । बाल्टीमोरमा गरिने प्रत्यारोपणमा भने भित्रको मिर्गौला नफालिकन अर्को मिर्गौला हाल्ने प्रविधि रहेकाले ओली उत्साहित बनेका छन् । १० प्रतिशत काम गरेको मिर्गौलालाई पूर्ववत् अवस्थामा राखेरै अर्को मिर्गौला थपिने स्रोतले जनाएको छ । औषधिले नियन्त्रण हुने वा यथास्थितिमा रहने सम्भावना नरहेका कारणले प्रधानमन्त्री ओलीले प्रत्यारोपणको बाटो रोजेका हुन् । केही चिकित्सकले भने नेपालमै प्रत्यारोपण गर्न ओलीलाई सुझाव दिएका थिए ।
ओलीले प्रत्यारोपणको सफलताका विषयमा चिकित्सकसँग पटक–पटक परामर्श गरेका छन् । विदेशका अन्य ठाउँ र नेपालमा गरिने प्रत्यारोपणमा उस्तै सफलता रहेको चिकित्सकले बताएका छन् । तर, बाल्टिमोरमा भने अर्को मिर्गौलालाई नचलाइकन नयाँ मिर्गौला थप्ने प्रविधिको सफलता रहेको थाहा पाएपछि ओली अमेरिका नै जाने निष्कर्षमा पुगेका हुन् । प्रधानमन्त्रीका एक सल्लाहकारले अबको एक डेढ हप्ताभित्रै प्रधानमन्त्री ओली अमेरिका पुगिसक्ने जानकारी दिए । यसअघि नै अमेरिकामा मिर्गौला प्रत्यारोपणको तयारीका लागि निजी चिकित्सकसहितको तयारी टोली पुगिसकेको स्रोतको भनाइ छ ।
मिर्गौला दिन मिल्ने नीतिगत दायरा भित्रैबाट एक जना आफन्तसमेत अमेरिका उडिसकेका स्रोतले बतायो । नेपालको कानुनले परिवारजनबाट मिर्गौला प्रत्यारोपणका लागि दिनुपर्ने दायरा बनाएको छ । तर, प्रधानमन्त्रीलाई मिर्गौला दिन इच्छा गर्नेको संख्या धेरै नै छ । मिर्गौला दिन मिल्ने व्यक्तिको छनोट भैसकेको छ । विदेशमा गएर मिर्गौला प्रत्यारोपण गरेमा आफन्त पनि हुनु नपर्ने कानुनी दायराले आफन्त नै चाहिने कानुनी झन्झटबाट पनि प्रधानमन्त्री ओली मुक्त हुनेछन् । नेपाल रहेसम्म नियमित डाइलाइसिस गरिने र अमेरिकामा तयारी गरेपछि भने प्रत्यारोपणका लागि जानेगरी पार्टी तथा सरकारको व्यवस्थापनमा अहिले प्रधानमन्त्री क्रियाशील छन् ।
नयाँ मिर्गौला प्रत्यारोपणका लागि समय भने कम्तीमा तीनदेखि पाँच महिनासम्म लाग्ने गर्छ । अध्यक्षद्वयबीचमा पनि स्वास्थ्य अवस्थाका विषयमा पटक–पटक छलफल भएको छ । ओली र प्रचण्डबीचको छलफलका आधारमा अन्तिममा सचिवालय बैठकबाट निर्णय गराएर प्रधानमन्त्री अमेरिका लाग्नेछन् । चिकित्सकले कम्तीमा ३ देखि ५ महिनासम्म आराममा बस्नुपर्ने बताएपछि ओलीले मन्त्रिपरिषद्का सदस्य परिवर्तन र पार्टीको जिम्मेवारी समेत परिवर्तन गरेका हुन् । त्यसैअनुसार मन्त्रीहरुसँग पटक–पटक भेटवार्ता गरेका छन् । पार्टीका सचिवालय सदस्यसँग पनि पटक–पटक भेटवार्ता गरेर आफ्नो स्वास्थ्य अवस्थाका विषयमा छलफल गरेका छन् । यद्यपि प्रधानमन्त्रिको भ्रमणको मिति भने औपचारिक रुपमा हालसम्म सार्वजनिक गरिएको छैन ।
गम्भीर बिरामी हुँदा पनि पदको भोक
प्रधानमन्त्री ओली प्रधानमन्त्री तथा मन्त्रिपरिषद् कार्यालयबाट कार्यसञ्चालन गर्न नसकेको लामो समय भैसकेको छ । पछिल्ला मन्त्रिपरिषद् बैठक पनि उनी बालुवाटारबाटै सञ्चालन गर्दै आएका छन् । पार्टीको सचिवालय बैठक पनि बालुवाटार नै भएको छ । विदेशीसँगको भेटवार्ता पनि उनले बालुवाटारमै गरिरहेका छन् । आइतबार मात्र लामो समयपछि राष्ट्रिय युवा संघ नेपालको कार्यक्रमलाई सम्बोधन गर्न सार्वजनिक कार्यक्रममा पुगेका थिए । आफ्नो कार्यालयमा पनि नियमित आउजाउ गर्न नसकेका प्रधानमन्त्रीले पदको भोक देखाइरहेका छन् ।
नेपाल कम्युनिष्ट पार्टीभित्र पूर्वप्रधानमन्त्रीहरु नै तीन तीन जना छन् । स्वास्थ्य अवस्थाले पनि तीनै जनालाई साथ दिएको छ । प्रधानमन्त्री बन्न योग्य आधा दर्जन नेताहरु छन् । तर पनि प्रधानमन्त्री ओलीले आफ्नो उपचार गरेर प्रधानमन्त्री पद आफ्नै पार्टीका नेतालाई सुम्पिने इच्छाशक्ति देखाएका छ्रैनन् । बिरामी परेका समयमा पनि उनको ध्यान नियुक्ती, सरुवा, बढुवालगायतमा केन्द्रित छ । चिकित्सकहरुले प्रधानमन्त्री अोलीलाई पटक–पटक धपेडी नगर्न र आराम गर्न सुझाव दिए पनि त्यसलाई ओलीले ध्यान दिएका छैनन् ।
काठमाडौं । मन्त्रीपरिषद् पुनर्गठन निकै पेचिलो विषय थियो, जसलाई प्रधानमन्त्री केपी शर्मा ओलीले पार लगाएका छन् । यद्दपी उनी विवाद मुक्त हुन सकेनन् । यसको स्पष्टिकरण नै उनले दिनुपर्यो ।
