Category: विश्व

काठमाडौं । कोरोना भाइरसको सन्त्रासका कारण मृत्यु हुने मानिसको संख्या ३४ हजार नाघेको छ ।

विश्व स्वास्थ्य संगठनका अनुसार कोरोना भाइरस अर्थात् कोभिड १९ को संक्रमणबाट पछिल्लो २४ घण्टामा स्पेनमा सबैभन्दा धेरै ८ सय २१ जनाको ज्यान गएको छ ।

स्पेनमा ६ हजार ८ सय ७५ नयाँ संक्रमित थपिए । यस मुलुकले अहिलेसम्म ६ जार ८ सय मानिसलाई गुमाइसकेको छ । यहाँ कूल संक्रमित ८० हजारभन्दा माथी छन् ।

अमेरिकामा आइतबार मात्र १८ हजार थप संक्रमित फेला परे । यहाँ संसारका सबै मुलुकभन्दा बढी संक्रमित रहेका छन् ।

१ लाख ४१ हजार ८ सय अमेरिकी नागरिकमा यो रोगको संक्रमण देखिएको छ । अमेरिकामा आइतबार मात्र २ सय ५५ जनाको मृत्यु भयो ।

यस मुलुकमा कूल २ हजार ४ सय मानिसले ज्यान गुमाए । इटलीमा आइतबार ७ सय ५६ जनाको मृत्यु भयो ।

५ हजार भन्दा बढी नयाँ संक्रमित थपिए । इटलीमा अहिलेसम्म १० हजार ७ सय मानिसको ज्यान गएको छ । यहाँ संक्रमितको संख्या ९७ हजार ६ सय रहेको छ ।

जर्मनीमा संक्रमितको संख्या ६२ हजार नाघेको छ । फ्रान्समा ४० हजार मानिसमा कोरोना क्रमण देखिएको छ ।

यस भाइरसले ३३ हजार ९ सय मानिसको ज्यान लिइसकेको छ । संक्रमण भने ७ लाख मानिसमा पुगिसकेको छ ।

नयाँ दिल्ली । भारतीय राजधानी दिल्लीका मूख्यमन्त्री अरविन्द केजरीवालले भारतमा कोरोनाको फैलावट आएमा नियन्त्रण असम्भव भएको बताएका छन् ।

आइतबार साँझ दिल्लीबासीलाई सम्बोधन गर्दै उनले खासगरी शहर छाडेर गाउँ जान निस्किएका हजारौं मानिसलाई जहाँ छन् त्यही रहन अपिल गर्दै यस्तो चेतावनी दिएक हुन् ।

अहिले कोरोना गाउँमा फैलिएको छैन, उनले भने, फैलियो भने यो नियन्त्रणमा आउन सक्ने छैन ।

उनले चेतावनी दिँदै शहरबाट गाउँमा कोरोना लिएर नजान आग्रह गरे । दिल्ली सरकारले पर्याप्त व्यवस्था गरेको भन्दै शहरमै बसेर लकडाउन कार्यान्वयनमा सघाउन आग्रह गरे ।

उनले उद्योगी, व्यवसायीलाई आफ्ना कर्मचारीलाई पुरा तलव दिन र कर्मचारी भोकै नराख्न निर्देशन दिए ।

‘मैले पहिला पनि भनिसकेको छु, तलव त पुरा दिनु पर्नेनै छ, अब कोही कर्मचारी भोकै नरहुन, यसमा सचेत रहनु, उनले भने ।

उनले सबै ठेकेदारलाई समेत सोही आग्रह गरेका छन् । दिल्लीमा दैनिक ४ लाख मानिसलाई निशुल्क खाना उपलब्ध भएको भन्दै यो सुविधा गरिब र असहायका लागि भएको उनले बताए ।

केही हुने खाने मानिस समेत लाइनमा आएको भन्दै उनले त्यसो नगर्न आग्रह गरे । उनले दिल्लीका घरबेटीलाई गरिब मानिससँग तत्काल भाडा नलिन समेत आह्वान गरे ।

