Category: डायस्पोरा

काठमाडौं\एजेन्सी । भारतमा केही नेताहरुले पैगम्बर मोहम्मदबारे दिएको विवादास्पद बयानपछि विश्वभर भारतको आलोचना भइरहेको छ । मुस्लिम धर्मावलम्बी र यसलाई मान्ने मुलुकमा भारत विरोधी प्रदर्शन भएका छन् । यस्तै प्रदर्शनमा भाग लिएका कुवेतमा काम गरिरहेका विदेशी नागरिकलाई भने समस्या सिर्जना भएको छ । कुवेतले प्रदर्शनमा भाग लिनेहरुलाई नियन्त्रणमा लिई देश निकाला गर्ने निर्णया गरेको छ । इकोनोमिक्स टाइम्सका अनुसार गत शुक्रबार नमाज लगत्तै केही मानिसहरुले प्रदर्शन गरेका थिए ।

कुवेत सरकारले विदेशी कामदारबारे नयाँ निर्णय गर्दै जसजसले प्रदर्शनमा भाग लिएका थिए, उनीहरुलाई सम्बन्धित मुलुकमै फर्काइने उल्लेख रहेको समाचारमा जनाइएको छ । सरकारले सबै प्रवासी नागरिकलाई समान कानून आकर्षित हुने समेत स्पष्ट पारेको छ ।

इश्लामिक मुलुकहरुमा विदेशी नागरिकले प्रदर्शनमा भाग लिन पाउँदैनन् । ती मुलुकमा प्रदर्शन गर्नु गम्भीर अपराध मानिन्छ । प्रदर्शन गर्नेमा पाकिस्तानी, बंगलादेशी, भारतीय र अन्य केही अरबी मुलुकका नागरिक रहेको बताइएको छ । यसरी देश निकाला गरिएका व्यक्ति पुनः सो मुलुक जान पाउँदैनन् ।

काठमाडौं । साउदी अरबमा रहेको नेपाली दूतावासले साउदी आउनुपूर्व त्यहाँको सामान्य नीति नियम, भाषा, धर्मसंस्कृति र हावापानीबारेमा बुझेर आउन नेपाली श्रमिकलाई आग्रह गरेको छ । साउदीको बारेमा सामान्य जानकारीबिना आउँदा ठूलो सङ्ख्याका नेपाली श्रमिक समस्या परेको भन्दै दूतावासले सूचनामार्फत यस्तो आग्रह गरेको हो ।

दूतावासका अनुसार साउदी आएका श्रमिकले वैदेशिक रोजगार व्यवसायी (म्यानपावर) कम्पनी र एजेन्टले जाने बेलामा भनेअनुरूपको काम र तलब नपाएको, लाखौँ रकम तिरेर आएको तर आउनासाथ आफूले दुःख पाएको भन्नेजस्ता गुनासो दिनहुँ बढेका छन् । समस्यामा पर्नेमा आफ्नै चिनजानकै मानिसमार्फत साउदी आएकाहरू धेरै रहेको दूतावासले जनाएको छ ।

नेपाल सरकारले साउदी जाने श्रमिकको विभिन्न पदअनुसारको पारिश्रमिक तोकेको छ । जसअनुसार अदक्ष श्रमिकका लागि न्यूनतम मासिक साउदीको एक हजार रियाल र खानाको सुविधाबापत तीन रियाल हुनुपर्नेछ ।

काठमाडौं । नेपालमा रहेका भारतीय नागरिकलाई आफ्नो विवरण टिपाउन काठमाडौंस्थित भारतीय दूतावासले अनुरोध गरेको छ । दूतावासले एक सूचना निकाल्दै कुनै पनि कूटनीतिक सुविधा पाउन भारतीय नागरिकले दर्ता गराउनु अनिवार्य भएको बताएको छ । यसका लागि दूतावासको वेबसाइटमा गएर अनलाइन अपोइन्टमेन्ट बुक गर्न सकिने सूचनामा जनाइएको छ ।

दर्ताका लागि भारतीय नागरिक भएको प्रमाण (पासपोर्ट वा भोटर आईडी कार्ड), जागिररविद्यार्थी आदिका लागि सम्बन्धित संस्थाको पत्र, नेपालमा बस्दै आएको ठेगानाको प्रमाण र दुई थान पासपोर्ट साइजको फोटो अनिवार्य हुनु पर्ने भएको छ । यस्तो प्रावधानले अब नेपालमा कति जना भारतीय नागरिक बसोबार गर्छन् भन्ने औसतः तथ्यांक समेत प्राप्त हुने छ ।

