Category: विश्व

नयाँ दिल्ली । भारतीय प्रधानमन्त्री नरेन्द्र मोदीको आसन्न अमेरिका भ्रमणका दौरान राष्ट्रपति डोनाल्ड ट्रम्पसँग भेटवार्ता तय भएको छ ।

करीव ५० हजार भारतीयको सहभागितामा अमेरिकामा हाउडी मोदी नामक कार्यक्रम आयोजना गरिएको छ । २२ सेप्टेम्बरमा हुने उक्त कार्यक्रमका दौरान भारतीय प्रधानमन्त्री मोदी र राष्ट्रपति ट्रम्पबीच भेट हुने भएको हो ।

यस कार्यक्रमका दौरान आयोजना हुने साझा र्यालीमा दुबै राष्ट्रप्रमुख सहभागी हुनेछन् ।

अमेरिकाको टेक्सास राज्यस्थित ह्यूस्टनमा आयोजना हुने यस कार्यक्रमले दुई मुलुकबीचको सम्बन्ध मजवुत बनाउने विश्वास लिइएको अन्तर्राष्ट्रिय संचारमाध्यमले उल्लेख गरेका छन् ।

ह्वाइट हाउसले उक्त कार्यक्रममा राष्ट्रपतिको सहभागिता पुष्टी गरेको छ । यस कार्यक्रममा सहभागी हुन ५० हजारले नाम रजिष्ट्रेसन गराइसकेका छन् भने अझै ८ हजार मानिस आफ्नो सहभागिता सुनिश्चितताको पर्खाईमा रहेका छन् ।

अमेरिकाका लागि भारतका राजदूत यस कार्यक्रममा राष्ट्रपति ट्रम्पको सहभागिता ऐतिहासिक क्षण हुने बताएका छन् ।

यस र्यालीमा अमेरिकाका करीव ५० जना सांसदले समेत भाग लिँदैछन् । मोदीको यो दोस्रो कार्यकालको पहिलो अमेरिका भ्रमण हो ।

त्यसअगाडी मोदीको स्वागतमा म्याडिसन स्क्वायर गार्डेन र क्वालिफोर्नियाको सिलिकन भ्यालीमा कार्यक्रम आयोजना गरिदैछ ।

यी दुबै इभन्टमा करीव २०\२० हजार मानिस सहभागि हुने निश्चित भएको छ ।

एजेन्सी

अफगानिस्तानमा जारी हिंसा अन्त्यका लागि महत्वपूर्ण मानिएको शान्ती सहमति अमेरिकी राष्ट्रपति डोनाल्ड ट्रम्पले अस्वीकृत गरेका छन् ।

तालिबानसँग शान्ति सहमति भएपछि तालिवानले लगातार दुई बम विस्फोट गराइयो । जहा अमेरिकी सैनिकको समेत ज्यान गएपछि राष्ट्रपति ट्रम्प सहमतिबाट पछि हट्ने रणनीतिमा पुगेका हुन् ।

आइतबार अफगानिस्तानका राष्ट्रपति अशरफ घानी तथा तालिबान नेताहरुसँग क्याम्प डेविडमा भेटघाटको कार्यक्रम रहेको छ ।

ट्रम्पले भने तालिवान नसच्चिएसम्म उसँग शान्ती सहमति कायम रहन नसक्ने बताएको छन् ।

अघिल्लो साता काबुलमा दुई आक्रमण भएका छन् । यो आक्रमण तालिवान र अमेरिकाबीचको शान्ती सहमतिपछि भएको हो । जहाँ अमेरिकी सैनिकको समेत ज्यान गएको छ ।

अफगानिस्तानमा १८ वर्षदेखि जारी युद्धमा लाखौ सर्वसाधारणले अकालमा ज्यान गुमाउन बाध्य भएका छन् ।

युद्धलाई पूर्णविराम लगाउने लक्ष्यसहित शान्ति वार्ता चलिरहेकै बेला तालिबानले धमाधम आक्रमण गरिरहेको छ ।

शान्ती सहमति अनुसार नै अफगानिस्तानबाट ५४ सय सैनिक फिर्ता लैजाने सहमति भएको थियो ।

