Category: विश्व

कतार । कतारमा नेपालीले कानून विपरित राजनीतिक गतिविधि गरेको तथा चन्दा संकलन गरेको भन्दै त्यसो नगर्न सचेत गराएको छ ।

कतारस्थित नेपाली दूतावासमा पत्र पठाउँदै कतार सरकारका विभिन्न निकायले यस्तो सूचित गराएका हुन् ।

कतारमा रहेका केही समुदायले सम्बन्धित निकायबाट पूर्व स्वीकृत नलिई भेला–बैठकको आयोजना गर्ने, चन्दा–रकम संकलन गर्ने जस्ता कार्यहरु गरेको भन्दै कतार सरकारले नेपाली राजदुतावासलाई पत्र पठाएको हो ।

वैदेशिक रोजगारीको लागि कतार गएका कामदारहरुले पूर्व स्वीकृत नलिई स्थानीय कानुन र प्रचलन प्रतिकुल हुनेगरी यस्ता कार्य गरेको कतार सरकारको भनाई छ ।

दूतावासले बुधबार एक सूचना सार्वजनिक गर्दै कतार सरकारको उक्त चासोबारे सार्वजनिक गरेको हो ।

दूतावासले कतारी कानून अनुसार गैरकानूनी ठहरिने कुनै पनि गतिविधि नगर्न नेपाली समूदायसँग आग्रह गरेको छ । विभिन्न कार्यक्रम तथा गतिविधिका लागि भन्दै चन्दा संकलन गर्ने काम विदेशमा व्यापक हुने गरेको छ ।

काठमाडौं । राष्ट्रपति विद्यादेवी भण्डारीले बुधबारदेखि म्यान्मारको राजकीय भ्रमण शुरु गर्दैछिन् । परराष्ट्र मन्त्रालयका अनुसार राष्ट्रपति बुधबार म्यानमार जाने कार्यक्रम तय भएको छ ।

म्यान्मार गणतन्त्र सङ्घका राष्ट्रपति ऊ विन मिन्तको मैत्रीपूर्ण निमन्त्रणामा ३ कात्तिकसम्म उनले म्यानमारको राजकीय भ्रमण गर्न लागेकी हुन् ।

बुधबार थाइल्याण्डको बैंकक हुँदै म्यान्मारको राजधानी नेपित जाने कार्यक्रम तय भएको छ । भ्रमणका अवसरमा राष्ट्रपति भण्डारी र समकक्षी मिन्तबीच द्धिपक्षीय हितका विषयमा वार्ता हुने बताइएको छ ।

सोही अवसरमा म्यान्मारका स्टेट काउन्सिलर आङ सान सु चीबीच समेत भेटवार्ता तय भएको छ । राष्ट्रपति भण्डारीको स्वागतमा समकक्षी मिन्तले राजकीय भोज आयोजना गरेका छन् ।

उक्त मुलुकमा नेपाली मुलकका नागरिक समेत प्रशस्त बस्छन् । उनीहरुसँग समेत भेट गर्ने कार्यक्रम रहेको मन्त्रालयले बताएको छ ।

राष्ट्रपति भण्डारीसँगै परराष्ट्रमन्त्री प्रदीपकुमार ज्ञवाली, परराष्ट्र मन्त्रालय र राष्ट्रपति कार्यालयका सचिव, राष्ट्रपति कार्यालय र परराष्ट्र मन्त्रालयका उच्चपदस्थ अधिकारी तथा सञ्चारकर्मी सहभागी हुँदैछन् ।

पत्रकारिता पेशा आफैमा एक चूनौतिपूर्ण काम हो । जहाँ एक पक्षले जहिले पनि पत्रकारलाई दुष्मनका रुपमा हेर्छ ।

यस्तो अवस्थामा विश्वभर पत्रकारलाई धम्क्याउने, अपहरण गर्ने र मार्ने सम्मका काम हुन्छन् । यस्ता गतिविधिका कारण सबैभन्दा असुरक्षित मुलुक नाइजेरिया देखिएको छ ।

एम्नेस्टी इन्टरनेसनलले सोमबार सार्वजनिक गरेको प्रतिवेदन अनुसार नाइजेरियालाई पत्रकारका लागि खतरापूर्ण राष्ट्रको सूचीमा राखिएको छ ।

प्रतिवेदन अनुसार एक वर्षको अवधिमा यहाँ १९ जना पत्रकार मारिएका छन् ।

यो विश्वका अन्य मुलुकको तुलनामा निकै धेरै हो । मारिनेमध्ये सबैभन्दा धेरै सुरक्षाकर्मीको संलग्नता देखिनुबाट पनि यो मुलुक पत्रकारका लागि अत्यन्तै असुरक्षित पाइएको हो ।

