Category: घूमघाम

काठमाडौं । विभिन्न मुलुकमा समस्यामा रहेका नेपालीको उद्धारको काम आजबाट पुनः प्रारम्भ हुँदैछ । यसअघि नेपालमा मनसुनले बाटोघाटो बन्द भएपछि उद्धार उडानको काम रोकिएको थियो । त्रिभुवन विमानस्थल कार्यालयका अनुसार आजबाट चौथो चरणको उद्धार उडान शुरु गर्न लागिएको छ । चौथो चरण उद्धार उडान आजदेखि साउन २४ गतेसम्म चल्नेछ ।

यसअघि तीन चरणमा भएका उडानबाट ३५ हजार ८०४ जना नेपाली जहाज चढेर घर फर्किसकेका छन् । स्थलमार्गबाट आएको नेपालीको भने तथ्यांक छैन । शुक्रबार विभिन्न देशबाट ९ उडानले नेपालीलाई घर ल्याउँदैछन् । मलेसियाबाट मलिण्डो एयर काठमाडौं आउनेछ । कुवेतबाट चार उडान हुनेछन् । जसमा हिमालय एयर र जजिरा एयरवेजले दुई दुई उडान गर्दैछन् । यूएईको दुबईबाट फ्लाई दुबईको एक जहाज आउनेछ ।

श्री एयरलान्सको जहाज बैंकक पुगेर फर्कने कार्यक्रम रहेको छ । हिमालय एयरलान्सको एक जहाज कुनमिङ् जाने कार्यक्रम रहेको छ । ग्वांझाउबाट चाइना साउर्दन नेपाल आउने गरी आजको तालीका तय भएको छ । आज हिमालय एयरलाइन्स र नेपाल एयरलाइन्सका जहाज कुवेत, यूएई र कतार जानेछन् । यी जहाज शनिबार फर्कनेछन् ।

काठमाडौं । कुवेतमा नेपासहित ७ मुलुकका नागरिकलाई प्रवेशमा रोक लगाइएको छ । कुवेत सरकारले १ अगष्टदेखि नेपालसहित सात मुलुकका नागरिक छिर्न नपाउने निर्णय गरेको हो । यस्तो प्रवेश रोक अनिश्चितकालिन भएको बताइएको छ । नेपाल, भारत, पाकिस्तान, बंगलादेश, श्रीलंका, इरान र फिलिपिन्सका नागरिक अब कुवेत छिर्न पाउने छैनन् ।

कुवेतले कोरोना रोगको संक्रमणका कारण यस्तो निर्णय गर्नुपरेको बताएको छ । उद्दपी कुवेतमा गैरकानूनी रुपमा धेरै नेपाली बसेका कारण समस्या उत्पन्न भएको थियो । सोहीकारण लकडाउनकै बीच कुवेतले ३५ सय भन्दा बढी गैरकानूनी कामदारलाई आफ्रनै खर्चमा नेपाल पठाएको थियो । कुवेतमा करिब साढे तीन महिनासम्म बन्द रहेका अन्तर्राष्ट्रिय हवाई सेवा १ अगष्टबाट संचलनमा आउँदैछन् ।

काठमाडौं । सरकारले विदेशमा अलपत्र परेका नेपालीलाई ल्याउन गरिरहेको उद्दार उडान फेरी रोकिएको छ । मुलुक भित्र बाढी र पहिरोका कारण प्रतिकूल अवस्था सिर्जना भएपछि तत्कालका लागि उद्दार उडान स्थगित भएको पर्यटन मन्त्रालयले जनाएको छ । मौसम अनुकुल बनेपछि र सडक यातायात पुनः सूचारु भएपछि भने बाँकि रहेका उडान संचालन गर्ने योजना सरकारको छ ।

विदेशबाट ल्याएपछि सम्बन्धित गाउँपालिकासम्म पुर्याउन समेत कठिन हुने देखिएपछि सरकारले उद्दार उडानको काम रोक्ने निर्णय गरेको बताइएको छ । अहिले बाढी र पहिरोका कारण देशभरका राजमार्गमा कुनै न कुनै प्रकारको अवरोध उत्पन्न भएको छ । तराईदेखि पहाडसम्म यो समस्या देखिएको छ । अहिले भर्खरै काठमाडौं झरेका मध्ये पनि कतिपय बाटोमै अलपत्र रहेको भन्दै सरकारले बाँकि उद्दारको काम मौसम प्रतिकुल हुँदै गएपछि संचालन गर्ने योजना बनाएको हो ।

