Category: विश्व

लण्डन । बेलायतले युक्रेनमाथि हमला नगर्न रुसलाई चेतावनी दिएको छ । बेलायती विदेशमन्त्री लिज ट्रसले रुसले युक्रेनमाथि हमला गरे उसले गम्भीर आर्थिक परिणाम भोग्नुपर्ने चेतावनी दिएकी हुन् । बीबीसीका अनुसार यो साता लिभरपूलमा हुने जी-सेभेन राष्ट्रका विदेशमन्त्रीको बैठकमा एकताको प्रदर्शन गरिने र रुसको त्यस्तो खाले कदम चालेमा रणनीतिक गल्ती हुने उक्त बैठकबाट स्पष्ट पारिने बताएकी छन् । ट्रसले यूके र उसका साझेदारहरूले युक्रेनमा रुसी हमला रोक्नु पर्ने बताइरहेका छन् ।

युक्रेनी सीमामा रुसले ठूलो मात्रामा सैनिकहरू एकत्रित गरेको छ । यसले तनाव बढेको हो । रुसले भने युक्रेन कब्जाको कुनै योजना नरहेको बताएको छ । अमेरिका र उसका साझेदार देशहरूको पहिलेकै चेतावनी दोहोर्‍याउँदै ब्रिटिश विदेशमन्त्रीले जी-सेभेन युक्रेनका सम्बन्धमा‘ आक्रमकताका विरुद्ध वास्तवमै कडा र बलियो रूपमा उभिन गइरहेको बताएकी छिन् । युक्रेन पूर्व सोभियत गणतन्त्र पनि हो। रुसले चाहिँ युक्रेनलाई उक्साएको आरोप लगाएको छ । उसले पूर्वतर्फ नेटोको विस्तार रोक्नुपर्ने तथा आफ्नो सीमा क्षेत्रमा हतियार र सैन्य उपस्थिति नबढाइने बारे ग्यारेन्टी खोजेको छ।

नयाँ दिल्ली । भारतको पहिलो चिफ अफ डिफेन्स स्टाफ जनरल बिपिन रावतसहित हेलिकोप्टर दुर्घटनामा ज्यान गुमाएकाहरुको शुक्रबार अन्तिम संस्कार गरिएको छ । रावत पत्नी मधुलिका रावतको समेत एक साथ अन्त्येष्टी गरिएको छ । दिल्लीस्थित बरार स्क्वायरमा रावत दम्पित्तिका दुई छोरी कृतिका र तारिणी रावतले बुबा तथा आमालाई दागवत्ती दिएका छन् । अंतिम संस्कार सैनिक सम्मानका साथ सम्पन्न भएको छ । सो क्रममा देशका तीन वटै सैन्य संगठनको संयुक्त टुकुडीले१७ तोपको सलामी दिएर आफ्नो सर्वोच्च कमाउण्डरको बिदाई गरेको हो ।

अन्तिम संस्कारका दौरान सेनाका सबैजसो उच्च अधिकारी त्यहाँ उपस्थित रहे । अन्तिम संस्कार अगाडी उनको शव सरकारी निवासमा राखिएको थियो । जहाँ सर्वसाधारणलाई समेत अन्तिम दर्शनको मौका दिइएको थियो । बुधबार तमिलनाडुको कुन्नूरमा भएको भयानक हेलिकोप्टर दुर्घटनामा बिपिन रावत, उनकी पत्नीसहित १३ जनाको निधन भएको थियो । दुर्घटनामा बचेका एक मात्र व्यक्ति ग्रुप क्याप्टेन वरुण सिंहको उपचार जारी छ ।

कर्नाटका । भारतीय सेनाका सबैभन्दा उच्च अधिकारी चिफ अफ डिफेन्स स्टाफ (सीडीएस) जनरल विपिन रावतको हेलिकप्टर दुर्घटनामा निधन भएको छ । भारतीय वायुसेनाले ट्वीट गरि यो खरबको पुष्टी गरेको हो । यसअघि उनी सवार हेलिकोप्टर बुधबार बिहान दुर्घटनमा परेको थियो । हेलिकप्टरमा कुल १४ जना सवार थिए । त्यसमध्ये १३ जनाको निधन भएको सेनाले पुष्टी गरेको छ । एक जनाको गम्भीर अवस्थामा उपचार जारी छ ।