सत्तापक्षबाट पत्रकारको हत्या हुनु चिन्ताको विषय भएको एम्नेस्टीको भनाई छ ।

नाइजेरियामा प्रेस स्वतन्त्रताको अवस्था नाजुक रहेको भन्दै यसले दविएका आवाज बाहिर ल्याउने अभियान नै प्रभावित भइरहेको उल्लेख गरेको छ ।

नाइजेरियामा बोको हराम नामक आतंकवादी समूह सक्रिय भई सशस्त्र द्धन्द्ध गरिरहेको छ ।

एजेन्सी

टोकियो । जापानमा आएको शक्तिशाली विनासकारी आँधिका कारण सोमबारसम्म दुई दर्जन मानिसको ज्यान गएको पुष्टी भएको छ ।

यद्दपी यो आंकडा निकै माथि पुग्न सक्ने अनुमान संचारमाध्यमले गरेका छन् । राजधानी टोकियोसहित जापानका धेरै स्थान प्रभावित हुने गरी हागिबिस नामक आँधी आएको थियो ।

जापानी संचारमाध्यम एनएचकेका अनुसार २५ जनाको निधनको पुष्टी भइसकेको छ । हजरौं सुरक्षाकर्मी उद्दारमा खटिएका छन् ।

अझै दुई दर्जन मानिस हराइरहेका छन् । शनिबार आएको आँधिले राजधानी टोकियोमा सबैभन्द बढी क्षति पुर्‍याएको छ ।

अहिले आँधि शान्त भइसकेको छ, तर, त्यसले पुर्याएको असर भने निकै भयाभह रहेको बताइएको छ । आँधिका कारण जापानमा ठूलो वर्षा भएको छ ।

यसले नदीहरुमा जलप्रवाह ह्वात्तै बढाइदिएको छ । सोहीकारण वस्तीमा नदी पस्दा ठूलो मानवीय क्षति हुन पुगेको हो । आँधिले गर्दा ३ लाख ७६ हजार घरको विद्युत आपूर्ति बन्द भएको छ ।

१४ हजार घरको खानेपानी आपूर्तिसमेत प्रभावित भएको संचारमाध्यमले उल्लेख गरेका छन् । सरकारले आँधीपछि २७ हजार सेना तथा स्वयंसेवक बललाई उद्धार र राहतमा खटाएको छ।

जापानका १२ राज्यका कम्तीमा ४८ स्थानमा पहिरो गएको छ । २१ नदीको बाँध फुटेको छ । यो आँधीलाई पछिल्लो ५० वर्षयताकै शक्तिशाली मानिएको छ ।

जापानमा आएको आँधिबाट नेपालीहरु भने सुरक्षित रहेको बताइएको छ । अहिलेसम्म कुनै पनि नेपालीबारे दुखद खबर आएको छैन ।

काठमाडौं । करीव साढे दुई दशकपछि नेपाल भ्रमणमा आएका चिनियाँ राष्ट्रपति सी चिनफिङलाई नेपालले भब्य आतिथ्यता प्रदान गरेको छ ।

राष्ट्रपतिलाई लिन विमानस्थलमै पुगेकी राष्ट्रपति विद्यादेवि भण्डारी उनको बिदाईमा समेत विमानस्थलसम्मै पुगेकी थिइन् ।

यसबाहेक सबै सम्माननीय पदधारी व्यक्तित्व विमानस्थलसम्मै पुगेर चिनियाँ राष्ट्रपतिको स्वागत तथा बिदाईमा खटिए ।

यस दौरान राष्ट्रपतिलाई सर्वसाधारण, कर्मचारीले समेत सडकमा उत्रिएर भब्य स्वागत गरेका थिए । उनको स्वागतमा सरकारले काठमाडौंलाई सफा र चिरिच्याट्ट पारेको थियो ।

बेहुलीझै सिँगारिएको काठमाडौंलाई आम सर्वसाधारणले पनि बिना कुनै विरोध सरकारको साथ दिँदै भ्रमण सफल बनाउन सहयोग गरेका छन् ।

दुई दिने नेपाल भ्रमणमा शनिबार आएका राष्ट्रपति आइतबार स्वदेश फर्किएका हुन् ।

त्यसअघि राट्रपति सी चिनफिङ र नेपालका प्रधानमन्त्री केपि शर्मा ओलीको उपस्थितिमा नेपाल र चीनबीच २० वटा सहमति तथा सम्झौतामा हस्ताक्षर भएको छ ।

