Category: खेलकुद

काठमाडौं । राष्ट्रपति विद्यादेवी भण्डारीले टोकियो ओलम्पिकमा भाग लिन खेलाडी, प्रशिक्षक तथा व्यवस्थापकलाई बिदाई गरेकी छिन् । शीतल निवासमा बिहीबार राष्ट्रपति भण्डारीले जापानमा आयोजना हुने ३२ औं ग्रीष्मकालीन ओलम्पिकमा सहभागी हुने टोलीलाई सफलताको शुभकामना समेत दिइन् । ओलम्पिक जुलाई २३ देखि अगष्ट ८ सम्म जापानमा आयोजना हुने छ ।

ओलम्पिकमा सहभागी हुन नेपालबाट ५ खेलाडी र ४ प्रशिक्षकसहित २६ सदस्यीय टोली टोकियो जाने निश्चित भएको छ । नेपालबाट पौडीका दुई, एथ्लेटिक्स, सुटिङ र जुडोका एक, एक खेलाडी ओलम्पिकमा भाग लिन जादैछन् । पौडीका खेलाडीद्वय गौरिका सिंह र एलेक्जेन्डर शाह (एलेक्स), सुटिङकी कल्पना परियार, जुडोका सोनिया भट्ट र एथ्लेटिक्सकी सरस्वती चौधरीले प्रतिस्पर्धा गर्ने छन् ।

प्रशिक्षकमा पौडीका शंकर कार्की, सुटिङका असिम यादव, जुडोका सूर्यनारायण श्रेष्ठ र एथलेटिक्सकी इन्द्राकुमारी मल्ल छन् । गौरिका सिंह र एलेक्जेन्डर शाहले ओलम्पिकको मार्चपासमा नेपालको झण्डा संयुक्त रुपमा बोक्नेछन् । गौरिका र एलेक्स भने अहिले जापानमै छन् ।

काठमाडौं । जापानको राजधानी टोकियोमा आयोजना हुने ओलम्पिकमा नेपालबाट ५ खेलाडीले भाग लिने निश्चित भएको छ । टोकियो ओलम्पिकमा नेपालबाट पाँच खेलाडी, ४ प्रशिक्षक र अन्य पदाधिकारी गरि कुल २६ सदस्यीय टोली ओलम्पिकमा भाग लिन जाने छ । नेपाल ओलम्पिक कमिटीले टोकियो ओलम्पिकमा नेपालबाट खेलाडी, प्रशिक्षक र पदाधिकारी गरेर २६ सदस्यीय टोली सहभागी हुने निश्चित भएको जानकारी गराएको छ ।

कमिटीका अनुसार नेपालबाट पौडीबाट गौरिका सिंह, एलेक्जान्डर ग्याडिगाड शाह, एथ्लेटिक्सकी सरस्वती चौधरी, सुटिङकी कल्पना परियार र जुडोकी सोनिया भट्टले प्रतिस्पर्धा गर्ने भएका छन् । प्रशिक्षकमा पौडीका शंकर कार्की, सुटिङका असिम यादव, जुडोका सूर्यनारायण श्रेष्ठ र एथ्लेटिक्सकी इन्द्रकुमारी मल्ल रहेका छन् ।

टोकियो ओलम्पिकमा नेपालको झण्डा भने पौडीकी गौरिका सिंहले बोक्नेछिन् । टोलीको सेफ द मिसनमा राष्ट्रिय खेलकुद परिषद् राखेपका सदस्य सचिव रमेश कुमार सिलवाल रहने छन् । टोकियो ओलम्पिक २०२०, सन् २०२१ को जुलाई २३ देखि अगस्ट ८ सम्म आयोजना हुँदैछ । विश्व खेलकुदको महाकुम्भ मानिने ओलम्पिकमा नेपालले सबैभन्दा पहिले सन् १९६४ मा टोकियो ओलम्पिक मै भाग लिएको थियो ।

