Category: घूमघाम

काठमाडौं । नेपाल रेल्वेको नयाँ रेल आज जनकपुर आइपुग्ने भएको छ । नेपाल सरकारले खरिद गरेको जनकपुर–जयनगर रुटमा चल्ने रेल बिहीवार साँझ जयनगरमा आइपुगेको थियो । जयनगरमै रोकिएको यो रेल शुक्रवार मध्यान्हसम्म जनकपुर स्टेशन ल्याइसक्ने योजना रहेको छ ।

नयाँ रेलको धेरैजसो डिब्बा प्लाष्टिकले छोपेर ल्याइएको छ । रेलको रंग भने नेपालको राष्ट्रिय झण्डा अंकित रंगले छोपिएको छ । जनकपुरमा रेलको भब्य स्वागत हुने भएको छ । सरकारले ८६ करोड मूल्यमा भारतीय कम्पनीबाट दुई सेट रेल खरिद गरेको हो । रेल शुक्रवार जनकपुर आएपनि व्यवसायिक संचालनमा भने तत्काल आउने छैन ।

मंसिरपछि मात्र औपचारिक संचालनमा ल्याउने गरी तयारी गरिएको छ । अहिले कोरोना भाइरस रोकथाम तथा नियन्त्रणका लागि सीमा नाका सिल गरिएको छ । रेल भारतको पटनास्थित हाजीपुर स्टेसनमा लामो समय बसेको थियो ।

रेल्वे विभागले केही दिन अगाडि भारतीय कम्पनीलाई रेल पठाउन पत्राचार गरेसँगै रेल शुक्रबार जनकपुर आउन लागेको हो । रेलको परीक्षण भएपछि रेल्वे विभागले बुझ्नेछ। धनुषाको कुर्थादेखि भारतको जयनगरसम्म यो रेल चल्नेछ ।

भारतको जयनगरबाट धनुषाको कुर्थासम्म ३५ किलोमिटर लम्बाइमा पूर्वाधार बनिसकेको छ । कुर्थाबाट विजलपुरा खण्ड १७ किलोमिटरसमेत गरेर कुल ५२ किलोमिटरमा रेल चलाउने तयारी भएको छ ।

काठमाडौं । सरकारले ५० प्रतिशत मात्र यात्रु राखेर उडान संचालन गर्न पाउने निर्णयको विरुद्धमा वायुसेवा संचालकहरु उभिएका छन् । ५० प्रतिशत मात्र यात्रु राखेर उडान गर्दा भाडा बढाउनु पर्ने र भाडा बढाउँदा यात्रु जहाज चढ्न आउने अवस्था नभएको भन्दै वायुसेवा संचालकहरुले यो निर्णय मान्य नहुने निर्णय गरेका हुन् ।

बुधबार संस्कृति, पर्यटन तथा नागरिक उड्डयन मन्त्रालयलाई पत्र लेख्दै एयरलाइन्स कम्पनीले यस्तो निर्णय सुनाएका हुन् । सरकारले भने ५० प्रतिशत मात्र यात्रु राख्न र भाडाको माथिल्लो तहको भाडा असुल गर्न प्रस्ताव गरेको छ ।

तर, वायुसेवा कम्पनी भने यो निर्णयमा सहमत देखिएका छैनन् । ५० प्रतिशत मात्र यात्रु राख्नुपर्ने विषयले लामो समयदेखि अवरुद्ध हवाई सेवा संचालनको वातावरण नबन्ने कम्पनीहरुको तर्क रहेको छ । यात्रुको संख्या परै राख्न पाउने शर्तमा भने कम्पनीहरुले ५ असोजबाट जहाज उडाउन तयार भएका छन् ।

काठमाडौं । सरकारले बहराइनका राजकुमार सहित १८ जनाको टोलीलाई हिमाल आरोहणको अनुमति दिएको छ । उनीहरु आरोहणका लागि मंगलबार नेपाल प्रस्थान गरेका छन् । उनीहरुले नेपालमा लोबुचे र मनास्लु हिमाल आरोहण गर्दैछन् । उनीहरु मंगलबार राति नेपाल प्रस्थान गरेको बहराइनस्थित नेपाली दूतावासले जानकारी दिएको छ ।

बहराइनको डिफेन्स फोर्समा कार्यरत १५ जना बहराइनका नागरिक र ३ जना बेलायती नागरिक आरोहण टोलीमा समावेश छन् । उनीहरु शेख ईशा एयरबेसको चार्टर्ड जहाज चढेर काठमाडौं उडेका हुन् । यो टोलीले नेपालमा २ महिना बिताउने छ । यस क्रममा लोबुचे र मनास्लु हिमाल आरोहण गर्नेछन् ।