दुई मुलुकबीच नेपाल चीन सीमापार रेल्वे परियोजनाको सम्भाव्यता अध्ययन गर्ने सम्झौता भएको छ । सीमा व्यवस्थापन प्रणालीबारे नेपाल र जन गणतन्त्र चीनका सरकारहरुबीच समेत सम्झौता भएको छ ।

शासन क्षमता अभिवृद्धिमा समन्वय तथा आदानप्रदान सम्बन्धी नेपाल र जनगणतन्त्र चीनका सरकारहरु बीच एमओयू भएको छ ।

आपराधिक विषयहरुमा पारस्परिक कानूनी सहायताबारे नेपाल र जनगणतन्त्र चीनबीच सन्धि गर्ने सहमति भएको छ ।

नेपाल र चीनबीच सगरमाथा संरक्षणमा समन्वय गर्ने सम्बन्धमा समेत सहमति भएको छ ।

नेपालको राष्ट्रिय योजना आयोग र चीनको राष्ट्रिय विकास आयोगबीच लगानी एवं उत्पादनशील क्षमताका प्रमुख आयोजनाहरु प्रबर्द्धन गर्ने सम्बन्धीमा समेत एमओयू भएको छ ।

छेङ्दुमा नेपालको महावाणिज्य दूतावास स्थापना गर्नका लागि एक्सचेन्ज अफ नोट भएको छ ।

चीन नेपाल सीमा वारपार रेल्वे परियोजनाको सम्भाव्यता अध्ययनबारे नेपालको भौतिक पूर्वाधार तथा यातायात मन्त्रालय र चीनको यातायात मन्त्रालयबीच एमओयू भएको छ ।

काठमाडौं महानगरपालिका र चीनको नान्जिङ शहरबीच भगीनी-शहरको सम्वन्ध स्थापना गर्ने सम्वन्धी समझदारी भएको छ ।

नेपालको बुटबल उपमाहनगरपालिका शहर र चीनको सियन शहरबीच भगीनी(शहरको सम्वन्ध स्थापना गर्ने सम्बन्धी समझदारी समेत भएको छ ।

नेपालको स्वास्थ्य तथा जनसंख्या मन्त्रालय र चीनको परम्प्रागत चिनीया ओखतिको राष्ट्रिय प्रशासनबीच परम्परागत औषधिको समन्वय सम्वन्धी एमओयू समेत दुई मुलुकबीच भएको छ ।

नेपालको गृह मन्त्रालय र चीनको आपतकालीन व्यवस्था मन्त्रालयबीच विपद् जोखिम न्यूनीकरण तथा आपतकालिन प्रतिक्रिया सम्वन्धमा एमओयू भएको छ ।

नेपालको महान्यायधिवक्ता कार्यालय र चीनको सुप्रिम पिपुल्स प्रोक्यूरेटरबीच साझेदारीका विषयमा एमओयू भएको छ ।

नेपालको त्रिभुवन विश्वविद्यालय र चीनको कन्फ्यूसियस इन्स्टिच्यूटबीच त्रिभुवन विश्वविद्यालयमा कन्फ्यूसियस इन्स्टिच्युट स्थापना गर्ने सम्वन्धमा सम्झौता भएको छ ।

नेपालको कृषि विभाग र चीनको भन्सार प्रशासनबीच नेपालबाट चीनमा अमिला फलको निर्यातका लागि वनश्पती स्वास्थ्यका मापदण्डहरुको प्रोटोकल कायम गर्ने सम्बन्धमा सहमति भएको छ ।

व्यापारमा संयुक्त कार्य समुहको स्थापनाका विषयमा नेपालको उद्योग, वाणिज्य र आपूर्ति मन्त्रालय तथा चीनको वाणिज्य मन्त्रालयबीच एमओयू भएको छ ।

नेपालमा चीनको सहयोगमा निर्मित भूकम्प मापन संयन्त्रसम्वन्धी परियोजनाको हस्तान्तरण प्रमाणपत्र आदान प्रदान भएको छ ।

नेपालको अर्थ मन्त्रालय र चीनको वाणिज्य मन्त्रालयबीच लगानी समन्वय कार्य समुहको स्थापना सम्वन्धी एमओयू दुई मुलुकबीच भएको छ ।

नेपालको अर्थ मन्त्रालय र चीनको अन्तर्राष्ट्रिय विकास समन्वय एजेन्सीबीच सुरुङ निर्माणमा सहकार्य सम्वन्धमा एमओयू भएको छ ।