लण्डन । इंग्ल्याण्डलाई पेनाल्टी सुटआउटमा हराएको इटलीले युरोकप २०२० माथि कब्जा जमाएको छ । सोमबार बिहान इंग्ल्याण्डको घरेलु मैदानमा भएको खेलमा निर्धारित ९० मिनेट र थपिएको ३० मिनेट समेत १-१ गोलको बराबरीमा गएपछि खेल पेनाल्टी सुटआउटमा पुगेको हो । यो खेल इटलीले ३-२ ले जित्यो । सुटआउटमा इटलीका गोलकिपर जियानलुजी डोनारुम्बाले दुई प्रहार बताए । इंग्ल्याण्डका गोलकिपर जोर्डन पिकफोर्डले पनि दुई पेनाल्टी बचाएका थिए ।

तर इंग्ल्याण्डका एक खेलाडीको प्रहार बाहिरिएको थियो । खेलको दोस्रो मिनेटमै इंग्लिस टोलीले लुक शको गोलमार्फत अग्रता लिएको थियो । ६७औं मिनेटमा लियोनार्दो बोनुचीले इटलीलाई बराबरीमा ल्याए । त्यसपछि भने गोल हुन सकेन । पेनाल्टीमा इटलीका डोमेनिको बेरार्डी, लियोनार्दो बोनुची र र फेडेरिको बर्नाडेसी गोल गरे । आन्द्रे बेलोट्टी र जर्जिन्होको पेनाल्टी इंग्लिस गोलकिपर पिकफोर्डले बचाएका हुन् ।

इंग्ल्याण्डका ह्यारी केन र ह्यारी मग्वायरको प्रहार मात्र गोलमा परिणत भयो । जाडोन सान्चो र बुकायो शाकाको बचाउ इटलीका गोलकिपर डोनारुम्बाले बचाए । मार्कुस रासफोर्डको प्रहार भने पोष्टमा लाग्यो । इटलीले १९६८ पछि पहिलो पटक यूरोपकको उपाधी जित्यो । उता, इंल्याण्ड भने पहिला पटक उपाधी जित्नबाट बन्चित भयो ।

काठमाडौं । एएफसी यू-२३ एसिया कप छनोट प्रतियोगिताको ड्र सार्वजनिक भएको छ ।

एसियाली फुटबल महासंघ(एएफसी) ले शुक्रबार प्रतियोगिताको ड्र सार्वजनिक गरेको हो। जसमा नेपाल समूह ‘बी’ मा परेको छ । त्यस समूहमा इरान, ताजिकिस्तान र लेबनान छन् ।

४२ वटा टिमलाई ११ समूहमा विभाजन गरिएको छ। छनोटका खेल सन् २०२१ को अक्टोबर २३ देखि ३१ सम्म हुनेछन् । छनोटबाट १५ वटा टोली फाइनल चरणमा पुग्नेछन्।

उज्वेकिस्तान आयोजकका रुपमा यसअघि नै छनोट भइसकेको छ। छनोटका लागि एएफसीले वेस्ट रिजन र इस्ट रिजन भनि छुट्याएको छ। व‍ेस्ट रिजनमा ४ वटा टिमका पाँच वटा समूह र तीनवटा टिमको एउटा समूह छ।

यसैगरि इस्ट रिजनमा चार वटा टिमका ४ वटा समूह र तीन वटा टिमको एउटा समूह छ। ११ समूह विजेता र शीर्ष चार उपविजेता टोली छनोट हुनेछन्।

समूह विभाजन

समूह ए : सिरिया, कतार (आयोजक), यमन, श्रीलंका

समूह बी : इरान, ताजकिस्तान (आयोजक), लेवनान, नेपाल

समूह सी : इराक, बहराइन (आयोजक), अफगानिस्तान, माल्दिभ्स

समूह डी : साउदी अरेबिया, बंगलादेश, कुवेत (आयोजक), उज्वेकिस्तान

समूह ई : युएई (आयोजक), ओमान, भारत, किर्गिस्तान

समूह एफ : जोर्डन (आयोजक), प्यालेस्टाइन, तुर्केमिनिस्तान

समूह जी : अस्ट्रेलिया, चीन, इन्डोनेसिया (आयोजक), ब्रुनाइ

समूह एच : दक्षिण कोरिया, सिंगापुर (आयोजक), इस्ट टिमोर, फिलिपिन्स

समूह आई : भियतनाम, म्यानमार, हङकङ, चाइनिज ताईपेई (आयोजक)

समूह जे : थाइल्यान्ड, मलेसिया, लाओस, मंगोलिया (आयोजक)