यो आरोहण आगामी सिजनमा सगरमाथा आरोहणको तयारीका रुपमा लिइएको समेत दूतावासले जनाएको छ । उनीहरुलाई मन्त्रिपरिषद्ले अनुमति दिएको हो । नेपालमा स्वास्थ्य मन्त्रालयले तोकेको मापदण्ड भने उनीहरुले पालना गर्नुपर्नेछ । यो टोली कोरोनापछि नेपाल आउने पहिलो विदेशी आरोही टोली हुनेछ ।

काठमाडौं । ५ असोजबाट लामो दुरीको यातायात सेवा र आन्तरिक हवाई उडान शुरु हुने भएको छ । आज बसेको मन्त्रिपरिषद् बैठकले यस्तो निर्णय गरेको हो । नेपालमा १० चैत राती १२ बजेदेखि लामो दुरीको यातायात र हवाई यातायातमा प्रतिवन्ध लागेको छ । नजिकिएको दशैं र यात्रु तथा व्यवसायिको तिब्र दवावका बीच सरकारले यी दुबै यातायातका साधन चलाउने निर्णय गरेको हो ।

काठमाडौं । संस्कृति, पर्यटन तथा नागरिक उड्डयन मन्त्रालयले आन्तरिक उडान सूचारु गर्ने तयारी थालेको छ । यसका लागि उडान संचालनको मिति १ असोज राखेर मन्त्रालयले कोभि १९ संकट व्यवस्थापन केन्द्रमा सिफारिस गरेको हो । पर्यटन मन्त्री योगेश भट्टराईका अनुसार १ असोजमा सम्भव नभए १५ असोजबाट भने उडान सूचारु हुनेछन् । नजिकिएको चाडबाडलाई मध्यनजर गर्दै उडान खोल्न लागिएको उनले जानकारी दिए ।

नेपालमा ११ चैतयता सबै प्रकारका उडानमा प्रतिवन्ध लागेको थियो । १६ भदौबाट अन्तर्राष्ट्रिय व्यवसायिक उडान खुलेका छन् । यो सम्भवतः दक्षिण एसियामै पहिलो भएको पर्यटनमन्त्रीको दावि छ । नेपालमा आन्तरिक उडानका लागि समेत प्रोटोकल तयार रहेका कारण पहिलो चरणमा कोभिडको संकट कम भएका जिल्लास्थित विमानस्थलबाट उडान थाल्ने तयारी मन्त्रालयले गरेको हो ।

उनका अनुसार पहिलो चरणमा हिमाली र पहाडी भेगका विमानस्थलमा जहाज उड्नेछन् । त्यसपछि मात्र तराई भेगमा उडान शुरु गरिनेछ । तर, उडान खुले पनि कोभिडको प्रभावलाई मध्यनजर राख्दै थप निर्णयहरु हुने उनले जानकारी दिए ।

काठमाडौं । तीन साता लामो निषेधाज्ञा खुकुलो बनेको दिन आजबाट काठमाडौं उपत्यकामा सार्वजनिक यातायात चल्न थालेका छन् । प्रशासनले जोर विजोर प्रणालीमा सबै प्रकारका निजी सवारी र १६ सीट भन्दा माथिका सार्वजनिक यातायात खोल्ने निर्णय बुधबार गरेको थियो ।

सार्वजनिक यातायातमा समेत जोर विजोर प्रणाली लागु भने हुन्छ । यससँगै आजबाट सडकमा सार्वजनिक यातायातका साधन गुड्न थालेका छन् । उपत्यकामा कोरोना भाइरसको बढ्दो संक्रमण नियन्त्रण गर्न भन्दै तीन सातासम्म कडा निषेधाज्ञा जारी भएको थियो ।

उपत्यकाका तीन वटै जिल्लाका प्रमुख जिल्ला अधिकारीहरुको बैठकले उपत्यकामा बिहीबारदेखि पसल र सवारी साधन चलाउन सकिने गरी निर्णय लिएका हुन् । यसका लागि चर्को जनदवाव पनि थियो । किनकी लामो समय कामविहिन भएका गरीखाने गर्वलाई निषेधाज्ञाले समस्यामा पारेको थियो ।

उपत्यकामा ट्याक्सी समेत चल्नेछन् । जहाँ चालकसहित ३ जना बस्न पाउने नियम बनाइएको छ । सार्वजनिक सवारी साधनमा एक लहरमा एक जना मात्र गरी कुल सिट संख्याको आधाको आधा मात्र यात्रु बोक्न पाइने गरी नियम बनेको छ । मालवाहक ढुवानीका साधनमा जोरविजोर लागु हुँदैन ।

