Category: खेलकुद

काठमाडौं । पोर्चुगिष्ट स्टार क्रिस्टियानो रोनाल्डोले देशका लागि १ सय औं अन्तर्राष्ट्रिय गोल गर्दै कीर्तिमान कायम गरेका छन् । युइएफए नेसन्स लिगअन्तर्तग मंगलबार राती सम्पन्न खेलमा स्विडेनविरुद्ध गोल गरेका उनले आफ्नो करीयरमा देशका लागि १ सय औं गोलको कोशेढुंगा पार गरेका छन् । रोनाल्डोले पोर्चुगलबाट १७ वर्ष निरन्तर खेलिरहेका छन् ।

यस अवधिमा उनले कुल १६५ खेल खेले । पोर्चुगलले स्विडनेलाई २,० ले पराजित गर्यो । दुवै गोल रोनाल्डोले गरेका हुन् । उनले खेलको ४५ मिनेटमा गोल गरेर टीमको खाता खोल्दा उनको नाममा कीर्तिमान बन्यो ।

७२ मिनेटमा अर्को गोल गर्दै उनले टिमको जीत सुनिश्चित गरेका थिए । रोनाल्डोले सन् २००३ मा राष्ट्रिय टिममा डेब्यू गरेका हुन् । उनले पहिलो गोल भने सन् २००४ को युरो कपमा ग्रिसविरुद्ध गरेका थिए ।

पेरिस । फ्रान्सेली फर्वाड केलियन एम्बाप्पेमा कोरोना भाइरसको संक्रमण भएको छ । सोमबारको परीक्षणको नतिजा अनुसार उनलाई कोरोना पोजेटिभ देखिएको फ्रेन्च फुटबल फेडेरेसनले पुष्टी गरेको छ । उनी युरोपियन नेसन्स लिग खेलिरहेका थिए । कोरोना पोजेटिभ देखिएसँगै उनी घर फर्किएको बताइएको छ ।

उनमा कोरोनाको लक्षण नभएको र स्वास्थ्य अवस्था समेत सामान्य रहेको संघको भनाई छ । फ्रान्सका मूख्य स्ट्राइकरमा कोरोना देखिएपछि उनी बाँकि खेलमा देखिने छैनन् । जसले विश्व विजेता फ्रान्सलाई कमजोर बनाउने छ ।

उनलाई संक्रमण देखिएपछि युरोपियन नेसन्स लिग अन्तर्गत मंगलबार राति निर्धारित फ्रान्स र क्रोएसियाबिचको खेल समेत प्रभावित हुने देखिएको छ । किनकी अब उनको सम्पर्कमा आएका सबै जनाको कोरोना परीक्षण हुनुपर्छ ।

न्यूयोर्क । जारी युएस ओपन टेनिस प्रतियोगितामा नोभाक जोकोभिच प्रतिवन्धमा परेका छन् । विश्व नम्बर एक टेनिस स्टार नोभाक खेल अनुशासनको कारवाहीमा परेपछि यो सिजन बाँकि खेल गुमाउन पुगेका हुन् । चौथो चरणको खेल चलिरहँदा स्पेनिस खेलाडी पाब्लो कारेनो बुस्तासँग उनी पहिलो सेटमा ६–५ ले पछि परेका थिए ।

त्यस क्रममा उनले खल्तीमा रहेको बल पछाडि फ्याँक्ने क्रममा लाइन अम्पायरमा बसेकी महिलालाई बलले लाग्यो । यो उनले प्रायोजित रुपमा गरेका होइनन्, तर खेल भावना विपरितको काम थियो । बलले महिलाको घाँटीमा लागेको थियो।

सोहीकारण जारी सिजनमा उनी प्रतिवन्धमा परेको अमेरिकी टेनिस एशोसिएसनले जनाएको छ । यो उपाधी दावेदार खेलाडी थिए । किनकी जोकोभिच करियरको १८ औं ग्रान्डस्लाम जित्ने होडमा थिए । यस प्रतियागितामा राफेल नाडाल र रोजर फेडेररले भाग नलिएका कारण पनि तुलनात्मक रुपमा नोभाकको सम्भावना बढी थियो ।

