Category: विश्व

न्युयोर्क

अमेरिकामा धमाधम क्रिस्टोफर कोलम्बसको सालिक तोडफोड हुन थालेको छ । मंगलबार राती बोस्टनस्थित नर्थ ईन्ड वाटर फ्रण्टमा रहेको क्रिस्टोफरको पुरानो सालिकको टाऊको निकालेर मुरकट्टा बनाईयो भने उता सोही रात भर्जिनियास्थित रिचमोण्ड ब्राएड पार्कमा रहेको कोलम्बसको सालिकलाई डोरीले तानेर आगो सल्काउदै तालमा फ्याकिएको छ । भर्जिनियाको ब्रायड पार्कमा सन् १९२७ मा स्थापना गरिएको उक्त सालिकलाई राजाधानी रिचमोण्डमा जम्मा भएका सयौं प्रदर्नकारीले ढलाउनु अगाडि सालिक फ्याक्नु पर्ने माग गर्दै एक घण्टासम्म नारा लगाएका थिए ।

अमेरिकामा रंगभेद बिरुद्धको आन्दोलनको निसानामा परेको क्रिस्टोफरलाई जातिय उत्पिडनको संबाहकको आरोपमा  प्रदर्शनकारीहरुले फ्याकेका हुन् । प्रदर्शनकारीहरुले सालिक निकालेर फ्याक्दै गर्दा प्रहरिले हेलिकप्टरबाट गस्ती गर्दै गरेको स्थानीय संचारमाध्यमहरुले बताएका छन् ।  

झन्डै ५ सय २८ बर्ष अगाडि अमेरिका आएका कोलम्बसको बोस्टनस्थित सालिक टोडिएको यो पहिलो पटक भने होईन । बोस्टनस्थित उक्त शालिक यस अगाडि सन् २०१५ मा ‘ब्ल्याक लाईफ म्याटर’ लेखेर रातोले पोतिएको थियो भने सन् २००६ मा टाऊको नै बेपत्ता पारिएको थियो ।

न्युयोर्क

अमेरिकाको नर्थ क्यारोलाइना राज्यमा गोरा जातीका प्रहरी र समुदायका मानिसले संयुक्तरुपमा अश्वेत धार्मिक गुरुको गोडा धोएका छन् । धार्मिक ग्रन्थ बाईबलमा जिजस क्राईस्टले आफ्ना चेलाहरुको खुट्टा धोएको विश्वासमा शनिबार नर्थ क्यारोलाइनास्थित क्यारीमा रंगभेद बिरुद्धको आन्दोलनमा सहभागी अश्वेत नेताहरुको खुट्टा धोएको स्थानीय न्युज कोलोनीले जनाएको छ ।  

सामाजिक संजालमा सार्वजनिक भिडियो र फोटोमा स्थानीय लेगेसी चर्चको पास्टर फेथ वोकोमा र उनको पति सोबोमालाई कुर्सीमा राखेर प्रहरी अफिसर र अन्य केही ब्यक्तीले खुट्टा धोएका हुन्। मिनियापोलिसमा प्रहरी कस्टडीमा मृत्‍यु भएका जर्ज फ्लोएडको गर्धनमा प्रहरीले घुँडाले थिचेको समय अवधी ८ मिनेट ४६ सेकेण्डसम्म उक्त कार्यक्रममा मौनधारण समेत गरिएको थियो ।
https://youtu.be/x-ZdAIPJ9RM

न्युयोर्क

जर्ज फ्लोएडको मृत्‍यु पछि अमेरिकाभर जारी नश्लीय  बिभेदको आन्दोलन चर्किदै गर्दा न्युयोर्क बफेलोस्थित प्रदर्शनमा सहभागी एक ७५ बर्षीय बृद्धलाई धकेलेर लडाउने दुई प्रहरीलाई सेवाबाट निलम्बित गरिएको छ ।ती दुई प्रहरीलाई तलब नदिने गरी निलम्बन गरिएको हो । बफेलोमा जारी प्रदर्शनमा सहभागी ती बृद्धलाई दुई प्रहरीले धक्का दिए पछि लडेर फुटपाथमा टाउको ठोकिएको भिडियो सार्वजनिक भएसंगै बिहीवार दुई प्रहरीलाई सेवाबाट निलम्बन गरिएको बफेलो पुलिस डिपार्टमेन्टका प्रबक्ता माईक डि जर्जले संचार माध्यमलाई बताएका छन् । घाईते बृद्धको अहिले चिन्ताजनक अवस्थामा अस्पतालमा उपचार भै रहेको छ ।  