अहिले भाडा नलिन र स्थिति सामान्य भएपछि पनि भाडा तिर्न नसके सबै घरबेटीको भाडा दिल्ली सरकारले तिरिदिने घोषणा उनले गरेका छन् ।

काठमाडौं । कोरोनाले शक्ति सम्पन्न मुलुकहरुलाई त्राहीमाम बनाइरहेको छ । चीनदेखि लिएर अमेरिका र यूरोप यसको मूख्य तार्गेट बनेको छ ।

यस भाइरसले यी मुलुकका सर्वसाधारण मात्र नभई उच्च पदस्थ अधिकारीलाई समेत उत्तिकै सताएको छ । बेलायती राजकुमार, प्रधानमन्त्रीदेखि क्यानडाका प्रधानमन्त्रीकी पत्नीसम्म यसको संक्रमणबाट बच्न सकेका छैनन् ।

यसैबीच स्पेनमा कोरोनाको संक्रमणबाट राजकुमारी ८६ वर्षीया मारिया टेरेसाको ज्यान गएको छ । उनको शुक्रबार निधन भएको स्थानीय सञ्चारमाध्यमले उल्लेख गरेका छन् ।

टेरेसा स्पेनको बोउरबोन–पर्मा राजकीय परिवारकी सदस्य हुन्। युवराज सिक्टस हेनरीले शनिबार राजकुमारी टेरेसाको मृत्यु भएको पुष्टि गरेको संचारमाध्यमको भनाई छ । उनका कुनै सन्तान थिएनन् ।

भतिजाभतिजीको आश्रयमा रहेकी हँदै आएकी थिइन्। यूरोपमा इटलीपछि सबैभन्दा बढी स्पेन प्रभावित भएको छ । यहाँ ५ हजार भन्दा बढी मानिसको कोरोनाका कारण ज्यान गएको छ ।

काठमाडौं । बेलायती प्रधानमन्त्री बोरिस जोनसनलाई कोरोना भाइरस (कोभिड–१९) पोजेटिभ पाइएको छ ।

उनले आफ्नो आधिकारिक ट्वीटर अकाउन्टमा एक भिडियो पोष्ट गर्दै उक्त कुराको पुष्टी गरेका हुन् ।

भिडियोमा प्रधानमन्त्रीले पछिल्लो २४ घन्टामा ज्वरो आउनुका साथै खोकी समेत लागेको उल्लेख गरेका छन् ।

उनले मेडिकल अफिसरको सल्लाहअनुसार परीक्षण गर्दा नतिजा पोजेटिभ भेटिएको समेत बताए ।

आफूले घरबाटै काम गरिरहेको समेत उनले बताएका छन् । संक्रमणको पुष्टि भएपछि उनी सेल्फ आइसोलेसनमा बसेका छन् ।

बेलायतमा अहिलेसम्म करिब १२ हजार मानिसमा कोरोना भाइरसको संक्रमण देखिएको छ । बेलायतमा ५ सय ७८ जनाको ज्यान गइसकेको छ ।

रोम । कोरोना भाइरस(कोभिड–१९) को इपिसेन्टर इटली र स्पेनमा यसको भयाभह रुप अझै जारी छ ।

किनकी पछिल्लो २४ घण्टामा यी दुई मुलुकले मात्र आफ्ना १४ सयभन्दा बढी नागरिकलाई गुमाएका छन् । संचारमाध्यमहरुका अनुसार बिहीबार इटालीमा एकैदिन ७१२ जनाको ज्यान गयो ।

यससँगै इटालीमा मृत्यु हुनेको संख्या ८ हजार २१५ पुगेको छ । यस मुलुकमा बिहीबारमात्र ८ हजारभन्दा बढी थप संक्रमित भेटिएका छन् । इटालीमा अब कूल संक्रमित ८० हजारको नेटो नाघेको छ ।

स्पेनमा बिहीबार एकैदिन ७१८ जनाको ज्यान गयो । स्पेनमा अब कोरोनाका कारण ज्यान गुमाउनेको संख्या ४३ सय ६५ जना पुगेको छ ।