काठमाडौं । कोरोना भाइरसको महामारीपछि पहिलो पटक हिमाल आरोहण अनुमति जारी भएको छ । यसलाई पर्यटनसँग सम्बन्धित सरोकारवालाले सुखद शुरुवातका रुपमा समेत लिएका छन् । गत चैतयता पर्यटनका सबै अवयवहरु शुन्य व्यापारमा छन् । सोहीकारण नेपालको यूनिक प्रडक्ट पर्वतारोहण र पदयात्राले छिटो पर्यटनलाई रिभाइभ गर्न सक्ने विश्वास लिइएको छ ।

सरकारले शरद ऋतुका लागि पर्यटकीय गतिविधि खुला गरेको छ । पर्यटन विभागले ६ जनाको नेपाली टोलीलाई बरून्चे हिमाल (७१२९ मिटर) आरोहणको अनुमति जारी गरेको छ । टोलीलाई पर्यटन विभागका महानिर्देशक रुद्रसिंह तामाङले शुक्रबार आरोहण अनुमति हस्तान्तरण गरेका छन् ।

सरकारले बहराइनका राजकुमारसहितको टोलीलाई हिमाल आरोहण गर्न नेपाल आउने अनुमति दिएको छ । यो टोलीले आरोहण अनुमति भने लिइसकेको छैन । शुक्रबार अनुमति लिएको ६ जनाको टोलीको नेतृत्व दावा स्टेभन शेर्पाले गर्नेछ ।

पर्यटन विभागका अनुसार अब हिमाल आरोहण गर्न जान चाहने नेपाली वा विदेशी नागरिकले स्वास्थ्य मन्त्रालयको मापदण्ड पालना गरी आरोहणमा जान सक्छन् । त्यसका लागि विभाग स्वयमले सहजीकरण समेत गर्नेछ ।

काठमाडौं । अहिले विदेशबाट फर्कने नेपालीलाई लक्षित गरी सरकारले अन्तर्राष्ट्रिय नियमित उडान खुला गरेको छ । तर, यही मौकाको फाइदा उठाउन वायुसेवा कम्पनीले मंहगो शूल्कमा टिकट बिक्रि गरिरहेका छन् ।

यसै सन्दर्भमा पर्यटन मन्त्रालयले नेपाल वायुसेवा निगम र हिमालय एयरलाईन्सको उडान भएको रुटमा निगमले तय गरेको भाडादर भन्दा महंगोमा यात्रु ल्याउने गरी विदेशी एयरलाइन्सलाई अनुमति नदिन नेपाल नागरिक उड्डयन प्राधिकरणलाई निर्देशन दिएको छ ।

पर्यटनमन्त्री योगेश भट्टराईले टिकटमा ट्राभल्स एजेन्सीबाट अनियन्त्रित रुपमा कालोबजारी भएको गुनासो आएमा एयरलाइन्सबाटै नियन्त्रण हुनुपर्ने भन्दै यसको अनुगमन तथा सहजीकरण गर्न विदेशी कुटनीतिक नियोग, गैर आवासिय नेपाली संघसँग एनआरएन)सँग सहयोग लिइने उल्लेख गरेका छन् ।

आज मन्त्रालयमा बसेको बैठकमा हवाई भाडादरमा कालोबजारी, अपारदर्शिता र अन्य गैरकानुनी मुनाफा कायम गरी भाडादर असुल नगर्नरनगराउन सम्बन्धित वायुसेवा कम्पनीहरुलाई सचेत गराउने निर्णय समेत भएको छ ।

नियमित उडानमा बजेट एयरले अन्य एयरलाइन्सको भन्दा कम भाडादरमा उडान गर्नुपर्ने, चार्टर उडानको सम्न्धमा पर्यटन मन्त्रालयले यसअघि तोकेको भाडादर भन्दा बढी नहुने सुनिश्चित गरी उडान सञ्चालन गर्न अनुमति दिने निर्णय समेत गरेको छ ।

उता, २५ अगष्टमा १६१ जना यात्रु लिएर काठमाडौं आएको एयर अरेवियाले पीसीआर नेगेटिभ भएका सबै यात्रुको होटेल क्वारेन्टिन वापतको रकम तिर्नुपर्ने निर्णय बैठकले गरेको छ । सरकारले एउटै उडानबाट पिसिआर नेगेटिभ आएका र परीक्षण नगरेका यात्रु ल्याउन प्रतिवन्ध लगाएको छ ।

तर, एयर अरेवियाले भने सारजहाबाट आउँदा १४२ जना पीसीआर गरेको, १८ जना आरडिटी गरेको र एकजना केही पनि नगरेको यात्रु ल्याएको थियो । मन्त्री भट्टराईले रकम फिर्ता नगरे कारवाही गर्न समेत निर्देशन दिएका छन् ।

