Category: विश्व

काठमाडौं । संसारभर महामारीका रुपमा फैलिएको कोरोना अहिलेसम्म नेपालमा देखिएको छैन । तर, नेपाल बाहिर भने यस भाइरसले नेपालीलाई संक्रमणको शिकार बनाइसकेको छ ।

पछिल्लो समय यूरोपमा यो भाइरसको फैलावट तिब्र छ । सोही क्रममा पोर्चुगलमा एक नेपाली नागरिकमा कोरोनाको संक्रमण पुष्टी भएको छ ।

पोर्चुगलमा कृषि मजदूरका रुपमा कार्यरतएक नेपालीमा संक्रमण पुष्टी भएको संचारमाध्यमले लेखेका छन् ।

फारोको ग्रामीण क्षेत्रमा कृषि मजदुरको रुपमा कार्यरत एक नेपालीलाई कोरोना भाइरसको संक्रमण भएको फारो नगरपालिकाका मेयर रोगिरियो बाकलहाउले पुष्टी गरेका छन् । यद्दपी उनको परिचय खुलाइएको छैन ।

पछिल्ला दिनमा पोर्चुगलमा धेरै नेपाली पुगेका छन् । यस मुलुकमा २ सय ४५ जनामा कोरोना पुटी भएको छ ।

केही दिन अगाडी यूएईमा दुई नेपाली कामदारमा कोरोना देखिएको थियो । उनीहरुलाई नेपाल ल्याउने पहल भइरहेको दूतावासले जनाएकाा छ ।

अवस्था सामान्य रहेका कारण नेपालमै ल्याएर उपचारको पहल भइरहेको दूतावासको भनाई छ । यसबाहेक नेपाल भित्र भने कोरोना छिरिसकेको पुष्टी भएको छैन ।

रोम। विश्वभर कोरोना भाइरस फैलिने क्रम तीब्र छ । विश्व स्वास्थ्य संठगनका अनुसार आइतबारसम्म कोरोनाले १ सय ५७ देशमा आफ्नो उपस्थिति देखाइसकेको छ । रोगको संक्रमणबाट मर्नेको संख्या ६५ सय नाघिसकेको छ ।

कोरोना चीनको वुहानबाट ३१ डिसेम्बरमा पहिला पटक देखिएको थियो । तीन महिनाको बीचमा यस रोगले ६ हजार पाँच सय १५ जनाको ज्यान लिएको छ ।

आइतबार एकै दिन कोरोनाले संसारभर ६ सय ८२ जनाले ज्यान गुमाए । इटलीमा विगत २४ घण्टामा ३ सय ६८ जनाको मृत्यु भएको छ ।

इरानमा १ सय १३ जनाको निधन भएको छ । स्पेनमा एकै दिन ९६ जनाले ज्यान गुमाए ।

कोरोनाको संक्रमण रहेका उत्तरी इटालीको चेने नगरपालिकाका मेयर गोर्जियो भ्यालोटीको समेत ज्यान गएको इटलीका सरकारी अधिकारीहरुले पुष्टी गरेका छन् ।

मेयर भ्यालोटीको शुक्रबार ज्यान गएको हो । उनी ७० वर्षीय थिए । ७ मार्चमा उनी अस्पताल भर्ना भएका थिए ।

इटलीमा यस भाइरसको संक्रमणबाट ५० वर्षमुनीका नागरिकको ज्यान गएको छैन । इटलीमा मात्र यस भाइरसले १ हजार ८ सय ९ को ज्यान गएको छ । इटलीमा पछिल्लो २४ घण्टामा ३ हजार ५ सय ९० नयाँ संक्रमित भेटिएका छन् । इरानमा १ हजार २ सय ९ जना नयाँ संक्रमित देखिएका छन् ।

यस मुलुकमा कूल मृतकको संख्या ७ सय २४ पुगेको छ । संक्रमितको संख्या १३ हजार ९३८ रहेको छ । जर्मनीमा आइतबार मात्रै थप एक हजार २सय १४ जनामा संक्रमण देखिएको । जर्मनीमा कूल ११ जनाको मृत्यु भएको छ ।

