Category: फिचर

काठमाडौं । राष्ट्रप्रमुखका रुपमा निर्वाचित भइसकेपछि दलको दायराबाट माथि उठ्नुपर्ने पद राष्ट्रपति यतिबेला नेपाल कम्यूनिष्ट पार्टी (नेकपा) विवादको मियो बनेको छ । राष्ट्रपति विद्यादेवी भण्डारीले प्रधानमन्त्री केपी शर्मा ओलीले ल्याएका सबै कदममा आँखा चिम्लेर समर्थन गर्दै आएकी थिइन् । त्यसमाथि शनिबार प्रधानमन्त्रीले आफ्नो कुर्सीको बचाउमा अब राष्ट्रपतिलाई समेत मुछेका छन् ।

प्रधानमन्त्री निकटकै मानिसबाट शनिबार बिहानदेखि राष्ट्रपतिलाई महाअभियोगको हल्ला फिजाइएको थियो । त्यसकै साहारामा उनले साँझ मन्त्री र राज्यमन्त्रीहरुसँग बैठक गरी आफु दुई (राष्ट्रपति र प्रधानमन्त्री) विरुद्ध षडयन्त्र भइरहेको भन्दै अब कित्ताकाट गर्नुपर्ने अवस्था आएको उल्लेख गरेका थिए । त्यसका लागि तयार रहन समेत उनले मन्त्रीहरुलाई चेतावनी दिएका थिए ।

प्रधानमन्त्रीले आफ्नो कुर्सीको रक्षाका लागि धेरै कार्ड खेलिसकेका छन् । त्यसमा सबैभन्दा बलियो कार्ड अरुलाई भारत समर्थक र आफु भारत विरोधी राष्ट्रवादी नेता देखिनु थियो । सोहीकारण भारतले आफ्नो सत्ता उल्टाउन लागेको र त्यसमा नेपालका नेताले साथ दिएको अभिव्यक्ति उनले दिएका थिए । सोही अभिव्यक्तिका कारण आलोचनाको शिकार बनेका प्रधानमन्त्रलीले अब फेरी राष्ट्रपतिलाई केन्द्रमा तानेका छन् ।

नेकपाका नेताहरु यसलाई प्रधानमन्त्रीको अन्तिम अस्त्र मान्छन् । यो उपायमा पनि असफल भएमा उनी देशमा संकटकाल घोषणाको मुडमा हुनेछन् । किनकी उनले स्पष्ट भनेका छन्, म दुबै पद छाड्दिन् । प्रधानमन्त्रीले राष्ट्रपतिलाई एक पदको विवादमा तान्ने र त्यसमा राष्ट्रपतिले दिएका साथलाई भने धेरै मानिसले गणतन्त्र माथिकै प्रहारका रुपमा ब्याख्या गर्न थालिसकेका छन् ।

काठमाडौं । प्रधानमन्त्री केपी शर्मा ओली अब पार्टी एक भएर जान नसक्ने निष्कर्षमा पुगेका छन् । उनले सोही भावको सन्देश शनिबार मन्त्रीहरुलाई समेत दिएका छन् । शनिबार साँझ प्रधानमन्त्री निवास बालुवाटारमा मन्त्री र राज्यमन्त्रीहरुलाई बोलाएका प्रधानमन्त्रीले राष्ट्रपति र आफूविरुद्ध षडयन्त्र भइरहेको उल्लेख गरे ।

बालुवाटार स्रोतका अनुसार अब मन्त्रीहरुले समेत कित्ता छुट्याउने समय आएको भन्दै त्यसमा तयार रहन आग्रह गरे । षडयन्त्र चिर्न आफुले कदम चाल्नु पर्ने हुन सक्छ भन्दै उनले अब मन्त्रीहरुले समेत कित्ता स्पष्ट पार्नुपर्ने प्रधानमन्त्रीको भनाई थियो । यसले प्रधानमन्त्री अब पार्टी विभाजनको मुडमा पुगिसकेको संकेत मिल्ने स्रोतको भनाई छ ।