काठमाडौं । सरकारले लकडाउनपछि पहिलो पटक हिमाल आरोहणको अनुमति दिएको छ । सरकारले बहराइनका राजकुमार सहितको टोलीलाई हिमाल आरोहणको अनुमति दिएको हो । उनीहरु चार्टर्ड जहाजबाट काठमाडौं आउनेछन् ।

आइतबार बसेको मन्त्रिपरिषद् बैठकले आगामी १५ सेप्टेम्बरपछि लागू हुने गरी पहिलो आरोहण अनुमति दिने निर्णय गरेको हो । सरकारले बहराइनका राजकुमारसहितको १५ जनाको टोली र ३ जना बेलायती नागरिकलाई नेपालको लोबुचे र मनास्लु हिमाल आरोहणको अनुमति दिएको अर्थ, सूचना तथा संचार प्रविधिमन्त्री डा. युवराज खतिवडाले जानकारी दिए ।

यसरी आउने टोलीले स्वास्थ्य तथा जनसंख्या मन्त्रालयले स्वीकृत गरेको स्वास्थ्य सम्बन्धी मापदण्ड भने पालना गर्नुपर्ने मन्त्रिपरिषद्को निर्णयमा उल्लेख छ । सरकारले शरद ऋतुमा पर्यटकीय गतिविधि संचालनमा ल्याउने निर्णय यसअघि गरेको थियो ।

काठमाडौं । नेपालमा लामो दुरीको सार्वजनिक यातायात र आन्तरिक उडानमाथिको प्रतिवन्ध थप १५ दिन लम्बिएको छ । सरकारले अन्तर जिल्ला तथा लामो दुरीको यातायात र आन्तरिक हवाई उडान भदौ मसान्तसम्म नखोल्ने निर्णय गरेको हो ।

आइतबार बसेको मन्त्रिपरिषदले यस्तो निर्णय गरेको हो । यसअघि अन्तरजिल्ला यातायात तथा हवाई उडान भदौ १ गतेबाट खुला गर्ने निर्णय भएको थियो । तर, कोरोना संक्रमण बढेसँगै भदौ १५ सम्म स्थगित गरिएको थियो । तर, संक्रमणको जोखिम उत्तिकै रहेको भन्दै सरकारले अन्तरजिल्ला यातायात र अन्तरिक हवाई उडान प्रतिवन्ध कायमै राख्ने निर्णय लिएको हो ।

विद्यालय र कलेजसहितका शैक्षिक संस्था समेत भदौ मसान्तसम्म बन्द नै रहनेछन् । अन्तराष्ट्रिय हवाई उडान भने सर्तसहित भदौ १६ गतेबाट सुरु शुँदैछ । सरकारले दैनिक ५०० जना मात्र ल्याउन दिने निर्णय गरेको छ ।

आइतबार परराष्ट्रमन्त्री प्रदीप ज्ञवाली, पर्यटनमन्त्री योगेश भट्टराई र श्रममन्त्री रामेश्वर रायले यो संख्या बढाउनु पर्ने प्रस्ताव गरेका थिए । यसमा मन्त्रिपरिषद्ले सैद्धान्तिक सहमति दिएको छ । अब कुनै कम्पनीले पीसीआर टेष्ट, होटल क्वारेन्टिनसहित सबै खर्च व्यहोर्ने गरी नेपाली कामदारलाई नेपाल पठाउन चाहेमा ५ सय भन्दा बढी समेत नेपालीलाई काठमाडौं ल्याउन पाइनेछ ।

काठमाडौं । काठमाडौं नेपालले थप तीन मुलुकसँग हवाई सम्झौताको तयारी गरेको छ । रसिया, फिनल्याण्ड र इन्डोनेसियासँग नियमित उडानको बाटो खोल्न सरकारले हवाई सम्झौताको तयारी गरेको हो ।

अहिले नेपालले ४० मुलुकसँग हवाई सम्झौता गरेको छ । संस्कृति, पर्यटन तथा नागरिक उड्डयन मन्त्रालयको उच्चस्तरीय व्यवस्थापन समूहको बैठकले रसिया, फिनल्याण्ड र इन्डोनेसियासँग हवाई सम्झौता गर्ने प्रक्रियालाई गति दिने निर्णय गरेको हो ।

साथै बैठकले १६ भदौपछि हुने नेपालीहरुको स्वदेश फिर्ती अभियानलाई सहज बनाउन एक समिति समेत गठन गरेको छ । उडानको अनुगमन र सहजीकरण गर्न पर्यटन मन्त्रालयका उपसचिव रामकृष्ण लामिछानेको संयोजकत्वमा चार सदस्यीय समिति गठन गरिएको छ ।

