Category: रोचक खवर

काठमाडौं । बामदेव गौतम नेतृत्वको नेकपा एकता राष्ट्रिय अभियानबाट उनी स्वयमः निस्कासनमा परेका छन् । विरलै हुने यस्तो घटना हुने पार्टी घोषणा गरेको एक सातामै भएको हो । गौतमले नेकपा एकता राष्ट्रिय अभियान घोषणा गर्दा उनलाई आम नेपाली पार्टी, नेकपा (राष्ट्रवादी), आधुनिक नेपाल समाजवादी पार्टी र समाजवादी केन्द्र नेपालले साथ दिएका थिए। तर आफूहरूलाई देखाएर गौतमले जथाभावी गर्न खोजेको आरोप लगाउँदै चार वटै पार्टीले उनलाई निष्काशन गरेको विज्ञप्ती निकाल्दै जनाएका छन् ।

गौतमलाई हटाएर उनको ठाउँमा समाजवादी केन्द्रका सर्वोच्च नेता युवराज सफललाई नेतृत्व घोषणा समेत गरिएको छ । सांगठनिक अराजकता, निरंकुश तानाशाही शैली, चरम अवसरवादी चरित्र र अराजनीतिक व्यवहार प्रस्तुत गरेकाले गौतमलाई कारबाही गरेको ती पार्टीको भनाई छ ।

सम्पूर्ण बामपन्थी र समाजवादी शक्तिलाई एक ठाउँमा जोड्ने गरी नेपाल कम्युनिस्ट पार्टी एकता राष्ट्रिय अभियान गठन गरिएकोमा सत्ता र शक्ति र पदका लागि बार्गेनिङको माध्यम बनाइएको समेत आरोप उनीमाथि लागेको छ । अभियान घोषणापछि उनले केपी ओली, प्रचण्ड र माधव नेपाललाई भेटेका थिए । यसबाट अभियान भित्रका गुटहरु असन्तुष्ट बनेका हुन् ।

काठमाडौं । संस्कृति, पर्यटन तथा नागरिक उड्डयन मन्त्री प्रेमबहादुर आलेले नेपाल वायु सेवा निगमका कार्यकारी अध्यक्ष युवराज अधिकारीलाई हातपात नगरेको दावि गरेका छन् । शुक्रबार भाइरस अडियो र समाचारको खण्डन गर्दै उनले कुनै पनि कर्मचारीमाथि दुर्व्यवहार नगरेको बताएका हुन् । उनले विभिन्न सञ्चारमाध्यममा कार्यकारी अध्यक्षमाथि हातपात गरेको भनी आफूलाई जोडेर आएका समाचारप्रति आफ्नोे गम्भीर ध्यानाकर्षण भएको उल्लेख गरेका छन् । उनले मन्त्रालय र सिंहदरबार परिसरमा रहेका सीसीटिभी क्यामेरा हेर्न समेत भनेका छन् ।

आवश्यक परे मन्त्रालय र प्रशासनले सीसीटिभीका फुटेज उपलब्ध गराउन सक्नेछ । कतिपय कामहरूमा निर्देशन दिनुपर्ने, सचेत गराउनुपर्ने, सम्झाउनुपर्ने हुनसक्ने र मन्त्रालयलको नेतृत्वकर्ताको हैसियतले त्यो क्रम निरन्तर पनि रहने भन्दै मन्त्री आलेले कर्मचारीमाथि भने दुर्व्यवहार नभएको उल्लेख गरेका छन् ।

पछिल्ला दिनमा उडान सङ्ख्या वृद्धि हुँदै गएको तर जापानलगायतका गन्तव्यमा सर्वसाधारण, विद्यार्थी, भारतमा उपचारमा जाने बिरामीलगायतले टिकट सहजै नपाउने, निगमकै कारण बजारमा कृत्रिम अभाव गराइ आफू निकट एजेन्सीबाट मात्रै टिकट बिक्री गर्ने गरेको भन्नेजस्ता गुनासो अत्यधिक आएपछि पालिका चुनावअघि नै कार्यकारी अध्यक्षलाई स्पष्टीकरण सोधिएको र त्यसपछि पनि सचेत गराउने काम भने जारी नै रहेको उनको भनाई छ । आफ्नाविरुद्ध निरन्तर प्रचारमा लागेका केही व्यक्तिहरूले आफूलाई बदनाम गर्नका लागि समाचार लेखाएको समेत उनको आरोप छ ।