खेलका क्रममा लाइन अम्पायरलाई लागेछि उनले तत्काल माफी समेत मागेका थिए । उनी प्रतिवन्धमा परेसँगै जोकोभिचको वरीयताका लागि उपलब्ध हुने अंक समेत घट्नेछ । यो प्रतियोगिता न्यूयोर्कमा जारी छ ।

काठमाडौं । करीव दुई साता लामो रस्साकस्सीपछि अन्ततः लियोनल मेसी स्पेनिस क्लव बार्सिलोना मै रहने पक्का भएको छ । विश्वका कुनै पनि क्लवले उनीमाथि रहेको ७० करोड यूरो रिजिल क्लव रकम तिर्ने अवस्था नदेखिएपछि मेसी बार्सिलोनामै रहने पक्का भएको हो । अब एक सिजन मेसीले बार्सामा बिताउने छन् ।

त्यसपछि भने उनी फ्रि ट्रान्सफरका रुपमा कुनै पनि क्लवमा जान सक्ने छन् । ३३ वर्षिय लिजेण्ड अन्य क्लवमा जाने मनसाय बनाएपछि बार्सिलोनालाई भने तनाव बढेको थियो ।

किनकी कप्तान लियोनल मेस्सीबीना क्लवले धेरै ठूलो आर्थिक तथा फ्यान फ्लोइंगको क्षति बेहोर्नु पर्ने थियो । सोहीकारण उनलाई मनाउन क्लवले समेत ठूलो कसरत गरेको थियो ।

अघिल्लो साता मेस्सीले बार्सिलोना छाड्ने जानकारी अध्यक्ष जोसेफ मारियो बर्तमोउलाई गराएपछि विश्वको ध्यान स्पेनतर्फ मोडिएको थियो । किनकी मेसी समकालिन खेलाडीमा सबैभन्दा लोकप्रिय मानिन्छन् ।

बार्सिलोनाबाट सर्वाधिक गोलकर्ता मेस्सी गत सिजन उपाधिविहीन बने । सोहीकारण उनी निरास हुँदै क्लवब छाड्ने मुडमा पुगेका हुन् । च्याम्पियन्स लिगको क्वार्टरफाइनलमा बार्यन म्युनिखसँग ८ २ गोल अन्तरको लज्जास्पद हार उनले बेहोरेका छन् ।

काठमाडौं । नेपाली क्रिकेट स्टार पारस खड्काले आइसीसी टी–२० वरियतामा आफ्नो स्थानमा सुधार गरेका छन् । नेपालका पूर्वकप्तानसमेत रहेका उनको वरियतामा ४ स्थानको सुधार आएको छ ।

आइसीसीको नयाँ ब्याटिङ वरियतातर्फ उनको स्थान सुधार भएको हो । नयाँ ब्याटिङ वरीयता अनुसार पारस ७१औं स्थानमा उक्लिए । बलिङतर्फ स्टार क्रिकेटर सन्दीप लामिछानेको वरियतामाभने कुनै परिवर्तन आएको छैन ।

उनी ७९औं स्थानमा छन् । नेपालको स्थान भने १५ औं रहेको छ । यद्दपी पछिल्लो समय नेपाली खेलाडीले प्रदर्शन भने गर्न पाएका छैनन् । अन्य मुलुकका खेलाडीमा भएको वरियता परिवर्तनले नेपालमा समेत प्रभाव पारेको हो ।

पेरिस । पेरिस सेन्ट जर्मेन (पीएसजी)का प्रमुख खेलाडीहरुमा कोरोना भाइरसको संक्रमण देखिएको छ । नेयमार, एन्जल डी मारिया र लियोनार्दो परेडेसलाई कोरोना भाईरस संक्रमण पुष्टी भएको अन्तर्राष्ट्रिय संचारमाध्यमले जनाएका छन् । नयाँ सिजनका लागि खेलाडीहरुको क्लोज क्याम्प अगाडी परीक्षण गरिएको थियो ।

