Category: रोचक खवर

नवलपुर । नेपाल कम्युनिष्ट पार्टी (नेकपा) अध्यक्ष पुष्पकमल दाहाल (प्रचण्ड)ले गोकुल बास्कोटाको अडियो सार्वजनिक भएको घटनाबारे सार्वजनिक रुपमा मुख खोलेका छन् ।

उनले गल्ती गर्ने कसैलाई पनि पार्टीबाट छुट नहुने स्पष्ट पारेका छन् । प्रेस संगठन नेपाल नवलपुरले शनिबार आयोजना गरेको पत्रकार भेटघाटमा प्रचण्डले गल्ती गर्नेलाई पार्टीबाट कुनै पनि प्रकारको संरक्षण नहुने स्पष्ट पारे ।

जसले गल्ती गर्छ, ऊ कारवाहीको भागिदार हुनै पर्ने उनको भनाई छ । कमिसन रकमका लागि मोलमोलाई गर्दै गरेको अडियो सार्वजनिक भएपछि सूचना तथा संचार प्रविधि मन्त्री गोकुल बास्कोटाले राजिनामा दिएका छन् ।

उनको अडियो काण्डपछि वर्तमान सरकारको भ्रष्टाचार विरोधी अभियानबारे धेरैले प्रश्न उठाएका छन् ।

सञ्चारमन्त्रीको विषयमा आएको कुराबारे प्रधानमन्त्रीले तत्काल पहल लिएर उहाँलाई राजीनामा दिने र बाँकी अनुसन्धान गर्नुपर्ने विषय भए सम्बन्धित निकायले अनुसन्धान गर्ने भन्ने पहल लिएकाले गोकुल बास्कोटा काण्ड समाधानको विषयतिर गएको प्रचण्डको भनाई छ ।

अहिले विषय अनुसन्धानको प्रक्रियामा रहेकाले गल्ती गर्नेको पक्षमा पार्टी नउभिने स्पष्ट पारे । उनले पार्टी र सरकारका कामलाई प्रभावकारी बनाउने सम्बन्धमा गहन छलफल भइरहेको समेत उल्लेख गरेका छन् ।

काठमाडौं । आर्थिक लेनदेनका लागि मोलमोलाई गरेको अडियो सार्वजनिक भएसँगै सूचना तथा संचार प्रविधि मन्त्री गोकुल बास्कोटाले राजिनामा गरेका छन् ।

उनले प्रधानमन्त्री समक्ष राजिनामा बुझाएका हुन् । आफूमाथि उठेको प्रश्नका कारण नैतिक रुपमा जिम्मेवारी लिँदै राजिनामा गरेको मन्त्री बास्कोटाले उल्लेख गरेका छन् ।

सेक्यूरिटी प्रेस खरीद गर्ने सम्बन्धमा उनले कमिसनवापत प्राप्त हुने रकमका सम्बन्धमा गरेको कुराकानीको अडियो टेप सार्वजनिक भएपछि उनीमाथि नैतिक दवाव सिर्जना भएको हो ।

यद्दपी उनले यो कमिसन लिन भने पाएनन् । किनकी उनले स्वीस कम्पनीबाट किन्ने भनेको सेक्यूरिटी प्रेसको सम्भौता पछि फ्रान्सेली कम्पनीबाट किन्ने निर्णय गरिएको थियो ।

यसबारे लेखासमितिले समेत निर्देशन दिने तयारी गरेको थियो । तर, त्यो निर्देशन आउन नपाउँदै अडियो सार्वजनिक भएको हो ।

बिहीबार बिहान धनगढी रहेका मन्त्री बास्कोटा काठमाडौं आएलगत्तै दिउँसो राजिनामा गरेका हुन् ।

काठमाडौं । प्रमुख विपक्षी नेपाली कांग्रेसले दुई वर्षको काममा सरकार “फेल” भएको विश्लेषण गरेको छ ।

