Category: विश्व

काठमाडौं । पछिल्लो समय नेपाल र बंगलादेशबीच उच्चस्तरीय भ्रमणले तीब्रता पाएको छ ।

मंगलबार मात्र बंगलादेशी सेनापति अजिज अहमद नेपालको ५ दिने भ्रमण पुरा गरी स्वदेश फर्किएलगत्तै नेपालबाट परराष्ट्र मन्त्री प्रदीप ज्ञवालीले बंगलादेशको भ्रमण गर्ने भएका छन् ।

यसअघि तीन महिनाअघि बंगलादेशका राष्ट्रपतिले नेपालका ५ दिने भ्रमण गरेका थिए ।

परराष्ट्रमन्त्री प्रदीप ज्ञवाली फागुन ५मा तीनदिने औपचारिक भ्रमणका लागि बंगलादेश जाने परराष्ट्र मन्त्रालयले जनाएको छ ।

मंगलबार बसेको मन्त्रिपरिषद बैठकले मन्त्री ज्ञवालीको भ्रमण स्वीकृत गरेको हो । फागुन ५ मा ढाका जाने मन्त्री ज्ञवालीको टोली ७ फागुनमा स्वदेश फर्कने छ ।

काठमाडौं । क्यानडाको माथिल्लो सदन (सिनेट)का सभामुख जर्ज जे फ्युरी नेपाल भ्रमणका सिलसिलामा आज काठमाडौं उत्रदैछन् ।

उनी नेतृत्वको संसदीय प्रतिनिधमण्डल सोमबार नेपाल भ्रमणमा आउन लागेको संसद सचिवालयले जानकारी दिएको छ ।

उनी बिहान साढे ९ बजे त्रिभुवन विमानस्थलमा अवतरण गर्ने कार्यक्रम रहेको छ ।

फ्युरीले सोमबार नै राष्ट्रिय सभाका अध्यक्ष गणेशप्रसाद तिमिल्सिनासँग भेट गर्ने कार्यक्रम तय भएको छ ।

उनी सोमबार नै राष्ट्रिय सभा बैठक अवलोकनमा पुग्नेछन् । त्यसपछि उनी नेपाल–क्यानडा संसदीय मैत्री समूहसँग भेटवार्तामा सहभागी हुनेछन् ।

उनले मंगलबार प्रधानमन्त्री केपी शर्मा ओली र परराष्ट्रमन्त्रीसँग भेटवार्ता गर्नेछन् । उनी मंगलबार फिर्ता हुनेछन् ।

पछिल्लो समय नेपालमा उच्चस्तरीय भ्रमणले गति लिएको छ । विभिन्न मुलुकबाट उच्चस्तरीय टोलीले भ्रमण गरिरहेका छन् ।

थाइल्याण्ड । थाइल्याण्डमा एक सैन्य अधिकारीले अन्धाधुन्ध गोली चलाउँदा कम्तिमा २० जना मारिएका छन् । थाइल्यान्डका एक जुनियर सैनिक अधिकारीले पहिले आफ्ना कमाण्डरलाई मारेर हतियारसहित बाहिर आएका थिए ।

त्यसपछि उनी मलमा पुगेर सर्वसाधारणको ज्यान लिएका हुन् । यस घटनामा दर्जनभन्दा बढी घाइते भएको र उनीहरुलाई अस्पताल भर्ना गरिएको सरकारी अधिकारीले जनाएका छन् ।

थाई शहर नाखोन रत्चासिमा शनिबार जुनियर सैनिक अधिकारी जाकाराफन्थ थोमाले यो नरसंहार गरेका हुन । कमान्डरको हत्या गरेपनि सैन्य क्याम्पबाट भागेर उनी सपिङ सेन्टर पुगेका थिए ।

त्यहा उनले सर्वाधारणलाई लक्षित गरी गोली चलाए । उनी आक्रमणपछि पनि जिवित नै छन् । अझैसम्म पक्राउ समेत परेका छैनन् ।

त्यसकारण थाइल्याण्डका यतिबेला डर छाएको छ । मानिसहरु त्रसित भएका छन् । आक्रमणको कारण नखुलेको र उनको खोजी भइरहेको थाई प्रहरीले जनाएको छ ।

जमैका । ल्याटिन अमेरिकी क्षेत्रमा शक्तिशाली भूकम्प गएको छ ।

जमैकाको समुद्री तट र पूर्वी क्युबाको सीमामा रहेको क्यारेबियन सागरमा मङ्गलबार साँझ ७ दशमलव ७ म्याग्निच्युडको शक्तिशाली भूकम्प भएको हो ।

यसको झड्का ल्याटिन अमेरिकी भेगका धेरै मूलुकमा गरिएको थियो ।

अमेरिकाको भूवैज्ञानिक सर्वेक्षण (यूएसजीएस) का अनुसार भूकम्पका कारण मेक्सिकोदेखि फ्लोरिडा तथा मोन्टेगो खाडी, जमैकाको १४० किलोमिटर उत्तर–पूर्वी क्षेत्र, निक्वैरो, क्युबाको १४० किलोमिटर पश्चिम–दक्षिण धक्का महसुस भएको छ ।