समितिमा विभागका निर्देशक सुरेन्द्र थापा,नेपाल नागरिक उड्डयन प्राधिकरणका हिराजन काफ्ले र नेपाल पर्यटन बोर्डका प्रबन्धक सुुनिल शर्मा रहेका छन ।

बैठकले नियमित उडान हुने हुदाँ वायुसेवा कम्पनीहरुले कोभिड १९को महामारी पूर्व नियमित अवस्थामा लिने हवाई भाडादर भन्दा बढी नलिन तर्फ सवै वायुृसेवा निगमहरुसँग समन्वय गर्ने र नेपाल नागरिक उड्डयन प्राधिकरणमार्फत वायुसेवा कम्पनीलाई सचेत गराउने निर्णय समेत गरेको छ ।

समितिलाई हवाई उडान भाडादर यात्रुहरुको परिवहनका विषयमा अनुगमन गर्ने, होटलले प्रदान गर्ने मापदण्डको विषयमा स्थलगत अनुगमन गरी पृष्ठपोषण गर्ने, हान लगायतका संघ संस्थाहरुसँग आवश्यक समन्वय गर्ने र स्वदेशी फिर्ता प्रकृयासँग जोडिएको गुनासो ब्यवस्थापन गर्ने कार्यादेश तोकिएका छन् ।

बैठकले हिमाल आरोहणका लागि खटाईने सम्पर्क अधिकृत र रेस्क्यु लगायतका विषयमा मापदण्ड र कार्यविधि बनाउने निर्णय समेत गरेको छ ।

बैठकमा संस्कृति पर्यटन तथा नागरिक उड्डयन मन्त्री योगेश भट्टराईले मन्त्रालयको कार्ययोजनामा समावेश गरिएका माइलस्टोनलाई तोकिएको समयमै सम्पन्न गर्न निर्देशन दिएको मन्त्रालयले जनाएको छ ।

काठमाडौं । सरकारले यही भदौ १६ गतेदेखि नियमित अन्तर्राष्ट्रिय हवाई उडान गर्ने भएको छ ।

संस्कृती, पर्यटन तथा नागरिक उड्डयन मन्त्रालयले नियमित हवाई उडानको लागि स्वदेशी एवं विदेशी विमान कम्पनीलाई अनुमती दिएको हो ।

मन्त्रालयले भदौं १७ देखि असोज १४ गतेसम्मको नियमित हवाई उडान तालिका स्वीकृतगरेसँगै विमान कम्पनीहरुले अनुमति पाएका हुन् ।

नियमित उडानका लागि मन्त्रालयले नेपाल एयरलाइन्स र हिमालय एयरलाइन्ससहित कतार एयरवेज, कोरियन एयर, टर्किस्, फ्लाइ दुबई, मालिन्दो, चाईना साउर्थन, एयर अरेविया, मलेसियन एयरलाइन्स, एयर चाइना, क्याथवे ड्रागनको तालिका स्वीकृत गरेको हो ।

मन्त्रालयले नियमित उडान तालिका स्वीकृत गरेका नेपाल एयरलाइन्स र हिमालय एयरलाइन्स बाहेकका विदेशी विमान कम्पनीलाई भने चार्टर उडानको अनुमती दिएको छैन ।

चार्टर उडानको तालिका स्वीकृत हुने विदेशी विमान कम्पनीहरुमा जजिरा र सलाम एयर मात्रै छन् । हवाईजहाजबाट ल्याइने यात्रुको अनिवार्य पीसीआर परीक्षण र नेपाल फर्किएपछि सात दिन होटेल क्वारेन्टिनमा बस्नु पर्नेछ ।

पीसीआर परीक्षण सहज भएका देशमा मात्र पहिलो चरणमा अन्तर्राष्ट्रिय उडान हुनेछ । पीसीआर सहज हुने मुलुक बाहेकमा भने नेपालीलाई घर फर्काउने प्रयोजनका लागि साविकमा जस्तै चार्टर्ड उडान मात्र हुनेछ ।

पहिलो चरणमा अमेरिका, यूरोप, चीन, थाइल्याण्ड, हंगकंग, मलेसियासहितका देशबाट नेपाल आउने पाइने छ ।

यसरी आउन पाउने सूचिमा नेपाली नागरिक, विदेशी कुटनीतिक नियोगका कर्मचारी तथा पदाधिकारी र विकास साझेदार संघसंस्थाका प्रतिनिधिलाई मात्र अनुमति मिल्नेछ । विदेशी नागरिकले भने तत्काल नेपाल प्रवेशको अनुमति नपाउने भएका छन् ।