चीनमा २४ घण्टा भित्र १४ जनामा संक्रमण देखिएको । त्यहाँ थप १४ जनाको मृत्यु भएको छ।

पछिल्लो २४ घण्टामा बेलायतमा १४, अमेरिकामा ११, नेदरल्यान्ड्समा ८, फिलिपिन्समा ४, दक्षिण कोरियामा ३, जापान, सान मारिनो र अस्ट्रेलियामा २–२ जना तथा स्विजरल्यान्ड, स्विडेन, बेल्जियम, डेनमार्क, ग्रीस, अल्जेरिया, हंगेरी र ग्वाटेमालामा एक–एक जनाको मृत्यु भएको विव स्वास्थ्य संगठनको तथ्यांकमा उल्लेख छ ।

पेरिस । चीनपछि सबैभन्दा प्रभावित यूरोपमा कोराना भाइरसले जनजीवन नराम्रोसँग प्रभावित भएको छ । यूरोपका सबैजसो देशले मूख्य पर्यटकीय गन्तब्य बन्द गरेका छन् ।

फ्रान्स र स्पेनले शनिबार आपतकालिन अवस्थाको घोषणा गरेका छन् । फ्रान्सको इफेल  टावर भ्रमणमा रोक लगाइएको छ ।

कोरोना भाइरसबाट संक्रमित हुने र ज्यान गुमाउनेको संख्यामो गुणात्मक वृद्धि भइरहेको विश्व स्वास्थ्य संगठनले जनाएको छ ।

चीनपछि सबैभन्दा बढी मानिस इटलीमा मरेका छन् । यहाँ शनिबारसम्म १४ सय ४० जना मानिसको ज्यान गएको छ ।

युरोपेली मुलुकहरुले व्यापक प्रतिबन्धको घोषणा गरेका छन्। इटलीमा अहिले पनि १५१८ जनाको अवस्था चिन्ताजनक रहेको बताइएको छ।

कोरोनाकै काण स्पेनमा १९६ र फ्रान्समा ९१ जनाको मृत्यु भएको छ । उता, चीनमा भने यो रोगको संक्रमण करीव नियन्त्रणमा आइसकेको छ ।

फ्रान्समा क्याफे, रेस्टुरेन्ट, सिनेमाघर र पसल बन्द गरिएको छ ।

काठमाडौं । नोवल कोरोना भाइरसबाट मर्ने मानिसको संख्या ५ हजार नाघेको छ । डिसेम्बर अन्तिम साताबाट फैलिन थालेको यो रोगको संक्रमणले छोटो समयमै हजारौं मानिसको ज्यान लिएको हो ।

३१ डिसेम्बरमा चीनको बुहानबाट शुरु भएको भाइरसले शुक्रबार साँझसम्मको तथ्यांक अनुसार ५ हजार ८० जनाको ज्यान गएको छ ।

यो तथ्यांक ३९ देशमा भएको मृत्युको हो । यसमध्ये सर्वाधिक मानिसको ज्यान चीनमा गएको छ । यो भाइरस १३२ देशमा फैलिएको छ ।

चीनमा मात्र ३ हजार १७७ जनाको ज्यान गएको तथ्यांक रहेको छ । चीन बाहिर १ एक हजार ९ सय ३ पुगेको छ । यो भाइरसको संक्रमण फैलिएपछि विश्व स्वास्थ्य संगठनले स्वास्थ्य महामारी घोषणा गरेको छ ।

संक्रमण देखिएको मध्ये ७० हजार ७ सय १६ जना मानिस निको भएर घर फर्किएका छन् ।

अहिले विभिन्न मुलुकमा ६२ हजार ३६० जना उपचारको क्रममा रहेका छन् । यसमध्ये अब चीनमा मात्र १३ हजार ४८७ कोरोना संक्रमित छन् ।

यहाँ ८० हजारभन्दा बढीमा यसको संक्रमण देखिएको अधिकांश निको भएर फर्किसकेका छन् । अहिले चीनमा नयाँ बिरामी देखिन छाडेका छन् भने मर्नेको संख्या समेत नियन्त्रण भित्र आइसकेको छ ।

तर, यूरोप र अमेरिकी मुलुकमा भने तिब्र रुपमा फैलिरहेको छ ।

नयाँदिल्ली । भारतमा कोरोनाभाइरसको संक्रमण बढ्दै गएपछि सरकारको टाउको दुखाई बनेको छ ।