बिहीबार नवनियुक्त मन्त्रीसहित मन्त्री र सचिवहरुको पूर्ण बैठक बोलाएर प्रधानमन्त्रीले अरुलाई पनि पालो दिनु पर्ने भएकाले राम्रो काम गरेका मन्त्रीसमेत हट्नु परेको बताए ।
यसपटक मन्त्रीका रुपमा हटाइएका धेरैले कुनै न कुनै रुपमा कानूनि जग बसाल्न र स्थायित्व कायम राख्न योगदान गरेका थिए । उनले यसलाई कामको आधारमा भन्दा पनि पार्टीमा नयाँलाई अवसर दिन गरिएको भागबन्डाका रुपमा व्याख्या गरेका छन् ।
तर, प्रधानमन्त्रीले जे बोले पनि उनको असन्तुष्टी आफ्नो रप्तार अनुसार काम गर्न सकेनन् भन्ने नै थियो । प्रधानमन्त्रीले त्यो अभिव्यक्ति बेला बेला सार्वजनिक पनि गर्छन् ।
अब मन्त्रीपरिषद्मा उनले चाहेका मन्त्रीको नयाँ सेट तयार भएको छ । यसले जनअपेक्षा अनुसार काम गर्दै प्रधानमन्त्रीलाई सफल बनाउँछ या मन्त्रीकै कारण काम गर्न सकिन भन्ने गराउँछ, त्यो भने हेर्न बाँकि छ ।
बिहीबार प्रधानमन्त्रीको मूख्य चासो राजधानीको सडकका खाल्डामा थियो । यो बाँसुरी धेरै बजिसक्यो भन्दै उनले यथासिघ्र काठमाडौंका बाटोको खाल्डो पुर्न निर्देशन दिए ।
४ महिना भित्र काठमाडौंका बाटो पुरिनु पर्ने र आगामी चौमासिकमा यसको सकारात्मक नतिजा आउनु पर्ने उनको निर्देशन छ । काम गर्ने ठाउँमा धुलो नउड्ने गरी व्यवस्थापन गर्न समेत उनले निर्देशन दिए ।
उनले चिनियाँ राष्ट्रपति आएका बेला एक सातामा सडक चिल्लो पार्न सक्ने सरकारी निकायले अन्य दिन किन सक्दैन भन्ने आलोचना तर्फ इगिंत गर्दै सोही रफ्तार र तत्तपरता सधैभरी देखाउन समेत निर्देशन दिए । उनले भ्रष्ट्राचारमा कही कतै नमुछिन मन्त्रीशरुलाई सचेत गराए ।
काठमाडौं । नेपालमा पहिलो पटक सगरमाथा संवाद कार्यक्रम आयोजना हुने भएको छ ।
जलवायु परिवर्तन र यसले पारेको असरबारे संसारको ध्यानाकर्षण गराउने उद्देश्यले पहिलो पटक सगरमाथा संवाद गर्न लागिएको परराष्ट्र मन्त्री प्रदीप ज्ञवालीले जानकारी दिए ।
उनका अनुसार चैत तेस्रो साता अन्तर्राष्ट्रिय स्तरको ‘सगरमाथा संवाद’ कार्यक्रम आयोजना हुने पक्का भएको छ । ‘जलवायु परिवर्तन, पर्वतीय वातावरण र मानव जातिको भविष्य’ विषयमा अन्तरराष्ट्रिय बहस गर्न लागिएको हो ।
चैत्र २० देखि २२ सम्म आयोजना हुने यो कार्यक्रमले नेपालको प्रवद्र्धनमा समेत उत्तिकै सहयोग गर्ने भएको छ ।
विश्वका उच्च राजनीतिक नेतृत्व, मुलुक र विज्ञबीच जलवायु परिवर्तनको संकट समाधानमा समान धारणा निर्माण गर्न यो कार्यक्रम फलदायी हुने विश्वास मन्त्रालयको छ । जलवायु परिवर्तनबाट कम गतिविधि गर्ने नेपालजस्ता अतिकम विकसित मुलुक बढी प्रभावित छन् ।
काठमाडौं । मन्त्रिपरिषद् पुनर्गठनसँगै नयाँ मन्त्रिहरुले बिहीबार पद तथा गोपनीयताको सपथ ग्रहण गरेका छन् ।
राष्ट्रपति कार्यालय शीतलनिवासमा बिहीबार एक औपचारिक कार्यक्रम आयोजना गरी नयाँ मन्त्रिहरुलाई सपथ खुवाइएको हो । राष्ट्रपति विद्यादेवी भण्डारीले नवनियुक्त ६ मन्त्रीलाई शपथ ग्रहण गराइन् ।
३ जना राज्य मन्त्रीलाई भने प्रधानमन्त्रीले शपथ खुवाए । उक्त अवसरमा विशिष्ट व्यक्तिरु उपस्थित थिए । बुधबार प्रधानमन्त्रीको सिफारिसमा राष्ट्रपति विद्यादेवी भण्डारीबाट मन्त्रिपरिषद् हेरफेर भएको थियो ।
सोही अनुसार नयाँ मन्त्रिहरुले बिहीबार सपथ ग्रहण गरेका हुन् । बिहीबार वसन्त नेम्वाङ, घनश्याम भुसाल, हृदयेश त्रिपाठी र पार्वत गुरुङ, लेखराज भट्ट र रामेश्वर राय यादवले मन्त्रिका रुपमा सपथ लिए ।
नेम्वाङ भौतिक पूर्वाधार तथा यातायात मन्त्री बनेका छन् । भुसाललाई कृषि, त्रिपाठीले संघीय मामिला तथा सामान्य प्रशासन र पार्वत गुरुङले महिला बालवालिका तथा जेष्ठ नागरिक न्त्रालय सम्हालेका छन् ।
रामेश्वर राय श्रम र लेखराज भट्टलाई उद्योग मन्त्रालयको जिम्मेवारी दिइएको छ । नयाँ मन्त्री आएसँगै ८ जना पुराना मन्त्रीको जिम्मेवारी भने खोसिएको छ ।
रघुवीर महासेठ, लालबाबु पण्डित, गोकर्ण विष्ट, थममाया था, धनबहादुर बुढा, चक्रपाणि खनाल, मात्रिका यादव र रामकुमारी चौधरीलाई विदा गरिएको हो ।