उद्दपी भूकम्पको क्षति भने आइसकेको छ । भूकम्प गएपछि अमेरिकी वैज्ञानिकले समुद्री तटीय क्षेत्रमा सुनामीको चेतावनी दिएका छन् ।

प्रशान्त सुनामी चेतावनी केन्द्रका अनुसार जमैकाको तटीय इलाकामा सुनामीको सम्भावना रहेको छ ।

सुनामीले जमैका, बेलिज, क्युबा, होन्डुरस, मेक्सिको र केमैन द्वीपमा समेत प्रभवित बनाउन सक्ने संचारमाध्यमले उल्लेख गरेका छन् ।

काठमाडौं । लग्जम्बर्गका विदेश तथा युरोपियन मामिलामन्त्री जेन एसेनबर्न नेपाल आउन लागेका छन् ।

उनी बुधबार नेपाल आइपुग्ने परराष्ट्र मन्त्रालयले जनाएको छ । नेपालमा दुई दिने भ्रमणका सिलसिलामा उनी आउन लागेका हुन् ।

नेपाल रहँदा उनी बिहीबार प्रधानमनत्री केपी शर्मा ओलीसँग भेट्ने कार्यक्रम तय भएको छ ।

बुधबार काठमाडौं ओर्लने उनले समकक्षी प्रदीप ज्ञवालीसँग द्विपक्षीय वार्ता गर्ने कार्यक्रम राखिएको परराष्ट्र मन्त्रालयले जानकारी दिएको छ ।

बुधबार लग्जम्बर्ग र नेपालबीच द्वैत्य सम्बन्ध स्थापना भएको ५० वर्ष पुग्दैछ । त्यस अवसरमा समेत विशेष कार्यक्रम आयोजना गरिदैछ ।

काठमाडौं । नेपालले भारतका प्रधानमन्त्री नरेन्द्र मोदी र पाकिस्तानी प्रधानमन्त्री इमरान खानलाई नेपालमा निम्ता गरेको छ ।

नेपालले आगामी चैतमा आयोजना गर्न लागेको सगरमाथा संवादका लागि उनीहरुलाई निम्तो दिएको हो ।

नेपालले पहिलोपटक ‘सगरमाथा संवाद’ आयोजना गर्दैछ ।

जलवायु परिवर्तनको असरबारे विश्वमञ्चलाई जानकारी गराउने उद्देश्यले सगरमाथा संवाद आयोजना गर्न लागिएको हो ।

परराष्ट्र मन्त्री प्रदीप कुमार ज्ञवालीले समाजिक सञ्जाल ट्वीटर मार्फत भारतीय र पाकिस्तानी प्रधानमन्त्रीलाई सगरमाथा संवादमा भाग लिन निम्तो पठाइएको जानकारी दिए ।

नेपालले १ सय ५० भन्दा बढी विदेशी पाहुनालाई सगरमाथा संवादमा भाग लिन निम्तो दिएको हो ।

विभिन्न देशका प्रमुख, व्यापारी र विज्ञहरुको सहभागितामा सगरमाथा संवाद आयोजना हुनेछ ।

आगामी अप्रिल २ र ४ तारिखमा सगरमाथा संवाद कार्यक्रम राखिएको छ । जलवायु परिवर्तनका कारण सबैभन्दा पिडित हिमाल भएका मुलुक बनिरहेका छन् ।

काठमाडौं । कोरोना भाइरसले चीनमा महामारीका रुप लिएको छ । केही साताअघि मात्र देखा परेको यो भाइरसले अहिलेसम्म २५ जनाको ज्यान गएको छ ।

संचार माध्यमहरुका अनुसार शुत्रबारसम्म २५ हताहती भएको चिनियाँ सरकारी अधिकारीले सार्वजनिक गरेका छन् ।

चीनमा मात्र ८ सय ३० व्यक्तिमा यस भाइरसको संक्रमण फैलिएको छ । चीनको नेसनल हेल्थ कमिसनले यस भाइरसबारे विवरण सार्वजनिक गरेको हो ।

अझै केही मानिसहरुको गम्भीर अवस्थामा उपचार जारी रहेका कारण मृत्यु हुनेको संख्या अझ बढ्न सक्ने सम्भावना रहेको छ ।

संक्रमितमध्ये ३४ जना चाही उपचारपछि निको भइसकेका छन् । अहिले हुवेई प्राप्तमा बढी संक्रमण देखिएको छ ।

कोरोना भाइरसले विश्वव्यापी रूप लिन चिन्ता भने संसारभर थपिएको छ ।

चिनियाँ नागरिकको बढ्दो आजजाउ तथा मानिसबाट मानिसमा नै सर्ने भएका कारण समेत यो भाइरसले बढी समस्या सिर्जना गर्र्न सक्ने चिन्ता लिइएको हो । संसारभर विमानस्थलहरुमा हेल्पडेस्क राखेर सचेतना शुरु भइसकेको छ ।

एजेन्सी