त्यस क्रममा तीन जना पीएसजीका खेलाडीमा कोरोना संक्रमणको पुष्टि भएको हो । उनीहरुलाई स्वास्थ्य प्रोटोकल अनुसार आइसोलेसनमा राखिएको क्लबले जानकारी दिएको छ । युरोपियन च्याम्पियन्स लिगको फाइनलमा बायर्न म्यूनिखसँग पराजित भएको पीएसजीले लिग वानको नयाँ सिजनको तयारीमा छ । पीएसजीको पहिलो खेल सेप्टेम्बर १० मा रहेको छ ।

ट्रिनिडाड । क्यारेवियन प्रिमियर लिग (सिपीएल) टी–ट्वान्टी क्रिकेट प्रतियोगितामा नेपाली क्रिकेट स्टार सन्दीप लामिछानेको उत्कृष्ट प्रदर्शन जारी छ । छैटौं खेलमा समेत उनले आफ्नो सनसनिपूर्ण खेल जारी राखे । उनीसहित बलर चम्किएको खेलमा जमैका तलावासले तेस्रो विजयी प्राप्त गरेको छ ।

ट्रिनिडाडमा गएराति सम्पन्न खेलमा तलावासले सेन्ट किट्स एन्ड नेभिस प्याट्रियसलाई ३७ रनले हराएको हो । टस जितेर पहिले ब्याटिङमा उत्रिएको तलावासले २० ओभरमा ६ वीकेट गुमाउदै १४७ रन जोडेको थियो । १४८ रनको लक्ष्य पाएको प्याट्रियर्स ११० रनमा समेटियो । खेलमा सन्दिपले २ विकेट झारे । उनको टीम अब अंक तालीकाको तेस्रो स्थानमा चढ्न सफल भएको छ ।

काठमाडौं । भर्खरै सम्पन्न गत सिजनको युईएफए च्याम्पियन्स लिग अन्तर्गत फ्यान्स गोल अफ द सिजन अवार्ड इटालियन क्लब युभेन्ट्सका स्ट्राइकर क्रिस्टियानो रोनाल्डोले जितेका छन् । यो अवाडए भोटका आधारमा दिइन्छ । धेरै मत पाएका रोनाल्डो यो वर्षका अवार्ड विजेता बनेका हुन् ।

युरोपियन क्लब फुटबलको सर्वोच्च निकाय युईएफएले घोषणा गरेको च्याम्पियन्स लिगको गोल अफ दि सिजनमा रोनाल्डोको गोल उत्कृष्ट ठहरिएको छ । उनले च्याम्पियन्स लिगको अन्तिम १६ अन्तर्गत लियोनविरुद्धको दोस्रो लेगमा गरेको गोल उत्कृष्ट ठहर भयो । यो खेल युभेन्ट्सले २-१ गोल अन्तरमा जितेको हो । तर, पहिलो लेगमा १-० ले हारेका कारण युभेन्ट्स अवे गोलको आधारमा च्याम्पियन्स लिगबाट बाहिरिन पुगेको थियो ।

काठमाडौं । नेपाली स्टार सन्दीप लामिछानेको उत्कृष्ट प्रदर्शन क्यारेबियन प्रिमियर लिग (सीपीएल)मा जारी छ । लगातार पाँचौ खेलमा इकोनोमी बल फाल्दै विकेट लिन सफल सन्दीप चलेको खेलमा उनको टोली जमैका तलाबाज भने पराजित भएको छ । तलाबाज बार्बाडोस ट्रिडेन्ससँग ३६ रनले हारेको हो ।

आज बिहान सम्पन्न खेलमा बार्बाडोसले निर्धारित २० ओभरमा ७ विकेट गुमाउँदै १ सय ४८ रन बनाएको थियो । १ सय ४९ रनको लक्ष्य पाएको जमैकाले २० ओभरमा ९ विकेट गुमाएर मात्र ११२ रनमात्रै बनायो ।

जमैकाले कुल पाँच खेलबाट मात्र २ खेल जितेको छ । तर, सबै खेलमा सन्दीपले विकेट लिएका छन् । उनले ५ खेलमा ७ विकट झारिसकेका छन् । आज उनले ४ ओभरमा मात्र १६ रन दिएर २ विकेट लिए । उनले रसिद खान र एस्ली नर्सको विकेट झारेका छन् ।