काठमाडौं । युवतीहरुलाई प्रयोग गरेर ब्ल्याकमेल गरेको अभियोगमा प्रहरीले ६ जनालाई पक्राउ गरेको छ । उपत्यका अपराध अनुसन्धान कार्यालय, बानेश्वरले उपत्यकाका विभिन्न स्थानमा अपराधिक लाभ लिने उद्देश्यले युवतीको प्रयोग गरी ब्ल्याकमेल गर्ने गिरोहलाई समातेको हो ।

कार्यालयका प्रहरी उपरीक्षक कृष्णप्रसाद कोइरालाका अनुसार पक्राउ पर्नेमा सूर्यविनायक–९ भक्तपुरकी १९ वर्षीय निकिता केसी, ढुसेनी–३, काभ्रपलाञ्चोककी १८ वर्षीय मनिषा परियार, हलेसी–७, खोटाङका ३२ वर्षीय डिकबहादुर शर्मा, इटहरी–७, सुनसरीका ३० वर्षीय सञ्जिब दर्जी, मेलुङ–५, दोलखाका २५ वर्षीय निमा लामा र ३० वर्षीय पासाङ लामा छन् ।

एसपी कोइरालाका अनुसार उनीहरुले सामाजिक सञ्जालको माध्यमबाट युवतीको प्रयोग गरेर पुरुषहरुलाई खाजा खाने बहानामा रेष्टुरेन्टमा लगेर भेटघाट गर्ने गराउने गरेका थिए । त्यसपछि ती व्यक्तिहरुको घर, कार्यालय तथा सवारीसाधन लगायतका सम्पूर्ण विवरण राख्ने गरेका थिए ।

‘सबै विवरण संकलन गरेर झुठ्ठा मुद्दा लगाएर फसाइदिने भन्दै डर, धम्की तथा त्रास देखाएर मोलमोलाई गर्ने गरेको प्रहरीको भनाई छ । दबाबमुलक रुपमा रकम दिनलाई बाध्य गराउन केटीको नक्कली पारिवारिक सदस्य, वकिल तथा पत्रकार खडा गरेर मोलमोलाई गरी मासिक हैरानी दिने गरेको खुलेको समेत प्रहरीले जनाएको छ ।

काठमाडौं । संस्कृति, पर्यटन तथा नागरिक उड्ययनमन्त्री प्रेम आले पुनः विवादमा तानिएका छन् । उनले नेपाल एयरलाइन्सका अध्यक्ष युवराज अधिकारीलाई अपशब्द तथा अश्लील गाली गरेको अडियो सार्वजनिक भएको छ । अश्लिल गालीगलौज समेटिएको अडियो सार्वजनिक भएपछि उनको सामाजिक सञ्जालमा आलोचना थालिएको छ । यसअघि मन्त्री आलेले भारतको मुम्बई पुगेका एक नेपाली युवकसँग गालीगलौज गरेको भिडियो सार्वजनिक भएपछि आलोचित भएका थिए । खासगरी अश्लिल बोल्दै गाली गर्ने शैलीका कारण उनी बदनाम बनेका हुन् ।

नुवाकोट । नुवाकोटको ककनी गाउँपालिकामा त्रिशुली थ्री ए को प्रसारण लाइनमा चढेका व्यक्तिलाई करिब ८ घण्टापछि उद्धार गरिएको छ । नेपाली सेनाको रेञ्जर गणको उद्धार टोलीले उनलाई प्रसारण लाइनमै नियन्त्रणमा लिएर भुइँमा झारेको हो ।

शनिबार विहान करिब ११ बजे ककनी गाउँपालिका ७ स्थित त्रिशुली–मातातीर्थ प्रशारण लाइनमा चढेका बेलकोटगढी नगरपालिका-१२ का माइला विक दिनभर प्रसारण लाइनको तारमा झुण्डिएर बसेका थिए । नेपाल प्रहरी, सशस्त्र प्रहरी र स्थानीय वासिन्दाले उनलाई प्रसारण लाइनबाट ओराल्ने कोशिस गर्दा पनि असफल भएका थिए । साढे ६ बजेतिर नेपाली सेनाको उद्धार टोली पुगेपछि उनलाई भुइँमा झारिएको नुवाकोट प्रहरीले जनाएको छ ।