पिसिआर परीक्षण हुन सम्भव नभएका साउदी अरव, कुवेत, कतारलगायत मुलुकबाट आउने नागरिकलाई नेपाल ल्याउनै पर्ने भए चार्टर्ड जहाज जानेछन् । अब नेपाल आउने सबै अनिवार्य ७ दिन होटेल क्वारेन्टिनमा बस्नु पर्नेछ ।

हवाई टिकट काट्दाकै समयमा होटेलको पैसासमेत असुल गरिनेछ । वायुसेवा कम्पनीले होटेललाई पैसा दिनेछन् । होटेलमा बस्दाको खर्च आफै तिर्नुपर्ने छ ।

अब जहाजले पीसीआर टेष्ट गरेका र नगरेका यात्रुलाई एउटै जहाजबाट ल्याउन पाउने छैनन् । ल्याएमा सबैलाई क्वारेन्टिनमा राखिनेछ र त्यसको सबै खर्च एयरलाइन्सले व्यहोर्नुपर्ने भएको छ ।

सरकारले त्यसरी काठमाडौं आउँदा जहाज चढ्नु ७२ घण्टा अगाडिको कोभिड रिपोर्ट चाहिने व्यवस्था पनि गरिएको छ ।

काठमाडौं । मंगलबारबाट नेपालीको उद्धारको काम फेरी शुरु हुने भएको छ । नेपालमा होटेल क्वारेन्टिनको व्यवस्थापन हुन नसकेको भन्दै सीसीएमसीले नेपालमा यात्रु ल्याउन रोकेको थियो । तर, सरकारले पनः उडान थाल्ने निर्णय लिएको हो । संस्कृति, पर्यटन तथा नागरिक उड्डयन मन्त्रालयका अनुसार मंगलबार यूएईको सारजहाबाट एयर अरेबियाको जहाज नेपाल आउँदैछ ।

बुधबार इत्तिहाद एयर आवुधाबी र फ्लाई दुबई दुबईबाट काठमाडौं आउने गरी तालिका तय भएको छ । बिहीबार नेपाल एयरलाइन्सले रियाद र हिमालय एयरलाइन्सले दमामबाट यात्रु बोकेर काठमाडौं आउने गरी तालिका तय भएको मन्त्रालयले जनाएको छ । यूरोप र अमेरिकामा रोकिएका नेपालीलाई ल्याएर बिहीबार टर्किस एयर आउनेछ । तर, टर्कीस र कतारले बढीमा १ सय जना मात्र यात्रुलाई काठमाडौं ल्याउनेछन् ।

अब पिसिआर रिर्पोट नभएका यात्रुलाई काठमाडौं ल्याउन पाउने छैन । तर, पिसिआर सम्भव नहुने देशबाट आएका यात्रुलाई भने होटेल क्वारेन्टिनमा राखिनेछ । एयरलाइन्सले अनुमति बीना पिसिआर नभएका यात्रु ल्याएमा होटेलमा लागेको खर्च स्वयमः एयरलाइन्सले बेहोर्नु पर्नेछ ।

वायुसेवा कम्पनीले विदेशस्थित नेपाली कूटनीतिक नियोगसँगको सहकार्यमा मात्र यात्रु ल्याउन पाउने छन् । नेपाल आइसकेपछि यात्रु ७ दिन होटेल क्वारेन्टिनमा बस्नु पर्ने गरी प्रावधान बनेको छ ।

काठमाडौं । १६ भदौबाट अन्तर्राष्ट्रिय हवाई उडान नियमित हुने भएको छ । सरकारले शर्तसहित उडान खोल्ने निर्णय गरेको हो । पीसीआर परीक्षण सहज भएका देशमा मात्र पहिलो चरणमा अन्तर्राष्ट्रिय उडान हुनेछ । पिसिआर सहज हुने मुलुक बाहेकमा भने नेपालीलाई घर फर्काउने प्रयोजनका लागि साविकमा जस्तै चार्टर्ड उडान मात्र हुने भएको छ ।

पहिलो चरणमा अमेरिका, यूरोप, चीन, थाइल्याण्ड, हङकङ, मलेसियासहितका देशबाट नेपाल आउने पाइने छ । यसरी आउन पाउने सूचिमा नेपाली नागरिक, विदेशी कुटनीतिक नियोगका कर्मचारी तथा पदाधिकारी र विकास साझेदार संघसंस्थाका प्रतिनिधिलाई मात्र अनुमति मिल्नेछ । विदेशी नागरिकले भने तत्काल नेपाल प्रवेशको अनुमति नपाउने भएका छन् ।