काठमाडौं । वैशाख महिनामा वैदेशिक रोजगारीका लागि ४५ हजार ४ नेपाली विदेसिएका छन् । यो सङ्ख्या चैत महिनाको तुलनामा साढे १० हजार जना कम हो । वैशाख महिना भर विदेशिने नेपालीको संख्या ४५ हजार ४ रहेको वैदेशकि रोजगार विभागले जनाएको छ । जबकी चैत महिनामा ५५ हजार ५२३ जना नेपाली रोजगारीका लागि विदेश गएका थिए ।

फागुनमा भन्दा चैतमा विदेश जान श्रम स्वीकृति लिनेको संख्या २ हजारले घटेको थियो । चैतमा दैनिक औसत १ सय ८५० जना श्रमिक विदेश गएकोमा चैतमा त्यो संख्या १५ सयमा झरेको छ ।

वैदेशिक रोजगारीमा जाने नेपालीको संख्या गत जेठयता लगातार उकालो लागिरहेकामा पुसबाट घट्न सुरु गरेको थियो । गत वैशाख महिनामा २३ हजार ३ सय १७ जना नेपाली नयाँ श्रम स्वीकृति लिएर विदेश गाएका थिए भने बाँकीले पुरानै श्रम स्वीकृति नवीकरण गरेका थिए 
वैशाखमा श्रम स्वीकृति नवीकरण गरेर जाने र नयाँ स्वीकृति लिएर जाने दुवै खालका श्रमिकको संख्या घटेको हो

काठमाडौं । सरकारले आर्थिक वर्षको अन्तिममा विभिन्न कार्यक्रममा सहभागी हुन जाने भ्रमण टोलीलाई अनुमती दिएको छ । जेठका लागि मात्र ५ वटा सरकारी टोलीको भ्रमण स्वीकृत भएको छ । सञ्चार तथा सूचनाप्रविधिमन्त्री ज्ञानेन्द्रबहादुर कार्कीका अनुसार एउटा भर्चुअल बैठकको लागि टोली गठन गर्ने निर्णय भएको छ । १० जेठमा बसेको मन्त्रिपरिषद बैठकले संयुक्त राज्य अमेरिकामा सञ्चालन हुने साइबर सेक्युरेटी लिडरसिप प्रोग्राम तथा ट्रेनिङमा सहभागी हुन नायब महान्यायाविधवक्ता डा. टेकबहादुर घिमिरेको भ्रमण स्वीकृत गरेको छ ।

सरकारले संयुक्त राज्य अमेरिकाको हवाईस्थित मनोलोलुमा १८ देखि २० जेठ २०७९ सम्म आयोजना हुने कन्प्रिएन्सिभ सेक्युरिटी कोर्षमा मुख्यमन्त्री तथा मन्त्रिपरिषद्को कार्यालय मधेस प्रदेशका प्रमुख सचिव कृष्णबहादुर राउतलाई पनि सहभागी हुन स्वीकृत प्रदान गरेको छ । १८ देखि २५ जेठ २०७९सम्म भारतमा आयोजना हुने हाईलेभल ‘नेपाल स्टडी मिसन टू इन्डिया अन राइट टू फूड एण्ड फूड सर्भिरेन्टी एक्ट’ कार्यक्रममा सहभागी हुन कृषि तथा पशुपन्छी विकास मन्त्री महेन्द्र राय यादव नेतृत्वको प्रतिनिधि मण्डललाई स्वीकृत दिने निर्णय पनि भएको छ ।

आगामी जेठ २९ देखि असार ५ सम्म जर्मनी, बेल्जियम र फ्रान्समा लर्निङ एण्ड नलेज सेयरिङ अन यूरोपियन कोअपरेटिभ सिस्टम एण्ड गुडप्राक्टिसेस अन एग्रिकल्चर फ्रुट एण्ड भिजिटेबल कोअपरेटिभ्स मार्केट डेभलपमेण्ट कार्यक्रममा सहभागी हुन भूमि व्यवस्था, सहकारी तथा गरिबी निवारणमन्त्री शशी श्रेष्ठको नेतृत्वको भ्रमण टोलीलाई स्वीकृत प्रदान गर्ने निर्णय पनि भएको छ ।

रुवाण्डाको किगालीमा २३ गतेदेखि असार २ २०७९ गतेसम्म आयोजना हुने वर्ल्ड टेलिकम्युनिकेशन डेभलपमेण्ट कन्फरेन्समा भाग लिन सञ्चार तथा सूचना प्रविधि मन्त्री ज्ञानेन्द्रबहादुर कार्कीलाई स्वीकृत दिने निर्णय पनि गरिएको छ । ११ जेठ २०७९मा आयोजना हुने नेपाल(चीन कुटनीतिक परामर्श संयन्त्रको भर्चुअल माध्यमबाट हुने १४ औं बैठकमा सहभागी हुन परराष्ट्र मन्त्रालयका सचिवको नेतृत्वमा प्रतिनिधि मण्डल गठन गर्ने निर्णय पनि भएको छ ।