काठमाडौं । क्यारेवियन प्रिमियर लिग (सीपीएल)मा नेपाली स्टार सन्दीप लामिछानेको उत्कृष्ट प्रदर्शन जारी छ । चार खेलमा ५ विकेट लिइसकेका सन्दीपले रन दिन कन्जुस्याई गरेका छन् । आज बिहान सम्पन्न गुयाना अम्याजन वारियर्सविरुद्धको खेलमा उनले ४ ओभरमा मात्र १२ रन दिएर एक विकेट हात पारे ।

बलरको उत्कृष्ट प्रर्दशनमा जमैका तालावाजले दोस्रो जित हात पारेको छ । तालावाजले वारियर्सविरुद्ध पाँच विकेटको जित निकालेको हो । वारियर्सले दिएको एक सय ९ रनको लक्ष्य जमैकाले १८ ओभरमा पाँच विकेट गुमाएर भेटायो ।

उसका लागि एन क्रुह्माह बोनरले ३० र ग्लेन फ्लिप्सले २६ रन बनाए । यसअघि पहिले व्याटिङ गरेको वारियर्सले २० ओभरमा नौ विकेट गुमाएर १ सय ८ रन बनाएको थियो । सीपीएलमा सन्दीपले निरन्तर उत्कृष्ट प्रर्दशन गरेका छन् ।

काठमाडौं । जर्मन क्लब बायर्न म्युनिख सन् २०२० को युरोपियन च्याम्पियन्स लिग विजेता बनेको छ । फ्रेन्च क्लव फ्रेन्च क्लब पेरिस सेन्ट जर्मेन (पिएसजी)लाई १–० ले हराएको बायर्न च्याम्पियन बनेको हो । खेल गतराती भएको छ । छैटौं पटक उपाधी उचाल्न बायर्नले ७ वर्ष कुरेको छ । पोर्चुगलको लिस्वनमा भएको खेलमा बायर्नलाई जित दिलाउन पूर्वपीएसजी म्यान किंग्सले कोमनले एकमात्र गोल गरे । उनको ५९औं मिनेटमा गरेको गोल नै निर्णायक बन्न पुग्यो ।

जोसअ किम्मिकको पासमा उत्कृष्ट हेड गोल गर्दै बायर्नलाई अग्रता दिलाएका थिए । फ्रेन्च खेलाडीको त्यो गोल नै पिएसजीलाई हराउन पर्याप्त बनेको थियो । उता, पहिलो पटक फाइनल पुगेको पीएसजीले भने ऐतिहासिक अवसर गुमायो । फाइनल जितेको भए यो उसको पहिलो च्याम्पियन्स लिग उपाधि हुने थियो ।

बायर्न भने सन् २०१३ पछि पहिलो पटक फाइनल पुगेको हो । त्यसपछि फाइनल पुगेको बायर्नले उपाधी जितेको छ । च्याम्पियन्स लिग सर्वाधिक जित्नेमा बायर्न लिभरपुलसँगै संयुक्त रुपमा तेस्रो स्थानमा उक्लेको छ । रियल मड्रिडले सर्वाधिक १३ र एसी मिलानले ७ पटक उपाधि जितेका छन् ।

बायर्नले यसअघि सन् १९७४, १९७५ र १९७६ मा लगातार तीन पटक उपाधि जित्दै उपाधिमा ह्याट्रिक गरेको थियो । त्यसपछि सन् २००१ मा अर्को उपाधी थपेको थियो । बायर्न ११ पटक फाइनल पुगेको छ ।

काठमाडौं । नेपाली स्टार क्रिकेटर सन्दीप लामिछाने चम्किएको खेलमा उनको टीम भने पराजित भएको छ । क्यारेबियन प्रिमियर लिग (सीपीएल) टी–ट्वान्टी क्रिकेटमा उनको टीम जमैकाले लगातार दोस्रो हार बेहोरेको छ । शनिबार राति गुएना अमेजन वारियर्सबिरुद्धको खेलमा सन्दीप सम्मिलित जमैका १४ रनले हार्न पुग्यो ।