अहिले केही विदेशी वायुसेवाले मात्र उडानको अनुमति लिएका छन् । बिहीबार सिंगापुरबाट सिल्क एयर आउँदैछ । बुधबार भने कुल ५७० जना नेपाली काठमाडौं अएका छन् । उनीहरुमध्ये ५ सय भन्दा बढी मलेसियाबाट आएका हुन् । सरकारले १ भदौबाट भने नियमति उडान संचालनको योजना बनाएको छ ।

यता, बुधबारसम्म विभिन्न मुलुकबाट ३४ हजार ५ सय भन्दा बढी नेपाली स्वदेश फर्किसकेका छन् । यो लकडाउनपछि सरकारले संचालन गरेको उद्दार उडानका दौरान फर्किएकाको संख्या हो । विभिन्न २५ देशबाट साढे ३४ हजार नेपाली घर फर्किएका हुन् ।

काठमाडौं । लकडाउन र अन्तराष्ट्रिय उडानमाथिको प्रतिवन्धपछि उद्दार उडानका दौरान करीव ३० हजार हाराहारी नेपाली घर फर्किसकेका छन् । अहिलेसम्म फर्किएका नेपालीको घर फिर्तिमा सरकारको रकम खर्च भएको छैन । केवल व्यवस्थापन मात्र सरकारले गरेको हो । अब भने विदेशमा बेखर्ची बनेर अलपत्र नेपालीको सरकारले आफ्नै खर्चमा उद्दार गर्ने भएको छ ।

कोभिड १९ को विश्वव्यापी संक्रमणका कारण वैदेशिक रोजगारीका क्रममा अलपत्र परेका नेपाली नागरिकको उद्धार गरी स्वदेश फिर्ता गर्नेसम्बन्धी निर्देशिका २०७७ मन्त्रिपरिषदबाट पारित भएको अर्थ मन्त्री डा. युवराज खतिवडाले जानकारी दिए । उनका अनुसारयस्तो सुविधा वैदेशिक रोजगारीमा गई अलपत्र परेका नेपालीले पाउने भएका हुन् । कोरोना कहरका कारण अलपत्र नागरिकलाई वैदेशिक रोजगारी प्रवर्द्धन कोषको रकमबाट स्वदेश फिर्ता ल्याउने निर्णय भएको उनले जानकारी दिए ।

श्रम स्वीकृति लिई वैदेशिक रोजगारीमा गएर हाल अलपत्र परेका, समस्यामा परेका तथा आफ्नै खर्चमा स्वदेश फर्कन नसक्ने अवस्थाका श्रमिकहरुलाई स्वदेश फर्काउन कोषको रकम प्रयोग गरिने भएको हो । अध्ययन, भ्रमण तथा अन्य कामको सिलसिलामा अलपत्र परेका नेपाली भने आफ्नै खर्चमा स्वदेश फर्कनु पर्छ । अहिले भइरहेको उद्दार सोही प्रकारको हो ।

यसअघि सरकारले विदेशमा अप्ठेरोमा परेर स्वदेश फर्किन चाहने नेपाली नागरिकले आफैंले हवाइजहाजको टिकट खरिद गर्नुपर्ने निर्णय यसअघि गरेको थियो । त्यसका विरुद्ध परेको रिटमा सर्वोच्च अदालतले विदेशमा अप्ठेरोमा परेकालाई वैदेशिक रोजगार प्रवर्द्धन बोर्डको कोषमा रहेको रकमबाट स्वदेश फर्काउने व्यवस्था मिलाउन आदेश दिएको थियो ।

सोहीअनुसर सरकारले निर्देशिका बनाएको हो । सरकारबाट श्रम स्वीकृति लिएर गएकाहरूलाई मात्रै निर्देशिकाले तोकेका सुविधाहरू प्राप्त हुने बताइएको छ । बिरामी, सुत्केरी, अशक्त, रोजगारी गुमाएका, कम्पनीबाट टिकट नपाएका, आममाफी पाएका, काजकिरियाका लागि आउनुपर्नेलगायतका संवेदनशील अवस्थाका कामदारको सरकारले निःशुल्क उद्धार गरिने भएको छ ।