ठूलो जनसंख्या भएको भारतमा एकसाथ धेरै जनामा यो भाइरस संक्रमण हुने डरले स्कूल, कलेज तथा सिनेमा हल बन्द गरिएको छ ।

बिहीबार नयाँ दिल्लीका मुख्यमन्त्री अर्विन्द केजरीवालले मार्च ३१ तारिखसम्मका लागि सबै विद्यालय, कलेज तथा फिल्म हल बन्द गर्ने घोषणा गरे ।

जारी रहेका परीक्षासमेत बन्द भएका छन् । यसअघि सरकारले भारतमा पर्यटक भिसा बन्द गरेको थियो ।

बिहीबारसम्म भारतमा ७३ जनामा यसको संक्रमण पुष्टी भएको छ । बिहीबार प्रधानमन्त्री नरेन्द्र मोदीले सामाजिक संजालमार्फत सबै एकजुट भएर यस रोगविरुद्ध मुकाविला गर्ने बताएका छन् ।

उनका अनुसार कोरोनाको संक्रमण अन्त्य नभएसम्म केन्द्र सरकारका कुनै पनि मन्त्रीले विदेश भ्रमण गर्ने छैनन् । उनले आफ्ना नागरिकलाई समेत अत्यावश्यक नभएसम्म विदेश नजान सुझाव दिएका छन् ।

बेइजिङ । अन्ततः चीनले कोरोनाविरुद्ध जीत हाँसिल गरेको छ । नयाँ बिरामी नगन्य मात्र आउन थालेको र मृत्युदर समेत करीव शून्यमा झर्न थालेसँगै चीनले कोरोनाको उच्चतम त्रासबाट चीन मुक्त भएको घोषणा गरेको हो ।

बिहीबार राष्ट्रिय स्वास्थ्य आयोगका प्रवक्ता मी फेङले बेइजिङमा पत्रकार सम्मेलन आयोजना गरेका थिए ।

उनले चीनमा कोरोना भाइरसले संक्रमणको उच्च विन्दु पार गरेर घट्ने क्रम शुरु भएको जानकारी गराए । उनका अनुसार चीनमा अब नयाँ संक्रमित बिरामी घटेका छन् ।

कोरोनाको जोखिमसमेत चीनमा निकै कम भएको छ । कोरोना भाइरसको उदगम थलो हुबेई प्रान्तको वुहान सहरमा बुधबार आठ जनामा मात्र नयाँ संक्रमण देखिएको छ ।

हुबेई प्रान्तबाहिर सात जनामा कोरोना भेटिएको थियो। उनीहरू मध्ये पनि ६ जना विदेशी हुन् । एक करोड १० लाख मानिसको बसोबास भएको वुहान सहर जनवरी २३ देखि सरकारले ‘लक डाउन’ गरेको हो ।

नयाँ बिरामी आउन कम भएपछि चीनले अस्थायी रुपमा बनाएका अस्पताल बन्द गरेको छ । तर, महामारी पूर्णरुपमा निर्मुल भने नभएका कारण सचेत रहन भने नागरिकलाई आह्वान गरेका छन् ।

डिसेम्बर अन्तिम सातादेखि देखिन थालेको कोरोना भाइरसले चीनमा अहिलेसम्म ८० हजार ७ सय ९३ जना संक्रमित भएका छन् ।

उनीहरुमध्ये ३ हजार १ सय ६९ जनाको ज्यान गयो । ६२ हजार ७ सय ९३ जना उपचारपछि घर फर्किसकेका छन् । अन्यको उपचार जारी रहेको छ ।

चीनले महामारीबाट मुक्त भएको घोषणा गर्नु एक दिन अगाडी भने विश्व स्वास्थ्य संगठनले विश्वभर महामारीको घोषणा गरेको थियो ।

काठमाडौं । चीनले इरान र इटालीमा  विशेषज्ञ सेवा सहायता पठाएको छ । कारोनाबाट आप्नो मुलुकमा करीव मुक्ति पाएको चीनले इरान र इटालीमा डाक्टरसहित सहायता सामग्री पठाएको हो ।