प्रधानमन्त्रीले मन्त्रीहरुसँग भेट्नु अगाडी राष्ट्रपति विद्यादेवी भण्डारीसँग भेटेका थिए । शनिबार दिउँसो राष्ट्रपतिविरुद्ध अविश्वासको प्रस्ताव ल्याउने षडयन्त्र भइरहको हल्ला संचारमाध्यममा फैलिएको छ । यसबाट प्रधानमन्त्री ओली अझ बढी आत्तिएकको पाइएको छ ।

अब प्रधानमन्त्री वार की पारको मुडमा रहेको समेत बताईको छ । उनले आज अर्का अध्यक्ष प्रचण्डसँग भेट्न मानेका थिएनन् । सोहीकारण स्थायी समिति बैठक समेत स्थगित भएको छ । ओलीले स्थायी समिति बैठकको समेत सामना गर्न सकेका छैनन् ।

धनगढी । कैलालीमा विष सेवन गरेका दुई युवतीको ज्यान गएको छ । शनिबार दिउँसो धनगढी उप–महानगरपालिका वडा नम्बर ७ बेलीस्थित मिलन सामुदायिक वनभित्र उनीहरू मृत भेटिएको प्रहरीले जानकारी गराएको छ ।

धनगढी उप–महानगरपालिका वडा नम्वर ७ की १९ वर्षीया गोमा विक र चुरे गाउँपालिकाकी २३ वर्षीया करिस्मा रावत विष सेवन गरेपछि मृत भेटिएको प्रहरीले जनाएको छ । रावत दिदीको घरमा बस्न भनी धनगढी आएकी थिइन्।

केही महिनादेखि साथी गोमासँगै बस्दै आएको बुझिएको प्रहरीको भनाई छ । जंगलमा घाँस काट्न गएका युवती बेहोस अवस्थामा लडेको देखेपछि स्थानीयले प्रहरीलाई खबर गरेका थिए। घटनास्थलमा सल्फासको बोतल भेटिएको प्रहरीले जनाएको छ ।

अत्यन्तै मिल्ने साथि भएपनि विष सेवन गरी सँगै आत्महत्याको कारण भने खुलेको छैन । शवलाई पोष्टमार्टम गर्न सेती प्रादेशिक अस्पताल पठाइएको छ । घटनाबारे थप अनुसन्धान जारी रहेको प्रहरीले जनाएको छ । पछिल्लो समय नेपालमा आत्महत्याका घटनामा उल्लेख्य वृद्धि भएको छ ।

बझाङ । बझाङमा गएको पहिरोमा मृत्यु हुनेको संख्य ६ पुगेको छ । बझाङको केदारस्युँ गाउँपालिका–८ को मल्लेसिमा गएको पहिरोमा पुरिएका ६ जनाको शव फेला परेको प्रहरीले जनाएको छ । अझै एक जना वेपत्ता रहेको बताइएको छ । एकै घरका ४३ वर्षीया रामतीदेवी जेठारा, १६ वर्षीया शान्तिकुमारी जेठारा, १३ वर्षीय बालक प्रयाग जेठारा र ७ बालिका अष्मिता जेठाराको शव फेला परेको छ ।

१५ वर्षीया बालिका सन्तु जेठारा र ८१ वर्षीय दले जेठाराको समेत पहिरामा परी ज्यान गएको छ । २० वर्षीय गिरी जेठारा अझै बेपत्ता रहेको प्रहरीले जनाएको छ । शनिबार बिहान गाउँ माथिबाट पहिरो आएपछि १७ वटा घर बगाएको थियो । धेरै मानिसले राती पहिरो आएको थाहा पाएपछि भागेर ज्यान बचाएका थिए । ७ जना भने वेपत्ता थिए ।

स्थानीय बासिन्दाका अनुसार यस घटनामा २२ वटा भैँसी, ६५ वटा बाख्रा र २४ वटा गाइगोरु समेत पहिरोमा बगेका छन् । यस गाउँमा ६५ घर परिवार छन् । बस्तीको बीचबाट आएको पहिरोका कारण अहिले गाउँ नै जोखिममा परेको छ। यसैबीच बझाङको केदारस्युँ गाउँपालिका ८ को मल्लेसीमा गएको पहिरोमा पुरिएकाहरूको उद्धार गर्न गएको सेना सवार गाडी दुर्घटनामा परेको छ।

