काठमाडौं । अबको एक साता भारत र चीनतर्फको सीमा नाका नेपालले बन्द गर्ने भएको छ । सरकारले भारत र चीनतर्फका सबै सीमा नाका एक सातासम्म बन्द गर्ने निर्णय गरेको हो ।
आइतबार बसेको मन्त्रिपरिषद्को बैठकले सीमा नाका बन्द गर्ने निर्णय गरेको हो । सोमबार विहान १० बजेबाट एक साताका लागि नाका बन्द हुने भएका छन् ।
भारतमा कोरोनाको संक्रमण देखिएपछि नेपालले सीमा नाका बन्द गर्ने प्रस्ताव राखेको थियो । भारतले भने आनकानी गर्दै आएको छ ।
यसबीचमा धेरै ठूलो सख्यामा नेपालीहर घर फर्किसकेका छन् । भारतमो कोरोनाको संक्रमण तिब्र रुपमा फैलिरहेको छ । बिहारमा समेत यसबाट मानिसको ज्यान गएको छ । सोहीकारण नेपालले नाका बन्द गर्ने निर्णय लिएको हो ।
शनिबार बसेको कोरोना रोकथामसम्बन्धी उच्चस्तरीय समितिको बैठकमा मन्त्रीहरुले भारत सहमत नभए एकतर्फी रुपमै भएपनि सीमा नाका बन्द गर्नुपर्नेमा निष्कर्ष निकालेको संचारमाध्यमले उल्लेख गरेका छन् । भारतले आइतबार मध्यरातिबाट अन्तरप्रदेश बस सेवा र रेल्वे बन्द गरेको छ ।
नेपालको यो निर्णयले नियमित वस्तु आपूर्तिमा भने असर नपर्ने नेपाल आयल निगमले जनाएको छ ।