नवनियुक्त मन्त्रीहरुले बिहीबार नै आ आफनो मन्त्रालयमा पुगेर कार्यभार सम्हालेका छन् । त्यसमध्ये कृषि मन्त्री भुषालले कुनै पनि निर्णयमा हस्ताक्षर गरेनन् ।
काठमाडौं । नेकपा भित्र सिद्धान्ततः सबैभन्दा खरो रुपमा उत्रने नेताका रुपमा पहिचान बनाएका घनश्याम भुषाललाई प्रधानमन्त्री केपी शर्मा ओलीले सरकारमा बोलाएका छन् । उनी ओलीको आलोचक पनि मानिन्छन् ।
तर, ओलीले उनलाई कृषि तथा पशुपंक्षिजस्तो गहकिलो मन्त्रालय सुम्पिदिएर चलाखी गरेका छन् । हेर्दा लाग्छ, कृषि लो प्रोफाइलको मन्त्रालय हो ।
तर, देशको दुई तिहाई जनसंख्या आवद्ध भएको यस पेशालाई व्यवसायिक, मर्यादित बनाउँदै देशलाई आत्मनिर्भर बनाउन सक्ने हो भने यो मन्त्रालय चलाएर वाहवाही कमाउन सक्ने आधार धेरै छन् ।
नेकपा भित्रै घनश्यामलाई सानो मन्त्रालय दिइएको भन्दै टिप्पणी भएको छ । तर, कृषिलाई सानो आक्नो उनीहरुको अल्पज्ञान हो ।
हरेक पटक बाली नाली लगाउने बेला मल नपाएर कृषक तड्पिएको भेटिन्छ । बाली भित्राउने बेला बजार नपाएर कृषक मरिरहेका छन् ।
उखु किसान र व्यापारीबीच सधै द्धन्द्ध हुन्छ । बजारमा उपभोक्ताले चर्को मूल्य तिर्दा पनि कृषकले श्रमको मूल्य पाएको छैन ।
यस अवस्थामा घनश्यामको काँधमा भने हिँजो सिद्धान्ततः नेतृत्वलाई चर्को स्वरमा आलोचना गर्दै सिकाएको सीप अब व्यवहारमा उतार्ने मौका आएको छ । आफ्नो उक्त परिक्षामा उनी कति सफल हुनेछन्, त्यो त आगामी दिनमा देखिने छ ।
काठमाडौं । प्रधानमन्त्री केपी शर्मा ओलीले बुधबार साँझ मन्त्रिपरिषद् पुनर्गठन गरेका छन् । उनले ८ जना नयाँ मन्त्री थपे भने बाँकि पुरानैलाई निरन्तरता दिए ।
यस क्रममा श्रम तथा रोजगार मन्त्री गोकर्ण विष्ट समेत बाहिरिने मन्त्रीको सूचिमा परे ।
पछिल्लो समय केपी ओली सरकारले सबैभन्दा सफलता मानेका प्रधानमन्त्री रोजगार कार्यक्रम, सामाजिक सुरक्षा कार्यक्रम, मलेसियाको सिण्डिकेट हटाई कामदारलाई निःशुल्क प्रवेशको व्यवस्था मिलाएका मन्त्री विष्ट सरकारका लोकप्रिय सदस्य मध्ये एक थिए ।
उनले म्यानपावर कम्पनीहरुको ठगी विरुद्ध कारवाहीको अभियान नै चलाएका थिए । त्यसले धेरै व्यवसायीको विचल्ली हुने अवस्था थियो ।
म्यानपावरबाट मन्त्री विष्टलाई हटाउने लविंग निकै पहिलाबाटै भएको हो । यसमा प्रधानमन्त्रीले व्यवसायीलाई साथ दिँदै अन्ततः आफ्नै लोकप्रिय मन्त्रीलाई हटाइदिएका छन् ।
यसको सामाजिक संजालमा खुलेर आलोचना भइरहेको छ । मेलम्ची खानेपानी आयोजनालाई दुई वर्ष पर धकेल्ने बीना मगर भन्दा गोकर्ण विष्ट असक्षम कसरी भन्दै प्रधानमन्त्रीलाई धेरै नागरिकले प्रश्न गरिरहेका छन् ।
कतिपयले प्रधानमन्त्री म्यानपावर दलालहरुको चंगुलमा फसेको र मन्त्री विष्टले चाकडी गर्न नसकेपछि हटाएको दावि गरेका छन् । मन्त्रीपरिषद्का अन्य सदस्यको वर्हिगमनमा भने जनताले त्यति धेरै चित्त दुखाएको पाइन्न ।
काठमाडौं । चक्रिय प्रणालीमा नेतृत्व चलाइरहेको राष्ट्रिय जनता पार्टी (राजपा) नेपालको अध्यक्ष मण्डलको संयोजकको जिम्मेवारी राजेन्द्र महोतोको काँधमा आएको छ ।
उनले बिहिबारबाटै अध्यक्ष मण्डलको जिम्मेवारी सम्हाल्दैछन् । यसअघि अध्यक्ष मण्डलको संयोजक महन्त ठाकुर थिए ।
राजपाका बुधबार बसेको केन्द्रिय बैठकले बिहीबारदेखि महतोलाई संयोजकको जिम्मेवारी तोकेको हो । करीव आधा दर्जन दल सिमिएर एक बनेको राजपमा अहिले आलोपालो संयोजक बन्ने प्रचलन रहेको छ ।
काठमाडौं । राष्ट्रपति विद्यादेवि भण्डारीले मन्त्रिपरिषद् पुनर्गठन गरेकी छिन् । नेकपा सचिवालय बैठकबाट अनुमोदन भएका मन्त्रीहरुको नाम प्रधानमन्त्री केपी शर्मा ओलीले राष्ट्रपति समक्ष बुझाएका थिए ।
सोही नामलाई समेटेर राष्ट्रपतिबाट बुधबार मन्त्रिपरिषद्को पुनर्गठन भएको हो । नेपालको संविधानको धारा ७६ को उपधारा (९) बमोजिम प्रधानमन्त्रीको सिफारिसमा मौजूदा मन्त्रिपरिषदमा नियुक्ति, हेरफेर र कार्य विभाजन गरीएको राष्ट्रपति कार्यालयले जनाएको छ ।
नयाँ मन्त्रीको सूचि अनुसार लोकप्रिय मन्त्री गोकर्ण विष्ट बाहिरिएका छन् । लालबाबु पण्डित, रघुविर महासेठ, मातृका यादव, थममाया थापाको मन्त्री पद गुमेको छ । उनीहरुको स्थानमा हृदयेश त्रिपाठी, बसन्त नेम्वांग मोतिलाल दुगड, घनश्याम भुषाललगायत नेता मन्त्री बनेका छन् ।