१ सय १९ रनको सामान्य लक्ष्य पछ्याएको जमैकाले ७ विकेटको क्षतीमा मात्र १ सय ४ रन बनायो । सो टोलीका लागि आन्द्रे रसेलले अविजित ५२ रन बनाएपनि अन्य ब्याट्सम्यानले राम्रो साथ दिन सकेनन् । बलमा चम्किएका सन्दीप ब्याटमा भने असफल रहे । ३ बल खेलेका उनी रनको खाता नखोल्दै बाहिरिए ।

पहिले ब्याटिङ गरेको गुएनाले निर्धारित ओभर सकिन ५ बल बाँकी छदै अलआउट हुँदा मात्र १ सय १८ रन बनाउन सक्यो । सन्दीपले ४ ओभरमा ८ रन खर्चिएर २ विकेट लिए । उनले शेरफेन रदरफोर्डलाई ६ रनमा आउट गराए । क्रिस ग्रिनलाई २ रनमा बोल्ड आउट गरे ।

काठमाडौं । यूरोप लिग फुटबलको उपाधि स्पेनिस क्लब सेभियाको पोल्टामा परेको छ । गएराति जर्मनीमा भएको खेलमा इटालियन क्लब इन्टर मिलानलाई ३-२ गोलले हराएको सेभियाले उपाधि जितेको छ । सेभियाको जितमा लुक डे जोङले दुई र डिएगो कार्लोसले एक गोल गरेका छन् । इन्टर मिलानका लागि रोमेरो लुकाकु र डिएगो गोडीनले एक-एक गोल गरे ।

६ पटक फाइनल पुगेको सेभियाले छैठौं पटक नै युरोपा लिगको उपाधि जित्न सफल भएको छ । यसअघि सेभियाले सन् २०१६ मा युरोपा लिग जितेको थियो । ६ पटक युरोपा लिग जित्ने सेभिया एउटा मात्र टोली हो ।

न्युयोर्क

मेहनत, लगन र दृढ संकल्प भए सबै सम्भव छ । एक कर्मठ नेपाली खेलाडी उज्वल ठकुरीले गिनिज बुक अफ वर्ल्ड रेर्कर्डमा पुन: एक रेकर्ड थप गरी छैठौं विश्व रेकर्ड कायम गरेका छन । यसअघि आफ्नो नाममा पाँच वटा रेकर्ड कायम गरेका ठकुरीको यो छैठौं विश्व रेकर्ड हो । 

यसपटक छैठौं रेकर्ड राख्ने क्रममा उनले ५ केजी तौल सहित “वन लेग फुल कन्ट्याक्ट नी स्ट्राइक” विश्व रेकर्ड कायम गरेको हो । मार्सल आर्टस र कराँतेका खेलाडी ठकुरी अमेरिकाको मरिन गोजयु करातेको छैंठौं तहको ब्ल्याक बेल्ट हुन् ।

काठमाडौं । दुई भारतीय भेट्रान क्रिकेटर महेन्द्रसिंह धोनी र सुरेश रैनाले अन्तर्राष्ट्रिय क्रिकेटबाट सन्यासको घोषणा गरेका छन् । यी दुब खेलाडी विश्वकप बिजेता खेलाडी हुन् । भारतले सन् २०११ मा विश्वकप क्रिकेट दोस्रो पटक उचाल्दा धोनी कप्तान थिए । रैना उक्त टोलीका महत्वपूर्ण सदस्य थिए । धोनीले इन्स्टामा एक भावुक भिडियो पोष्ट गर्दै सन्यासको घोषणा गरेका छन् ।

रैनाले समेत सन्यासको घोषणा गरेका हुन् । धोनीले सन् २००४ मा अन्तर्राष्ट्रिय क्रिकेट करीयर शुरु गरेका थिए । उनी विश्व क्रिकेटमै सफल कप्तानमध्ये एक मानिन्छन् । धोनीले टेस्ट क्रिकेटको यस अगाडी नै बिदा गरिसकेका थिए । उनले शनिबार भने वाडने र टी २० फम्र्याटबाट पनि सन्यास लिएका हुन् । उनले फ्यानलाई धन्यावाद समेत ज्ञापन गरेका छन् ।