रावत चढेको हेलिकप्टर तमिलनाडुको कुन्नूरमा दुर्घटनाग्रस्त भएको हो । भारतीय प्रधानमन्त्री नरेन्द्र मोदीसहित देशका ठूला नेताले दुर्घटनामा ज्यान गुमाएका जनरल रावतप्रति श्रद्धाञ्जली व्यक्ति गरेका छन् । भारतीय वायु सेनाको एमआई १७भी५ हेलिकप्टरको दुर्घटनाको कारण पत्ता लगाउन जाँचबुझ आदेश दिइएको छ । जेनरल रावत भारतीय सेनाका पूर्वप्रमुख हुन ।

उनी गत जनवरीमा भारतको पहिलो चिफ अफ डिफेन्स स्टाफमा नियुक्त भएका थिए । रावतसँगै उनकी पत्नीको पनि निधन भएको छ । सो हेलिकप्टर सुलुरस्थित सैन्य क्षेत्रबाट वेलिंगटनस्थित सैन्य क्षेत्रतर्फ उडेको थियो ।

काठमाडौं । भारतका चिफ अफ डिफेन्स स्टाफ (सीडीएस) विपिन रावत सवार रहेको भारतीय सेनाको हेलिकोप्टर दुर्घटनाग्रस्त भएको छ ।

भारतीय वायु सेनाको ट्वीटअनुसार एमआई–१७बी५ हेलिकोप्टर तमिलनाडुको कुन्नुरमा दुर्घटनाग्रस्त भएको हो । हेलिकप्टरमा उनी लगायत वरिष्ठ सैन्य अधिकारीहरु पनि सवार थिए ।

दुर्घटनामा परेका सेनाका वरिष्ठ अधिकारीहरूलाई उद्धार गरी अस्पताल लगिएको भारतीय सञ्चारमाध्यमले जनाएका छन् । खराब मौसमको कारणले दुघर्टना भएको पूर्वानुमान गरिएको छ ।

जेनेरल रावत १ जनवरी २०२० मा देशको पहिलो चिफ डिफेन्स अफ स्टाफ नियुक्त भएका थिए ।

रावत यसअघि भारतीय सेनाका प्रमुख थिए। उनीपछि मनोजमुकुन्द नरवाणे सेना प्रमुख भएका छन्।

रावत अहिले चिफ अफ डिफेन्स स्टाफ थिए। यो पद केही महिना अघिमात्रै सिर्जना गरिएको हो।। भारतका चिफ अफ डिफेन्स स्टाफ रावतको अवस्थाबारे केही पनि बताइएको छैन ।

नयाँ दिल्ली । रुसी राष्ट्रपति भ्यादिमिर पुटिन आजबाट भारत भ्रमणमा आउने भएका छन् । भारतमा बढ्दो असुरक्षाका बीच सरकारले उनी अवतरण हुने समय भने सार्वजनिक गरेको छैन । तर, भारतीय संचारमाध्यमले उनी भारतीय समाय अनुसार दिउँसो २ बजे दिल्ली विमानस्थलमा अवतरण गर्ने कार्यक्रम छ । साथे उनको यो भ्रमण निकै छोटो हुने छ ।

अर्थातः उनी आजै साढे ९ बजे स्वदेश फिर्ता हुने छन् । नयाँ दिल्लीमा पुटिन र प्रधानमन्त्री नरेन्द्र मोदीबीच भेटवार्ताको समय तय भएको छ । यो भ्रमणलाई चीन र अमेरिकाले समेत चासोका साथ हेरेका छन् । पुटिनले प्रधानमन्त्री मोदीसँगै रुस भारत वार्षिक शिखर सम्मेलनमा समेत भाग लिने कार्यक्रम छ ।

यस दौरान रुसी हतियारको भारतमा उत्पादन, भारतले खरीद गरेको मिसाइल सिस्टमको डेलिभरी, नौसेनाले खरीद गरेका जहाजको डेलिभरी, भारत र चीनबीचको तनाव, अफगानिस्तान मुद्दा र अन्य द्धिपक्षीय मामिलामा वार्ता हुने बताइएको छ । आफ्नो सैन्य क्षमता बढाउने भन्दै भारतले रुसबाट ठूलो संख्यामा हातहतियार तथा सिमाइल खरीद गर्न सम्झौता गरिसकेको छ ।

