Category: विश्व

काठमाडौं । काश्मिरको लाइन अफ कन्ट्रोल (एलओसी)मा भारत र पाकिस्तानी सेनाबीचको गोली हानाहानमा एक गोर्खा सैनिकको ज्यान गएको छ ।

भारतीय सञ्चारमाध्यमहरुका अनुसार मृत्यु हुनेमा गोरखास्थित रीप गाउँका अर्जुन थापामागर रहेका छन् ।

२५ वर्षिय नेपाली गोर्खा सैनिकको ज्यान गएको हो । आक्रमणमा दुई भारतीय सैनिक मारिएका थिए । भिडन्त बुधबार राति जम्मु र कास्मिरको राजोउरी जिल्लामा भएको हो ।

भारतीय सेनाका प्रवक्ता लेफ्टिनेन्ट कर्णेल देवेन्द्र आनन्दले दिएको जानकारी अनुसार एक जना नेपाली रहेको संचारमाध्यमले पुष्टी गरेका छन् ।

पाकिस्तानी सेना भारत छिर्ने प्रयासमा रहेका बेला उनीहरूबीच खारी थरेत जंगलमा गोलीबारी भएको उल्लेख गरिएको छ ।

जम्मु कास्मिर भारत र पाकिस्तानको लुछाचुडीका कारण लामो समयदेखि असान्त छ । भारतले यस भेगमा ठूलो संख्यामा गोर्खा सैनिक खटाएको छ ।

काठमाडौं । सोमालियामा भएकोशक्तिशाली कार बम विस्फोटमा कम्तीमा ७६ जनाको मृत्यु भएको छ ।

१ सय भन्दा बढी घाइते भएका कारण मृतकको संख्या अझै बढ्न सक्ने अन्तर्राष्ट्रिय संचारमाध्यमले लेखेका छन् ।

बिहान अति व्यस्त हुने समयमा राजधानी मोगादिशुस्थित एक प्रहरी चेकपोस्ट नजिकै बम विस्फोट गराइएको थिया ।

त्यहाँ सडक निर्माण गर्न टर्किस इन्जिनियर खटिएका थिए । उनीहरुप्रति लक्षित गरी कार बम विस्फोट भएको हो ।

सोमालियाका विदेश मन्त्री अहमद अवाडले ट्विट गर्दै यसको पुष्टी गरेका छन् । उनका अनुसार यसरी मारिनेमा दुई टर्किस इन्जिनियर समेत छन् । सोमालियालाई टर्कीले निरन्तर सहयोग गरिरहेको छ ।

यसबाहेक बसमा यात्रा गरिरहेका बन्दिर युनिभर्सिटीका दुई दर्जन विद्यार्थीको समेत ज्यान गएको छ ।

घाइतेहरुका अवस्था गम्भीर रहेको र मृतकको संख्या अझै बढ्न सक्ने संचारमाध्यममा उल्लेख छ ।

विस्फाट निकै भयानक रहेको र त्यसपछिको कारुणिक दृष्य हेनै नसकिने अवस्था रहेको प्रत्यक्षदर्शीले बताएका छन् ।

यो विस्फोटको जिम्मा भने अहिलेसम्म कसैले लिएको छैन ।

सोमालियाका राष्ट्रपति मोहम्मद अब्दुल्लाह फर्माजोले आक्रमणको भत्र्सना गरेका छन् ।

उनले सोमालियी जनतालाई हतोत्सायी बनाउन आक्रमण भएको बताएका छन् । सोमालिया अधिक भोकमरीबाट पिडित मुलुक हो ।

एजेन्सी

काठमाडौं । आतंकवादी समूह स्लामिक स्टेट (आईएस)ले फेरी बर्बरता प्रदर्शन गरेको छ । आइएसले नाइजेरियामा ११ जनाको घाँटी रेटेर हत्या गरेको भिडियो सार्वजनिक गरेको छ ।

आईएसले अघिल्लो अक्टोबरमा नेता अबु बकर अल बगदादी र प्रवक्ता अबुल हसन अल मुहाजिर मारिएको बदला लिन ती मानिसको हत्या गरेको उल्लेख गरेको छ ।

आईएसले समाचार एजेन्सी अमाकमार्फत् एक भिडियो सार्वजनिक गरेको छ । उसले ५६ सेकेण्डको भिडियोमा सार्वजनिक गरेको छ ।

जहाँ एक जनालाई मागोली हानेर मारिएको छ । १० जनालाई भने खाल्डोमा खसाएर घाँटी रेटी हत्या गरिएको छ ।

हत्या गरिएकाको सबै पुरुष थिए । परिचय आइएसले सार्वजनिक भने गरेको छैन ।

आफ्ना नेता बगदादी मारिएपछि केही समय मौन बसेको आइएसले फेरी कायरतापूर्वक सर्वसाधारणको हत्या श्रृंखला प्रारम्भ गरेको हो ।
एजेन्सी

काठमाडौं । विवादास्पद नागरिकता विधेयकको विरोधमा भारतमा जारी आन्दोलनले हिंसात्मक रुप लिएको छ ।

खासगरी ठूलो संख्यामा रहेको मुस्लिम समुदायलाई नागरिकताबाट बन्चित गराउने गरी सरकारले कानून संशोधन गरेपछि भारतमा प्रदर्शन शुरु भएको छ ।