केदारस्युँ गाउँपालिका–४ बाग्थलामा सेना चढेको गाडी दुर्घटनामा परेको जिल्ला प्रहरी कार्यालय बझाङले जानकारी दिएको छ । सेनाले से १ ज ४७७ नम्बरको जिप लिएर पहिला गएको स्थानतर्फ लागेको थियो । सोही जीप दुर्घटनामा परेको हो ।

गाडीमा नेपाली सेनाका उपसेनानी शिव श्रेष्ठसहित १५ जना चढेका थिए । गाडी सडक छेउमा पल्टिँदा नेपाली सेनाका ३ जना जवान घाइते भएका छन् । घाइते हुनेमा सिकेन्द्र चलाउने, राजु कुमाल र मीनबहादुर शाही रहेको प्रहरीले जनाएको छ । उनीहरुको अवस्था भने सामान्य छ ।

काठमाडौं । नेपालमा कोरोना संक्रमणबाट थप एकको मृत्यु भएको छ ।

स्वास्थ्य तथा जनसंख्या मन्त्रालयका प्रवक्ता डा. जागेश्‍वर गौतमको अनुसार देवदह नगरपालिका रुपन्देहीका ७५ वर्षीय पुरुषको त्रिवि शिक्षण अस्पताल महाराजगञ्जमा असार १७ गते मृत्यु भएको हो। उनलाई १४ गते अस्पताल भर्ना गरिएको थियो।

स्वास्थ्य तथा जनसंख्या मन्त्रालयका अनुसार क्षयरोगका बिरामी थिए। उपचाका क्रममा मृत्यु भएपछि उनको असार १८ गते पिसिआर परीक्षण गरिएको थियो।

योसँगै नेपालमा ३४ कोरोना संक्रमितको मृत्यु भएको छ।

काठमाडौं । नेपालमा पछिल्लो २४ घण्टामा थप २ सय ३२ जनामा कोरोना संक्रमण पुष्टि भएको छ।

स्वास्थ्य तथा जनसंख्या मन्त्रालयका प्रवक्ता डा. जागेश्‍वर गौतमको अनुसार देशका विभिन्न प्रयोगशालामा गरिएको परीक्षणमा थप २ सय ३२ जनामा कोरोना संक्रमण पुष्टि भएको हो ।

स्वास्थ्य तथा जनसं‌ख्या मन्त्रालयका अनुसार कोरोना भाइरस संक्रमितको संख्या यससँगै संक्रमितको संख्या १५ हजार ४९१ पुगेको छ ।

पछिल्लो २४ घण्टामा थप २ सय ७३ जना उपचारपछि निको भएर डिस्चार्ज भएका छन्। यो सहित डिस्चार्ज हुनेको संख्या ६ हजार ४ सय १५ पुगेको छ। मृतकको संख्या ३४ पुगेको छ ।

बझाङ । बझाङमा गएको भिषण पहिरोमा पुरिएका मध्ये दुई जनाको शव भेटिएको छ । बझाङको केदारस्युँ गाउँपालिका–८ मल्लेसीमा शनिबार राती गएको पहिरोमा १७ वटा घर बगेको स्थानीय बताएका थिए । त्यसमा पुरिएका मध्ये दुई जनाको शव भेटिएको छ । अझै केही व्यक्ति अझै सम्पर्कविहीन रहेको स्थानीयको भनाई छ । मृतकको पहिचान हुन बाँकि रहेको छ ।

प्रहरी घटनास्थलतर्फ लागेका कारण क्षतिको यकिन विवरण प्रहरी पुगेपछि मात्र प्राप्त हुने स्थानीय प्रशासनले जनाएको छ । घटनास्थलमा जिल्ला सदरमुकामबाट नेपाल प्रहरी र सशस्त्र प्रहरीको टोली लागेको छ । कालंगा जलविद्युत आयोजनामा खटिएको नेपाली सेनाको एक टोली समेत घटनास्थलतर्फ लागेको छ । तर, बाटोमा पहिरो गएको र सवारी साधन नपुग्दा जोखिम मोलेरै सुरक्षाकर्मी जान परेको प्रशासनको भनाई छ ।