नागाल्याण्ड । भारतको नागाल्यान्डमा शनिबार सेनाको गोली लागेर एकै पटक १३ जना सर्वसाधारणको ज्यान गएको छ । यसले पुनः एक पटक भारतको सुरक्षा अवस्थाबारे विश्वभर बहस शुरु गरेको छ । भारतीय संचारमाध्यमहरुका अनुसार म्यानमारसँगको सीमा नजिक मोन जिल्लामा गस्ति गरिरहेको सैन्य टोलीले खानीमा काम गर्ने स्थानीयमाथि अन्धाधुन्ध गोली चलाएको थियो । उनीहरु कामबाट फर्किरहेका थिए । शव एकै ट्रकमा सेनाले थुपारेर राखेको थियो ।

त्यसपछि स्थानीयवासी सुरक्षा अधिकारीमाथि आक्रमणमा उत्रिएका छन् । उनीहरुले सेनाका गाडीमा आगजनी समेत गरेका छन् । सो क्रममा एक सैनिक जवानको समेत ज्यान गएको छ । घटनाप्रति भारतीय सेनाले गम्भीर दुःख व्यक्त गरेको छ । सेनाले कोर्ट अफ इन्क्वाइरी को आदेश समेत दिएको छ । खासगरी स्थानीय स्तरमा सैनिकबाट भएको गम्भीर लापरवाहीका कारण घटना भएको हो ।

भारतका गृहमन्त्री अमित शाहले हत्याको खबरले आफू दुःखी भएको भन्दै राज्य सरकारले घटनाबारे छानबिन सुरु गरेको जानकारी गराएका छन् । नागाल्यान्डमा वर्षौँदेखि पृथकतावादी लडाकु र सुरक्षा फौजबीच झडप भइरहेका थिए । तर, यसमा निहत्था मानिसको ज्यान गएपछि भने बहस छेडिएको हो ।

जकार्ता । इन्डोनेशियाको जाभा टापुमा शनिवार ज्वालामुखी विस्फोटमा परि कम्तीमा १३ जनाको मृत्यु भएको छ । दर्जनौँ अरू घाइते भएको बीबीसीले लेखेको छ । माउन्ट सेमेरुबाट निस्किएको खरानीको बादलबाट बच्न स्थानीय बासिन्दाहरू भागिरहेका दृश्यहरू सार्वजनिक भएका छन्। तस्बिरहरूमा देखिए अनुसार एउटा गाउँ पुरै ज्वालामुखीको खरानीले पुरिएको छ।

गाउँका बासिन्दाहरूले जनाए अनुसार खरानीको बाक्लो बादलले सूर्यको प्रकाश छेकिदिँदा उनीहरू बसेको ठाउँमा अन्धकार छाएको थियो। अधिकारीहरूका अनुसार ५७ जना घाइते भएका छन्। कैयौँलाई लाभाले नराम्ररी पोलेको छ। घाइतेहरूको विभिन्न अस्पतालमा उपचार भइरहेको जनाइएको छ। ज्वालामुखी विस्फोट हुँदा लुमाजाङ जिल्लाका कम्तीमा ११ गाउँ खरानीले छोपिएका छन्।

त्यसैले कैयौँ मानिसहरू मस्जिद र अस्थायी आश्रय स्थल पुगेका थिए। उद्धार कार्य बाक्लो धुवाँ, बिजुली गएको र आँधीका कारण प्रभावित भएको छ। खरानी लाभा र पानीका कारण बाक्लो हिलो जम्मा भएको र त्यसले उद्धार कार्य पनि प्रभावित बनाएको अधिकारीहरूले बताएका छन्। स्थानीय समय अनुसार साढे दुई बजे दिउसो ज्वालामुखी विस्फोट भएको थियो।