सरकारले यस अवधिमा गरेका कामलाइ पास मार्क समेत दिन नसकिने विश्लेषण काङ्ग्रेसको रहेको छ ।

त्यसो त काङ्ग्रेसले आफ्नो प्रतिपक्षी भूमिका समेत प्रभावकारी भने नभएको बताएको छ ।

काङ्ग्रेसले आइतबार सरकारका कामको विश्लेषण बारे आफ्नो धारणा सार्वजनिक गरेको हो ।

त्यसक्रममा काङ्ग्रेस प्रवक्ता विश्वप्रकाश शर्माले पत्रकार सम्मेलन गरेका थिए ।

उनले पार्टीबाट शालीन र जिम्मेवार प्रतिपक्षीको भूमिका निर्वाह भएपनि प्रतिपक्ष कमजोर भएको आलोचना खेप्नुपरेको स्वीकार गरे ।

आगामी दिममा जिम्मेवार बन्ने उनको भनाइ थियो ।

तर, काङ्ग्रेस सालिन हुनुलाइ कमजोरी भने नठान्न उनले चेतावनी दिए ।

शर्माले भने, ‘कांग्रेसको भूमिकालाई कमजोरी ठान्ने मनोविज्ञान सत्ताले कम्तीमा राख्न हुन्न भन्ने अपिल र आग्रह गर्न चाहन्छु ।’

सरकार सङ्ग अनुकुल समय हुदाहुदै पनि त्यसलाइ उपयोग गर्न नसकेको उनको भनाइ छ ।

काङ्ग्रेसले नेकपाको घोषणापत्र पल्ट्याउदै उसले गरेका वाचाअनुसार काम गर्नै नसकेको प्रतिक्रिया दिएको छ ।

सरकारले दुई बर्षमा गर्ने भनेका सबै कार्यक्रम अलपत्र परेको, चुनावमा गरिएका बाचाहरुको कन्तबिजोग रहेको कांग्रेसको भनाइ छ ।

प्रधानमन्त्री केपी शर्मा ओलीले शनिबार संसदमा सम्वोधन गर्दै सरकारले सबैतिर राम्रो काम गरेको दावी गरेका थिए । काङ्ग्रेसले भने उक्त दाविमा सत्यता भेटेन ।

सरकार अधिनायकवादी लागेको समेत काङ्ग्रेसको भनाइ छ । वर्तमान सरकार गठन भएको ३ फागुनमा दुई वर्ष पूरा भएको छ

काठमाडौं । उपसभापति विजयकुमार गच्छदारमाथि अख्तियार दुरुपयोग अनुसन्धान ायोगले विशेष अदालतमा मुद्दा दायर गरेसँगै आक्रामण भएको नेपाली कांग्रेस लचिलो बनेको छ ।

अब नेपाली कांग्रेसले गच्छदारको मुद्दालाई लिएर संसदमा अवरोध गर्न नहुने निष्कर्षमा पार्टी पुगेको हो ।

खासगरी सरकारले अख्तियार दुरुपयोग अनुसन्धान आयोगलाई सरकारको एक विभागजस्तो बनाएर राजनीतिक पूर्वाग्रहका आधारमा मुद्दा लगाउने गरेको निष्कर्ष निकाल्दै कांग्रेसले गच्छदारको हकमा भने पार्टीले काँध थाप्न नसक्ने भएको छ ।

कानूनी रुपमा कमजोर धरातल र गलत व्यवहार भइसकेको अवस्थामा गच्छदारले आफै कानूनी लडाई लड्नु पर्ने भएको छ ।

खासगरी गच्छदारलाई मुद्दा हालेर दुई पूर्वप्रधानमन्त्रीलाई किन छाडेको भन्ने कांग्रेसकै अभिव्यक्तिले गच्छदारसमेत दोषि थिए भन्ने प्रमाणित हुने भएकाले यो मुद्दालाई कांग्रेसले अब नउचाल्ने निष्कर्षमा पुगेको हो ।

