Category: विश्व

काठमाडौं । कोभिड १९ का कारण विश्वमा सबैभन्दा बढी प्रभावित अमेरिकामा यस भाइरसका कारण ज्यान गुमाउने व्यक्तिको संख्या करीव ७० हजार पुगेको छ ।

मंगलबार बिहानसम्मको तथ्यांक् अनुसार यस मुलुकमा ६९ हजार ७२५ को मृत्यु भएको छ। अमेरिकामा संक्रमितको संख्या १२ लाख १२ हजार ३ सय ५४ पुगेको छ ।

यहाँ १ लाख ८७ हजार ४ सय ८४ व्यक्तिले कोरोनालाई जित्न सफल भएका छन् । विश्वभर भने कोरोना भाइरसबाट संक्रमित हुनेको सख्या ३६ लाख नाघेको छ।

अढाई लाख भन्दा बढीले ज्यान गुमाएका छन्। विश्वका २१५ देशमा यो भाइरसको महामारी फैलिएको छ ।

मंगलबारसम्म २ लाख ५२ हजार २४ जनाको मृत्यु भइसकेको तथ्यांक रहेको छ । अमेरिकापछि बढी क्षति इटलीमा भएको छ ।

यहाँ २९ हजार ७९ मानिसको ज्यान गएको छ । बेलायतमा २८ हजार ७३४, स्पेनमा २५ हजार ४२८ जनाको कोरोनाका कारण ज्यान गइसकेको आंकडा रहेको छ ।

विश्वभर कोरोना संक्रमितको संख्या ३६ लाख ४२ हजार नाघेको छ। ११ लाख ९४ हजार १७७ उपचार पछि निको भएर घर फर्किसकेका छन्।

२१ लाख ९५ हजार ८७६ जनाको उपचार भइरहेको छ । जसमध्ये ४९ हजार ६३४ को स्वास्थ्य अवस्था गम्भीर रहेको छ भने बाँकीको मध्यम रहेको बताइएको छ ।

नेपालमा ८२ जनामा कोरोना देखिएको छ । १६ जना निको भएर घर फर्किएकोमा २ जनामा भने फेी संक्रमण बल्झिएको पाइएको छ ।

नयाँ दिल्ली । नेपालको छिमेकी मुलुक भारतमा कोरोना भाइरसबाट सङ्क्रमित हुनेको सङ्ख्या ४० हजार नाघेको छ । यसले नेपालमा समेत जोखिम बढाएको छ ।

किनकी नेपाल र भारतमा खुला सीमाना रहेको छ । नेपाल सरकारले भारतसँगको सीमा नाका सिल गरेको छ ।

तर चोर बाटो भएर अहिले पनि थुप्रै नेपाली र भारतीय आवात जावत गरिरहेका छन् ।

भारतको स्वास्थ्य एवं परिवार कल्याण मन्त्रालयका अनुसार अहिलेसम्म ४० हजार दुई सय ६३ जनामा कोरोना पुष्टि भएको छ ।

संक्रमितमध्ये भारतमा १३ सय ६ जनाको ज्यान गएको छ । १० हजार आठ सय ८७ जना निको भएर घर फर्किएका छन् ।

पछिल्लो २४ घण्टामा मात्र ८३ जनाको ज्यान गएको । दुई हजार चार सय ८७ जना नयाँ बिरामी थपिएको मन्त्रालयको तथयांक रहेको छ ।

भारतमा पछिल्लो समय सङ्क्रमित हुने र ज्यान गुमाउनेको सङ्ख्या निरन्तर बढ्दा त्यसले नेपालमा समेत जोखिम बढाएको हो ।

मस्को । रुसमा कोरोना भाइरसबाट एकै दिन १० हजारभन्दा बढी मानिसमा कोरोना फेला परेको छ ।

रुसमा पछिल्लो २४ घण्टामा १० हजार ६ सय ३३ जना नयाँ संक्रमित फेला परेको रुसको स्वास्थ्य मन्त्रालयले जनाएको छ ।

यद्दपी उनीहरुमध्ये धेरैमा कोरोना संक्रमणको लक्षण नै देखिएको थिएन । अब रुसमा कोरोना भाइरसबाट संक्रमित बिरामीको संख्या १ लाख ३४ हजार ६ सय ८७ पुगेको तथ्यांक रहेको छ ।