बझाङ । बझाङमा पहिरोमा १७ घर पुरिएका छन् । जिल्लाको केदारस्युँ गाउँपालिका वडा नम्बर ८ मल्लेसीमा पहिरो जाँदा १७ घर पुरिएको स्थानीयलाई उदृत गर्दै प्रहरीले बताएका छ । प्रहरी घटनास्थलमा पुग्न बाँकि रहेका कारण क्षतिको एकिन विवरण भने नआइसकेको प्रहरीले बताएको छ पहिरो आएपछि स्थानीयले प्रहरीलाई खबर गरेका थिए ।

अहिले नेपाली सेना र प्रहरी टोली घटनास्थलतर्फ लागेको स्थानीय प्रशासनले जनाएको छ । पहिरोले कच्ची बाटो बगाएका कारण प्रहरी पुग्न समेत कठिन भएको छ । खोलामा बाढी बढेर तर्न समेत कठिन रहेको बताइएको छ । स्थानीय बासिन्दाका अनुसार घरमाथिको डाडाँ नै खसेर १७ वटा घर बगाएको छ । घटनामा ७ जना बेपत्ता छन् । उनीहरुको खोजी जारी रहेको छ ।

काठमाडौं । कोरोना संक्रमणबाट नेपालमा थप एक जनाको मृत्यु भएको छ । गोरखा अस्पतालमा उपचाररत पालुङटार नगरपालिका वडा नं. ७ निवासी ४४ वर्षीय पुरुषको मृत्यु भएको हो ।

शुक्रबार आइसोलेशनमा भर्ना भएका संक्रमितको शनिबार बिहान पाँचबजे मृत्यु भएको गोरखा अस्पतालद्धारा जारी विज्ञप्तीमा जनाइएको छ ।

ती पुरुष यही असार १६ गते कतारबाट आएका थिए । उनलाई पालुङटारस्थित जीवनज्योति माविको क्वारेन्टिनमा राखिएको थियो । त्यहाँ लगातार खोजी लागेपछि स्वाब संकलन गरी परीक्षणका लागि पठाइएको थियो ।

उनी मधुमेह रोगका दीर्घरोगी रहेको अस्पतालले जारी गरेको प्रेस विज्ञप्तिमा जनाइएको छ। योसँगै नेपालमा कोरोनाले मृत्यु हुनेको संख्या ३३ पुगेको छ। गण्डकी प्रदेशमा कोरोना संक्रमणबाट मृत्यु हुनेको संख्या ३ पुगेको छ ।

यसअघि कोरोना संक्रमण पुष्टि भएका स्याङ्जाका ६० र ५५ वर्षीय पुरुषको पोखरामा उपचारका क्रममा मृत्यु भएको थियो ।

काठमाडौं । शुक्रबार नेकपा भित्रको विवाद मिलाउने सन्दर्भमा प्रधानमन्त्री केपी शर्मा ओली र अध्यक्ष प्रचण्ड बीच करीव चीन घण्टा वार्ता भयो । वालुवाटारमा भएको यो वार्तालाई निर्णायक माानिएको थियो । वार्तामा दोस्रो पुस्ताका नेता विण्णु पौडेल र जनार्दन शर्मासमेत सहभागी भएका थिए । नेकपा स्रोतका अनुसार वार्तामा दुबै नेता आफ्नो अडानमा टसमस भएनन् ।

त्यसकारण शुक्रबार कुनै निष्कर्ष भने निस्किएन । यद्दपी बिहीबार विकसित राजनीतिक परिस्थितिका बीच नेकपा फुटिहाल्छ की भन्ने अनुमान भने शुक्रबार दुई नेताको वार्तापछि केही मत्थर भएको छ । शनिबार स्थायी कमिटि बैठक आह्वान गरिएको छ । त्यसअघि नै दुई नेता पुनः बसेर विवाद साम्य बनाउने सन्दर्भमा दुई नेताबीच सहमती भएको स्रोतको भनाई छ ।

