Category: डायस्पोरा

काठमाडौं । दक्षिण अफ्रिकामा वैशाख पहिलो साता आएको बाढी-पहिरोमा परेकालाई नेपालले सहायता प्रदान गरेको छ । परराष्ट्र मन्त्रालयका अनुसार प्रेटोरियास्थित नेपाली राजदूतावासमा आयोजित एक कार्यक्रमबीच बाढी(पहिरो पीडितका लागि खाद्यान्न र लत्ता कपडा सहयोग गरिएको छ । दूतावासका उपप्रमुख ज्ञानबहादुर मगरले दक्षिण अफ्रिकाको सामाजिक विकास विभागकी उपप्रमुख क्याथे मातामेलालाई सहयोग सामग्री हस्तान्तरण गरेका छन् ।

कार्यक्रममा नियोग उपप्रमख मगरले बाढी पहिरोमा परी ज्यान गुमाउनेप्रति गहिरो समवेदना र घाइतेहरूको शीघ्र स्वास्थ्य लाभको कामना व्यक्त गरे। २०७२ को महाभूकम्पमा अफ्रिकाबाट नेपाललाई आएको सहयोगको स्मरण गर्दै उनले अहिलेको सहयोग एक मित्रका लागि अर्को मित्रका तर्फबाट भएको बताए। विभागकी उपप्रमुख मातामेलाले आवश्यक परेका बेला सहयोग गरेकोमा नेपाल र दक्षिण अफ्रिकास्थित नेपाली समुदायलाई आभार व्यक्त गरिन्।

नेपालले दिएको सहयोगमा चामल, पिउने पानी, ब्लांकेट, तेल, दूध, जुसलगायत दैनिक उपभोग्य वस्तु छन्। वैशाख पहिलो साता दक्षिण अफ्रिकाको क्वाजुलु(नातान प्रान्तलगायत ठाउँमा आएको बाढीको बाढी पहिरोमा परी ४३५ जनाले ज्यान गुमाएका थिए भने लाखौं मानिस विस्थापित भएका छन्।

काठमाडौं । काठमाडौंको महाराजगञ्जबाट २२ जना चिनियाँ नागरिक पक्राउ परेका छन् । अध्यागमन विभाग र उपत्यका अपराध अनुसन्धान कार्यालयले संयुक्त टोलीले उनीहरुलाइ पक्राउ गरेको हो । अपराध अनुसन्धान कार्यालयका अनुसार उनीहरुमाथि अध्यागमन विभाग अनुसन्धान भइरहेको छ ।

विजनेस भिसामा नेपाल आएका उनीहरुको भिसाको म्याद सकिइसकेको छ । उनीहरु भिसा अवधि सकिए पनि अनलाइन जुवा खेलाउन र विभिन्न किसिमको ठगीमा संलग्न भएको प्रहरीको अनुमान छ ।

काठमाडौं । चैत महिनामा रोजगारीका लागि विदेशिने नेपाली श्रमिकको संख्यामा बढेको छ । फागुनको तुलनामा चैतमा विदेश जान श्रम स्वीकृति लिनेको संख्या २ हजारले बढेको छ । वैदेशिक रोजगार विभागका अनुसार चैत महिनामा ५५ हजार ५२३ जना नेपाली रोजगारीका लागि विदेश गएका छन् । वैदेशिक रोजगारीमा जाने नेपालीको संख्या गत जेठयता लगातार उकालो लागिरहेकामा पुसबाट घट्न सुरु गरेको थियो । चैत महिनामा बाहिरिएका साढे ५५ हजारमध्ये २७ हजार १५६ जनाले नयाँ श्रम स्वीकति लिएका हुन् ।

