Category: फिचर

काठमाडौं । पछिल्लो २४ घण्टामा देशभर २९३६ जना कोरोना संक्रमित थपिएका छन् ।

स्वास्थ्य तथा जनसंख्या मन्त्रालयका अनुसार देशभरका प्रयोगशालामा ९६१३ पीसीआर परीक्षणमा २००६ र ४५६९ जनाको एन्टिजेन परीक्षणमा ९३० जना गरी २९३६ जनामा संक्रमण पुष्टी भएको हो ।

यो सहित नेपालमा कोरोना संक्रमितको संख्या ६ लाख ६२ हजार ५७६ पुगेको छ । पछिल्लो २४ घण्टामा १७७५ जना संक्रमण मुक्त भएका छन् ।

यो सहित संक्रमण मुक्त हुनेको संख्या ६ लाख २८ हजार २४३ जना पुगेको छ । संक्रिय संक्रमितको संख्या २६ हजार ८२७ रहेको छ ।

पछिल्लो २४ घण्टामा४३ जना संक्रमितको मृत्यु भएको छ । यो सहित नेपालमा कोरोना मृत्यु हुनेको संख्या ९ हजार ५०६ पुगेको छ ।

काठमाडौं । नेकपा एमालेले प्रधानमन्त्री शेरबहादुर देउवा नेतृत्वको सरकारलाई विश्वासको मत नदिने निर्णय गरेको छ ।

शुक्रबार बसेको एमाले स्थायी कमिटी बैठकले नवनियुक्त प्रधानमन्त्री देउवा नेतृत्वको सरकारलाई संसदमा विश्वासको मत नदिने निर्णय गरेको प्रवक्ता प्रदीप ज्ञवालीले जानकारी दिए ।

बैठकले देउवाको विपक्षमा उभिन सांसदहरुलाई निर्देशन दिएको छ । उनले माधव नेपाल समूहका सांसदले विश्वासको मत दिए उनीहरुको व्यक्तिगत निर्णय हुने बताए ।

‘अलोकतान्त्रिक र अस्वस्थ ढंगबाट गठित सरकारलाई एमालेको कुनै समर्थन हुनेछैन,’ प्रवक्ता ज्ञवालीले भने ।

काठमाडौं । आज नेपाल कम्युनिष्ट पार्टी (एमाले)को स्थायी कमिटी बैठक बस्दैछ । बालकुमारीस्थित तुलसीलाल अमात्य प्रतिष्ठानको हलमा बिहान ११ बजे बोलाइएको बैठकमा माधव कुमार नेपाल पक्षका नेतालाई समेत निम्ता छ । तर, उनीहरु जाने नजाने निश्चित छैन । एमाले नेताहरुका अनुसार उनीहरु आए पनि वा नआएपछि आजको बैठक भने बस्नेछ ।

आजको बैठकमा प्रतिनिधि सभा विघटन र सर्वोच्च अदालतको फैसलाबारे पार्टीको आधिकारिक धारणा सार्वजनिक गरिने भएको छ । सोहीकारण समेत माधव नेपाल पक्ष सहभागी हुने सम्भावना कम छ । किनकी ओली पक्षले यो फैसलालाई बाध्यकारी रुपमा मात्र मान्दै गलत भनेको छ ।

एमाले अध्यक्ष केपी शर्मा ओलीले ८ जेठमा दोस्रो पटक गरेको प्रतिनिधि सभा विघटनलाई रद्द गरि अदालतले ब्यूताइदिएको छ । साथै प्रधानमन्त्रीमा शेरबहादुर देउवालाई नियुक्त गर्न परमादेश गरेको छ । आजको बैठकमा पार्टीको विवाद समाधान कार्यदलले तयार गरेको सहमतिको प्रस्तावलाई कार्यान्वयनमा लैजाने बारे समेत छलफल हुनेछ । स्थायी कमिटी बैठकपछि दिउँसो ३ बजे एमाले संसदीय दलको बैठक बोलाइएको छ ।

काठमाडौं । नवनियुक्त प्रधानमन्त्री शेरबहादुर देउवा आज सरकारी निवास बालुवाटार सर्दैछन् । बिहान १० बजेको साइत हेरेर उनी बालुवाटारस्थित प्रधानमन्त्रीको सरकारी निवासमा सर्न लागेका हुन् । उनी गत मंगलबार प्रधानमन्त्री नियुक्त भई सोही दिन सपथ लिएका थिए । त्यसपछि उनी मध्यरातसम्म कार्यभार सम्हालेर निजी निवास बुढानीलकण्ठ पुगेका थिए ।