दुबै नेताबीच सौहार्दपूर्ण वातावरणमा बैठक भएको र पार्टी एकता कायम राख्ने सन्दर्भमा भने सहमती देखिएको बताइएको छ । शुक्रबार प्रधानमन्त्रीको समर्थनमा कृतिम जुलुसहरु बजारमा निस्किएपछि त्यसले पार्ने प्रभावका सन्दर्भमा प्रचण्डले सचेत गराएका छन् ।

प्रधानमन्त्री केपी शर्मा ओलीले पछिल्लो समय आफ्नो सरकार ढाल्न भारतले चलखेल गरेको र त्यसमा नेताका नेताले साथ दिएको अभिव्यक्ति दिएपछि नेकपामा विवाद चुलिएको हो ।

आफ्नो सत्ता टिकाउन भारतीय कार्ड प्रयोग गरेको भन्दै पार्टी भित्रै प्रधानमन्त्रीको व्यापक आलोचना भइरहेको छ । नेकपाका अधिकांश स्थायी समिति सदस्य प्रधानमन्त्रीको विपक्षमा देखिएका छन् ।

काठमाडौं । नेपालमा पछिल्लो २४ घण्टामा थप ७ सय ४० जनामा कोरोना संक्रमण पुष्टि भएको छ।

स्वास्थ्य तथा जनसंख्या मन्त्रालयका प्रवक्ता डा। जागेश्‍वर गौतमको अनुसार देशका विभिन्न प्रयोगशालामा गरिएको परीक्षणमा थप ७ सय ४० जनामा कोरोना संक्रमण पुष्टि भएको हो ।

स्वास्थ्य तथा जनसं‌ख्या मन्त्रालयका अनुसार कोरोना भाइरस संक्रमितको संख्या १५ हजार २ सय ५९ पुगेको छ ।

पछिल्लो २४ घण्टामा थप ८२३ जना उपचारपछि निको भएर डिस्चार्ज भएका छन्। यो सहित डिस्चार्ज हुनेको संख्या ६ हजार १ सय ४३ पुगेको छ।

काठमाडौं । नेपालमा कोरोना संक्रमणको कारण थप एक जनाको मृत्यु भएको छ।

स्वास्थ्य तथा जनसंख्या मन्त्रालयका प्रवक्ता डा. जागेश्वर गौतमका अनुसार नयाँ बानेश्वर बस्दै आएका ८५ वर्षीय एक पुरुषको असार १७ गते मृत्यु भएको हो।

उनलाई उच्च रक्तचाप र पार्किन्सनको समस्या भएपछि अस्पताल पुर्‍याइएको थियो।

मृतक ती पुरुषको पिसिआर परीक्षण गर्दा पोजेटिभ आएको गौतमले बताए।

हालसम्म कोरोनाका कारण मृत्यु हुनेको संख्या ३२ पुगेको छ।

काठमाडौं । रोल्पामा क्वारेन्टिनमै आत्महत्या गरेका एक पुरुषमा कोरोना संक्रमण पुष्टि भएको छ ।

बुधबार झुन्डिएर आत्महत्या गरेका रोल्पा, गंगादेव गाउँपालिका ५ का ३१ वर्षका पुरुषमा कोरोना भाइरस पोजेटिभ देखिएको हो ।

राप्ती स्वास्थ्य विज्ञान प्रतिष्ठानमा शुक्रबार गरिएको पीसीआर परीक्षणका क्रममा उनमा संक्रमण पुष्टि भएको हो । मृतक दुवईबाट गत असार १० गते रोल्पा पुगेका थिए । क्वारेन्टिनहरु खाली नभएपछि गाउँकै काका नाता पर्नेको घरमा बस्दै आएका उनले झुण्डिएर आत्महत्या गरेका थिए ।

संक्रमण पुष्टि भएपछि उनको सम्पर्कमा आएका ब्यक्तिको पनि स्वाब परीक्षणको तयारी गरिएको छ ।