काठमाडौं । दुई दिन बन्द भएपछि आजबाट विदेशमा अलपत्र नेपालीको उद्दारको काम फेरी प्रारम्भ हुँदैछ । पछिल्लो एक महिनायता विदेशबाट धमाधम नेपालीलाई स्वदेश फर्काउने अभियान जारी रहेको छ । यसक्रममा करीव २६ हजार नेपाली स्वदेशी फर्किसकेका छन् । यसअघि दुई चरणमा भएको उद्दार उडानको काम अब तेस्रो चरणमा प्रवश गरेको छ ।

यस क्रममा कुल ४२ उडानको तयारी छ । यो एक सातामा सकिने भएको छ । त्यसपछि नयाँ रणनीति बनाउने सरकारको तयारी छ । आजदेखि साउन ६ गतेसम्म एक हप्ताका लागि उद्धार उडान तालिका सार्वजनिक गरिएको छ । बुधबार कुल ६ उडान तथा अवतरणको तालीका तय भएके छ । बुधबार नेपाल एयरलाइन्स कुनमिङ्ग, सिल्क एयर सिङ्गापुर र र मलेसियन एयरलाइन्सको जहाज क्लालाम्पुरबाट काठमाडौं अवतरण गर्दैछन् ।

आज यूएईको आबुधाबीमा नेपाली लिन हिमालय एयरलाइन्सका दुई जहाज जाने भएको छ । हिमालयको अर्को जहाज आजै कुनमिङ्ग जाने गरी तय भएको छ । एक हप्ताको अवधिमा विदेशमा समस्यामा परेका नेपाली ल्याउनका लागि हिमालय र नेपाल एयरलाइन्सले १६, १६ उडान गर्दैछन् । एयर अरेबियाले २, फ्लाई दुबईले २ र मलेसियाको मालिन्दो एयरले ४ वटा उडान अनुमति पाएको विमानस्थल कार्यालयले जनाएको छ ।

जजिरा एयरले पनि नेपालीको स्वदेश फिर्तीका लागि २ वटा उडान अनुमति पाएको छ । नयाँ तालिकाअनुसार यूएईको दुबई, सारजाह र अबुधाबी, साउदी अरबको दमाम र रियाद, कुबेत, कतार, बहराइन र मलेसिया लगायतका ठाउँबाट त्यहाँ समस्यामा रहेका नेपालीको स्वदेश फिर्तीका लागि उडान हुनेछन् ।

काठमाडौं । नेपालीको विदेशका विभिन्न मुलुकबाट भइरहेको उद्दारको तेस्रो चरण बुधबारबाट शुरु हुने भएको छ । सोमबार र मंगलबार कुनै पनि उडान हुने छैनन् । विमानस्थल, हवाईजहाज तथा अन्य स्थानको सरसफाईका लागि दुई दिन उद्दार उडान बन्द गर्न लागिएको हो । बुधबारबाट भने उडान प्रारम्भ हुनेछ ।

तेस्रो चरणमा नेपालीको स्वदेश फिर्तीका लागि विभिन्न ६ देशबाट ४२ वटा उडानको तालिका तय भएको छ । संस्कृति, पर्यटन तथा नागरिक उड्डयन मन्त्रालयले जनाए अनुसार बुधबारदेखि एक सातासम्म तेस्रो चरणका उडानहरु हुनेछन् ।

नेपालीको स्वदेश फिर्ती प्रयोजनमा हिमालय एयरलाइन्स, नेपाल एयरलाइन्स, फ्लाई दुबई, एयर अरेबिया, जजिरा एयर र मालिण्डो एयरले उडान अनुमति पाएका छन् । नेपाल एयरलाइन्स र हिमालय एयरलाइन्सले १६, १६ उडान गर्ने भएका छन् ।

एयर अरेबियाले २, फ्लाई दुबईले २ र मालिन्दो एयरले ४ वटा उडान गर्ने भएका छन् । जजिरा एयरको समेत दुई उडान निश्चित भएको छ ।

आगामी साता यूएईको दुबई, सारजाह र अबुधाबी, साउदी अरबको दमाम र रियाद, कुबेत, कतार, बहराइन र मलेसियाबाट नेपालीहरुलाई घर ल्याउने कार्यक्रम तय भएको छ । शनिबारसम्म २६ हजार ३ सय ९६ जना नेपाली स्वदेश फर्किसकेको विमानस्थलको तथ्यांक छ । यसबीचमा कुल १ सय ४९ उडान भएका छन् ।