प्रधानमन्त्रीले नियमित कामकाज भने सिंहदरवारस्थित कार्यालयबाटै गरिरहेका छन् । यसअघि ओलीले सबै काम बालुवाटारबाट गर्दा आलोचित बनेका थिए । देउवाले भने साउने संक्रान्तिको शुभसाइत पारेर सरकारी निवासमा सर्न लागेका हुन् । निवर्तमान प्रधानमन्त्री केपी शर्मा ओलीले बुधबार बालुवाटार छाडेका थिए ।

काठमाडौं । सरकारले संघीय संसदका दुवै सदनको अधिवेशन आव्हान गर्न राष्ट्रपतिलाई सिफारिस गरेको छ।

बिहीबार बसेको मन्त्रिपरिषद् बैठकले संघीय संसदका दुवै प्रतिनिधिसभा र राष्ट्रियसभाको अधिवेशन साउन ३ गते आइतबार अपरान्ह ४ बजे आव्हान गर्न सिफारिस गर्ने निर्णय गरेको हो।

त्यसैगरी सत्यनिरुपण तथा मेलमिलाप आयोग र वेपत्ता पारिएका व्यक्तिको छानविन आयोग र पदाधिकारीको कार्यवधि एक बर्ष थप गर्ने निर्णय पनि बैठकले गरेको छ।

काठमाडौं । काठमाडौं उपत्यकामा फेरि १० निषेधाज्ञा थपिएको छ । विहिबार बसेको काठमाडौं, भक्तपुर र ललितपुरका प्रमुख जिल्ला अधिकारीको बैठकले निषेधाज्ञा १० दिन थप्ने निर्णय गरेको छ।

हाल सञ्चालनमा रहेका पसलहरु साँझ ७ बजेसम्म खोल्न दिने निर्णय भएको भएको छ । मनोरञ्जन स्थल, सैलून, ब्युटीपार्लर, हेल्थक्लब, फुटसल, जिमखाना, पुस्तकालय, संग्रहालय र चिडियाखाना अझै सञ्चालन गर्न पाइने छैन।

विभिन्न प्रकारका सभा, सम्मेलन, सिनेमा हल, पार्टी प्यालेस, डान्सबार, दोहोरी, नाचघर, क्लब, स्वीमिङ पुल, रंगशालामा हुने दर्शकसहितको खेलकुद र मानिसहरुको भिडभाड हुने अन्य कार्यक्रम सञ्चालन गर्न नपाइने सूचनामा उल्लेख गरिएको छ ।

यस्तै, खुला स्थानमा मानिसहरु भेला जम्मा हुन, भिडभाड गर्न, सभा जुलुस, जात्रा, महोत्सव, भोज भतेर आदि गर्न/गराउन पाइने छैन् ।

विवाह, ब्रतबन्ध तथा सामूहिक रुपमा गरिने सांस्कृतिक कार्यहरु होटल तथा पार्टी प्यालेसमा गर्नरगराउन, पुजारीबाट हुने नित्य पूजा बाहेकका अन्य धार्मिक तथा सांस्कृतिक गतिविधिहरु सञ्चालन गर्न नपाउने, शैक्षिक संस्थाहरु (विद्यालय, कलेज, ट्युसन सेन्टर, तालिम केन्द्र) ले भौतिक उपस्थितिमा पठन-पाठन गर्न नपाउने उललेख गरिएको छ ।

काठमाडौं । पछिल्लो २४ घण्टामा देशभर २६६७ जना कोरोना संक्रमित थपिएका छन् ।

स्वास्थ्य तथा जनसंख्या मन्त्रालयका अनुसार देशभरका प्रयोगशालामा ८२५६ पीसीआर परीक्षणमा १७८२ र ४५१२ जनाको एन्टिजेन परीक्षणमा ८९४ जना गरी २६७६ जनामा संक्रमण पुष्टी भएको हो ।

यो सहित नेपालमा कोरोना संक्रमितको संख्या ६ लाख ६२ हजार ५७० पुगेको छ । पछिल्लो २४ घण्टामा १७५७ जना संक्रमण मुक्त भएका छन् ।

यो सहित संक्रमण मुक्त हुनेको संख्या ६ लाख २६ हजार ४६८ जना पुगेको छ । संक्रिय संक्रमितको संख्या २६ हजार ६३९ रहेको छ । पछिल्लो २४ घण्टामा ३३ जना संक्रमितको मृत्यु भएको छ । यो सहित नेपालमा कोरोना मृत्यु हुनेको संख्या ९ हजार ४६३ पुगेको छ ।