गुल्मी । पहाडी जिल्ला गुल्मीमा पहिरोले क्षति पुर्याउन थालेको छ । लगातार वर्षाछि गुल्मीको इश्मा गाउँपालिका–१ मल्दी ढाँटफाँट भन्ने स्थानमा पहिरोले घर बगाउँदा दुई जना वेपत्ता भएका छन् । पहिरोमा परेका दुई जनाको उद्धार भएको छ ।

एक जना महिला र एक जना पुरुष वेपत्ता रहेको स्थानीय प्रशासनले जानकारी गराएको छ । एकजना महिला र एकजना पुरुषको भने उद्धार गरिएको हो । गुल्मीमा गएरातदेखि अविरल वर्षा भएको थियो । यस स्थानमा मात्र १५–२० घर जोखिममा रहेको बताइएको छ ।

घटनास्थलमा प्रहरी तथा सैनिक टोली पुगेका छन् । गुल्मीमा पहिरोले अन्य विभिन्न स्थानमा पनि क्षति पुर्याएको र त्यसको विवरण आउने क्रममा रहेको बताइएको छ । स्थानीय कच्चि सडकमा समेत यातायात बन्द भएको छ ।

काठमाडौं । प्रधानमन्त्री केपी शर्मा ओलीले प्रधानमन्त्री र नेकपाको अध्यक्ष दुबै पद नछाड्ने अडान दोहोर्याएपछि सत्तारुढ नेपाल कम्युनिस्ट पार्टी (नेकपा)को विवाद उत्कर्षमा पुगेको छ । राष्ट्रपतिसँग मिलेर सुटुक्क संसद अधिवेशन स्थगित गरेका प्रधानमन्त्रीले पार्टी फुटाउने गरी फेरी अध्यादेश ल्याउने तयारी गर्न लागेको आशंका गरिएको छ ।

नेकपाको स्थायी कमिटी बैठक दुई दिनका लागि स्थगित भएको छ । बिहीबार प्रधानमन्त्रीले राष्ट्रपतिसँग भेटेका छन् भने अर्को अध्यक्ष प्रचण्डले समेत राष्ट्रपतिसँग भेट गरेका छन् । सभामुख र पार्टीलाई समेत वेवास्था गरी संसद अधिवेशन अत्न्य गरेपछि प्रचण्ड र माधव नेपाल फेरी चिढिएका छन् । यता, प्रधानमन्त्रीले भने प्रधानमन्त्री र अध्यक्ष दुबै पद नछाड्ने अडान आज पनि दोहोर्याएका छन् ।

आइतबार प्रधानमन्त्री केपी शर्मा ओलीले सार्वजनिक मञ्चबाटै भारतले आफूलाई पदबाट हटाउन खोजेको र त्यसमा नेपालका नेताले साथ त्यसमा लागेको अभिव्यक्ति दिएलगत्तै नेकपाको विवाद सघन बनेको हो । बिहीबार विभिन्न चरणका बैठकमा ओलीले आफ्नो अडान छाडेनन । जसले गर्दा अन्य नेता सशंकित बनेका हुन् ।

बिहीबार दिनभर बालुवाटार र शीतल निवासको दौडधुपपछि प्रचण्ड र नेपाल पक्षका नेताहरू अब पार्टी एकता लामो समय नजाने निष्कर्षमा पुगेको बताइएको छ । सोहीकारण ओलीले पार्टी फुटाउन सजिलो हुने गरी अध्यादेश ल्याउने तयारीमा रहेको र उक्त प्रयोजनका लागि संसद बैठक स्थगित गरेको तर्क नेताहरुले गरेका छन् । संसद बैठक अकास्मात बन्द गरिएकोप्रति भने विपक्षी दलहरुले समेत विरोध गरेका छन् । प्रधानमन्त्री स्थायी समिति बैठकमा गएका छैनन् । तर, बैठक उनकै निवास बालुवाटारमा बसिरहेको छ ।

काठमाडौं। नेपालमा पछिल्लो २४ घण्टामा थप ४ सय ७३ जनामा कोरोना संक्रमण पुष्टि भएको छ।