यो चीनभन्दा १ हजार धेरै हो । बिहीबार स्पेनमा नयाँ संक्रमित ८ हजारभन्दा बढी देखिए । स्पेनमा कुल संक्रमित ५७ हजार पुगेको छ ।

फ्रान्समा बिहीबार ३६५ जनाले ज्यान गुमाए । फ्रान्समा समग्र संक्रमितको संख्या २९ हजार नाघेको छ । बेलायतमा बिहीबार ११५ जना मानिसमो मृत्यु भएको छ ।

बेलायतमा ११ हजारभन्दा बढी मानिसमा यो भाइरसको सरिसकेको छ । कोरोनाका कारण विश्वभर ५ लाख नाघिसकेको छ ।

ज्यान गुमाउने संख्या भने २४ हजार नाघिसकेको छ । चीनमा ३३ सय हाराहारीको मृत्यु भएसँगै चीनमा भने यो भाइरस करीव नियन्त्रणमा आइसकेको छ ।

अहिले यूरोपेली र अमेरिकी मुलुकमा यस भाइरसले ठूलो मानवीय क्षति गरेको छ ।

काठमाडौं । कोरोना भाइरसका कारण बेलायतमा थप एक नेपालीको मृत्यु भएको छ । यसअघि बेलायतमा एक पूर्वगोर्खा सैनिकको निधन भएको थियो ।

संचार माध्यमहरुका अनुसार मृत्यु हुनेमा लण्डनको साउथ इस्ट क्षेत्रमा बस्दै आएका चितवन बसेनी घर भएका ४० वर्षीय प्रशान्त अर्याल हुन् ।

उनको उपचारको क्रममा अर्यालको गत सोमबार मृत्यु भएको भएको थियो । अस्पतालले कोरोना संक्रमणको पुष्टी भने बिहीबार मात्र गरेको छ ।

उनी शनिबार अस्पताल भर्ना भएका थिए । यसअघि पनि कोभिड–१९ को संक्रमणबाट पुर्ख्यौली घर संखुवासभा घर भएका लण्डनको ह्यारो निवासी ६६ वर्षीय पूर्वगोर्खा सैनिक लीलाबहादुर राईको ज्यान गएको थियो ।

बेलायतमा पछिल्लो समय कोरोनाको प्रभाव बढ्दो क्रममा रहेको छ ।

काठमाडौं । कोरोना भाइरसले चीनपछि सबैभन्दा आक्रान्त यूरोप बनेको छ । तर, पछिल्ला दिनमा यस भाइरसले अमेरिकामा आक्रमण तिब्र बनाएको छ ।

बुधबार मात्र अमेरिकामा कोरोना भाइरसका नयाँ १० हजार बिरामी पुष्टी भएका छन् । अमेरिकाको सबै राज्यमा फैलिएको यो भाइरसको संक्रमण अहिलेसम्म ६५ हजार ७०० जनामा पुगिसकेको छ ।

अमेरिकामा बुधबार मात्र १५५ जनाले ज्यान गुमाउन बाध्य भए । अमेरिकामा अहिलेसम्म ९३५ जनाले ज्यान गुमाइसकेका छन् ।

यस भाइरसले इटालीमा पारेको संकटपूर्ण अवस्था अझै डरलाग्दो रहेको छ । बुधबार मात्र यस मुलुकमा ६८३ जनाले ज्यान गुमाएका छन् ।

इटालीमा यो भाइरसको कारण मृत्यु हुनेको संख्या ७ हजार ५०० नाघेको छ । यो संख्या कुनै पनि मुलुकमा कोरोनाका कारण मृत्यु हुने सबैभन्दा ठूलो संख्या हो ।

साथै इटलीमा चीनमा भन्दा दोब्बर मानिसले ज्यान गुमाइसकेका छन् बुधबार इटालीमा ५ हजार २१० नयाँ संक्रमित फेला परे । इटलीमा कूल संक्रमित ७४ हजार ३०० नाघेको छ । इटालीपछि यूरोपमा स्पेनको अवस्था दर्दनाक छ । यहाँ अहिलेसम्म ३ हजार ६०० मानिसले ज्यान गुमाइसकेका छन् ।