हेर्नुहोस सूचि
| क्र.सं. | नाम, थर | पदनाम | कार्यविभाजन |
| १ | श्री केपी शर्मा ओली | प्रधानमन्त्री | |
| २ | श्री ईश्वर पोखरेल | उपप्रधानमन्त्री | रक्षा |
| ३ | श्री उपेन्द्र यादव | उपप्रधानमन्त्री | कानुन, न्याय तथा संसदीय मामिला |
| ४ | श्री रामबहादुर थापा | मन्त्री | गृह |
| ५ | श्री प्रदीपकुमार ज्ञवाली | मन्त्री | परराष्ट्र |
| ६ | श्री हृदयेश त्रिपाठी | मन्त्री | सङ्घीय मामिला तथा सामान्य प्रशासन |
| ७ | श्री गिरिराजमणि पोखरेल | मन्त्री | शिक्षा, विज्ञान तथा प्रविधि |
| ८ | श्री बर्षमान पुन | मन्त्री | ऊर्जा, जलस्रोत तथा सिँचाइ |
| ९ | श्री घनश्याम भुसाल | मन्त्री | कृषि तथा पशुपन्छी विकास |
| १० | श्री भानुभक्त ढकाल | मन्त्री | स्वास्थ्य तथा जनसङ्ख्या |
| ११ | श्री लेखराज भट्ट | मन्त्री | उद्योग, वाणिज्य तथा आपूर्ति |
| १२ | श्री योगेशकुमार भट्टराई | मन्त्री | संस्कृति, पर्यटन तथा नागरिक उड्डयन |
| १३ | श्री शक्तिबहादुर वस्नेत | मन्त्री | वन तथा वातावरण |
| १४ | श्री रामेश्वर राय यादव | मन्त्री | श्रम, रोजगार तथा सामाजिक सुरक्षा |
| १५ | डा. युवराज खतिवडा | मन्त्री | अर्थ |
| १६ | श्री मोहम्मद इश्तियाक राई | मन्त्री | सहरी विकास |
| १७ | श्री जगतबहादुर सुनार (विश्वकर्मा) | मन्त्री | युवा तथा खेलकुद |
| १८ | श्री गोकुलप्रसाद वाँस्कोटा | मन्त्री | सञ्चार तथा सूचना प्रविधि |
| १९ | श्री पद्माकुमारी अर्याल | मन्त्री | भूमि व्यवस्था, सहकारी तथा गरिबी निवारण |
| २० | श्री बीना मगर | मन्त्री | खानेपानी |
| २१ | श्री वसन्तकुमार नेम्बाङ्ग | मन्त्री | भौतिक पूर्वाधार तथा यातायात |
| २२ | श्री पार्वत गुरुङ | मन्त्री | महिला, बालबालिका तथा ज्येष्ठ नागरिक |
| २३ | श्री मोतीलाल दुगड | राज्यमन्त्री | उद्योग, वाणिज्य तथा आपूर्ति |
| २४ | श्री नवराज रावत | राज्यमन्त्री | स्वास्थ्य तथा जनसङ्ख्या |
| २५ | श्री रामबिर मानन्धर | राज्यमन्त्री | सहरी विकास |
काठमाडौं । मन्त्रिपरिषद् पुनगर्ठनको चर्चाले बुधबार पनि नेपालको राजनीतिक सरगर्मी तात्यो । संचारमाध्यमदेखि सामाजिक संजाल यसैको चर्चामा थियो ।
किनकी मंगलबार प्रधानमन्त्री केपी शर्मा ओलीले मन्त्रिपरिषद् बैठकमै मन्त्रीहरुलाई बुधबार कुनै पनि सार्वजनिक कार्यक्रममा नजान भनेका थिए । उनको आषय बुधबार नै मन्त्रिपरिषद्पुनर्गठन हुने र मन्त्रीहरु परिवर्तन हुनेतर्फ थियो । बुधबार त्यसका लागि पटक पटक बैठकहरु समेत भए ।
तर, बाहिर सार्वजनिक नगरेपनि प्रधानमन्त्री केपी शर्मा ओलीले मन्त्रीहरुको सूचि भने बुधबार साँझ राष्ट्रपति कार्यालयमा पठाइसकेका छन् ।
केही नयाँ र केही अनुभवी नेताहरु समेटेर सूचि राष्ट्रपति कार्यालयमा गएको प्रधानमन्त्री निकट स्रोतले जानकारी दिएको छ ।
घनश्याम भुषाल, मोती दुगड, भानुभक्त ढकाल, बसन्त नेम्वांग, हृदयेश त्रिपाठीलगायत नेता मन्त्री बन्दैछन् ।
बुधबार नेकपा सचिवालय बैठकले अध्यक्षद्धयको जिम्मेवारी स्पष्ट बनायो ।
त्यसअघि प्रधानमन्त्री र अध्यक्ष प्रचण्डले राष्ट्रपति विद्यादेवि भण्डारीलाई भेट गरे । त्यसपछि बुधबार नै बिस्तार हुने भनिएको मन्त्रिपरिषद् भने बिस्तार हुन सकेन् ।
बिहीबार केही नयाँ र अधिकांश पुरानै अनुहारसहित मन्त्रिपरिषद् पुनर्गठन गरिदैछ । बिहीबार नै मन्त्रीहरुलाई सपथ गराउने तयारी समेत गरिएको छ ।
त्यसो त मन्त्रीबाट बिदाई हुने हल्ला चलेका कतिपय मन्त्रालयमा बुधबार सुनसान माहौल देखिन्थ्यो । मन्त्रीहरु मन्त्रालयमा अनुपस्थित थिए ।
मन्त्री पदबाट उद्योग मन्त्री मातृका यादव र कृषि मन्त्री चक्रपाणी खनालले आफूहरु हट्ने पक्का भएको सार्वजनिक गरिसकेका छन् । अन्य मन्त्रीहरुका सम्बन्धमा भने केही बाहिरिएको छैन ।
काठमाडौं । सत्तारुढ नेपाल कम्युनिस्ट पार्टी (नेकपा)को कार्यकारी अध्यक्ष प्रचण्ड बनेका छन् । नेकपाको बुधबार कसेको बैठकले प्रचण्डलाई कार्यकारी अधिकारीसहित अध्यक्षको जिम्मेवारी दिएको हो ।