पछिल्लो २४ घण्टामा कोरोनाबाट ५८ जनाको मृत्यु भएको तथ्यांक आएको छ ।

रुसमा अहिलेसम्म कोरोना भाइरसबाट एक हजार दुई सय ८० जनाको ज्यान गएको छ । विश्व स्वास्थ्य संगठनले समेत अब रुसलाई सचेत हुन आह्वान गरेको छ ।

एकै पटक १० हजार मानिसमा संक्रमण पुष्टी हुनुलाई खतराको घण्टीका रुपमा ब्याख्या गरिएको छ ।

रुसमा बितेको साता बढी संक्रमण फैलिएपछि त्यसले अधिकारीहरुलाई चिन्तित बनाएको छ । रुसमा राजधानी सहर मस्को कोरोनाबाट बढी प्रभावित बनेको छ ।

नयाँ दिल्ली । भारतमा लकडाउन दुई साताका लागि बढाइएको छ । कोरोना भाइरस फैलिन नदिन भारतमा लकडाउन थप्ने निर्ण भएको हो ।

मे ३ तारिखमा सकिन लागेको अहिलेको लकडाउनको अवधि भारत सरकारले शुक्रबार १७ मेसम्म जारी राख्ने निर्णय गरेको छ ।

अब १४ दिन थपिएको लकडाउनको प्रवृत्ति भने विगतको भन्दा फरक हुने भएको छ । भारतले रेड, ओरेन्ज र ग्रीन जोन छुट्याएको छ ।

जहाँ अतिप्रभावित क्षेत्रलाई रेड जोनमा राखिएका छ । यहाँ लकडाउन कडा हुनेछ । यसको पालना अनिवार्य गर्नुपर्ने भएको छ ।

१४ दिनसम्म रेड जोन घोषित क्षेत्रमा कुनै किसिमको सुविधा र छुट पाइने छैन । लकडाउनमा पनि रेल र बस संचालनमा रोक लगाइएको छ ।

स्कुल, कलेज तथा अन्य भेला हुने स्थान पनि बन्द हुने छन् । तर, ओरेन्ज र ग्रीन जोनमा भने लकडाउन केही खुकुलो हुने भएको छ ।

ग्रीन र ओरेन्ज जोनमा ई कमर्समार्फत सुरक्षित रुपमा हुने व्यापारलाई अनुमति दिइएको छ। यी जोनमा अत्यावश्यक बाहेकका सामान पनि आपूर्ति हुने भएका छन् ।

ग्रीन जोनमा आधा मात्र यात्रु राखेर बस समेत चलाउन सकिने भएको छ । ग्रीन जोनका बस डिपोमा ५० प्रतिशत मात्रै कर्मचारीले काम गर्नुपर्नेछ ।

भारतमा पछिल्लो दिनमा कोरोनाको फैलावट तिब्र छ ।

तर, चरम गरिबीको रेखामुनी ठूलो जनसंख्या रहेको यस मुलुकमा लकडाउनलाई लामो समय कायम राख्न भने ठूलो समस्या रहेको छ ।

यहाँ अहिलेसम्म ३५ हजार ४३ जनालाई कोरोना देखिएको छ। ११ सय ५४ जनाले ज्यान गुमाएका छन् । भारतमा ९ हजार ६८ जनाले कोरोना जितिसकेका छन् ।

कुवेत । कुवेतमा कोरोबाट संक्रमित नेपालीको संख्या ५१ नाघेको छ । मंगलबार एकै दिन २२ जना नेपालीमा कोरोना सङ्क्रमण पुष्टी भएको हो ।

कुवेतस्थित नेपाली दूतावासका अनुसार अब संक्रमित नेपालीको संख्या ५१ पुगेको हो । यसअघि २९ जना नेपालीमा कोरोना सङ्क्रमण पुष्टी भएको थियो ।

कुवेतमा नेपालीमा मानवीय क्षति भने भएको छैन । यस मुलुकमा करीव ७० हजार नेपाली कार्यरत रहेको अनुमान छ । कुवेतमा ३४ सय ४० जनामा कोरोना सङ्क्रमण देखिएको छ ।

११ सय ७६ जना उपचारपछि निको भएका छन् । २२ सय ४१ जनाको अस्पतालमा उपचार भइरहेको छ। कुवेतमा समग्र मानवीय क्षति पनि कम छ ।