संसदको गतिरोध खोल्नेबारे औपचारिक निर्णय संसदीय दलबाट हुने भएको छ ।

अख्तियारले २२ माघमा ललिता निवास जग्गा प्रकरणमा तत्कालीन भौतिक योजनामन्त्री गच्छदारसहित १७५ जनाविरुद्ध विशेष अदालतमा मुद्दा दायर गरेसँगै कांग्रेसले तीन पटकसम्म संसदमा अवरोध गरिसकेको छ ।

सोमबार कांग्रेसका शीर्षनेताहरुबीच संसदको अवरोध हटाउने सहमति जुटेको हो ।

पार्टी कार्यालय सानेपामा केन्द्रीय कार्यसमिति बैठक बस्नुभन्दा अगाडी शीर्ष नेताबीच छलफल भएको थियो । केन्द्रीय समिति बैठकमा उपसभापति गच्छदारले डेढ घन्टा लामो भाषण गरेका थिए ।

काठमाडौं । नेपाली कांग्रेसका शक्तिशाली नेता हुन विजय गच्छदार । उनको प्रभाव तराई र खासगरी जनजाती समुदायमा बढी छ ।

थारु समूदायबाट प्रतिनिधित्व गर्ने उनी नेपालमा सम्भवतः धेरै पटक मन्त्री हुने नेतामा पर्छ । एक दर्जन पटक उनले कार्यकारी भूमिकामा मन्त्रालय सम्हालेका छन् ।

उनी यस पटक ललितानिवास जग्गा काण्डमा मुछिएका र अख्तियारले विशेष अदालतमा मुद्दा दायर गरेको छ । यसरी मुद्दा चल्ने उनी एक्लो नेता होइनन् ।

कांग्रेसका कुनै समयका शक्तिशाली नेता खुम बहादुर खड्का, चिरन्जीवी वाग्ले र जेपी गुप्तालाई समेत अख्तियारले दोषि सावित गरिसकेको छ ।

जब उनीहरु अख्तियारको फन्दामा परे, त्यसपछि राजनीतिक जीवन नै समाप्त भइसकेको छ । लामो समय सत्तामा बसेका कांग्रेस नेताहरु पटक पटक अनियमितता र भ्रष्टाचारमा मुछिने गरेका छन् ।

अख्तियारले विशेष अदालतमा भ्रष्टाचार मुद्दा दायर गरेपछि कांग्रेस उपसभापति तथा संसदीय दलका उपनेता बिजयकुमार गच्छदार प्रतिनिधिसभा सदस्यबाट समेत स्वतःनिलम्बित भएका छन् ।

अब उनी विरुद्धको मुद्दा अन्तिम किनारा नलागेसम्म सांसद रहनेछैनन् । भ्रष्टाचार मुद्दामा अख्तियारको दाबी अदालतबाट ठहर भएमा भने उनी कम्तिमा १२ वर्ष जेल बस्नु पर्छ ।

जुन उनको शक्तिशाली राजनीतिक जीवनको अन्तिम प्राप्त हुनेछ ।

किनकी राजनीतिक दल सम्बन्धी कानुनमा भ्रष्टाचारजन्य नैतिक पतन हुने फौजदारी मुद्दामा अन्तिम अदालतबाट सजाय पाएको व्यक्ति चुनावमा उम्मेदवार हुन नपाउने प्रावधान रहेको छ ।

काठमाडौं । अख्तियार दुरुपयोग अनुसन्धान आयोगले बालुवाटारस्थित ललितानिवास जग्गा काण्डमा १७५ जनाविरुद्ध मुद्दा दायर गर्यो ।

तर, यस काण्डका चर्चित पात्र नेकपाका महासचिव विण्णु पौडेल र सर्वोच्च अदालतका न्यायाधीश कुमार रेग्मी भने चोखिएका छन् ।

नेकपा महासचिव विष्णु पौडेलको नाम जोडिनुको कारण उनका छोरा नवीन पौडेलले यहाँ जग्गा लिएका थिए ।