खरानीको धुवाँबाट बनेको बादल १५ हजार मिटर सम्म पुग्न सक्ने भन्दै त्यो उचाइ धेरैजसो विमानको भन्दा माथिको भएकाले सतर्कता अपनाउन भनिएको छ। माउन्ट सेमेरु स्थायी रूपको सक्रिय ज्वालामुखी बन्ने स्थितिमा रहेको र शनिवारको विस्फोटन असाध्यै ठूलो तहको भएको बताइएको छ।

माउन्ट सेमेरु समुन्द्री सतहभन्दा ३,६७६ मिटर उचाइमा छ र यो इन्डोनेशियाका १३० सक्रिय ज्वालामुखीमध्ये एक हो। त्यस अघि यो डिसेम्बर २०२० मा विस्फोट भएको थियो।

पन्जाब । पाकिस्तानको पन्जाबस्थित सियालकोट शहरमा एक श्रीलंकन नागरिकको जघन्य हत्या भएको छ । उनीमाथि इश्वर निन्दाको आरोप लगाएर उत्तेजित भिडले आक्रमण गरेको थियो । उनको हत्यापछि शव जलाउँदै गरेको अवस्थामा प्रहरीले फेला पारेको थियो । यो घटनापछि पाकिस्तानको मुलुकभित्र र बाहिरबाट व्यापक निन्दा भइरहेको छ । पाकिस्तानका प्रधानमन्त्री इमरान ख़ानले पाकिस्तानका लागि यो दिन लज्जित दिन रहेको बताएका छन् ।

शुक्रवार सियालटकोटको एक उद्योगमा काम गरिरहेका श्रीलंकाली नागरिक प्रियांथा कुमारालाई भिडले हत्या गरेको थियो । उनी म्यानेजर पदमा कार्यरत थिए । खासगरि पाकिस्तानमा इस्लाम कट्टरवादका विषयलाई निकै चिन्ताका रुपमा हेरिएको छ । पाकिस्तानका राष्ट्रपति डा. आरिफ अल्वीले दुखद: दिनको संज्ञा दिएका छन् ।

काठमाडौं । नाइजेरियामा डुंगा पल्टिएपछि भएको दुर्घटनामा २९ जनाको मृत्यु भएको छ । नाइजेरियाको उत्तरी राज्य कानोमा एउटा डुङ्गा पल्टँदा बालबालिका सहित कम्तिमा २९ जनाको मृत्यु भएको बीबीसीले लेखेको छ । मृत्यु हुनेमा धेरैजसो ६ देखि १२ वर्षका बालबालिका छन् । उनीहरु एक इस्लामिक विद्यालयका बालबालिका हुन् । उनीहरू एउटा धार्मिक कार्यक्रममा सहभागी हुनका लागि यात्रा गरिरहेका े समाचारमा उल्लेख छ ।

प्रहरीले उद्धार कार्य जारी रहेको जनाएको छ। जिवितै उद्धार गरिएका सात जनालाई अस्पताल पुर्याइएको छ। घटनाको कारण स्पष्ट भइसकेको छैन। विगतमा भएका यस्ता दुर्घटनाका कारक क्षमता भन्दा बढी यात्रु राखिनु र आवश्यकता अनुसार डुङ्गाको मर्मतसम्भार हुन नसक्नु रहेको बताइएको छ।

दुर्घटनाग्रस्त डुङ्गामा ५० भन्दा बढी यात्रु सवार रहेका समेत उल्लेख छ । दुई हप्ता अघि छिमेकी जीगावा राज्यमा एउटा डुङ्गा पल्टँदा कम्तिमा सात महिलाको मृत्यु भएको थियो। मे महिनामा भएको त्यस्तै घटनामा केब्बी राज्यमा १०० भन्दा बढी यात्रुको मृत्यु भएको थियो।

काठमाडौं । संसारलाई नयाँ भेरियन्टबारे पत्ता लगाएर सूचना दिने दक्षिण अफ्रिकालाई स्याबासी दिनुको साटो प्रतिवन्ध लगाइएको भन्दै दक्षिण अफ्रीका भड्किएको छ । कोरोनाको नयाँ भेरियन्ट ओमीक्रान मपहिलो पटक दक्षिण अफ्रिकामा पुष्टी भएको ओ । दक्षिण अफ्रीकाको विदेश मन्त्रालयले एक बयान जारी गरि यस्तो बताएको हो । ज