अहिलेसम्म २० जनाले ज्यान गुमाइसेको भारतीय संचारमाध्यमले लेखेका छन् । उत्तर प्रदेशमा मात्र ११ जनाको मृत्यु भएको छ ।

बिहारमा शनिबार समेत रेल्वे तथा सडक यातायात सेवा अवरुद्ध छ । विभिन्न् स्थानमा आन्दोलन जारी रहेको छ ।

वाराणासीमा एक बालकको भीडले किचेर मृत्यु भएको छ । अन्यलाई भने प्रहरीले गोली चलाएर मारेको हो ।

आप्रवासीलाई नागरिकता दिने सम्बन्धी कानूनमा मुस्लिमबाहेक अन्य धर्मका लागि खुकुलो कानून ल्याएपछि भारतमा त्यसले हिंसाको रुप लिएको हो ।

अफगानिस्तान । अफगानिस्तानमा शुक्रबार शक्तिशाली भूकम्प गएको छ । अफगानिस्तानमा केन्द्रविन्दु भएर ६ दशमलव ४ रेक्टर स्केलको भूकम्प गएको अमेरिकी भूगर्भ विभागले जानकारी दिएको छ ।

भूकम्पले भारत तथा पाकिस्तानमा समेत भूकम्पको धक्का महशुस भएको छ । पाकिस्तानका लाहोर, इस्लामावाद, पेशावर, मनसेरासहित सहरमा धक्का महशुस गरिएको छ ।

भारतमा राजधानी दिल्लीसहित मथुरा, लखनउ, इलाहवाद, जम्मु तथा कश्मिरमा समेत भूकम्प महशुस गरिएको छ ।

हिन्दुकुश क्षेत्रमा भूकम्प गएको हो । भूकम्पको केन्द्र समुन्द्री सतहभन्दा २ सय १० किमी गहिराईमा रहेको विभागले उल्लेख गरेको छ । भूकम्पको क्षतिको विवरण भने आइसकेको छैन ।

काठमाडौं । यूरोपेली यूनियनले फेरी पनि नेपाललाई निरास पार्दै एयर सेफ्टी लिस्ट सार्वजनिक गरेको छ । सूचिमा नेपालमा दर्ता भएका सबै वायुसेवा कम्पनी समावेश रहेका छन् ।

हरेक ६ महिनामा इयूले सूचि अपडेट गर्छ । सोही आधारमा कुनै देश कालोसूचिबाट उम्कन्छन् भने कुनै देश कायम रहन्छन् ।

यस पटक इयूले नेपालको बारेमा छलफल नै नगरेको प्राधिकरणका उच्च अधिकारीहरु बताउँछन् । इयूले नेपाल नागरिक उड्डयन प्राधिकरण ऐन कुरेर बसेको छ ।

सो ऐन आएपछि मात्र नेपालबारे उसले केही निर्णय लिने प्राधिकरणका अधिकारीहरु बताउँछन् ।

तर, इयूले भने हवाई सुरक्षामा सुधार नभएको, दूर्घटना नबढेको, नियमन कमजोर रहेको भन्दै सन् २०१३ बाट निरन्तर नेपाललाई यूरोप उडानमा रोक लगाउने गरी कालोसूचिमा राखेको छ ।

नेपालले यसबीचमा अन्तर्राष्ट्रिय नागरिक उड्डयन संगठनको गम्भीर सुरक्षा चासो पार गरिसकेको छ । तर, इयू भने अझै विश्वस्त हुन सकेको छैन ।

इयूले नेपालसहित विश्वका १५ देशका सय १५ वायुसेवा कम्पनीलाई यस सूचिमा राखेको छ ।

जसले गर्दा नेपालबाट यूरोप उडान गर्न चाहने कुनै पनि वायुसेवाले यूरोपमा उडानको अनुमति पाउँदैन । यसले भ्रमण वर्षमा नेपालबारे यूरोपमा नकारात्मक प्रभाव समेत पार्नेछ ।

काठमाडौं । नेकपा अध्यक्ष प्रचण्डले तत्कालका लागि चीन भ्रमण स्थगित गरेका छन् । प्रधानमन्त्री केपी शर्मा ओलीको स्वास्थ्य अवस्था अझै अस्थिर छ ।

सोहीकारण आफू तत्काल चीन जान नसक्ने जानकारी नेपालस्थित चिनियाँ राजदूतलाई गराइसकेको प्रचण्डको सचिवालय स्रोतले जनाएको छ ।

प्रधानमन्त्री ओलीसँग भेट गरेपछि प्रचण्डले राजदूतलाई उक्त जानकारी गराएका हुन् । यसअघि २४ मंसिरमा प्रचण्ड चीन जाने कार्यक्रम थियो ।

उनी करीव ६ दर्जन नेतासागै लिएर चीन जाने तयारीमा थिए । आगामी दुई वर्ष भित्र नेकपाका सबै नेतालाई चीन भ्रमण गराएर त्यहाको शासन व्यवस्थाबारे जानकारी गराउने योजना चीनको रहेको छ ।

सोही सिलसिलामा पहिलो टोली प्रचण्डको नेतृत्वमा जाने तयारीमा थियो ।

प्रधानमन्त्री बिरामी भई अस्पतालमा रहेका बेला परिस्थिति सम्हाल्नु पर्ने नेता विदेश भ्रमणमा जान नहुने सल्लाह नेकपाकै शीर्ष नेताले दिएका थिए । सोही अनुसार प्रचण्डले चीन जाने योजना स्थगित गरेका हुन् ।