यो संख्या चीनमा भन्दा पनि बढी हो । यस मुलुकमा ४९ हजार ५०० भन्दा धेरै मानिसमा यो भाइरसको संक्रमण देखिएको छ । बुधबारसम्म विश्वभर कोरोना भाइरसको संक्रमण ४ लाख ६८ हजार मानिसमा ेदखिएके छ । मृत्यु हुनेको संख्या पनि २१ हजार नाघेको छ ।

चीन, जापान र कोरियाले भने करीव संक्रमण नियन्त्रणमा ल्याइसकेका छन् ।

नयाँ दिल्ली । नेपालको छिमकी मुलुक भारतमा कोरोना संक्रमितको संख्या ह्वात्तै बढेको छ ।

केही दिन अगाडीसम्म सामान्य रहेको भारतमा अब भने रोगले महामारीको रुप लिने संकेत देखाएको छ ।

सोहीकारण भारत सरकारले २१ दिन लकडाउन घोषणा समेत गरिसकेको छ ।

भारतमा कोरोना भाइरस (कोभिड–१९) का कारण ज्यान गुमाउनेको संख्या १३ पुगिसकेको छ । बुधबार मात्र तीन जनाको ज्यान गयो ।

बुधबार ५४, ६५ र ८५ वर्षर्का एक पुरुष र दुई महिलाको ज्यान गएको भारतीय संचारमाध्यमले उल्लेख गरेका छन् । भारतमा कोरोना भाइरसको प्रकोप २५ राज्यमा फैलिसकेको छ । भारतमा ६८६ जनामा यो भाइरसको संक्रमण पुष्टी भइसकेको छ ।

संचारमाध्यमहरुका अनुसार भारतको महाराष्ट्र र केरला यो भाइरसको चपेटमा पर्न सक्ने चेतावनी दिइएको छ । भारतमा बढेने संक्रमणले नेपालमा पनि जोखिम बढाउँछ । यद्दपी अहिले नेपाल र भारततर्फका सीमा नाका बन्द गरिएका छन् ।

काठमाडौं । कोरोना भाइरस (कोभिड–१९)को संक्रमणबाट चीन माथि उठिसकेको छ । तर, पछिल्लो सयम यस भाइरसले यूरोपलाई इपिसेन्टर बनाएको छ ।

विश्व स्वास्थ्य संगठनका अनुसार यूरोपका दुई मुलुक स्पेन र इटलीमा अहिले पनि परिस्थिति नियन्त्रण भन्दा बाहिर छ । यस्तै अवस्था अमेरिकामा समेत देखिएको छ ।

तर, जापान र दक्षिण कोरियाले भने धेरै हदसम्म यो रोगको संक्रमण रोक्न सफल भएका छन् । यी दुई मुलुकमा संक्रमित देखिएपनि फैलावट नियन्त्रण मै रहेको छ ।

संगठनका अनुसार मंगलबार साँझसम्म विश्वभर ४ लाख २२ हजार ६ सय १४ मानिस कोरोनाबाट संक्रमित छन् । कोरोना भाइरस देखापरेको झण्डै ४ महिना भित्र यो रोगले विश्वका १९७ मुलुक प्रभावित बनाएको छ ।

कोरोनाको उद्गमस्थल चीनमा सबैभन्दा धेरै कोरोना संक्रमित छन् । हालसम्म यहाँका ८१ हजार २ सय १८ मानिसमा कोरोनाको लक्षण देखिएको छ ।

पछिल्लो २४ घण्टामा चीनमा मात्र ४ कोरोना संक्रमितको ज्यान गएको छ । यस दिन यहाँ ४७ जना मात्र नयाँ बिरामी भेटिएका छन् ।

इटलीमा ५ हजार २ सय ४९ मानिसको ज्यान गइसकेको छ । मंगलबार एकै दिन ७४३ को ज्यान गयो ।

यस दिन ५ हजार २ सय ४९ नयाँ बिरामी थपिए । इटलीमा ६९ हजार १ सय ७६ जनामा कोरोनाको संक्रमण भेटिएको छ । अझै ३ हजार ३ सय ९३ को अवस्था गम्भीर छ ।