काठमाडौं । जर्मन क्लव बायर्न म्युनिखबाट ८–२ गोल अन्तरको हार बेहोर्दै स्पेनिस क्लव बार्सिलोना च्याम्पियन्स लिग फुटबलको उपाधी होडबाट बाहिरिएको छ । सेमिफाइनल प्रवेशका लागि गतराती सम्पन्न खेलमा बार्सिलोनाले लज्जास्पद हार बेहोर्नु परेको हो । बार्सिलोना च्याम्पियन्स लिग फुटबलको क्वाटरफाइनलबाट बाहिरियो ।

लिस्बोनमा भएको खेलमा बार्सिलोनाविरुद्ध बार्यनले चौथो मिनेटमा अग्रता बनायो । त्यसपछि लगातार चार गोल गर्दै बायर्न पहिलो हाफमै हावी भएको थियो । दोस्रो हाफमा थप चार थप्यो । थोसम मुलरले चौथो मिनेटमा गोल गरेर बार्यनलाई अग्रता दिलाए । बार्सिलोनाका लागि पहिलो गोल भने बायर्नले आत्मघाती दिएको थियो ।

बायर्नका लागि २१ औं मिनेटमा इभान पेरिसिकले र २७ औं मिनेटमा सर्गेइ ग्नाब्रीले गोल गरे । ३१ औं मिनेटमा मुलरले नै व्यक्तिगत दोस्रो गोल गरे । यसरी पहिलो हाफमा बायर्न ४–१ ले अगाडि रह्यो । खेलको ५७ मिनेटमा बार्सिलोनाका लागि सुअरेजले गोल गर्दै बार्सिलोनालाई खेलमा फर्काउने प्रयास गरेका थिए ।

तर, बायर्न रोकिएन ६३ औं मिनेटमा किमिचले र ८२ औं मिनेटमा लेवान्डोस्कीले गोल गरे । यस्तै काउटिन्होले ८५ र ८९ औं मिनेटमा गोल गर्दै बार्सिलोनाले च्याम्पियन्स लीग यात्राकै खराब नतिजाको सामना गर्यो ।

काठमाडौं । खेलको ८९ मिनेसम्म पछाडी परेको नतिजा उल्टाउँदै पेरिस सेन्ट जर्मन (पीएसजी) च्याम्पियन्स लिग फुटबलको अन्तिम चारमा प्रवेश गरेको छ । गतराति भएको खेलमा एटलान्टालाई २ १ ले हराउँदै पीएसजी सेमिफाइनल पुगेको हो । एटलान्टाका पासालिगले खेलको २६ औं मिनेटमै गोल गरेर अग्रता दिलाएका थिए । त्यसपछि एटलान्टा खेलमा हावी भएको थियो । पिएसजीका थुप्रै प्रहार खेर गए ।

तर, ८९ मिनेटसम्म पिएसजीलाई रोकेको एटलान्टा अन्तिम एक मिनेट भने सम्हालिन सकेन् । खेलको ८९ औं मिनेटमा गोल खान पुग्यो । पिएसजीका लागि मार्किन्होसले गोल गरे । त्यसपटि ५ मिनेटको समयमा थपिएको थियो । थप भएको समयको तेस्रो मिनेटमा चाउपो मोटिङले गोल गरेर खेल पिसिएजीले जित्यो । पिएसजी २५ वर्षपछि पहिलो पटक च्याम्पियन्स लिगको सेमिफाइनलमा प्रवेश गरेको हो । एटलान्टाले यो पहिलो पटक सेमिफाइनल पुग्ने अवसर खेर फाल्यो ।

काठमाडौं । कप्तान लियोनल मेस्सी चम्किएको खेलमा इटालियन क्लव नापोलीलाई ३–१ गोल अन्तरले हराउँदै बार्सिलोन च्याम्पियन्स लिग फुटबलको क्वाटरफाईनल प्रवेश गरेको छ । घरेलु मैदान नाउ क्याम्पमा भएको खेलमा मेसीको प्रेरणादायी प्रदर्शन रहेको थियो । शनिबार राति भएको खेलमा दोस्रो लेगमा नापोलीलाई ३–१ ले हराउँदै समग्रमा ४–२ को नतिजा सहित बार्सिलोना क्वाटरफाइलनमा प्रवेश गरेको हो ।