सीमा सुरक्षा उपकरण तथा कार्यालय उपकरणका लागि एक्सचेन्ज अफ लेटर भएको छ भने नेपालको काठमाडौं उपत्यकामा चिनीया सहयोगमा महानगर खानेपानी आपूर्ति सुधार परियोजनाको सम्भाव्यता अध्ययनका लागि माइन्यूट अफ मिटिङमा समझदारी भएको छ ।

नेपाल भ्रमण पूरा गरी चिनियाँ राष्ट्रपति सी चिनफिङ स्वदेश फर्किनासाथ दुई मुलुकबीच संयुक्त वक्तव्य समेत जारी भएको थियो ।

पेरिस । फ्रान्समा प्रहरी मूख्यालय भित्रै चार प्रहरीको हत्या भएको छ । फ्रान्सको राजधानी पेरिसस्थित मुख्यालयमा एक व्यक्तिले ती प्रहरीको हत्या गरेको संचारमाध्यमले उल्लेख गरेका छन् ।

प्रहरीको प्रत्याक्रमणमा ति आक्रमणकारीसमेत मारिएका छन् । यद्दपी उनको नाम अझै बाहिर ल्याइएको छैन । उनी मूख्यालयको प्रशासनिक विभागमा काम गर्ने कर्मचारी रहेको बताइएको छ ।

हत्याको कारणबारे अनुसन्धान भइरहेको छ । करीव ४५ वर्ष उमेरका उनी मूख्यालयमा करीव २० वर्ष सेवा गरिसकेका कर्मचारी रहेको बताइएको छ ।

घटनालगत्तै राष्ट्रपति, प्रधानमन्त्री, गृहमन्त्रीलगायत उच्च पदस्थ अधिकारी मूख्यालय पुगेका थिए ।

उनको आक्रमणमा तीन पुरुष र एक महिला प्रहरी कर्मचारीको निधन भएको छ । फ्रान्समा मास सुटिंग र यस्ता आपराधिक गतिविधि अत्यधिक मात्रामा हुने गरेको छ ।
एजेन्सी

काठमाडौं । चिनियाँ राष्ट्रपति सी चिनफिङलाई नेपालमा राष्ट्रपति विद्यादेवि भण्डारीले स्वागत गर्ने भएकी छिन् ।

दशैं लगत्तै नेपाल आउन लागेका चिनियाँ राष्ट्रपतिको स्वागतमा अहिले देश तदारुकताका साथ खटिएको छ ।

दक्षिण भारतको तमिलनाडु राज्यस्थित ममल्लिपुरममा आयोजित एक कार्यक्रममा सहभागि भई चिनियाँ राष्ट्रपति नेपाल आउने भएका छन् ।

परराष्ट्र मन्त्रालय स्रोतका अनुसार उनी २५ असोजमा नेपाल आउने कार्यक्रम बनिरहेको छ ।

२४ असोजमा भने भारतीय प्रधानमन्त्री नरेन्द्र मोदीले भारतमा उनको स्वागत गर्दैछन् । चिनियाँ राष्ट्रपतिलाई विमानस्थलमा नेपालकी राष्ट्रपतिसहित प्रधानमन्त्रीले समेत स्वागत गर्नेछन् ।

यसबाट पनि यस भ्रमणलाई नेपालले दिएको महत्वका रुपमा चित्रण गर्न सकिन्छ । नेपालमा दुई दशकपछि औपचारिक रुपमा चिनियाँ राष्ट्रपतिका भ्रमण हुँदैछ ।

भ्रमणका बेला रणनीतिक समझदारी र सम्झौता हुने तयारी रहेको छ । राष्ट्रपति सी पहिलो पटक नेपाल आउन लागेका हुन् ।

यसअघि सी नेपालमा ८ घण्टा मात्र बस्ने बताइएको थियो । तर, पछिल्लो समय भने उनी दुई दिन नेपालमा बिताउने गरी आउने पक्का भएको हो ।

भारत र चीनको बीचमा अवस्थित नेपाल यी दुबै मुलुकको उच्च प्राथमिकतामा पर्न थालेको आभास पनि यस भ्रमणले दिने छ ।

यता, नेपाल सरकारले संघीय सरकारका कर्मचारी, सुरक्षाकर्मी, संचारकर्मी तथा अन्य निकायको दशैं बिदा कटौती गरिदिएको छ । राष्ट्रपतिको भ्रमणको तयारीका लागि भन्दै बिदा कटौती भएको हो ।

काठमाडौं । राष्ट्रपति विद्यादेवी भण्डारी दशैंपछि वैदेशिक भ्रमणमा निस्कने भएकी छिन् । परराष्ट्र मन्त्रालयका अनुसार राष्ट्रपतिको म्यानमार र जापानको भ्रमणको तयारी भइरहेको छ ।

