Category: समाचार

काठमाडौं । नेपाली कांग्रेसले आइतबार दशैं तिहार तथा छठपर्वको उपलक्ष्यमा चियापान कार्यक्रम आयोजना गरेको छ ।

कार्यक्रममा मूख्य दलका अधिकांश नेता सहभागी भए । प्रधानमन्त्री केपी शर्मा ओली, नेकपाका अध्यक्ष प्रचण्डसहित मूख्य नेता कांग्रेसको चियापानमा सहभागी भएका हुन् ।

उक्त अवसरमा बोल्दै सभापति शेरबहादुर देउवाले चिनियाँ राष्ट्रपति सी चिनफिङको भ्रमणलाई कांग्रेसले स्वागत गरेको बताए ।

चीन नेपालको पुरानो मित्र भएको भन्दै उक्त मुलुकबाट भइरहेको सहयोगको निरन्तरताको अपेक्षा कांग्रेसले गरेको उल्लेख गरे ।

नेपाल कम्युनिस्ट पार्टीका अध्यक्ष पुष्पकमल दाहाल प्रचण्डले नेपाली कांग्रेसको चियापानमा सहभागी हुँदा सहयात्रीको घरमा आएजस्तै लागेको बताए ।

कांग्रेसमा समेत उत्साह आएको भन्दै उनले राजनीति एक अनिश्चितताको खेल भएको तर्फ समेत संकेत गरे ।

प्रधानमन्त्री केपी शर्मा ओलीले नेपाली कांग्रेसका सभापति शेरबहादुर देउवासँग ४५ वर्ष भन्दा पुरा सम्बन्ध रहेको भन्दै चियापानको परम्पराले राजनीतिक भाइचारमा महत्वपूर्ण भूमिका खेल्ने उल्लेख गरे ।

कांग्रेसले हरेक वर्ष यस्तो कार्यक्रम आयोजना गर्दै आएको छ ।

२६ असोज, काठमाडौं

काठमाडौं दरबारमार्गस्थित क्लब भिक्टोरीमा लागेको आगलागी करिब ३ घन्टाको प्रयासपछि नियन्त्रणमा आएको छ ।

प्रहरी कार्यालय टेकुका डीएसपी होविन्द्र बोगटीले आगो नियन्त्रणमा आएको पछिल्लो जानकारी गराएको हो । बोगटीका अनुसार “विद्युत् सर्किट् सर्ट भएका कारण आगोलागी शुरु भएको थियो । अहिले नियन्त्रणमा आइसकेको छ ।”

आइतबार साँझ करिव ६ बजेदेखि शुरु भएको आगलागी नियन्त्रणमा लिन काठमाडौं, ललितपुर महानगरपालिका, नेपाली सेना, नेपाल प्रहरी, सशस्त्र प्रहरी बलसहित ८ वटा दमकल खटिएको थियो । जेनेरेटरसम्म झिल्को पुगेपछि भीषण आगलागी भएको थियो ।

आगलागी निक्कै भिषण भएकोले क्लब भिक्टोरीपूर्ण रुपमा जलेको छ भने अग्नी नियन्त्रणका लागि खटिएका एक फायरफाइटर घाइते भएका छन् । उनको परिचय खुलिहकेको छैन । उनलाई उपचारका लागि वीर हस्पिटलको ट्रमा सेन्टर पुर्याइएको छ ।

२६ असोज, विराटनगर

विराटनगर सहरको पञ्चमुखी चोंक माइतीघर भएकी २२ वर्षीया रञ्जना सहनीको भातरको जोगबनीमा हत्या भएको छ ।

उनको हातखुट्टा बाधेको अवस्थामा परवाना नदीमा शव भेटिएको हो । नेपाली मूलकी युवतीको शव विभत्स अवस्थामा भारतको जोगवनीमा भेटिनुले माईतीपक्ष न्यायको लागि ठुलो अन्यौलमा परेका छन् ।

स्थानीय मनिकचन्द सहनीको २२ वर्षीय छोरी रञ्जनाको गत फागुनमा भारतीय नागरिक भीम बहरदारसँग गत वर्ष विवाह भएको थियो । विवाहमा मागेजती दाइजो नल्याएको भन्दै घरपक्षबाट मानसिक यातना भोगिरहेकी रञ्जनाकोे शव सिमावर्ती क्षेत्र जोगवनीदेखि करिब १० किलोमिटर दक्षिण अररिया जिल्ला स्थित परवाना नदीको मिरगन्ज पुल नजिकै भेटिएको हो ।