पछिल्ला दिनमा इरान र इटालीमा कोरोनाले भयाभह रुप लिएसँगै चीनले आफ्नो विशेषज्ञतासहित सहायता सामग्री र टोलीलाई  पठाएको हो ।

यूरोप र एसियाली मुलुका इरानसहित मध्यपूर्वी देशमा  कोरोनाको संक्रमण तिब्र भइरहेको छ । यसअघि मंगलबार चीन र इटालीका विदेशमन्त्रीबीच टेलिफोन वार्ता भएको थियो ।

वार्तामा चीनले सहयता उपलब्ध गराउने प्रतिवद्धता व्यक्त गरेको थियो । चीनको वुहान शहरबाट उत्पत्ति भएको यो रोगको संक्रमणले चीनबाहिर इरान र इटालीमा सबैभन्दा बढी प्रभाव पारेको छ ।

गत डिसेम्बरबाट शुरु भएको यस रोगले संसारभर ४२ सय जनाको ज्यान गएको छ ।

बुधबार नै विश्व स्वास्थ्स संगठनले विश्वभर महामारी घोषणा गरेको छ । चीनले मेडिकल कीट, मास्क तथा अन्य अत्यावश्य सामग्री र विशेषज्ञको टोली अति प्रभावित दुई देशमा पठाएको अन्तराष्ट्रिय संचारमाध्यमले उल्लेख गरेका छन् ।

एजेन्सी

काठमाडौं । चीनमा करीव नियन्त्रणमा आइसकेपछि बल्ल विश्व स्वास्थ्य संगठनले कोराना संक्तमणलाई महामारी घोषणा गरेको छ । चीन एक्लैले यो रोगविरुद्ध लड्दै आफ्नो मुलुकमा करीव नियन्त्रणमा ल्याएको छ ।

तर, पछिल्लो समय यूरोप र अमेरिकामा कारोनाको संक्रमणले धेरै मानिसको ज्यान लिन थालेपछि बल्ल संगठनले यस रोगलाई महामारी घोषणा गरेको हो ।

बेलैमा पश्चिमा मुलुकले चीनलाई सहयोग गरेको भए धेरै हदसम्म रोग नियन्त्रणमा आउने तर्क विशेषज्ञहरुले गरेका छन ।

पछिल्लो दुई साता यता यूरोप र अमेरिकामा कोरोनाको संक्रमण १३ गुणले बढेको भन्दै संगठनले महामारी घोषणा गरेको हो ।

यसअघि यस रोगबाट चीनमा मात्र करीव ३२ सय मानिसको ज्यान गएको छ । तर, पछिल्ला दिनमा चीनले यो रोगलाई धेरै हदसम्म नियन्त्रण गरेको छ । तर, यूरोप र अमेरिकाी मुलुकमा तिब्र रुपमा फैलिरहेको छ ।

लण्डन । बेलायती स्वास्थ्यमन्त्री नादिन डोरिसमा कोरोना भाइरसको संक्रमण देखिएको छ । उनी संक्रमणको पुष्टी भएसँगै आइसोलेसनमा बसेको संचारमाध्यमले लेखेका छन् ।

कन्जरभेटिभ पार्टीकी सांसद्समेत रहेकी स्वास्थ्यमन्त्री डोरिस आफैले संक्रमणको जानकारी गराएकी हुन् । उनी बेलायतमा संक्रमण हुने पहिलो उच्च पदस्थ अधिकारी हुन ।

आफु चिकित्सकको सल्लाहमै निजी निवासको आइसोलेसनमा बसेको उनले बताएकी हुन् । उनका अनुसार रोगको संक्रमण हुनपूर्व आफूल भेटघाट गरेका मानिसको पहिचान शुरु गरिएको छ ।

किनकी संक्रमित मानिसँगको नजिक जाँदा उसको थुकबाट यो रोगको संक्रमण सर्ने सम्भावना धेरै हुन्छ ।

बेलायतमा यस रोगको संक्रमणबाट ६ जनाको ज्यान गएको छ । करीव ४ सय जनामा रोगको संक्रमण देएिको छ । चीनबाट फैलिएको रोगले पछिल्ला दिनमा यूरोपलाई नराम्रोसँग प्रभावित बनाएको छ ।