अमेरिकाको कोरोना संक्रमण तिब्र गतिमा फैलिएको छ । मंगलबार मात्र अमेरिकामा ११ हजार ७४ नयाँ बिरामी फेला परे । अमेरिकाको कुल संक्रमितको संख्या ५४ हजार ८ सय ८ पुगेको छ । यो निकै डरलाग्दो अवस्था हो ।

यहाँ ७ सय ७५ जनाको ज्यान गइसकेको छ । स्पेनमा मंगलबार एकैदिन ६ सय ८० मानिसको ज्यान गयो ।

अब स्पेनमा मर्नेको संख्या २ हजार ९ सय ९१ पुगेको छ । मंगलबार स्पेनमा ६ हजार ९ सय २२ नयाँ बिरामी भेटिए । स्पेनमा कूल ४२ हजार ५९ संक्रमित छन् ।

नयाँ दिल्ली । नेपालको छिमेकी मुलुक भारतमा कोरोनको संक्रमणबाट मृत्यु हुनेको संख्या ७ पुगेको छ । आइतबार गुजरातमा ६७ वर्षीय वृद्धको मृत्यु भएको हो । यसको पुष्टी भारतीय स्वास्थ्य मन्त्रालयले गरिसकेको छ ।

कोरोनाबाट संक्रमित भएको वृद्धको उपचारको क्रममा आइतबार मृत्यु भएको स्थानीय संचारमाध्यमले उल्लेख गरेका छन् ।

यद्दपी उनी मिर्गौला र दमका बिरामी समेत थिए । गुजरातमा मृत्यु हुने उनी पहिलो व्यक्ति बनेका छन् । कोरोनाबाट संक्रमित उनी रेलमार्फत दिल्ली, जयपुर हुँदै गुजरातको सूरत आएको बताइएको छ ।

सोहीकारण पनि भारतमा अहिले त्रास बढेको छ । आइतबार नै बिहारको राजधानी शहर पटनाको एम्स अस्पतालमा कतारबाट फर्किएका ३८ वर्षीय पुरुषको ज्यान गएको छ ।

कोरोना संक्रमणबाट बिहारमा मृत्यु हुने उनी पहिलो व्यक्ति बनेका छन् । उनी समेत दुबै मिर्गौला काम नलाग्ने गरी बिरामी भएका थिए ।

भारतमा आइतबार जनता कर्फ्यू घोषणा गरी सर्वसाधारणलाई घर बाहिर ननिस्कन आग्रह गरिएको छ । यस मुलुकमा अहिलेसम्म ३४१ जना कोरोना संक्रमित मानिस भेटिएका छन् । भारतमा संक्रमण बढेपछि नेपालमा पनि सचेतना बढाइएको छ ।

रोम । कोरानो भाइरसबाट सबैभन्दा बढी प्रभावित इटलीमा अवस्था दर्दनाक बन्दै गएको छ । शनिबार आएको आंकडाले संसारलाई झस्काउँछ । किनकी यहाँ एकै दिन ७९३ जनाले ज्यान गुमाउनु परेको छ ।

चीनमा कोरोनाको त्रास कम भएसँगै इटली यतिबेला कोरोनाको इपिसेन्टर मानिएको छ । शनिबार कोरोनाले अहिलेसम्म कै सबैभन्दा धेरै मानिसको ज्यान लिएको छ ।

संचारमाध्यमहरुक अनुसार शनिबार मृत्यु हुने ७९३ सहित इटलीमा कोरोनाबाट ज्यान गुमाउनेको संख्या ४ हजार ८ सय २५ पुगेको छ ।

चीनमा यो भन्दा १ हजार ५६४ कम मानिस मरेका छन् । चीनले भने धेरै हदसम्म यो रोगको संक्तमणलाई नियन्त्रणमा लिएको छ ।

इटलीमा पछिल्लो २४ घण्टामा थप ६ हजार ५ सय ५७ मानिसमा कोरोनाको लक्षण भेटिएको छ । योसँगै कुल संक्रमितको संख्या ५३ हजार ५ सय ७८ पुगेको छ ।

