काठमाडौं । भदौं पहिलो साता सिल्क एयरको जहाज चढेर त्रिभुवन विमानस्थलबाट सिंगापुर उड्ने क्रममा रहेका गैरआवासीय नेपाली संघका अध्यक्ष भवन भट्टलाई असामान्य व्यवहार देखाएको भन्दै पाइलटले जहाजबाट पठाए ।
उक्त दिन भट्ट र उनका एक सहयोगीले मात्र जहाजमा असामान्य व्यवहार देखाएका थिए, दुबैजनालाई जहाज बाहिर निकालियो र प्लेन उड्यो ।
शनिबार एक भीड नेपालगन्ज विमानस्थलमा संस्कृति, पर्यटन तथा नागरिक उड्डयन मन्त्री योगेश भट्टराई माथि आइलाग्यो । जहाज चढ्ने क्रममै उनीमाथि हातपातको प्रयास भएको थियो ।
जहाज चढिसकेपछि भिडियो खिच्दै तथानाम भनिएको छ । यसको मूख्य कारण मन्त्रीले कुराएको थियो । यो भीडको नेतृत्व ज्ञानेन्द्र शाही नामक व्यक्तिले गरेका थिए ।
उनी सामाजिक संजालमा खुलेआम राजतन्त्रको वकालत गर्ने र वर्तमान व्यवस्थापति वितृष्णा फैलाउने काम गर्छन् । सोही काण्डमा यस अगाडी समेत उनलाई प्रहरीले पक्राउ गरिसकेको छ ।
नेपालगन्ज विमानस्थलका अनुसार बुद्ध एयरको जहाज साँझ ६ः११ मा अवतरण गरेको थियो । ६ः४८ मिनेटसम्म यात्रु झर्न, इन्धन भर्न, ब्यागेज निकाल्न, ब्यागेज राख्न, सरसफाई गर्न र नेपालगन्जमा यात्रु चढ्नसमेय लागेको थियो ।
मन्त्री भट्टराई ६ः५८ मिनेट जाँदा जहाज भित्र छिरिसकेका थिए । करीव १० मिनेट यात्रुले अतिरिक्त समय कुर्नुपरेको थियो ।
तर, मन्त्रीले मिल्ने भए रोक्नुस, नभए म नेपालगन्जमै बस्छु भनेर विमानस्थलका कर्मचारी तथा एयरलाइन्सलाई भनेका थिए ।
अन्तिम उडान भएका कारण बुद्धले मन्त्रीका लागि १० मिनेट जहाज कुरेको थियो । मन्त्री चढिसकेपछि लफडा भयो र करीव १५ मिनेट ढिला गरी ७ः०६ मिनेट जाँदा जहाज उडेको थियो ।
हवाई विज्ञहरु भवन भट्टभन्दा हवाई सुरक्षाका दृष्किोणबाट अराजक भीडको नेतृत्व गर्ने व्यक्तिलाई खतरनाक मान्छन् । यस्तो बेला पाइलटले आफ्नो अधिकार प्रयोग गरी अराजक भीडलाई जहाजबाट बाहिर निकाल्न समेत सक्छन् ।
नेपाल सरकारका एक पूर्वसचिव भन्छन्, बरु जहाज रित्तो आउन सक्छ, तर जोखिम मोलेर उड्न पाइदैन ।
यसो गरेको पाइए अन्तर्राष्ट्रिय क्षेत्रमा नेपालले जवाफ दिनु पर्छ । यो उडान सुरक्षा विपरितको काम हो ।
त्यसो वायुसेवा संचालक संघ (आयोन) ले नेपालगञ्ज विमानस्थलमा संस्कृति, पर्यटन तथा नागरिक उड्डयन मन्त्री योगेश भट्टराईमाथि भएको अभद्र व्यवहारलाई दुखद भनेको छ ।
वायुयानभित्र शान्ति सुव्यवस्था र अनुशासन कायम राख्नु उडान सुरक्षा र हवाई सुरक्षा पक्षका लागि अपरिहार्य हुने भन्दै आयोनले शान्ती सुरक्षा र अनुशासन कायम राख्नु यात्रुको दायित्व हुने उल्लेख गरेको छ ।
अन्तर्राष्ट्रिय मूल्य–मान्यता तथा मुलुक भित्रकै नागरिक उड्डयन सुरक्षा नियमावलीले समेत समेटेको विषय र यसको प्रतिकुल हुने व्यवहार नियन्त्रण गर्न कानूनी व्यवस्था समेत रहेको समेत रहेको भन्दै आयोगले कानूनी कारवाहीतर्फत पनि इंगित गरेको छ ।
पाइलटलाई कुनै पनि यात्रुको व्यवहार असामान्य लागेमा जहाजबाट निकाल्न सक्ने अधिकार अन्तर्राष्ट्रिय कानूनहरुले दिएका छन् ।
उता, मन्त्री भट्टराईको सचिवालयले समेत आइतबार साँझ विज्ञप्ती जारी गर्दै नियोजित रुपमा घटाइएको यो घटनाबाट विचलित नहुने उल्लेख गरेको छ ।
आइतबार नै मन्त्रीले नेपालगन्ज घटनाबारे झूट बोलेको भन्दै पत्रकार सम्मेलन राखेका ज्ञानेन्द्र शाहीमाथि पत्रकार सम्मेलनकै दौरान हातपात भएपछि उनलाई प्रहरीले नियन्त्रणमा लिएको थियो । केही समयपछि उनलाई रिहा गरियो ।