वुहान । कोरोना भाइरसविरुद्ध चीन अब झण्डै जीतको नजिक छ । कोरोना भाइरसको उद्गम स्थल पुगेर मङ्गलबार चिनियाँ राष्ट्रपति सी चिनफिङले संसारलाई यही सन्देश प्रवाह गरे ।

कोरोना भाइरस सङ्क्रमण शुरु भएको सहर वुहानमा उनले रोग विरुद्ध भइरहेको कामको अवलोकनमात्र गरेनन्, स्थानीयबासीसँग भलाकुसारी समेत गरे ।

भाइरसको सङ्क्रमणबाट चीनमा मङ्गलबारसम्म ३ हजार १ सय ३६ को ज्यान गइसकेको छ । तर, अब चीनमा नयाँ संक्रमितको संख्या निकै कम भएको छ ।

ज्यान गुमाउनेको संख्यामा पनि उल्लेख्य कमी आएको छ । राष्ट्रपति सीले अतिप्रभावित क्षेत्रको भ्रमण गरी अब चीन कोराना विरुद्ध झण्डै जीत को नजिकै पुगेको सन्देश दिएका छन् ।

राष्ट्रपति सीले प्रकोप रोकथाम तथा नियन्त्रण परीक्षण केन्द्र, ह्वो शन शान अस्पतालको निरीक्षण गरे । क्वारेन्टिनमा बसेका स्थानीयसँग भेटे ।

वुहानमा स्थानीय समुदायले भाइरसविरुद्ध गरिरहेको संघर्षलाई उनले नजिकबाट नियाल्ने प्रयास गरेका छन् ।

उनले स्थानीय नागरिक, स्वास्थ्यकर्मी, सुरक्षाकर्मी, अन्य सरकारी कर्मचारी तथा स्वयंसेवक र संघसंस्थालाई प्रकोप नियन्त्रणमा गरेको अमूल्य पहलका लागि धन्यवाद दिएका थिए ।

वुहानमा नयाँ संक्रमितको संख्यामा कमी आएसँगै अस्पतालहरु बन्द गर्न थालिएको छ ।

सोमबार वुहानमा १६ वटा अस्पताल बन्द गरिएको चिनियाँ संचारमाध्यमले उल्लेख गरेका छन् ।

चीनमा प्रदर्शनी केन्द्र, रंगशाला, व्यायाम केन्द्रलगायतका खाली जमिनको उपयोग गरी अस्थायी प्रकृतिका अस्पताल बनाइएको थियो । वुहानमा संक्रमित र मृतकको संख्या घट्दै गएपछि जनजीवन सामान्य उन्मुख रहेको बताइएको छ ।

किङघाई प्रान्तमा २ सय विद्यालय संचालनमा आइसकेका छन् । वुहानस्थित टियान्हे विमानस्थल पुनः संचालनको तयारी पुरा भएको छ ।

रोम । इटली सरकारले अब नागरिकलाई सडकमा निस्कन प्रतिवन्ध लगाएको छ । कोरोना संक्रमणले महामारीको रुप लिएसँगै सरकार यो निष्कर्षमा पुगेको हो । इटलीभर यात्रा बन्द गरिएको छ ।

नागरिकले अब सडकमा निकस्न पाउने छैनन् । बाहिर निस्कनै पर्ने काम भए स्थानीय प्रशासनको अनुमति लिनु पर्ने भएको छ ।

सडकमा हिड्न प्रतिवन्ध लगाएसँगै अब नागरिकहरुले एकिकृत हुने सम्भावना समेत नहरने सरकारको विश्वास छ ।

यसले कोरोनाको संक्रमण अझै नफैलने विश्वास गरिएको छ । यसअघि इटलीले कोरोनाबाट बच्न १ करोड ६० लाख मानिसलाई क्वारेन्टाइनमा राख्ने निर्णय गरिसकेको छ ।

इटलीका प्रधानमन्त्री ज्युसेप कोन्टेले सोमबार टेलिभिजन सम्बोधन गरेका थिए । उनले सोही सम्बोधनमा नागरिकलाई घरबाट बाहिर ननिस्कन निर्देशन दिएका हुन ।