नेपाली सेनाको उद्धार टोलीले इक्वीपमेन्टसहित पोलमा चढेर ती व्यक्तिलाई नियन्त्रणमा लिएर प्रहरीलाई बुझाएको हो । प्रसारण लाइनमा चढेका विक दिनभर तारम झुण्डिएर बस्दा त्रिशुली थ्री ए र यस नजिकका अरु साना जलविद्युत गृह बन्द गरिएको थियो । प्रशारण लाइनमा विद्युत प्रवाह गर्दा दुर्घटना हुने जोखिम भएका कारण करिब ८ घण्टा विद्युत प्रशारण बन्द गरिएको थियो ।

काठमाडौं । नेकपा (एमाले)का अध्यक्ष केपी शर्मा ओलीले माओवादी केन्द्रप्रति गरेको टिप्पणीलाई लिएर अध्यक्ष प्रचण्ड आक्रामक बनेका छन् । संसदमा ओलीले कुनै दल अरुको सहारा बीना निर्वाचनमा जान नसक्दै भन्दै व्यंग गरेका थिए । साथै उनले जनयुद्धबारे समेत कटाक्ष गरेका थिए । जवाफमा प्रचण्डले एउटा कालखण्डमा भएको आन्दोलनलाई लिएर पटक पटक प्रहार गर्दा अन्याय हुने बताए । साथै उनले भने, ‘तपाइहरु पनि टाउको काटेर जेल गएको हो भन्यो भने के हुन्छ ?’ एमालेको विगत समेत सोही रहेको तर्फ उनले स्मरण गराए ।

एमाले अध्यक्ष ओलीलाई प्रधानमन्त्री बनाउन माओवादी र आफुले ठूलो योगदान गरेको भन्दै आगामी निर्वाचनबाट एक्लै एमालेको प्रधानमन्त्री बनेर देखाउन समेत प्रचण्डले चूनौति दिए । ओलीको प्रवृत्तिसँग काम गर्न असहज भएको भन्दै उनलेृ एमालेका अन्य नेता र कार्यकर्तासँग काम गर्न भने कुनै कठिन नभएको बताए । दाहालले प्रतिनिधिसभाको शनिबारको बैठकमा सरकारको आगामी वर्षको नीति तथा कार्यक्रममाथि सहभागी हुने क्रममा ओलीलाई आफ्नो प्रवृत्ति सुधार्न सुझाव दिए ।

उनले भने, ‘मलाई त एमालेका धेरै नेता कार्यकर्ताप्रति भरोसा, विश्वास छ अहिले पनि । यो प्रवृत्ति जसमा यति धेरै अहंकार, यतिधेरै दम्भ र निषेधात्मक प्रवृत्ति नहुने हो भने एमालेका नेता कार्यकर्तासँग काम गर्न कठिन हुने देखिँदैन ।’ यसअघि प्रतिनिधिसभाको बैठकमा बोल्ने क्रममा स्थानीय तहको निर्वाचन, राष्ट्रिय सभाको निर्वाचन, संघीय र प्रदेश सरकार गुमाएको कुरालाई लिएर ओलीले आत्मसमीक्षा गरी वामपन्थी एकताको कुरा गर्ने अपेक्षा गरेको तर त्यसो नभएको बताए । एमाले अध्यक्ष ओलीले निर्वाचनमा माओवादी पत्तासाफ हुने भनेको सम्झँदै उनले आँखा जुधाएर बहसमा आउन समेत ओलीलाई चूनौति दिए ।

काठमाडौं । प्रधानमन्त्री शेर बहादुर देउवाले छिटपुट घटनालाई लिएर समग्र निर्वाचनबारे धारणा बनाउन नहुने बताएका छन् । एमाले अध्यक्ष ओलीले राज्यसत्ताको दुरुपयोग भएको, पञ्चायत कालमा भन्दा पनि बढ्ता बुथ कब्जा गर्ने काम गरेको भन्दै भन्दै संसदमा सरकारको आलोचना गरेका थिए । जवाफमा प्रधानमन्त्री देउवाले प्रधानमन्त्री देउवाले छिटफुट घटनालाई लिएर निर्वाचनप्रति संशय व्यक्त नगर्न आग्रह गरे ।