यहाँ अझै २ हजार ८ सय ५७ मानिस गम्भीर अवस्थामा रहेका छन् । इटलीको लोम्बार्डी कोरोनाबाट सबैभन्दा बढी प्रभावित क्षेत्र हो । यहाँ अहिलेसम्म ३ हजार ९५ मानिसको ज्यान गइसकेको छ । स्थिति भयावह बनेको छ ।

फलस्वरुप सरकारले यस भेगमा थप कडाइ गर्ने बताएको छ । शनिबार अबेर राति नयाँ जारी गरिएको छ ।

जसअनुसार यहाँ सबै किसिमका खेल तथा शारीरिक गतिविधि बन्द भएका छन् । यहाँ चिनियाँ विशषज्ञको टोली नै खटेको छ ।

तर, कमजोर व्यवस्थापनका कारण इटलीमा भयाभह अवस्था आएको उनीहरुको भनाई रहेको छ ।

रोम । यूरोपको इपिसेन्टर बनेको इटालीमा कोरोना भाइरस (कोभिड–१९)ले ठूलो मानवीय क्षति निम्त्याएको छ ।

यस भाइरसको संक्रमणबाट एकै दिन ६२७ जनाको मृत्यु भएको विश्व स्वास्थ संगठनले पुष्टी गरेको छ । यो संख्या मृत्युको कीर्तिमानी संख्या हो ।

संसारमा कुनै पनि मुलुकमा अहिलेसम्म यति ठूलो संख्यामा मानिस मरेका थिएनन् । शुक्रबार भएको हताहतीसँगै इटलीमा कोरोना भाइरसबाट मृत्यु हुनेको कूल संख्या ४ हजार नाघेको छ ।

इटलीमा कोरोनाबाट ३७ हजार ८ सय ६० जना संक्रमित भएको बताइएको छ ।

अझै २ हजार ६ सय ५५ मानिसको अवस्था गम्भीर रहेको संचारमाध्यमले उल्लेख गरेका छन् । इटलीमा उत्तरी क्षेत्र लोम्बार्डी बढी प्रभावित बनेको हो ।

यहाँ अवस्था भयावह बनेको छ । सरकार सेना परिचालनको तयारीमा छ । मानिसले अनुशासन पालना नगरेकै कारण इटलीमा बढी भयाभह अवस्था आएको बताइएको छ ।

काठमाडौं । कोरोना (कोभिड–१९)ले चीनमा भन्दा इटलीमा धेरै मानिसको ज्यान लिएको छ । बिहीबार इटलीले चीनलाई उछिनेको हो ।

विश्व स्वास्थ्य संगठनका अनुसार चीनमा हालसम्म ३ हजार २ सय ४९ मानिसको मृत्यु भएको छ इटलीमा ३ हजार ४ सय ५ जनाको मृत्यु भएको छ ।

बिहीबार मात्र इटलीमा थप ४ सय २७ को ज्यान गएको छ । इटलीले हरेक दिन कीर्तिमान राखिरहेको छ ।

मानिसहरुको मृत्युका कारण यहाँको जनजीवन समेत नराम्रोसँग प्रभावित बनको छ । कुल संक्रमितको संख्या इटलीमा भन्दा चीनमा बढी छ ।

चीनमा ८० हजार ९ सय ६७ र इटलीमा ४१ हजार ३५ व्यक्तिमा कोरोनाको लक्षण भेटिएको छ । त्यसकारण मृत्युदर इटलीको धेरै भएको हो ।

बिहीबार इटलीमा ५ हजार ३ सय ३२ कोरोनाको नयाँ बिरामी भेटिए । चीनमा भने बिहीबार ३ जनाको मात्र ज्यान गएको छ ।

देशभर कोरोनाका ३९ नयाँ बिरामी भेटिए । यो संक्रमणबाट बिहीबार सम्म कूल १० हजार ४८ मानिसको ज्यान गएको छ ।

पछिल्लो समय चीले लगभग नियन्त्रणमा ल्याएको यो रोगको संक्रमण्बाट यूरोप र अमेरिका बढी प्रभावित भइरहेको छ ।