अध्यक्ष प्रधानमन्त्री केपी शर्मा ओलीसमेत रहने छन् । तर, उनको भूमिका कार्यकारी हुनै छैन । पार्टीको जिम्मेवारी प्रचण्डको काँधमा दिएसँगै नेकपाले सत्ताको बागडोर भने ५ वर्षसम्म नै केपी शर्मा ओलीलाई सुम्पिएको थियो ।
पार्टी एकताका दौरान सरकारको नेतृत्व आलोपालो गर्ने थियो । तर, प्रचण्डले शक्तिशाली अध्यक्षको भूमिका पाएसँगै उक्त विवाद पनि मिलेको हो ।
वर्तमान प्रतिनिधिसभा रहेसम्म सत्ताको बागडोर वर्तमान प्रधानमन्त्रीकै नेतृत्वमा रहने निर्णय भएको नेकपाका प्रवक्ता नारायणकाजी श्रेष्ठले जानकारी दिए ।
प्रतिनिधिसभाको यस कार्यकालमा सरकारको नेतृत्व केपी शर्मा ओलीले गर्ने र राजनीतिक स्थायित्वको सन्देश दिने उनको भनाई छ ।
अब केपी शर्मा ओली पूर्णतया सरकारको काममा केन्द्रित हुनेछन् । पार्टीको काम र नेतृत्वमा भने प्रचण्ड समर्पित हुने भएका छन् ।
पार्टी र सरकारको संचालनमा दुबै अध्यक्षले समन्वय भने गर्नेछन् । वरियता यथावत रहने तर, कार्यकारी अधिकार प्रचण्डलाई दिइएको हो । अब प्रचण्ड नेपाली राजनीतिकै शक्तिशाली पार्टीको नेतृत्वमा पुगेका छन् ।
काठमाडौं । मन्त्रीपरिषद् पुनर्गठनले राजनीतिक माहौल तातेको एक महिना नाघिसक्यो । तर, यसले मुर्तरुप पाउन भने सकेको छैन । तर, मन्त्रीपरिषद् पुनर्गठनको अन्तिम तयारी भने भइरहेको बताइएको छ ।
सम्भवतः बुधबार यसले मुर्तरुप पाउने संकेत नेताहरुले गरेका छन् । मंगलबार मन्त्रीपरिषद् बैठक बसेको थियो । सो बैठकमा प्रधानमन्त्री केपी शर्मा ओलीले यसको संकेत गरिसकेका छन् ।
त्यसो त मन्त्रीपरिषद्का केही सदस्यलाई बिदाई दिने तयारी लामो समयदेखि नै भएको हो । तर, नेकपा अध्यक्ष प्रचण्डसँगको सहमतिका कारण प्रधानमन्त्रीले मन्त्रीहरु हटाइहाल्न सकेका छैनन् ।
प्रचण्ड प्याकेजमै सहमती कार्यान्वयनको पक्षमा छन् । यसको मतलव उनले कि मन्त्रीपरिषद्को नेतृत्व पाउनु पर्छ या पार्टीको कार्यकारी भूमिका निर्वाह गर्न पाउनु पर्छ ।
अहिले पार्टी दुई अध्यक्षकै नेतृत्वमा चलिरहेको छ । मंगलबारको बैठकमा प्रधानमन्त्रीले सबै मन्त्रीहरुको पुनर्गठन हुने र त्यसक्रममा केही मन्त्री बाहिरिने तथा केही भित्रने समेत जानकारी गराएका छन् ।
यसले सम्भवतः आजै वा केही दिन भित्रै मुलुकले नयाँ अनुहारमा मन्त्रीहरु पाउने संकेत निश्चित गरेको छ ।
काठमाडौं । बझाङको खप्तडछन्ना गाउँपालिका–१, पौवागढीमा केन्द्रबिन्दु बनाएर मंगलबार भूकम्प गएको छ ।
मंगलबार बेलुका ७ बजेर १५ मिनेटमा ५ दशमलव ७ रेक्टर स्केलको भूकम्पको धक्का महसुस गरिएको भूकम्प मापन केन्द्र सुर्खेतले उल्लेख गरेको छ ।
भूकम्पको धक्का बझाङसहित सूदुर पश्चिम, कर्णाली र प्रदेश नं ५ का जिल्लासम्म गरिएको थियो । गुल्मी र अर्घाखाँचीमा समेत भूकम्पको धक्का महसुश भएको स्थानीयले जनाएका छन् ।
उता, भारतमा समेत भूकम्पले मानिसलाई तर्साएको छ । भारतको राजधानी दिल्ली, उत्तराखण्ड र उत्तर प्रदेशका विभिन्न जिल्लामा भूकम्पको धक्का महसुश भएको छ ।
ठूलो भूकम्प आएपनि क्षतिको भने विवरण आइसकेको छैन । बस्ती नभएको खप्तड राष्ट्रिय निकुन्ज क्षेत्रमा केन्द्रविन्दु भएका कारण कम क्षति भएको अनुमान रहेको छ ।
काठमाडौं । सर्वोच्च अदालतले दुई जना बलात्कारीलाई साढे ११ वर्षको जेल सुनाएको छ । साथै पिडितलाई १० लाख रुपैयाँ क्षतिपूर्ति भराउनसमेत आदेश गरेको छ ।
पुनरावेदन अदालतले गरेको फैसला उल्टाउँदै सर्वोच्चले सोमबार यस्तो आदेश दिएको हो । बैतडीकी पूजा बोहोराको बलात्कार कसुर प्रमाणित भएपछि सागर भट्ट र अमरराज अवस्थीलाई उक्त कैद तथा नगद सजाय सुनाएको हो ।
९ चैत २०६८ मा एसएलसी परीक्षाको तयारीका लागि गेसपेपर किन्न फोटो स्टुडियो छिरेकी पूजा स्टुडियो सञ्चालक सागर भट्ट र उनका साथी अमरराज अवस्थीबाट सामूहिक बलात्कारमा परेकी थिइन् ।
आफूलाई बेहोस हुने सुई लगाई अचेत बनाएपछि बलात्कार भएको उनको जाहेरीमा उल्लेख छ ।
न्यायाधीश सपना मल्ल र हरि फुयाँलको संयुक्त इजलासले तत्कालीन पुनरावेदन अदालत महेन्द्रनगरको फैसला उल्टाउँदै यस्तो फैसला गरेको हो बलात्कार कसूरमा साढे ६ वर्ष र सामूहिक बलात्कार कसूरमा ५ वर्ष गरी साढे ११ वर्ष कैद सजाय सुनाइएको सर्वोच्चले जानकारी दिएको छ ।
