काठमाडौं । प्रधानमन्त्री शेरबहादुर देउवा आइतबार नेकपा माओवादी केन्द्रको महाधिवेशन तथा राष्ट्रिय सम्मेलनको उद्घाटन सत्रमा करीप ३ घण्टा बसे । आफुभन्दा अगाडीका सबै वक्ताको भाषण सुनेका उनले प्रचण्ड भन्दा अगाडी अन्तिम दोस्रो वक्ताका रुपमा भोषण गरे । सो क्रममा उनले माओवादी केन्द्रका अध्यक्ष प्रचण्डको खुलेर प्रसंशा गरे ।
प्रचण्डको जोडबलमा नेपालमा संविधानसभा निर्वाचन भएको र सोही निर्वाचनमा टेकेरै मुलुकमा गणतन्त्र, संघीयता, समानुपातिक समावेशी संविधान बनेको उनको भनाई छ । प्रचण्डकैं कारण २००७ सालदेखि देखेको सपना नेपालमा पुरा भएको समेत उनले उल्लेख गरे ।
‘नेपालको राजनीतिमा प्रचण्डको ठूलो योगदान छ, उनले भने ‘उहाँको बलले संविधानसभामा हामीहरु गएका हौं । पुष्पकमलजीकै अगुवाइमा संविधानसभाको चुनाव भएर संविधानसभाबाट संविधान बनेको छ ।’
संविधान बनाउन समेत प्रचण्डको सबैभन्दा महत्वपूर्ण योगदान भएको विषय सबैले मान्नुपर्ने उनको भनाई छ । फरक प्रसंगमा उनले ठबन्धन कसैको बर्खिलापमा नबनेको भन्दै शंका नगर्न अनुरोध गरे । अहिलेको गठबन्धन कसैको विरुद्धमा बनेको होइन भन्दै उनले अहिलेको संविधानबाट संसद् बीचमा भंग नहोस् । संविधान अनुसार संसद चलोस् भन्ने पुनित लक्ष्यका साथ बनेको उल्लेख गरे ।