उनले भने, ‘छिटफुट घटनालाई दिएर निर्वाचनको समग्र प्रक्रिया र परिणमममा संशय व्यक्त गर्नु उपयुक्त हुन्न, ‘सार्वभौम जनता नै निर्णयक शक्ति भएकाले जनमतको कदर गर्नुको विकल्प छैन ।’ उनले नीति तथा कार्यक्रममा ऐतिहासिक सन्धि, नक्सा, तथ्य र प्रमाणाक आधारमा कूटनीतिक माध्यमबाट सीमा सम्बन्धमा बाँकी रहेका विषय समाधान गरिने उल्लेख भएको पं्रसंग निकाले । यसअघि संसदमा ओलीले लिपुलेक, लिम्पियाधुरा, लिपुलेकबारे नीति तथा कार्यक्रममा उल्लेख नभएको भन्दै प्रश्न गरेका थिए ।

प्रधानमन्त्री देउवाले भने, , ‘लिम्पियाधुरा, लिपुलेक र कालपानी नेपालको भूमि नेपालको हो भन्नेमा नेपाल सरकार प्रष्ट छ ।’ बुढीगण्डकी जलविद्यत् आयोजना नेपालले नै बनाउने निर्णय गरेको, बीआरआईबारे केही उल्लेख नभएको भन्दै ओलीले परराष्ट्र नीतिमाथि प्रश्न उठाएका थिए । अमेरिकी विदेश उपमन्त्रीले गुम्बा भ्रमण गरेको विषयमा लिएर ओलीले नेपाल एक चीन नीतिमा प्रतिवद्ध छ कि छैन भनेर प्रश्न गरेका थिए ।

प्रधानमन्त्री देउवाले नेपाल एक चीन नीतिप्रति दृढ रहेको बताए । अमेरिकी उपमन्त्रीको गुम्बा भ्रमणबारे ओलीले उठाएको प्रश्नमा देउवाले छिमेकी मित्रराष्ट्रविरुद्ध नेपालको भूमि प्रयोग हुन नदिन सरकार सचेत रहेको बताए । नेपाल सरकारको आर्थिक सामाजिक विकासमा मित्र राष्ट्र तथा अन्तर्राष्ट्रिय संघ संस्थाबाट प्राप्त हुने उदार सहायता र सहयोगका लागि आभार समेत व्यक्त गरे ।

काठमाडौं । प्रमुख प्रतिपक्षी नेकपा एमालेले स्थानीय तह निर्वाचनमा सत्ताधारी गठबन्धनले धाँधली गरेको आरोप लगाएको छ। आइतवार एक वक्तव्य जारी गर्दै एमालेका महासचिव शङ्कर पोखरेलले सरकार पक्षीय दलहरूले प्रशासनको दुरुपयोग गर्दै धाँधली गरेको आरोप लगाएका छन्। तर, निर्वाचन सकिएको तीन दिन पछि एमालेको यस्तो वक्तब्य आउनुलाई भने मानिसहरुले आफ्नो पक्षमा जनमत आउने नदेखिएपछि आएको प्रतिक्रियाका रुपमा मात्र बुझेका छन् ।

अघिल्लो स्थानीय तह निर्वाचनमा एमालेले सबैभन्दा धेरै पालिकाहरूमा जित हासिल गरे पनि मतगणनाको प्रारम्भिक नतिजाले यो दलले यसअघिको जस्तो नतिजा ल्याउन नसक्ने सङ्केत गरेको छ। एमालेले स्थानीय तह निर्वाचन सुरु हुनुभन्दा अघि, मतदानको क्रममा र मतगणनाको क्रममा योजनाबद्ध धाँधली भएको भनेको छ । एमालेले आफ्नो दल र उम्मेदवारहरूको तर्फबाट कतिपय पालिकाको पुनः मतदान र मतगणना गराउन माग गर्दै दिएको निवेदनको सुनुवाइ गर्न निर्वाचन आयोगसँग माग समेत गरेको छ ।

डडेलधुरा । प्रधानमन्त्री शेरबहादुर देउवाकै वडामा कांग्रेसका उम्मेदवार पराजित भएका छन् । यहाँ देउवाले मतदान गरेका थिए । वडामा कांग्रेस बिपीका उम्मेदवार विजयी भएका छन् । डडेल्धुराको गन्यापधुरा वडा नम्बर १ रुवाखोलामा कांग्रेसका उम्मेदवारलाई हराउँदै कांग्रेस बिपी (करुवा चुनाव चिन्ह) का नरेश भण्डारी अध्यक्षमा विजयी भए । भण्डारीले ६७३ मत ल्याए । कांग्रेस उम्मेदवार चन्द्रबहादुर देउवाले ५४४ मात्र मत ल्याउन सके ।