अन्यले श्रम स्वीकृति नवीकरण गरेका हुन् । फागुन महिनामा ५३ हजार ४५७ जना विदेश जान श्रम स्वीकृति पाएका थिए । माघ महिनामा यस्तो संख्या ५४ हजार ४७० जना थियो । वैदेशिक रोजगार विभागका अनुसार कोरोना महामारीका कारण दुई वर्षयता वैदेशिक रोजगारीमा आएको संकट हट्दै गएपछि विदेशिने नेपालीको संख्या नियमित गतिमा फर्किएको छ । अहिले पनि खाडी मुलुक कतार, साउदी अरेबिया र यूएईमा जाने नेपालीको संख्या धेरै छ । कुवेत, ओमान लगायतका देशमा पनि नेपालीहरु गइरहेका छन् । चैत महिनादेखि मलेसियाबाट पनि माग आउन थालेकाले अब विदेसिने नेपालीको संख्या केही बढेको हो ।

काठमाडौं । कतारमा रमादानको अवसरमा २१ जना नेपालीले क्षमादान पाएका छन् । कतारका अमिर शेख तमिम बी हमाद अल थानीले इस्लाम धर्मावलम्बीको पवित्र महिना रमादानको अवसरमा ती नेपालीहरुलाई क्षमादान गरेको दोहास्थित नेपाली दूतावासले जनाएको छ । यसरी क्षमादान पाउनेमा यौनजन्य क्रियाकलापमा ३, चोरीजन्य क्रियाकलापमा ११, मादक पदार्थ बिक्री वितरणमा २ र आर्थिक हिनामिनामा मुछिएका ५ जना दोषी ठहर भई सजाय भोगिरहेका थिए । क्षमादान पाएका व्यक्तिलाई सम्बन्धित निकायले जानकारी गराउने प्रक्रिया शुरु भएको समेत दूतावासको भनाइ छ ।

काठमाडौं । एटीएम मेसिन र विद्युतीय भुक्तानीमा समस्या रहेको भन्दै अध्यागन विभागले अनअराइभल भिसा लिने पर्यटकलाक्षर्् नगद नै बोकेर आउनु पर्ने गरि ल्याएको प्रावधान खारेज गरेको छ । गत शुक्रबार विभागले यस्तो प्रावधानबारे सूचना जारी गरेपछि गृह मन्त्रालय र विभागको चर्को आलोचना भएको थियो । नेपाल आउँदा नेपाल आउने विदेशी पर्यटकहरूले विमानस्थलबाटै पाउने भिसा अर्थात् अनअराइभल भिसाका लागि दुई सय अमेरिकी डलर नगद साथमै बोकेर आउनुपर्ने प्रावधान खारेज भएको हो ।

विमानस्थल अध्यागमन कार्यालयले सूचना निकालेर एटीएम मेशिन र विद्युतीय भुक्तानी सेवामा समेत समस्या आएको भन्दै नगदै बोेकेर आउन पर्यटकसँग आग्रह गरेको थियो । अध्यागमन कार्यालयको सूचनाको चौतर्फी आलोचना भएपछि गृह मन्त्रालयले अध्यागमन कार्यालयको निर्णय खारेज गर्दै सेवा प्रवाह चुस्त बनाउन निर्देशन दिएको हो । गृह मन्त्रालयको निर्देशनअनुसार विमानस्थलको अध्यागमन कार्यालयमा राष्ट्रिय वाणिज्य बैंकको एटीएम मेशिन जडान गर्न समेत थालिएको छ । अध्यागमन कार्यालयमा राष्ट्रिय वाणिज्य बैंकका दुई वटा एटीएम मेशिन र दुई वटा पीओएस मेशिन थप गरिने भएको छ ।

काठमाडौं । सरकारले विभिन्न २० मुलुकमा नेपाली राजदूत सिफारिस गरेको छ । बिहीबार बसेको मन्त्रिपरिषद बैठकले ८ जना परराष्ट्र सेवाका र १२ जना राजनीतिज्ञ गरी २० जनालाई राजदूतका लागि सिफारिस गरेको हो । सरकारले चीनका लागि विष्णुपुकार श्रेष्ठ, दक्षिण अफ्रिकाका लागि दानबहादुर तामाङ, स्पेनका लागि शर्मिला पराजुली ढकाल, श्रीलंकाका लागि बासुदेव मिश्र, रसियाका लागि मिलन तुलाधर, अष्ट्रेलियाका लागि कैलाश पोखरेल, मलेसियाका लागि डिल्लीराज पौडेल, इजरायलका लागि शान्ता रिजाल सिफारिस गरेको छ ।