आइतबार शव भेटिएपछि प्रहरीले मृतकका श्रीमानसहित चारजनालाई पक्राउ गरेको छ । माइती पक्षको उजुरीपछि भारतीय प्रहरीले मृतकका श्रीमान भीम बहरदार, जेठाजु अर्जुन बहरदार, ससुरा सैनी बहरदारलाई पक्राउ गरेको हो ।

स्थानीय उमालाल सहनीका अनुसार रञ्जनाको गत फागुनमा अररिया जिल्ला तकिया निवासी २५ वर्षिय भिम बहरदार मागी विवाह भएको थियो । विवाहपछि दाइजोमा मोटरसाइकल मागेपछि सहनी परिवारले ९० हजार भारतीय रुपैयाँमा मोटरसाइकल किनिदिएको थियो । तर दाइजो नपुगेको युवतीलाई परिवारले मानसिक यातना दिइरहको सहनीले बताए । पछिल्लो समय बहरदार परिवारले पसल राख्न भन्दै युवतीको माइती पक्षसँग दुईलाख मागिरहेको थियो ।

केही दिन अघि माइत आएकी युवतीलाई श्रीमानले आएर लगेपछि हत्या गरेको माइती सहनीले बताए । सहनीका अनुसार खोलामा युवतीको शव भेटिदा हातखुट्टा बाँधेको अवस्थामा थियो । बिहिबार वा शुक्रबार हत्या गरी खोलामा फालेको शव आइतबार बिहान शौच गर्न जानेहरुले देखेको उनले बताए ।

२६ असोज, काठमाडौं 

काठमाडौंको एलिट वर्गहरुको जमघट हुने स्थानको रुपमा परिचय बनाउँदै आएको दरबारमार्गस्थित क्लब भिक्टोरीमा आईतबार साँझ ६ बजेबाट आगलागी भएको छ ।

आगलागी नियन्त्रणमा लिन नेपाल प्रहरी, सशस्त्रको जवानहरु तथा काठमाडौं महानगरपालिका र नेपाल प्रहरीको दमकल खटिरहेको छ । यद्यपी आगलागी नियन्त्रणमा लिन नसक्दा आगो झन दन्किदै आसपासको घरहरुमा समेत क्षति पुर्याउने खतरा बढिरहेको छ ।

काठमाडौं प्रहरी परिसर, टेकुका प्रमुख एसएसपी उत्तमराज सुवेदीका अनुसार “आगोलाई नियन्त्रणमा लिने प्रयास भइरहेको छ । आगो के कारण लाग्यो भन्ने अहिलेसम्म खुलेको छैन “। 

उपत्यकामा दमकलको अभाव सधै महसुस गरिएपनि आपत बिपत नपर्दासम्म सम्वन्धित पक्षलाई चटारो नपर्ने अवस्था अहिले पनि देखिएको छ । ४ मिलियन जनसँख्या भएको शहरको लागि औंलामा गन्न सकिने दमकल असाध्यै कम हो ।

काठमाडौं । कांग्रेस सभापति शेरबहादुर देउवाले कार्यक्रतालाई अहिंसाको बाटोमा लाग्न सुझाव दिएका छन् ।

महात्मा गान्धीले देखाएको अहिंसाको बाटोलाई अनुशरण गरी अघि बढ्नु पर्ने उनको भनाई रहेको छ ।

महात्मा गान्धीको १५० औं जन्मजयन्तीका अवसरमा बुधबार राजधानीमा आयोजित कार्यक्रममा पूर्वप्रधानमन्त्री देउवाले गान्धीले देखाएको अहिंसाको बाटो नै अनुसरण गर्नुपर्ने उनको भनाई थियो ।

उनले गान्धी एक विश्वकै दूरदर्शी नेता भएको उल्लेख गर्दै उनले देखाएको बाटो अंगाल्दा मात्र मुलुकको विकास हुने उल्लेख गरे ।

उनले गान्धीले अहिंत्सामक आन्दोलनका भरमा अंग्रेज शासन ढालेको स्मरण समेत गरे । नेता रामचन्द्र पौडेलले गान्धीवादको प्रभाव विश्व राजनीति मै बढी परेको उल्लेख गरे ।

काठमाडौं । ललितपुरको भैसेपाटीमा मन्त्री निवास बन्ने पक्का भएको छ । प्रधानमन्त्री केपी शर्मा ओलीले सोमबार राजधानीमा आयोजित एक कार्यक्रममा मन्त्री निवासको शिलान्यास गरे ।

यो निवासमा संघीय सरकारका मन्त्री, प्रदेश सरकारका मुख्यमन्त्रीदेखि मन्त्रीसम्म बस्न सक्ने स्थानको प्रवन्ध हुने भएको छ ।