जग्गा लिएका सबै माथि मुद्दा लाग्दा उनी किन जोगिए ? अद्यितयारको प्रतिवेदन अनुसार यी दुई जनाले सरकारी जग्गा फिर्ता गरेका छन् ।

यसबाट ठूला र शक्तिशाली व्यक्तिलाई अख्तियारले पनि जोगाउँछ भन्ने नजिर स्थापित गरेको छ ।

यो नजिरको अहिले जमेर आलोचना भइरहेको छ । अख्तियारले १७५ जनालाई प्रतिवादी बनाएर बुधबार विशेष अदालतमा मुद्दा दायर गरेको हो ।

यीमध्ये ६० जना सरकारी कर्मचारी र पदाधिकारी छन् । कर्मचारीमध्ये अधिकांश निर्णय प्रक्रियामा सामेल नभएका साना कर्मचारी, जसको भूमिका केवल टिप्पणी उठाउने मात्र हुन्छ, उनीहरुलाई फसाइएको छ ।

मन्त्रिपरिषद्बाट निर्णय गरी टिप्पणी उठाउन आदेश दिने पूर्वप्रधानमन्त्रीदेखि मूख्यसचिवहरुसमेत यस प्रकरणमा उम्कन सफल भएका छन् ।

यसले फेरी एक पटक मुलुकमा ऐन सानाका लागि मात्र हो भन्ने नजिर बनेको छ । जसबाट अद्यितयार उम्कन सकेन । मुद्दा दायर भएकामध्ये ५० जग्गाधनी एवं मोही छन् ।

विशेष अदालतमा दायर भएको मुद्दामा प्रतिवादी बनाइएका थप ६५ जनालाई ‘जग्गा जफत गर्ने प्रयोजनका लागि मात्र’ प्रतिवादी बनाइएको छ ।

यसमा बहालवाला न्यायाधीश रेग्मी र नेतापुत्र पौडेललाई भने ‘जग्गा जफत गर्ने प्रयोजनका लागि’ समेत प्रतिवादी बनाइएन ।

काठमाडौं । बालुवाटारस्थित ललिता निवास जग्गा प्रकरणमा नेतालाई जोगाइएको छ ।

ललितानिवासमा ११४ रोपनी जग्गा हिनामिना प्रकरणमा प्रहरीले पूर्वमुख्य सचिव लीलामणि पौडेलसहित ४० जनाभन्दा बढीलाई दोषि सावित गरेको छ ।

यस प्रकरणमा अधिकांश कर्मारीलाई मुछेर राजनीतिक दलका नेताहरुलाई भने सफाई दिइएको बताइएको छ ।

मन्त्रिपरिषदले कार्यदेश दिएपछि प्रहरीको केन्द्रीय अनुसन्धान ब्युरोले अनुसन्धान थालेको थियो ।

कीर्ते गरेर नक्कली मोही खडा गरी सरकारी सम्पत्तिमा हानी पुर्‍याएको निष्कर्ष प्रहरीले निकालेको छ । स्रोतका अनुसार यस प्रकरणमा प्रहरीले नेतालाई भने दोषि देखेको छैन ।

जग्गा प्रकरणमा पूर्वप्रधानमन्त्री माधव कुमार नेपालदेखि नेकपाका महासचिव विष्णु पौडेसम्मको नाम जोडिएको थियो ।

गृह मन्त्रालय स्रोतका अनुसार ब्युरोको प्रतिवेदन प्रहरी महानिरीक्षक सर्वेन्द्र खनालले मन्त्रालयमा बुझाएका हुन् ।

प्रतिवेदनमा निर्णय प्रक्रियामा संलग्न कर्मचारी, राणा परिवार, मोहीसहितका व्यक्तिमाथि कारवाहीको सिफारिस भएके छ ।