ुन मुलुकले नयाँ भेरियन्ट पुष्टी गरि संसारलाई सचेत गरायो, उसै मुलुकप्रति प्रतिवन्ध लगाइएको भन्दै मन्त्रालयले असन्तुष्टी जनाएको हो । विश्व स्वास्थ्य संगठनले कोरोना भाइरसको एक नयाँ मेरियन्ट पुष्टी भएको भन्दै यसबारे अध्ययन गरिरहेको बताएको छ । पश्चिमी मुलुकहरुले भने यसलाई अहिलेसम्मकै खतरनाक रहेको भन्दै प्रंचार गरिरहेका छन् ।

दक्षिण अफ्रीकासहित बोत्सवाना, बेल्जियम, हगंकंग र इजरायलमा समेत कोरोना पुष्टी भइसकेको छ । अफ्रीकामा देखिएको यो भेरियन्ट पछि यूरोपमा समेत धेरै मुलुकमा फैलिसकेको बताइएको छ । बेलायतमा दुई, जर्मनीमा दुई, बेल्जियम, इटली र चेक गणराज्यमा एक एक जनामा नयाँ भेरियन्ट पुष्टी भएको छ । नयाँ भेरियन्ट देखिएपछि बेलायतले अफ्रिकी मुलुकसँगको हवाई सम्पर्क बन्द गरेको छ ।

इजरायल र पाकिस्तानले समेत यस्तो निर्णय लिइसकेका छन् । दक्षिण अफ्रिकी विदेश मन्त्रालयले भने निषेध गरेर नभई सामुहिक मुकाविलाका माध्यमबाट यो भाइरसलाई हराउन सकिने बताएका छन् । अझ अफ्रिकी अधिकारीहरुले भाइरसको फैलावटमा विकसित मुलुकलाई दोषि ठान्छन् ।

किनकी कोरोनाको खोप ति मुलुकले थुपारेर राखे, तर वितरण गरेनन् । किनकी खोप उपलब्धतताका बावजुत अमेरिकी र यूरोपेली मुलुकका नागरिकले खोप लगाउन मानिरहेका छैनन् । तर, अफ्रिका र एसियाका गरिब मुलुकमा खोपको खपत उत्साहजनक रहेपनि खोपको उपलब्धता छैन ।

एजेन्सी । अफगानिस्तानमा महिलालाई टेलिभिजन नाटकमा अभिनय गर्न प्रतिबन्ध लगाइएको छ । तालिबान सरकारले एउटा नयाँ निर्देशिका जारी गर्दै महिलालाई टेलिभिजन नाटकमा प्रतिबन्ध लगाएको हो ।

त्यसैगरी महिला पत्रकार र टेलिभिजन प्रस्तोतालाई सम्पूर्ण अनुहार छोप्ने बस्त्र लगाउन निर्देशन दिइएको छ । अफगानिस्तान टेलिभिजन च्यानलका लागि जारी गरिएको निर्देशिकामा आठ ओटा नयाँ नियम रहेको जनाइएको छ ।

जसअनुसार मुसलमानहरुको मूल्य र मान्यताविपरीत वा शारिया सिद्धान्तविरोधी फिल्मदेखि कमेडी शृंखला प्रसारणमा रोक लगाइएको छ ।

मुस्लिम धर्म वा आमअफगानिका लागि अपमानित हुने हास्य तथा रमाइला कार्यक्रममाथि पनि प्रतिबन्ध लगाइएको छ । विदेशी सांस्कृतिक मूल्य र मान्यता प्रबद्र्धन हुने चलचित्रलाई प्रतिबन्ध लगाउन तालिबानले जोड दिँदै आएको छ । अफगान टेलिभिजन च्यानहरुले प्रायः विदेशी नाटक प्रसारण गर्छन् ।

ती नाटकहरुमा अफगान महिलाहरु मुख्य भूमिकामा देखिन्छन् । अफगानिस्तानको पत्रकारहरुको संगठनका सदस्य हुजातुल्लाह मुजाडेडीले नयाँ प्रतिबन्ध अप्रत्यासित भएको प्रतिकृया दिएका छन् ।