अहिले पुल्चोकमा रहेको मन्त्री निवासलाई विदेशी पाहुना आउँदा राख्ने लक्जरी लजको रुपमा रुपान्तरण गर्ने र नयाँ स्थानमा मन्त्री निवास बनाउने घोषणा यसअघि सरकारले गरेको थियो ।

सोहीअनुसार सोमबार शिलान्यास भएको हो । मन्त्री निवास एक सय २५ रोपनी क्षेत्रफलमा बन्ने भएको छ ।

करिब ९७ करोड ११ लाख लगानी यस आवासका लागि छुट्याइएको छ । यो आयोजनाको निर्माणको जिम्मा केसी समानान्तर जेभीले पाएको छ ।

विश्व न्यूज संवाददाता
अमेरिका ।
संस्कृति, पर्यटन तथा नागरिक उड्डयन मन्त्री योगेश भट्टराईले पर्यटन बर्ष २०२० को सन्देश प्रवाहको कार्यमा सरकार जुटिरहेको बताएका छन् । इन्टरनेशनल सिभिल एभियसन अर्गनाइजेशन(आइकाओ)को वैठकमा सहभागि हुने क्रममा हाल क्यानडामा रहेका पर्यटनमन्त्री भट्टराईले नेपाल भ्रमणको निम्ति राम्रो गन्तव्य भएको प्रचारमा सरकारको ध्यान केन्द्रीत रहेको बताए ।
विभिन्न देशका झण्डैं २ हजार बढीको सहभागिता रहेको आइकाओको वैठकमा आफ्नो सहभागिता र आफूले त्यहाँ राखेको धारणाले पर्यटन वर्ष २०२० को प्रचार र अन्तराष्ट्रिय क्षेत्रमा हाम्रो उपस्थिति देखाउन सहयोगी भूमिका निभाएको टेलिफोन संवादमा मन्त्री भट्टराईले जनाए ।
उनले भ्रमण वर्ष सफल पार्न हाम्रो सेवा प्रवाहलाई गुणस्तरीय बनाउनुपर्नेमा जोड दिदैं पछिल्लो केही समययतादेखि गरिएको कार्यक्रम फलदायी बनेको बताए ।
भ्रमण वर्षको प्रवद्र्दनका लागि भ्रमण वर्ष सुरुवात कार्यक्रममा नेपालमा विभिन्न देशका राष्ट्रप्रमुख तथा नेपालमा रहेका विभिन्न कुटनितिक नियोगका अधिकारीहरुलाई बेलाईने जानकारी दिदैं उनले विश्वका विभिन्न राष्ट्रमा रहेका नेपाली दुतावास तथा नियोगहरुमार्फत ती देशका राष्ट्रप्रमुख तथा अधिकारीहरुलाई बोलाएर विभिन्न देशमा समेत कार्यक्रम गरिने जानकारी मन्त्री भट्टराईले गराए ।
उनले विभिन्न राष्ट्र तथा शहरहरुमा रहेका पर्यटन दुतहरुलाई समेत यसमा परिचालन गरिने बताउँदैं देश वाहिर गैर आवासीय नेपालीको समेत भ्रमण वर्ष सफल पार्न विशेष योगदान र उनीहरुको सहयोग र सहभागिता आवश्यक रहेको बताए ।

विश्व न्यूज संवाददाता
अमेरिका ।
नेपाल र संयुक्त अरब इमिरेट्स(युएई) का बीचमा हवाई सेवा सम्झौतामा हस्ताक्षर भएको छ । इन्टरनेशनल सिभिल एभियसन अर्गनाइजेशनको वैठकमा सहभागि हुनका लागि क्यानडामा रहेका नेपालका संस्कृति, पर्यटन तथा नागरिक उड्डयन मन्त्री योगेश भट्टराई र युएईका अर्थमन्त्री सुल्तान बीन साइद अल्मान्सोरीले हवाई सेवा सम्झौतामा हस्ताक्षर गरेका हुन् ।
दुई देशका बीचमा भएको हवाई सम्झौताले दुई देश बीचको हवाई सेवालाई थप सुरक्षित र विश्वासीलो बनाउन मद्दत पुगेको पर्यटनमन्त्री भट्टराईले टेलिफोन संवादमा बताए ।
दुवै देशले अन्तराष्ट्रिय नियम तथा अनुबन्धनहरुको नियमलाई पालना गर्दै एक अर्कालाई सहयोग गर्ने वातावरण निर्माण भएको भन्दैं पर्यटनमन्त्रीले भ्रमण वर्ष २०२० लाई समेत यसले सहयोग पुगेको जनाए ।