घटनाको बारेमा गभर्नर कुमोले भनेका छन् – घटना पुरै अनुचित र पूर्णरुपमा लज्जाजनक हो ।  कुमोले आफ्नो ट्विटरमा “प्रहरीले कानून उलंघन गर्न पाईदैन” ।

न्युयोर्क     

गत हप्ता सोमबार प्रहरी कस्टडीमा मृत्‍यु भएका जर्ज फ्लोएड नाममा, मृत्‍यु भएको एघार दिन भित्रै झन्डै १ करोड ५० लाख अमेरिकी डलर सहयोग संकलन भएको छ ।  फ्लोएडको आफ्नै दाजु फिलोनिज फ्लोएडले ,बेन कम्प ल पि एलसिसि नामक कानूनी कार्यालय मार्फत खोलेको ‘गोफण्ड मि’ को खातामा बिहीवारसम्म १ करोड २७ लाख ३१ हजार अमेरिकी डलर सहयोग संकलन भएको छ । ‘अफिसियल जर्ज फ्लोएड मेमोरियल फण्ड’ नाम दिईएको उक्त सहयोग खातामा ४ लाख ७७ हजार चन्दा दाताले सहयोग गरेका छन् । ‘अफिसियल जर्ज फ्लोएड मेमोरियल फण्ड’ नामको खातासंगै आबद्ध अर्को ‘जर्ज फ्लोएड’ (बिग फ्लोएड) नामको खाता पनि सहयोग संकलनार्थ सकृय छ । उक्त खातामा बिहीवारसम्म ३ लाख ६५ हजार अमेरिकी डलर सहयोग जुटी सकेको छ ।

उक्त खाता मार्फत १५ हजार ६ सय मानिस तथा संघ संस्थाले सहयोग गरेका छन् । त्यसैगरी जर्ज फ्लोएडको नामसँग जोडीएको एट्लान्टा ठेगाना राखेर खोलिएको अर्को खातामा १५ लाख २८ हजार सहयोग संकलन भै सकेको छ । उक्त खातामा आफ्नो छोरी जियानालाई जर्ज फ्लोएडले बोकेको तस्बिर राखेर ‘अफिसियल जियाना फ्लोएड फन्ड (चाईल्ड अफ जर्ज फ्लोएड)’ नाम दिएर संचालन गरिएको छ । यो खाता मार्फत ४९ हजार ३ सय चन्दादाताले बिहीवारसम्म सहयोग गरेका छन् ।

गोफन्डमा यि तीन खाता बाहेक अन्य २ हजारवटा जर्ज फ्लोएडको  नाममा सहयोग आह्वान गर्दै खाता खोलिएका छन् ।  

अमेरिकामा जर्ज फ्लोएड मृत्‍यु प्रकरण तथा काला जाती माथि प्रहरी बिभेदको बिरुद्ध एकाएक भड्किएको हिँसात्मक आन्दोलन फ्लोएड मृत्‍यु प्रकरणसँग जोडिएका थप ३ प्रहरीलाई हिरासतमा लिएसँगै बुधबारदेखि शान्तिपूर्ण आन्दोलनमा बद्लिएको छ । फ्लोएडलाई घोप्टो पारेर घाँटीमा घुँडाले किच्ने प्रहरी डेरेक चौभिनलाई एक हप्ता अगाडि नै हिरासतमा लिएर अभियोग लगाईए पनि घटनाको समयसंगै रहेका अर्का तीन प्रहरी अधिकारीहरुलाई भने बुधबार मात्र हिरासतमा लिईएको थियो । अमेरिकामा जारी ती प्रदर्शनमा सहभागिहरुको संख्या झनै बाक्लिदै गएको छ भने पूर्ण शान्तरुपमा  प्रदर्शन हुन थालेको छ । बुधबार फ्लोएड  घटनामा संलग्न अन्य ३ प्रहरी अधिकारीहरुलाई पनि हिरासतमा लिएको खबर संचार भएसंगै प्रदर्शनकारीहरुले बिरोध प्रदर्शन कै बीचमा खुसी साटासाट गरेका थिए ।