उनले अत्यावश्यक काम परे अनुमति लिएर जान सकिने उल्लेख गरे । चीनबाट फैलिएको यो रोगको संक्रमबाट सोमबारसम्म ४६३ जनाको ज्यान गएको छ । इटली र इरान चीनपछि सबैभन्दा बढी प्रभावित मुलुक हुन् ।

काठमाडौं । नेपालले चीनलाई विपदको घडीमा नेपाल चीनको साथमा रहेको आश्वासन दिएको छ । गत डिसेम्बरबाट फैलिएको कोरोना भाइरसविरुद्ध लडिरहेको चीनलाई नेपालले आफ्नो बलियो साथ रहेको बताएको छ ।

नेपालका परराष्ट्रमन्त्री प्रदीप ज्ञवाली र चिनियाँ समकक्षी वाङ यीबीच सोमबार टेलिफोन वार्ता भएको छ । वार्तामा मन्त्री ज्ञवालीले विपद्को घडीमा नेपाल चीनको साथमा रहेको आश्वासन दिएका थिए ।

परराष्ट्र मन्त्रालयले दुई विदेश मन्त्रीबीच टेलिफोन वार्ता भएको जानकारी गराएको छ ।

वार्तामा मन्त्री ज्ञवालीले कोरोना भाइरसविरुद्ध लडिरहेको छिमेकी चीनलाई नेपालको बलियो साथ रहेको उल्लेख गरेका छन् ।

मन्त्रालयका अनुसार त्यसक्रममा विदेमन्त्री वाङ यीले एक साताअघि मिर्गौला प्रत्यारोपण गरेका प्रधानमन्त्री केपी शर्मा ओलीको शीघ्र स्वास्थ्य लाभको कामना गरेका छन् ।

यसअघि चिनियाँ राष्ट्रपति सी जिनपिङले समेत प्रधानमन्त्री ओलीलाई एक सन्देश पठाएर स्वास्थ्य लाभको कामना गरेका थिए।

कोरोनासँग लडिरहेको चीनलाई नेपालले उच्च नैतिक समर्थन गरेको छ । किनकी चीनमा ठूलो संक्रमण फैलादासम्म नेपालले चिनियाँ प्रणालीलाई विश्वास गरेको छ ।

सोहीकारण चिनियाँ जहाज निर्वाध नेपाल आउन पाइरहेका छन् । चिनियाँ नागरिकलाई समेत नेपाल प्रवेशमा कडाई छैन ।

यद्दपी रोगको शंका लागेका हरेक व्यक्तिलाई चीन आफैले अन्य देशमा जान दिएको छैन ।

काठमाडौं । चीनमा गत डिसेम्बरबाट शुरु भएको कोरानो भाइरसको संक्रमणबाट ३६ सय भन्दा बढीका ज्यान गइसकेको छ ।

दिन प्रतिदिन तिब्रताका साथ फैलिएको यस रोगले चीनमामात्र करीव ९० हजार मानिसमा संक्रमण फैलियो । तर, सोमबार चीनमा नयाँ संक्रमण हुने दर अहिलेसम्मकै न्यून विन्दुमा झरेको छ ।

चीनको बुहानभन्दा बाहिर संक्रमण देखिएको छैन । महामारीको रूप लिएको कोरोनाभाइरसलाई चीनले करीव नियन्त्रणमा लिएको देखिएको छ । आइतबार चीनभित्र ४० जनामा मात्र थप संक्रमण पुष्टी भएको छ ।

यो अहिलेसम्मकै कम हो । यी नयाँ बिरामी पनि हुबेई प्रान्तको राजधानी वुहानमा मात्र भेटिएको बताइएको छ । चीनले बुहानभन्दा बाहिर भने करीव संक्रमण नियन्त्रणमा लिइको छ ।

हुबेई प्रान्त भन्दाबाहिर विदेशबाट आएका चार जनामा देखिएको र स्थानीयमा नदेखिएको चिनियाँ अधिकारीले जानकारी दिएका छन् ।

चीनमा कोरोनाबाट ज्यान गुमाउनेको संख्यामा समेत उल्लेख्य कमी आएको छ । आइतबार मात्र वुहानमा कोरोनाको संक्रमितले ज्यान गएको बताइएको छ ।