दक्षिण कोरियाका लागि ज्योति प्याकुरेल, डेनमार्कका लागि प्रा.डा. रामसोगरथ राय यादव, साउदी अरेबियाका लागि नवराज सुवेदी राजदूत सिफारिस भएका छन् । त्यस्तै नरेशविक्रम ढकाल पनि राजदूतमा सिफारिस भएको मन्त्रिपरिषद् स्रोतले जनाएको छ । परराष्ट्र मन्त्रालयका कर्मचारीहरु घनश्याम भण्डारी, हरिशचन्द्र घिमिरे, तीर्थराज वाग्ले, डोरनाथ अर्याल, सुशीलकुमार लम्साल, भरतकुमार रेग्मी, निर्मलराज काफ्ले र दुर्गाबहादुर सुवेदी समेत राजदूत बनेका छन् । राजदूतमा सिफारिस भएकाको संसदीय सुनुवाइ सम्पन्न भएपछि नियुक्ती हुने प्रावधान छ ।

काठमाडौं । शान्ति स्थापनार्थ कंगोमा खटिएका नेपाली सैनिकमाथि भएको आक्रमणबाट घाइते भएका सैनिक जवानको मृत्यु भएको छ । संयुक्त राष्ट्रसंघका महासचिवको तर्फबाट जारी एक शोक विज्ञप्तीमार्फत यसको पुष्टी गरिएको छ । अपरेसन ‘बाली’को दौरान प्रमुख सेनानी निकिल कुँवरको कमाण्डमा खटिएको नेपाली शान्ति सेनाको टोलीमाथि मंगलबार विद्रोही मिलिसियाले आक्रमण गरेको सेनाले जनाएको थियो । आक्रमणबाट एक जना नेपाली सेनाको मृत्यु भएको संयुक्त राष्ट्रसंघको शोक विज्ञप्तीमा उल्लेख छ ।

सैनिकको परिचय भने गोप्य राखिएको छ । महासचिवले शोक विज्ञप्तिमा मृतक नेपाली सैनिकप्रति श्रद्धाञ्जली व्यक्त गरेका छन् । उनले शान्ति सेनामाथि भएको आक्रमणको निन्दा समेत गरेका छन् । नेपाली सेनाको मुख्यालयका अनुसार कर्डन एण्ड सर्चको कारबाही सञ्चालन गरी विद्रोहीको स्थान कब्जा गरिसकेको अवस्थामा अज्ञात स्थलबाट आक्रमण भएको थियो । आक्रमणबाट घाइते सैनिकलाई हेलिकप्टरबाट उद्धार गरी बुनियाँस्थित लेबल–२ अस्पतालमा उपचार गर्न लगिएको थियो ।

यस्तो छ विज्ञप्ती

Statement attributable to the Spokesperson for the Secretary-General – on the Democratic Republic of the Congo 

Farhan Haq, Deputy Spokesperson for the Secretary-General 

The Secretary-General strongly condemns today’s attack against peacekeepers serving in the United Nations Organization Stabilization Mission in the Democratic Republic of the Congo (MONUSCO) in Bali, Djugu territory, Ituri province, by suspected members of the Coopérative pour le développement du Congo (CODECO) militia. The attack resulted in the killing of one peacekeeper from Nepal. 

The Secretary-General expresses his deepest condolences to the family of the fallen peacekeeper, as well as to the Government and the people of Nepal.

The Secretary-General recalls that attacks against United Nations peacekeepers may constitute a war crime. He calls on the Congolese authorities to investigate this incident and swiftly bring those responsible to justice. 

The Secretary-General reaffirms that the United Nations, through his Special Representative in the Democratic Republic of the Congo, will continue to support the Congolese Government and people in their efforts to bring about peace and stability in the east of the country.