शुरुमा म्यानमार जाने राष्ट्रपति लगत्तै जापान जाने गरी तयारी भइरहेको मन्त्रालय स्रोतको भनाई छ । त्यसो त अक्टोवर मै चीनका राष्ट्रपति सी जिनपिङ नेपाल आउँदैछन् ।

उनी नेपाल आइसकेपछि मात्र राष्ट्रपति भण्डारी विदेश जाने गरी कार्यतालिका सार्वजनिक हुने बताइएको छ । सोहीकारण राष्ट्रपति भण्डारीको भ्रमणको मिति तय भइनसकेको हो ।

चिनियाँ राष्ट्रपतिको मिति तय हुनासाथ त्यसपछि बाहिर जाने गरी नेपाली राष्ट्रपतिको वैदेशिक भ्रमण निश्चित गरिने भएको छ ।

म्यानमार हुँदै जापान जाने कार्यक्रम तय भएपनि मिति अझै तोकिएको छैन । जापान रहँदा राष्ट्रपति भण्डारी राजा नारुहितोको राज्यभिषेक समारोहमा सहभागी हुने कार्यक्रम रहेको बताइएको छ ।

यस समारोहमा विश्वभरबाट नेताहरुलाई निम्ता दिइएको छ । म्यानमारमा भने द्धिपक्षीय सम्बन्ध बिस्तारका लागि राष्ट्रपतिको भ्रमण हुन लागेको बताइएको छ ।

इस्लामावाद । पाकिस्तानमा मंगलबार साँझ शक्तिशाली भूकम्पमा परी ४ जनाको मृत्य भएको छ ।

पाकिस्तानले शासन गरेको कश्मीर क्षेत्रमा भूकम्प गएको र अहिलेसम्म ४ जनाको मृत्यु भएको अन्तर्राष्ट्रिय संचारमाध्यमले लेखेका छन् ।

घाइतको संख्या ठूलो संख्यामा रहेका कारण मृतकको संख्या बढ्न सक्ने आंशका गरिएको छ ।

भूकम्पको धक्का पाकिस्तान प्रशासित कश्मीरसहित राजधानी इस्लामावाद, लाहौर, पेशावरसम्म गरिएको बताइएको छ ।

भूकम्पबाट एक बालिकासहित ४ जनाको ज्यान गुमाइसकेको बीबीसीले उल्लेख गरेको छ ।

पाकिस्तानी सेनाका प्रवक्ता मेजर नजरल आसिफ गफूरले ट्वीट गर्दै सेनाको मेडिकल टीम घट्नामा खटिएको उल्लेख गरेका छन् ।

बीबीसीका अनुसार धक्का भारतको राजधानी नयाँ दिल्ली सम्म गरिएको छ । पाकिस्तानको पंजाबस्थित झेलम शहरदेखि करिब ५ किलोमिटर दुरीमा अवस्थित जाटलानमा भूकम्पको केन्द्रविन्दु थियो ।

भूकम्प ५ दशमलब ८ रेक्टर स्केलको रहेको अमेरिकी भूकम्प मापन केन्द्रले जानकारी दिएको छ ।

पाकिस्तानी संचारमाध्यमले भूकम्पका कारण सडकमा ठूल्ठूला चिरा परेको दृष्य प्रसारण गरेका छन् ।

एजेन्सी

अफगानिस्तान । अफगानिस्तानमा भएको एक आत्मघाती आक्रमणमा २४ जनाले ज्यान गुमाएका छन् । ३२ घाइते छन् ।

अफगानिस्तानको परवान प्रान्तमा भएको आत्मघाती बम हमलामो यो हताहती भएको हो । राष्ट्रपति अशरफ गनीको चुनावी र्यालीमा भएको यो विस्फोटमा राष्ट्रपति भने सुरक्षित रहेका छन् ।

मोटरसाइकलमा आएका आत्मघातीले आफैले आफैलाई बममा उडाएका थिए ।

मृत्यु हुनेमा महिला र बालबालिकाको संख्या अधिक रहेको स्थानीय प्रहरीलाई उदृत गर्दै संचारमाध्यमले लेखेका छन् ।

यस हमलाको कुनै पनि समूहले जिम्मेवारी लिएको छैन । पछिल्लो समय अफगानिस्तानमा हिंसात्मक घटना बढेका छन् । अ

गस्ट महिनामा मात्र यस मुलुकमा भएको हिंसात्मक घटनामा करस्व २४ सय मानिसको ज्यान गएको तथ्यांक छ ।