पिसिआर परीक्षण हुन सम्भव नभएका साउदी अरव, कुवेत, कतारलगायत मुलुकबाट आउने नागरिकलाई नेपाल ल्याउनै पर्ने भए चार्टर्ड जहाज जानेछन् । यसरी जहाज चढेर आउने सबैको साथमा पछिल्लो २४ घण्टा यता गरेको पिसिआर र त्यसको नतिजा नेगेटिभ आएको प्रमाणपत्र हुनुपर्छ । अब नेपाल आउने सबै अनिवार्य ७ दिन होटेल क्वारेन्टिनमा बस्नु पर्नेछ ।

हवाई टिकट काट्दाकै समयमा होटेलको पैसासमेत असुल गरिनेछ । वायुसेवा कम्पनीले होटेललाई पैसा दिनेछन् । होटेलमा बस्दाको खर्च आफै तिर्नुपर्ने छ । अब जहाजले पीसीआर टेष्ट गरेका र नगरेका यात्रुलाई एउटै जहाजबाट ल्याउन पाउने छैनन् । ल्याएमा सबैलाई क्वारेन्टिनमा राखिनेछ र त्यसको सबै खर्च एयरलाइन्सले व्यहोर्नुपर्ने भएको छ ।

काठमाडौं । आजबाट काठमाडौं उपत्यकामा निषेधाज्ञा शुरु भएको छ । अत्यावश्यक काम नपरेसम्म आजबाट एक साता बाहिर जान पाइने छैन । यदी विदेश जाने टिकट छ भने समेत प्रहरीले बाटोमा रोक्ने छैन । टिकट, पासपोर्ट देखाएमा प्रहरीले सजिलै छाडिदिनेछ । अत्यावश्यक काम र हवाई उडानबाट विदेश जानेलाई विमानस्थलमा जान दिने निर्णय सरकारले गरेको हो ।

आवश्यक परेमा प्रहरीले पासापोर्ट भिसा र टिकट जाँच भने गर्नेछन् । उडान हुनेहरु आफ्नो समयमा सिधै विमानस्थल जाने सवारी साधन प्रयोग गर्न सक्ने भएका छन् । आजबाट शुरु भएको निषेधाज्ञामा अतिआवश्यक काम बाहेक निस्केमा प्रहरीले कारवाही गर्नेछ । स्वास्थ्य संकट र महामारी नियन्त्रणका लागि सरकारले निषेधाज्ञा लगाएको हो ।

काठमाडौं । सरकारले विदेशबाट हुने उद्धार उडान रोकेको छ । कोभिड १९ संकट व्यवस्थापन संचालन केन्द्रका अनुसार नेपालमा कोरोना भाइरसको संक्रमण बढेको, नेपालका अधिकांश स्थानमा निषेधित क्षेत्र घोषित गरेको र होटेल क्वारेन्टिनका लागि समेत व्यवस्थापन हुन नसकेपछि तत्कालका लागि विदेशबाट हुने उद्धार उडान रोकिएको हो ।

अब होटेल क्वारेन्टिनको सुनिश्चितता भएपछि मात्र उद्धार उडान सूचारु गर्ने गरी तत्कालका लागि उडान रोक्ने निर्णय भएको केन्द्रले उल्लेख गरेको छ । सोहीअनुसार यसअघि तय भएका सबै उडान रोकिएको नेपाल एयरलाइन्सले जनाएको छ ।

काठमाडौं । विदेशमा अलपत्र नेपालीको उद्धारको क्रममा सोमबारबाट पाँचौ चरणको उद्धार उडान शुरु हुँदैछ । यस क्रममा आगामी १५ दिनमा थप ४३ उडानको तालीका तय भएको छ । सोमबारबाट अगष्ट ३१ तारीखसम्म ४३ उडानको तयारी गरिएको छ । यस अवधिमा राष्ट्रिय ध्वजाबाहक नेपाल एयरलाइन्सले १७ र हिमालय एयरलाइन्सले १५ वटा उडानको अनुमति पाएको छ ।

विदेशी एयरलाइन्सबाट ११ वटा उडान गर्दैछन् । यूरोप र अमेरिकामा रहेका नेपालीलाई इस्तानबुलबाट टर्कीस एयरलाइन्सले नेपाल ल्याउनेछ । दक्षिण कोरियाबाट कोरियन एयरले नेपालीलाई घर फर्काउने छ । सिल्क एयरले भने अष्टे्रलियाबाट नेपालीलाई काठमाडौं ल्याउने गरी तालिका तय भएको छ । नेपाल एयरलाइन्सले जापानबाट नेपालीलाई घर ल्याउने गरी तालिका तय भएको छ । सरकारले १६ भदौबाट भने व्यवसायिक उडानको मिति तोकेको छ ।