काठमाडौं । सरकारले गैरआवासीय नेपालीलाई डिजिटल परिचयपत्र वितरण गर्ने भएको छ । सरकारले संसदमा पेश गरेको आगामी आर्थिक वर्ष २०७९÷८० को नीति तथा कार्यक्रम गैरआवासीय नेपालीलाई परिचयपत्र दिने घोषणा गरिएको हो । गैरआवासीय नेपालीले लामो समयदेखि दोहोरो नागरिकताको माग गर्दै आएका छन् । तर, सरकारले तत्काललाई रेमिट्यान्स बढाउन प्रोत्साहन गर्ने गरी डिजिटल परिचयपत्र जारी गर्ने घोषणा गरेको हो ।

‘विदेशमा नेपालीको हकहित संरक्षण गर्ने र समस्यामा परेका नेपालीलाई सहयोग गर्ने कार्यलाई प्रभावकारी बनाउने नीति लिइनेछ । कन्सुलर सेवालाई सरल, सहज र पहुँचयोग्य तुल्याउन स्थानीय तहसँगको सहकार्यलाई थप विस्तार गरिनेछ,’ नीति तथा कार्यक्रममा भनिएको छ,‘ विद्युतीय राहदानी सहज रूपमा उपलब्ध गराइनेछ ।’

काठमाडौं । नेपालमा औद्योगिक ग्राम स्थापनाका लागि नेपाल चेम्बर अफ कमर्सले मलेसियासँग आग्रह गरेको छ । पर्यटन, सूचना प्रविधि, तथा उत्पादनमा एकीकृत लगानीको अवधारणाअन्तर्गत औद्योगिक ग्राम निर्माणका लागि मलेसियालाई चेम्बरले आग्रह गरेको हो । नेपालका लागि मलेसियाका चार्ज डि अफेयर्स मोद फजले विन अवु हसनसँग काठमाडौंको जमलस्थित चेम्बर भवनमा आज भेटवार्ता गर्दै चेम्बरका अध्यक्ष राजेन्द्र मल्लले मलेसियाको लगानी सुनिश्चितताका लागि आफुहरुले पहल गर्ने बताए ।

अध्यक्ष मल्लले भने, ‘नेपाल र मलेसियाबीच श्रमको क्षत्रमा उच्चस्तरीय सहकार्य हुँदै आएको छ । रेमिट्यान्स भित्र्याउने दृष्टिकोणले पनि मलेसिया नेपालको उत्कृष्ट गन्तव्य बनेको छ । झण्डै चार लाख नेपाली युवा मलेसियामा रोजगारीमा छन् । श्रम सहकार्यसँगै अन्य विभिन्न क्षेत्रमा लगानीका लागि हामी मलेसिया सरकारलाई आग्रह गर्दछौं ।’ नेपाल र मेलेसियाबीच लगानी सम्बन्धमा सरकारी तबरमै उच्चस्तरीय सहकार्य हुनुपर्ने अध्यक्ष मल्लले बताए ।

नेपालमा खासगरी पर्यटन, जलविद्युत, सूचना प्रविधि, हस्तकलामा लगानी गर्न अध्यक्ष मल्लले आग्रह गरे । रअध्यक्ष मल्लले बैदेशिक लगानीका लागि नेपालले नीतिगत क्षेत्रमा थुप्रै सुधार गरिसकेकाले ढुक्क भएर लगानी गर्न अनुरोध गरे । मलेसियाको लगानी सुनिश्चित गर्न निजी क्षेत्रको तर्फबाट आफूहरुले पनि पहल गर्ने अध्यक्ष मल्लको प्रतिबद्धता छ ।

मलेसियाका चार्च डि अफेयर्स हसनले लगानीका लागि आफूहरु तयार रहे पनि प्रतिफलको सुनिश्चिततासम्वन्धी कानून स्पष्ट हुन नसकेको गुनासो गरे । उनले भने, ‘‘मलेसियाले सूचना प्रविधिको क्षेत्रमा पछिल्लो समय दक्षिण एसियाली राष्ट्रमा लगानी बढाइरहेको छ । हामीलाई नेपालमा पनि लगानी गर्न कुनै समस्या छैन तर प्रतिफलसम्बन्धी नीतिगत व्यवस्थामा स्पष्ट हुन सकेका छैनौं ।’’ मलेसियाले अहिले पनि लाखौं नेपाली युवालाई रोजगारी दिएको स्मरण गराउँदै हसनले आगामी दिनमा यो सङ्ख्या थप बढ्न सक्ने जानकारी दिए ।

