काठमाडौं । कोरोना भाइरसको महामारी अहिले सारा विश्वमा नै व्याप्त छ । कोरोना भाइरसका कारण हालसम्म विश्वमा ११ लाख २ हजार ८४४ जनाको मृत्यु भएको छ भने ३ करोड ९१ लाख ५८ हजार १०१ जनालाई कोरोना संक्रमण भएको छ ।
त्यस्तै २ करोड ९३ लाख ७५ हजार ९३० जना कोरोना संक्रमण मुक्त भएका छन् भने ७० हजार ८८८ जनाको स्वास्थ्य अवस्था गम्भीर रहेको छ ।
विश्वमा सक्रिय कोरोना संक्रमितको संख्या ८६ लाख ७९ हजार ३२७ रहेको छ । यसैबीच अमेरिकामा २ लाख २२ हजार ७१७ जनाको मृत्यु भएको छ भने ८२ लाख १६ हजार ३१५ जनालाई कोरोना संक्रमण भएको छ ।
त्यस्तै ५३ लाख २० हजार १३९ जना संक्रमण मुक्त भएका छन् भने २६ लाख ७३ हजार ४५९ जना उपचाररत छन् । त्यस्तै १५ हजार २७० जनाको स्वास्थ्य अवस्था गम्भीर रहेको छ ।
अमेरिकाको क्यालिफोर्नियामा हालसम्म १६ हजार ८४० जनाको मृत्यु भएको छ भने ८ लाख ६८ हजार ५६९ जनालाई कोरोना संक्रमण भएको छ । त्यस्तै टेक्सासमा ८ लाख ५७ हजार १०२ जना संक्रमित रहेका छन् भने १७ हजार ३९३ जनाको मृत्यु भएको छ ।
त्यस्तै फ्लोरिडामा ७ लाख ४४ हजार ९८८ जनालाई संक्रमण भएको छ भने १५ हजार ७३७ जनाको मृत्यु भएको छ ।
अमेरिकामा बिहीवार मात्रै ६६ हजार १२९ जना संक्रमित थपिएका छन् । यो संख्या अगस्ट १ यताकै सबैभन्दा धेरै हो । त्यस्तै अमेरिकामा बिहीवार ८७४ जनाको मृत्यु भएको छ ।