लण्डन । बेलायती प्रधानमन्त्री बोरिस जोन्सन सोमबार काममा फर्कन तयार भएका छन् । कोरोना भाइरसको संक्रमण जित्दै घरमा आराम गरिररहेका उनी एक महिनापछि काममा र्फकन लागेको बीबीसीले उल्लेख गरेको छ ।

भाइरस संक्रमणको कारण उनले एकसाता अस्पतालमा बिताउनु परेको थियो । तीन रात उनलाई आईसीयूमा राखिएको थियो । गत अप्रिल ५ मा उनको स्वास्थ्यमा खराबी देखिएसँगै उनलाई अस्पतालमा भर्ना गरिएको हो ।

बेलायती विदेशमन्त्री डोमिनिक राबले सोमबारलेखि प्रधानमन्त्री आफ्नो काममा फर्किने जानकारी गराएका छन् । जोन्सनको अनुपस्थितिमा राबले नै सहायक प्रधानमन्त्रीको भूमिका निर्बाह गर्दै आएका थिए ।

बेलायतमा अहिलेसम्म कोरोना भाइरसबाट मृत्यु हुनेको संख्या २० हजार नाघिसकेको छ । यहाँ १ लाख ५० हजारभन्दा धेरै मानिसमा संक्रमित पुष्टी भएको छ ।

रोम । इटलीमा कोरोना भाइरस नियन्त्रण उन्मुख देखिएको छ । भाइरसको संक्रमण र मृत्युदरमा उल्लेख्य कमी आएका छ ।

यससँगै सरकारले अब सात हप्तादेखिको जारी लकडाउन खुकुलो पार्ने तयारी गरेको छ । इटलीमा मध्य मार्चयता कडा प्रतिबन्ध लगाइएको छ ।

प्रधानमन्त्री गुइसेपे कोन्टेका अनुसार अब क्रमण्शः ती प्रतिवन्धहरु खुकुलो बनाइदै जाने योजना रहेको छ । उनका अनुसार मानिसहरुलाई सानो संख्यामा उपस्थित भएर मास्क लगाएर आफन्तसँग भेट्न दिइने भएको छ ।

पार्कहरु पनि अब खुल्ने छन् । स्कुल भने सेप्टेम्बर महिनाअघि खोल्ने तयारी छैन । इटलीमा कोरोना भाइरसका कारण मृत्यु हुनेको संख्या घटेर १४ मार्चअघिको अवस्थामा पुगेको छ ।

यहाँ आइतबार २ सय ६० जनाको मृत्यु भएको छ । अन्तर्राष्ट्रिय सञ्चार माध्यमहरुका अनुसार इटलीमा लगातार तीन दिन मृत्यु हुनेको संख्या घट्दो क्रममा रहेको छ । यसअघि शनिबार ४ सय १५ जनाको मृत्यु भएको छ ।

कोरोना भाइरसका कारण धेरै मानिसको मृत्यु हुने देशमा अमेरिकापछि इटली रहेको छ । यहाँ मृत्यु हुनेको संख २६ हजार ६ सय ४४ पुगेको छ ।

इटलीमा अहिलेसम्म १ लाख ९७ हजार ६ सय ७५ जना कोरोना संक्रमित भएका छन् । इटालीका अधिकारीहरुले भाइरस र्संक्रमणको दर विस्तारै घट्दै गएको र लकडाउन खुकुलो पार्न उपयुक्त अवस्था भएको बताएका छन् ।

नयाँ दिल्ली । भारतमा पछिल्लो केही दिनयता कोरोनाको फैलावटले तिब्रता लिएको छ । यस मुलुकमा कोरोना भाइरस संक्रमित हुनेको संख्या २४ हजार नाघेको छ ।

भारतको स्वास्थ्य मन्त्रालयले सार्वजनिक गरेको तथ्यांक अनुसार अहिलेसम्म भारतमा कोरोनाबाट संक्रमित हुनेको संख्या २४ हजार ५०३ पुगेको हो ।

१११ जना विदेशीबाहेक अरु सबै भारतीयमा कोरोना लागेको हो । भारतमा सबैभन्दा धेरै संक्रमित महाराष्ट्रमा छन् । महाराष्ट्रमा ६ हजार ८१७ जनामा यो भाइरसको संक्रमण देखिएको छ ।

त्यस्तै गुजरातमा दुई हजार ८१५ जनामा संक्रमण पुष्टि भएको छ भने दिल्लीमा दुई हजार ५१४ पुगेको छ । उत्तर प्रदेशमा अहिलेसम्म एक हजार ६२१ जनामा भाइरसको संक्रमण पुष्टि भएको छ ।