यस्तो छ उडान तालीका
मिति                  नेपाल एयरलाइन्स     हिमालय एयरलाइन्स           विदेशी एयरलाइन्स
१ भदौ               दुबई (यूएई)              क्वालालाम्पुर                                 फ्लाइ दुबइ (यूएई)
२ भदौ              दोहा (कतार)            दोहा (कतार)                               टर्किस एयरलाइन्स (इस्तानबुल)
३ भदौ              क्लावालाम्पुर (२)       क्वालालाम्पुर
४ भदौ              जेद्दा (साउदी )           दमाम (साउदी)                           फ्लाइ दुबई (यूएई)
५ भदौ              दुबई                          क्वालालाम्पुर                                मालिन्दो एयर (मलेसिया)
६ भदौ             कुवेत                          कुवेत                                          जजिरा एयरवेज (कुवेत)
७ भदौ            दमाम (साउदी)            दमाम
८ भदौ            दोहा                            दोहा                                             कोरियन एयर (दक्षिण कोरिया)
९ भदौ             दुबई                          आवुधावी                                       एयर अरेविया, सारजहाँ (यूएइ)
१० भदौ           रियाद                         दमाम                                            कतार एयरवेज
११ भदौ           दुबई                          अबुधावी                                         इत्तिहाद एयर, आवुधाबी (यूएई)
१२ भदौ           रियाद                        दमाम
१३ भदौ           दुबई                         अवुधावी                                           सिल्क एयर (अष्ट्रेलिया)
१४ भदौ         दोहा १, जापान १         दोहा
१५ भदौ         दुबई                          अबुधावी                                          एयर अरेबिया (सारजहा) यूएई

काठमाडौं । सरकारले एक जिल्लाबाट अर्को जिल्ला जान पाउने गरी जारी गरेको पास रद्द गरेको छ । कोरोना भाइरसको संक्रमण फैलिएपछि सरकारले मानिसको आवतजावतमा पुनः कडाई गर्न लागेको हो । अब एक जिल्लाबाट अर्को जिल्लामा जाने सवारी पास नपाइने गृह मन्त्रालयले स्पष्ट पारेको छ । यो नियम बिहीबारदेखि लागू हुनेछ ।

गृह मन्त्रालयले पास वितरण बन्द गर्न ७७ वटै जिल्ला प्रशासन कार्यालयलाई पत्राचार गरेको हो । कोरोना संक्रमण फैलिन सक्ने खतरालाइ मध्यनजर गर्दै केही दिनलाई सवारी पास पूर्ण रूपमा बन्द गर्न मन्त्रालयले पत्राचार गरेको जनाएको छ । नेपालमा पछिल्ला दिनमा कोरोना संक्रमित र यसको कारण ज्यान गुमाउनेका संख्यामा निरन्तर वृद्धि भइरहेको छ ।

बुधबारसम्म नेपालमा कोरोना संक्रमितको संख्या २४ हजार ४३२ पुगेको छ । अहिले देशभर सक्रिय संक्रमितको संख्या ७ हजार ६१३ छ । कोरोनालाई जित्नेको संख्या १६ हजार ७२८ छ । ९२ जनाको ज्यान गइसकेको छ ।

काठमाडौं । सरकारले अन्तर जिल्ला यातायात र बाह्य तथा अन्तरिक हवाई उडानमाथिको प्रतिवन्ध थप १५ दिने लब्याउने निर्णय गरेको छ । अब यी सेवा भदौ १६ बाट मात्र संचालनमा आउनेछन् । यसअघि ५ साउनमा बसेको मन्त्रिपरिषद् बैठकले १ भदौबाट यी सेवा थाल्ने निर्णय गरेको थियो । तर, कोरोना भाइरसले महामारीको रुप लिने देखिएपछि पुनः प्रतिवन्ध लम्ब्याइएको हो ।

मन्त्रिपरिषदको सोमबार बसेको बैठकले कोभिड—१९ संकट व्यवस्थापन सेन्टर (सीसीएमसी)को सिफारिसअनुसार १ भदौबाट खुला गर्ने भनिएको क्षेत्र थप १५ दिन नखोल्ने निर्णय गरेको छ ।

अब अन्तर जिल्ला यातायात, बाह्य तथा अन्तरिक हवाई उडान तथा विद्यालय भर्ना लगायतका गतिविधि पर सरेको हो । अब खेलकुद प्रशिक्षण, विद्यार्थी भर्ना, शैक्षिक तथा अन्य परीक्षा जस्ता कार्य पनि भदौ १५ सम्म स्थगित भएका छन् । सरकारले भारतबाट आउने नेपालीका लागि तोकिएका प्रवेश बिन्दु २० बाट १० मा झारेको छ । अब सीमाना पूर्ण सिल हुनेछ ।