एजेन्सी

अफगानिस्तानमा खटिएका ५४ सय अमेरिकी सेना स्वदेश फिर्ता हुने भएका छन् ।

तालिबान लडाकु समूहसँग आगामी २० साता भित्रै ५४ सय अमेरिकी सेना फिर्ता लैजाने सहमति भएको एक अमेरिकी उच्च अधिकारीले जनाएका छन् ।

बीबीसीका अनुसार उनी वाशिङटनका तर्फबाट तालिवान लडाकुसँग वार्तामा खटिएका एक उच्च वार्ताकार थिए ।

जालमाइ खलिलजाद नामक ति अधिकारीले टेलिभिजन अन्तर्वार्ताका दौरान सहमतिको विवरणबारे केही खुलाएका हुन् ।

सहमतिलाई अमेरिकी राष्ट्रपति डोनाल्ड ट्रम्पले अनुमोदन गरेपछि कार्यान्वयनमा आउने उनले जानकारी गराएका छन् ।

अमेरिकासाग सहमतिका वावजुत पनि अफगानिस्तानमा तालिवानको आक्रमण भने रोकिएको छैन । सोमबार मात्र काबुलमा भएको विस्फोटमा ५ जनाको ज्यान गएको छ ।

यसको जिम्मेवारी समेत तालिवानले लिएको छ । खलिलजाद तालिबान-अमेरिका सहमतिका रणनीतिकार मानिन्छन् । लामो समयदेखि तालिवान अमेरिकासँग वार्तामा बस्न मानिरहेको छैन ।

उसले मच्याएको हिंसात्मक गतिविधिका कारण अफगानिस्तानमा लाखौं निहत्था मानिसको ज्यान गइसकेको छ ।

सैनिक फिर्ताको बदलामा तालिबानले अमेरिका र उसका साझेदारविरुद्ध आक्रमण गर्नेहरूका अफगानिस्तान अखडा नबन्न सुनिश्चित गर्ने सहमति भएको बताइएको छ।

अहिले अमेरिकामा १४ हजार अमेरिकी सैनिक तैनाथ छन् ।

एजेन्सी

वासिंटन । आइतबारदेखि अमेरिकामा ठूलो परिमाणको चिनियाँ सामानमा नयाँ कर प्रणाली लागु भएको छ । यो यस्तो अवस्थामा लागु भएको छ, जहाँ विश्व अर्थतन्त्र मन्दीको चपेटामा छ ।

सूनको भाउले चुचुरो छोएको छ भने संसारभरको शेयर बजारमा भारी गिरावट आउने क्रम जारी छ । चीनले समेत अमेकिरी सामानमा कर वृद्धिको घोषणा गरेको छ ।

चीनलाई दवाव दिन आइतबार देखि अमेरिकाले नयाँ कर नीति ल्याएको हो । यस नीतिले कर बढाइदिएको छ ।

जसको असर अब अमेरिकामा आयात हुने चिनियाँ सामान महगो हुनेछन् । यो निकै ठूलो परिमाणमा हुनेछ । किनकी अमेरिकाले ३ सय अर्ब अमेरिकी डलर बराबरको सामानमा यस्तो कर बढाइदिएको छ ।

यसले आर्थिक मन्दी तथा मंहगी वृद्धिमा अझ बढी सहयोग आंशका अर्थशास्त्रीहरुको रहेको छ ।

नयाँ कर नीतिले खाद्य सामग्री, खेलकुदका सामान, संगीत, फर्निचरसहित दैनिक उपभोग्य वस्तुको भाउ बढाउने छ ।

चीनसँग नयाँ व्यापार सम्झौता नहुने हो भने यस वर्षको अन्त्यसम्म सबै चिनियाँ सामानको भाउ अमेरिकामा निकै बढ्नेछ ।

त्यसले आयात घट्न गई चीनले ठूलो आर्थिक मन्दि भोग्नुपर्ने चेतावनी अमेरिकाको रहेको छ ।

अमेरिकाको यही चेतावनीका बीच चीनले समेत अमेरिकी सामानको कर बढाइदिएको छ ।

एजेन्सी

टेक्सास । बन्दुकधारीले अन्धाधुन्ध गोली चलाउँदा अमेरिकामा कम्तिमा ५ जनाको मृत्यु भएको छ । अमेरिकाको टेक्सासमा यो घटना भएको हो । जहाँ एक महिनाको अन्तरमा दोस्रो पटक यस्तो आततायी घटना भएको छ ।