अख्तियार दुरुपयोग अनुसन्धान आयोगका पूर्वप्रमुख आयुक्त दीप बस्न्यात, पूर्वसचिव छविराज पन्त, दिनेशहरि अधिकारी, पूर्वसह–सचिव कलाधर देउजा, गेहनाथ भण्डारीलगायत व्यक्तिमाथि कारवाहीको सिफारिस भएको छ ।

यसबाहेक डा. शोभाकान्त ढकाल, रामकुमार सुवेदी, भाटभटेनी सुपर मार्केटका संचलक मीनबहादुर गुरुङसहितका व्यक्तिमाथि पनि कारवाहीको सिफारिस भएको छ । ढकाल यस काण्डका मूख्य योजनाकार मानिएका थिए ।

काठमाडौं । अब नयाँ पत्रकारले परिक्षा पास गरी लाइसेन्स लिनुपर्ला ? मिडिया काउन्सिल विधेयकमा यस्तो प्रावधान राखिएको छ ।

पत्रकारिता पेशामा आउनेका लागि लाइसेन्स परीक्षा पास गर्नुपर्ने प्रावधान राखिएको हो ।

सोमबार राष्ट्रियसभाको विधायन व्यवस्थापन समितिले यस्तो प्रावधानसहित नेपाल मिडिया काउन्सिलसम्बन्धी कानुनलाई संशोधन गर्न र एकीकरण गर्न बनेको विधेयक पारित गरेको छ ।

समिति सभापति परशुराम मेघी गुरुङका अनुसार अहिले पत्रकारिता पेशामा आवद्ध भइसकेका व्यक्तिलाई भने यो प्रावधानले कुनै प्रभाव पार्ने छैन ।

नयाँ आउन चाहानेका लागि मात्र यो प्रावधान लागु हुने भएको हो । काउन्सिलले पाठ्यक्रम बनाएर परीक्षा लिने व्यवस्था गरिएको हो ।

पछिल्लो समय पत्रकारिता पेशाप्रति उत्पन्न नकारात्मक भावना हटाउन यो प्रावधान सहयोगी हुने अपेक्षा रहेको छ ।

काठमाडौं । नेपाली कांग्रेस केन्द्रीय कार्यालयमा नेपाल विद्यार्थी संघका कार्यक्रताबीच कुटाकुट भएको छ ।

शीर्ष नेताबीच सहमति भएको दुई दिन बित्न नपाउँदै दुई गूटका विद्यार्थीहरुबीच भने केन्द्रिय कार्यालयमा कुटाकुट भएको हो ।

नेताहरुबीच १४ औं महाधिवेशनको कार्यतालिका संशोधनका विषयमा सहमति भएको थियो । त्यसपछि पहिलोपटक सोमबार केन्द्रिय समिति बैठक बोलाइएको थियो ।

सहमतिअनुसार बोलाइएको बैठकमा सोमबार पौडेल र सिटौला समूहका नेतासमेत उपस्थित थिए ।

बैठकले १४ औं महाधिवेशनको कार्यतालिका संशोधन गरेको थियो ।

शनिबार बूढानीलकण्ठमा भएको वार्तामा कांग्रेसको १४ औं महाधिवेशनको कार्यतालिका र नेपाल विद्यार्थी संघको विवाद पनि टुंग्गो लगाउने सहमति भएको थियो ।

तर शीर्ष नेताबीचको सहमति अनुमोदन गर्न आयोजित केन्द्रीय कार्यसमिति बैठकमा भने नेपाल विद्यार्थी संघका नेताहरुबीच कूटाकूट भएको हो ।

उनीहरुले पार्टी कार्यालयमा नाराबाजीसहित गमला हानाहान गर्दै कूटपिटमा उत्रिएका थिए ।

सोमबार पूर्वमहामन्त्री कुन्दनराज काफ्ले समूह विधान कार्यान्वयनको माग गर्दै धर्नामा बसेको थियो ।

सोही क्रममा पार्टी सभापति देउवा पार्टी कार्यालय प्रशवे गर्न लाग्दा अवस्था तनावपूर्ण बनेको थियो ।