काठमाडौं । संसदीय सुनुवाइ समितिबाट बंगलादेश, म्यानमार र ओमानका लागि सरकारद्वारा प्रस्तावित राजदूतको नाम अनुमोदन भएको छ । आइतबार सिंहदरवारमा बसेको समितिको बैठकले बंगलादेशका लागि प्रस्तावित घनश्याम भण्डारी, म्यानमारका लागि प्रस्तावित हरिश्चन्द्र घिमिरे र ओमानका लागि प्रस्तावित डोरनाथ अर्यालको नाम अनुमोदन गरेको हो ।

आइतबारको बैठकमा बंगलादेशका लागि प्रस्तावित राजदूत भण्डारीले आफ्नो कार्यकालमा बंगलादेशमा छात्रवृत्तिमा अध्ययनरत नेपालीको संख्या बढाउने र त्यहाँ देखिएका नेपालीहरुको समस्या समाधान गर्ने प्रतिवद्धता व्यक्त गरे ।

म्यानमारका लागि प्रस्तावित नेपाली राजदूत हरिश्चन्द्र घिमिरेले नेपाल पर्यटन बोर्ड र लुम्बिनी विकास कोष र अन्य सरोकारवाला निकायसँग समन्वय गरी लुम्बिनी जाऔँ, भिजिट लुम्बिनी अभियानको रुपमा सञ्चालन गर्ने योजना सुनाए । ओमानका लागि प्रस्तावित नेपाली राजदूत डोरनाथ अर्यालले नेपाल र ओमान सरकारबीच भएका सम्झौता कार्यान्वयन गर्न पहल गर्ने योजना सुनाएका छन् ।

काठमाडौ । चालू आर्थिक वर्षको १० महिनाको अवधिमा वैदेशिक रोजगारीमा जान ५ लाख भन्दा बढी मानिसले श्रम स्वीकृति लिएका छन् । पछिल्लो समय अधिकांश मुलुकले रोजगारीलाई पूर्ण रुपमा खुला गरिसकेका छन् । वैदेशिक रोजगार विभागका अनुसार चालू आर्थिक वर्षको साउनदेखि वैशाखसम्ममा रोजगारीका लागि विदेश जान श्रम स्वीकृति लिनेको सङ्ख्या पाँच लाख नौ हजार ४३० पुगेको हो । यो सङ्ख्या गत आर्थिक वर्षको सो अवधिको तुलनामा तीन गुणा धेरै हो ।

चालू आर्थिक वर्षकै चैतको तुलनामा वैशाख महिनामा श्रम स्वीकृति लिनेको सङ्ख्या केही घटेको छ । विभागका अनुसार चैतमा ५९ हजार ४६१ जनाले श्रम स्वीकृति लिएकोमा वैशाखमा ४५ हजार पाँच जनाले श्रम स्वीकृति लिए । आव २०७७÷७८ मा एक लाख ६६ हजार ६९८ जनाले श्रम स्वीकृति लिएका थिए । आव २०७६÷७७ मा एक लाख ९० हजार ४५३ जनाले श्रम स्वीकृति लिएका थिए ।

विगत तीन आर्थिक वर्षमा प्रमुख सात श्रम गन्तव्य कतार, संयुक्त अरब इमिरेटस् (यूएई) मलेसिया, साउदी अरब, बहराइन, कुवेत र ओमान हुन् । पछिल्लो समय कतार, साउदी आरब र यूएई जाने नेपालीको सङ्ख्या शतप्रतिशतले बढेको छ ।

काठमाडौं । भारत सरकारले नवीन श्रीवास्तवलाई नेपालको राजदूतमा नियुक्त गरेको छ। त्यहाँको परराष्ट्र मन्त्रालयमा अतिरिक्त सचिवका रुपमा कार्यरत उनलाई मंगलबार नेपालका लागि भारतको राजदूतमा नियुक्त गरिएको हो। भारतको परराष्ट्र मन्त्रालयका अनुसार राजदूत श्रीवास्तवले शीघ्र कार्यभार सम्हाल्ने जनाएको छ। नवनियुक्त राजदूत श्रीवास्तवले सन् १९९३ मा परराष्ट्र सेवा प्रवेश गरेका हुन् । यसअघिका नेपालका लागि तोकिएका राजदूत भारतीय विदेश सचिवमा नियुक्त बनेसँगै यो पद रिक्त थियो ।