नयाँ संक्रमितको संख्या घट्नुलाई चिनियाँ अधिकारीहरूले रोगविरुद्धको सफल आन्दोलन भनेका छन् । फेब्रुअरी ४ मा सर्वाधिक एकैदिन ३ हजार ८ सय ८७ जना नयाँ संक्रमित भेटिएका थिए।

काठमाडौं । चीनमा केही कमी देखिएको कोरोना भाइरसले इटाली र इरानलाई भने ठूलो झट्का दिएको छ । आइतबार मात्र इटालीमा १ सय ३३ र इरानमा ४९ जनाले ज्यान गुमाएको विश्व स्वास्थ्य संगठनले जानकारी दिएको छ ।

संगठनलाई उदृत गर्दै अन्तर्राष्ट्रिय सञ्चारमाध्यमले लेखेअनुसार आइतबार एक दिन मै विश्वभर २ सय ३० जनाको मृत्यु भएको छ । त्यसमध्ये इटाली र इरानको संख्या ठूलो छ। संक्रमित रहेको तुलनामा चीनमा भने कम मात्र मानिस मरेका छन् ।

आइतबार मात्र थप ४ हजारमा यसको संक्रमण देखिएको छ । तथ्यांक अनुसार विश्वभर कोरोना संक्रमणबाट मृत्यु हुनेको संख्या ३ हजार ८ सय ३० पुगेको छ।

संक्रमितको संख्या १ लाख १० हजार ६६ पुगेको छ। हालसम्म ६२ हजार भन्दा बढी संक्रमित निको भएर घर फर्किएको तथ्यांक छ ।

आइतबार स्पेनमा सात र चीनमा २२ जनाको ज्यान गएको बताइएको छ । कोरोनाले हालसम्म चीनमा मृत्यु हुनेको संख्या ३ हजार १ सय १९ पुगेको छ।

इटलीमा ३ सय ६६, इरानमा १ सय ९४, फ्रान्समा १९, अमेरिकामा २२, दक्षिण कोरियामा ५० तथा स्पेनमा १७ जनाको कोरोना भाइरसबाट मृत्यु भइसकेको छ।

इटालीमा आइतबार मात्र १ हजार ४ सय ९२ संक्रमित थपिएका छन् । यो भाइरसको संक्रमण १ सय ८ देशमा फैलिइसकेको छ।

नेपालमा भने एक जनामा देखिएको भएपनि उनी उपचार पछि निको भएर घर फर्किसकेका छन् ।

रोम । कोरोना भाइरसले महामारीको रुप लिएसँगै इटलीमा भयाभह अवस्था सिर्जना हुन थालेको छ । संक्रमण जटिल बन्दै गएपछि युरोपियन देश इटलीले देशभरका विद्यालय बन्द गरेको छ ।

बिहीबारदेखि १० दिनसम्म देशभरका विद्यालय बन्द गरिएको हुने अन्तर्राष्ट्रिय सञ्चार माध्यममा जनाइएको छ । देशभित्रका सबै प्रकारका खेल प्रतियोगिता समेत अब स्थागित भएका छन् ।

यसले विश्वचर्चित फूटबल लीग सिरी–ए समेत स्थगित हुने भएको छ । चीनबाट फैलिएको कोरोनाले इटालीमा चीनपछि सबैभन्दा ठूलो क्षति गरेको छ ।

इटलीका २० राज्यमध्ये १९ राज्यमा यसको संक्रमण फैलिइसकेको छ । इटलीमा मात्र अहिलेसम्म कोरोनाबाट १ सय ७ जनाको मृत्यु भएको छ ।

यस मुलुकमा ३ हजारभन्दा बढी मानिसमा संक्रमण फेला परेको छ ।

इटलीका प्रधानमन्त्री ज्युसेप कोन्टेले स्वास्थ्य सेवा खतरामा रहेको उल्लेख गरेका छन् ।

इटलीका मूख्य पर्यटकीय क्षेत्र सुनसान बनेका छन् । इटली पर्यटन व्यवसायबाट सर्वाधिक आम्दानी गर्ने मुलुकमध्ये एक हो ।