खेलको १०औं मिनेटमा क्लेमेन्ट लेन्गलेटले उत्कृष्ट हेडिंग गोल गरेका थिए । २३औँ मिनेटमा मेस्सीले गोल गर्दै बार्सिलोनाको अग्रता अग्रता दोब्बर पारेका थिए। पहिलो हाफको ईन्जुरी समय ४६औँ मिनेटमा सुआरेजले पेनाल्टीमार्फत गोल गर्दै बार्सिलोनालाई ३–० को अवस्थामा पुर्‍याए । यो पेनाल्टी पाउन विपक्षीले मेसीलाई पेनाल्टी बक्समा फल गरेका थिए ।

पहिलो हाफमै मेसिले गरेको अर्को उत्कृष्ट गोललाई भने भीएआर चेकबाट गोलको मान्यता दिइएन् । पहिलो हाफको खेल सकिन अन्तिम मिनेट अर्थात ५०औँ मिनेटमा लोरेन्जो ईन्साईनले पेनाल्टीमा नापोलीका लागि एक गोल फर्काएका थिए । दोस्रो हाफमा भने कुनै गोल हुन सकेन ।

पाँच पटकको युरोपियन च्याम्पियन बार्सिलोना अब सेमिफाइनल प्रवेशका लागि जर्मन क्लब बायर्न म्युनिखसंग भिड्नेछ । बायर्नले भने शनिबार राती नै चेल्सीलाई समग्रमा ७–१ ले पराजित गर्दै क्वाटरफाइनल प्रवेश गरेको छ । घरेलु मैदान एलिएन्ज एरिनामा शनिबार राति भएको दोस्रो लेगको खेलमा ४–१ को तथा समग्रमा ७–१ को जीत निकाल्दै बायर्नले क्वाटरफाइनलमा स्थान पक्का गरेको छ ।

काडमाडौं । दुई ठूला क्लव रियल म्याड्रिड र युभेन्टस च्याम्पियन्स लिग फुटबल प्रतियोगिताबाट बाहिरिएका छन् । शुक्रबार राती सम्पन्न खेलमा म्यान्चेष्टर सिटीले रियल म्याड्रिडलाई हरायो । उता, युभेन्टसलाई भने लियोनले हराएको हो । सिटी र लियोन भने जारी च्याम्पियन्स लिग फुटबलको क्वार्टरफाइनलमा प्रवेश गरेका छन् ।

युभेन्टसका लागि क्रिस्टियानो रोनाल्डोले दुई गोल गरेपनि अवे गोलका आधारमा जीत निकाल्दै लियोनले अन्तिम आठमा स्थान सुरक्षित गरेको छ । दोस्रो लेगको खेलमा लियोनले समेत दुई गोल गरेको थियो । उता, म्यानचेष्टर सिटीले रियल मड्रिडलाई २–१ गोलअन्तरले हराउन सफल भयो ।

सिटीका लागि रहिम स्ट्रेलिङ र ग्याब्रियल जेससले गोल गरे । मड्रिडका लागि करिम बेञ्जेमाले सान्त्वना गोल पनि त्यो जीता लागि पर्याप्त भएन् । आज रातीसमेत दुई खेल हुँदैछन् । जसमा अर्को स्पेनिस क्लव बार्सिलोनाको परीक्षा इटालियन क्लव नेपोलीसँग हुनेछ ।

काठमाडौं । नेपाली क्रिकेट स्टार कोरोना भाइरसको महामारीका बीच क्यारेबियन प्रिमियर लिग (सीपीएल) खेल्न ट्रिनिडाड एण्ड टोबागो पुगेका छन् । उनी सो मुलुक पुगेसँगै १४ दिन क्वरेण्टीनमा बस्नेछन् । आइतबारबाट उनीसहितका खेलाडीलाई क्वारेन्टिनमा राखिएको छ । सीपीएल खेल्ने सबै खेलाडी अनिवार्य १४ दिन क्वारेन्टिनमा बस्नु पर्ने प्रावधान छ । त्यसपछि सबै खेलाडीको पिसिआर परीक्षण हुनेछ ।