समूह के : उत्तर कोरिया, जापान, कम्बोडिया

लण्डन । प्रभावशाली जितसहित इंल्याण्ड र डेनमार्क जारी युरोकप २०२० को सेमिफाइनल पुगेका छन् । यससँगै प्रतियोगिताको सेमिफाइनल समीकरण समेत पूरा भएको छ । शनिबार राति सम्पन्न अन्तिम दुई क्वाटरफाइनलबाट सेमिफाइनलमा खेल्ने चार टोलीको टुङ्गो लागेको छ । शनिबार राति डेनमार्कले चेक रिपब्लिकलाई २,१ ले हरायो ।

इंग्ल्याण्डले भने युक्रेनमाथि ४, ० को प्रभावशाली जित निकालेको हो । विजेता दुई टोली दोस्रो सेमिफाइनलमा प्रतिस्पर्धा गर्नेछन् । पहिलो सेमिफाइनल भने इटली र स्पेनबीच हुने छ । इंग्ल्याण्डले अहिलेसम्म यूरोकप जित्न सकेको छैन । इटली र स्पेनबीच जुलाई ६ तथा इग्ल्याण्ड र डेनमार्कबीचको खेल जुलाई ७ मा हुने तालिका छ । दुवै खेल नेपाली समय अनुसार राति १२ः४५ बजे हुनेछन् । फाइनल खेल जुलाई ११ मा हुनेछ ।

काठमाडौं । जारी युरोकप २०२० मा आजबाट क्वाटरफाइनल प्रतिस्पर्धा शुरु हुँदैछ । नेपाली समय अनुसार राती ९ः४५ मा स्वीट्जरल्याण्ड र स्पेन भिड्दै छन् । राती १२ः४५ बजे भने बेल्जियम र इटली खेल्ने कार्यक्रम छ । स्वीट्जरल्याण्ड पहिलो पटक यूरोकपको क्वाटरफाइनल पुगेको हो । उता, स्पेन भने सर्वाधिक ३ पटकको विजेता हो । स्वीट्जरल्याण्ड आजको खेलमा उच्च मनोवलका साथ मैदान उत्रने छ । किनकी उसले अन्तिम १६ को खेलमा यूरो उपविजेता तथा विश्वक विजेता फ्रान्सलाई पेनाल्टी सुटआउटमा हराएको हो ।

स्पेन भने क्रोएसियामाथि प्रतिस्पर्धात्मक खेलमा जित निकाल्दै अन्तिम ८ मा पुगेको हो । अर्को टोलीका दुबै टीम भने उपाधी दावेदार हुन् । दुवै टोली शतप्रतिशत जितसहित क्वाटरफाइनल पुगेका हुन् । इटली लगातार ३१ खेलमा अपराजित छ । विश्व नम्बर वान बेल्जियम भने साविक विजेता पोर्चुगललाई हराउँदै क्वाटरफाइनल पुगेको हो ।

काठमाडौं । युरोकप २०२० मा अन्तिम १६ का खेल पुरा भएका छन् । मंगलबार राती इंल्याण्डले जर्मनीलाई हरायो भने युक्रेनले स्वीडेनलाई हरायो । यी अन्तिम १६ बाट क्वाटरफाइनल प्रवेशका दुई खेल थिए । यससँगै यूरोकपको क्वाटरफाइनल समीकरण पूरा भएको छ । अब क्वाटरफाइनमा इंग्ल्याण्डको प्रतिस्पर्धी युक्रेन हुने छ । बेल्जियम र इटली भिड्ने छन् । स्विट्जरल्याण्ड र स्पेनसँग अर्को क्वाटरफाइनल हुने छ । चेक रिपब्लिक र डेनमार्क सेमिफाइनल प्रवेशका लागि भिड्ने छन् । यो प्रतियोगितामा नयाँ टीमको बाहल्य छ । क्वाटरफाइनलका दुई दिनपछि शुरु हुने छन् ।

स्विट्जरल्याण्डविरुद्ध स्पेन : जुलाई २ (९ः४५ बजे)
बेल्जियमविरुद्ध इटली : जुलाई २ (१२ः४५ बजे)
चेक रिपब्लिकविरुद्ध डेनमार्क : जुलाई ३ (९ः४५ बजे)
युक्रेनविरुद्ध इंग्ल्याण्ड : जुलाई ३ (१२ः४५ बजे)