काठमाडौं । मंगलबार दिनभरमा १५ सय ३० जना नेपाली घर फर्किएका छन् । नेपाल एयरलाइन्सले चार वटा मुलुकबाट नेपालीलाई घर ल्याएको छ । सबैभन्दा धेरै कतारबाट ४९८ जना नेपाली स्वदेश फर्किए । त्रिभुवन अन्तर्राष्ट्रिय विमानस्थल कार्यालयका अनुसार आजमात्र विभिन्न देशबाट आठवटा उडान भएको हो ।

नेपाल एयरलाइन्सले कतारको दोहाबाट २६२ जना नेपाली घर ल्याएको हो । कतारबाट १० वटा शव समेत नेपाल ल्याइएको छ । कतार एयरले दोहाबाट ९ बच्चासहित २३६ जना नेपाली घर ल्याएको छ । कुवेतमा समस्यामा रहेका नेपालीलाई स्वदेश फर्काउन मंगलबार तीन उडान भएका छन् ।

तीन उडानमार्फत ४७१ जना स्वदेश आइपुगे । नेपाल एयरलाइन्सको जहाजले १४९ जना ल्याएको छ । कुवेत सरकारले त्यहाँ आममाफी पाएका ३२२ जनालाई जजिरा एयरका दुई उडानमा नेपाल पठायो ।

आज नेपाल एयरलाइन्सले यूएईको दुबईबाट एक बच्चासहित २६२ जना नेपालीलाई घर ल्यायो । यस मुलुकबाट एउटा शव पनि ल्याइएको छ । नेपाल एयरलाइन्सले मलेसियाको क्लालाम्पुरबाट १४६ जनालाई घर फर्काएको छ ।

आज साउदीको दमामबाट हिमालय एयरले १५३ जनालाई नेपाल ल्याएको छ । आज नेपाल एयरलाइन्स र हिमालय एयरलाइन्स खाडीका विभिन्न देशमा नेपाली लिन ती मुलुकतर्फ प्रस्थान गरेका छन् ।

काठमाडौं । सोमबार बिहानै २ सय ९० जना नेपाली काठमाडौं आइपुगेका छन् । आज कतारको दोहा र मलेसियाको क्लालाम्पुरबाट २९० जना नेपाली घर फर्किएका हुन् । नेपाल एयरलाइन्सले कतारको दोहाबाट १५१ जना र मलेसियाको क्लालाम्पुरबाट १३९ जनालाई नेपाल ल्याएको हो । दोहाबाट एउटा शव पनि नेपाल ल्याइएको त्रिभुवन विमानस्थल कार्यालयले जनाएको छ ।

आज कुवेतमा आममाफीमा सहभागी थप नेपाली घर फर्कदैछन् । मलेसियाबाट हिमालय एयरलाइन्सको जहाजले नेपालीलाई घर ल्याउँदैछ । कुवेतबाट सोही मुलुकको सरकारले जजिरा एयरबाट नेपालीलाई निःशुल्क घर पठाइदिएको छ ।

आज हिमालय र नेपाल एयरलाइन्सका जहाज विभिन्न ६ गन्तब्यमा पुग्दैछन् । नेपाल एयरलाइन्सका चार वटै जहाज कतारको दोहा, मलेसियाको क्लालाम्पुर, यूएईको दुबई र कुवेतमा नेपालीको उद्दारको लागि पुग्दैछन् ।

हिमालय एयरलाइन्सका जहाज साउदीको दमाम र छाङ्सा जाने कार्यक्रम तय भएको छ । अहिलेसम्म ११ हजार भन्दा बढीको उद्दार भइसकेको छ । पहिलो चरणमा करीव २७ हजार नेपाली घर फर्कने अनुमान सरकारको थियो ।

काठमाडौं । शनिबार विभिन्न मुलुकबाट करीव १ हजार जना नेपाली घर फर्किएका छन् । बिहान भएका ६ उडानले उनीहरुलाई काठमाडौं ल्याएको हो । बिहान ९ सय ५७ जना नेपाली काठमाडौं विमानस्थलमा अवतरण गरेका छन् । कतारको दोहाबाट कतार एयरवेजले एक बच्चासहित २४१ जनालाई नेपाल ल्यायो ।