सीपीएल भने २ भदौबाट शुरु हुनेछ । पिसिआर परिक्षणमा नेगेटिभ नतिजा आउने खेलाडीले खेल्न पाउनेछन् । सन्दीप कोरियन एयरबाट काठमाडौंदेखि दक्षिण कोरिया उडेका थिए । बिहीबार कोरिया पुगेका उनी त्यहाँबाट अमेरिका हुँदै ट्रिनिडाड एण्ड टोबागो पुगेका हुन् ।

यसअघि उनी खेल्न जान पाउने या नपाउने भन्नो अन्यौल थियो । तर, नेपालमा पिसिआर परीक्षण र जहाजमा जान सरकारले उनलाई सहजिकरण गरिदिएको हो । सन्दीप सीपीएलमा यो सिजन जमैका तल्लावाहजबाट खेल्नेछन् । उनी ९० हजार अमेरिकी डलरमा अनुबन्धित भएका हुन् । सन्दीपले तेस्रो पटक सीपीएल खेल्दैछन् ।

काठमाडौं । राष्ट्रिय खेलकुद परिषद्को नेतृत्वमा रमेशकुमार सिलवाल पुनः आइपुगेका छन् । खेलकुद विकास ऐन २०७७ को प्रावधान अनुसार तीन साताअघि पदमुक्त भएका उनी नयाँ प्रक्रिया पार गर्दै पुनः आगाी चार वर्षका लागि नियुक्त बनेका हुन् । सोमबार बसेको मन्त्रिपरिषद् बैठकले सिलवाललाई ४ वर्षका लागि राखेप सदस्य सचिवमा नियुक्त गरेको हो ।

उता, उपाध्यक्षमा शिव कोइराला नियुक्त भए । यसअघि सिलवाल २३ असार २०७६ मा पहिलो पटक सदस्य सचिव बनेका थिए । सिलवालसहित राखेपका तत्कालिन पदाधिकारी र सदस्य राष्ट्रिय खेलकुद विकास ऐन २०७७ लागु भएपछि १८ असारमा पद मुक्त भएका हुन् । सिलवाल यसपटक नयाँ खेलकुद विकास ऐन २०७७ का आधारमा छनोट हुन सफल भएका छन् । उनी प्रधानमन्त्री केपी शर्मा ओलीका विश्वासपात्रका मानिन्छन् ।

युवा तथा खेलकुद मन्त्रालय मातहतको सिफरिस समितिले एक महिलासहित ३ जनालाई नियुक्तिको सिफारिस गरेको थियो । समितिले सिलवालसहित राष्ट्रिय महिला भलिबल टोलीकी पूर्व कप्तान अन्जु श्रेष्ठ र नेपाल भलिबल संघका पूर्व उपाध्यक्ष लिलबहादुर थापाको नाम सिफारिस गरेको थियो। सदस्य सचिव बन्न २७ जनाले आवेदन दिएका थिए।

काठमाडौं । फ्रेन्च कप फुटबलको उपाधी पेरिस सेन्ट जर्मेन पिएसजीले जितेको छ । गत राति सम्पन्न खेलमा १० खेलाडीमा सीमित सेन्ट एटियानलाई १ शून्यले हराएको पिएसजीले उपाधीमाथि कब्जा जमाएको हो । पिएसजीको जितमा खेलको १४ औं मिनेटमा ब्राजिलियन स्टार नेयमारले गरेको गोल नै निर्णायक बनेको हो । पिएसजी ३१ औं मिनेटमा १० खेलाडीमा सिमिति भएको थियो ।

पेरिनले रातो कार्ड पाएका थिए । पिएसजीले १३ औं‌ पटक फ्रेन्च कपको उपाधि उचालेको हो । यस खेलका लागि रङ्गशालामा केही दर्शकलाई उपस्थितको अनुमति मिलेको थियो । फ्रान्समा सामाजिक दूरी राखेर खेलाडीलाई प्रवेशको अनुमति दिइएको छ । गत अप्रिलमा कोरोना भाइरसको महामारीका कारण लिग टुंगिएपछि फ्रान्समा भएको यो पहिलो खेल हो । चोटग्रस्त बनेका फ्रान्सेली स्टार केलियन एमबाप्पेले रुँदै मैदान छाडेका थिए । एजेन्सी