काठमाडौं । इराक र सिरियामा अमेरिकी सेनाले पुनः कारवाही तिब्र बनाएको छ । आफ्नो मुलुकका एक ठेकेदार मारिएपछि आक्रोसित बनेको अमेरिकी सेनाले इराक र सिरियाका लडाकु शिविरमा आक्रमण थालेको हो ।
कताइब हिज्बुल्लाहले नियन्त्रणमा लिएका क्षेत्र र हातहतियार भण्डारण गर्ने स्थानलाई निसाना बनाएर सेनाले आक्रमण थालेको अन्तर्राष्ट्रिय संचारमाध्यमले लेखेका छन ।
अमेरिकाको नजरमा हिज्बुल्लाह एक आतङ्कवादी सङ्गठन हो । अघिल्लो साता किर्कुक भन्ने स्थानमा आतंकावादीहरुले रकेट आक्रमण गरेका थिए । जहाँ एक अमेरिकी ठेकेदारको ज्यान गएको थियो ।
अमेरिकी सेनिक र इराकका उच्च अधिकारीसमेत यस आक्रमणमा घाइते भएका थिए । सोही आक्रमणपछि विच्किएको सेनाले लडाकु शिविरमा आक्रमण थालेको हो ।
आइतवार इराकको अलकाइम जिल्लामा आक्रमण गरिएको छ । यो सिरियाको सीमाना हो । आक्रमणमा कम्तीमा १८ लडाकुको मृत्यु अधिकारीहरुले दावि गरेका छन् । ५० जनाभन्दा बढी घाइते छन् ।
एजेन्सी