हङ्कङबाट नेपाल एअरलाइन्सको जहाजले १ बच्चासहित ८१ जनालाई काठमाडौं ल्याएको छ । यूएईको दुबईबाट १४६ जना, साउदीको दमामबाट हिमालय एअरमा १५४ जना नेपाली फर्किएका छन् । साउदीको रियादबाट नेपाल एयरलाइन्सले २५४ जना नेपालीलाई घर ल्याएको छ ।

कुवेतको जजिरा एयरवेजले ८१ जना नेपालीलाई स्वदेश ल्याइदिएको छ । साउदीको रियादबाट १५ नेपालीको शव पनि आजै ल्याइएको छ । आज अस्ट्रेलियाबाट साढे २ सय नेपाली घर फर्कदै छन् । अहिले नेपालीको उद्दारको काम धमाधम भइरहेको छ ।

काठमाडौं । शुक्रबार पनि विदेशबाट नेपालीको उद्दारको काम जारी रह्यो । विभिन्न मुलुकबाट एक हजार ३ जना नेपाली आज घर फर्किएका छन् । उनीहरुलाई ल्याएर आएको जहाजले विदेशमा ज्यान गुमाउन बाध्य १६ नेपालीको शव समेत काठको बाकसमा राखी स्वदेश ल्याएका छन् । मलेसियाको क्वालालाम्पुरबाट आज धेरै यात्रु तथा शव ल्याइएको छ ।

आज मलेसियाबाट मात्र १४ वटा शव काठमाडौं ल्याइयो । त्रिभुवन अन्तर्राष्ट्रिय विमानस्थल कार्यालयको तथ्यांक अनुसार क्लालाम्पुरबाट नेपाल एयरलाइन्सले जहाजले १४ शवसहित २४५ जना ल्याएर आएको थियो । हिमालय एअरलाइन्सको जहाजले सोही गन्तब्यबाट १४८ नेपाली र एक शव नेपाल ल्याएको हो ।

यूएईको सारजहाबाट एयर अरेबियाको जहाजले १६८ जना नेपालीलाई काठमाडौं अवतरण गरायो । बहराइनबाट नेपाल एयरलाइन्सका दुई वटा जहाजले २७३ जना नेपालीलाई घर फर्काएको छ । बहराइनबाट समेत एक नेपालीको शव काठमाडौं आएको छ ।

कुवेतमा आममाफीमा सहभागी १६० जना नेपाली पनि आज स्वदेश फर्किएका छन् । भिसाको नियम उल्लंघन गरेका १६० जना पुरुषलाई कुवेत सरकारले जजिरा एयरको जहाजमा राखेर नेपाल फर्काएको हो ।

कुवेतबाट यो ११ औं उडान हो । कुवेतमा आममाफी पाएका १७ सय २५ जना नेपाली उद्दार उडानका दौरान घर फर्किएका छन् ।

काठमाडौं । आज विदेशमा अलपत्र रहेको करीव १२ सय नेपालीलाई घर ल्याइने भएको छ । नेपाली नागरिकको उद्दार गर्ने क्रममा शुक्रबार एक हजार दुई सय नेपालीलाई घर फर्काउन लागिएको हो । शुक्रबार बहराइन, युएई, कुवेत र मलेसियाबाट नेपाली घर आउँदैछन् ।

त्रिभुवन विमानस्थल कार्यालयका अनुसार शुक्रबार कुवेतबाहेक सबै मुलुकबाट शुक्रबार दुई दुई उडानको तालिका छ । बहराइनमा दुई र मलेसियामा एक उडान नेपाल एयरलाइन्सले गर्दैछ ।

युएईमा हिमालयन र एयर अरेविया, कुवेतको जजिरा एयरलाइन्स र मलेसियाको एउटा उडान हिमालय एयरलाइन्सबाट हुने गरी तालिका तय भएको भएको छ । यसरी आएका नेपालीलाई काठमाडौं, भक्तपुर र ललितपुरमा बनाइएको होल्डिङ सेन्टरमा राखिन्छ ।

त्यसपछि सेनाको व्यवस्थापनमा उनीहरुलाई सम्बन्धित स्थानीय तहको क्वारेन्टिनमा पठाइन्छ । विदेशबाट आउने नागरिकले पीसीआर रिपोर्ट ल्याएमा होम क्वारेन्टिनमा बस्न पाउने गरी प्रावधान राखिएको छ । पैसा तिर्न सक्ने मानिसहरु भने होटल क्वारेन्टिनमा बस्ने गरी तोकिएको छ ।