Author: Vishwanews.com

काठमाडौं । नेपालमा कोरोना भाइरसको संक्रमणबाट थप २२ जनाको मृत्यु भएको छ ।

स्वास्थ्य तथा जनसंख्या मन्त्रालयका अनुसार पछिल्लो २४ घण्टामा कोरोना संक्रमणबाट देशभर ५ महिला र १७ पुरुषको मृत्यु भएको हो । यो एकै दिन हालसम्मकै धेरै मृत्यु हो।

काठमाडौंमा ६६ वर्षीया महिला, ६०, ७०, ७५ र ८३ वर्षीय पुरुषको मृत्यु भएको छ।

सुनसरीमा ६३ वर्षीया महिला र ६५ वर्षीय पुरुष, धनकुटामा ६१ वर्षीया महिला, सर्लाहीमा ३८ वर्षीय पुरुष, ललितपुरमा ४९, भक्तपुरमा ४४ र ५७, नुवाकोटमा ७७ वर्षीय पुरुषको मृत्यु भएको मन्त्रालयले जनाएको छ।

यस्तै, चितवनमा ७५ वर्षीया महिला, उमेर नखुलेको एक पुरुष, ४७ र ९८ वर्षीय पुरुष, मकवानपुरमा ८५ वर्षीया महिला, सिन्धुपाल्चोकमा ६३, रुपन्देहीमा ६०, ६१ र ८४ वर्षीय पुरुषको मृत्यु भएको छ।

हालसम्म कोरोना संक्रमणबाट मृत्यु हुनेको संख्या ६३६ पुगेको छ । यो संख्या कुल संक्रमितको शून्य दशमलव ५९ प्रतिशत हो ।

नेपालगन्ज । बाँकेमा कोरोना भाइरसको संक्रमणबाट थप दुई जनाको ज्यान गएको छ । नेपालगञ्जस्थित भेरी अस्पतालमा उपचार गराइरहेका दुईजना कोरोना संक्रमितको ज्यान गएको हो ।

नेपालगञ्ज उपमहानगरपालिका–१० ट्राफिक चोकका ८४ वर्षीय पुरुष र कोहलपुर नगरपालिका वडा नंं ८ निवासी ७१ वर्षीया महिलाको गत राती निधन भएको हो । स्वास्थ्य कार्यालय बाँकेका अनुसार नेपालगञ्जस्थित भेरी अस्पतालको कोरोना आइसोलेसन वार्डमा उपचाररत पुरुषको शनिबार राति १० बजे मृत्यु भएको हो ।

त्यसलगत्तै महिलाको समेत ज्यान गएको हो । पुरुष श्वासप्रश्वास सम्बन्धी समस्या आएपछि अस्पताल भर्ना भएका थिए । अब बाँकेमा कोरोना संक्रमणबाट मृत्यु हुनेको संख्या २६ पुगेको छ । अन्य जिल्लाबाट उपचारका लागि आई ज्यान गुमाउने भने १२ जना छन् ।

काठमाडौं । संस्कृति, पर्यटन तथा नागरिक उड्डयन मन्त्री योगेश भट्टराईलाई कोरोना भाइरसको संक्रमण पुष्टी भएको छ । उनी आफैले यसको पुष्टी गरेका छन् । ट्वीटमार्फत उनले आफुमा कोरोना भाइरसको संक्रमण पुष्टी भएको जानकारी गराएका हुन् । उनका अनुसार शुक्रबार हल्का ज्वरो आएपछि शनिबार परीक्षण गरेका थिए ।

त्यसअघि सोमबार कोरोना परीक्षण गराएर नेगेटिभ भई काठमाडौं बाहिरका कार्यक्रममा भाग लिएको र त्यसपछि काठमाडौं आएको उनले बताएका छन् । शनिबार परीक्षण गर्दा आफुमा कोरोना देखिएको उनले जानकारी दिएका छन् ।

उनले केही दिनयता सम्पर्कमा आएका सबैलाई परीक्षण गर्न सुझाव दिँदै आफ्नो कारणले पर्न गएको असुविधाप्रति क्षमा समेत मागेका छन् ।

काठमाडौं । सरकारले अनसन तोड्न डा. गोविन्द केसीसँग आग्रह गरेको छ । डा. गोविन्द केसी र सरकारी वार्ता टोलीबीच शनिबार समेत सहमति नबनेपछि सरकारले अनसन अन्त्य गर्न डा. गोविन्द केसीलाई आग्रह गरेको हो । सहमति प्रयास शनिबार समेत गरिएको थियो । तर, सफल हुन सकेन । त्यसपछि शिक्षा सचिव गोपी मैनाली नेतृत्वको सरकारी वार्ता टोलीले शनिबार एक वत्तव्य जारी गरेर डा. केसीलाई उक्त आग्रह गरेको हो ।

सरकारी मेडिकल कलेज तथा प्रतिष्ठानमा चिकित्सा शिक्षाका विभिन्न तह तथा विषयका शैक्षिक कार्यक्रम सञ्चालन गर्न सालवसाली बजेट विनियोजन गरेर योजनाजद्ध रुपमा काम भइरहेको सरकारको भनाई छ ।