न्युयोर्क

न्युयोर्कमा कोरोना महामारी सुरु भए यता पछील्लो २४ घण्टामा सबै भन्दा कम १५४ जना बिरामी मात्र अस्पताल भर्ना भएका छन् भने मृतकको संख्या ५८ मा झरेको छ । यो संख्या तिन महिनामा सबैभन्दा कम हो ।  न्युयोर्क सुचारु गर्ने पूर्व संध्यामा कोरोना संक्रमण बारे गभर्नर कुमोले मंगलवार जानकारी दिएका हुन् । १२ हप्ता पछि न्युयोर्क आगामी जुन ८ तारिखदेखि खोल्ने तयारी गरिएको छ । तर कोरोनाबाट भर्खर जुर्मुराउन थालेको सहर पुन: जर्ज फ्लोएड मृत्‍यु प्रकरणले लुटपाट र टोडफोडमा फसेको भएपनि गभर्नर कुमोले आगामी सोमबारदेखि न्युयोर्क खोल्ने कुरामा प्रतिबद्दता ब्यक्त गरेका छन् । 

न्युयोर्कमा सोमबार राती ११ बजेदेखि लागू गरिएको कर्फ्युलाई मंगलवार भने ३ घण्टा अगाडि ८ बजेदेखि बिहान ५ बजेसम्म लगाइएको छ । सोमबारको कर्फ्यु अगाडि नै गाडी सहित म्यानह्याटनका महँगा स्टोरहरुमा लुटपाट भएपछि मंगलवार साँझ नपर्दै सुरक्षा ब्यापक गरिएको छ ।

क्यालिफोर्निया राज्यको रिचामोन्डमा बसोबास गर्ने एक पुरुषलाई मान्छेको मासु खाँदै गरेको अवस्थामा सोमबार प्रहरीले  पक्राऊ गरेको सान होजेस्थित स्थानीय मिडिया ‘द मर्करी टाईम्स’ ले प्रहरीको हवाला दिंदै लेखेको छ । रिचमोन्ड निवासी ती पुरुषले घटनास्थलमा प्रहरी पुग्दा आफ्नै नाता पर्ने एक महिलालाई मारेर उनको मासु खाईरहेको प्रहरीलाई उदृत गर्दै ‘द मर्करी टाईम्स’ ले लेखेको हो ।

रिचामोन्डस्थित घटनास्थलसँगै छिमेकीहरुले केही खलबल भएको जानकारी प्रहरीलाई दिए पछि उक्त खबरको आधारमा प्रहरी अधिकारी घटनास्थलमा पुगेका थिए । प्रहरी त्यहाँ पुग्दा ती पुरुषले नरभक्षी भएर मानब मासु खाईरहेका थिए । नाम नखुलाईएका सन्धिग्द अपराधीलाई प्रहरीले नियन्त्रणमा लिएको पनि टाईम्सले लेखेको छ । पिडक र पीडित बीचको नाता र पीडित महिलाको नाम पनि प्रहरीले सार्वजनिक गरेको छैन ।  

समाचार श्रोत : द मर्करी टाईम्स

न्युयोर्क

अमेरिकाको मिजौरीस्थित एक ७ वर्षीय बालकले आफ्नो हजुरआमाको कार चोरेर साथमा ६ वर्षीय भाइलाई चढाएर कुदाउँदा दुर्घटनामा परि दाजुभाइ दुबैको मृत्‍यु भएको छ । ती सात वर्षीय बालकले चलाएको आफ्नी हजुरआमाको २००७ मोडलको ‘बियुक लाकोर्स” कार खुल्ला चौर हुँदै स्थानीय ज्याक्सन काउन्टीको रोडमा कुदेको मिजौरी हाईवे प्रहरीले बताएको छ । प्रहरीको अनुसार ७ वर्षीय गाडी चालकले सन्तुलन गुमाए पछि दुर्घटना हुँदा गाडी दुई पटक हावामा घुमेर बारमा ठोक्किएर आगो लाग्दा दुबै नाबालकलाई घटनास्थलमा मृतक घोषणा गरिएको थियो । गाडी उच्च स्पिड कुदेको कारण असन्तुलित भएर पल्टिन पुगेको प्रहरी श्रोतले बताएको छ । दुर्घटनाको थप अनुसन्धान भै रहेको छ ।

घटना गत हप्ता मेई २९ तारिख शुक्रबार ४ बजेर २० मिनेट जाँदा घटेको हो । दुर्घटनामा मृत्‍यु हुने नाबालकको नाम तथा अन्य विवरण प्रहरीले सार्वजनिक गरेको छैन ।