काठमाडौं । प्रमुख प्रतिपक्षी दलका नेता तथा एमाले अध्यक्ष केपी शर्मा ओलीले चुनावमा सत्ता पक्षले दर्जनौं स्थानमा हिंसा भड्काएको आरोप लगाएका छन् । स्थानीय तह निर्वाचनको मतदान सम्पन्न भएपछि वक्तव्य जारी गर्दै एमाले अध्यक्ष केपी शर्मा ओलीले सत्ता पक्षबाट अधिनायकवादी कार्य भएको उल्लेख गरेका छन् ।

उनले भनेका छन्, ‘हामी निर्वाचन स्वच्छ, निष्पक्ष र धाँधलीरहित होस् भन्ने चाहन्थ्यौं, तर सत्तापक्षीय गठबन्धनले केही स्थानमा हाम्रा विरुद्ध नक्कली मतपत्र समेत छापी वितरण गर्ने, उत्तेजनापूर्व गतिविधि गरी अनावश्क रुपमा वातावरण विथोल्ने र अनुचित ढंगले हिंसा भड्काउने जस्ता कार्य गर्‍यो ।’

त्यस्ता ठाउँमा गृह प्रशासन अस्वभाविक रुपमा असन्तुलित भएको भन्दै एमालेले अध्यक्ष ओलीले भनेका छन्, ‘यस प्रकृतिका घटना दर्जनौं स्थानमा भएका छन् । स्वतन्त्र निर्वाचनविरुद्ध भएका यस्ता घटनाको विरोध गर्दै सरकारको पूर्वाग्रही र पक्षपाती व्यवहारप्रति म दुःख व्यक्त गर्दछु ।’

पोखरा । नेकपा एमालेका अध्यक्ष केपी शर्मा ओलीले आफूले बोलेका कुरा बुझ्ने थौरै मात्र बुद्धिजीवि नेपालमा रहेको बताएका छन्। पोखरामा सोमबार आयोजित चुनावी सभालाई सम्बोधन गर्दै उनले एमालेका नीति बङ्ग्याएर प्रस्तुत गर्न खोजिएको आरोप लगाए । ‘एमालेका नीतिहरू बङ्ग्याएर प्रस्तुत गर्न खोजियो, मैले बोलेको त बुझ्ने बुद्धिजीवि थोरै मात्र छन् कि क्या हो नेपालमा भन्ने लाग्छ,’ उनले भने।

आफूले शास्त्रका कुरा गर्दा उखान टुक्का भन्ने गरिएको उनको आरोप छ । ‘मैले कहाँ शास्त्रका कुरा गर्छ, उसले उखान टुक्का भन्, कांग्रेसका नेताले भन्नु ठिकै हो बुझ्दैनन् उनीहरू,’ उनले भने ‘तर अरूले पनि कतिपय केही मानिस छन् बुद्धिजीवि उनीहरूले पनि मैले बोलेका कुरालाई उखान टुक्का भन्छन्।’

काठमाडौं । सोमबार नेकपा एमालेमा प्रवेश गरेका धादिङको बेनिघाट रोराङ गाउँपालिकाका अध्यक्ष पित्तबहादुर डल्लाकोटी (हरि) मंगलबार भने नेकपा माओवादी केन्द्रमा मै फर्किएका छन् । उनले सोमबार एमाले अध्यक्ष केपी शर्मा ओलीको हातबाट माला लगाएका थिए । तर, मंगलबार भने विज्ञप्ति नै निकालेर आफू माओवादी केन्द्रमा मै रहेको उल्लेख गरेका हुन् ।

विज्ञप्तिमा भनिएको छ, ‘म भित्र क्षणिक आक्रोश र आवेगमा आई राजनीतिक रुपमा गम्भीर गल्ती कमजोरी हुन गई समग्र पार्टी, बेनिघाट रोराङ र धादिङको पार्टी पंक्तिमा पर्न गएको क्षतिप्रति गम्भीर आत्माआलोचना गर्न चाहन्छु ।’ उनी झण्डै १५ वर्ष अगाडि एमाले नै थिए । माओवादी शान्ति प्रक्रियामा आएसँगै उनी माओवादी बनेका थिए । गत स्थानीय तहको निर्वाचनमा धादिङबाट स्थानीय तहको प्रमुख पदमा निर्वाचित हुने उनी माओवादीका एक्ला उम्मेदवार थिए ।