बैतडीका जिल्ला न्यायाधीश हिमालयराज पाठकको इजलासले २२ फागुन २०६९ मा १३ वर्ष कैद र ५० हजार रुपैयाँ जरिवाना सुनाएको थियो ।
१५ वैशाख २०७१ मा पुनरावेदन अदालतका न्यायाधीश नरबहादुर शाही र रमेशप्रसाद राजभण्डारीको संयुक्त इजलासले जिल्ला अदालतको फैसला उल्ट्याउँदै दुबै अभियुक्तलाई सफाइ दिएको थियो ।
पुनरावेदनले गरेको फैसलाका विरुद्ध सरकारी वकिलको कार्यालय २१ मंसिर २०७१ मा सर्वोच्च गएको थियो ।
क्यालिफोर्निया
अमेरिकाको क्यालिफोर्नियामा फेरी मास सुटिङ्को दु:खद घटना घटेको छ । क्यालिफोर्नियास्थित एक प्राईभेट घर पछाडि करेसामा आयोजित पार्टिमा आईतबार साँझ गोली चल्दा ४ जनाको मृत्यु भएको छ भने ६ जना घाईते भएका छन् । क्यालिफोर्नियाको दक्षिण पुर्बी शहर फ्रेस्नोस्थित घरको करेसामा ३५ जना एसियन मुलका मानिस भेला भएर पार्टी गर्दै फुटबल हेरिरहेका थिए । पार्टिमा सहभागी सबै २५ देखि ३५ उमेर समुहका थिए । पार्टी चल्दै गर्दा अकस्मात एक जना सन्धिग्द ब्यक्ती पार्टी भएको ठाउँमा प्रबेश गरेर र अन्धाधुन्द गोली चलाएको पार्टीमा सहभागी एकले संचार माध्यमलाई बताएका छन् । पार्टिमा गोली चलेको खबर प्रहरीले ९११ मार्फत ६ बजे प्राप्त गरेको जनाएको छ । गोली प्रहार गर्ने ब्यक्तीको हालसम्म पहिचान खुलेको छैन ।
तीन जनाको घटनास्थलमा मृत्यु भएको थियो भने घाईते सातलाई उपचारको लागि रिजनल मेडिकल सेन्टरमा लगिएको थियो । घाईते मध्ये एकको अस्पतालमा उपचारको क्रममा मृत्यु भएको थियो भने अन्य ६ जनाको स्वास्थ्य अवस्था स्थिर रहेको पनि प्रहरी अधिकारिले जनाएका छन । घटनाको बारेमा घटनास्थल संगैका छिमेकीका अनुसार थुप्रै पटक त्यस क्षेत्रमा गोली चलेको आवाज सुनिएको थियो ।
प्रहरीले त्यस क्षेत्रका हरेक घर भित्र प्रबेश गरी सन्धिग्द अपराधीको खोजी गरिरहेको जनाएको छ ।
क्यालिफोर्नियामा गत हप्ता दुई वटा बिद्यालयमा विद्यार्थीले गोली चलाऊँदा २ जना विद्यार्थीको मृत्यु भएको थियो भने केही घाईते भएका थिए ।
काठमाडौं । अन्तराष्ट्रिय उडानका जहाज चढ्न र ओर्लन प्रयोगमा आउने र्याम्प अब आन्तरिक विमानस्थलमा समेत जडान गरिएको छ । पहिलो पटक बुद्ध एयरले भैरहवाबाट यसको प्रयोग थालेको छ ।
यसअघि जहाजमै जडित सानो भर्यांगबाट यात्रु चढ्नु र ओर्लुनु परेको छ । त्यसको साटो र्याम्प प्रयोगमा ल्याइएको कम्पनीले जनाएको छ ।
भैरहवाबाट शुरु भएको यो सुविधा क्रमशः सबै आन्तरिक उडानमा बिस्तार गर्ने कम्पनीको योजना रहेको छ । यसले वृद्ध उमेरका यात्रु र अशक्त यात्रुलाई निकै सहज हुने भएको छ ।
काठमाडौं । भारतले सीमा मिचेर नयाँ राजनीतिक नक्सा सार्वजनिक गरेपछि प्रधानमन्त्री केपी शर्मा ओलीले पहिलो पटक सार्वजनिक कार्यक्रममा यस विषयमा आफ्नो धारणा सार्वजनिक गरेका छन् ।
सरकारले आफ्नो धारणा सार्वजनिक गरेपनि प्रधानमन्त्रीले टिप्पणी गरेको पहिलो पटक हो । उनले आइतबार राजधानीमा आयोजित एक कार्यक्रममा बोल्दै नेपालको एक इन्च पनि भूभाग कसैले मिच्न नसक्ने उल्लेख गरे ।
उनले कालापानी क्षेत्रबाट आफ्नो सेना फिर्ता लैजान समेत भारत सरकारलाई आग्रह गरे । उनले यसबीचमा सर्वदलीय बैठक राखेका छन्, भने अनौपचारिक रुपमा भने कुराकानी तिब्र बनाएका छन् ।
प्रधानमन्त्री अघिल्लो कार्यकालमा भने भारतले गरेको नाकाबन्दीमा खरो उत्रिएका थिए । यस पटक भने उनी मौन बसेको भन्दै आलोचना भएको थियो ।
त्यसो त विगत कैयौं वर्षदेखि मिचिएको सीमा अहिले नै मिचिएको जस्तो भनी गरिएको प्रचारबाजीमा समेत प्रधानमन्त्री असन्तुष्ट देखिएका थिए ।
आइतबार नेकपासम्बद्ध युवा संघ नेपालको कार्यक्रममा बोल्दै प्रधानमन्त्रीले भने, छिमेकी देशले हाम्रो भूमिबाट आफ्ना सेना फिर्ता लैजाओस् ।’
‘राष्ट्रियता, राष्ट्रिय अखण्डताको पक्षमा सरकारलाई सबैले बलियो साथ दिएकोमा भने उनले आभार व्यक्त गरेका छन् ।
सरकारले कूटनीतिक संवादबाट समस्या समाधान गर्ने उनको आश्वासन थियो । पछिल्लो समय अन्तर्राष्ट्रिय समूदायले पनि नेपाललाई पत्याउन थालेको र चर्चा गर्न थालेको भन्दै उनले उच्चस्तरीय भ्रमणहरु यसकै उपज भएको उल्लेख गरे ।