यसअघि टेक्सासमै एक बन्दुकधारीले गोली चलाउँदा २२ जना मारिएको थिए । बीबीसीका अनुसार घटनामा कम्तिमा २० जना घाइते छन् ।

उनीहरुको स्थानीय अस्पतालमा उपचार भइरहेको छ । स्थानीय समय अनुसार शनिबार अपरान्ह एक बन्दुकधारीले मानिसहरुलाई लक्षित गरी अन्धाधुन्ध गोली चलाएको थियो ।

टेक्सासको पश्चिमी शहर ओडेसा र मिडल्याण्डमा बन्दुकधारीले गाडी भित्रबाटै मानिसहरुमाथि गोली चलाएको प्रहरीको भनाई छ । त्यसपछि प्रहरीले जवाफी कारवाही गरेको थियो ।

प्रहरीको गोलीले बन्दुकधारीको समेत मृत्यु भएको बताइएको छ । घाइतेमध्ये ७ जना गम्भीर छन् ।

२ जना नावालकको समेत उपचार भइरहेको छ । घाइते हुनेमा प्रहरी अधिकारीहरु समेत रहेको समाचारमा उल्लेख गरिएको छ ।

अमेरिकामा मास सूट एक सामान्य घटना भइसकेको छ । जहाँ वर्षेनी ४० हजार भन्दा बढी मानिसको मृत्यु यसरी सनकको भरमा हुने घटनाबाट हुने गरेको छ ।

काठमाडौं । जम्मू कश्मीर प्रकरणपछि चिसिएको भारत र पाकिस्तान सम्बन्ध सुधारमा नेपालले पुलको रुपमा काम गर्ने संकेत देखाएको छ ।

नेपालको पहलमा दक्षिण एसियाली क्षेत्रीय सहयोग संगठन (सार्क) को विदेशमन्त्रीस्तरीय बैठक अमेरिकाको न्यूयोर्कमा बस्ने भएको छ ।

जुन बैठकमा भारत र पाकिस्तान समेत सहभागी हुनेछन् । भारतीय विदेश मन्त्री केही साता अगाडी नेपाल आएको मौकामा नेपाली समकक्षीसँग छलफल गरेका थिए ।

लगत्तै परराष्ट्रमन्त्री प्रदीपकुमार ज्ञवालीले पाकिस्तानी विदेशमन्त्री शाह महमूद कुरैसीसँग टेलिफोन वार्ता गरे ।

उनको पहलमा अन्ततः न्यूयोर्कमा सार्क मुलुकका विदेशमन्त्रीहरुको बैठक बस्ने सहमती भएको मन्त्रालयले स्रोतले जानकारी दिएको छ ।

नेपालको प्रस्तावमा दुबै देश सहमत भएपछि बैठक सम्भव देखिएको मन्त्रालयको भनाई रहेको छ । संयुक्त राष्ट्रसंघको महासभामा भाल लिन नेपालबाट परराष्ट्रमन्त्री प्रदीपकुमार ज्ञवाली अमेरिका जाने कार्यक्रम छ ।

यस वर्ष महासभामा नेपालको प्रतिनिधित्व उनैले गर्नेछन् । प्रधानमन्त्री उपचारका सिलसिलामा सिंगापुरमा रहेका कारण परराष्ट्रमन्त्रीले नेपालको प्रतिनिधित्व गर्न लागेका हुन् ।

नेपालले कश्मीरको मामलामा कुनै पनि मुलुकको पक्ष लिएको छैन । त्यसकारण तटस्थ भूमिकालाई आफूतिर आकर्षित गर्न भारत र पाकिस्तानले नेपाललाई उच्च प्राथमिकतामा राखिरहेका छन् ।

आगामी ९ असोजमा सार्क मुलुकका विदेशमन्त्रीको बैठक हुने तय भएको छ । ७४ औं महासभामा ३१ बाट शुरु हँदैछ । उच्चस्तरीय बैठकको कार्यक्रम भने ७ असोजपछि राखिएका छन् ।