नयाँ दिल्ली । भारतमा कोरोना संक्रमणको आशंका गरिएका एक व्यक्तिले आत्महत्या गरेका छन् । दिल्लीको सफदरजंग अस्पतालमा बुधबार एक बिरामीले आत्महत्या गरेका हुन् ।

उनी अस्पतालको भवनको ७ औं तलाबाट हाम फालेका थिए । प्रहरीका अनुसार उनी अष्ट्रेलियाबाट हालै फर्किएका थिए ।

३५ वर्षिय ति व्यक्ति सिड्नीबाट फर्किएका हुन् । विमानस्थलमै टाउको  दुखेको अनुभव भएपछि उनलाई सिधै अस्पताल लगिएको थियो ।

उनको ल्याव रिपोर्ट भने आइसकेको थिएन । तर, उनले पहिल्यै आत्महत्या गरेको स्थानीय संचारमाध्यमले उल्लेख गरेका छन् ।

उनलाई अस्पतालले क्वारेन्टाइनमा राखेर परीक्षण गरिरहेको थियो । उनी पछिल्लो एक सालयता सिड्नीमा रहेका थिए ।

त्यहाबाट उनी भारत फर्किएका थिए । उनले अस्पतालमा ल्याएर परीक्षणका लागि नमुना दिएसँगै अस्पतालबाट आत्महत्या गरेका हुन ।

प्रहरीले उनको परिवारलाई घटनाका सम्बन्धमा जानकारी गराइसकेको छ ।

भारतमा करव ३ सय जनामा कोरोनाको संक्रमण देखिएको छ । त्यसमध्ये २ जनाको ज्यान गइसकेको छ । यससँगै भारतले पनि मानिसहरुको यात्रामा प्रतिवन्ध लगाइसकेको छ ।

काठमाडौं । कोरोना भाइरसको संक्रमणबाट इटलीमा कीर्तिमानी संख्यामा मानिसको ज्यान गएको छ । बुधबार यहाँ एकै दिन ४ सय ७५ मानिसको ज्यान गएको तथ्यांक सार्वजनिक भएको छ ।

कोरोना फैलिएयता एकै दिन धेरै मानिसको ज्यान बुधबार गएको हो । संचारमाध्यमहरुका अनुसार इटलीको लोम्बार्डीमा ३ सय १९ जनाको ज्यान गएको छ । बाँकी अन्य क्षेत्रका संक्रमितको मृत्यु भएको बताइएको छ ।

लोम्बार्डी इटलीको मूख्य प्रभवित क्षेत्र हो । बुधबार एकै दिन ४ सय ७५ जनाको मृत्यु भएसँगै इटलीमा कोरोना संक्रमणका कारण ज्यान गुमाउनेको संख्या २ हजार ९ सय ७८ पुगेको छ । इटलीले झण्डै चीनमा जति मानिस गुमाइसकेको छ ।

थप २ सय ५९ जनाको निधन भएमा चीन र इटलीमा बराबर मानिस मर्छन् । तर, चीनमा भने बुधबार बुहान राज्यमा शून्य संक्रमित भएका छन् ।

यसअनुसार चीनले कोरोनामाथि पूर्णतया सफलता हाँसिल गर्न सफल भएको छ ।

सोहीकारण चीनले बुहानबाट ठूलो संख्यामा चिकित्सकहरुलाई आआफ्नो क्षेत्रमा बिदाई समेत गरिसकेको छ ।

इटलीमा ३५ हजार ७ सय १३ मानिसमा यो रोगको संक्रमण फैलिएको छ । ४ हजारभन्दा बढी व्यक्ति भने उपचारपछि घर फर्किएका छन् ।

पछिल्लो २४ घण्टामा स्पेनमा १०५ र इरानमा १०७ जनाको मृत्यु भएको छ । स्पेनमा कोरोनाबाट ज्यान गुमाउनेको संख्या ६ सय ३८ पुगेको छ ।

फ्रान्समा बुधबार ८९ जनोका ज्यान गएको छ ।