काठमाडौं । नेपाल भ्रमणमा रहेका विश्व चर्चित क्रिकेटर सचिन तेन्दुलकरले प्रधानमन्त्री केपी शर्मा ओलीसँग भेट गरेका छन् ।
भेटमा उनले प्रधानमन्त्रीको स्वास्थ अवस्था बुझ्दै नेपालमा न्यानो स्वागतका लागि आभार व्यक्त गरेका थिए । उक्त अवसरमा प्रधानमन्त्री केपी शर्मा ओलीले सचिनलाई सुन्दर ल्याम्प पनि उपहारस्वरुप प्रदान गरेका छन् ।
भेटपछि प्रधानमन्त्रीले टुइट गर्दै सचिनले नेपालले बाल अधिकारका बारेमा गरेका कामको प्रशंसा गरेको जानकारी गराएका छन् । ‘उनले बालअधिकारको संरक्षण र उनिहरुको हितका लागि नेपालले गरेको प्रयास प्रशंसाजनक रहेको बताए,’ प्रम ओलीको टुइटमा उल्लेख छ ।
त्यसो त सुन्दर शहर काठमाडौंमा आउँदा आफू निकै खुसी भएको सचिनले टुइट गरेका छन् । यसैबीच आइतबार नै सचिन नेपालको चर्चित धार्मिक स्थल पशुपतिनाथ मन्दिरको दर्शनमा पुगेका छन् ।
नेपाल पर्यटन बोर्डले पशुपति दर्शनको व्यवस्थापन गरेको थियो । युनिसेफको सद्भावनादूत रहेका उनी शुक्रबार नेपाल आएका हुन् । उनले शनिबार बालबालिकासँग क्रिकेट खेलेका थिए ।
न्युयोर्क
झन्डै तीन हप्ता लामो पारिवारिक र राजनैतिक भ्रमणका क्रममा अमेरिका आइपुगेका नेपाली कांग्रेसका प्रभावशाली नेता तथा साँसद प्रकाशमान सिंहले नेपालमा कम्युनिष्ट अधिनायकबादको उदय हुने पो हो कि ? भन्दै चिन्ता ब्यक्त गरेका छन् । अमेरिकास्थित कांग्रेस प्रवास संगठन जन सम्पर्क समिति न्युयोर्क च्याप्टरदेखि क्यालिफोर्निया च्याप्टरसम्मले आयोजना गरेका झन्डै आधा दर्जन अन्तर्कृया र आफ्नै पिता लौह पुरुष गणेश मान सिंहको बायोपिक चलचित्र “वीर गणेशमान” प्रदर्शनी कार्यक्रममा ब्यस्त भएका नेता सिंहले विश्व सन्देश साप्ताहिक र विश्व न्युजसँगको छोटो भेटमा देशको अवस्था बारे चिन्ता ब्यक्त गरेका हुन् ।
नेता सिंहले भने “त्यती धेरै मेहनत गरेर मुलुकको संबिधान बनाईयो । संबिधानलाई संस्थागत गर्न र संघियता लोकतन्त्र र समाबेसिताको भावनाहरुप्रति दुई तिहाई बहुमतको सरकारको ध्यान केन्द्रित हुनु पर्ने थियो । कानूनहरु निर्माण गरेर सिंहदरबारको अधिकार गाँउ-गाउँसम्म पुर्याएर जनताका सम्बृद्धीका लागि सरकार गम्भिर हुनु पर्दथ्यो तर अहिले त अधिकार गाउँमा पुर्याउने त होईन उल्टै गाँउ पुगेको अधिकार समेत प्रधानमन्त्रीले लुड्याएर एक दलिय कम्युनिष्ट राज्य निर्माण गर्न पो खोजेको हो कि जस्तो अवस्था देखिएकोले चिन्तित बनाएको छ ।”
अमेरिका भ्रमणमा आउने अधिकांश नेताहरु अमेरिकी राष्ट्रपति निवास ह्वाईट हाऊस बाहिरै घुमेर फर्किने परम्परालाई तोड्दै यस पल्ट नेता सिंहले भित्रै अवलोकन गर्ने अग्रिम ब्यबस्थापन गरेर ह्वाईट हाऊस अवलोकन गरेका उनले नेपालको बर्तमान सरकारको थप आलोचना गर्दै भने “२१ औं शताब्दीमा पनि बलात्कार र हत्या जस्ता जघन्य अपराधमा संलग्नहरुलाई खोजी तथा कारबाही गर्नका लागि राज्यलाई घच्घच्याउनु पर्ने अनि उल्टै अपराधीलाई कारबाही गर सरकार भन्दै आन्दोलन गर्न वाध्य हुनु पर्ने दिन आएको बताए । तिन हप्ताको अमेरिका भ्रमणको क्रममा नेता सिंहले नेपाली मुलका किरण सिटौला उप-मेयर रहेको मेरिल्याण्ड राज्यस्थित “ईन्डियन हेड टाऊन” पुगी उप-मेयर सिटौलासँग अमेरिकी बिकास शिक्षा स्वास्थ र अमेरिकी प्रशासनको कार्यशैली लगायतका बिबिध बिषयमा निक्कै रुचीपूर्वक जानकारी समेत लिएका थिए । सिंहले डि सि मेरिल्याण्ड भ्रमणका क्रममा अमेरिकाका लागि नेपाली राजदुत अर्जुन कुमार कार्कीसँग पनि लन्च मिटिङ गरेका थिए ।
फितलो र जनताप्रति उत्तरदायी हुन नसकेको सरकारको कार्यशैलीप्रति किन जिम्मेवार प्रतिपक्ष नेपाली कांग्रेस सशक्त हुने नसकेको त ? भन्ने प्रश्नमा उनले भने “हामीले संसदीय ब्यबस्थाको मर्म र भावना अनुरुप बिधि बिधान सम्मत संसदबाट बिरोध गरेकै छौं तर संसद भित्र माईक भाँच्ने कुर्सी भाँच्ने एम्बुलेन्स तोडफोड गर्ने टायर बाल्ने सडकका रेलिङ भाँचेर बिरोध गर्ने प्रचलन भोगी सकेको हुनाले कांग्रेस निस्कृय भएको जस्तो देखिएको मात्र हो । लोकतन्त्रमा लोकतान्त्रिक पद्धती अनुसार हामीले सरकारको बिरोध गर्दै आएका छौ ।” नेपाली कांग्रेस कै प्रसँगमा नेता सिंहले थप्दै भने “देशको हरेक महत्वपूर्ण परिवर्तन कांग्रेस कै नेतृत्वमा भएको छ ।