स्वास्थ्य तथा जनसंख्या मन्त्रालयका प्रवक्ता डा. जागेश्‍वर गौतमको अनुसार देशका विभिन्न प्रयोगशालामा गरिएको परीक्षणमा थप ४ सय जनामा कोरोना संक्रमण पुष्टि भएको हो ।

जसमा १०९ महिला र ३६४ पुरुष रहेका छन् ।

योसँगै नेपालमा कोरोना संक्रमितको संख्या संक्रमितको संख्या १४ हजार ५१९ पुगेको छ ।

पछिल्लो २४ घण्टामा थप ६६४ जना उपचारपछि निको भएर डिस्चार्ज भएका छन्। यो सहित डिस्चार्ज हुनेको संख्या ५३२० पुगेको छ।

कुल संक्रमितमध्ये ३१ जनाको मृत्यु भएको छ।

काठमाडौं । नेपालमा कोरोना संक्रमणबाट थप एक जनाको मृत्यु भएको छ । घाँटीमा समस्या देखिएपछि त्रिवि शिक्षण अस्पताल महाराजगञ्जमा भर्ना भएका ४८ दिनका शिशुको कोरोना संक्रमणबाट मृत्यु भएको हो ।

मंगलबार कोरोना पुष्टि भएका ती शिशुको बुधबार राति मृत्यु भएको अस्पतालले जनाएको छ।
म्याग्दी घर भएका शिशुलाई श्वासप्रश्वासमा समस्या भएपछि ती शिशुको सोमबार घाँटीको शल्यक्रिया गरिएको थियो।

शल्यक्रिया गर्नुअघि कोरोना परीक्षणका लागि सोमबार राति उनको पिसिआर परीक्षण गर्दा कोरोना पोजिटिभ देखिएको थियो। उनको बुबा, आमा र फुपुमा कोरोना संक्रमण परीक्षण गर्न नमुना सं‌कलन गरी पठाइएको छ ।

योसँगै नेपालमा ३१ जना कोरोना संक्रमितको मृत्यु भएको छ।

काठमाडौं । सरकारले संसद्को चालू अधिवेशन अन्त्य गर्ने निर्णय गरेको छ ।

बिहिबार बसेको मन्त्रिपरिषद बैठकले आज ५ बजेपछि लागू हुने गरी संसद्को जारी अधिवेशन अन्त्य गर्ने निर्णय गरेको हो ।

मन्त्रिपरिषदको सिफारिसमा राष्ट्रपतिले संसद् बैठक अन्त्य गर्ने प्रावधान छ ।

आगामी सोमबारका लागि बैठक बोलाइएको भएपनि त्यसअघि नै अधिवेशन स्थगनको निर्णय भएको हो ।

आजै मन्त्रिपरिषद् बैठक अगाडि प्रधानमन्त्री केपी शर्मा ओलीले राष्ट्रपति विद्यादेवी भण्डारीलाई भेटेका थिए ।

बारा । बारामा चट्याङ लागेर चार जना महिलाको ज्यान गएको छ । बाराका दुई छुट्टाछुट्टै बिहाीबार बिहान परेको चट्याङले उनीहरुको मृत्यु भएको हो । घटनामा ५ जना घाइते छन् ।
बिहीबार बिहान साढे सात बजे खेतमा चट्याङ परेको थियो । त्यसबेला खेतमा धान रोपिरहेका महिलाहरु यसको शिकार बन्न पुगेका हुन् । खेतमा धान रोपीरहेका बाराको कलैया उपमहानगरपालिका–१२ की ३५ वर्षीया आशादेवी महतो र सोही ठाउँ बस्ने ४५ वर्षीया हलिमा खातुनको मृत्यु भएको हो ।

उता, फेटा गाउँपालिका–१ त्रिवेणीका ३० वर्षीया इन्दुदेवी महतो र ४० वर्षीया सुनरपति देवी महताको पनि मृत्यु भएको प्रहरीले पुष्टी गरेको छ । चट्याङले सोही ठाउँ बस्ने अन्य ५ जना पनि घाइते छन् । उनीहरुको उपचार भइरहेको छ ।