बिहारमा पनि २२३ जनामा भाइरसको संक्रमण पुष्टी भएको छ । भारतमा अहिलेसम्म ७७५ जनाको कोरोना भाइरसको कारण मृत्यु भएको छ । मृत्यु हुनेमध्ये सबैभन्दा धेरै महाराष्ट्रमा अहिलेसम्म ३०१ जनाको मृत्यु भइसकेको छ ।

त्यस्तै गुजरातमा १२७ जनाको मृत्यु भइसकेको छ भने मध्य प्रदेशमा मृत्यु हुनेको संख्या ९२ पुगेको छ । उत्तर प्रदेशमा अहिलेसम्म २५ जनाको कोरोना भाइरसको कारण मृत्यु भइसकेको छ भने बिहारमा दुईजनाको मृत्यु भएको छ ।

भारतमा अहिलेसम्म पाँच हजार ६३ संक्रमित निको भएर घर फर्किसकेका छन् ।

नोभा स्कोसा । क्यानडामा एक व्यक्तिले अन्धाधुन्ध गोली चलाएर १६ जनाको ज्यान लिएका छन् ।

क्यानडाको नोभा स्कोसा प्रान्तमा एक व्यक्तिले अन्धाधुन्ध गोली चलाउँदा कम्तीमा १६ जनाको मृत्यु भएको अन्तरराष्ट्रिय संचारमाध्यमले जनाएका छन् ।

प्रहरीको बर्दी लगाएका बन्दुकधारीले ग्रामीण बजार पोर्तापिक्युमा शनिबार रातिदेखि लगातार १२ घण्टासम्म गोली काण्ड मच्याएको बताइएको छ ।

स्थानीय प्रहरीका अनुसार ५१ वर्षका गाब्रिएल वर्टम्यान नाम गरेका व्यक्तिले गोली काण्ड मच्याएका हुन् । उनले शहरका विभिन्न स्थानमा गोली चलाउँदै हिडेका थिए ।

उनको समेत प्रहरीले जवाफी कारवाहीमा ज्यान गएको छ । गोलीकाण्डमा कैयौं घाइते भएको र मृत्यु हुनेको संख्या बढ्न सक्ने अधिकारीहरुले जनाएका छन् ।

स्पेन । यूरोपमा इटलीपछि कोरोना भाइरसको संक्रमणबाट सबैभन्दा बढी प्रभावित स्पेनमा अब कोरोनाको उच्चतम गति घट्न थालेको छ ।

यसलाई त्यहाको सरकारको कोरोना नियन्त्रणउन्मुख रहेको विश्लेषण समेत गरेको छ ।

सोहीकारण कोरोना भाइरसको संक्रमण रोकथाम तथा नियन्त्रणका लागि पाँच हप्तादेखि जारी लकडाउनका कारण घरभित्रै बसिरहन बाध्य स्पेनका बालबालिका घर बाहिर निस्किन पाउने गरी निर्णय भएको छ ।

स्पेन सरकारले २७ अप्रिलदेखि बालबालिकाहरुलाई बाहिर निस्किन दिने गरी घोषणा गरेको छ ।

प्रधानमन्त्री पेद्रो सान्चेजले २७ अप्रिलदेखि लकडाउन केही खुकुलो बनाउने र बालबालिकाहरुलाई घरबाहिरको ताजा हावा लिन दिने उल्लेख गरे ।

प्रधानमन्त्री सान्चेजले बालबालिकाहरुलाई बाहिर निस्कन दिने उल्लेख गरेपनि अन्य विवरण भने अझै सार्वजनिक गरेका छैनन् ।

स्पेनमा कोरोना भाइरसका कारण मृत्यु हुनेको संख्या २० हजारभन्दा माथि छ । यहाँ करीव २ लाख मानिसमा संक्रमण भएको छ ।

तर, केही दिनयता मृत्युदर र नयाँ संक्रमण समेत निकै घटिसकेको छ ।

नयाँ दिल्ली । अप्रिल पहिलो साता भारतीय राज्यहरुबाट निकै डरलग्दो तथ्यांकहरु आइरहेका थिए । जहाँ कोरोनाको संक्रमण हरेक तीन दिनमा दोब्बरले बढिरहेको थियो ।