द्वन्दको खाडलमा खसेको मुलुकमा शान्ती प्रकृयाको नेत्रित्व कांग्रेसले गर्यो । बन्न नसकेको संबिधान कांग्रेस प्रधानमन्त्रीको नेतृत्वमा बन्यो र पनि जनताले कांग्रेसलाई हराउनुमा कतै न कतै पक्कै पनि कांग्रेस नेतृत्वमा कमजोरी र त्रुटी त छ भन्ने देखिन्छ । आफुले गरेको राम्रो काम कांग्रेसले देखाउन र जनतालाई बुझाउन नसकेको कारण अहिले प्रतिपक्षमा बस्न्नु परेको छ ।”
विश्वभर बिस्तार हुँदै गएको कांग्रेस प्रवास संगठन जन संपर्क समितीका कतिपय पदाधिकारीहरु सम्बन्धित देश कै नागरिक भै सकेको अवस्थामा नेपालको नयाँ संबिधानले नेपाल भित्र राजनीति गर्न रोकेको अवस्थामा पनि छ यसलाई कसरी ब्यबस्थापन गर्नु हुन्छ त भन्ने प्रश्नमा सिंहले भने “कोही पनि ब्यक्ती वा राजनीतिक दल संबिधान भन्दा माथि हुन सक्दैन । नेपालको संबिधानले अर्को देशको नगरिकता लिएको ब्यक्तीलाई नेपालमा राजनीति गर्न नपाउने कुरा प्रष्टसँग ब्यवस्था गरी सकेको हुँदा बिदेशी नागरिकता लिएका कोही पनि ब्यक्ती नेपाली कांग्रेसको महासमिति सदस्य महाधिबेशन प्रतिनिधि वा कुनै पनि पदाधिकारी बन्न मिल्दैन । यो कानुन बिपरित हुन्छ ।” कुराकानी नै क्रममा भारतीय अतिक्रमणको खतरा देखिएको कालापानी, लिपुलेक र लिम्पियाधुराको सम्बन्धमा पनि नेता सिंहले टिप्पणी गर्दै भने ” भारत सरकारले जुन बिबादस्पद नक्सा प्रकाशित गरेको छ त्यसको लागि यो सरकारले कुटनितिक पहल गर्नै सकेको छैन । चुप लागेर बसेको छ । बरु सन् २०१५ मा सुशिल कोईराला प्रधानमन्त्री हुँदा लिपुलेक हुँदै भारत – चिन कारीडोर निर्माणको कुरा हुँदा नेपालको भुमीमा पर्ने लिपुलेकबाट कोरिडोर नेपाललाई माईनस गरेर कसरी निर्माण हुन्छ भनेर कुटनीतिक हिसाबले नेपालले कुरा उठाएको थियो । तर अहिले यस्तो सम्बेदनशील बिषयमा सरकार मौन छ ।”
जन संपर्क समिती न्युयोर्क च्याप्टर मेरिल्यान्ड च्याप्टर भर्जिनिया च्याप्टर टेक्ससस्थित अस्टिन च्याप्टर टेक्सस स्थित डलास च्याप्टर र नर्दन क्यालिफोर्निया च्याप्टर आदीद्वारा नेपालको बर्तमान राजनीतिक परिस्थितीको बारेमा आयोजित अन्तर्कृया तथा स्वागत कार्यक्रममा नेता सिंह सहभागि भएका थिए । साथै कतिपय राज्यमा नेता सिंह कै सहभागितामा लौह पुरुष गणेशमान सिंहको बायोपिक चलचित्र “वीर गणेशमान” समेत प्रदर्शन गरिएको थियो । नेता सिंह कांग्रेस भित्रको दोश्रो पुस्ताका नेता मध्ये निकै कम बिदेश भ्रमण गर्ने नेताको रुपमा समेत चिनिन्छन् । हाल लस एन्जलसमा रहेका सिंह २३ तारिख शनिबार न्युयोर्कबाट नेपाल फर्किने कार्यक्रम रहेको छ ।
काठमाडौं । रौतहटमा आलम आतंक शुरु भएको लामो समय भइसकेको थियो । मानिसहरुले आंग्रेस सांसद मोहम्मद आफताब आलमको ज्यादती सहेरै बसिरहेका थिए ।
तर, जब उनीविरुद्ध जाहेरी दर्ता भयो, त्यसपछि कानूनि कठधरामा उनी उभिए । तर, उनको त्रास भने जिल्लामा अझै उस्तै छ ।
शुक्रबार उनलाई पूर्पक्षका लागि थुनामा पठाउने आदेश गरेसँगै सरकारी पक्षका वकिल र न्यायाधिसले रौतहट छाडिसकेका छन् ।
जिल्लामा वकिलहरुमात्र होइन, आलमका मान्छेले जाहेरी दिने, साक्षी र बयानकर्ताहरुलाई समेत अपहरण, धम्की, प्रलोभनमा पार्ने काम गर्दै आएका छन् ।
सोही कारण जिल्ला अदालत रौतहटले ती सबै पक्षको सुरक्षाको ग्यारेन्टी गर्न समेत सरकारका नाममा आदेश दिएको थियो । अदालतले आलमलाई सुरक्षाकै कारण देखाउँदै रौतहटमा नराख्न भनेको थियो ।
सोही अनुसार उनलाई शनिबार राती नै काठमाडौं ल्याइएको छ । प्रहरीका अनुसार उनलाई ललितपुरस्थित नख्खु जेलमा राखिएको छ ।
पहिलो संविधानसभा निर्वाचन हुनु अघिल्लो रात १२ वर्षअघि बम विस्फोट गराएका उनले त्यहा घाइते भएका मान्छेलाई प्रमाण मेटाउन ईंटाभट्टामा जिउँदै जलाएर मारेको आरोप उनलाई लागेको छ ।
प्रहरीको अनुसन्धानबाट पनि उनी दोषि सावित भएपछि पूर्पक्षका लाग थुनामा पठाइएको हो । उनको सांसद पद समेत निलम्बन भइसकेको छ ।