गेटा मेडिकल कलेज भवन र अस्पताल भवन निर्माण सम्पन्न भइसकेको र अन्य पूर्वाधार निर्माण भइरहेको सन्दर्भमा केसीका माग सम्बोधन भइरहेको सरकारको धारणा छ । सरकारी वार्ता टोलीका अनुसार कर्णाली स्वास्थ्य विज्ञान प्रतिष्ठानमा एबीबीएस कार्यक्रम सञ्चालन गर्न चिकित्सा शिक्षा आयोग समक्ष स्वयंम मुल्यांकन प्रतिवेदन पेश भइसकेको छ ।

प्रत्येक प्रदेशमा सरकारी मेडिकल कलेज स्थापना गर्न बर्दिबास, बुटवल र सुर्खेतमा जग्गा प्राप्ति र गुरुयोजना स्वीकृत भइसकेको छ वातावरणीय प्रभाव मूल्यांकन स्वीकृतिको अन्तिम चरणमा रहेको वार्ता टोलीले उल्लेख गरेको छ ।

राप्ती स्वास्थ्य विज्ञान प्रतिष्ठानमा एबीबीएस लगायतका कार्यक्रम सञ्चालन गर्न गुरुयोजना पारित भइसकेको समेत सरकारको दावि छ । पोखरा स्वास्थ्य विज्ञान प्रतिष्ठानमा स्नातकोत्तर तहको शैक्षिक कार्यक्रम सुरु भएको बताइएको छ ।

डोटी,डडेलधुरा, उदयपुर र इलाम, पाँचथरमा सरकारी मेडिकल कलेज खोल्न प्रारम्भीक सम्भाव्यता अध्ययन भएर प्रतिवेदन आइसकेको सरकारी टोलीले उल्लेख गरेको छ । सप्तरीमा रामराजा प्रसाद सिंह स्वास्थ्य विज्ञान प्रतिष्ठानको पूर्वाधार विकास समिति बनिसकेको सरकारी वार्ता टोलीले दावि गरेको छ ।

काठमाडौं । सरकार र अनशनरत डाक्टर गोविन्द केसी पक्षबीच शुक्रबारको वार्ता असफल भएको छ । वार्ता बिना निश्कर्ष टुङ्गिएको वार्तामा सहभागीहरुले जानकारी दिएका छन् । शुक्रबार राती अबेरसम्म चलेको छलफलमा बिहीबार बनेको सहमतिको मस्यौदाबाट सरकार पछि हटेको आरोप केसी पक्षधर सदस्यहरुले लगाएका छन् ।

सोहीकारण शुक्रबार नै सहमति हुने भनिएको वार्ता भाँडिएको थियो । उता, सरकारी वार्ता टोलीले भने केही बुँदामा थप छलफलको आवश्यकता रहेको र शनिबार त्यसमा प्रयास हुने बताएको छ । स्रोतका अनुसार आज पुनः छलफल हुनेछ ।

वार्ता चलिरहेपनि २७ औं दिनदेखि आमरण अनसनमा बसेका डा. केसीको स्वास्थ्य अवस्था गम्भीर बन्दै गरेको छ । एक दिनको ढिलाईले समेत उनमा असर पर्न सक्छ । सोहीकारण डा. केसी पक्षले सरकार जानाजान उनको ज्यान जोखिममा पार्न खोजेको आरोप लगाउँछन् । डा. केसी आइसीयुमा भर्ना हुन समेत मानिरहेका छैनन् ।

काठमाडौं । नेपालमा पछिल्लो २४ घण्टामा थप २०५९ जनामा कोरोना संक्रमण पुष्टि भएको छ।

स्वास्थ्य तथा जनसंख्या मन्त्रालयको अनुसार २४ घण्टामा गरिएको १३ हजार २७९ जनाको पीसीआर परीक्षणमा थप २०५९ जनामा कोरोना संक्रमण पुष्टि भएको हो ।

योसँगै संक्रमितको कुल संख्या १ लाख ६ सय ७६ पुगेको छ।

पछिल्लो २४ घन्टामा थप १६८० जना कोरोना संक्रमणमुक्त भएका छन्। योसँगै देशभर डिस्चार्ज हुनेको संख्या ७३ हजार ०२३ पुगेको छ। देशभर २७ हजार ५३ जना ८४सक्रिय संक्रमित छन्।

काठमाडौं । स्वास्थ्य तथा जनसंख्या मन्त्रालयले कोभिड-१९ संक्रमण भएका व्यक्तिहरु आइसाेलेसनमा नबसी बाहिर हिँडेको पाइए कारबाही गरिने बताएको छ।

मन्त्रालयका प्रवक्ता जागेश्वर गौतमले कोभिड-१९ पोजिटिभ देखिएका व्यक्ति आइसोलेसनमा नबसी बाहिर हिँडेको जानकारी आएको बताउँदै त्यस्तो थाहा पाए जानकारी गराउन आग्रह गरे।

आइसोलेसनमा नबस्ने व्यक्तिहरुलाई संक्रामक रोग एन अनुसार ६ महिना जेल सजाय हुने गौतमको भनाई छ।

‘पोजेटिभ आएको व्यक्ति आइसोलेसनमा नबसी बाहिर हिँडेको छ र कसैको सम्पर्कमा आएको छ भने संक्रामक रोग ऐनअनुसार ६ महिना जेल सजाय हुने व्यवस्था छ,’ प्रवक्ता गौतमले भने, ‘हामीले गृह मन्त्रालयसँग र जिल्ला प्रशासन कार्यालयलाई आइसोलेशनमा नबस्ने व्यक्तिहरुलाई पक्राउ गरेर कारबाही गर्न अनुरोध गरेका छाैं।’