तर, अप्रिल दोस्रो साता सकिँदासम्म भारतमा नयाँ संक्रमणको दर निकै घटेको छ । संक्रमणको तुलनामा मानिसको मृत्युदर समेत नगन्य रहेको छ ।

भारतीय स्वास्थ्य मन्त्रालयले यसलाई शुभसंकेत भनेको छ । जसले भारतमा कोरोना अब नियन्त्रण उन्मुख रहेको देखाउने भारतीय अधिकारीहरुको दावि छ ।

भारतमा १ अर्ब ३० करोड मानिस छन् । यहाँ लकडाउन छ । यति ठूलो जनसंख्यालाई घर भित्र थुनेर राख्दै एक महामारीको नियन्त्रण भारतजस्तो मुलकमा निकै चूनौतिपूर्ण काम हो ।

तर, खासगरी स्थानीय सरकारहरुको सक्रियतामा भारतले सफलता पाइरहेको छ । दक्षिण एसियाली मुलुकमा कोरोना भाइरसका कारण सबैभन्दा बढी मानिसको मृत्यु भएको देश भारत हो।

यस मुलुकमा अहिसम्म ४ सय ५२ जना संक्रमितको ज्यान गएको छ । भारतभर १३ हजार ८ सय ३५ जनामा कोरोना भाइरस संक्रमण देखिएको छ।

सोहीकारण संक्रमितको तुलनामा मर्ने मानिस ज्यादै कम छन् । यहाँ १ हजार ७ सय ६७ जना उपचारपछि निको भइसकेका छन् । भारत युरोप र अमेरिकाको तुलनामा यो भाइरसको नियन्त्रणको युद्धमा धरै हदसम्म सफल देखिएको छ ।

भारतका कतिपय प्रदेश र जिल्लामा एक जना मानिसको पनि कोरोना संक्रमणका कारण ज्यान नगएको तथ्यांक छ ।

भारतले २५ मार्चबाट देशभर लकडाउन घोषणा गरेको हो ।

यस २१ दिनको अवधिमा संक्रमण धेरै हदसम्म काबुमा राख्न सफल भएको भारतीय स्वास्थ्य मन्त्रालयको भनाई छ । भारतमा कोरोना संक्रमणको फैलने दर कम भएको छ ।

केन्द्रीय स्वास्थ्य मन्त्रालयका अनुसार अप्रिल पहिला साता हरेक तीन दिनमा कोरोना संक्रमण दर दोब्बरको हिसाबले बढेको थियो । तर हाल यो दर हरेक ६ दशमलव २ दिनमा झरेको छ । भारतका १९ राज्यमा कोरोना संक्रमित कम छन् ।

काठमाडौं । कोरोना भाइरस (कोभिड(१९) उत्पत्ति भएको शहर चीनको वुहानमा महामारीबाट मृत्यु हुनेको संख्या १ हजार २ सय ९० जना थपिएका छन् ।

चिनियाँ सञ्चारमाध्यमका अनुसार यसअघि फेला नपरेका र गणनामा छुटेकालाई यसमा गणना गरिएको छ ।

चीनले वुहानबाट मात्र १२ सय ९० जना थप भएको उल्लेख गरेको छ ।

महामारीको समयमा अस्पतालमा पर्याप्त भर्ना नभएका, घरमै मृत्यु भएका र दोहोरिएका समेत जोडेर फाइनल नतिजा निकालिएको चीनले उल्लेख गरेको छ ।

यसअघि चीनले यथार्थ विवरण लुकाइरहेको आरोप लागिरहेको थियो ।

यसलाई स्वयमः चीनले समेत स्वीकार गरेको छ । चीनले वुहानमा कोभिड १९ बाट मृत्यु हुनेको संख्या पुनरावलोकन गर्दै ३ हजार ८ सय ६९ पुगेको उल्लेख गरेको छ ।

चिनियाँ समाचार एजेन्सी सिन्ह्वाका अनुसार महामारीको समयमा पर्याप्त भर्ना तथा उपचारको क्षमताको अभावको कारण केही मेडिकल संस्थाले समयमा नै रोग नियन्त्रण तथा रोकथाम प्रणालीलाई जानकारी दिन नसकेका हुन् ।

अहिले दोहोरिएकालाई हटाउने र छुटेकालाई थप्ने काम पनि भएको चिनियाँ अधिकारीले जनाएका छन् ।